*****************************************************
* ii"saana"sivagurudeva paddhati  
* of ii"saana"siva gurudeva
* Vol. –I
* Edited by  T. Ga.napati "saastrii  
* University of Trivandrum  1920
* Data entered by the staff of Muktabodha
* under the supervision of Mark S.G. Dyczkowski
* Velthius transliteration
* Revision 0 January 28, 2007
****************************************************



"srii.h 

ii"saana"sivagurudevapaddhati.h 

"sriimadii"saana"sivagurudevami"sraviracitaa |

(prathama.h saamaanyapaada.h)


vaagii"svara.m ta.m giri"sa.m gira.m taa.m gaurii.m ga.ne"sa.m ca mata"ngajaasyam |
duurgaa.m ca durgaartiharaa.m viri~nca.m lak.smii.m ca lak.smii"samapi prapadye || 1-1 ||

guruunala.m gauravato gariiyasa.h samaahita.h sarvasamaan mahiiyasa.h |
mahaamahimnaa mihiraanivoditaa.mstamomahaamohaharaan nato.asmyaham || 1-2 ||

vist.rtaani vi"si.s.taani tantraa.ni vividhaanyaham |
yaavatsaamarthyamaalocya kari.sye tantrapaddhatim || 1-3 ||

ananyatantrasaapek.sasvaarthasandohasa"ngatim |
.rddhairvidhaanamantraarthairvedyaa.m "srutimivaaparaam || 1-4 ||

prasannaa.m naatiku.tilaa.m naatisa.mk.sepavistaraam |
citraa.m bahugu.naa.m vi.s.no.h "sayyaa.m bhogavatiimiva || 1-5 ||

vividhacchandasa.m naanaav.rttaala"nkaaravar.nakaam |
sevyaa.m kaamijanasye.s.taa.m lalitaa.m pramadaamiva || 1-6 ||

vi.sagrahaamayaadiinaa.m pra"samopaayadar"siniim |
mantrabimbau.sadhidhyaanairvidyaa.m sa~njiiviniimiva || 1-7 ||

asuh.rnnigrahoccaa.tavidve.sastambhamohanai.h |
utsaadamaara.nopaayairda.n.daniitimivaaparaam || 1-8 ||

puutanaanarakaari.s.tadamanaadau vicak.sa.naam |
satyabhaamaasamaa"sli.s.taa.m yathaa muurti.m muradvi.sa.h || 1-9 ||

manubhirbahubhiryuktaa.m daivatai"scaapi tatsamam |
k.rtatretaadikalpai"sca "sarada.m brahma.no yathaa || 1-10 ||

nijasa"nketamaargaj~nairadhigamyaa.m p.rthagvidhai.h |
yantrairduuriik.rtaanarthaa.m durgabhuumimivaaparaam || 1-11 ||

nirgatadvaaparaa.m dharmatanayasvargayogata.h |
kaliprasa"ngaka.tukaa.m kaalasyeha gatiryathaa || 1-12 ||

paadai"scaturbhirnaatyartha.m bhinnaarthaprasavairyutaam |
caturyugakramaayattaa.m vaidhasiimiva kalpanaam || 1-13 ||

ekaamapi p.rthaglak.syapuurvaardhaaparalak.sa.naam |
muurti.m vinaayakasyeva gajavaktraa.m naraak.rtim || 1-14 ||

mahendrajaalavij~naanaprapa~ncajananii.m yathaa |
tadvidaa.m pratyayaavedyaa.m muktidaa.m "saktimai"svariim || 1-15 ||

* * * * * * ka * * * ma * vibhaagata.h |
mok.saprasaadhanii.m tattatkramaavedyaa.m trayiimiva || 1-16 ||

saprayogaa hi manava.h saa"ngadaivapuraskriyaa.h |
sacchandomunidigbandhaa.h sadhyaanaa.h saprayojanaa.h || 1-17 ||

savidhaanaa"sca lak.syante mantraaste syu"scaturvidhaa.h |
biijaani biijamantraa"sca mantraa maalaakhyamantrakaa.h || 1-18 ||

naanaak.saraa.naa.m sa.myogaad biija.m syaadvaikamak.saram |
biijamantraa da"saar.naadho mantraa.h syurvi.m"sateradha.h || 1-19 ||

vi.m"satyar.naadhikaa ye tu maalaamantraa bhavanti te |
praaye.na baalye biijaani siddhi.m yacchanti bhuuyasiim || 1-20 ||

biijamantraastu kaumaare mantraa yauvanasiddhidaa.h |
vaarddhake.api ca sidhyanti maalaamantraa.h sadaiva hi || 1-21 ||

"sraddhaabhaktisamabhyaasaat sarve sidhyanti sarvadaa |
mananatraa.nadharmitva.m vaacake daivatasya tu || 1-22 ||

yatra tanmantrasa.mj~na.m syaanna tad biije.su vaa bhavet |


atra ratnatraye –

mananaat sarvabhuutaanaa.m traa.naat sa.msaarasaagaraat |
mantraruupaa hi tacchaktirmananatraa.nadharmi.nii || iti ||


vaacyavaacakayoraikyamadhigamya guraavapi || 1-23 ||

tad daivatasamaa.m bhakti.m vidadhiitaatmasiddhaye |
lipirvai sarvamantraa.naa.m "sabdaanaa.m caiva maat.rkaa || 1-24 ||

saa tu "sakte.h samutpannaa "saktibiijaatmikaa mataa |
nirvikalpaatmaka.m bra(hma) yannityaanandavigraham || 1-25 ||

"siva.m tadacala.m vi"svasvabhaava.m bhaasaka.m param |
susuuk.sma.m cirddhana.m vyaapi sarvaga.m tada.nora.nu || 1-26 ||

mahato.api mahacchuddhamicchaaj~naanakriyodayam |
aadisargamukhe j~naanacikiir.saayatnadhaara.naat || 1-27 ||

sva"saktivyaktimaadhatte pradiipa.h svaprabhaamiva |
sattva.m rajastama"scaitacchuklaraktaasitaprabham || 1-28 ||

"saktirbhavatyajaa hyekaa vi"svodbhavavidhaayinii |
saa "saktirbindutaameti bindu.h so.api tridhaa bhavet || 1-29 ||

bindurnaado rava"sceti sa ravo.avyaktami.syate |
avyaktaadudita.m tattva.m mahaannaama tribhedakam || 1-30 ||

mahata"scaapyaha"nkaarastredhaa sa ca nigadyate |
vaikaarikastaijasa"sca bhuutaadiriti caapara.h || 1-31 ||

tasmaacchaaktaadaha"nkaaraaddhakaaro gho.savaanabhuut |


atra "sriikaalottare –

naadaakhya.m yat para.m biija.m sarvabhuute.svavasthitam |
muktida.m parama.m divya.m sarvasiddhipradaayakam ||

saanta.m sarvagata.m "suunya.m maatraadvaada"sabhi.h sthitam |
hrasvaa brahma samaakhyaataa diirghaa hya"ngaani .sa.nmukha || iti ||

ratnatraye.api –

sa tu "sabda"scaturdhaa vaagvaikharyaadivibhedata.h |
jaayate bindusa.mk.sobhaadanantasyaarthasiddhaye || iti |


"saktirnaado mahaamaayaa vyometi ca caturvidham || 1-32 ||

bindorevaasya tu puna"scatasro v.rttaya.h sm.rtaa.h |
vaikharii madhyamaa caiva pa"syantii caapi suuk.smayaa || 1-33 ||

vyutkrame.na bhavantyetaa.h ku.n.dalinyaadita.h kramaat |
suuk.smaa ku.n.daliniimadhye jyotirmaatraatya.niiyasii || 1-34 ||

a"srotravi.sayaa tasmaadudgacchantyuurdhvagaaminii |
svaya.m prakaa"saa pa"syantii su.sumnaamaa"sritaa bhavet || 1-35 ||

saiva h.rtpa"nkaja.m praapya madhyamaa naadaruupi.nii |
anta.hsa~njalpamaatraa syaadavibhaktordhvagaaminii || 1-36 ||

saivora.hka.n.thataalusthaa "siroghraa.nadvijopagaa |
jihvaamuulo.s.thani.s.tyuutaa k.rtavar.naparigrahaa || 1-37 ||

"sabdaprapa~ncajananii "srotragraahyaa tu vaikharii |
hakaara.h savikaaro.atha rephe.na samayujyata || 1-38 ||

iikaaramabhajat tasmaad bindunaadavibhuu.sita.h |
"saktibiija.m hi tadyogaat prapa~ncotpattikaara.nam || 1-39 ||

haratvaacca haritvaacca pu.mprak.rtyostu yuktayo.h |
"sli.s.toccaaritayo.h "saabda.m ruupa.m tadbiijamiiritam || 1-40 ||

hakaarastu bhavet praa.no repho vahnirudaah.rta.h |
iikaarastu bhavenmaayaa bindurii"svara ucyate || 1-41 ||

naada.h sadaa"sivo j~neyo naadaantastu "siva.h svayam |
hakaaro vyaktimaapanno haardagho.savivak.sita.h || 1-42 ||

akaarataa.m gatastasya bhedo hyak.sarasa"ngati.h |
uukaaraantaanyakaaraadiinyak.saraa.ni .sa.dasya tu || 1-43 ||

vik.rti.h syaad vi"se.se.na rephasya tu .r .R .l .L |
iikaarabhedatastvaasannekaaraadyak.saraa.ni .sa.t || 1-44 ||

ittha.m .so.da"sadhotpannaa.h svaraakhyaa.h "saktibiijata.h |
"saktya"ngatvaat kalaaste syuram.rtaa.m"sukalaatmakaa.h || 1-45 ||

hrasvaa.h svaraa binduyutaa.h pumaa.mso.agnyarkaruupi.na.h |
diirghasvaraa visargaantaa.h striili"ngaa.h somaruupi.na.h || 1-46 ||

.r.R.l.Lcatu.ska.m tu saumyaagneya.m napu.msakam |
svaraa.naamudayaadya.m tu purastaadiha likhyate || 1-47 ||

iti svaraadhikaara.h |

hakaara.h "sabdagu.navaanakaaramas.rjat pura.h |
vyomna.h spar"sagu.no vaayu.h spar"saakhyaa.h kaadayo.abhavan || 1-48 ||

pa~ncapa~ncaak.saraaste syu.h pa~ncavargaastvinaatmakaa.h |
yaadyak.saracatu.ska.m tu vaayvagnik.smaambhasaa.m tanu.h || 1-49 ||

spar"so ruupa.m tathaa gandho rasaakhyastadgu.naa.h kramaat |
"se.saastu vyaapakaa.h "saadyaa.h saagnii.somaa.h svarasp.r"sa.h || 1-50 ||

ittha.m pa~ncaa"sadutpannaa var.naa.h "saktiprabhedata.h |
kaadaya.h pa~ncavi.m"saar.naa yaadaya.h "saadayastathaa || 1-51 ||

sthaanaprayatnabhedena jaayante khalvakaarata.h |
akaaraadisvarairyuktahalaa.m yogaanmitho.api ca || 1-52 ||

"sabdaprapa~nca.h sarvo.api vicitra.m jaayate sphu.tam |

halaamadhikaara.h |

saiva "saktirdvidhaa bhuutaa taaro vaagbhavamityapi || 1-53 ||

akaara"scaapyukaaro.atha makaaro bindunaadavaan |
taaraakhya.h pra.navo hye.sa "sabdabrahmaatmako mata.h || 1-54 ||

a-iimabindunaadaa.dhya.m vaagbhava.m biijamiiritam |
vi"svavaagbhuutida.m tattu vaagii"svaryaastanurbhavet || 1-55 ||

pra.navastu "siva.h saak.saad vaagbhava.m "saktirai"svarii |
"saktibiija.m tathaa taaro vaagbhava.m ca tata.h param || 1-56 ||

akaaraadiini pa~ncaa"sadak.saraa.nyanupuurva"sa.h |
tadbhedajaa"sca yaa vaaco de"sabhaajaa vilak.sa.naa.h || 1-57 ||

vedaa.h saa"ngaa.h puraa.naani "saastraa.ni vividhaani ca |
aakaa"saadiini bhuutaani tanmaatraa.niindriyaa.ni ca || 1-58 ||

mano buddhiraha"nkaaro raaga.h kaala.h kalaastathaa |
bahunaa ki.m pralaapena ya.h "sabdaarthaatmako.akhila.h || 1-59 ||

prapa~nca.h "saktijo hye.sa "saktistasmaattu maat.rkaa |
asyaa.m tu maat.rkaakhyaayaa.m lipitva.m likhyate yata.h || 1-60 ||

ak.saratva.m k.saraabhaavaad var.natva.m var.nasa"ngrahaat |
ar.natvamam.rtaatmatvaadar.no.ambha.h kathyate yata.h || 1-61 ||

khaanilaagnyabdharitryaakhyaa hayarephaa valaavapi |
upaadaanaani vi"svaatmamaat.rkaayaastu pa~nca vai || 1-62 ||

avargo.asyaa mukha.m saa"nga.m kacavargau bhujadvayam |
.tatavargau tathaa paadau paar"svayugma.m paphau matau || 1-63 ||

p.r.s.tha.m bakaaro naabhistu bhakaaro h.rnmakaarata.h |
tvagas.r"nmaa.msamedosthimajjaa"suklaani yaadaya.h || 1-64 ||

dhaatava.h sapta var.naa.h syurhakaara.h praa.na i.syate |
sphuurti.h k.sakaara.h sakrodho vi"svalokamayii tanu.h || 1-65 ||

bhuuraadyaa.h sapta ye lokaa.h paataalaani ca sapta vai |
brahmaadistambaparyanta.m maat.rkaayaa.m vyavasthitam || 1-66 ||

suuryaadyaastu grahaa.h sapta vargebhya.h p.rthagudgataa.h |
avargaadudgata.h suurya.h kavargaadapi bhuusuta.h || 1-67 ||

cavargaad bhaargavo j~nastu .tavargaad taa(li?di)kaad guru.h |
pavargaacca "sani"scandro yavargaadabhavad vibhu.h || 1-68 ||

nak.satraa.nyaa"svinaadiini me.saadyaa raa"sayastathaa |
maat.rkaak.sarasambhedaat kathyante parato.atra vai || 1-69 ||

pa~ncaa"sadak.sarebhyastu pa~ncaa"sad rudramuurtaya.h |
samudgataastathaa rudra"saktayastatprasa.mkhyayaa || 1-70 ||

vi.s.numuurtivi"se.saa"sca taavatyo vi.s.nu"saktaya.h |
o.sadhya"scaapi pa~ncaa"sada.s.tatri.m"sat kalaastathaa || 1-71 ||

taaraat pa~ncaprabhedaat tu pa~ncaa"sadabhavan kalaa.h |
eva.m hi maat.rkotpattiraagamoktaa pradar"sitaa || 1-72 ||

prapa~ncasaarakathitaa yathaavadiha sa"ngrahaat |
atroddhriyante biijaani biijamantraa.h samantrakaa.h || 1-73 ||

uddhaaravyatyayaadi syaanmaalaamantre.su kalpanaa |
tata.h para.m yathaapaa.tha.m vij~neyaa nipu.nai.h sphu.tam || 1-74 ||

hu.mpha.t va.sa.t namo vau.sa.da"ngaani parivaarakaa.h |
yathaavadatra likhyante bhagavacchabdasa.myutaa.h || 1-75 ||

yuktaak.saraa.ni ca spa.s.ta.m svaahaakaare ca .thadvayam |
da.n.daardhendurbhaved bindu.h sargo bindudvaye mata.h || 1-76 ||

mantraastu maanava.h khyaataa.h vakaaro brahmasa.mj~nita.h |
vi.sakaalau makaara.h syaad dhaatavo yaadayo mataa.h || 1-77 ||

ta eva marudagniilaambhaa.msi vaantaa bhavanti hi |
kha.h praa.nabhuvane"saakhyo hakaara.h "sivasa.mj~nita.h || 1-78 ||

kacavargau .tatau tadvad vyatyastau hi parasparam |
paphabaa"sca bhamak.saa"sca vyatyaya.m te trayastraya.h || 1-79 ||

ya"savargau mithastadvad vedyau vyatyastavar.nakau |
svare.su vyatyayo ne.s.tastadvad yuktaak.sare.svapi || 1-80 ||

"sriika.n.thaadyaa"sca ye rudraa nyaasasthaanaani vaa lipe.h |
tattadak.saravij~naptyai sa"nketaaya bhavanti hi || 1-81 ||

sa.mkhyaast.rtaga.no devaa bhuutaani bhuvanaani ca |
yathaasa"nkhya.m tathaa vidyaat svaraa.h sapta di"so da"sa || 1-82 ||

baa.naastu pa~nca vai sapta samudraa munayastathaa |
vedaa"scatvaara eva syustrayo raamaa"strayo.agnaya.h || 1-83 ||

nandaastu nava catvaaro yugaa vedyaa rasaa"sca .sa.t |
uktaatyuktaa tathaa madhyaa prati.s.thaa suprati.s.thitaa || 1-84 ||

gaayatryu.s.niganu.s.tup ca b.rhatii pa"nktireva ca |
t.r.s.tup ca jagatii tadvat tato.atijagatii mataa || 1-85 ||

"sakvarii caati"sakvaryaa hya.s.tiratya.s.tireva ca |
dh.rti"scaatidh.rti"scaiva k.rti.h prak.rtiraak.rti.h || 1-86 ||

vik.rti.h sa.mk.rti"scaiva proktaabhik.rtirutk.rti.h |
etaasaa.m chandasaa.m sa.mkhyaa kvacidatra vidhiiyate || 1-87 ||

tattvasa.mkhyaa bhaved yatra graahya.m .sa.ttri.m"sadeva hi |
tathaa .sa.ttri.m"sadeva syu.h "saive tattvaani sa.mkhyayaa || 1-88 ||

ka.tapaayacaturvargaa na~nasandhisvarairm.rtai.h |
navabhirnavapa~ncaa.s.tavar.nai.h sa.mkhyaatra vaa bhavet || 1-89 ||

sa"nketaadhikaara.h |

ityaya.m vastunirde"so granthe.asmin vidito yathaa |
sukhaavabodho hyarthaanaa.m bhavatyeve.s.tasiddhaye || 1-90 ||

"sabdabrahma yadekamak.saramaja.m caitanyamaatra.m yato 
vi"svotpattivinaa"sapaalanavidhau nityotthitaa muurtaya.h |

yasmaadak.saravigrahaa bhagavatii jaataa svaya.m maat.rkaa 
tacchaakta.m pra.navaakhyabiijamakhila.m nyagrodhabiija.m vidu.h || 1-91 ||


iti "sriimadii"saana"sivagurudevami"sraviracite tantrasaarapaddhatau vastunirde"samaat.rkopapattinir.nayo naama prathama.h pa.tala.h ||

atha dvitiiya.h pa.tala.h 

"sriika.n.tho.anantasuuk.smau ca trimuurtiramare"svara.h |
a"svii"so bhaarabhuuti"sca tithii"sa.h sthaa.nuko hara.h || 2- 1 ||

jha.n.tii"so bhautika.h sadyojaata"scaanugrahe"svara.h |
akruura"sca mahaasena.h .so.da"saite svare"svaraa.h || 2-2 ||

atha krodhe"saca.n.de"sapa~ncaantaka"sivottamaa.h |
ekarudra"sca kuurmaikanetrau ca caturaanana.h || 2-3 ||

aje"sa"sarmasome"saastrayo laa"ngalidaarukau |
ardhanaarii"svara"scomaakaanta"scaa.sa.di.di.n.dinau || 2-4 ||

atrimiinau ca me.sa"sca lohito.atha "sikhii tathaa |
chagala.n.do dvira.n.da"sca mahaakaalo.atha paalinaa || 2-5 ||

bhuja"nga"sca pinaakii ca kha.dgii"so baka eva ca |
tata.h "sveto bh.rgu"scaiva tathaiva lakulii"svara.h || 2-6 ||

antya.h sa.mvartakaakhya.h syaad rudraa.h pa~ncaa"sadiiritaa.h |

rudraadhikaara.h |

puur.nodarii ca virajaa t.rtiiyaa "saalmalii bhavet || 2-7 ||

lolaa ca vartulaak.sii ca diirghagho.naa tato bhavet |
sudiirghamukhigomukhyau diirghajihvaa tato bhavet || 2-8 ||

ku.n.dodarii cordhvake"sii tathaiva vik.rtaananaa |
tato jvaalaamukhii colkaamukhii "sriimukhyatho bhavet || 2-9 ||

vidyaamukhii ca kathitaa.h .so.da"sa svara"saktaya.h |
mahaakaaliisarasvatyau sarvasiddhaadyagauryathaa || 2-10 ||

tatastrailokyavidyaa syaad mantra"saktyaatma"saktike |
bhuutamaataa bhavet pa"scaat khyaataa lambodarii tata.h || 2-11 ||

draavi.nii nagaraa caiva khecarii caapi ma~njarii |
ruupi.nii viiri.nii caiva ko.tarii puutanaa tathaa || 2-12 ||

bhadrakaalii gominii ca "sa"nkhinii garjinii tata.h |
kaalaraatriikapardinyau parata.h kar.sa.nii mataa || 2-13 ||

mahaaj~naanaa jayaa caiva sumukhaa revatii tata.h |
maadhavii vaaru.nii caiva vaayavii  prarato bhavet || 2-14 ||

rak.sovadhaari.nii caanyaa tatastu sahajaa bhavet |
lak.smiirmaayaa ca pa~ncaa"sadetaa vai rudra"saktaya.h || 2-15 ||

rudra"saktaya.h |

ke"sava.h prathamaa muurtistato naaraaya.naahvaya.h |
maadhavastvatha govindo vi.s.nu"sca madhusuudana.h || 2-16 ||

trivikramo vaamana"sca "sriidharaakhyo h.r.sikaraa.t |
padmanaabho daamodaro vaasudevastato bhavet || 2-17 ||

sa"nkar.sa.na"sca pradyumno.aniruddha"sca svaraadhipaa.h |
tata"scakrii gadii "saar"ngii kha.dgii "sa"nkhii halii tathaa || 2-18 ||

musalii "suulinaa paa"sii tathaa syaada"nku"sii tata.h |
mukundo nandajo nandii naro narakajiddhari.h || 2-19 ||

k.r.s.na.h sattva.h saattvata"sca "sauri.h suuro janaardana.h |
bhuudharo vi"svamuurti"sca vaiku.n.thapuru.sottamau || 2-20 ||

balii balaanujo baalo v.r.saghna"sca v.r.sastathaa |
ha.mso varaaho vij~neyaa n.rsi.mha"sceti vi.s.nava.h || 2-21 ||

vi.s.numuurtyadhikaara.h

kiirtti.h kaantistu.s.tipu.s.tii dh.rti.h "saanti.h kriyaa (tathaa?dayaa ) |
medhaa ca har.si.nii "sraddhaa lajjaa lak.smii.h sarasvatii || 2-22 ||

priitiratyau svaraa.naa.m tu "saktaya.h syurimaa.h kramaat |
jayaa durgaa prabhaa satyaa ca.n.daa vaa.nii vilaasinii || 2-23 ||

vijayaa virajaa vi"svaa vimadaa nandanaa sm.rti.h |
.rddhi.h sam.rddhi.h siddhi"sca buddhirbhaktirmati.h k.samaa || 2-24 ||

ramomaa kledinii klinnaa vasudaa vasudhaa paraa |
paraa paraaya.naa suuk.smaa sandhyaa praj~naa prabhaa ni"saa || 2-25 ||

amoghaa ceti pa~ncaa"sadvar.noktaa vi.s.nu"saktaya.h |

vi.s.nu"saktyadhikaara.h 

o.sadhyo.apyatha candanadvayalaghuukarpuurakau"siira.mru-
gdhriiberaa.ni takolajaatisahitaa maa.msiimura.m corakam |
granthii bhaaskaravartinii ca kathitaa hya"svatthabilvau guhaa -
rakta"scaapi lava"ngakumbhisahitaa vandinyathodumbara.h || 2-26 ||

kaar.smaryambuda"sa"nkhapu.spi"sikhiniiplak.saagnimanthaastathaa
si.mhiidarbhaku"saaparaajitayuta.h syaad rohi.no .du.n.duka.h |
khyaataa syaad b.rhatii ca paa.talatara.m caitraatulasyaavapaa-
maarga.h "sakralataamadhuvrataharikraantaamusalyo.api ca || 2-27 ||

syaad bhiitaa haritaalikaa harivadhuustadvat sahaa "sriilataa 
bhadraa ceti yathaakrame.na tu lipero.sadhya uktaastvimaa.h |
yaabhi.h syaad gulikaaka.saayabhasitairaalepanasnaapanaa-
llak.smiirvaagvibhavo.apam.rtyuvijayo rak.saakara.m paavanam || 2-28 ||

