*************************************************************************************************************
*
* cidgaganacandrikaa by kaalidaasa edited by Swami Trivikrama Tirtha
*Arthur Avalon Tantrik Text Series (John Woodroffe), Calcutta 1937.
*
*Data entered by the staff of Muktabodha
*
*   Copyright (c) Muktabodha Indological Research Institute                                                                                       
*   THIS TEXT FILE IS FOR REFERENCE PURPOSES ONLY.    
* 
*Encoded in Velthius transliteration                                                                                                                                                         
************************************************************************

k.siiroda.m paur.namaasii"sa"sadhara iva ya.h prasphurannistara"nga.m
cidvyoma sphaaranaada.m rucivisaralasadbinduvakrormimaalam |
aadyaspandasvaruupa.h prathayati sak.rdo"nkaara"su.n.da.h kriyaad.rg 
dantyaasyo.aya.m ha.thaadya.h "samayatu durita.m "saktijanmaa ga.ne"sa.h || 1 ||

sthuula.m suuk.sma.m para.m ca trividhamiha tagad yatprathaave"sasiddhyaa
yukta.m sattaa yadiiyaa sphurati ca parata.h svaprathaikasvabhaavaa |
bhaamuurti ya.m vimar"sakriyamanupatitaa lak.syate lokav.rtti.h 
sanmaargaalokanaaya vyapanayatu sa vastaamasii.m v.rttimii"sa.h || 2 ||

iha kaalidaasacandraprasuutiraanandinii stutirvyaajaat |
cidgaganacandrikaabdhe.h "samayatu sa.msaaradaavadavathu.m va.h || 3 ||

cillocanena satata.m "sivamiik.situmanvaye ca sadbhaavam |
labdhu.m ca puur.nabhaava.m yadi ceta.h samupaadhvamimaam || 4 ||

h.rdguhaamabhila.sannahantayaa d.rkkriyaavapurad.rkkriyaapadam |
santamemi samabhaavada.m "siva.m sakhyahaaniramunaa hi suuyate || 5 ||

yaa.ahamityuditavaak paraa ca saa ya.h prakaa"salulitaatmavigraha.h |
yau mitha.h samuditaavihonmukhau tau .sa.dadhvapitarau "sraye "sivau || 6 ||

"saktinetrapari.naddhamaasthita.m puur.nabhaamayapayodhimanthataam
devi tarpa.nasudhaakalaa"sraya.m rudramandaramaha.m sphu.ta.m bhaje || 7 ||

yo.abhavad bhavati yastathetaro yo bhavi.syati p.rthakkriyo jana.h |
tatra yo.adharamahantayaikayaa santamasmi h.rdirandhra aanata.h || 8 ||

vi"svasadmani sadaatmanii"svare puura.naat puru.sataamupeyu.si |
ye mana.h pra.nidadhurmahar.sayastaan pata~njalimukhaanupaasmahe || 9 ||

khecariimukhamariicijaalaka.m vyoma"saktitanu sa.m"sraye sadaa |
"sambhudak.satanujaavabhaasayaa yatra vi"svamanukartumiihate || 10 ||

kha.n.dasatprasaragarbhayaa yayaa lak.sita.m sphuravipuur.nasattayaa |
tattvamai"svaramakha.n.damambikaa.m tvaa.m pra.naumyakhilatattvanaayikaam || 11 ||

ya.h kilaasa sa kilaasa ii"svara.h khyaatasattvalulitordhvamuurdhani |
pratyaha.m janani yatra ti.s.thati tva.m sa sattvavapuradrirasya ya.h || 12 ||

kalpanaatigamatiindriya.m ca yallak.syamujjhati bahirmukha.m tathaa |
antaraalagamabhaavabhaavayostannato.asmi sadaha.m niraak.rti || 13 ||

amba yadbhavati tattdaatmanaa svairitaamajahadadvayodayam |
taavaka.m padamapaak.rtakrama.m brahma tatsaditi vaa "sruta.m bhaje || 14 ||

de"sakaalakalanaa vi"se.sato yad bhavaani bihita.m nigadyate |
vyaktijaati tanusa.m"sritakrama.m taddhita.m tava bahirvij.rmbha.nam || 15 ||

sattvamamba ! vihitasya vastunstatprasaaditadayodaya.m vapu.h |
syaat tama"sca yadida.m ni.siddhyate dve rajo sadasadanyaruupata.h || 16 ||

yat tamo.anyadiha tat k.sitervapu.h sattvamanyadiha tejasa.h "sive |
mi"sra.notthamitaradrajastayostvatkasattvajamato gu.natrayam || 17 ||

ii"svarasya tava bhartturak.sayai"svaryaruupamasi tattvamambike |
j~naanamasya "suci karma vaa phala.m te viraagamayapuur.nataaphale || 18 ||

jyotiramba h.rdi vidyayek.sita.m yallagh pras.rtamarghama.n.dape |
dhuumalak.smaguru yacca taccyuta.m te tu sattvatamasii vapustava || 19 ||

tva.m hi rudrajaka.taak.savartinii jaayamaanamavalokya ca.n.dike |
saa.mkhyayogapathade"sikadvaya.m jaatasa.mmatisamaadhika.m yathaa || 20 ||

saprakaa"sak.rtamajjana.m jagat kurvatii bhavasi puur.nimaa "sive |
puur.nameva tava ruupamanyathaa kurvatii kila kuhuu.h pratiiyase || 21 ||

puur.nataak.r"satayoryadantara.m tatra kaali vijahatkrame sthitaa |
dar"sitakramavibhaagasa.mbhrama.m kaalamadyatanamattumiihase || 22 ||

maat.rmeyamitisaadhanaatmikaa tvatk.rtonmi.sati yaa vikalpadhii.h |
tvatsvaruupamakala"nkita.m tayaa kasya devi vidu.so na muktataa || 23 ||

akramakramavimar"salak.sa.na.m yaa kramaakramamayii kramaakramam |
akrama.m "sivamavek.sya madhyaga.m tvaa.m ca satkulamida.m tavaananam || 24 ||

vedyavedya(da)kavibhedadak.sayaa maayayaa kramavada"ngagaaminii |
yaa sthitaamba bahirak.sakaa"nk.si.nii taa.m jahi tvama.nutaa.m mayi sthitaam || 25 ||

karma yad vividhavaasanaatmaka.m maayayaa saha k.rtaa.nubhaavayaa |
v.rttibhistava vilaapyate hi tad devi ! bhaanurucibhiryathaa tama.h || 26 ||

cinmayiik.rtamato(.a)k.sad.r"syayaa guhyayaa.amba vipariitacaryayaa |
labhyate samarasiik.rtaakhiladvaitav.rtti tava ghasmara.m vapu.h || 27 ||

yaa"scaranti tava khe cidaatmake "saktaya.h kara.nalak.sa.naa.h "sive |
muktabaahyapadaj.rmbha.nodyamaa.h tva.m hi ti.s.thasi taduurdhvage pathi || 28 ||

saptadhaa vamasi yaa tvamii"svari vyoma"saantamukhacidgu.naaspadam |
aa"sritaan nayasi naapara.m "siva.m dvandvayaa.advayapadaatila"nkinii || 29 ||

yaa pramaatari ni.sedu.sii paraa pratyagaatmani vimar"savigrahaa |
vaagiya.m trividhabhaavabhaasitaa tvaa.m sa vakti kimutaamba vaikharii || 30 ||

naadabindulipivigrahaa girastisra uurdhvagavimar"sa"siikaraa.h |
sa.mh.rtisthitivis.r.s.tidhaamasu vyaah.rtaastvadadha ii"savallabhe || 31 ||

d.rkkriyaatma"sa"sibhaanumadhyaga.m khe caratyanalavat sudhaama yat |
yattaduurdhva"sikhare para.m nabhastatra dar"saya "siva.m tvamambike || 32 ||