lipyo.sadhyadhikaara.h |

am.rtaa maanadaa puu.saa tu.s.tipu.s.tyau ratirdh.rti.h || 2-29 ||

"sa"sinii candrikaa kaantirjyotsnaa "srii.h priitira"nganaa |
puur.naa puur.naam.rtaa ceti kalaa.h syu.h svarasambhavaa.h || 2-30 ||

tapanii taapanii dhuumraa mariicirjvaalinii ruci.h |
su.sumnaa bhogadaa vi"svaa bodhanii dhaara.nii k.samaa || 2-31 ||

kaadidvaada"savar.naanaa.m .thaantaanaa.m krama"sa.h kalaa.h |
dhuumraarciruu.smaa jvalinii jvaalinii vi.sphuli"nginii || 2-32 ||

su"srii.h suruupaa kapilaa havyakavyavahe tathaa |
yaadyar.nayuktaa.h kathitaa da"saitaastu kalaa.h kramaat || 2-33 ||

a.s.tatri.m"satkalaadhikaara.h |

pa~ncabhedasya taarasya pa~ncaa"sadabhavan kalaa.h |
s.r.s.ti"scarddhi.h sm.rtirmedhaa kaantirlak.smiirdh.rti.h sthiraa || 2-34 ||

sthiti.h siddhirakaarotthaa.h kalaa da"sa samiiritaa.h |
.rgvedabrahmas.r.s.tyarthaa.h prapa~nce kathita.m yathaa || 2-35 ||

jaraa ca paalinii "saantirai"svarii ratikaamike |
varadaahlaadinii priitirdiirghaa cokaarajaa.h kalaa.h || 2-36 ||

yajurvi.s.nusamaayuktaa jagata.h sthitihetava.h |
tiik.s.naa raudraa bhayaa nidraa tandrii k.sut krodhanii kriyaa || 2-37 ||

utkaarikaa ca m.rtyu"sca makaaraprabhavaa.h kalaa.h |
sarudrasaamavedaastaa.h khyaataa.h sa.mh.rtaye kalaa.h || 2-38 ||

piitaa "svetaaru.naa gaurii baindavaa.h suuryadevataa.h |
catasra.m saatharvavedaa.h se"svaraa.h sarvakaamadaa.h || 2-39 ||

niv.rtti"sca prati.s.thaa ca vidyaa "saantistathaiva ca |
indhikaa diipikaa caiva recikaa mocikaa tata.h || 2-40 ||

suuk.smaasuuk.saam.rtaaj~naanaa m.rtaa caapyaayanii tata.h |
vyaapinii vyomaruupaa ca nanantaa caapi naadajaa.h || 2-41 ||

kalaa.h .so.da"sa sa.mkhyaataa bhuktimuktipradaayikaa.h |
sadaa"sivaatmikaastvetaa.h saamaanyena vyavasthitaa.h || 2-42 ||

iti pra.navakalaadhikaara.h |

ke"saante mukhav.rtte.ak.s.no.h "srotrayorghraa.nayorapi |
ga.n.dayoro.s.thayordantapa"nktyormuurdhaasyayo.h svaraan || 2-43 ||

kavarga.m dak.si.ne haste cavargamitare bhuje |
.tatavargau tathaa padbhyaa.m paphau paar"svadvaye nyaset || 2-44 ||

p.r.s.the naabhau ca h.rdaye nyased babhamasa.mj~nitaan |
tvagas.r"nmaa.msamedosthimajjaa"suklaasupa"nkaje || 2-45 ||

h.rtsthe tatpatragaan yaadiina.s.taar.naanaatmani nyaset |
k.sakaara.m kar.nikaayaa.m tu sarva"sa.h sa.msmaran nyaset || 2-46 ||

lipinyaasasthaanaadhikaara.h |

sthaanaanyuktaanyakaaraadivar.naanaa.m krama"so.adhunaa |
lipernyaasavi"se.saastu likhyante saa"ngadaivatam || 2-47 ||

lipyar.naireva bindvantairnyaasa.h "suddhalipe.h sm.rta.h |


sa~njiivani! uurdhvake"sini! jvalita"sikhi"sikhe! trailokyaruupi.ni! sahasraparivartini! o.m hrii.m sau.m netratrayaaya vau.sa.t maarutavaaru.ni!


kaadyai.h .sa.dvargakairyuktaanyaadaava"ngaani .sa.d lipe.h || 2-48 ||

praaya.h sarvaa"ngamantraa.naa.h h.rdaya.m syaannamontakam |
"sira.h svaahaantamuddi.s.ta.m va.sa.danta.m "sikhaa bhavet || 2-49 ||

ante hu.m kavacasya syaat pha.danta.m caastrami.syate |
vau.sa.danta.m tathaa netra.m netraanta.m tvevamiiritam || 2-50 ||

astraantaa"ngavidhi.h kvaapi tatraastraanta.m tu vinyaset |
.sa.da"ngasyaiva mantrasya kathyate netrakalpanaa || 2-51 ||

pa~ncaa"ngasya manostasya netramantro na vidyate |
praaga"ngamantramuccaarya tato.a"nga.m sacaturthikam || 2-52 ||

nama.hsvaahaadika.m pa"scaad yojayeda"ngamudrayaa |
prasaaritaa"ngulirhastatala.m tu h.rdaye nyaset || 2-53 ||

ku~ncitaagraa"ngulirmuktaa"ngu.s.tha.m "sirasi tat puna.h |
baddhamu.s.tinis.r.s.tena tva"ngu.s.thaagre.na vai "sikhaam || 2-54 ||

vapu.h svamasp.r"sannuurdhvamutk.sipya tu karadvayam |
aaku~ncitaa"ngulottaanatala.m dak.si.navaamayo.h || 2-55 ||

paar"svayoraanayed rak.saamaanaabhe.h kavaca.m tu tat |
taavevaaka.n.thamutk.sipya karau sa"nkucitaa"ngulii || 2-56 ||

jye.s.thaagrakraantatarjaagraaccho.tikotsarjanaat p.rthak |
astra.m syaannetramudraa tu dak.si.naanmu.s.tibandhanaat || 2-57 ||

uts.r.s.taanaamikaamadhyaatarjaabhi.h sahasaagrata.h |
netratrayaspar"sanena bhavennetradvaya.m yadi || 2-58 ||

tatra tarjanikaamadhyaayogaannetradvaya.m sp.r"set |
"sukla.m piita.m jvalajjyotirvidyudvar.nam hutaa"sabham || 2-59 ||

rakta.m caapya"nga.sa.tka.m ca saamaanyena p.rthak kramaat |

a"nkaadhikaara.h |

mudraarthaspha.tikaak.sasuutrakala"saa.m"scaabibhratii pustaka.m 
hastairdak.si.napuurvakaistri.nayanaa "suklasragaalepanaa |
kundaabhaak.saravigrahaa "sa"sikalaa.m maulau prasannaananaa 
dhatte yaa lipidevataambujagataa muktaabharaala"nk.rtaa || 2-60 ||

pa~ncaa"sadvar.namuurti.m taameva.m dhyaatvaa svavigrahe || 2-61 ||

sthaane.su krama"so nyasya puurvokte.su japellipim |
pa~ncaa"satsa.mkhyayaa nitya.m yaavallak.sa.m prapuuryate || 2-62 ||

tilaistrimadhuraaktaistu hutvaa "saktyanuruupata.h |
vaagvi"suddhimasau vindet kavitaa caasya jaayate || 2-63 ||

grantha tattvaarthavid vidvaan praaj~no niirogavigraha.h |
sa.msaadhyaiva.m lipi devii.m siddhasarvamanurbhavet || 2-64 ||

"suddhalipi.h |

sarudraa.mstu japed var.naan praagvad vinyasya tu kramaat |
nyaasa.h "sriika.n.thapuurvo.asau k.sudrarogaadi"saantida.h || 2-65 ||

ma.m ma.m a.m a.m aa.m aa.m ka va ca i.m ra k.sa

h.rllekhaavyomasaupuurvamamuunya"ngaani .sa.t kramaat |

"sriika.n.thaadi |

lipyar.naani sabinduuni rudra"saktivibhaktih.rt || 2-66 ||

yuktaani vinyasede.sa "sriika.n.thaadi.h sa"saktika.h |
a"ngaani praaktanaanyeva tulyaanyasyaapi kalpayet || 2-67 ||

nyaasayoranayo"schando viraa.dityabhidhiiyate |
"sriibrahmaa muniruddi.s.to vaagdevii daivata.m bhavet || 2-68 ||

dvitiiyasyaardhanaarii"so nyaasasyetyapi kecana |

saak.sasrakvala"sordhvabaahuyugalaa.m caadha.h samudraabhaya.m 
hasta.m dak.si.namanyata.h savarade yasyaa.h kare pustakam |
dhyaayet taa.m "sa"sikha.n.dama.n.ditaja.taa.m devii.m trinetraa.m sitaa.m 
"sriika.n.thaadyadhidevataa.m ca dhavalairaakalpakairbhuu.sitaam  || 2-69 ||

sinduurahemobhayabhaagavar.na.m tvardhaambika.m saa"nku"sapaa"sahastam |
saak.saavali.m sve.s.tadapaa.nimii"sa.m "sriika.n.thapuurva.m smaratu svasiddhyai || 2-70 ||

sa"sakti"sriika.n.thanyaasa.h |

taara.m sa"saktilipyar.nairajapaa so.ahameva ca || 2-71 ||

prapa~ncayaaganyaaso.aya.m nyaasajapyaadine.s.tada.h |
lakulii bindumaan sargii bh.rgu"scaapyajapaamanu.h || 2-72 ||

.r.sirbrahmaasya gaayatrii chanda.h syaad devataapi ca |
paramaatmaa para.m jyotirdhyeya.h svah.rdayaambuje || 2-73 ||

sa"sakti.thadvaya.m h.rt syaacchira.h so.ahamihocyate |
ajapaa tu "sikhaa j~neyaa varmaiva kavaca.m sm.rtam || 2-74 ||

taara eva tu netraa.ni harii"saar.naavihaastrakam |
kar.nastu haribiija.m syaad vi.samii"saak.sara.m vidu.h || 2-75 ||

dhyeyaa syaadabhayaak.sasuutra.m"sukadh.rg yaa pustaka.m bibhratii 
devii paa.n.durapu.n.dariikapa.talasvacchendukundadyuti.h |
h.rdyaa"ngii ma.niku.n.dalaa trinayanaa ko.tiirabhaarojjvalaa 
saardhendu.h sitamaalyagandhavasanaa braahmii prapa~nce"svarii || 2-76 ||

prapa~ncayaaganyaasa.h |

"saktyaadyairvaa lipervar.nai.h "sakti.h "sriipuurvakaistu vaa |
"sakti.h "sriimanmathaadyairvaa momaana"ngaadikaistu vaa || 2-77 ||

nyaasaa.h sam.rddhikaastv.rddhyai munire.saa.m prajaapati.h |
chandastu daivii gaayatrii momaana"ngaastu devataa.h || 2-78 ||

svaadibiijairyathaali"nga.m .sa.da"ngaani bhavanti hi |
umaadidevataa.h sm.rtvaa nyaase dhyeyaa sarasvatii || 2-79 ||

mandaaradaamakalitenduja.taakirii.taa
sinduurarocirabhiraamavapustrinetraa |
kundaavadaatavasanaa"nku"sapaa"savidyaa-
sandohapa"nkajakaraavatu bhaaratii va.h || 2-80 ||

sam.rddhinyaasa.h

kalaasanastho lakulii vaamaak.saardha"sa"saa"nkavaan |
lipyar.nobhayago nyasta.h k.sobha.niinyaasa iirita.h || 2-81 ||

kaamaaruu.dhastu la.mkulii praagvad diirghasvarairyuta.h |
yathaali"nga.m .sa.da"ngaani chando gaayatrameva hi || 2-82 ||

vaamadevo muni.h kaamo daivata.m caak.sare"svarii |
sinduuraaru.nasundaraa"ngaruciraa raktaambaraalepanaa 
mandaaraav.rtakuntalaa smitamukhii ga.n.dollasatku.n.dalaa |
dhyeyaa syaad dadhatii karai.h sarasija.m paa"saa"nku"se pustaka.m 
bimbo.s.thii ma.nibhuu.sa.naa bhagavatii sa.mk.sobha.nii bhuutaye || 2-83 ||

k.sobha.niinyaasa.h |

paa"sa"srii"saktimadanairlipyar.namadanaa ramaa || 2-84 ||

lak.smya"nku"sakalaah.rdbhiryukto nyaasastu maalinii |
ananto bindumaan paa"sa.h "sriibindvantaa.h svaya.m manu.h || 2-85 ||

brahmaa samaa.msavaamaak.sada.n.do biija.m tu maanmatham |
"sakti.h khyaataa tu ka.h saagnidantabindustathaa"nku"sam || 2-86 ||

kalaastvak.sarajaa graahyaa.h pa~ncaa"sat pra.navoditaa.h |
viipsitaani svabiijaani sargii sa.mvartaka"sca .sa.t || 2-87 ||

a"ngaanyamuuni maalinyaa"schanda"sco.s.nig.r.sirguha.h |
devataasya jaganmaataa devii tripurabhairavii || 2-88 ||

nyaasa"scaanena homa"sca madhurai.h sarvasiddhida.h |
japadhyaanaadinaa sadya.h sarvaanaakar.sayedapi || 2-89 ||

bandhuukaaru.navigrahaa.m trinayanaa.m raktaambaraalepanaa.m 
ca~ncatkaa~ncanaku.n.dalaa.m savaradaa.m paa"saa"nku"se bibhratiim |
niihaaraamalahaaraku"nkumarasairaataamrakamrastanii.m 
dhyaayet taa.m tu kapardacandra"sakalaa.m savyaabhayaa.m maaliniim || 2-90 ||

maaliniinyaasa.h |

paa"saa"nku"saabhyaa.m pu.titairlipyar.nai.h kar.sa.nii bhavet |
nyaasastu kaadi.sa.dvargai.h paa"saa"nku"sapu.tairyathaa || 2-91 ||

.sa.da"ngaani bhavantyasyacchando.anu.s.tup prajaapati.h |
.r.sirvaagvaadinii daiva.m nyaasaadyai.h sarvasiddhida.h || 2-92 ||

dhyeyaa syaad rocanaambhodrutakanakavapurvallakiipustakaabhyaa.m 
yaa saa paa"sa"nku"saa.dhyaa ma.niga.narucirairbhuu.sa.nairbhuu.sitaa"ngii |
ko.tiiraabaddhamaulau dh.rta"sa"si"sakalaa raktagandhaambaraadyaa 
svaikya.m vaagvaadiniiya.m tribhirapi nayanairbhruuvilaasasmitaasyaa || 2-93 ||

vaagvaadiniinyaasa.h |

lipyar.naani sabinduuni ke"savaadyaa"sca vi.s.nava.h |
tacchaktaya"sca krama"so nyastavyaa syurnamontakam || 2-94 ||

ke"savaadyairbhavennyaaso vi.s.numantre.su siddhida.h |
a.s.taak.saratanurvi.s.nurdevataa tamapi smaran || 2-95 ||

nyasecchandastu gaayatrii naarado.asya munirbhavet |

devii kundendugaurii sphuradam.rtakalaahaarihaaraabhiraamaa 
dhyeyaa maaleyah.rdya.m vapurapi dadhatii lekhanii.m caak.sasuutram |
saudha.m kumbha.m ca vidyaanidhimapi jalaja.m jaa.tajuu.taahitendu 
ryaa saa k.saumaambaraa.dhyaa tribhuvananamitaa .sa.tbhujaa satri.netraa || 2-96 ||

ke"savaadinyaasa.h |

eva.mprakaaraa gaditaa lipernyaasaastu siddhidaa.h || 2-97 ||

e.saamekatara.m nyaasamaa"srayedeva saadhaka.h |
nyastalipyar.nadehastu japahomaarcanaadikam || 2-98 ||

kuryaanmantraatmarak.saartha.m tathaa tatkarmasiddhaye |
nyastaa.m lipi.m tato dhyaatvaa puujayenmaat.rkaambuje || 2-99 ||

saptavargaantyayugmaa.s.tadikpatra.m sitapa"nkajam |
bindau madagniruddhaantyakar.nika.m svarakesaram || 2-100 ||

saptaar.navai.h pariv.rta.m p.rthviibimbena ve.s.titam |
maat.rkaavar.napadmaakhya.m vi.sam.rtyujaraapaham || 2-101 ||

cintita.m tacchirasyeva m.rtyuk.svelarujo haret |
dhyaatvaa dugdhaabdhimadhyastha.m divyaspha.tikama.n.dapam || 2-102 ||

tatra pii.thaambuje hyaasmin "saktayo.a.stau dalaagrata.h |
medhaa praj~naa prabhaa vidyaa dhiirdh.rtism.rtibuddhaya.h || 2-103 ||

vidye"svarii ca madhyasthaa "suklaa "suklaambaraadikaa.h |
k.rtaa~njaliidvayakaraastathaivordhvakaradvaye || 2-104 ||

dadhatya.h pustaka.m kumbha.m "saantaa.h sundaramuurtaya.h |
vidik.sva"ngaani dik.svastra.m dale.su nayana.m pura.h || 2-105 ||

tata.h svaraa"sca tatsa.mkhyakalaabhiram.rtaadibhi.h |
am.rtaa maanasii tu.s.ti.h pu.s.tipriitirati"sriya.h || 2-106 ||

"saanti.h sudhaa tathaa kaantirjyotsnaa haimavatii tata.h |
chaayaa ca puura.nii vaamaapyamaa cendukalaastvimaa.h || 2-107 ||

am.rtaasaaravar.si.nyo dvandva"so dalagaa.h smaret |
tato vargaak.saraa.ni syustato braahmyaadimaata.h || 2-108 ||

braahmii maahe"svarii caiva kaumaarii vai.s.navii tathaa |
vaaraahyaindrii ca caamu.n.dii mahaalak.smii"sca dikkramaat || 2-109 ||

tato da"sa digii"saa.h syurindro.agniryama eva ca |
nir.rtirvaru.no vaayurdhanade"saanakau tata.h || 2-110 ||

praagaadidik.su te.a.s.tau syurathendre"saanamadhyaga.h |
brahmaa sa cordhvaloke"so.ananto varu.narak.saso.h || 2-111 ||

adholoke"svarastvetaan .sa.daavara.nagaan yajet |
madhye.abjakar.nikaasa.msthaa.m cetanaatmatayaa lipim || 2-112 ||

svanyaasoktaak.rti.m dhyaayedupacaarairyathoditai.h |
aasanaavaahanaarghaa.ni paadya.m caacamaniiyakam || 2-113 ||

saa"ngopaa"nga.m tathaa snaana.m vasanaabhara.naani ca |
gandhapu.spe tathaa dhuupo diipa"scarunivedanam || 2-114 ||

agnikaarya.m namaskaaro raajapuujaasamarpa.nam |

.so.da"sopacaara.h 

eva.m stha.n.dilagaami.s.tvaa manasaa vaa samarcayet || 2-115 ||

.r.syaadiinapi vighne"sa.m guru.m caapyuttare yajet |
tato.a.s.tapu.spikaa.m kuryaat saa caahi.msaa k.samaa dayaa || 2-116 ||

tathendriyaa.naa.m niyamo j~naana.m bhaavavi"suddhataa |
akrodho dhyaanamitya.s.tau bhaavapu.spaa.nyanukramaat || 2-117 ||

aasana.m caiva tanmuurttirdevataa caa"ngapa~ncakam |
itya.s.tau puujayenmantrai.h syaadeva.m caa.s.tapu.spikaa || 2-118 ||

siddhaye saadhakendraa.naa.m devataanaa.m prasaadane |
pracetavyaani mantraa.naa.m sphura.naaya vi"se.sata.h || 2-119 ||

k.samasveti tato devii.m parivaarai"sca tai.h saha |
nira~njane laya.m gaccha "sironta.m manunaamunaa || 2-120 ||

dvaada"saantaambujasthendau yojayeccetanaatmikaam |

lipipuujaavidhi.h |

puujaakramodita.m cakrabhuurjahemaadike likhet || 2-121 ||

taddhaara.nena sarvaarthaa.h siddhyantyasyaapyayatnata.h |
praatastrivaaramanayaa japitvaambha.h pibet sudhii.h || 2-122 ||

sa.mvatsaraad bhavet praj~naa kavitaa caasya jaayate |
a.s.tottarasahasra.m tajjapaad braahmiirasa.m pibet || 2-123 ||

ahoraatramavicchinnamathavaapyuparaagayo.h |
pala.m "svetavacaacuur.na.m kar.sa.m turagagandhinii || 2-124 ||

k.r.s.naa haridraa sindhuuttha.m dhaatrii rug vi"svabhe.sajam |
pratini.ska.m tu sa~ncuur.nya gh.rtaprasthe vinik.sipet || 2-125 ||

braahmiirasacatu.sprasthe pacenm.rdvagnipaakavit |
braahmiigh.rtamida.m praaj~namanayaayutamantritam || 2-126 ||

pibet suuryoparaage tu sarvaj~natvamavaapnuyaat |
dinaadau vaa lihennitya.m pa~ncaa"sadabhimantritam || 2-127 ||

sa.mvatsaraad bhavet praaj~na.h kavirvidvatsusammata.h |
madhye tu maat.rkaapadme lipyo.sadhyambupuuritam || 2-128 ||

kala"sa.m vidhivannitya.m japed da"sa"sata.m tata.h |
tenaabhi.sikto maasena vaagaayu.hkaantikiirttibhi.h || 2-129 ||

arogii yujyate lak.smyaa bandhyaa suute suta.m "subham |
aadhaara"saktibinduutthaa.m prabhaa.m sau.sumnamaargagaam || 2-130 ||

dvaada"saantendugaa.m dhyaatvaa tasyaa.m k.saadyak.sara.m likhet |
bahnisomaabhisa.mprotaad rogaanmucyeta paatayan || 2-131 ||

lipimiti viditaarthaa.m vinyasedekamaargaa.m
gurumukhasamavaaptaa.m taa.m japeccaapi lak.sam |
sitakusumatilaajyaistadda"saa"sena hutvaa 
va"sayati jagadi.s.ta.m praaptavaagii"svaro.asau || 2-132 ||

graharipuvi.sarogaan voplavaan hanti caanyaan 
nijavapu.si pare vaa nyaasata.h svaar.nasa.mkhyam |
jagati nikhilamantraa.h saadhitaa.h syurna nuuna.m 
na hi lipirabhiraaddhaa saadhayet sarvakaamaan || 2-133 ||

iti "sriimadii"saana"sivagurudevapaddhatau tantrasaare "sriika.n.thaadipa.talo dvitiiya.h |

atha t.rtiiya.h pa.tala.h

atha sakalamanuunaa.m maat.rkaa.m janmabhuumi-
stadadhik.rtavi"se.saa vargavargaadiyuktyaa |
p.rthagiha paripaa.tyaa likhyate ca svaraa.naa-
mudayavih.rtivar.nai"scaaptiraa"syaatmali"ngai.h || 3-1 ||

aviditamanuvar.naprakriyaakaaryaruupa.h
kathamiha phalalipsustajjapaadau prav.rtta.h |
ga.navi.sayavibhaagaanau.sadhaanaamajaanan 
kubhi.sagiva cikitsaalaulupo baali"so.asau || 3-2 ||

aviditagaja"sik.sa"scaas.r.nirvaadhirohe-
daviralamadadhaaraa.h sa.msravanta.m gajendram |
aga.nitapari"suddhirmantratattvaanabhij~na.h
sa patati khalu muurkho de"sika.h saadhako vaa || 3-3 ||

iti lipimanucakravyaakriyaarthastvato.asmin
praka.titabahumantro de"sikairveditavya.h |
akaca.tatapayaakhyaa.h sapta "saakhya"sca varga-
stviha ravi"sa"sivar.na.h syaadavarga.h svaraatmaa || 3-4 ||

puru.sayuvatibhedaa raudrasaumyaa.h svaraaste
nahi p.rthagudayaa.h syuhasvadiirghaa.h krame.na |
udayati ravivar.ne hrasvake dak.si.nasthe 
"sa"sini ca khalu diirghe vaamanaasaapu.te.ar.ne || 3-5 ||

nasi pu.tayugale.asminnuurdhvamagnistu tirya"n
marududakamaghastaanmadhyaku.n.dya.m dharitrii |
su.siramiha hi yat sva.m pa~nca bhuutaani caiva.m
savitari ca "sa"saa"nke te svaraastuudayante || 3-6 ||

ubhayamapi ca vidyaad yatra ni"svaasavaayu.h 
prasarati samakaaye svasthadehendriyasya |
vadatu ca parip.r.s.ta.h kaaryasiddhi.m ca haani.m
svaramuditamavek.sya svasya vaanyasya yuktyaa || 3-7 ||

kapilavaku"saraamaa.h kaamanimne ni"saaj~na.h 
pa"sura.niyamagaava.h ki.m vana.m sa.mkhyanaa.dya.h |
kramapa.thitayugaar.naa raa"sayo dvaada"sa syu-
rdinarajanivibhaagastaistu .sa.dbhi"sca .sa.dbhi.h || 3-8 ||

ajav.r.samithunaakhyaa.h karkiharyak.sakanyaa.h
samatulamalicaape nakrakumbhaahvamatsyaa.h |
caranacarayugaaste raa"sayastrikramaa.h syu.h 
saha khalu lipivar.nai.h "svaasavedyodayaadyaa.h || 3-9 ||

udayati cararaa"sirdak.si.naghraa.nasuurye
maruti hi "sa"sisa.mj~ne vaamake sthaasnuraa"si.h |
ubhayapu.tanis.r.s.ta.m codayed yugmaraa"si.h
sakalabhuvanakaalaj~naapaka.h "svaasacaara.h || 3-10 ||

ubhayamaruti jiiva.h saumyavaayau jale vaa 
"sa"sidahanadhara.nyo maaruto dhaatu"sa.msii |
ubhayadhara.nisuurye caapsu muula.m "sa"saa"nke 
payasi ca phalasiddhi.h suuryabhuumyapsu na syaat || 3-11 ||

kujamubhayagavahnau suuryavahnau m.rti.h syaat 
savit.rviyati na.s.ta.m syaanm.rta.m vaalpamaayu.h |
vadatu maruti candre diirghamaayustadadbhi.h
sukhamapi "sa"sibhuumau caalpasiddhistu tatsve || 3-12 ||

ubhayadhara.niri.s.ta.m saadhayed diirghakaalaa-
dubhayamaruti ki~ncitkaalapaake sa siddhyet |
ubhayagaganavahnyornaiva siddhirna haani-
rmarudubhayajalastha.h k.sipramalpe.s.tada.h syaat || 3-13 ||

"sa"sijaladhara.nisthe "saantika.m pau.s.tika.m vaa 
"sa"simarudanavaabhyaa.m(?) va"syamaakar.sa.na.m ca |
dinakarabhuvi kuryaat stambhana.m tvarkatoye 
rujaminamarutaa sve bhraama.noccaa.tanaabhyaam || 3-14 ||

dinakaraviyati syaanmohana.m caarkavahnau
drutataramarivargaan maarayet saadayecca |
iti japahutavidyaa.h saadhayan vai yathaavat 
svaramuditamapek.sya tvaarabhetaa"su siddhyai || 3-15 ||

svarodayaadhikaara.h |

kaca.tatapasamaakhyaa.h pa~ncavargaastu dhaatrii-
marudanalakhatoyai.h sa.myutaastatra vedyaa.h |
aniladahanap.rthvyo vaari caapyatra yaadyaa-
strigu.nagaganavar.naa.h "saadayo.antyastu raaga.h || 3-16 ||

kanakarugamalasragvastragandho.a.stabaahu-
stri"sikhavaragadaadh.rtk kuurmavaaho.a.s.tanetra.h |
"sa"sadharacaturaasyo v.rttapii.the kapardii
kuvalayasamagandho mandaraabho hyakaara.h || 3-17 ||

dhavalarucirathaabje suupavi.s.taa dvibaahu-
rgajavaramadhiruu.dhaa saa"nku"saa paa"sahastaa |
tuhinavimalahaarairbhuu.sitaa .sa.s.tidiirghaa
trida"savitatiraakhyaa yojanaanaa.m purandhrii || 3-18 ||

kuli"sadh.rgatipiita.m kuurmavaaha.m kubimbe
dvibhujamalasagandha.m yojanadvandvadiirgham |
smaratu vividhamaaya.m vist.rta.m dairghyato.ardha.m
ripuduritagadaghna.m stambhana.m suuk.smasa.mj~nam || 3-19 ||

kanakaphalakaraa strii pa~ncagabyuutiv.rtaa
sitaruciram.rtaardraa haarihaaraabhiraamaa |
dvigu.nadhara.nibimbe ha.msagaa yojanaanaa.m
da"sapari.natamuurti.h pu.s.tidaa syaat trimuurti.h || 3-20 ||

dvi"sataracitadairghya.m vist.rta.m yojanaanaa.m
"satamatika.tugandha.m kaakavaaha.m dvihastam |
analabhavanasa.mstha.m taamravar.na.m sa"suula.m
sagadamakhilarak.saa.m(?)syaadayugma.m tu .sa.n.dam || 3-21 ||

dvibhujamaru.namagnerma.n.dalastho.s.travaaha.m
da"sa"satavitata.m taddvandvadiirgha.m triyugmam |
bhujagabhujagavargairbhuu.sita.m du.s.tagandha.m
smaratu vi.savighaate .sa.n.daka.m "saktipaa"sam || 3-22 ||

kuli"sadharamudagra.m ha.msavaaha.m sapaa"sa.m
dvilapanamatipiita.m paarthivaabje sugandham |
"satavitatiluyugma.m tri.m"sadaayaami .sa.n.da.m
smaratu ripuga.naghna.m stambhana.m svar.nacuu.dam || 3-23 ||

rathacara.naphalaasya.m .sa.n.daka.m "sa"nkhapadma-
sphuritabhujacatu.ska.m candrakiika.n.thaniilam |
sumukhamamalahaara.m padmagandha.m kapardi
smaratu nikhilava"sya.m jha.n.dina.m cakravaake || 3-24 ||

dvibhujagaru.davaahaa.m bhuu.sitaa.m vahnibimbe 
tri"sikhakuli"sahastaa.m "suklavar.naa.m sugandhaam |
smaratu vimalahaaraa.m bhautikii.m vaa prasuutyai
pravitata"satako.ti.m yo.sita.m taa.m tathoccaam || 3-25 ||

akhilabhuvanamadhyavyaapaka.m piitavar.na.m 
da"sa"satabhujayugma.m dyotamaana.m tri.netram |
dvigu.nadahanabimbe gov.r.se bhuu.sitaa"nga.m
puru.sayuvatideha.m muktida.m dhyehi sadyam || 3-26 ||

sitakusumasugandhi.h "suklavaasaa.h suvar.na-
dyutirapi kusumaabho vajrapaa"sau ca bibhrat |
dhara.nikamalabimbe yojanaanaa.m sahasra.m
tatatanuriha cintya.h pau.s.tike.anugrahe"sa.h || 3-27 ||

ghus.r.naruciranekairbhuu.sa.nai"scitritaa"ngo
yugalayugalajaa.dyaa.h sve.s.tada.h padmahasta.h |
sarasijamadhiti.s.than "sriikaro.akruuravar.na.h 
sakaladuritamuktyai cintaniiyo.avataanna.h || 3-28 ||

dahanapuragatastat.sa.n.daka.m yugmahasta.m 
karagatamapi k.r.s.nairvastragandhaistri.netram |
tri"sikhakuli"sahasta.m k.sudravidve.sadak.sa.m
da"sa"sataparimaa.na.m cintayecca svaraantyam || 3-29 ||

svaramuurtyadhikaara.h |

kuli"samusalahasto bhuumibimbe.ajagandha.h
kanakarugibhasa.mstho brahma"sakraadhideva.h |
dvibhujapuru.save.so va"syak.rt ka.h kapardii
da"sa"satapariv.rtta.h paatu naastaddvirucca.h || 3-30 ||

"satamakhama.niniila.h sarpayaj~nopaviito 
dhavalavadanaraudra.h paatu va.h pi"ngapaada.h |
jvalanakamalame.se paavana.h stambhana.h svo
da"sa"sataparimaa.nastomarii "saktipaa.ni.h || 3-31 ||

pha.nini vikacapadme raktavar.ne nivi.s.ta.h
"satavitatiranugra.h pu.s.tidastaavaducca.h |
ga.napatidhanade"so ha.msavaaha.h sugandho-
.avatu bhujadh.rtapaa"sa.h saa"nku"so vo gakaara.h || 3-32 ||

da"sa"satapariv.rtta.m tadvimaanocca.sa.n.da.m 
kuli"savaragadaa.dhya.m dhyeyamu.s.traadhiruu.dham |
dvibhujamasitayaamyadve.sa.noccaa.tak.rtyai.h
smaratu ca ghamudagra.m yanmukholuukhalastham || 3-33 ||

tri"sikhamusala.ta"nkai.h "saktida.n.daahihasta.m
yamapatimatik.r.s.na.m .sa.dbhuja.h kaakavaaham |
smaratu bhujagaruu.dha.m ko.tidiirghaardhav.rtta.m
"svayathucara.nagaatra.m dve.sa.ne.svekarudram || 3-34 ||

sitarucirari"sa"nkhau caambuja.m maatulu"nga.m
dadhadaru.nasugandhasragvibhuu.sa.h kapardii |
jagati nikhilabhuutyai paatu vo guhyake"so
dhara.nikamalasa.mstha.h ko.timaanastu kuurma.h || 3-35 ||

makarakamalaruu.dha.h suuryakaanti.h sa vo.avyaa-
darijalajagadaabjaanyaadadhad divyagandha.h |
dhavalavasanagandha.h sragdhara.h ko.timaano
vimalama.nivibhuu.so va"syadastvekanetra.h || 3-36 ||

sitakamala"sa"saa"nkodudgataavinduvar.nau
saphalakuli"sapaa"sau saudhakumbhau dadhaanau |
da"sa"sataparimaa.nau vo.avataa.m "saantavar.nau 
palitam.rtigadaghnau k.svela"saantipradhaanau || 3-37 ||

asitama"subha.sa.n.da.m durmati.m kaakavaaha.m
yamapuru.samanekairaayasairbhuu.sitaa"ngam |
tri"sikhapara"suhasta.m dve.sak.rtye.su vidyaad
da"sa"sataparimaa.na.m "sarmasa.mj~na.m tu var.nam || 3-38 ||

jaladhisamaninaada.h sadgado vajrapaa.ni-
rbhujagabhujaganaddho yugmabaahu.h sutiivra.h |
prathamaripurujaanaa.m dhva.msana.h krau~ncavaaha.h
kapilarucirudaaro va.h sa some"svaro.avyaat || 3-39 ||

amala"sa"sinikaa"sa.h "sa"nkhagok.siiragauro
vimalama.nivicitrairbhuu.sito haarajaalai.h |
dhara.nipavanapadme padmahasto gajo.avyaat 
sakalavi.saharo vo laa"ngalii lak.samaana.h || 3-40 ||

turagakuvalayastha.h pakvarambhaadyutirva.h
kanakama.nivicitrasturyavaktro.a.s.tabaahu.h |
da"sa"sataparimaa.na.h padmapaa"saa"nku"saabjaa-
nyabhayavarada"suulairaadadhad daaruko.avyaat || 3-41 ||

analapuragame.se vahnideva.h sa vo.avyaat
kuli"savarabhus.r.n.thiibhi.n.dipaale.supaa"saan |
para"sumapi rathaa"nga.m kaarmuka.m caadadhaano
da"sapari.natiruccairardhanaarii"svaraar.na.h || 3-42 ||

tri"sikhapara"suhasta.m vyaaghravaaha.m sudhuumra.m
trimukhamahitarogaan dhva.msayanta.m kubimbe |
arikuli"sabhus.r.n.thiipaa"sada.n.dadhvajaa.dhya.m
smaratu da"sa"satocca.m caapyumaakaantavar.nam || 3-43 ||

dvipavaramadhiruu.dha.m "sa"nkha.ta"nkaabjapaa"saan
dadhadalasamagandho va.h sahasrapramaa.na.h |
"satamakhavaru.ne"so va"syado bhuu.sitaa"nga.h
ka.takamaku.tani.skairaa.sa.dhiipaa.talo.avyaat || 3-44 ||

v.r.sagata"sitivar.nasturyavaktro.a.s.tabaahu-
rmarudanalapatirva.h ko.timaanastri"suulii |
musalapara"su"saktiistomara.m bhi.n.dipaala.m
dadhadavatu ca da.n.da.m praasamapye.sa di.n.dii || 3-45 ||

asitamatha yame"sa.m .sa.dbhuja.m vastrivaktra.m
bhujagavalayahaara.m "suula.ta"nkaasida.n.daan |
kuli"samapi bhus.r.n.thi.m .sa.n.damavyaad dadhad ya-
nmahi.sagatakaro.tau ko.timaano.atrisa.mj~nam(?) || 3-46 ||

m.rgavaramadhiruu.dho ya.h sa sarpopaviito
nir.rtipatirudagra.h kha.dgapaa"so bhus.r.n.dhiim |
dadhadatikapi"so.avyaanmudgarii bo.abjapii.the
pratibhayaripubhedii ya"scaturlak.samaana.h || 3-47 ||
dvibhujamasitavar.na.m vyaaghracarmottariiya.m
.damarukamapi "suula.m bibhradaaraktanetram |
ciramavatu pi"sa"ngairambaraadyairyuta.m vo
da"sa"satatati naakhya.m kaakavaaha.m ca .sa.n.dam || 3-48 ||

garu.damadhigato.abje sarpayaj~nopaviitii
da"savadanasitaa"ngo vi.m"sati.m yo bhujaanaam |
dadhadapi ma.nicitra.h paatu ko.tipramaa.no
vividhavi.saharo.asau braahma.no lohitaar.na.h || 3-49 ||

para"surathapadaa.dhya.h si.mhapadmaadhiruu.dha.h
pravitatada"sako.tiryugmabaahurdvijanmaa |
haratu bhavadari.s.ta.m mauktikabrahmasuutra-
sta.didanalapi"sa"ngo ya.h "sikhii rak.sa.ne.s.ta.h || 3-50 ||

kuvalayavinivi.s.to ha.msavaaha .sa.daasyo
dhanapatipatirabja.m "sa"nkhamapyaadadhaana.h |
dhavalavasanagandho bandhujiivaaru.no va.h
pravitatada"sako.ti.h "sriikaro.avyaad bakaara.h || 3-51 ||

trimukhanayanaraudra.m pi"ngake"sa.m tarak.so-
ruparidahanabimbe dhuumravar.na.m trihastam |
rathacara.nagadaa.dhya.m .sa.n.daka.m "suuli vo.avyaat 
pravitatada"salak.sa.m yaddvira.n.de"sasa.mj~nam || 3-52 ||

uditamihirakaanti.h kalpavahniprakaa"so
ja.tila"sirasi candra.m mu.n.damaalaa.m ca bibhrat |
tri"sikhapara"sunaagaa.m"scaanala.m bhuutaye vo 
vi.samayavapurabje syaanmahaakaalavar.na.h || 3-53 ||

m.rgagatiratidhruumro vaayubimbe sa paayaad
dhvamusalagadaagniinaadadhad vaayaviiya.h |
sakalabhuvanamaana"scaa.tana.h k.sudrak.rtye -
.svaru.navasanagandhairbhuu.sito vo yakaara.h || 3-54 ||

jvaladanalanikaa"so bahnibimbe.ambujastha.h
sakalabhuvanamaano me.savaaha.h prasanna.h |
abhayavarada"saktisvastikaanaadadhaana.h
sitavasanasugandhi.h paatu yu.smaan bhuja"nga.h || 3-55 ||

kamalagatakariindre yo.sidaapiitavar.naa
kalamakanakavalliivajrapaa"saan dadhaanaa |
di"satu dhara.nibimbe bhuu.sitaa sarvapiitaa
dhara.nivitatiri.s.ta.m dhaari.nii stambhinii va.h || 3-56 ||

am.rtakira.nagaurii nakrapa"nkeruho vo 
dhavalakamalapaa"sau bibhratii vaaribimbe |
vividhavi.sarujaarti.m dhva.msayantii vibhuutyai
bhuvanavitatirastu k.siirapiiyuu.samuurti.h || 3-57 ||

dhavalakamalahastaa pu.n.dariikopavi.s.taa
vimalavasanagandhairbhuu.sitaa hemavar.naa |
da"sa"sataparimaa.naa haaridhammillabhaaraa
pradi"satu bakavar.naasyaak.rtirvo vibhuutim || 3-58 ||

"satamakhama.niniila.h kuurmavaaho dvibaahu.h
kapi"savasanagandho vajrapaa"sau ca bibhrat |
da"sa"sataparimaa.na.h k.sobha.no vo.astu lak.smyai
prahasitavadanendu.h "svetasa.mj~na.h pramatta.h || 3-59 ||

"sa"sadhararucigauro vajrapadmaabjapaa"saan 
nidhikala"sakara.n.de cakramapyaadadhaana.h |
sarasijagataha.mse bhuu.sita.h ko.timaano
dhanadapatirabhii.sta.m yo bh.rgurvastanotu || 3-60 ||

dhavalavasanagandhasrag ja.tii candramauli-
rhara iva lakulii"so bhuurigaurastri.netra.h |
hari.napara"su"suulai"scaanvito vi"svamaana.h 
"sivagiritanayena praa.nasvaatmaavataadva.h || 3-61 ||

surapatibhavanaabje "sa"nkhavajraaripaa"saan
s.r.nimusalabhus.r.n.thiikha.dgagha.n.taakapaalam |
dadhadavatu gajastha.h k.setrapaalendradevo
bhuvanavitatapiitastriik.sa.no.antyo dvida.m.s.tra.h || 3-62 ||

dhavalaruciravar.naa braahma.naaste.atha raktaa.h
k.sitibhuja iha piitaa ye vi"so ye.api k.r.s.naa.h |
v.r.salakulasajaataa hyak.saraa"sca svali"ngai.h
puru.sayuvati.sa.n.daaste prati"slokavedyaa.h || 3-63 ||

pratyak.saramuurtyadhikaara.h

gurava iha hi diirghaa bindusargaabhiyuktaa-
stadupari vinivi.s.to yuktavar.no.api yasya |
sa ca gururiti vedya.h "se.sito.asmaallaghu.h syaa-
llaghurayugalamaatra.h syaad guru"sca dvimaatra.h || 3-64 ||

mayarasatajabhaakhyaa nastathaa.s.tau ga.naaste 
p.rthagiha khalu halbhiste tribhi.h syustribhi"sca |
sakalagurumasa.mj~no yo ga.na.h so.avani.h syaat
prathamalaghuyasa.mj~na.h syaad ga.nastoyamuurti.h || 3-65 ||

raga.namiti lamadhya.m vahnidaiva.m tu vidyaat 
saga.namapi ca vaayu.m so.antagurvak.saraa.dhya.h |
taga.namapi khamaahustasya caante laghusyaa-
jjaga.namapi ca madhye syaad guru.h suuryadaivam || 3-66 ||

prathamagurubhasa.mj~na.h syaad ga.na.h somadeva.h
sakalalaghuga.no dyaurnaabhidheyo.a.s.tama.h syaat |
iti gurulaghubhinnaira.s.tabhirvyaaptavi"svai-
rlipiparipa.thitaar.nai.h syaad ga.nai.h "sabdasuuti.h || 3-67 ||

analasalilavar.naa ye ga.naa.h "satravaste
pavanadahanakhaar.naa mitramanyonyamuktaa.h |
saliladhara.nisa.mj~naaste.api mitra.m mitha.h syu.h
salilapavanakhaakhyaa ye ga.naaste.atra madhyaa.h || 3-68 ||

puru.sayuvati.sa.n.daa.h snehina.h .sa.n.damadhyaa.h
puru.sapur.sayo.sidyo.sito.anyonyadu.s.taa.h |
suh.rdi suh.rdamar.na.m vaa ga.na.m madhyama.m vaa
gha.tayatu sa tu mantro vaacako devataayaa.h || 3-69 ||

manurapi vidhinaika.h saadhito yena deva.h
sa bhavati saga.naanaa.m siddhibhaak tanmanuunaam |
kimu bahuvidhamantraan vetti ya.h saadhayed vaa 
sa bhavati "sivatulyastatphalaanaa.m nidhaanam || 3-70 ||

priyaphalaka.tiramyaa "sriipriyaa raatriranyaa
khagakulaka.takastriipaatragarbhaar.nasa.mj~naa |
abhihitalipivar.naana"svinaadye.su bhe.su
svarapari.natiyugma.m pau.s.nabhe syaanniyojyam || 3-71 ||

lakaara"sca |

kuruv.r.sadadhisa.mkhyaa.h "sobhanaastaarakaa.h syu-
rbhayam.rtigadadu.hkha.m gomitho.asa.mkhyabhai.h syaat |
k.rtamiha khalu yat syaannaama maataapit.rbhyaa.m
jananabhamapi yat syaat taddvayasyaanukuulam || 3-72 ||

phalagurururu"saa.naa.h "sarma"sarvaastvajaadyaa
nigaditalipivar.naa raa"saya.h "saadaya.h stryaam |
jananabhanijanaamnastvaadivar.naabhiyogaa-
dabhimatamanubhenaapyaadivar.nena "sodhyam || 3-73 ||

"suddhaayaamavanau sagomayajalairaalipya tatraalikhe-
ccakra.m .so.da"sako.s.thaka.m tu parita.h pa"nktyaikayaa raa"saya.h |
vighnak.setrapavaastuve"savidhaya.h ko.s.the.su madhye sthitaa.m-
staani.s.tvaa lipivar.naraa"sigha.tanaa.m mantraatmanaamnornayet || 3-74 ||

eko vaapyatha pa~ncamo.api navamo raa"se.h svakaad baandhavo
raa"si.h syaad da"samadvitiiyasahita.h .sa.s.tho bhavet sevaka.h |
rudraagnisvarasa.mkhyayaa yadi matastantre.svaya.m po.saka.h
syaad yo dvaada"samo.a.s.tama.h "srutimito mantra.h sm.rto ghaataka.h || 3-75 ||

yo bandhurbhavati manu.h sa rak.satiima.m 
sarvaarthaanapi vitanoti sevakaakhya.h |
pu.s.ti"sriivibhavaya"saa.msi po.sakaatmaa 
praa.naarthaanapi ca nihanti ghaatakaakhya.h || 3-76 ||

ii"saadya.m tu catu"scatu.spadalipau svaakhyaadivar.ne pade
ye siddhaa.h khalu te dvitiiyapadagaa.h saadhyaa.h susiddhaa.h pare |
var.naa ye.apyaraya"scaturthapadagaaste m.rtyudu.hkhapradaa.h
"si.s.taaste tvaciraacciraajjapahutai.h sidhyanti paa.thaadapi || 3-77 ||

praak saadhyaakhyaa.m saadhakaakhyaa.m ca pa"scaad 
dh.rtvaa.s.taabhistatra "se.saad.r.na.m syaat |
svaakhyaavar.nairvardhitai.h saadhyavar.nair-
h.rtvaa.s.taabhistadvilomaad.r.na.m vaa || 3-78 ||

saadhakaahvayavar.naanaa.m saha mantraak.saraistu yat |
siddhaadyairga.nanaa.m k.rtvaa j~neyo mantraa.m"sakastvayam || 3-79 ||

pa"scimaat praaggata.m lekhya.m pa"nktyordak.si.navaamayo.h |
mantranaamnoryathaa var.naan p.rthak tadvya~njanasvarai.h || 3-80 ||

naamnormantrasya vaa var.naa vi.samaa.h syuryadaa tadaa |
tattadak.saramaalekhya sama.m yaavat prapuurayet || 3-81 ||

tata.h siddhaadibhirh.rtvaa j~neya.m praagvat phalaadikam |

pa"nktau likhet saadhakasaadhyanaamno vargaan svaravya~njanabhedabhinnaan |
h.rtvaa tribhi.h "saatravamitramadhyaan vidyaacca "satruryadi ta.m praja.mhyaat || 3-82 ||

sa.mhitoccaara.naat praapta.m "sodhane.svak.sara.m tyajet || 3-83 ||

adhika.m caapyanusvaara.m jihvaamuula.m visargakam |
tyaktvaiva.m sodhayenmantraan yathokta.m tattvasaagare || 3-84 ||

yathaivaadyaak.sare "suddhi.m tathaa sarvaa"nga"sodhanam |
k.rtvaa kiyanta.h siddhaadyaa mantre.asminniti caa"nkayet || 3-85 ||

siddhaar.naa"scaturo yasmin mantro.asau siddhanaamabhaak |
siddhahiinastu saadhyaakhya.h susiddho ripuvarjita.h || 3-86 ||

susiddhahiina.h "satru.h syaaccaturdhaiva.m prakalpayet |
susiddhamantra.h syaadante siddhaye sa hi kaamadhuk || 3-87 ||

a"satruraadisiddho ya.h susiddhaar.naadiko manu.h |
arivar.navihiina"sca sarvakaamaprado hyasau || 3-88 ||

yasyaadyantagata.h saadhya.h k.rcchrasaadhya.h sa vai manu.h |
aadaavante.athavaadyante yasyaarirna tamabhyaset || 3-89 ||

svabhyasto.api hinastyeva.m janmaantara"satairapi |
susiddho yasya caadyante so.asya cintaama.nirmanu.h || 3-90 ||

eva.m vi"sodhayenmantraan yathokta.m tattvasaagare || 3-90 1/2 ||

pratyak.sara.m tu kathita.m khalu maat.rkaayaa.m 
ruupaadika.m tadabhiyuktajapaadinaarthaa.h |
sidhyanti mantranikurumbavi"si.s.tavar.nai-
ryuktaistu yad bhavati tacca samastamuuhyam || 3-91 1/2 ||

ittha.m vi"sodhya bahudhaa prathamaak.sara.m tan-
mantrasya "si.s.tamapi var.naga.na.m vicaarya |
"suddhaak.saraadikamanu.m talinetaraar.na.m 
dadyaad gurustadadhikaarivi"se.sayuktyaa || 3-92 1/2 ||

iti "sriimadii"saanagurudevapaddhatau tantrasaare svarodayamaat.rkaapratyak.sararuupaadikathana.m naama t.rtiiya.h pa.tala.h ||

atha caturtha.h pa.tala.h

mantraastredhaa striipumaa.msa"sca .sa.n.daa.h 
svaahaantaa.h syuryo.sito ye namontaa.h |
te .sa.n.daakhyaa.h "si.s.tamantraa.h pumaa.msa.h 
prokta.m mantravyaap.rtau gautamena || 4-1 ||
 
pu.mbhi.h kuryaaccaa.tava"sye vi.saghna.m 
striibhirmoha.m caantyayotsaadanaadyam |
"se.sa.m sarva.m karmajaata.m tu .sa.n.dair
mantrai.h kuryaadaa"su tattatphalaaptyai || 4-2 ||

taaraakaa"saavantyavaayvagnivar.naa 
hyaagneyaa.h syu.h saumyamantraastvato.anye |
aagneyo.api syaat sasaumyo namonta.h 
saumyo.api syaadagnimantra.h pha.danta.h || 4-3 ||

syaadaagneyai.h kruurakaaryaprasiddhi.h 
saumyai.h saumya.m karma kuryaad yathaavat |
saumyaagneyaastuubhayairlak.sa.nai.h syu.h 
kuryaat sarva.m karma tai.h kruurasaumyam || 4-4 ||

svaapodbodhau tadvadabhyaasakaala.m 
vidyaade.saa.m tvaasana.m caarabhedaat |
saumyaanaa.m syaat saumayato.abhyaasakaalas
tvaagneyaanaa.m saurato.abhyaasa ukta.h || 4-5 ||

saumya.h svaapa.h suuryacaare.atha saumye 
tvaagneyaanaa.m svaapa ukto.atha bodha.h |
dvi.s.tha"scaarastulya evobhayo.h syaat 
supto.abhyaase buddhamaatro.api ne.s.ta.h || 4-6 ||

jaapa.m kuryaaduktakaale manuunaamudbandhaan vaa japyahomakriyaadau |
aarabhyaitaan puurvamabhyaasakaale madhye svaapa.h karma.naa.m naiva du.syet || 4-7 ||

mantrali"ngaadhikaara.h |

.sa.da"ngo yo mantra.h sa bhavati sanetro hyanayano 
manu.h pa~ncaa"nga.h syaat khalu yadubhayora"ngamanava.h |
p.rthak te syurno cet kvacidapi ca muule navada"sa-
svarai.h kuryaad diirghairan.r.nayugalaira"ngaracanaam || 4-8 ||

svairarcirbhiryadvadevaapradh.r.sya.h 
suuryo vaagnistejasaagrya.h samartha.h |
tadvat saa"ngairmantramuurtistadaatmaa 
tadyuktaa"ngai.h syaat samartho.apradh.r.sya.h || 4-9 ||

h.rd buddhigamya.m h.radayastha aatmaa 
syaaccetanaavaan h.rdayena mantra.h |
yad buddhipuurva.m kriyate namo.asmai 
mukhya.m h.rda"nga.m tata eva vedyam || 4-10 ||