vaikhariiprabh.rtivaaktraya.m pare meyamaanamiti kart.rlak.sa.nam |
udbhavasthitilayaatmaka.m vapurbhuuribhedamapara.m smaranti te || 33 ||

vi"svamuurti yadad.r.s.tavigraha.m tvatpra"saantipadamai"svara.m vapu.h |
tatra te ya udaya.h kule"si ! ta.m s.r.s.tiraa"srayati pa~ncavaahataa || 34 ||

yaa paraa sphurati "saktirambike tatra hi tvayi payodhiviicivat |
"si~njikaavayavakaarthapa~ncaka.m vartate vividhasuuk.smavigraham || 35 ||

tvanmukha.m tripathanetri ! bhaatmaka.m "saktiv.rndamiha turyathaagamam (yad yathaagamam ) |
dvaada"sa kramapada.m padaadibhirj.rmbhita.m jagati taccatustrikai.h || 36 ||

maanameyamitinetralak.sa.naa.h somasuuryadahanaastridhaamagaa.h |
raa"siraajividhibha~njitai.h svarairlak.sitaastava hi vipru.so.ambike || 37 ||

aahatetaraduruttaraa"srayastvatpadaadudayate "sivaatmike |
advayaadvi.sayacitprathaatanurd.rgvimar"sa iha vaacaka.h svara.h || 38 ||

amba ! dhaamakara.naprayatnajo vaikhara.h sphurati "sabda aahata.h |
maanasa.h punarasaavanaahato vaasitastvadupalak.sya uttara.h || 39 ||

.sa.s.thavarjamahimadyute.h kalaa.h sargabindurahitaa"sca ye "subhe |
sarva eva "sa"sina.h kalaa.h "sive yonayo vidh.rtabiijatatsvaraa.h || 40 ||

biijayonividhibhedabheditaa maat.rkaasuk.rtamaat.rlak.sa.naa |
"saktiramba bhavati kriyaamayii tvattanurjayati paarame"svarii || 41 ||

bindurak.saramaya.m kriyaamaya.m yo niyantrayati buddhilak.sa.na.h |
naada i.s.tatanurasya kaara.na.m | tva.m pare ! tritayadharmaruupi.nii || 42 ||

udyama.h prathama uurmiruttaro nistara"nga"sivacitpayonidhe.h |
praagacitpadaparigrahaattava vyomanii"svari tanurmahodaya.h || 43 ||

sphaaritaa janati seyame.sa.naa khecaratvasamupaa"sritaa di"si |
ak.sacakramanujagmu.sii gavi praaptagocarapadaa bhava svayam || 44 ||

khecariiprabh.rti yaccatu.s.taya.m saa.m"samamba ! tava tad bahirvapu.h |
yad dvayaadvayavibhaagaghasmara.m tannira.m"samabahirna vaakpadam || 45 ||

pa~ncav.rttitanuramba ! nirgataa "saktirarpitakulaprabhaasanaa |
tva.m "sivaadakulata.h sameyu.sii tena tatra punare.si vi"sramam || 46 ||

yuktito.amba ! tava v.rttipa~ncaka.m pa~ncabhuutagu.nav.rtti lak.syate |
gharmiv.rttik.rtasiddhanaamaka.m dharmav.rttik.rta"saktinaama te || 47 ||

brahma.na.h prabh.rti siddhapa~ncaka.m bhaaratiiprabh.rti "saktipa~ncakam |
unmanii.m smarati yastavaak.rti.m siddhavartmani jayatyasau jana.h || 48 ||

tva.m prakaa"sayasi ya.m sa s.rjyate dharmidharmatanurartha ii"svare |
ya.h prakaa"sa iha sa tvayaa k.rta.h tattadaak.rtiruupaiti s.r.s.titaam || 49 ||

tva.m hi cittanurato na cittataa svena te vi.sayacittataa.m vinaa |
"si.syase yadi vinaarthama.n.dala.m sargasiimani kuto.asti cittataa || 50 ||

vaasanaa ca na vicitrataapada.m tatprasuustvamiha kevalaiva cet |
"saktilak.sa.najagadbh.rtodarii maanasaindriyakavastusuurasi || 51 ||

saarvakaalikamida.m jagat tvayaa bhaasyate vidh.rta"sabdaruupayaa |
aantara.m janani buddhidarpa.ne baahyamadyatanamak.saruupayaa || 52 ||

yaavadamba ! puru.sasya "saantataa saptamii sakalabhaavavartina.h |
taavadadvayavimar"sabhinnataa saarvakaalikavimar"sabhaavitaa || 53 ||

amba tajja.damu"santi bhedibhiryad gu.nai.h sphuradapohyate kramaat |
cittadaak.rtiniraak.rti.h svato bhaati yaa sak.rdasau tvameva saa || 54 ||

jaa.dyamamba ! jagato nisargato yatparaaprabh.rti bhaati bhedata.h |
tva.m tu jaa.dyaparipanthinii sm.rtaa yaa vibhaasi sak.rdarthama.n.dale || 55 ||

vi"svametaditi yaa.ahamityasau naamaruupavirahe.na ni"scitaa |
saa tvamamba ! na bibhar.si bhaasyataa.m bhaatmano yadasi dharma ii"situ.h || 56 ||

bhaavad.rk smuutiviyuktamii"svare "suunyaratnamavalambya pudgalam |
nirniruktikamida.m jagat sthita.m cillayordhvagapathaanna tattathaa || 57 ||

"saantataa.m bhajadanaa"srita.m pada.m "saktimaatrajagadekasadma yat |
nirmalajvalana"saucavajjagat tatra hi tvi.si nimajjita.m tvayaa || 58 ||

siddha"saktimayabhaat.rbhaasanavyaaptibhaava upayukprakaa"sataam |
yo.ayamarthanikarastvadantike tvatpramaatrabhimukha.m tano.syasau || 59 ||

dra.s.t.tataa jagati yatprakaa"sane ya"sca ni"scayavidhau pramaat.rtaa |
graahakatvamapi ni"scitagrahe vettyata.h sa tava v.rttipo.sita.h || 60 ||

aasthita.h sadasadarthama.n.dala.m ghiimano.ak.savapurasmitaamaya.h |
yastrayoda"savidha.h svatantrataa taddvayo.ahamasau tavaa.m"saka.h || 61 ||

tattadarthamayabhogyalak.sa.naanandamuurtirayamuttama.h pumaan |
arpa.nena jagata"scidambare bhaati sa.mh.rtimaya.h "sive tava || 62 ||

a.s.tadhaa sphurati yaa purii "sive suuk.smabhaavamupagamya lai"ngikam |
tajjapau.s.tak.rtacittav.rttayo vaasanaastvadudarasthite pa"sau || 63 ||

sargasa.mv.rti"sariirayordvayorbhak.syabhak.sakapadasthayostayo.h |
antarevamahamaasthita.h "sive dhiimano.ak.savapurarpita.m tvayaa || 64 ||

raajanaat prak.rtira~njanaacca maa.m raajasa.mj~namanu bodhakarma.no.h |
.sa.t tvayaa p.rthagamii pravartakaa.h putrabhaavamadhiropitaa.h "sive || 65 ||

uurdhvavaahamayabindulak.sa.na.h praa.nasuurya iha ciddvi.sa.tkala.h |
tatkalaadharatanurgurukrame tva.m prakaa"satanu siddhama.n.dalam || 66 ||

yastvadhovahananaadalak.sa.no.apaanasoma iha bhogyavigraha.h |
tasya .so.da"sakalaa.h k.rtaastvayaa.a.anandacakratanavo gurukrame || 67 ||

vaasare"sarajanii"sayo.h kalaa"sca.n.di yaavadudaya.m vitanvate |
taavadeva divasak.sapodayastvatk.rta.h praka.taguptavigraha.h || 68 ||

devi taddvayakalaavimi"sra.naat saamarasyapadameti yaa sthiti.h |
bindunaadasamavedyavedakaa.antargataa hi tava muurtiratra saa || 69 ||