"sirastu muurtasya mano.h pradhaanama"nga.m hi sarve"sagu.naarthatu"ngam |
svato hi tasmaad vi.sayaapahaare svaaheti yukta.m "siraso.a"ngamuktam || 4-11 ||

"sikhaa tu karmaa"ngatayaa manuunaa.m 
yato va.sa.dvyu.s.tikara.m tada"ngam |
adh.r.syatejaa.h "sikhayaa yadagnir-
va.sa.t"sikhaayaa.m viniyujyate.ata.h || 4-12 ||

kacagrahaarthagraha.naat tu dhaato.h 
sa"ng.rhya deha.m kavaca.m manuunaam |
tejastu hu.m sarvamari.s.tajaata.m 
nivaarayet tatkavacaaya yuktam || 4-13 ||

netre.na sarva.m paripa"syatiiha 
mantra.h sphu.ta.m ya.m d.r"si dar"sanaaya |
vau.sa.d bhaveda"ngamatastu netra.m 
netre tu siddhyai d.r"si vau.sa.duktam || 4-14 ||

asuunada.h paalayatiityato.astra.m 
dhaatorasuk.sepa.navaacakaarthaat |
ani.s.tamaak.sipya tu paati mantra.m 
trai"npaalane.astraayapha.dityato.astram || 4-15 ||

puurva.m gururyo.asya manorvidhaana.m 
vij~naaya sa.msaadhitavaan.r.si.h syaat |
icchaapradhaanaarthakathaa.m tu yogaac-
chando bhaved var.nagata.m yathaavat || 4-16 ||

dadaatyabhii.s.taanavatiiha du.hkhaad 
yaa devataa daivatabhaavadaanaat |
saa devataakhyaa manuvaacyavastu-
svaruupi.nii yat kathita.m prapa~nce || 4-17 ||

mantraatmikaayaastvatha devataayaa 
muurtirhi sarvo manuvar.napuuga.h |
"saktistu tatpuurtikarii citi.h syaad 
biijaakhyamasyaiva tu jiivabhuutam || 4-18 ||

tacchando munirahita.m japed yadaasau 
tuccha.m vai di"sati phala.m tu biija"saktyo.h |
aj~naanaad vrajati manurja.datvama"ngair-
anyastairasuraga.naa haranti japyam || 4-19 ||

"suddho vi.s.nuryena kena svare.na sp.r.s.to vahnirhomasa.mvartako vaa |
.thopovomaa (?) so.api vaamaak.sayukto biija.m kha.dgii saamare"so.api mantre || 4-20 ||

saananto vaa vaamapaar"sva.m bhujaadirvaamaak.saa.dhyo vaatha me.sodhisuuk.smau |
saamaanyaa.h syu.h sarvamantre.su biijaanyetaanyeva.m yatra nokta.m tu biijam || 4-21 ||

ekaak.sarasya tu manorna para.m tu devabiija.m vadanti yadata.h parata.h puroktam |
"sakti"sca naadasamabindurani"scitaa ced biijaadaja.h paratara.h khalu "saktiruktaa || 4-22 ||

raa"sestathaa saadhakasaadhyanaamnornak.satrayo.h sarvamihaanukuulam |
yo mantra uktena sidhyet sidhyenna mantro.api cire.na vaanya.h || 4-23 ||

naamark.saraa"syaadikamaanukuulya.m mantre.su saptasvanapek.syame.su |
ha.msaa.s.tapa~ncaak.saravahnitaarai.h saavitrisa~njiivanagopake.su || 4-24 ||

lipyar.naanaa.m sa.mvibhaagena yoktaa 
nak.satraa.naa.m vi.m"sati.h saptayuktaa |
tatsa.mkhyaa.h syurdevataa"scaapi v.rk.saas-
taan na chindyaad yat svamantrark.sav.rk.sam || 4-25 ||

svaayurv.rddhyai vardhayet ta.m tu rak.sed 
vandedena.m siddhaye mantrav.rk.sam |
mantrark.se"saa.m devataa.m caarcayet taa.m 
ye vargotthaastaan grahaa.m"sca svavaare || 4-26 ||

dasro yamo.atha dahana.h kathita.h praje"sa.h 
soma.h "sivaaditisure.dyabhuja"ngamaa"sca |
pitraryamaakhyabhagabhaaskaravi"svakarma-
praa.naa mahendradahanaavatha mitrasa.mj~naa.h || 4-27 ||

indrastathaapi nir.rti.h salila.m ca vi"sve 
cakraayudho.atha vasavo varu.no.apyajaa"nghri.h |
khyaato.ahipuurvapadabundhiratho.atra puu.saa 
khyaataa krame.na bhaga.nasya tu devataamii (?) || 4-28 ||

kaaraskaraamalakapuurvamudumbaraakhyaa 
jambuustathaiva khadiraapyatha k.r.s.nava.m"sau |
saasvatthanaagatarurohi.nakaa.h palaa"saa.h 
plak.sastatastvamitipuurvakaba.s.thasa.mj~na.h || 4-29 ||

bilvaarjunaavapi vika"nkatakesaraakhyaa 
v.rk.saastathaa "sabarasarjakava~njulaahnaa.h |
uktaa.h krame.na panasaarka"samiikadambaa 
bhaanaa.m tu cuutatarunimbamadhuukasa.mj~naa.h || 4-30 ||

ebhya.h sadevataabhyastu nak.satrebhya.h samudgataa.h |
tithaya.h pratipatpuurvaa.h pak.sayo.h "suklak.r.s.nayo.h || 4-31 ||

somav.rddhik.sayava"saad dvidhaa syustithayastu taa.h |
tithiinaa.m krama"sastvaasaa.m devataa.h prabhavanti yaa.h || 4-32 ||

agnirdasraavambikaavighnanaagaa.h 
skanda.h suuryo maatara"scaapi durgaa |
aa"saa "sriida"scaatha vaiku.n.thadharmau 
rudra"scandra"scaatha pitryaa kuhuu.h syaat || 4-33 ||

saraa"sitaaraallipyar.natithibhya.h "saktij.rmbhitaat |
kara.naanyabhavan sapta bavaadiini tu pak.sayo.h || 4-34 ||

bava.m ca baalava.m caiva kaulava.m taitila.m tathaa |
garaja.m va.nijaakhya.m ca vi.s.ti"scaiva tu saptamii || 4-35 ||

pa"sava.h sapta si.mhaadyaa bavaadiinaa.m tu yonaya.h | 
si.mhavyaaghravaraahaa"sca svarebhacchaagakukkuraa.h || 4-36 ||

devataa.h sapta "sakraajamitraaryamadharaa"sriya.h |
yama"sca kara.naanaa.m syu.h puujyaastatkara.ne.su te || 4-37 ||

eva.m hi maat.rkaavar.naviv.rti.h sa.mprakiirtitaa |
gautamiiye yathaa prokta.m mantravyaakara.ne.su ca || 4-38 ||

prapa~ncasaare ca yathaa yathodaggaargyabhaa.sitam |
maat.rkaavar.navitatirvi"svametaditi sphu.tam || 4-39 ||

vindoragre ravo.abhuudatha ravajanitaa.h .so.da"saadau svaraa.h syu.h 
kaadyar.naa.h pa~nca vargaastvatha khalu yamukhaa dhaatubhi.h pa~ncabhuutai.h |
tanmaatraabhistathaak.sai.h prak.rtiratha gu.nairvi"svaruupaa nasa.mj~naa 
"saktirvaagii"svariiya.m nanu jagadakhila.m yat prapa~ncaabhidheyam || 4-40 ||


iti "sriimadii"saanagurudevapaddhatau tantrasaare mantrali"ngaadika.m naama caturtha.h pa.tala.h ||

atha pa~ncama.h pa.tala.h

atha mantrajapaarcanaahutaadyairvivividhaanaamapi karma.naa.m tu yuktyaa |
p.rthagatra hitaaya saadhakaanaa.m kathayi.sye  nikhilena saadhanaadyam || 5-1 ||

kathitaa.h khalu tattvasaagaraadau vidhaya.h pallavayogarodhanaadyaa.h |
harita"sca sade"sakaalayuktyaa vividhadravyadinaasanaadiku.n.dai.h || 5-2 ||

api pallavayogarodhanaani grathana.m sa.mpu.taka.m vidarbha.na.m ca |
iti karmasu yojana.m hi .so.dhaa manuvar.nai.h saha saadhakaar.nayuktyaa || 5-3 ||

manurantanivi.s.tasaadhakaakhya.h kathita.h pallavamaaditastu yoga.h |
ubhayatra manostu naamaraudhau grathane.ar.naantarita.m dvayo.h krame.na || 5-4 ||

ubhayatra tu saadhakasya mantro vinivi.s.to yadi sa.mpu.ta.m tadaahu.h |
manuvar.nayugena saadhakaar.na.m yadi caika.m krama"so vidarbha.na.m syaat || 5-5 ||

grahabhuutapi"saacanigrahaadau vi.sasa.mhaaravinaa"samaara.ne.su |
aricaa.tanasaadane.su te.saamapi vidve.savidhau ca pallava.m syaat || 5-6 ||

paramohanakarma.naa.m tu rodha.h parasa.mstambhanake.su yogamaahu.h |
jana"siilanake.su sa.mpu.ta.m syaad va"sak.rcchaantikapu.s.tido vidarbha.h || 5-7 ||

pallavaadyadhikaara.h 

v.r.sa"saantikapau.s.tike.su puurvaa tvanalaa"saa khalu caa.tane jvare ca |
nanu maara.namohayoryamaa"saa kathitaa dve.sa.nake.su raak.sasaa"saa || 5-8 ||

jaladig jalav.r.s.tidaaha"saantyaa.m bhrama.nastambhanayo"sca maarutaa"saa |
"sivavaagyajane.su va"syak.rtye dhanadaa"saa kathite"sadig vimuktyai || 5-9 ||

"sivadak.si.namuurtipa"scimaa"saa mukha"sarvaalayago.s.thapu.nyanadya.h |
paradevahutaa"savipragehairvana"sailaa.h khalu "saantike.su de"saa.h || 5-10 ||

va.tapippalabilvamuulade"saa.h prathamoktaa.h "subhapau.s.tike.su "sastaa.h |
api kar.sa.nava"syakarma.noste khalu "sastaa.h svag.rhaadika.m ca ramyam || 5-11 ||

pari"sodhya bhuva.m tu "salyahiinaa.m gatalo.s.taatmama.siitu.saadido.saam |
sikataasamam.rtsnayaabhipuur.naa.m mukuraabhaamudagindradikplavaantaam || 5-12 ||

abhipuujitavaastupadhidaivaa.m surabhe.h suutakarogavarjitaayaa.h |
gaganaattanavena gomayenaapyupalipyaambaragaalitai"sca toyai.h || 5-13 ||

prak.rtaanugu.na.m tu tatra kuryaat pari"suddhe.s.takadaarubalbajaadyai.h |
api yaj~niyasaadhanairyathe.s.ta.m ma.tha"saalaadikami.s.tada.n.damaanam || 5-14 ||

paramaa.nuraja.h kaca"sca lik.saa.h sahayuukaa"sca yavaa.h kramaa.s.tasa.mkhyaa.h |
yavako.tarako.s.thaka.m tu tiryak khalu maanaa"ngulami.syate sma tantre || 5-15 ||
pravadanti vitastikaa dvi.sa.tkairiti maanaa"ngulakairvitastiyugmam |
kathayanti hi ki.skusa.mj~nahasta.m nipu.naa hastacatu.s.taya.m ca da.n.dam || 5-16 ||

dhanurityapi da.n.da eva te.saa.m dhanu.saama.s.takamucyate hi rajju.h |
murataarasuraa"nulai.h praje"sa.m sadhanurmu.s.ti dhanurg.rhe ca vidyaat || 5-17 ||

.rjumadhyamaparvamadhyamaayaastviha maatraa"ngulami.syate tadaanyat |
bhavanaadi.su puurvama"ngula.m syaat khalu.m maatraa"ngulameva saadhane.su || 5-18 ||

g.rhavist.rtidairghyada.n.dapuuga.m trigu.na.m tadvasubhakta"si.s.tada.n.daa.h |
krama"so dhvajadhuumakesari"svav.r.sabhaa.h syu.h svarahastivaayasaakhyaa.h || 5-19 ||

dhvajasi.mhav.r.sebhalak.sa.naa.h praagyamaniire"sadhane"sadik.su "saalaa.h |
api madhyag.rhe same ca v.rtte samametacchubhada.n.dameva kuryaat || 5-20 ||

api caa.tanamaara.naadikaanaama"subhaanaamiha karma.naa.m prayoge |
nanu vaayasagardabha"svadhuumairadhida.n.da.m bhavanadikaa.m vidheyam || 5-21 ||

vi.sav.rk.saparetabhuumikaa.s.thaira"subhai.h ka.n.takibhi"sca tatra "saalaa.h |
yamavahnini"saa.tadikplavaa bhuurnikhilak.sudravidhau vi"se.saraudraa.h || 5-22 ||

vipinaani citaa svaya.mbhuvaika.m "sivali"nga.m bhavana.m karaalikaayaa.h |
mahi.saasuramardiniinivaaso.apyabhicaare.su niraalayaa"sca "sastaa.h || 5-23 ||

acalaa"sca viviktanirjalaa ye musalastrii"si"su"sabdavarjitaa.h syu.h |
a"subhe.su "subhe.su caapi de"saa.h parihii.naantyajaraasabhaa"sva"suurpaa.h || 5-24 ||

k.rkavaakuvilaalaju.s.tade"se japahomaadi k.rta.m phalaaya na syaat |
vidhavaa vikalaa"sca paapino vaapy.rtumatya"sca nihanti karma sarvam || 5-25 ||

"subhakarmasu kanyakaa"sca satya.h "subhalak.smaprabaraa"nganaa"sca vipraa.h |
dhvanayo.api gavaa"svaku~njaraa.naa.m phaladaa.h syu.h saha "sa"nkhavaadyagiitai.h || 5-26 ||

abhicaaravidhau tu kanyakaadyaa vidhavaadyaa"sca gavaa"svavedagho.saa.h |
apahanyurime prayoga"sakti.m sutaraa.m maa"ngalikaani tatprade"se || 5-27 ||

vijane.su vi"se.sato.abhigupte.anatiduuraad vividhaaptarak.sivargai.h |
vipinaadipuroktalak.sa.ne.anyairyadad.r.s.te vidadhaatu maara.naadyam || 5-28 ||

hradiniinadasahyavindhya"sailaastvapi ratnaakaragaa vi"si.s.tanadya.h |
udadhe.h salila.m ca hanyurete yadi madhye syurala.m prayoga"saktim || 5-29 ||

prak.rtaarthavi"se.sakarma.naamapyabhiruupe suvicaaritaprade"se |
yadasau vidadhaati biijamupta.m nanu de"saanugu.na.m phalaaya rohet || 5-30 ||

de"saadhikaara.h |

vidadhiita va"siikara.m vasanta paravidve.sa.naka.m nidaaghakaale |
var.saasvaricaa.tanaprayoga.m "si"sire maara.nakarma cet karotu || 5-31 ||

"saradeva hi "saantike pra"sastaa khalu hemantak.rtaani pau.s.tikaani |
nanu "saantikapau.s.tike hime vaa madhumaase.api tathaa pare vadanti || 5-32 ||

udayaat parato ravestu yaamaaviha hemantavasantakau kramoktau |
praharaavadhi pa"scimau nidaaghaahvayamaasaavuditau dinaavasaanaat || 5-33 ||

mihiraastamayaat tu vi.m"sati.h syaad gha.tikaa.h "saaradakaalasa.mj~nito.asau |
parato gha.tikaastu "sai"sira.h syaadudayaat praagiti tattvasaagaroktam || 5-34 ||

kaalaadhikaara.h |

sitata.n.dulabhaktapa~ncagavyaistilapu.spaak.sata"suklagandhayogai.h |
nanu nityavidhau palaa"saduurvaayava"saalipramukhaa"sca dhaanyavargaa.h || 5-35 ||

atha "saantikakarma.naa.m vi"si.s.te havanaadau ca yathodita.m samidbhi.h |
vidadhiita "samiiva.taamranityaakhadirodumbaramaargabodhibilvai.h || 5-36 ||

dadhimaak.sikadugdhapaayasaajyai"scaravo bilvatilaa"sca "saalibhedaa.h |
phalamodaka"sarkaroktapu.spai.h samidha.h syurvividhaa"sca pau.s.tike.s.taa.h || 5-37 ||

lava.nastilasar.sapau yathoktaa.h samidha.h pu.spaphalaani puttaliikaa.h |
madhuraa.ni sajanmav.rk.sahemai.h syuramii candanarocane ca va"sye || 5-38 ||

madhupendralate sahaa ca bhiitaa haripatnii harila"nghitaasubhadraa.h |
musalii girikar.nimohaniikaa.h surataalyutpalamaadalaabjaduurvaa.h || 5-39 ||

gajadaana"sile sitaarkamuula.m kanaka.m k.siiranagaa.h svadehajaani |
uditaani hi va"syakar.sa.naartha.m jatubhuurjaadi ca tatra tantragiitam || 5-40 ||

tu.sasar.sapakaakakaakavairicchadada.n.diivi.sanimbamaatulu"ngai.h |
mahi.saa"sca jale.apyalaktasaara.m nanu vidve.sa.nakarmavastu giitam || 5-41 ||

pha.nisuura.nacitralo.napi.n.dai.h kanakaambhog.rhadhuumrako.sa.nairyat |
paripi.s.tamida.m vi.sa.m vadanti dvi.sataa.m dve.sa.namaara.nakriye.s.tam || 5-42 ||

picumandatarusthakaakanii.da.m vasanaa"ngaaram.rda.h "sma"saanalabdhaa.h |
nagadaarukamarka.tiikada.n.diin.rkacaasthyaadi ca vastu caa.tane syaat || 5-43 ||

bhrama.ne ca pi"saacav.rk.sanimbaavasistonmattakalaa"ngalii"sa.nai"sca |
rujicitrakada.n.di"saalmalaadyairvi.sabhallaatavibhiitakai"sca kuryaat || 5-44 ||

vi.sav.rk.savi.saajasarpi.so.ahiin n.rkapaalaasthi phalaani caityakaa.s.thai.h |
vasanaanyasitaani sar.sapaaadya.m nakhake"saa"nghrirajaa.msi saadhyajaani || 5-45 ||

dvika"saatnavakaakaraktapiitai.h kusumairlohitapu.sparaktagandhai.h |
api janmanagaadiputtaliibhi.h ka.tuko.s.nairapi maara.na.m vidheyam || 5-46 ||

busasar.sapapiitagandhapu.spai.h ka.tuko.s.naambuni"saajamaahi.saa.ni |
kupa.taccarakokilaak.sacakriim.rditi stambhanak.rtyasaadhanaani || 5-47 ||

dravyaadhikaara.h |

tapanaahinagaatmabhaa"sviniinaa.m tithayo.m.a"saa divasaa.h "subhagrahaa.naam |
haradasrahariindrasuuryapuu.saaditidaivaani ca bhaani "saantikesyu.h || 5-48 ||

tithayo mahi.saarivighnayaamyaa.h "sa"sijiivaa.m"sadinodayaadika.m ca |
guruvi.s.nu"sa"saa"nkabhairbhagark.sa.m kathita.m pau.s.tikasiddhida.m yathaavat || 5-49 ||

navamii harimaat.rdigguhaanaa.m tithaya.h "sukrakujaarkavaasaraa"sca |
raviti.syayutaa"sca siddhayogaa.h kathitaa.h sa.mvanane.su kar.sa.ne ca || 5-50 ||

navamii "sa"simaat.rvahnidaivaastithaya.h "sukrakujaarkavaasaraadyam |
yamavahniharaahidaivapuurvaa.h khalu vidve.sa.nakarmasiddhidaa.h syu.h || 5-51 ||

asitaahani caasitaprado.so.apyasitaa.s.tamyatha taccaturda"sii ca |
haravahniyamaahivaayutaaraastvakhiloccaa.tanakarmasiddhidaa.h syu.h || 5-52 ||

asitaatha caturda"sii kuhuurapyasitaa.s.tamyasitaarkabhaumavaarai.h |
kulikasthavire yamaambubhe vaa kujamandaabhyudayaa"sca maara.ne syu.h || 5-53 ||

dvi.sato.a.s.tamaraa"sinaidhanark.se.svatha vainaa"sikamaargasa.mkhyamaani |
kujamandadinodayaadiyogairabhicaryaasu bhavanti siddhidaani || 5-54 ||

kuja"sukrabudhendusuuryasaumyaa bh.rgujaarau gurumandasaurijiivaa.h |
krama"so.a"svayujaadibhaa"nghripaaste khalu me.saadikaraa"sipaa"sca te syu.h || 5-55 ||

kujamaaskarajiivamanda"sukraa.h budha"sukraarkajasaumyacandrabhaumaa.h |
dhi.sa.no.apyadhipaastvajaadi si.mhaadyapi caapaadi.su raa"si.su tridhaiyam || 5-56 ||

gurumandadine.atha jiivamandaa.m"sakanak.satratada.m"sake sarikte |
sthaviraakhyamudaaharanti "sasta.m ripurogaar.navinaa"sanaprayoge || 5-57 ||