lii.dhabhaanu"sa"sima.n.dalaa sthitirlambhitaa pralayavahninaa tvayaa |
praa.nadhaamni da"sasaptadhaa satii muurtiraa"sritagurukramaa "sive || 70 ||

i.s.tabodhak.rta"saktayastvayaa sa.mh.rtisthitivis.r.s.tisadmasu |
turyacitpadamayu.h prasaaritaa.h suptita.h prabh.rti dhaamasu tri.su || 71 ||

meyamaat.rmitilak.sa.na.m kula.m praantato vrajati yatra vi"sramam |
tatpada.m tava turiiyamambike yanmahadbhiranupaakhyami.syate || 72 ||

caararaavacarubhirvibheditairmudrayaa ca yadupaasana.m tava |
tadva"sena bhajate paramparaa.m taavakii kramatayaa sphu.taak.rti.h || 73 ||

ma"ngale tvamasi vaakcatu.s.taye yaa paraa sphurati muurtima.n.dale |
saa prakaa"sa-sukha-v.rndacakragaa naadabindulipimuurtirijyase || 74 ||

aadyacitprasaramuurtirambike piitataa.m vrajati yatk.rtaaspadaa |
ak.saya.m "sivamupaasya tajjana.h "sakticakrajanita.h pramucyate || 75 ||

amba ! "saktivapu.saa tvayonmi.sadruupayaa samarasa.h "sivo yadaa |
yattadollasati viiryamuurjita.m pii.tha e.sa hi mahaa.mstvadutthita.h || 76 ||

yaa "sive sphura.na"saktirak.sayaa k.smaadipa~ncakanivi.s.tabhaatanu.h |
saa mahad bhavati viiryamagrima.m yanmayii tvamasi pii.thacakrasuu.h || 77 ||

pii.thacakranikaraikadharmi.nii tva.m sthitaa ca satata.m samantata.h |
sadbhirudyamanirantaraatmabhirlak.syase.amba niravagrahodayaa || 78 ||

iira.nena vividhena viirataa.m yo.ayamak.saraga.na.h prapadyate |
antyamii"samasi ta.m tridhaamaka.m var.na"saktipadavii ca citkalaa || 79 ||

yaa.analaarka"sa"sivigrahaa kalaanaahataambaravisarpi.nii "sive |
pii.thata.h prabh.rti yaavadarcyate taavadunmi.sati tanmayii satii || 80 ||

nirjanasthitilayaprathaatmike.agraasanityaniravagrahodaya.h |
j.rmbhitastvadanupaak.sadiipito dvya.s.taka.m manurume ! tavaasanam || 81 ||

nityabhaataruci vi"svaghasmara.m durniriik.samapi sanniketanam |
tva.m "sma"saanamasi viirah.rdgata.m k.sii.nav.rtti karaviiramijyase || 82 ||

vi"svasa.mhara.naliilayotka.ta.m vyomni "sa"svadudita.m niraa"sraye |
k.setrapaalamanupaadhikollasat tvadvimar"samabhinandatii"svare || 83 ||

khecariiprabh.rtiramba "saakiniipraanta e.sa tava yo gurukrama.h |
s.r.s.tita"sca yadanaakhyavikrama.m cakrametadakhila.m tavodgama.h || 84 ||

taddvayollasitamamba ! vartate yatra nityamiha saamarasyata.h |
sanniketapadanityaj.rmbhitollaasa e.sa tava me purassara.h || 85 ||

bhogyabhokt.rrucighasmara.m mana.h pa~ncavaahamayamucyate tama.h |
nirniketapadameti yatra te ko.apyasau satatamadhvarotsava.h || 86 ||

puur.nasattvaraja-aadih.rdgataadhi.s.thitaa tvakhilalokavaahinii |
pa~ncadhaa vahasi "saa"svatodayaa siddhasindhuriva siddhasevitaa || 87 ||

vyomayaanamatimatpurassara.h pa~ncadhaa prasara e.sa taavaka.h |
j.rmbhamaa.naguruvaktracitpathollaasimuurtirayamaasthito jagat || 88 ||

spandamaadyamanu kurvatii "sive nirniketanapathotthitaa gu.nai.h |
"suunyadhaama vasasi tvami.s.tita.h praagadhi.s.thitaravaa vij.rmbhase || 89 ||

ciccamatkara.naruu.dhanirbharaa tva.m puraa sphurasi saiva khecarii |
ruupasa.mgrahadar"sitai.sa.naa tejasaa svarasavaahinaa.ambike || 90 ||

devi naikavi.sayodyamasphu.taarohi.nii bhavasi saiva bhuucarii |
spar"sasa.mgraha.nanityasammukhii svairitaamajahatii svabhaavajaam || 91 ||

pratyagaatmani d.r"so.avaku~ncanaa vi"svamannamudare vitanvatii |
grasya sa.mh.rtimukhena dikcarii saiva devi rasacarva.nonmukhii || 92 ||

praaptacittamukhato.adhitasthu.sii svasvaruupamaniketama~njasaa |
raudrabhaavak.rtabaahyaj.rmbha.naa gocarii tvamasi gandhahaari.nii || 93 ||

brahmavigrahakalaadhirohi.nii pa~ncavaahavapu.sa.h kalaa tava |
saamarasyagha.titodayaa "sive "sa"svadullasati siddhama.n.dale || 94 ||

bhaanu"siitakaravahniku.n.daliibindusuutritaparaavarasthalaa |
rudra"saktiriha kaalakar.si.nii tvatkapa~ncavidhav.rttisuucinii || 95 ||

gho.savaa.dava"sikhaastaduttara.m bindunaadayugala.m ca yatpadam |
saprasaadamiha pa~ncabhi.h "sive tvaa.m kalaabhiranukl.rptamomapi || 96 ||

indu"suulav.r.sa.ta"nkamaat.rkaakaalabiijadh.rtapa~ncabhuumika.h |
lopasandhivihitadhruvodaya"scinmaya"sca tava devi dar"sita.h || 97 ||

yajjvaraadipadamamba vaayunaa yaa "sikhaa madhusapannagaaspadaa |
yaa ni"saa madhunivi.s.tas.r.s.tikaa pa"nktirapyanukaroti te sthitim || 98 ||

yannabha.h sphurati yo marut tvayaadhi.s.thito vidh.rtasargaruupayaa |
yaa "sikhaa yaduta vaari yaj~nasuuryaamba pa"nktirapi taistathaavidha.h || 99 ||

bhuucarii vahasi da.n.data.h krama.m mu.n.dato.aparacatu.s.tayii ca saa |
bhogyabhokt.rkalanormisa.mk.saye saamarasyarasarohi.nii "sive || 100 ||

yastvanaahatadh.rtordhvapaaragastrya"sramuulagaganasthita.h svara.h |
tatra devi viyadagnipaar"svayormadhyagaa vahasi pa~ncadhaa kramai.h || 101 ||

pa~ncavargamayapi.n.dagaaminii ma~ncapa~ncakatanustvamamba yaa |
devi var.na iva bhaasi ni.skramaa saamarasyak.rtapa~ncav.rttikaa || 102 ||

"suunyamamba mahamucyase tu yaa yat tvamatra gagane sadoditaa |
divyamoghamata udgirantyasau spar"samujjhasi hi vaamavigrahaa || 103 ||

ambarasya paramaagataa "sive saiva cittamanaghaa svabhaavata.h |
spandametya parama.m viraajate khecari pra.natakhecarastvayaa || 104 ||

vyaktamakramavij.rmbhitaa "sive tva.m vis.r.s.tabhuvanadvayodayaa |
saiva sa.mcarasi sa.m"sritaa yadaa bhuucarii bhavasi sa.mj~nayaa tadaa || 105 ||

sva.m vapu.h sphura.na"saktilak.sa.na.m tattadarthamayamambike k.sa.naat |
saiva cennijapadaantavartinii sa.mharasyatha tadaasi dikcarii || 106 ||

pratyagarpitamukhii bhidaak.sayaadaikarasyamaghiropita.m tridhaa |
sva.m krama.m grasasi saiva cedasau gocarii khalu mahaambaraantagaa || 107 ||

pa~ncasu sphurati devi v.rttisu tvanmayii.su yadi kaacana svata.h |
"sa"svadaa"su nikhilaastadaiva taa.h saamarasyamadhiruhya bhaantyamuu.h || 108 ||

nir.niketanatayaa.amba khecarii sphaaritaa gaganakaamayaa tvayaa |
naadasarganihitasvavaibhavaa dikcarii sphu.tamadhi.s.thitaa yayaa || 109 ||

k.sobhamamba ! tava taavadi.s.tato dvya.s.tara"smitanunaadavigrahaa |
bindubhuumimadhitasthu.sii sphu.taanandacakravibhavaasi bhuucarii || 110 ||

dikcarii tvamasi bindubhaaskaraa j.rmbhitaa bahirihaamba nirgataa |
arthapa~ncakamala.m grasantyasau bhuucarii.m nayasi nirvibhaagataam || 111 ||

tad dvipa~ncakalavahnivigraha.m saptatacchikhama"se.saghasmaram |
muurticakramadhiruhya dikcarii tva.m paraa.m vi"sasi vaacamadvayaam || 112 ||

cetasa.h k.rtamadaa svaj.rmbhayaa tva.m nija.m viyadabhuumi jagmu.sii
g.rh.natii paramamamba citpada.m ma"ngalaasi vidhutaah.rti.h paraa || 113 ||

asvaraagrimavikaasadharmi.nii vi"svacakraparimelanodyamaa |
bhaavanaadikalanaativartinii pa~ncavaktramadhipii.tha ijyase || 114 ||

bindunaada"sa"sipii.thabhaasvaraa jvaalaraajabhagakaalavigrahaa |
asvaraakhyaparamaambaraatmikaa ma"ngalaa tvamasi vaaktrayaatigaa || 115 ||

dvya.s.tadhaamanilayaa citi.h "sive sphaarayantyani"samaatmano balam |
nirniketanapadaa tano.syasau j~naanara"smivisara.m sadoditam || 116 ||

antaramba bahirapyamii karaa ye tavaak.satanavo.a"nka e.sa ya.h |
vigrahadvitayamapyata.h para.m cinnabho nayasi na.h kara"nki.nii || 117 ||

yatprak.rtyavadhitattvama.n.dala.m k.smaamukha.m parimitagrahaas.sadam |
krodhanii tvamasi tajjihiir.sayaa mantramuurtiriha te vij.rmbhate || 118 ||

devi kaaryakara.naahvaya.m vapustva.m tri"saktivisaradgu.naatmakam |
maantramugrarasasa.mkula.m para.m viiryamaanayasi tajjihiir.sayaa || 119 ||

granthayo.api .sa.dume yayaa dh.rtaa saa niraavara.nacinnabha.hpadaa |
spandamuurtidh.rtabheda.dambaraa bhairavi tvamasi vi"svabhedinii || 120 ||

a.s.tapuryuditabiijavaasanaasa.mh.rtiprava.nara"smipu~njayaa |
lii.dhamaatramukhabheditaa tvayaa bhuuyase janani lelihaanayaa || 121 ||

tva.m paraaprabh.rtivaikharaantimollekhavistaravilaapanonmukhii |
devyanaavara.na"sambhusadmagaa khecarii bhavasi cidvikaasinii || 122 ||

vahnisuurya"sa"sidhaamaghasmarii ku.n.dalii ta.didivotpatantyasau |
"saambhava.m janani bindumadhvanaa madhyamena ca gataasi khecarii || 123 ||

mudritasvak.rtatattvama.n.dalaa j.rmbhase svaja.thare sadoditaa |
v.rndacakragatapa~ncabhedagaa tva.m "sive di"sasi yogajaa.m "sriyam || 124 ||

j~naanamamba tava bheditai.h svaraistaistu yoga iha .sa.n.davarjitai.h |
vya~njanairudayate mahaantikairmantra"saktiyugala.m kahaadibhi.h || 125 ||

binducakra"sa"siku.n.dalii "sikhaa muurtirambaragataa caturvidhaa |
"saktiratra k.rta"sambhubhedanaa .sa.s.tirambaragataa"scatu.sparaa.h || 126 ||

aadihaantanijadehanirgataa.h .sa.s.tiratra caturuttaraa ruca.h |
khecariija.tharani.s.thitaastvayaa ma"ngale paramabhedata.h k.rtaa.h || 127 ||

j~naanadiidhiti.su raudradiidhitermantradiidhiti.su vaamayoditam |
yogadiidhiti.su j.rmbhate.ambikaa jye.s.thayaivamatha "saktidiidhite.h || 128 ||

devyabheditakalaacatu.s.tayaa "sambhudiidhiti.su diipyate svara.h |
tatsthitistvamapi var.nabhedinii ma"ngale vahasi yatpradhaanataam || 129 ||

sarvadaiva sak.rdaasthitodayaa.h sarvata.h k.sapitakalpanaabhidaa.h |
itthamekavapu.saa tvayaa nijaa.h sphaaritaa mahati lak.smacittvi.sa.h || 130 ||

udyamaprathanacarva.naatmaka.m jaagaraadipadamamba yatkriyaa |
yatturiiyamapi tadvilaapana.m bhaatanustvamakhile.atra j.rmbhase || 131 ||

yo vikalparahito.ak.sama.n.dalaaruu.dha ullasati maaturambike |
praagvimar"sa iha tanmukhii prathaa j~naanamarthavidh.rtaa tanustava || 132 ||

iid.rgetaditi tatprathaasthiteryo vimar"sa udito.antarak.sata.h |
mantra e.sa tava v.rndacakrago yanmukhii bhavati taavakii kriyaa || 133 ||

bhogyabhokt.rparigha.t.tanollasannirmalapramadanirbharodayaa
lolitaakhilah.r.siikav.rttikaa yuktiramba ! tava vi"svamelinii || 134 ||

j~naptimaatramapaniitavaasana.m nirvikalpamadhiruhya cittvi.saa |
saamarasyak.rta"saa"svatodayaa tva.m hi "saktiradhiti.s.thasii"svare || 135 ||

"suunyamamba gagana.m hi yaa mahat spandabiijamaniketamiiyu.sii |
liiyase jha.titi cittayaa tvayaa "sambhura"smivapu.saa.atra bhuuyate || 136 ||

j~naanamamba "samapuur.nacitpayoraa"silambilaharii tvamucyase |
tadvimar"satadupaa"sritakramadhva.msamuurti"satamuurdhvama.n.dalaa || 137 ||

styaayamaana"sivacidrasaatmaka.m bhaavav.rndamadhiruhya bhaamayii |
khaanilaagnijalabhuumibhaasinii "sambhuta.h prabh.rti j.rmbhase "sive || 138 ||

sphaarataavakavimar"sapaavakabhraamyamaa.nadhanasaarabhaatmikaa.h |
pa~ncadivyakulabiijavigrahaa.h tvattvi.so.amba ! "sivacinnabha.hpradaa.h || 139 ||

pa~ncacakratanure.sa j.rmbhate nirvikalpa"sivabodhasatphala.h |
pa~ncasu kramamahiiruha.h "sive tvanmariici.su nirastavaibhavam || 140 ||

biijamamba ! tava pa~ncadhoditasphaaritapragu.nadevataakrama.h |
siddhido.ayamapariitaj.rmbha.no ya.h prakaa"sa iha so.antacakraga.h || 141 ||