divasa.m pravibhajya caa.s.tadhaantyaprathamau mok.syati taddinagrahaa.m"sau |
praharaardhabhujau grahaa.h .sa.danye krama"so.aso guliko.atra ya.h "sane.h syaat || 5-58 ||

jananark.sakato.m.a"sakaada"siiteradhiko yasya tu yo.a.stamo.m.a"sa ukta.h |
sa vinaa"sakasa.mj~nako vinaa"sii nijabhaat saptamabha.m tu naidhanaakhyam || 5-59 ||

nijabhaadravitodadhigrasa.mkhyaa.h "subhataaraa.h "subhakarma.naa.m pra"sastaa.h |
"subhakarma karotu raagadhaamaa sadhanaikaada"sasa.mkhyayaa svaraa"se.h || 5-60 ||

dinaadhikaara.h |

na ca yaanagato na vaahanastho na ca yantrasthalago na vaa"suci.h san |
vi.saye.svabhi.saktamaanaso vaa japahomaadik.rta.m phala.m labhet || 5-61 ||

atiniicamapiiha nocchrita.m vaa na ca "suddhetaracarmakambalaa.dhyam |
a"subhaa"nghripaja.m ca bhinnadagdha.m n.rjalocchi.s.tamalaaktamaasana.m syaat || 5-62 ||

ku"sadarbhak.rtaa.h "subhaa"sca b.rsya.h phalakaa.h pu.nyaruudbhavaa vi"saalaa.h |
saka.saayatarak.sucarma cai.na.m tvapi "sastaani sulohadantajaani || 5-63 ||

sita"suddhavidhautavaasasaa + samavaastiir.navi"sa"nka.taasanaani |
prabhavanti hi saumyakarmasiddhyai vi.sav.rk.saadik.rtaanyasaumyak.rtye || 5-64 ||

upavi"sya tu vi.s.tare.atha jaanvorvivare.a"ngu.s.thanipii.dana.m vidhaaya |
.rjumadhyagalek.sa.naagrakaayo bhavati svastikamaasana.m nivi.s.tam || 5-65 ||

cara.naagrayuga.m tvathopari.s.taadadhiropyoruyugasya muulade"se |
upavi"sya pureva padmasa.mj~na.m kathita.m tadvipariitatastu bhadram || 5-66 ||

adhiropya tu dak.si.naa"nghrimuuraavatha savye cara.ne tu dak.si.norum |
adhiropya pureva suupavi.s.to yadi yogaasanami.s.tada.m tadaahu.h || 5-67 ||

v.r.sa.ne tu nig.rhya vaamaja"nghaapadagulphe tvadhiruu.dhasasphiguuru.h |
uparisthitadak.si.norujaanu.h khalu yogii sa tu gomukhaasanastha.h || 5-68 ||

vinive"sitajihmadak.si.naa"nghri.h phalakaadaavupavi"sya vaamapaadam |
avanau vinidhaaya cordhvaja"ngha.m nanu tat svastikamardhapuurvamaahu.h || 5-69 ||

upavi"sya tathaasane tu paadau bhuvi sa.msthaapya mitho nibaddhaja"nghau |
samatora.najaanuruu.dhahasto yadi viiraasanayogapa.t.tanaddha.h || 5-70 ||

sthita eva padadvayena bhuumau phalakaadya.m ca vinaa sa cennivi.s.ta.h |
samatora.navat sthitoruja"ngho bhavatiihotpu.tika.m ca kukku.ta.m tat || 5-71 ||

marutaa.m vijaye tathendriyaa.naa.m bhavamuktau ca sudhaara.ne samaadhau |
kamalaasanami.s.tamatra bhadra.m hitamukta.m khalu nityapau.s.tikaadau || 5-72 ||

kathita.m khalu "saantike.su karmasvakhila.m svastikameva caabhi.seke |
api "saantikajapyahomapuujaasvathavaa svastikamardhapuurvami.s.tam || 5-73 ||

sakaliikara.ne nijaikyadeve.svabhijapye.su samaadhiha.msayoge |
paramaarthaniruupa.ne.su ce.s.ta.m khalu yogaasanamagrato guru"scet || 5-74 ||

p.rtanaavijaye ca tannirodhe.svapi sa.mstambhanabhuutanigrahaadau |
api sa.mvanane.su kar.sa.ne vaa nanu viiraasanamuktamaa"susiddhyai || 5-75 ||

kathita.m khalu kukku.ta.m ripuu.naa.m rucividve.sa.nacaa.tanabhrame.su |
atha maara.nake.su paar.s.nisa.mj~na.m vidita.m vaasanamardhakukku.ta.m tat || 5-76 ||

vijaye marutaa.m svado.sa"saantyai p.rtanaastambhavidhau ca gomukha.m vaa |
pramadaajanakar.sa.ne.su caabja.m vijita.m yad vidita.m gurupadi.s.tam || 5-77 ||

vijayena yathaivamaasanaanaa.m phalamekaagratayaa mana.hprasaada.h |
mana eva hi sarvakaara.na.m tat svava"sa.m ced vijita.m hi ki.m na sarvam || 5-78 ||

aapya.m ma.n.dalamucyate.atra purato yat tatra "saantyaadika.m 
bhauma.m vaakhilanityapau.s.tikavidhau "sasta.m tvatho maarutam |
dve.soccaa.tanake.su sa.mvananake.apyaagneyamaakar.sa.ne 
sa.mstambhe khalu bhaumamaindramathavaa syaacchaantike pau.s.tike || 5-79 ||

maara.na.m tu vidadhiita vaayunaa ve.s.titaani kuli"saa"nkama.n.dale |
vahnisa.mpu.ta.sa.da"srake.athavaa "saantikaanyapi va"siikaraa.nyapi || 5-80 ||

aasanaadyadhikaara.h |

vij~naayaitada"se.sameva bidhinaa vidyaavi"si.s.taad guro-
stattat karma samaadadhiita niyata.m sa.msiddhamantraatmavaan |
yad yat svaarthaparaarthakaara.natayaa k.rtya.m bhavet saadhaka.h 
k.rtvaa tat phalama"snute sma bhuvane sa.mjaatatatpratyaya.h || 5-81 ||

iti "sriimadii"sana"sivagurudevapaddhatau tantrasaare saadhanapa.tala.h pa~ncama.h |

atha .sa.s.tha.h pa.tala.h

atraagniku.n.daani ca ma.n.dalaani pratyeka"sastaanyatha te.su te.su |
tantre.su yaani prathitaani samyak sa.mk.sipya vak.syaami yathaapradhaanam || 6-1 ||

vedaa"sraka.m "saantikapau.s.tikaadau v.rtta.m ca yonipratima.m hi va"sye |
aak.r.s.taye.a"svatthadala.m tu ku.n.da.m stambhe.a.s.tako.na.m bhama.ne .sa.da"sram || 6-2 ||

vajraa"nkako.natri.sa.da"sraku.n.de syaataa.m dvi.sanmaara.nacaa.tanaadau |
sarvaa.ni ku.n.daani haritsu kuryaalli"ngaprati.s.thaasu ca devataanaam || 6-3 ||

prasaade ma.n.dape vaapi g.rhe vaa yatra karma tat |
kriyate tatra sa.m"suddhe sthale gavyopalepite || 6-4 ||

madhye.atra suutra.m varu.nendradiirgha.m nive"sya caasphaalya tu tasya madhye |
bindu.m vidhaayaaparapuurvayostadathaa"nkayet  suutrava"saat samaanam || 6-5 ||

punaste suutrakha.n.de tu sama.m bhittvaa"nkayedapi |
bindostu puurvaaparamadhyamaa"nkairmitena suutre.na tadaahitena |
bindo.h sayaamyottaradiksamaa"nkabhramai.h samaalikhya tu matsyayugmam || 6-6 ||

tayornidhaaya suutra.m syaad dak.si.nenodagaayatam || 6-7 ||

ittha.m brahmaahvaya.m suutramudaksuutra.m ca saadhayet |
k.setraardhamaanena tu bindusa.mstha"scaturdi"sa.m suutrava"saad yathe.s.tam |
a"nkaan vidhaayaatha tada"nkayugmaat suutradvayaat syu.h khalu ko.namatsyaa.h || 6-8 ||

te.su matsye.su parito dik.su suutrairnipaatitai.h || 6-9 ||

catura"sra.m  bhavet k.setra.m catu.sko.s.tha.m sama.m "subham |
sarvama.n.dalaku.n.daade.h saamaanyotpattikaara.nam || 6-10 ||

catura"srasaadhanam |

ku.n.da.m pra"sasta.m catura"sramaadaava"svatthapatra.m ca tathaardhacandram |
tadvat triko.na.m tvapi vartula.m syaat .sa.tko.naka.m padmamathaa.s.tako.nam || 6-11 ||

ratnimaatra.m "saataardhe syaacchatahome tvaratnikam |
sahasre hastamaana.m syaadyute ca dvihastakam || 6-12 ||

lak.se catu.skara.m ku.n.da.m da"salak.se tu .sa.takaram |
ko.tihome.a.s.tahasta.m syaad yathaa bhojendrapaddhatau || 6-13 ||

sarvaa.ni ku.n.daani yathoktamaanaadaayaamavistaarasamaani taani |
svaata.m tu vistaarasama.m vidheya.m tisra.h kramaaccopari mekhalaa.h syu.h || 6-14 ||

sama.m syaat sarvata.h khaata.m khaatopari caturdi"sam |
ekaa"ngula.m parityajya kuryaat tisro.atha mekhalaa.h || 6-15 ||

stnipramaa.ne khalu mekhalaa syaadaadyaa"ngulaabhyaamaparaa"ngulena |
ardhaa"ngulaadyaa tvathavaa tvaratnau tridvyekamaatraa"ngulakairvidheyaa || 6-16 ||


atra bhojaraaja.h –

ku.n.dahastapramaa.nasyaadyaa dvya"ngulaa dvitiiyaa"ngulenaardhaa"ngulena ca
t.rtiiyaa aratnipramaa.nasya trya"nguladvya"ngulaa"ngulamaanaa iti |


hastaku.n.de mekhalaa.h syu"scatustridvya"ngulaa.h kramaat |
.sa.tcatustrya"ngulai.h kuryaad dvihaste.api yathaakramam || 6-17 ||

catu.skare tva.s.taka.sa.tcatu.skai.h .sa.d.dhastake caapi da"saa.s.ta.sa.dbhi.h |
syura"ngulaira.s.takare.api ku.n.de taa.h .so.da"sadvaada"sakaa.s.tasa.mkhyai.h || 6-18 ||

sarvaa.h sarve.su ku.n.de.su vistaarocchrayata.h samaa.h |
parita.h svasamaayaamaa nimnonnatavivarjitaa.h || 6-19 ||


atra bhojaraaja.h –

krame.na sarvaku.n.de.su tisro mekhalaa.h ku.n.daanuruupe.na vidhaatavyaa.h iti |


ku.n.dasya pa"scime yoni.m kuryaad dak.si.nato.api vaa |
madhyato mekhalaanaa.m tu sarvaasaamupari sthitaa.h || 6-20 ||

suuryaa"ngulaayaamavatii tu yoniraamuulato.agraad vasuvedadasrai.h |
vistaarata.h syaat krama"so.a"nguloccaa draa"nnirgataagraapi ca ratniku.n.de || 6-21 ||

aratnyaadi.su ku.n.de.su dvya"ngula.m dvya"ngula.m p.rthak |
kramaadaayaamavistaarav.rddhyaa yonirvidhiiyate || 6-22 ||


atra bhojaraaja.h –

eva.m prathamaku.n.dasya | "se.saa.naa.m dvya"ngulav.rddhyaa yonirvidhaatavye ti |

ma~njaryaa.m ca hastamaatraku.n.dasya –

taalaayataa jalapaterdi"si sa.msthitaa syaa-
da"svatthapatrasad.r"sii krama"so.atha nimnaa |
naabhirda"sa"ngula.sa.da"ngulata.h krame.na 
vistaarata"sca catura"ngulagolakaagraa.h || iti ca |


catura"sra.m tu vaa v.rtta.m ku.n.da.m nitye ca "saantike |
saarvakaamikamityanye catura"sra.m ca vartulam || 6-23 ||

"srutyekaa.m"sa.m tu siimno bahirapi purato.athaa"nkayitvaambunaathe
tanmaanaat suutramantarnihitamubhayata.h ko.s.thayorbhraamayitvaa |
madhyaadyanyasya kar.naantikamapi parata.h ko.nayo.h puurvacihne 
suutre tvaasphaalya yonipratimamapi bhavet ku.n.dama"svatthapatram || 6-24 ||

catura"sra.m yugaa.m"saa.m"sa.m k.rtvaantya.m cottare tyajet |
bhaaga.m tvanena praakpratyagbahira"nkau nidhaaya tu || 6-25 ||

tadvad dak.si.nato madhyasthitasuutrabhramaad dvayo.h |
ardhacandrasamaakaara.m ku.n.da.m bhavati "sobhanam || 6-26 ||

vedaa"sre catura.m"sake bhujamite praaga.m"samaapyaad bahi.h 
k.siptvaa madhyamavaaru.naa"nkanihite suutre dvidhaa bhraamite |
syaataa.m dvau "sapharau tayo"sca purata"scaa"nke.atha suutratraya.m
k.siptvaa tatsamakhaatato bhavati tat ku.n.da.m triko.naahvayam || 6-27 ||

.sa.s.thaa.m"sa.m puurvanihita.m g.rhiitvaa nair.rtasthitam |
vaayavyaante ca suutre dve k.siptvaa vaa syaat triko.nakam || 6-28 ||

madhyabindusthita.m suutra.m praagbhujaad dvya"ngula.m bahi.h |
paribhramya bhavet ku.n.da.m vartula.m tat su"sobhanam || 6-29 ||

baahyastha.m .sa.s.thama.m"sa.m "satamakhavaru.naa"saa"srita.m vedako.ne 
madhye sa.msthaapya suutra.m samamiha tu tayorbhraamayitvaa tu baahye |
catvaarastatra matsyaastadanu dhanadadigdak.si.nasthe ca suutre 
tatrasthe.sve.su cihne.svatha samapatitai.h syaat .sa.da"sra.m hi ku.n.dam || 6-30 ||

v.rttaku.n.de.abjapatraa.ni kuryaat tanmekhalopari |
ku.n.daardhamaayataanya.s.tau madhye tatkar.nikaa bhavet || 6-31 ||

padmoktalak.sa.nenaiva.m k.rtvaa syaat padmasa.msthiti.h |

aadityaa"ngaa.m"samantarbahiriha parito dik.su sambhraamya taabhyaa.m 
dvaabhyaa.m matsyau bhavetaa.m di"si di"si patitaiste.su suutrairyathaavat |
ku.n.da.m syaada.s.tako.na.m suruciramathavaapyardhadiksuutrako.naa-
cchi.s.taapyaindraaccharaa.m"saat k.rta"sapharayugaajjaatamiinaa.s.takairvaa || 6-32 ||

k.setre tripa~ncaa"ngulamaatrav.rtta.m tribhistribhi"scaa"ngulakairvibhajya |
rekhaa.m"sakaan pa~ncada"saatra kuryaat ko.naantaraa.ni tribhira.m"sakai.h syu.h || 6-33 ||

sthitvaa tu bindaavatha pa~ncadhaasmin suutraa.ni suuryaa"ngulamaayataani |
dattvaa"srimadhyena sama.m vibhaktai.h suutrairhi ko.nadvayasandhaya.h syu.h || 6-34 ||

bindostu ko.naantagasuutramaanaat sa.mbhraamya tatk.setracaturthabhaagaat |
bindusthasuutrabhrama.na.m vidhaaya syu.h sandhaya.h pa~nca tathaatra suutrai.h || 6-35 ||

pa~ncako.naku.n.daadhikaara.h |

catura"sra.m tu sa.msaadhya dvya.s.tadhaa vibhajet puna.h |
.sa.tpa~ncaa"sacca ko.s.thaanaa.m dvi"sata.m caatra vai bhavet || 6-36 ||

.sa.n.naa.m .sa.dbhistu ko.s.thairlikhatu sarasija.m madhyade"se.asya baahye
pa"nktyaa pii.tha.m ca pii.thaad bahirapi parita.h pa"nktiyugmena viithiim |
tadbaahye pa"nktiyugme di"si vidi"si tathaa dvaaraka.n.thopaka.n.thaad 
ga.n.daa.m"scaivopaga.n.daan rajanicaramarudvahni"sarve.su ko.naan || 6-37 ||


ka.n.thopaka.n.thaat kapolopakapolaat "sobhopa"sobhaa iti kecidaahu.h |


padmak.setrasthadiksuutre sa.msthaapyaanyad vim.rjya tu |
bahirdvaada"saka.m bhaaga.m tyaktvaanyat parivartayet || 6-38 ||

k.setra.m caturdhaa vibhajet tu v.rtta.m suutra.m paribhraamya sama.m krame.na |
tatkar.nikaakesarapatrasandhicchadaavasaanaani bhavanti taani || 6-39 ||

puurva.m dvaada"sakaa.m"sa.m yat tyakta.m tad bhramayed bahi.h |
pa~ncama.m tad bhavet k.setra.m vyomaakhya.m tad dalaagrakam || 6-40 ||

prasaarya ko.nasuutre dve ko.nadi"nmadhyamena tu |
catvaari suutraa.nyaasphaalya suutra.so.da"saka.m bhavet || 6-41 ||

dalaantasiddhyai dalasandhimadhye nidhaaya suutra.m tu dalaantamaanam |
dalaantaraaladvayasa.mbhramotthai.h "sa"saa"nkakha.n.daistu dala.m prasidhyet || 6-42 ||

padma.so.da"sasuutraa.naa.m madhya.m suutrairvibhajya tu |
dvaatri.m"sat kha.n.dasuutraa.ni syurdalaagrav.rtau samam || 6-43 ||

dalaagrasuutrodayapaar"svasuutrayora.mgrasthita.m suutramathaasya muulata.h |
dalaagrasuutraantamupaanayellikhanneva.m dalaagra.m tu bhavenmanoharam || 6-44 ||

syaacchaalipi.s.ta.m sitacuur.nami.s.ta.m haaridramii.satsitayuksupiitam |
kausumbhasinduurakadhaaturakta.m dagdhairyavaadyairapi niilacuur.nam || 6-45 ||

"samyabjabilvaadidalairyaj~niyai.h "syaamala.m sm.rtam |
tattadvar.naistu vaa dhaanyai.h puurayenma.n.dalaani vai || 6-46 ||

"saktastu vaa~nched yadi siddhimagryaa.m tadvar.naratnairhiha ma.n.dalaani |
aapuurayenmauktikapu.syaraagairmaa.nikyaniilairharitai"sca ratnai.h || 6-47 ||

eva.mvidhe.su cuur.ne.su siddhikaamo muktaavidrumaadikaistadeva.m kuryaad iti bhojaraaja.h |

rekhaastu sarvaa.h sarvatra "suklaa.h syurmadhyamaamitaa.h |
dvihaste.a"ngu.s.tamaatraa vaa haste caanaamikaasamaa.h |
dvihaste.a"ngu.s.thamaatraa.h syurhaste madhyamayaa mitaa.h ||

ityanye |


madhye supiitaa khalu kar.nikaa syaat tasyaa.m tu biijaani navaasitaani |
dve dve p.rthak kesarake dalaanaa.m madhye.su lekhye ku.tilaagramii.sat || 6-48 ||

muule tanuunyaapiitaani madhye sthuulaaru.naanyapi |
ante draak tanupiitaani tadante.alpasitaani vai || 6-49 ||


muulamadhyaagre.su piitarakta"sukla.m kesarajaalami ti bhojaraaja.h |


"suklaani taanya.s.tadalaani kuryaat samaani tu"ngaagramanoramaa.ni |
bhuktyai tathaa praa~njalikaani muktyai smaraadiyaage.su "sitaagravanti || 6-50 ||

atraajite–

dalaagraa.nyapi sarvaa.ni raktavar.naani kaarayedi ti |


gauriisarasvatyaadiinaa.m dalaanya"svatthapatravat |
vidye"saanaa.m grahaa.naa.m ca gokar.naagraa.ni kaarayet || 6-51 ||

dikpaalakaanaamadharaagrakaa.ni syu"scaapi nandyaadiga.ne"svaraa.naam |
vighne"sapadmodbhavavi.s.nusuuryaskandaadikaanaa.m ca yathaa "sivasya || 6-52 ||

"slak.s.na"syaamena rajasaa dalasandhiistu puurayet |
pii.thaantaraalako.naani sa.mraktaanyeva kaarayet || 6-53 ||

pii.tha.m tu "suklaaru.napiitak.r.s.nai.h paadaistathaa niilakakiila"sobham |
gaatrai"scaturbhistu vicitravar.nai.h kuryaad yathe.s.ta.m tvathavaapi var.nai.h || 6-54 ||


atra tattvasaagare –

pii.tha.m ko.s.thadvaya.m dik.su lopya.m, tathaa ko.ne trii.ni trii.ni vilopayed iti |


viithii.m lataavitaanaadyai.h patrakai"scopa"sobhayet |
tadbaahye dik.su "suklena caturdvaaraa.ni puurayet || 6-55 ||

diksuutrakaa.naamubhayatra ko.s.the dvaaraarthamabhyantarapa"nktisa.msthe |
tadbaahyapa"nktau dvitayadvaya.m tat .sa.tko.s.thamittha.m vim.r"sed di"saasu || 6-56 ||

ko.s.thatraya.m traya.m caantardvaaraa.naa.m paar"svayordvayo.h |
aikyena "sobhaasiddhyarthamekaika.m vim.rjed bahi.h || 6-57 ||

eva.m p.rthakko.s.thacatu.skavanta.h ka.n.thopaka.n.thaa.h prabhavanti caa.s.tau |
tatpaar"svatastadvipariitavaktraastadvat kapolopakapolakaa.h syu.h || 6-58 ||

tata.h ko.ne.su "si.s.taani .sa.tko.s.thaani p.rthak p.rthak |
vimuktyai ko.nasiddhyartha.m v.r.sabhaane.su vaa likhet || 6-59 ||

niilenaacchaadya ko.naa.mstaa~nchaakhaan "suklena vaa likhet || 6-60 ||

ka.n.thopaka.n.thaan raktena kapolopakapolakaan |
piitenaacchaadayedabhau(?) yathaa bhuumirna d.r"syate || 6-61 ||

bahirgu.naad vai parita.h kramoktaallikhet tata.h sattvarajastamaa.msi |
rajobhira"ngu.s.thamitaa.mstu "suklaaru.naasitaan madhyayavaantaraa.mstaan || 6-62 ||

bhadrakaadhikaara.h |

catura"sre.a.s.tadhaa bhakte catu.h.sa.s.tipade k.rte |
madhye ko.s.thacatu.ske.na padma.m pii.tha.m ca sa.mlikhet || 6-63 ||

tadbaahyapa"nktyaa khalu viithikaa syaat tadbaahyapa"nktidvayadikcatu.ske |
dvaaraa.ni ko.s.thai.h khalu vedasa.mkhyai.h sa.mm.rjya "suklaani samaani kuryaat || 6-64 ||

dvaaraa.naa.m paar"svayorbaahyapa"nktaavekaikako.s.thakam |
dvaare.naayojya vim.rjet syaataa.m ka.n.thopaka.n.thakau || 6-65 ||

sa.msthaapya ko.ne.svatha ko.s.thameka.m "si.s.tai.h p.rthak ko.s.thakapa~ncakai.h syu.h |
ekiik.rtairvedakapolakaaste taavanta evopakapolakaa"sca || 6-66 ||


atraajite –

kapaala.m tu bhavet te.su pada.m puurvaaparaayatam |
dak.si.nottaraga.m caapi bhavedupakapolakam  || iti |


praaguktamaarge.na tu kar.nikaadya.m caapuurya viithi.m ca yathoktavar.nai.h |
dvaaraa.ni "suklena kapolakaaste raktaastathaa patiruco.adha ca syu.h || 6-67 ||


atraajite b.rhatkaalottare ca –

kapolopakapolaastu vahniko.naadi.su kramaat |
rakta.m piita.m tathaa "syaama.m "sveta.m ca parikalpayet || iti


vahnyaadiko.nako.s.thaani piita"syaamaasitaaru.nai.h |
puurayed vaatha sarvaa.ni k.r.s.nena paripuurayet || 6-68 ||

baahye tu "suklaaru.nak.r.s.navar.nai.h praagvat samaalikhya gu.natraya.m tat |
syaat sarvatobhadramida.m tu ko.ne .sa.tko.s.thakaikiikara.nena bhadram || 6-69 ||

ma.n.dale.svapi sarve.su "suklaanyabjadalaani tu |
dvaaraa.ni caatha viithii syaallataadyairavi"se.site || 6-70 ||

sarvatobhadraadhikaara.h |

dvaatri.m"sada.m"se catura"srake.asmin sahasraka.m sa"nk.rtisa.mkhyaka.m ca |
ko.s.thaani tanmadhyagatattvasa.mkhyai.h ko.s.thai.h saroja.m tu likhet purovat || 6-71 ||

tadvaahyapa"nktyaa pii.tha.m syaat tadbaahye saptapa"nktibhi.h |
li"ngaa.s.taka.m tu vilikhed diksuutrobhayapaar"svayo.h || 6-72 ||