"sambhudhaamni patitaambare"svarii "saktidhaamani tato.anu khecarii |
bhuucarii tvamanu yogadhaamnyato dikcarii tadanu mantradhaamani || 142 ||

pa~ncama.m jha.titi paatukakramaadiiyu.sii sphurasi raudravaibhavaat |
j~naanadhaamni nikhile"si gocarii na kramastava niraa"sraye pade || 143 ||

j~naanata.h prabh.rti pa~ncama.m "sive yat tvamatra paracinnabhastanu.h |
pa~ncavaahamaya"saktigarbhi.nii bhaasase prathanaketaghasmarii || 144 ||

tva.m nirantaracidambaraatmikaa velayaa.amba tulitaa dayaambughe.h |
tvayyamuurjha.titi sa.mvidaapagaa.h puur.nataa.m dadhati nirniketanaa.h || 145 ||

pa~ncadhaa prabh.rtavaibhava.m "sive cakrametadiha gocariik.rtam |
vi"svabhak.sanirupaakhyacinmayaat tvatpadaad galati naiva jaatucit || 146 ||

dhaama yad bhavati mudrayaa sama.m yaa ca sa.mvidaniketanaa"sraye |
yaa.a.nubhaavakalitaa kalaa ca tat sarvamamba tava b.rndacakragam || 147 ||

asvarollasanabiijamagrimo k.sii.nato.avapurapaak.rtakrama.h |
naada e.sa tava vi"svadai"sika.h ko.api sa.mvidi vimar"sa ii"svara.h || 148 ||

granthipa~ncakavibhedinii citi.h pa~ncataaralipiv.rttisuucitaa |
yeyamamba paradhaamni te tanuryonipa~ncakamayii niraak.rti.h || 149 ||

spar"savar.namayapa~ncavargajairvistarairjanani mudritaa tvayaa |
vyaktibhedaracanaa samantato vyaktidhaamasahitaa jaganmayii || 150 ||

aadita.h kramamayiibhiramba ya.h pa~ncabhirbhavati yonibhi.h svata.h |
akrama.h kramamayastvadaa"srayaat sakrama.h sphurati s.r.s.tilak.sa.na.h || 151 ||

kevala.m jagati yonirakramaa yogamuurtiriha te sataa.m mataa |
yoniratra mahatii taduttaraa saa yadetadavabhaasana.m tava || 152 ||

"sa"nkhayonirata uttaraa dh.rtaa v.rttiramba tava yattu cavar.nam |
kaalavigrahavilaasana.m puna.h padmayonirapi te vikasvaraa || 153 ||

nistara"ngajaladhikramaa sthitaa kaali dhaamni tava bhedaghasmare |
divyayoniriha svasvaruupi.nii ni.hsvabhaava udaya.h parastava || 154 ||

svasvaruupamayavi"svamuurtid.rksiddhagaa.dha.sarirabdhavigrahaa.h |
spar"samuurtimadhiruhya pa~nca te yonayo vidh.rtas.r.s.tima.n.dalaa.h || 155 ||

jaagaraamukhacatu.hpadaa.advayonme.sasa.msphuritamaat.rlak.sa.naa |
nirdvayaadvayagatirmahaakhage draak tavaamba patisiddhama.n.dalii || 156 ||

ku.n.dah.rtsvaracatu.s.taye sthito vyaktita.h prabh.rti yo jagatkrama.h |
tasya gopaka udagravaibhavo yo.avataara iha saamba te prathaa || 157 ||

spandamuurtimavina"svara.m khaga.m spar"sa"suunya iha ha.msamaasthita.h |
ii"svarastripathabhak.syadhaamago yastamamba bhajate khagendrataa || 158 ||

praatibha.h prathama udyamo.amba ya"scitravi"svaracanaadaro.advaya.h |
kuurmav.rttimanuk.rtya kuurmataa.m yaatyasau tava nive"sita.h pathi || 159 ||

me.sa e.sa udaya.h paro mama chandatok.satanutaa.m vahatyume |
nityaturyamahimaa grasannibha.m me.sa eti tava dhaamni sa.msthitim || 160 ||

chandato mama niraa"sraye pade muktabaahyapadasiddhikalpanaa.h |
sa.mvido vasata yuuyamityamuu.h "saastyasau tava nirargala.h "sive || 161 ||

nistara"ngaparamaadvayaprathaambhonidhau pratinivartitakrama.h |
vi"svamannamudara.m nayatyume miina utka.tavimar"savaktraga.h || 162 ||

nirniketamahimaa niraak.rtistaavako.ayamavabhaasanakrama.h |
svastha"saktivisaratsamaahito yatra "saktinivaho.amba j.rmbhate || 163 ||

k.saanta aadikalitaak.sacakrago dhiiniraasak.rtatadvicaara.na.h |
kha.n.dacakra udito.amba te kramo rudrasa.mkhya iha sa.mh.rtikrama.h || 164 ||

ni"scitagrahanide"savarjito yuktyayuktyatigato.akrama.h para.h |
satpathoditakhadhaamaga.h "sive kha.n.dacakravisarastavotka.ta.h || 165 ||

vyaktimattaditarakramaprathaaguptik.rt k.satabahirjagatkrama.h |
nirgataadhamamahaarthaj.rmbhita.h sa.mbh.rtau janani te.anvayakrama.h || 166 ||

graahyatadgrahavidhaat.rsa.mbhramo naadayugma iha vi"sramonmukha.h |
rudrasa.mkhya imamattumiihate taavake tava mariicirambike || 167 ||

yo da"sendriyanivi.s.ta uddh.rto.atyarthamaatmaja.dabhedavipluta.h |
tat k.sayaaya vata kaalakar.si.nii tvatsamullasati taavakii ruci.h || 168 ||

ak.sacakranivaho.arkasa.mkhyayaa sva.m svamarthamiha yo grasatyume |
ciccamatkara.nanirbhara.h sa te pratyagullasati tatpada.m gata.h || 169 ||

tatpada.m jha.titi niitasantati.h prek.sya devi tava turyadhaamaga.h |
nistara"ngaparamaambaraatmagaa.h saamarasyamupayanti diiptaya.h || 170 ||

aadisargasamakha.n.davarjitasvasvaraatmarucicakragaamini |
vyaktatatparatayaa sthita.m bahistaavakaartharucicakramambike || 171 ||

nirvikalpaparamaambaraa"srayaa.h ujjhitetarapadaastvi.sastava |
sphaaritaa hi yadi puur.nataamadhu.h sa.mbhrama.m jagati baahyamii"svare || 172 ||

ca~ncalaa ta.tidivaakrama.m paraa spandav.rttilaharii tavaamba yaa |
sodayaat prabh.rti kalpanaa.m vinaa v.rttibhistis.rbhirujjhitaa sak.rt || 173 ||

amba tatra kalanaa p.rthakkriyaa s.r.s.tita.h svapathage krame ca yaa |
tadviruupamamala.m tanukramodyogamukhyacaturuurmisa~ncitam || 174 ||

ekamamba tava bhaatyanaav.rto dvaada"sakramaciduurmi.dambara.h |
s.r.s.tikaalyudayameti yanmukhe ya.h sphu.to niravadhirniraa"sraya.h || 175 ||

tasya devi harasa.mbh.rterva"saad durniriik.syatanurucchritaa"sraya.h |
svasvabhaavavihitakramaakrame dvaidha e.sa tava cittvi.saa.m caya.h || 176 ||

yo manonmanamanonmaniitara.h svasvaruupacaturaatmabhaavata.h |
dvaada"saikyatanurakramakramo bhairavastvamasi devi te sthiti.h || 177 ||

brahmavi.s.nuharamuurtitaa.m yato.abhyeti tattava turiiyamaaspadam |
vyoma yat kramamayii tvadiira.naa dhuuyate layakhacakragaa "sive || 178 ||

bindugarbhanihita.m tridhaamaga.m tadvi"si.s.tamupari prasarpati |
bhedanaanidhanamo.m yadambike tattvameva paratattvadar"sanam || 179 ||

sattvajaa"srutakalaavadhi tvayaa kaalavahnibhuvanaa mariicaya.h |
bhak.sa.naaya jagata.h prasaaritaa yallayaann.rbhira.nutvamujjhyate || 180 ||

var.namantrapadaj.rmbhayaa sama yaa.h kalaastadanu tattvama.n.dalam |
yaani tatra bhuvanaani ca.n.dike tatra k.rtsnamapi g.rhyate sthitau || 181 ||

tva.m niraava.nayuktimaasthitaistaavakaadvayavimar"sasaadhitaa |
antaraahita.sa.dadhvama.n.dapairyogibhirjanani "sa"svadii.dyase || 182 ||

muulata.h prabh.rti paavakaa"sraya.m dvaada"saantanidhana.m "sive jagat |
vaahatatprathanayorni.sedu.sii majjayasva tava dhaamni citpade || 183 ||

ye niraavara.nayukti"saalinastaan prati sphurati tatpara.m nabha.h |
yatra meyamitimaat.rghasmare vaasanaapi na jagadvibhedagaa || 184 ||

v.rttisa.mhara.nameva maatari vyajyate na khalu sa.mstutik.saya.h |
taddvaya.m ca tava dhaamni sa.mbh.rta.m ca.n.di keyamiti ca.n.dimaa tvayi || 185 ||

bhuutayantranilayaastavaambike "saktayo.ak.sarakav.rndamaasthitaa.h |
tvatpada.m hi vi.sayaam.rtaasavai.h svasvav.rttikusumairyajantyamuu.h || 186 ||

gocariiprabh.rti "suunyapa"scima.m bhuuta.sa.tkamavamajya dhaamni te |
svaprabhe pramadanirbharaa.h para.m "saktayo dadhati darpamii"svare || 187 ||

dvaada"saamba ! kira.naatmano ravermaat.rvahnividite tvadambare |
vi"svametya sahasaa mariicayo.a"snanti cinmukurabimbita.m jagat || 188 ||

baahyamii"svari vinaa sudarpa.no bimbametadanukaari.nii tanu.h |
vyaaptataamupeyu.sii tvadambare yuktimarhati na bimbabaahyataam || 189 ||

asti baahyamiti tatpratheta cet taad.r"saprathanagarbhita.m hi tat |
na pravedayati ni.spramaa.nakam maanamamba khalu saadhayet prathaam || 190 ||

iid.rgetaditi caiva maa phala.m tattatheti hi vimar"sa aantara.h |
nirvibaadha upadhaana"sabdavat karma saa tvayi pu.tatrayii sthitaa || 191 ||

maayayaantaramapi sthita.m jagad vartamaanamavabhaati baahyavat |
bhuutabhaaviyugala.m yathaapura.m vidyayaamba tava v.rttiruupayaa || 192 ||

tva.m guhaa nikhilabhaavaguuhanii bhaamayena vapu.saa.avati.s.thase |
yacca yastava patirguhaa"saya.h praa.nicakramakhila.m ca yasya puu.h || 193 ||

bhaasita.m janani maayayaa bahirbimbametadanukaari maanasam |
maaturetadubhaya.m ca bimbita.m taavake vapu.si yad dvaya.m sthitam || 194 ||

vaarivahnimukuraadi.su sphu.taa svacchavastu.su kumaari bimbataa |
mantritaa saha paricchadena yat tena bimbamanavek.sita.m tava || 195 ||

yatsm.rtau sphurati vastu bimbita.m svapnasa.mprathanakalpayo"sca yat |
bimbavarjamiha tannidar"sanaat tvannimagnamudita.m jagat tvayaa || 196 ||

svapnad.r.s.tamasadityasadvaco divya e.sa yadiha pramaa.nita.h |
kalpanaapi na m.r.saa phala.m "sive yat sthita.m garu.dabhaavanaadijam || 197 ||

khyaatiramba ! yadi yaati puur.nataamiid.rgetaditi kalpanaamayii |
tattatheti hi vimar"sa uttaro naantareti parimardayogyataam || 198 ||

asti tadyadi dh.rta.m jalasthale devi ! tadvadanalaarkasomayo.h |
maarute nabhasi vaa tadaak.rtistatk.rti.m ca kurute hi puuru.sa.h || 199 ||

kalpanaa yadi m.r.seti bhaa.sitaa dhaara.naa phalati kena hetunaa |
devi ! sa.mkalanabodhajiivitaa devataa kimiti kairna hiiyase || 200 ||

tanna jagmurudadhau svayauktito vi.s.nuraatmajamadar"sayaccita.h |
taatamamba tanayasya "sa"nkaro dagdha e.sa hi bahi.hkramastava || 201 ||

ruupame.syati hayaanana.m harirgopasa.mj~namagamad bahi.h pura.h |
tad dvaya.m ca bhajataa.m bahi.h phala.m bhaavi cenna sadatiitamamba yat || 202 ||

ak.sare.amba parame viyad.rco yatra yatra sakalaa ca devataa |
tanna vedayati ced.rcaa.m phala.m tadvidaa.m taditi hi sphu.taa "sruti.h || 203 ||

vahnibhaanu"sa"sividyudaatapa.m jyotiri"nga.nanabha"scaraadaya.h |
yaa.h sphuranti h.rdaye.api saaravaa.h taistadambaragatairhi bhuuyate || 204 ||

de"sakaalamavabhaasi yaad.r"sa.m yattayaa.anubhaviturvibhedina.h |
tattayaa sakalamiik.syate sm.rtau matk.rtasm.rtimavek.sate k.sa.nam || 205 ||

yadyana"nk.syadanubhuutirii"svare saa sm.rtistaditinaa prati.syate |
sa.mstavo hyanubhavasm.rtau sthitastatk.saye.anubhava eva na sm.rti.h || 206 ||

sa.msm.rti.h sad.r"savastubodhikaa d.r.s.ta eva vi.saya.h sm.rtetara.h |
d.rk "sive vi.sayabhaanavigrahaa tatprathaa sm.rtiriya.m yadaah.rtaa || 207 ||

dra.s.t.rd.r"syad.r"silak.sa.na.m jagat praaksm.rtestvayi tadamba sa.mh.rtam |
unmi.satyapi punastadudgame tallaye nimi.sati tvadicchayaa || 208 ||

saa pramaaturiha jiivita.m sm.rtiryatnataa.m praka.tayatyamu.sya yaa |
yaa ca d.rg janani nihnutena te apyubhe saha punarviruupataam || 209 ||

d.rg vidhatta iha vi"svamambike tatpuna.h sthirayati sm.rtistava |
tanmithopanihitaa ni.siidasi tva.m tu yogatamasiityanaa"sritaa || 210 ||

s.r.s.tipaalananirodhalak.sa.naa ruupataa.m vahasi bindulak.sa.naa |
tadvilak.sa.napadaa tvamambike cinmayii punararuupamucyase || 211 ||

bhogyabhokt.rmayagaa vimar"sagaa devi maa.m cidudare d.r.dhaa.m da"saam |
aarpayadanalasomami"sra.nastvadvimar"sa iha bhaanuj.rmbha.na.h || 212 ||

d.r.s.tiruupamidamamba bhaavita.m sthemaruupakara.naa.m"subhirjagat |
syaadanaakhyamaniketayuktitastatpunarlayamanena caatmanaa || 213 ||

ak.samuulapa"subhedavigrahaa nyaayasa.mbh.rtih.rtaardharuupi.nii |
tvatpade glapitakalpane layaad bhaati binduriti ki.m nu mudrayaa || 214 ||

yaa da"saasu nikhilaasu sarvathaa sarvata.h sphurati citparaa sak.rt |
guptabhaa.sitajagadvij.rmbha.naa mantrataa.m bhajasi tattvamamba saa || 215 ||

ak.simaatravisaracchikha.m "sive vahnimugramudare vitanvatii |
grastakaalatanubhaanumatkalaa svodaye di"sasi "saktij.rmbha.nam || 216 ||

tatra te sadasadartha"suunyataa nirv.rtirjayati yatra vi"srama.h |
maat.rtatkara.nagocarojjhitaa kaalyakaalamanu tallayo.astu me || 217 ||

k.sepamamba vitanoti sa.mkhyayaa tadgraha"sca sahasaa paratraye |
akrama.h sa khalu kaala ii"svare pratyamu.sya bhavatii ca kaalyasau || 218 ||