.rtuvedaak.sivedartuko.s.thai.h syaat tiryagaayatai.h |
pii.tha.m saka.n.tha.m brahmaadijalapaadaantaka "subham || 6-73 ||

pii.thopari.s.taat khalu madhyapa"nktyoryugmasthatatko.s.thacatu.s.tayena |
li"nga.m bhavet tadgatamadhyasuutraanmadhyaantasa.mvartitamastaka.m vaa || 6-74 ||

antarmukhaani li"ngaani bubhuk.suu.naa.m samaalikhet |
vipariita.m mumuk.suu.naamanta.hpii.thaani kaarayet || 6-75 ||

tatka.n.thapii.thobhayapaar"svasa.msthe bhadre catu.sko.s.thava"saad bhavetaam |
li"ngaantaraale.svapi pa~ncavi.m"sai.h ko.s.thaistu ko.ne.su lataa vidheyaa.h || 6-76 ||

gomuutrikaavat sa.msp.r.s.taa rekhaastatko.s.thagaa yathaa |
tathaanyarekhaalopena lataa.h syurvidigaayataa.h || 6-77 ||

a"sryantare.su valliinaa.m patraa.nyapyathavaa likhet |
vallyaadau saktamuulaani ku.tilaagraadikaanyapi || 6-78 ||

tadbaahye pa"nktiyugmena viithii.m praagvat tu maarjayet |

viithii.m tathaa kalpalataavi"se.sairaabhuu.sya tadbaahyav.rtitraye.api |
ko.s.thaani vedartuvasuprasa.mkhya.m dvaaraarthamanta.h prabh.rtiiha lumpet || 6-79 ||

"sobhopa"sobhe.api syaataa.m dvicatu.s.sa.dvilopata.h |
tri.hsaptako.s.thaani p.rthak ko.ne ko.ne tu maarjayet || 6-80 ||

padmaadika.m bhadrakavat tu sarvamaabhuu.sayet pa~ncavidhaistu cuur.nai.h |
li"ngaa.s.taka.m pa~ncamukhoktavar.nairicchaanuruupa.m paripuurayed vaa || 6-81 ||

itiida.m paarvatiikaantamukta.m praasaadama.n.dalam |
a.s.tali"ngalataapadmaviithiipraakaarama.n.ditam || 6-82 ||

paarvatiikaantapraasaadaadhikaara.h |

catura"sra.m caturhasta.m k.setra.m vi.m"satibhaagikam |
syaaccatu.h"satako.s.tha.m tanmadhye.abja.m tattvako.s.thakai.h || 6-83 ||

pa"nktyaikayaa pii.thamathaikayaa syaad biithii tata.h pa"nkticatu.s.tayena |
taddvaarali"ngai.h parito lataa.h syustadbaahyapa"nktyaapi ca baahyaviithii || 6-84 ||

kuryaad bhadrakavat padmapii.thabiithiiryathaavidhi |
pratipa"nktidviko.s.thaa.s.tako.s.thairdvaaraa.ni dik.svapi || 6-85 ||

viithyantaraa dvaaranibaddhako.s.thatraye.na bhuupii.thamathaikako.s.tham |
syaat ka.n.thapii.tha.m tvatha toyapa.t.ta.m ko.s.thaistribhirli"ngamathaikako.s.tham || 6-86 ||

adha"scordhva.m ca tatko.s.thaat pii.thako.s.thacatu.s.taye |
ko.s.thaanta.h ko.naga.m suutra.m ko.s.thasuutraardhamaanata.h || 6-87 ||

bhramayitvaa tyajed baahye kha.n.ditaa"sricatu.s.tayam |
pii.thameva.m bhaved ramya.m dvaada"saa"srairala"nk.rtam || 6-88 ||

praagvat samaapuurya tu var.nacuur.nai.h padmaadiviithyantama"se.sabimbam |
khyaata.m lataali"ngasamudbhavaakhya.m tanma.n.dala.m "sa"nkaravallabha.m yat || 6-89 ||

lataali"ngodbhavaadhikaara.h |

k.setre .so.da"sadhaabhaktacatura"sre caturdi"sam |
paarvatiikaantavat ko.s.thai.h kuryaalli"ngacatu.s.tayam || 6-90 ||

madhye vi"si.s.tairapi vedako.s.thairli"ngaantaraale.svapi tatprasa.mkhyai.h |
caturdalaabja.m khayameva tai.h syaalli"nge.su sa.mvartitamastake.su || 6-91 ||

bhadraa.s.taka.m syaat ka.n.the.su lataa.h ko.ne.su puurvavat |
likhitvaa ma.n.dala.m tat syaat pa~ncabrahmaabhidhaanakam || 6-92 ||

madhye.ambuje vartulakar.nikaa syaat piitaa ca raktaa tanukesaraalii |
ii"sastu madhye puru.saadayo.api khavar.nadigli"ngagataa bhavanti || 6-93 ||

asyaiva tu lataasthaane.svaalikhya svastikaani tu |
ko.naardhapa"nktyorviithii syaad gauriitilakama.n.dale || 6-94 ||

naabhe.h samiipe prathama.m tu ko.s.tha.m vakraayata.m dve.atha punarvilumpet |
taddak.si.naavartacatu.spathaa"nka.m syaat svastika.m caantaraviithiyuktam || 6-95 ||

"syaamapiitaasitaaraktairmaargaanaabhuu.sayet kramaat |
kha.n.daviithiistu "suklena li"ngaadanyena bhadrake || 6-96 ||

pa~ncabrahmama.n.dalagauriitilakaadhikaara.h |

k.setre tathaa.s.taada"sadhaa vibhakte ko.s.thaani caasmin tri"sata.m ca vedai.h |
vi.m"satyapi syaat khalu tattvasa.mkhyairmadhye saroja.m vilikhet purovat || 6-97 ||

a.s.taa"saasvapi .sa.ttri.m"satko.s.thai.h syu.h svastikaanyapi |
eka.m trii.ni tata.h pa~nca ko.s.thalopakrama.h sm.rta.h || 6-98 ||

etat khalu svastikama.n.dalaabja.m k.setre.athavaa dvaada"sabhaagite.asmin |
madhye.ambuja.m .so.da"sako.s.thakai.h syaat syu.h svastikaanya.s.tadi"saasu tadvat || 6-99 ||

svastikaanyapi padma.m ca praagvadaapuurya var.nakai.h |
svastyartha.m svastika.m "sasta.m sarvadevaabhinandanam || 6-100 ||

svastikaabjadvayaadhikaara.h |

k.setre tathaa.s.taada"sabhaagike.asmin tanmadhyaga.h svastikanaabhimaadau |
sa"nkalpya lumpet tu catu.spathaabha.m samantata.h ko.s.thakapa~ncakaani || 6-101 ||

ko.s.thamaatraayataa rekhaa.h ku.tilaa.h svastikaak.rtau |
parasparapayodhinya.h sthaapyaa.h syu.h "se.salopata.h || 6-102 ||

pa~ncaa"sadasmin khalu saptaka.m ca syaat svastikaanaa.m saha caarkabhadrai.h |
madhye dvipa~ncaa"sadapi dvaya.m ca syaat sarvatobhadracatu.spathaanaam || 6-103 ||

ko.ne.su caikako.s.thaani "si.s.taanyaabhuu.sayet sitai.h |
niilapiitaaru.na"syaamairbhadraa.nyapi catu.spathaan || 6-104 ||

etaddhi sarvatobhadrasvastika.m naama ma.n.dalam |
sarvasvastikamityete praahuryacchivayo.h priyam  || 6-105 ||

k.setre.athavaa .so.da"sadhaa vibhakte manvarkad.rgvasv.rtubhedite vaa |
praagvad vilomaat khalu ma.n.dalaani syu.h sarvata.h svastikabhadravanti || 6-106 ||

svastikasarvatobhadraa.ni |

catura"sre dvihaste tu cakraabja.m pii.thavarjitam |
syaadekanaabha.m tallak.sma bhavenmaanaa"ngulakramaat || 6-107 ||

nidhaaya suutra.m tvatha madhyabindau padmaardhamaanena navaa"ngulena |
tribhi"sca vasvabdhimitairbhramaistai.h saroruha.m naabhyaranemaya.h syu.h || 6-108 ||

padma.m purovadaalikhya naabhi.m piitena puurayet |
dalatulyaarake cakre dalarekhaa.h prasaarya tu || 6-109 ||

likhet tataste.svarakaan yathaavad dalaad dvisa.mkhye.svarake.su tadvat |
dalaagrasuutrairdalasandhisuutrai.h prasaaritaistaavadihaarakaa.h syu.h || 6-110 ||

vibhajyaarabhuva.m tredhaa dvaabhyaamantarathaa"nkayet |
matsyavat te.svathaasphaalya suutraa.nye.su likhedaraan || 6-111 ||

indiivaraa"svatthadalopamaa vaa te maatulu"ngaak.rtayo.athavaa syu.h |
abjacchadaabhaa"sca yavodaraa vaa madhyai.h k.r"sairvaatha pipiilikaabhaa.h || 6-112 ||

arakaastvaru.naa.h "syaamaaste syurekaantaraa.h kramaat |
ante gorocanaabhaa.h syu.h piitaa.h syurarasandhaya.h || 6-113 ||

nemi.m tridhaa sa.mpravibhajya kuryaacchuklena madhye tvasitena baahye |
piitena caanta.h paripuurya ko.naan k.r.s.nena sasvastikacihnaramyaan || 6-114 ||

arasandhyantaraalastho bahirneme.h paribhramet |
arasandhestu madhyastho bhramayedaramuulakam || 6-115 ||

madhye.arakaa.naa.m sthitvaa tu bhramayedaramadhyakam |
maatulu"ngaphalaakaaraa eva.m sidhyantyaraa.h kramaat || 6-116 ||

araagrasa.msthastvarasandhimuulaat suutra.m tathaarobhayapaar"svasa.mstham |
p.rthak samaasphaalya tathaarakaa.h syurvistaaritendiivarapatrakalpaa.h || 6-117 ||

aramadhyasthito.araagra.m ki~ncit tyaktvaabjapatravat |
arasandherbhramaaccaagrabhramaadabjadalaarakaa.h || 6-118 ||

"saantaagramuulaa.h p.rthavastu madhye kaaryaast.rtiiyaa.m"satayaarasandhe.h |
anta.h pravi.s.taastu yavodaraakhyaa.h sidhyanti te syu.h krama"sa.h "sitaagraa.h || 6-119 ||

tridhaa vibhajyaarak.setra.m dvitiiyaprathamaa.m"sayo.h |
madhye sthitvaa paribhramya t.rtiiyaa.m"se dalaagravat || 6-120 ||

ardhacandraabharekhaabhyaa.m patraagra.m ca samaalikhet |
itthama"svatthapatraabhaastatraaraa.h sa.mbhavanti hi || 6-121 ||

sthitvaarasandheratha madhyamaa.m"se tiryagbhramaaccobhayato.arakaarghaat |
rekhaadvayaanta.h k.r"samadhyakaa.h syu.h pipiilikaakro.dasamaahvayaaraa.h || 6-122 ||

arasandhyantaraa pu.spairvicitrairabhibhuu.sya tu |
bimbabaahye.athavaa lipte pu.spaaliibhirvibhuu.sayet || 6-123 ||

ukta.m tu cakraambujamekanaabha.m priya.m "sivaaryaaharibhaaskaraa.naam |
anyaani ca syurnavanaabhakaantaanyuuhyaani cakraambujama.n.dalaani || 6-124 ||

cakraabjaadhikaara.h |

kar.nikaardhapramaa.nena praaksthasuutrabhramakramaat |
tadrekhaapaar"svayogena matsyadvaada"saka.m bhavet || 6-125 ||

suutre.su te.svaapatitairyathaavat sandhisthasuutrairdinak.rcchataabjam |
a.s.tacchadaabjasya samaprabhedaat syadambuja.m .so.da"sapatra"sobham || 6-126 ||

kesaravyomarekhaantasuutraat tatkesaraagragaat |
matsyavallaa~nchayitvaa syaat pa~ncapatra.m tu pa"nkajam || 6-127 ||

kar.nikaadalasandhibhyaa.m praagvat .sa.tpatrasiddhaye |
vyomarekhaakar.nikaabhyaa.m dalaagrastha.m tu saptake || 6-128 ||

dalasandhikar.nikaabhyaa.m dalasandhau nyasya matsyacihnena |
navadalaka.m syaat suutrai.h pa~ncabhiraasphaalya pa"nktipatra.m syaat || 6-129 ||

kesaraakaa"sayormadhya.m vyomni vinyasya laa~nchayet |
ekaada"sacchada.m tveva.m padma.m syaat suutrapaatata.h || 6-130 ||

patraagrapatrasandhibhyaa.m patraagre nyasya laa~nchite |
aasphaalya te.su suutraa.ni tat syaadabhik.rticchadam || 6-131 ||

ata.h para.m ced dalav.rddhimicched di"saanayaivaatra yathaakrame.na |
taduuhato madhyava"sena suutrairlikhet sarojaani yathaabhilaa.sam || 6-132 ||

dalabhedalak.sa.nam |

ardhacandraadiku.n.daanaa.m lak.sma.naa suutrapaatata.h |
ardhacandraadibimbaani kuryaat kaamaanusaarata.h  || 6-133 ||

vedaa"srike digvidigantare syurdvya.s.tasuutrai.h patitaistu diirghai.h |
dvaatri.m"sada.m"saa.h parito.atha te.su k.setraa.ni pa~nca bhrama.naad bhavanti || 6-134 ||

a.s.taa"ngulai.h syaat kamalaardhamaadau tribhistu pii.tha.m tribhireva naabhi.h |
viithii"scaturbhistu .sa.da"ngulai.h syurdvaaraa.ni "sobhaastvapi copa"sobhaa.h || 6-135 ||

praagvat saroja.m tviha v.rttapii.tha.m naabhirgu.nairha.msa"saraabja"sa"nkhai.h |
viithirbhaved vaaracatu.s.tayaa.dhya.m var.nakramaad bhadrakavad vidheyam || 6-136 ||

dvaaraadi.su vi"se.so.atra syaat tatk.setra.m dvidhaa bhramaat |
antarvedaa.m"sakairbaahyairdvaaraa.ni syu.h .sa.da.m"sakai.h || 6-137 ||

praagvac "sobhopa"sobhe staa.m ko.nalak.smaapi kathyate |
antarmukhaaste kala"saastu ko.naa vedaa.m"savaktraa dvitayaa.m"saka.n.thaa.h |
tatko.napaar"svaantavivartane syu.h p.rthuudaraavartitavi.s.taraantaa.h || 6-138 ||

maayaacakraahvaya.m tveva.m "saktiinaa.m ma.n.dala.m sm.rtam || 6-139 ||

maayaacakraadhikaara.h |

vak.sye.atha bimba.m tripuraabhidhaana.m k.setra.m tu kuryaaccatura"sradiirgham |
yuktyaa purovacca parai"sca suutrai.h syaad dvitrihastaayatavist.rta.m tat || 6-140 ||

praagaayata.m trayastri.m"satsuutraa.nyatra nipaatayet |
yaamyodagaayata.m saptacatvaari.m"sacca sa.mkhyayaa || 6-141 ||

ko.s.thaani caasminnathavarya(?)sa.mkhya.m 
madhye.asya ko.s.thairapi tattvasa.mkhyai.h |
syaat pa"nkaja.m tatparitastu pa"nkti.m 
tyaktvaasya puurvaaparato.ambuje staam || 6-142 ||

parito.abjatrayasyaatra pa"nktimekaa.m vilopayet |
catura"sraak.rtirdiirghaa saa caantarviithisa.mj~nitaa || 6-143 ||

tadbaahyapa"nktyaa paritastu pii.tha.m ko.s.thaistathaa pa~ncabhirasya ko.naat |
kuryaacca puurvaaparadak.si.nodaggaatraa.ni vasva.s.tacatu.skavedai.h || 6-144 ||

ko.naagaatrakamadhye.su pa~nca ko.s.thaani lopayet |
pii.thameka.m tripadmaanaa.m syaad diirghacatura"srakam || 6-145 ||

tadvaahyayaamyottarapuurvapa"scaalli"ngaani .sa.tsaptakako.s.thakai.h syu.h |
tiryagrasaistaddi"si saptapaa"nktai.h ko.s.thairyathokta.m catura"srake.su || 6-146 ||

li"ngaanaa.m paar"svayordvandve catura"sre vilopayet |
p.rthakp.rthagvai .sa.ttri.m"satko.s.thaistaani bhavanti hi || 6-147 ||

tadvat ko.nacatu.ske.su .sa.ttri.m"satsa.mkhyako.s.thakai.h |
diirghe.su catura"sre.su n.rtyaddha.msaan samaalikhet || 6-148 ||

raktaani padmacchadanaani lak.smiijayaarthasaubhaagyakaraa.ni kuryaat |
"suklaani vidyaakavitaadisiddhyai "se.sa.m purovat khalu kar.nikaadyam || 6-149 ||

antarviithii.m tu piitena catura"sre.svathaa.s.tasu |
"sa"nkhau cakre ca sa.mlikhya catvaaryabjaani caalikhet || 6-150 ||

viithyaa.m lataa syaat pari"si.s.tapa"nktitraye.na digdvaaracatu.s.tayaadyam |
lumpet .sa.da.s.tau da"sa ko.s.thakaani dvaaradvaye dak.si.nata"sca saumye || 6-151 ||

"sobhopa"sobhaasiddhyartha.m ko.s.thaanyuttarayaamyayo.h |
catu.h.sa.da.s.tau praagaapye dve catu.h.sa.t ca lopayet || 6-152 ||

dvaare praakpa"scime syaataa.m vedartuvasuko.s.thakai.h |
trisaptako.s.thai.h ko.naa.h syustatpaadaa"scartuko.s.thakai.h || 6-153 ||

tripuraama.n.dalaadhikaara.h |

k.setre vi.m"satidhaa dvidhaa punarida.m nirbhidya vedaa"sraka.m 
ko.s.thaanaa.m khalu .sa.t"sata.m da"sa"sata.m caatraasti tanmadhyata.h |
.sa.ttri.m"satkacatu.s.tayena tu bhavelli"nga.m sapii.tha.m mahat 
tattri.m"saddvayanaaga.so.da"samitai.h ko.s.thaistu pii.thaadikam || 6-154 ||

pa"nkti.m tatparito vim.rjya tu bahi.hpa"nktyaa ca pii.tha.m bhavet 
tadbaahye munipa"nktitattvaga.nanaako.s.thai.h p.rthak puurvavat |
padmaani krama"so.a.s.tadik.su vilikhelli"nge ca tatpaar"svayo.h 
.sa.dbhirvi.m"satiko.s.thakai"sca parita.h pa"nktidvayaad  viithikaa.h || 6-155 ||

ii"saanaadibrahmavar.naani caasmin li"ngaani syu.h "si.s.tali"ngaani padmaat |
vyastairvar.nai.h "suklaraktaaccharaktai.h praagaadyabje sa.mlikheduktamaargaan || 6-156 ||

sa.myuktaan krama"sa.h pradak.si.namatho viithyaa.m tu "sa"nkhaallikhe-
cchuklaabhaan yadi ma.n.dala.m bhavati tadyaccha"nkhamaalaahvayam |
ha.msaa"scediha ha.msamaalam.rtubhi.h syaada.s.tadiksa.msthitai-
rdvaaraa.ni tri"saraa.m"sca ko.s.thavihitaa.h "sobhaa"sca pa"nktitraye || 6-157 ||

ko.naa.h syu.h saptavi.m"satyaa ko.s.thaanaa.m tattripa"nkti.su |
k.r.s.nenaacchaadya tatraapi svastikaabjaadika.m likhet || 6-158 ||

li"ngodara"sa"nkhamaalaadyadhikaara.h |

cakraabjaaditaraa.ni "sakti"sivayo.h puujaasu diik.saadike 
"sastaanyatra pavitrakaadi.su tathaa sasvastili"ngaanyapi |
cakraabjaanyapi bhadrakaa.ni saviturvi.s.no"sca lak.smyaa vidhe.h 
"saktiinaa.m tripuraakhya"sa"nkhakala"saa maayaambuja.m coditam || 6-159 ||

yathoditastu "saktinaa.m tathendrasmarabhoginaam |
vighne"saanala.sa.dvaktraa.h puujyaa.h syu.h svastike.sviha || 6-160 ||

sarve sarve.su vaa puujyaastattatkarmaanusaarata.h |

iti ku.n.dama.n.dalavidhi.h pradhaanata.h kathita.h "sivaadisurapuujanocita.h |
bahudhaa niruupya vividhaan "sivaagamaaniha saadhakendramaanasaa.m priya"nkara.h || 6-161 ||



iti "sriimadii"saana"sivagurudevapaddhatau tantrasaare ku.n.dama.n.dalavidhi.h .sa.s.tha.h pa.tala.h |
atha saptama.h pa.tala.h

vak.sye sruksruvayo"sca lak.sa.namatho srugghastamaatraayataa
paalaa"sii khadirodbhavaapi ca tathaa syaacchaamilii "sobhanaa |
vedaa"sra.m tu mukha.m svaraa"ngulamita.m "sre.s.tha.m rasairvaa "sarai-
rmadhya.m caapyadhama.m ca nimnamiha tanmadhye tribhaagaast.rtam || 7-1 ||

vistaare.na sama.m hi khaatamapi tad v.rtta.m bahirmekhalaa -
srisra.h syu.h kamala.m tathaiva paritastaasaa.m tu baahye bhavet |
ka.n.tho golakavist.rtaa"ngulamito dairghye.na tasyordhvata.h 
syaadagra.m catura"ngulaayatamatho vistaaratastatsamam || 7-2 ||

ka.n.thasyaapyatha madhyavarti su.sira.m tad vai triko.naayata.m
nirgaccheddhi yathaayata.m tadava.ta.m yaavat kani.s.thaa vi"set |
tatp.r.s.tha.m kamalaa"nkita.m khalu mukha.m sarva.m gajo.s.thopama.m
"si.s.ta.m vartulada.n.damasya tu bhavedagra.m sarojaa"nkitam || 7-3 ||

da.n.daagra.m pari.naahata.h sarasijasyaadho yathartva"ngula.m
sthuulo.asau krama"sa.h prako.s.thamiva tanmuula.m ca vasva"ngulam |
tatra syaad v.r.sabho.athavaa sarasija.m "slak.s.naak.rti.h sarvato
nirdo.sa.h "subhade"sajaan k.sitiruhaa~nchitvaa sruca.m kaarayet || 7-4 ||

srugjaatistu bhavet sruva.m suvihita.m taaladvayaayaamaka.m
kuryaad vartulama"ngulena vadana.m tasyaava.te.ardhaa"ngule |
bhittirmadhyagataa sm.rtaa yavamitaa tadgartayo.h "slak.s.nayo.h
kar.saajyasthiti go.spadaak.rti ca tatp.r.s.the yavaabhyaa.m sphijau || 7-5 ||

sphi"nmadhyena yavapramaa.navihitaa rekhaa ca vaktraadadha.h 
ka.n.tha.h pa"nkajalak.sa.nastu tadadho da.n.da.h suv.rtta.h sama.h |
da.n.daagra.m pari.naahato.a"ngulamita.m muula.m tato.adhyardhata.h
syaad gopucchanibha.m galaat prabh.rti tat sthuula.m hi muula.m yathaa || 7-6 ||


baahumaatriyo.aratnimaatriyo vaa sruca ityanye |

sruksruvaadhikaara.h |

bhittvaa "sobhana"saakhikaa.m yadi bhavecchamyudgataa"svatthajaa
no cet kevalapippalaat tadara.nirbhaanva"ngulairaayataa |
naaho.asyaastu .sa.da"ngulena tu "siro muule.a"nghriragre sm.rto 
yonirmadhyagataa"ngulai.h "srutimitairmanthaanayogyaa bhavet || 7-7 ||

a"svatthena tathottaraara.nirapi syaat .sa.dbhirevaa"ngulai.h
kuryaad bhraamakamasya khaadiram.rja.m netra.m ca rajju.m d.r.dhaam |
tatraagni.m janayet tathendhanamapi tvagvarjita.m saaravad 
bhinna.m "sastataruudbhava.m dhamanamapyagnerdhavitraadinaa || 7-8 ||

ara.nyaadividhi.h |

vakraa.h "siir.nadalaa.h k.r"saa.h k.rmihataa bhinnaastva"sastraah.rtaa
hrasvaa.h sthuulagatatvaco.apyupahataa diirghaagnidagdhaadaya.h |
varjyaa.h syu.h samidha.h "sucisthalabhuva.h "se.saa.h sama.m cheditaa
madhyaanaamiakayostu naahasad.r"saa.h "sastaa.h kani.s.thaadhamaa.h || 7-9 ||