khe bahirghanav.rte rucistamohaari.nii vahasi haasyaruupataam |
tva.m ca cinnabhasi maayayaa v.rte taddhi kaalyasi paraistvamiik.sitaa || 219 ||

dvaada"sa"saatmaravikaalaghasmarii kaalakaali"sivabhuumikaa varaa |
yaad.r"sii bhavasi ca.n.di ! taad.r"sii.m tvaa.m vidu.h kalitakalpanaaparaam || 220 ||

yatkula.m trividhamamba tadbhavo ya.h prakaa"sa upalak.syate mahaan |
tatra yo nikhilakalpito.ar.navastva.m yaduurmirasi k.rtyalaalasaa || 221 ||

unmi.sannimi.sadapyuta dvaya.m vi"svametadudare dh.rta.m yayaa |
saa tvamamba laharii "sivaambudhe.h k.sepasa.mpraka.tanagrahonmukhii || 222 ||

ya.h paro nirupasargata.h para.h syaanmahaanapi ca kevala.h "sive |
uttara.m ca vi.sayotsavastadaananda ullasati cidghanaasi yat || 223 ||

vi"svasa.mh.rtipade layojjhite liiyase yadi nira.m"sata.h "sive |
s.r.s.tikaalyasi yayaa bahi.hpade k.siptamamba jagadaa"su g.rhyate || 224 ||

labdhasaamyapavanadvayaah.rta.m vaatacakramadhitasthu.sii "sive |
nirgamaagamamapojjhitaantare tva.m sthita.m grasasi hi sthitaambike || 225 ||

yaa "sikhaantarahutaa"sanirgataa dhaamacakramavabhindatii kramaat |
uurdhvasomarasapaanadiipitaa saa.api devi kalaye bahi.h sthita.h || 226 ||

barhi.no.a.n.darasavad yadantare "sabdata.h prabh.rti citritaasanam |
arthapa~ncakamasau tvamunmanii sandhipuurvapadakalpaghasmarii || 227 ||

aatmabhaavamakhilasya jagmu.sii tva.m "sive niravadhi.h sadoditaa |
bhaavasa.mh.rtinime.savigrahaa sa.mh.rta.m kalayasi hyanaav.rti.h || 228 ||

svairakhelananive"sitaa.h "sive aatmanaa.ak.sarucayastrayoda"sa |
arthapa~ncakamayaa"sca vedakaastva.m viniitaghanasaaramuurcchitaa || 229 ||

bhak.sayantyakhilamak.sajai.h "sive "saktira"smibhirimaa"sca maat.rbhi.h |
taa"sca sa.msm.rtimahaalaye pare rajyatii harasi vi"svavigraham || 230 ||

kaalapaalakamukha.m "sivaantaka.m vi"svamabdhipatitodabinduvat |
puur.nataa.m vahati yatra diipticid ghasmarii tvamiha saadhyakaalyasi || 231 ||

etadamba sadida.m tu neti na.h "sa"nkayaa h.rdi vikalpalak.sa.na.h |
yo yama.h sa khalu kaalyate tvayaa bhuutasa.myamanakelikovida.h || 232 ||

amba kaaryakara.ne niyacchata.h puur.nacitpadamahotsavadvi.sa.h |
jambitasya h.rdaye sva"sa"nkayaa tva.m yamasya vapu.saa.asi bhii.sa.naa || 233 ||

vittadaaramukhabhogyagaaminii yaa mametyabhimatirmadoddhataa |
yaa.apyaha"nk.rtiranaatmani sthitaa m.rtyuruupamubhya.m tavaasanam || 234 ||

vi"svamamba kuru.se "savaasana.m m.rtyusecanamakha.n.ditodayaa |
cidvikalpamayamantarudyama.m kaalamohitajagattrayam prati || 235 ||

"saa"svataprasarayaa cidarci.saa diipitaakhilah.r.siikamaargayaa |
arthapa~ncakamida.m tvayaa jagad bhadramamba gamita.m tavaantaram || 236 ||

vaasanaa sthitimayii bhavaaspadaa tva.m niyojya k.rtavi"svasa.mh.rtaa |
tvadbhruvaa ku.tilayaa "sive k.sa.naat sa.mh.rta.h khalu bhava.h savaasana.h || 237 ||

kurvatii janani s.r.s.ticitrataa.m yaa kalaa bhramati vedyama.n.dale |
bruuhi saa tava kalonmukhii yadaa tva.m kriyotku.tilayaattyamuu tadaa || 238 ||

unmi.sannimi.sadarkavimbayaa.anantayaamba paramaarthamadhyata.h |
agnimuurtiriha s.rjyate tvayaa bhak.syate.api ca sak.rtprabhaatayaa || 239 ||

bharganaamna iha bhaarave.h "sikhaa "saktiramba vi.sayendhanonmukhii |
"saantidhaamaju.si yaati nirv.rti.m tvayyasau khalu "sivaikapaavake || 240 ||

yo.am.rtaa.n.danibhamarthapa~ncaka.m praa.nina.h sphurati bhaamayo ravi.h |
sa.mh.rtaardhamanu antaraahita.m tadvahi.h s.rjati caarthapa~ncakam || 241 ||

sa.mhatordhvanikarasm.rtaavadhirvyaktama.n.datanuramba bhaasvaram |
kaalalak.sa.nakalaapradiiptaye tva.m hi vi"svarasabhak.samaasthitaa || 242 ||

bhuutacakramadhuko"sasambh.rta.m tattadarthamadhu paatumutsuka.h |
yanmariicivi.saya.h sabhaaskarastvadrucau "salabhavat praliiyate || 243 ||

praa.na e.sa yamakaala ucyate madhyavaahatanuragnimamba ya.h |
rudrametadupaniiya kha.m para.m tatra sargavimukha.m karo.syamum || 244 ||

tvatkramopahatabhaanuma.n.dala.h krodha e.sa layavahniruddhata.h |
vi"svabhak.sa.narasaa mariicayo yasya bhiimavibhavaastvayaa h.rtaa.h || 245 ||

graahyamatra purato haranti te yat p.rthag graha.namapyasu.m tata.h |
graahakaa.m"sca varade mariicaya.h taastvadarpitajagadvij.rmbha.naa.h || 246 ||

ya.h "sma"saana iha bhuutaghasmare rajyate.amba karaviiranaamani |
graahaka.m grasasi ta.m "sruta.m mahaakaalamapyasuhutaa"sadurgrahaa || 247 ||

dikcarii da"sasu dik.su yaa bahistattadindriyamayii.su j.rmbhate |
antaramba kara.natraye ca yaa khecarii galasi te ca tvatpriye || 248 ||

tva.s.turamba ! "sivabodhabhaasvata.h s.r.s.tita.h prabh.rti yaa mariicaya.h |
dvaada"sakramapadatrayordhvagaastaasu sa.mcarasi vaa trayoda"sii || 249 ||

sakramaakramavimi"srabhaavatastvatkramastritayacaaruviik.sa.na.h |
turyara"smigu.navikramaikabhuustva.m kramatrigu.nabhiimakaalyasi || 250 ||

yatra kaali da"sa te karaa.h sthitaa dve ca yaantyudayamapyamuuryata.h |
tannabha.h "srayasi sarvata.h para.m tva.m prakaa"sa"sivacandrikaa satii || 251 ||