taalaayataastu samidha.h khalu "saantikaadau 
saptaa"ngulaa bhrama.nacaa.tanake.su "sastaa.h |
vidve.sasaadhanavidhau catura"ngulaastaa 
vakraa.h .sa.da"ngulamitaa api maara.ne.su || 7-10 ||

aak.r.s.tiva"syavi.saye.su "saraa"ngulaa.h syu.h 
praade"samaatrasamidho.apyavi"se.sak.rtye |
k.sudre.su p.r.s.thamanale juhuyaat tathaagra.m 
caagnau juhoti hi "subhe.su yathopade"sam || 7-11 ||

idhmo.a.s.taada"sabhi.h samidbhirudita.h praade"samaatro.athavaa
ratnyaayaamamita.h kvacit paridhayo hastaayataa.h syusraya.h |
diirgho dak.si.natastu pa"scima"saya.h sthuulastanurhrasvaka.h
saumye kau"sikajaa"sca paalakaku"saa.h "sre.s.thaa hi darbhaa.h kramaat || 7-12 ||

vyagraa hastanakhaah.rtaa.h k.rmihataa.h karmaantaraayojitaa.h
yaamyaa vyaaghravila"nghanaadyupahataa dhuumrordhva"su.skaadaya.h |
varjyaa.h "syaamalakomalaa.h pratinavaaluunaardra"su.skaastathaa
darbhaa.h syuryadihaagnikaaryapa.tale ve.nyaadika.m coditam || 7-13 ||


tatra tri.m"saddarbhadalak.rtaa ve.ni.h | a.s.tyatya.s.tidh.rtyatidh.rtisa.mkhyaa vaa darbhaa.h paristara.ne syu.h | tattvasa.mkhyaadarbhairbaddha.m kuurca.m j~naanakha.dga.h | darbhadvayena saamaanyam | darbhapa~ncakena vi"se.sakuurcamiti sa.mhitaa.tiikaayaam |


pa~ncabhi.h pa~ncabhirdarbhai.h pra.niitaaprok.sa.niividhau |
kuurcadvaya.m bhavet saptada"sabhirbrahmakuurcakam || 7-14 ||

dvaada"saa"ngulaka.m da.n.da.m brahmagranthyekama"ngulam |
tadagra.m trya"ngulaayaama.m kuurcaanaa.m tu prakalpayet || 7-15 ||

madhyena grathita.m tu darbhayugala.m praade"samaatra.m bhavet 
sa.mskaare tu pavitraka.m sm.rtamatha dvandva.m ca vidyotane |
sruksammaarjanake tvatu.s.tayamiha syaad vai ku"saanaa.m gh.rte 
darbhaagradvayama"ngulaayatamathaatraarkaa"ngula.m prastare || 7-16 ||

taalaayataabhyaa.m darbhaabhyaa.m grathita.m catura"ngulam |
pavitra.m syaad dvijaatiinaa.m tribhi.h k.sudre.su hastayo.h || 7-17 ||

brahmagranthirdvijaatiinaa.m sm.rto hastapavitrake |
kevala"scaanulomaanaa.m duurvaiva striicaturthayo.h || 7-18 ||
da"sottara"sata.m tveva.m darbhaa.h syu.h prastaara.m vinaa |


iti baudhaayanamatam |


idhmavarhi.saa.m vidhi.h |

bhuumi.h stha.n.dilasa.mj~nitaa sapadi yaa gogomayaalepitaa
gokar.naa.s.takamaatraka.m .sa.datha vaa gocarmamaatra.m sm.rtam |
nadyaade.h sikataa.h "subhaastu dhavalaa.h prasthairmitaa.h pa~ncabhi.h
saamaanyena tadaaha homavi.saye bodhaayana.h stha.n.dile || 7-19 ||

sthaalyaajyasya bhaveccharaavasad.r"sii vistaarato.a.s.taa"ngulaa
vistaaraardhasamucchrayaapi ca bhavennaala.m ca vedaa"ngulam |
vistaare.na .sa.da"ngulocchritasama.m paatra.m pra.niitaambhasaa.m
syaada.s.taa"ngulavist.rtocchrayasamaa naalaanvitaa prok.sa.nii || 7-20 ||


atra pau.skare –

sarvatra svar.narajatataamram.rnmayaani paatraa.ni uttamamadhyamaadhamaphalaani bhavanti iti |


a.s.taabhi.h ku.dubai.h prapuuritacaru.h sthaalii sm.rtaa caadhamaa
madhyaarkairvasuyugmakai.h parimitaa syaaduttamaa taamrajaa |
"sre.s.thaadyaastvadhamaastrisaptakamitaa darvya"ngulaanaa.m bhaved 
dairghyaat sapta"saraa"ngulairiha "sirov.rtta.m tu puccha.m dvayaat || 7-21 ||

"saaliinaa.m sitata.n.dulaa.h sakalamaa niivaarajaa.h .saa.s.tikaa.h
sa.m"suddhaastu.sa"sarkaraadirahitaa.h "suklaarjitaa.h syu"scaro.h |
"sre.s.tha.m yat svapa"sornava.m gh.rtamatha kriita.m nava.m madhyama.m
kriitaajya.m yadanuutana.m tadadhama.m gavya.m bhaved gaalitam || 7-22 ||

k.saudra.m gandharasaadyaduu.sitamapi kriita.m punargaalita.m 
graahya.m kriitasitopalaadyabhinava.m kha.n.da.m gula.m caik.savam |
puurva.m puurvamiha pra"sastamakhila.m "suddha.m ca "suklaarjita.m 
homaade"sca tilaadidhaanyamakhila.m sa.m"sodhya tu k.saalitam || 7-23 ||

yaccaanyat phalamuulavastu surasa.m graahya.m vi"suddha.m nava.m 
tatraa"ngu.s.thamitaahutistu kathitaa hyannasya "saalyaadi.su |
syaat pa~ncaa"ngulibhirdh.rta.m dravarase.suukta.m sruvaapuurita.m
laajaanaa.m khalu mu.s.tireva kusume.svekaikamabjaadi.su || 7-24 ||

valliinaa.m catura"ngula.m ka.natile saktu.svapi syaanm.rgii
saa"ngu.s.thaa khalu madhyamaa"nguliyutaa naamnaa m.rgiisa.mj~nitaa |
gandhaanaa.m ca.nakiimita.m tu badariibiijopama.m guggulo-
rbhak.syaa.naa.m ca mahaaphalaadi.su bhavedak.sapramaa.naahuti.h || 7-25 ||

kharjuure"ngudagostaniibadarikaajambuuphalaanaa.m tathaa 
patraa.naa.m p.rthagekamekamuditaa parvaikamik.sorapi |
naanaabhak.syavimi"srahomavi.saye pa~ncaa"nguliibhirdh.rta.m
duurvaagratritaya.m tathaiva samidhaamekaikamevaahuti.h || 7-26 ||

aahutipramaa.nam |

syaad vardhanyapi puur.nabhaarasalilaa ku.mbha"sca khaaryambubh.rd
dro.naambha.hparipuuritastu kala"sa.h puur.na.m "sivaat karkarii |
puur.naa syaad gha.tikaa.dhakena ku.dubadvandva.m "saraava.m bhave-
daapuur.na.m ku.dubena vaa prasarata.h "sa"nkha"sca diipastathaa || 7-27 ||

paatramaanam |

vak.sye "suddhimapiiha paatravi.sayaa.m dravyaadikaanaa.m tathaa
yaavad gandhavilepanaadyapagamastaavajjalai.h k.saalayet |
cuur.nairapyavaghar.sayet punarapi prak.saalya co.s.nairjalai.h
paatraa.naa.m bhavatiiha "suddhiradhunaa "suddhirvi"si.s.tocyate || 7-28 ||

sauvar.na.m salilena "sudhyati yathaa lepaapanodo bhavet 
paatra.m "sulbamaya.m tathaamlasalilaistaarodbhava.m gomayaat |
kaa.msya.m bhasmajalaistathaa ma.nimaya.m suuryaa.m"subhirvaambhasaa
m.rtpaatra.m dahanena cedabhinava.m tattak.sa.naad daaravam || 7-29 ||

daahaadaayasa"suddhirevamuditaa lauhaani tatkart.rbhi.h
spar"saad vaa turagaananaabhigamanaacchudhyantyanatyaahatau |
"suddhi"scarmasu rajjuvastravi.saye cet k.saaravaariplavaat
syaaccaalaabukavai.nave.ambupavana.m gopaalakaaghar.sa.naat || 7-30 ||

"suddhi.h sodakabhaajane.svapi bhavet paryagni k.rtvaa tathaa 
dhaanyaanaa.m phaladarbhamuulasamidhaa.m sa.mprok.sa.naadhaavanai.h |
kau"seyaadidukuulapa.t.tavasanaanyaalabdhara"ngaani yaa-
nyambha.hsekaviraagakaa.ni dhavalai.h "sudhyanti siddhaarthakai.h || 7-31 ||

tyaajya.m daaravavai.navaadikamatho bhaa.n.da.m tathaa maarttika.m
"sle.smocchi.s.tamalaadidu.s.tamathavaa nirmaalyasanduu.sitam |
snehaanaamapi "suddhiratyupahatirnocedabhidyotanaa-
cchudhyedambujalaa"sayaadi.su ni"saasvagne.h "sikhaadar"sanaat || 7-32 ||

gobhirvaadhyu.sitaa nikhaanitatalaak.r.s.taathavaa suudgh.rtaa 
bhuu.h "sudhyed bhavanaadika.m ca salilai.h sadgomayaalepitam |
pu.nyaahaad dvijabhojanairapi tathaa collekhanaad vaa sthala.m
"sudhyet paatakiinaabhibhaa.sya vacasaa.m "suddhirdvijaabhaa.sa.naat || 7-33 ||

praa.naayaamai.h "sudhyati deha.h samanaska.h 
sp.r.s.tvaasp.r"syaanapsu nimagna.h sahacela.h |
jagdhvaa yattad vaa k.sutani.s.thiivanaj.rmbhaa-
svaacamyaadbhi"scaantyaja"suudraadyavaloke || 7-34 ||

ni.h saaryaambha.h kuupajalaadermahadar.no-
vegaat sp.r.s.ta.m vaa.m"subhira.m"soriha "sudhyet |
saamaanyaagni.h prok.sa.nato.anyatra gato vaa 
praaya"scittaad caagnimukhaaccaahitavahni.h || 7-35 ||

gandhaadiinaa.m mantrajalai.h prok.sa.nata.h syaac-
chuddhi.h k.siire caandhasi vaajya.m tvabhidhaarya |
darbhodyotaacchudhyati naatiprahati"sce-
cchi.s.taanaamapyevamivohyaa pari"suddhi.h || 7-36 ||

saamaanyeya.m sarvagu.naanaamapi hetu.h 
karmadravyasvaatmasu suddhirmanaso yaa |
"suddhi.h saa saadyasya tu raagaadyavidu.s.taa
ceccatvaaro.apyasya karasthaa.h puru.saarthaa.h || 7-37 ||

iti "sriimadii"saana"sivagurudevapaddhatau tantrasaare sruksuvaadilak.sa.na.m naama saptama.h pa.tala.h |

athaa.s.tama.h pa.tala.h

atha mantraatmabhuutaanaa.m devataanaa.m yathocitaa |
puujaa siddhikarii j~neyaa d.r.s.taad.r.s.taphalapradaa || 8-1 ||

tayaa syurdevataastu.s.taa.h puru.saarthaphalapradaa.h |
puujaa saa trividhaa j~neyaa "sre.s.thamadhyaadhamakramaat || 8-2 ||

puujottamaa bhavati .so.da"sadhopacaarairyaa madhyamaa prabhavatiiha da"sopacaaraa |
pa~ncopacaaravidhinaa tvadhamaa saparyetyaasaa.m yathaa vibhavamarcanamaa"srayiita || 8-3 ||

kalpatantraguruproktaa yasya mantrasya yaad.r"sii |
puujaa "sre.s.thaadibhedena tayaaraadhyai.sa saadhayet || 8-4 ||

aasanaavaahanaarghyaadi paadyamaacamaniiyakam |
saa"ngopaa"nga tathaa snaana.m vaasanaabhara.naani ca || 8-5 ||

gandha.h pu.spa.m tathaa dhuupo diipa"scarunivedanam |
agnikaarya.m namaskaaro japapuujaasamarpa.nam || 8-6 ||

iti .so.da"sadhoddi.s.taa hyupacaaraa.h samaasata.h |
arghya.m paadya.m tathaacaama.h snaana.m gandha"sca pu.spakam || 8-7 ||

dhuupadiipanivedyaani namaskaara"sca te da"sa |
madhyamaayaa.m tu puujaayaamupacaaraa.h prakiirtitaa.h || 8-8 ||

gandha.h puu.spa.m dhuupadiipau nivedya.m pa~ncaiva.m syustuupacaaraa.h kani.s.the |
apyete.saa.m lak.sa.naanaa.m prabhedaa.h sa.mlikhyante saadhakaanaa.m hitaaya || 8-9 ||

"saktyaadisvaa"nga"saktyanta.m pii.thaabja.m vaabjameva vaa |
yat tanmatravidhaanoktamaasana.m tat pracak.sate || 8-10 ||

aadhaaro vetyaasana.m devataayaa.h svaasiinaasmin puujyate devate.s.taa |
dhaatoraasetyasya caivopave"sa.h siddha.m tasmaadaasana.m praak pra"sastam || 8-11 ||

vyomaambujaadatho bindorh.rdayaadvaarkama.n.dalaat |
yat tattvamaanayiitaaasmin tadaavaahanasa.mj~nitam || 8-12 ||

svata evaabhipuur.nasya tattvasyehaarcanaadi.su |
saadara.m sa.mmukhiibhaavastadaavaahanami.syate || 8-13 ||

pu.spaira~njalimaapuurya h.rdayaadisthita.m vibhum |
sau.sunnamaarge.naadaaya bindorabhyudita.m smaran || 8-14 ||

taavaduccaarayenmantra.m yaavanni.skalagocaram |
tasmaadaadaaya visrabdha.h sthiradhii.h purata.h sthite || 8-15 ||

bimbe vaa stha.n.dile vaapi nyasedaavaahana.m tu tat |
aavaahanaa"ngabhuutaani sthaapana.m sannidhaapanam || 8-16 ||

sa.mnnirodhaam.rtiikaaraavavaku.n.thanameva ca |
saakaarasye.s.tadevasya puujaartha.m kalpitaasane || 8-17 ||

upave"sanamuddi.s.ta.m sthaapana.m naama bhaktita.h |
aakarmakaa.n.daparyanta.m sannidhya.h daivatasya tu || 8-18 ||

avicchedena puujaayaa.m sannirodha.h sa kathyate |
avibhinnasvabhaavaanaa.m yadabhinna.m  prayojanam || 8-19 ||

a"ngaanaama"nginaa saardhamam.rtiikara.na.m  hi tat |
aanandaayatana.m tattva.m saccidaanandavigraham || 8-20 ||

tadetanmuurtaga.m dhyeya.m yat tat syaadavaku.n.thanam |
avaku.n.thanavat tejo ruciraa"ngapravardhanam || 8-21 ||

laava.nyaam.rtapuuraa.dhya.m yattadukta.m prarocanam |
puujaa.m prayujyamaanaa.m tu g.rhiitvaanugrahaadikam || 8-22 ||

kartu.m saamarthyamasyaasti yat tat syaat sa.mnidhaapanam |

aasanaavahaanaadhikaara.h 

arghya.m naamaarha.na.m prokta.m tadarhaayaagataaya yat || 8-23 ||

kalpita.m diiyate tat tadvidhaanaadarcanaadi.su |
taccaasya trividha.m j~neya.m "saiva.m "saakta.m ca vai.s.navam || 8-24 ||

"saivamarghya.m .sa.da"nga.m caapya.s.taa"nga.m ca dvidhaa bhavet |
gandhapu.spaak.sataku"saa duuvaargra.m ca tathodakam || 8-25 ||

bhojendrabrahma"sambhuukta.m .sa.da"ngaarghyamudaah.rdam |
ku"saak.satatilaa duurvaa gandha.h pu.spa.m yavaastathaa || 8-26 ||

k.siira.m caa.s.taa"ngamarghyaambha.h "saiva.m syaad vijayoditam |
gandhapu.spaak.satayavaa.h ku"saduurvaagrasar.sapaa.h || 8-27 ||

aapa"scetya.s.tabhirdravyai.h "saaktamarghyamudiiritam |
siddhaarthaak.satadarbhaagragandhapu.spayavaa.h phalam || 8-28 ||

tilaa"scetya.s.tabhiryuktamambho.arghya.m vai.s.nava.m sm.rtam |
haira.nya.m raajata.m taamramalaabhe vaatha daaravam || 8-29 ||

paatra.m triku.duvai.h puur.namarghye "sa"nkhastu vaa bhavet |
aapuuryaarghya.m tu muulaa"ngairabhimantryaam.rtiik.rtam || 8-30 ||

dhyaatvaa tu sakalopaadhivigraha.m sa.mmukha.m vibhum |
paramaam.rtani.h.syandadhavaliik.rtadi"nmukham || 8-31 ||

samutk.sipya vi"se.saarghyabhaajana.m vaamapaa.ninaa |
pa"scaannivedayedarghya.m dak.si.nena kare.na tu || 8-32 ||

arghyavidhi.h |

paadya.m tu sarvasaamaanya.m duurvaa"syaamaakapa"nkajai.h |
lak.smyaambhasaa samaapuurya paadya.m dadyaat tu paadayo.h || 8-33 ||

sajaatiiphalatakkolalava"nka.m "siitala.m jalam |
prapa~ncaadi.su yat prokta.m saamaanyaacamaniiyakam || 8-34 ||

dadhimadhvaajyadugdhaambhaa.msyekiik.rtya vidhaaya tu |
sahema.m kaa.msyapaatre.na kuurcaabhyaa.m parig.rhya ca || 8-35 ||

madhuparka.m tu tad dadyaat saamaanya.m tacca mantrata.h |

na nityayajane.svi.s.ta.m madhuparkanivedanam |
naimittike.su tacchasta.m prati.s.thaasnaapanaaadi.su ||

iti pau.skare |

punaraacamaniiye ca "sastamambha.h sugandhi ca || 8-36 ||

nama.h svadhaa tathaa svaahaa va.sa.djaatiyujaa h.rdaa |
arghyaadikacatu.ska.m tu dadyaadeva.m yathaakramam || 8-37 ||

arghyasya trii.ni paatraa.ni paadyasyaapi traya.m bhavet |
.sa.daacamanapaatraa.ni tathaika.m madhuparkake || 8-38 ||

arghyamaadau tathaa snaane puujaante ca pradiiyate |
aadau snaane vibhuu.saante paadya.m kaale.su vai tri.su || 8-39 ||

paadyaante madhuparkaante snaanaadyantaambaraadi.su |
nivedyaante ca .sa.tsve.su dadyaadaacamaniiyakam || 8-40 ||

dhuupe diipe ca naivedye taambuula.m vaa phalaadikam |
nivedyaacamana.m  dattvaa kartavya.m karma cottaram || 8-41 ||

prathamaacamaniiyaante madhuparka.m pradaaya tu |
sak.rdaacamana.m dattvaa tato gandhaadinaarcayet || 8-42 ||

paadyaacamanamadhuparkaadhikaara.h |

apaniiya tu nirmaalya.m gandhapu.spaadinaarcayet |
muurdhni duurvaak.sataan dattvaa tata.h snaana.m samaarabhet || 8-43 ||

ni(rmatsa?majja)na.m tu devasya prathama.m kaarayet tata.h |
sugandhatailenaabhyajya tathaa tailaapanuttaye || 8-44 ||

yavagodhuumamaa.saadicuur.nairudvartayedapi |
ii.sadu.s.naambu"siitaadbhi.h sekaallepaapanodanam || 8-45 ||

samuulaa"ngamanornyaasa.h pu.spadhuupasamarpa.nam |
phalaapuupaadinaivedya.m giitavaadyaadima"ngalam || 8-46 ||

pa~ncagavyaam.rtasnaana.m punarlepaapanodanam |
gandhaamalakahaaridraku"nkumodvartanaani ca || 8-47 ||

muulaa"ngavaidikairmantrai.h sugandhaambhobhi.secanam |
yathopapattikala"sairabhi.seka"sca sa.mbhavet || 8-48 ||

maa"ngalyapi.s.tadiipaadyairniiraajanavidhistathaa |
vi"suddhavaasasaa bimbasthitatoyaapamaarjanam || 8-49 ||

hemapu.spaadinaa "sa"svada"suunya.m mastaka.m yathaa |
ittha.m hi vi.m"satya"nga.m tu snaana.m saamaanyamiiritam || 8-50 ||

ete.saa.m yadalabhya.m syaanmanasaa tat prakalpayet |

snaanaadhikaara.h 

tato vaasaa.msi "suddhaani suuk.smaa.nyabhinavaani tu || 8-51 ||

dukuulapa.t.takaarpaasadevaa"ngaadiini yaani ha |
anyatraanupayuktaani vike"saanyahataani ca || 8-52 ||

bhaktyaa yathopapannaani "sastaanyatra pradaapayet |
bhuu.sa.naani ca haimaani naanaaratnojjvalaani tu || 8-53 ||

paadaadyaake"sayogyaani yathaavibhavasaarata.h |
alaabhe manasaa vaapi ta.m tu samyag vibhuu.sayet || 8-54 ||

darpa.na.m nirmala.m caatra sthaapayet purata.h prabho.h ||

vastrabhuu.sa.navidhi.h |

gandha"sca trividho j~neya.h "saiva.h "saakta"sca vai.s.nava.h || 8-55 ||

candana.m ku"nkuma.m ku.s.tha.m dalo"siira.m tathaagaru |
karpuura.m hiribera.m ca "saiva.m gandha.m pracak.sate || 8-56 ||

candanaagarukarpuuramaa.msiiku"nkumarocanaa.h |
kaccoravaanaraabhyaa.m ca "saakto gandha udaah.rtaa.h || 8-57 ||

candano"siiratoyaahvairmaa.msiiku.s.tha.m muraagaruu |
ku"nkuma.m ceti vai gandhama.s.taa"nga.m vai.s.nava.m vidu.h || 8-58 ||

pu.spaa.ni caiva kathyante praagvacchaivaadibhedata.h |
taanyaagneyaani saumyaani saumyaagneyaani ca tridhaa || 8-59 ||

saattvikaaniiha "suklaani raajasaanyaru.naani tu |
k.r.s.naani taamasaani syu.h piita.m raajasasaattvikam || 8-60 ||

"syaama.m tamorajomi"sra.m patre.svapyevameva hi |
saattvikaadyaistu kusumai.h phala.m syaat saattvikaadikam || 8-61 ||

"svetaarka.m karaviiraka.m ca kamala.m durdhuurakaara *?dhe
raajaarka.m ca sitaambuja.m ca tulasiisaa"sokasaccampakai.h |
kalhaara.m bakapaa.tale vakulaka.m dve mallike maalatii-
paalaa"sasthalapadmadarbhadama(ne? nai) rmaargacchada.m duurvayaa || 8-62 ||

tadvad granthi"samiib.rhanmaruvakai.h punnaaganaagaasanai-
rnandyaavartatamaalakubjavijayaamandaarakaa"smiirakai.h |
"sastaanyutpalakar.nikaarakusumai.h kaadambabailvaanyatho
niila.m cotpalamityamuuni kusumaanyuktaani "saivaanyalam || 8-63 ||

"saste dve tulasii sitaambujamatho raktaabjapaalaa"sake
jaatiikubjakamaadhaviidamanakai.h punnaaganaagaasanai.h |
nandyaavarta"samiisthalaabjavijayaasanmallikaacampakai-
rbilva.m cotpalaketakaadyabhinava.m kunda.m tathaa paa.talam || 8-64 ||

lak.smiidevisahaa.h sabh.r"ngamusaliibhiitendravallyastathaa 
bhadraa "sriipatila"nghitaa ca da"samii duurvaatha jambuucchadam |
kalhaara.m karaviiramekadalaka.m padma.m ku"saa.h kairava.m 
rakta.m ceti vilomato.adhikaphala.m pu.spa.m bhaved vai.s.navam || 8-65 ||

ambhojotpalabandhujiivavijayaa.h punnaaganaagaanyatho 
jaatiikundakara.n.dacampakajapaayuuthiiramaapaa.talai.h |
bilvaa"sokahayaarikubjadamanairmandaaraduurvaadalai-
rnandyaahvaapyaparaajiteti kusumaanyuktaani "saaktaamyalam || 8-66 ||

nirgandhaani tathogragandhaka.tukaanyasp.r"syadu.s.taani caa-
pyanyaayopah.rtaani vaa nakhak.rmiicihnaani tunnaani vaa |
uur.naasuutra"siroruhaadyupagatairmlaayatpuraa.naani vaa 
kaalaatiitavila"nghitaani ca tathaa pu.spaa.nyatho varjayet || 8-67 ||

tredhaa coditapu.spajaati.su na ceduktaani varjyaani taanya-
nyonyaprati.sedhadar"sanamapi syaad yatra cokta.m vinaa |
anyasmai parikalpitaani ca tathaa varjyaani tad yuktito
yadyasyaatra vi"se.satastu vihita.m taddaivata.m to.sayet || 8-78 ||

suuryaagnyostrividhaistathaiva kusumairi.s.ta.m hi vighne"situ.h
"saaktaanyapyatha "saambhavaani ca tathaa skandaaryaca.n.daadi.su |
"saaktaanyeva manojavaaggirisutaadurgaa.s.tamaat.rpriyaa-
.nyambhojaasanadevaraajakamalaa.h puujyaastathaa vai.s.navai.h || 8-69 ||

nandyaavartairardharaatre ca kaalye praag raatre.h syaanmaalatiimallikaabhi.h |
ahvyevaabjairutpalai.h sarvadaa vaa haimai.h praata.h kesarairardharaatre || 8-70 ||

aa vaivar.nyaat kesaraa.naa.m saroja.m bailva.m patra.m daamana.m ca triraatram |
puujaayogya.m kaar.nikaara.m tu pak.sa.m na syaajjiir.na.m maasa.sa.tka.m bakaakhyam || 8-71 ||

pu.spaadhikaara.h

dhuupadravye.su sarve.su "sre.s.tha.h k.r.s.naagarurbhavet |
karpuuramadhika"sre.s.thamagaruupahita.m tathaa || 8-72 ||

guggulu"sca tatho"siiracandane madhyame sm.rte |
"sriivaasasarjaavadhamau tadvallaak.saa dh.rta.m madhu || 8-73 ||

sarvairetai.h sitopetairdhuupa ukto da"saa"ngika.h |
nirdhuumasphurada"ngaare nirjvaale ca nirindhane || 8-74 ||

dhuupa.m dadyaadadha.h ki~ncid gha.n.taa.m vaamena vaadayet |
vi"suddhasitasuutre.na syurvarttyo vaatha tuulajaa.h || 8-75 ||

diipaartha.m gogh.rta.m mukhya.m madhyaantye tailamaahi.se |
sakarpuurada"so diipa.h phala.m dadyaacchataadhikam || 8-76 ||

diipa.h kevalakarpuura.h sahasragu.na ucyate |
prabhuutasnehasa.mpuur.nairda"sabhirvaa navaa.s.takai.h || 8-77 ||

diipai.h pratinavairaaraad bhraamyamaaraatrika.m bhavet |
na dagdha"se.savartyaa tu punardiipa.m pravartayet || 8-78 ||

nocchi.s.taa"sucitailaadyairnaanyatailagh.rtaadinaa |

dhuupadiipavidhi.h |

vriihe.h pa~nca"sata.m tala.m dvigu.nita.m te dve praku~nca.m sm.rta.m
te dve.atha prasara.m tathaiva ku.duba.m prasthaardhaka.m taddvayam |
prastha.m paatramathaa.dhaka.m "sivamatho dro.na.m ca khaari.h kramaat
khaarii.naa.m tritaya.m hi bhaara udito maana.m yathaa"saastrata.h || 8-79 ||

nitya.m naimittika.m ceti naivedya.m dvividha.m matam |
taccottamottamaadya.m tu navabhedena vak.syate || 8-80 ||

ta.n.dulaa.h "saalijaa.h "sastaa.h kalamaa raaja"saalijaa.h |
niivaarajaastvatho madhyaa vriihijaa vai.navaastathaa || 8-81 ||

priya"nguyavagodhuuma"syaamaakaastvadhamaa.h kramaat |
ta.n.dulebhyo.a.s.tamaa.m"saa.h syurupada.m"saastathaa dadhi || 8-82 ||

dvaatri.m"sada.m"samaajya.m syaaccharkaraamadhunii tathaa |
tatra nityavidhera.s.tadro.na"saalijata.n.dulai.h || 8-83 ||

saardharaatra.m catu.skaala.m puujaayaa.m vinivedayet |
paayasa.m k.rsara.m gaulamanna.m tacca caturvidham || 8-84 ||

yathocitopada.m"saajyadadhyapuuparasottaram |
sagiitan.rttavaaditra.m sabhuutabalima"ngalam || 8-85 ||

tatra pa~nca"sata.m diipaastveva.m syaaduttamottamam |
.sa.dbhirdro.nai"scatu.skaalamabhyarcya vinivedayet || 8-86 ||

sahoma.m dvi"sata.m diipaa.h syurgiitabalinartanai.h |
kuryaat puurvaanusaare.na tat syaaduttamamadhyamam || 8-87 ||

pa~ncadro.nai"scatu.skaala.m nivedya.m puujana.m tathaa |
a.s.tottara"sata.m diipairgiitavaadyabalikriyaa.h || 8-88 ||

agnikaarya.m ca kurviita syaadeva.m tuuttamaadhamam |
sacaturdro.nanaivedya.m catu.skaalocitaarcanam || 8-89 ||

giitaadya.m balihomau ca pradiipaa.h syu"sca saptati.h |
madhyamottamameva.m syaanmadhyamadhyemathocyate || 8-90 ||

bhaaraardhata.n.dulai.h praagvannaivedya.m caarcanaadikam |
madhyaahna eva homa.h syaad dvikaala.m nartanaadikam || 8-91 ||

catvaari.m"sat pradiipaa.h syurmadhyamadhye balistathaa |
khaarita.n.dulanaivedya.m catu.skaalaarcanaa bali.h || 8-92 ||

homo dvaada"sa diipaa.h syurgiitaadya.m madhyamaadhamam |

saaya.mpraatastvaa.dhakaabhyaa.m "siva.m tanmadhyaahne syaadahni vedapradiipaa.h |
raatraava.s.tau syustrikaala.m ca puujaa pa~ncaatodyai.h syaat kani.s.thottamaakhye || 8-93 ||

praata.h paatra.m saayamapyatra paatra.m syaanmadhyaahne tvaa.dhaka.m caahni diipau |
tatvaaro vai raatridiipaastrikaala.m puujetyukta.m madhyama.m yat kani.s.the || 8-94 ||

saaya.mpraata.h pratiprasthadvayanaivedyamarcanam || 8-95 ||

diipo.ahni ni"si diipaavityukta.m syaadadhamaadhamam |

nityanaivedyaprakara.nam |

a.s.tadro.na.m samaarabhya yaavad dvaada"sabhaarakam || 8-96 ||

naimittika.m syaanaivedya.m navadhaatraapi puurvavat |
uttamottamapuurva.m tu puujaa.m caiva.m samuuhayet || 8-97 ||

syaat kaamyamapi naivedya.m yaavad vaa praarthita.m bhavet |
na kaalaniyamastatra saa"nga.m puujaa pra"sasyate || 8-98 ||

naimittikakaamyavidhi.h |

k.siira.m tribhaaga.m bhaagastu ta.n.dulaa.h paayasasya tu |
k.siiraajyata.n.dulatilaa.h samaa.h syu.h k.rsaraannake || 8-99 ||

bhinnamudgai.h "subhaasta.n.dulaa.h syu.h samaastasya caardha.m gh.rta.m syaad gh.rtaardha.m gulam |
ta.n.dulebhyastathaa yopaya.h .sa.dgu.na.m syaad gulaanna.m tu tad yuktarambhaaphalam || 8-100 ||

dhautadantaa dvijaa.h snaata"suklaambaraa vajrapuutairjalairmauninasta.n.dulaan |
k.saalayeyustathaa saptak.rtvo.a"ngakairjvaalayeyustathaagni.m dhavitraadinaa || 8-101 ||

dhyaatvaa culli.m "saktimagni.m ca rudra.m vahnerbiijaat taarakaad vaabhipuujya |
tasminnagnau taddhavi.h saadhayeyuro"nkaaraajya.m caabhidhaaryaahareyu.h || 8-102 ||

b.rhatya.h kadalyastathaa ku.n.dahaalya.h sakuu"smaa.n.damukta.m bhavet karkarii ca |
tathaa kaaravella.m ca cuutaardrakaakhye b.rhanmudgamudgaastathaa naalikeram || 8-103 ||

sa"simbaa"sca maa.saastathaa cidbha.taakhya.h kulasthaa"sca "sastaa.h prak.r.s.topada.m"saa.h |
kadalyaadipakvai.h sitaapyo.salo.nairyuta.h syaad yavaaniidadhikvaathasuupa.h || 8-104 ||

tathaa modakaa.m"scopada.m"saa.m"sca kuryaad gh.rtavyo.salo.nairyavaanii.s.tapi.s.tai.h |
tata.h paatravarga.m bahi.h "sodhayitvaa sa"sa"nkhadhvajacchatramutthaapayecca || 8-105 ||

hira.nyaadyamantra.m h.rdaa dhautamadbhi.h kadalyaadipatraa.ni vaatraabhighaarya |
havistatra dattvaa yuta.m copada.m"sai.h kadalyaadipakvai.h phalairmodakai"sca || 8-106 ||

sitaak.saudradugdhe.atha dadhnaa tu gavya.m gh.rta.m caarugandha.m nava.m raagabhaagam |
nivedyaat pradeya.m tu pu.spaarpite.asmi.mstato dhenumudraam.rtai.h plaavayitvaa || 8-107 ||

samprok.sya muulamantre.na dattvaambho.agnipriyaantikam |
sapu.spadak.si.nakaro havi.h sp.r.s.tvaa nivedayet || 8-108 ||

dhyaayet tanmanasaa divyamannaajya.m t.rptikaarakam |
paaniiya.m ca nivedyaasmai h.rdya.m "siita.m sugandhi ca || 8-109 ||

bahirnirgatya tacche.samanna.m hutvaanale.api ca |
muulaa"ngaadividhaanena tattanmantre.na saadhaka.h || 8-110 ||

tatra ki~ncid bali.m dattvaa vahni.m bhaktyaa k.samaapayet |
pradak.si.nanamaskaarastutibhi.h sa.mprasaadayet || 8-111 ||

prak.saalya cara.nau samyagaacaanto.anta.h pravi"sya tu |
sut.rpta.m daivata.m sm.rtvaa dadyaadaacamaniiyakam || 8-112 ||

tato lava"nkakarpuuratakkolakramukaanvitam |
nivedayecca taambuula.m gandhapu.spaarcita.m tata.h || 8-113 ||

dhuupayitvaa namask.rtya japenmuula.m tu "saktita.h ||

naivedyaadhikaara.h |

a"ngaani caiva parivaaraga.naa.m"sca sarvaan pa~ncopacaaravidhinaa tu yathopapattyaa |
sa.mpuujayedanupapannamihaarcaneya.m tatkalpayecca manasaiva samahitaatmaa || 8-114 ||

atropacaarabhedena puujaabhedaa.mstathaapare || 8-115 ||

vadanti taa.m"sca vak.syaama.h ki~ncidbhedaat puroditaat |
da"sopacaaraa.h kathitaa nivedyaante tu puujane || 8-116 ||

homaantake tu kathitaa hyupacaaraastu .so.da"sa |
balyante caapi te khyaataa.h pa~ncavi.m"satisa.mkhyayaa || 8-117 ||

n.rttaante caapi .sa.ttri.m"sadupacaaraa.h prakiirtitaa.h |
uttamottamapuujaayaamuttame vaa bhavantyuta || 8-118 ||

aasanaavaahanaarghyaa.ni paadyamaacamaniiyakam |
saa"nga.m snaana.m tathaa vastramupaviita.m ca bhuu.sa.nam || 8-119 ||

a~njana.m gandhapu.spe ca dhuupo diipa"sca darpa.nam |
niiraajana.m ca naivedyamagnikaarya.m pradak.si.nam || 8-120 ||

namaskaara.h stutirvaadyagiite nityabalistathaa |
puujaasamarpa.na.m ceti pa~ncavi.m"saticoditaa || 8-121 ||

athaasanaadaya.h pa~nca pa~ncagavyaabhi.secanam |
dugdhena dadhnaa caajyena madhunak.surasana ca || 8-122 ||

abhi.sekastu tatsnaana.m cakravartyupacaarata.h |
vastropaviitaabhara.naanya~njana.m gandhapu.spake || 8-123 ||

dhuupadiipau ca mukura.m niiraajanavidhistata.h |
mudraa.naa.m dar"sana.m tadvannaivedya.m pustakaarcanam || 8-124 ||

homakarma ca taambula.m paaduke caamaradhvajau |
chatra.m ca nityayaatraa ca balidaanamata.h param || 8-125 ||

pradak.si.nanamaskaarastotraa.nyaatodyameva ca |
giita.m n.rtta.m ca puujaade.h samarpa.namata.h param || 8-126 ||

.sa.ttri.m"sadupacaaraa.h syurevamuktaa.h kramaat kvacit |
vyatyastakramato vaa syustattattantroditaastvamii || 8-127 ||

trividhopacaaraadhikaara.h |

baliyaatrotsavaa.h "sastaa.h sthirali"ngaadipuujane |
na calastha.n.dilavidhau ma.n.dalak.sa.nikaadi.su || 8-128 ||

iti nigaditamaargaastuupacaaraa.h pradi.s.taa.h
p.rthagiha paripaa.tyaa tantrabhede.su d.r.s.taa.h |
vividhamanusuraa.naa.m ye ca saamaanyakalpaa.h
svabhimataphalasiddhi.h saadhakaanaa.m yathaa syaat || 8-129 ||

iti "sriimadii"saanagurudevapaddhatau tantrasaare upacaarapa.talo.a.s.tama.h ||

atha navama.h pa.tala.h

athocyate naityakamatra karma saamaanyata.h siddhikara.m manuunaam |
samastavar.naa"sramali"ngabhaajaamaava"syaka.m yat kara.niiyamekam || 9-1 ||

prabhaavatii.sveva hi taarakaasu kaula.m tu suuryodayadar"sanaat praak |
vadanti sandhyaa.m munaya.h prabhaataa.m tasyaa.m vinidra.h "sayana.m ca jahyaat || 9-2 ||

atra pitaamaha.h: -

nak.satrajyotiraarabhya aa suuryodayadar"sanaat |
praata.hsandhyeti taa.m praahurmunayo vedapaaragaa.h || iti |

smaran h.rdambhoruhako.tarastha.m "saiva.m para.m jyotirathaatmasa.mj~nam |
vrajet samutthaaya di"sa.m vi"suddhaamambha.h prabhuuta.m sulabha.m ca yasyaam || 9-3 ||

atra sm.rti.h: -

niviita.m dak.si.ne kar.ne samaasajyaambare.na tu |
avaku.n.thya "siro maunii malotsargamathaacaret || iti |

viduurato maargajalaa"sayaade"schanne t.r.nairbhuumitale niviitii |
uda"nmukho yaamyamukho.ahni raatrau tyaktvaa mala.m caatha g.rhiita"si"sna.h || 9-4 ||

jalaantika.m praapya m.rda.m vi"suddhaamaadaya caa.s.taa"ngulakhaatalabdhaam |
nidhaaya taa.m dak.si.nato dh.rtaabhiradbhistu "sauca.m vidhivat prakuryaat || 9-5 ||

ekaiva li"nge karayostu tisrastathaa gude pa~nca m.rda.h prayojyaa.h |
vaame kare sapta da"saiva paa.nyo.h kani.s.thakalpa.m khalu "saucametat || 9-6 ||

dve caapi li"nge karayo"scatasro gude da"sa syurda"sa vaamapaa.nau |
hastadvaye dvaada"sa ceti m.rtsnaa.h "sauce.svaya.m madhyavidhi.h pradi.s.ta.h || 9-7 ||

tisro.atha li"nge karayo"sca pa~nca tripa~ncasa.mkhyaastu gude m.rda.h syu.h |
vaame kare dvaada"sa tatprasa.mkhyaa.h paa.nyoraya.m "saucavidhirhi mukhya.h || 9-8 ||

utthaaya vaasa.h paridhaaya samyagaajaanusandhe"scara.nau karau ca |
prak.saalya m.rtsnaasalilairvi"suddhairvaktra.m ca ga.n.duu.sajalairvi"sodhya || 9-9 ||

plak.saamrajambuukakubhaa"svakar.namaaluurakaa"sokalava"nkajaadyam |
vaika"nakatodumbaracampaka.m vaa "sasta.m bubhuk.so.h khalu dantakaa.s.tham || 9-10 ||

svaira"ngulairdvaada"sabhirmita.m tatkani.s.thikaanaahasama.m savalkam |
puurvaamukho.adyaadupavi"sya maunii pradak.si.na.m vaamaradaadadha.h praak || 9-11 ||

mok.saarthinaa.m ka.n.takinastu "sastaastadvacchirii.saarjunanaktamaala.h |
"sasto hyapaamaarga itiiha te.saama.s.taa"ngula.m dantavi"sodhana.m tat || 9-12 ||

p. 82) sanimbadhaatriidhava"selu"sigruvaaniirakaira.n.dat.r.nai.h ku"sairvaa |
sthita.h prajalpan "sayito.athavaadyaat tailaavasikto.api na dantakaa.s.tham || 9-13 ||

nopo.sita.h paara.napuurvakaala.m na janmabhe parva.ni naasitaahe |
naapya.s.tamii"sraaddhadine.su dantaan pradhaavayeda"ngulibhirnakhairvaa || 9-14 ||

apica saardhatri"satikaayaamatra kaalottare -

pratipatparva.sa.s.thii.su navamyaamapi vaa guha! |
dantaanaa.m kaa.s.thasa.myoge mahaan do.so.abhidhiiyate || it |

tadvat tu jihvaamapi maarjayitvaa taddantakaa.s.thaadi vis.rjya duure |
ga.n.duu.sakadvaada"sakena pa"scaadaacamya tu snaanamupakramet || 9-15 ||

saritsu ga"ngaadi.su mukhyamukhya.m tiirthe.su caanyaasu nadii.su mukhyam |
sarasta.taakaadi.su madhyama.m syaat snaana.m tu kuupe.su g.rhe.su niicam || 9-16 ||

snaayaat tu kuupaadi.su "suddhapaatrai.h snaatairdvijaireva samaah.rtaadbhi.h |
snaayaat tu no.s.naambhasi karmayogya.m naitad yato rogi.su sammata.m tat || 9-17 ||

bhuvama.s.taa"ngulaa.m khaatvaa tyaktvaadho m.rdamasnata.h |
khaataa.m m.rda.m samaadaaya tat khaata.m paripuurya ca || 9-18 ||

"sirasaa payasastiire dhaute sa.msthaapya taa.m puna.h |
"sikhayaa "sodhayitvaa tu varma.naa vibhajet tridhaa || 9-19 ||

liptvaikabhaagamaa naabhe.h prak.saalyaacamya vaagyata.h |
dvitiiyenaasnayuktena diiptenaa"ngaani lepayet || 9-20 ||

dvija"sceduddh.rtaasiiti mantre.na praarthayed bhuvam |
itaro vak.syamaa.nena * * * * * * * * || 9-21 ||

dhaara.na.m po.sa.na.m tvatto bhuutaanaa.m devi! sarvadaa! ||
tena satyena maa.m paapa.m paapaanmocaya dhaari.ni! || it |

* * * * *  * * * tato.ak.saa.ni nirudhya tu |
praa.naanaayamya salile nimajjyaasnamanusmaran || 9-22 ||

kaalaanalapratiikaa"samathopata.tamambhasi |
upavi.s.to hyanudite suurye sandhyaa.m bhajed dvija.h || 9-23 ||

braahmii.m puurva.m tato.astraakhyaa.m mantrasandhyaa.m tathetara.h |
upaasyordhva.m jala.m k.siptvaa vidhisnaana.m samaacaret || 9-24 ||

svamantrasannaddhatanu.h sm.rtvaatmaana.m h.rdambuje |
t.rtiiya.m puurvam.rdbhaagamaadaayaanaabhi vaari.ni || 9-25 ||

sthitvaa vaamakare k.rtvaa tridhaa taa.m vibhajet puna.h |
dak.si.na.m bhaagamastre.na praak svamuulena tuuttaram || 9-26 ||

a"ngamantre.naabhimantrya g.rhiitvaastre.na dak.si.nam |
hu.mpha.dantena rak.saayai da"sadik.su k.sipet sudhii.h || 9-27 ||

muulaabhyastena puurve.na jale dak.si.napaa.ninaa |
nik.sipya bhraamayed vaari "sivatiirthamanusmaran || 9-28 ||

a"ngaabhyastaarkadiiptena "si.s.tabhaagena vigraham |
sarvamaalipya tattiirtha.m svanaamnaavaahya puujayet || 9-29 ||

gandhapu.spairyathaalaabha.m manasaa vaa samaahita.h |
mukhyanadyabdhitiirthe.su naanyatiirthaani kiirtayet || 9-30 ||

kiirtanaanni.sphala.m tat syaat krudhyeccaato na kiirtayet |
kevalaambhassu ga"ngaaditiirthaanaa.m kiirtana.m sm.rtam || 9-31 ||

tattatphalaprada.m tasmaat tatra tiirthaani kiirtayet |
tata.h praa.naan samaayamya trirnimajjya samaahita.h || 9-32 ||

nimagna eva saa"nga.m sva.m muula.m "saktyaa japeddh.rdaa |

apica dvija"scet -

hira.nya"s.r"nga.m varu.na.m prapadya ityathaadita.h suuktamudiirayan h.rdaa |
nimagna evaambhasi "saktito.akhilaan haratyaghaughaanaghamar.sa.ne sthita.h || 9-33 ||

yathaa jalaughe lava.nasya sa~ncaya.h prayaati sadyo vilaya.m mahaanapi |
tathaa mahaanapyaghamar.sa.ne.m.ahasaa.m cayo.api naa"sa.m vrajatiiti ni"scaya.h || 9-34 ||

tata.h sthito vaari.ni vaamadak.si.nau karau "sa"saa"nkaarka"sivadvayaatmakau |
vibhaavya muulena ca kumbhamudrayaa "sirasyathaa"ngairapi vaabhi.secayet || 9-35 ||

dvijastu suuktai.h pavamaanapuuru.sa"sriyaa.m yathaa"saktyabhi.sicya tajjalaat |
ta.ta.m gata.h sve paridhaaya vaasasii vi"suddha"sukle k.satido.savarjite || 9-36 ||

snaato naa"ngaani nirm.rjyaat paa.ninaa vaardravaasasaa || 9-37 ||

tathaa nek.seta paa.sa.n.dipaataki"svaantyajaa"suciin |
citi.m ca citikaa.s.tha.m ca yuupa.m ca.n.daalameva ca || 9-38 ||

sp.r.s.tvaa devalaka.m caapi sacelo jalamaavi"set |
naimittike.su k.rtye.su graha.nenduk.sayaadi.su || 9-39 ||

ayanadvayatiirthaadau sacela.h snaatumarhati |
sandhyaasu vamane "suklavi.nmuutrocchi.s.taku.s.thinaam || 9-40 ||

sa.mparke vapane caabdhe.h spar"sane caapyaparva.ni |
v.r.salapratilomaanaa.m maarjaaraspar"sane.api ca || 9-41 ||

"sma"srukarma.ni cottiirya nadii.m vaaru.namaacaret |
daanaadau snaanajapyaadau tarpa.ne havane.api vaa || 9-42 ||

sarvatra sapavitra.h syaadanyathaa syaat tadaasuram |
yadvaa mukta"sikho nagna.h pralapan vaavaku.n.thita.h || 9-43 ||

karoti k.rtya.m daivaadya.m sarva.m vidyaat tadaasuram |
paadaprak.saalane m.rt syaat sak.rt paa.nyo"sca sarvadaa || 9-44 ||

snaanaadisarvak.rtyaadau bhojanaadau ca sa.mvi"set |
muutraadi"saucasyaante ca hastapaadau pradhaavayet || 9-45 ||

athaacamanakalpo.atra saamaanyasm.rticodita.h |
kathyate vaidikii sandhyaa tathaastraakhyaa ca taantrikii || 9-46 ||

a"ngulyagre daivama"ngu.s.thamuule braahma.m tiirtha.m parvasandhi.svathaar.sam |
praajaapatya.m syaat kani.s.thaamatho.atha pitrya.m tarjaamuulade"se dvijaanaam || 9-47 ||

haste tuukta.m dak.si.ne tattale syaadaagneyaakhya.m tiirthamanyatra saumyam |
daivaadya.m yat karma kuryaat svatiirthaadaacaamet tu brahmatiirthena toyai.h || 9-48 ||

jye.s.thaagre.agnistarjaniimuurdhni vaayurmadhyaagre.arko.anaamikaagre surendra.h |
prajaapatyaa syaat kani.s.theti devaira"ngulya.h syurdark.si.ne viprapaa.nau || 9-49 ||

praagvaktro voda"nmukha.h sopaviito badd