"saantamamba yadabhinnamambara.m yat prakaa"saghanamapyapohyete |
yad dvayobhayapadaatirocanaad yatra muktanikaro niliiyase || 252 ||

tva.m padatritayagarbhitodaya.m nirvyapohamupaguhya "sa"nkaram |
aikarasyalasadak.sayapratha.m naadamudvamasi sarvata.h "sive || 253 ||

ye vidanti tava ruupamiid.r"sa.m ye ca nityak.rtatallayodyamaa.h |
e.sa taan prati bhavan sudhaamayo ye.anyathaa vi.samaya"sca taan prati || 254 ||

ya.h pramajjayati muu.dhacetasa.m taarayatyapi sa e.sa dhiimata.h |
yena tadbhavasudhaambudhi.h "sive yajju.saa.m vahati nistara"ngataam || 255 ||

arthapa~ncakasudhaaprapuurite yadbhavaam.rtanidhau sukhaplave |
padyataa.m vahasi sa.mvidindiraa dhaamavastu tadume vapustava || 256 ||

tatra padmarucivedyama.n.dale svaaduni praka.tameyivaan layam |
maayayaa.amba puru.so nimiilita.h tvaddhiyonmi.sati vidyayaav.rta.h || 257 ||

tattadarthadala"sobhita.m jahannidramullasitamamba vaarijam |
tvadvimar"samakarandanirbhara.m pii.thataa.m vrajati yatra cinmayam || 258 ||

tva.m malatrayavilaapinii "sive puur.napii.thamahamaatmaka.m "sritaa |
"suddhabhaanutanuradvayaprathaanandasaararasavaahinii sataam || 259 ||

satsudhaabdhirasabh.rt kalaantarii garbha.so.da"sakalaabjavi.s.taram |
pretamujjhitagamaagama.m "sive smerabhuu.h sarasija.m tvamaa"sritaa || 260 ||

ni.skala"nkamanavek.sitak.saya.m yaaminiidivasatuulaj.rmbha.nam |
svaprakaa"savinimagnacijja.da.m candravar.sma yadi ca.n.dike samam || 261 ||

ye tu ku.n.dala"sikhaakulasthitaa.h ye bhavantyakulabindu"saalina.h |
te vidanti nu tavaamba vaibhava.m puur.nabhaanamayavi"svaghasmaram || 262 ||

jyoti.saamba ! "sikhayaapahanyate pu.msi caitasikamuddhata.m tama.h |
yatpathaprathanalak.smapu"nkhita.m tattvameva "siva"saktirapyasi || 263 ||

nihnutodita"sataarkadiidhiti"schannacandra"satalak.smacandrikam |
tva.m bibhar.si vapuramba bhaatmaka.m tatprave"sya kuru maamanaamayam || 264 ||

tva.m kulaakhya"sa"sibhaanupaavake bhraajamaanakara.naatmanaayike |
sa.msm.rtaasi municittama.n.dape adya me kuru tavaa"nghrisa.m"srayam || 265 ||

pa~ncavaahagata "saktilak.sa.naistvanmukhairakhilamarthama.n.dalam |
g.rh.natii mayi nive"sya ca.n.dike yaa karo.si sahaja.m tavaadhvaram || 266 ||

tvatpadasm.rtividhuutakalma.sa.m sarvata.h sphuritapuur.nabhaaghanam |
siddhacakramiha modate "sive puur.nimaapyahaha me na taapahaa || 267 ||

bhuutabhaavibhavadarthagarbhita.m kaalaghasmaramupaasyate vapu.h |
kaalakar.si.ni vahanti yogina.h k.r.s.nata.h prabh.rti vi"svaruupataam || 268 ||

spar"saruuparasagandharuupaja.m "sabdacidvalasabhaa vibhindatii |
v.rtti ca kramak.rtaa.h .sa.dadhvano de"sakaalamayamuurticakragaa || 269 ||

yatprakaa"satamara~njaka.m pada.m tasya bhaava iha ya.h sato.ambike |
induvahniravilak.sa.na.m kula.m tva.m turiiyapadagaa.apyalak.syasau || 270 ||

amba nandati samantata.h "sive lokanena ya udagravaibhava.h |
praj~nayaa vahasi saarvabhaumayaa yaa ca netramayamarcitaa tava || 271 ||

praaptadivyanayanairvilak.sa.nairviik.sya kaali ! mahimaa.anuvar.nyate |
kevala.m tadanuvar.nane.apyume tvanmude tadapi daasajalpitam || 272 ||

na tvamamba puru.sa"sca naa"nganaa citsvaruupi.ni na .sa.n.dhataapi te |
naapi bharturapi te triruupataa tvaa.m vinaa tadapi na sphuret trayam || 273 ||

ii"svaro janani cintitaprada.h ko.apyanaadinighano mahaamanaa.h |
tvatprathaa tvamasi vi"svaghasmarii tvaa.m tata.h ka iha bhettumarhati || 274 ||

rakta"suklatanuha.msabhedinii tva.m pati"sca tava tatk.rtaak.rti.h |
bhaanu"saa"nkaravibhedatastava strii ca kaapyasi pumaaniva svayam || 275 ||

ruupamamba tava bhaasvara.m puro var.napa~ncakavibhedita.m puna.h |
tvadvimi"sra.namapi hyasusthita.m citrasa.mj~nitamata"scaturvidham || 276 ||

bhaasanaavara.na"saktyadhi.s.thito jyotira~njanamatho dvidhaa tava |
vigrahaabhara.nabindu"sarvariisa.mj~na udbhavabhava.h sphu.todaya.h || 277 ||

a~njanena rucimi"sra.ne same raktamullasati taavaka.m va.su.h |
"syaamaniilatanutaa.a~njane.aghike piita"suklatanutaa ca te rucau || 278 ||

saumyataa tava sis.rk.sayaa tano.h saa tathaapyatha rirak.si.saa yadaa |
ghorataa punariya.m jihiir.sayaa sa.msm.rte.amba tava dhaamni "saantataa || 279 ||

bhaasvare vapu.si sarvage tava spa.s.tama.n.danivaho nimajjati |
kaalavahnyadhik.rtau "sive yathaa tatsamullasati diiptipa~njare || 280 ||

taavaka.m trividharuupavarjita.m garbhitatrividharuupamambike |
cinmaya.m paramaruupalak.sa.na.m ruupamantaravabhaati tadbabahi.h || 281 ||

striiti naama tava kaapi kalpanaa striitiruupamapi taad.r"sii ca dhii.h |
vastutastvamasi vi"svavigrahaa tatparaa ca citireva "saa"nkarii || 282 ||

tva.m caturthapadavartinii "sive yaddvitiiyamapi tatpada.m sthitaa |
yo.api pa~ncamapadaa"srita.h "sive yast.rtiiyamapi tatpada.m sthita.h || 283 ||

yatpada.m prathametaduttare tatpare tadapi turyagaaminii |
tva.m turiiyatanuraah.rtatrikaa pa~ncama.m vi"sasi puuritatrikam || 284 ||

ambare"svari niraak.rtestava vyajyate nikhilamaak.rtitvata.h |
sarvadaa sphurasi yeyamadvayaanandacitprasarapii.thavartinii || 285 ||

na "srutirna ca giro na caagamaa.h kha.n.davastu vinive"sitaa"sayaa.h |
tvaa.m nayanti parame"si te makhaa yaagayogavidhaya"sca ned.r"siim || 286 ||

nityataadigu.nalak.site pade j~naanayogamukhakalpanaapi te |
amba na tvadanubhuutidaayinii tvallayaikagurusa.m"sraya.m vinaa || 287 ||

vyomabhaavavinivi.s.tacetasa.h praatibha.m jagadavek.sya ninditaa.h |
te tvamaavi"sasi yaananaarata.m tvannayena guru.naamba ! viik.sitaan || 288 ||

nityataa tvayi vibhutvapuur.nate d.rkk.rye svarasagocare ca ye |
taani taani viyatiiva "sobhane raagavedasakalaa"sca bhaantyatha || 289 ||

vyomav.rttigha.titaikya ullasatyadvayo janani ! devataaga.na.h |
taavakodyamapade.api sarvago draagvilaapanapada.m vinaapi te || 290 ||

itthamamba tava v.rttipa~ncakasyodayo.adbhutavibhaagasa.mbhrama.h |
sarvadaa sphurati sarvata.h para.m kha.n.ditetaranijasvaruupabhaak || 291 ||

kha.n.ditetarasamastagarbhago yastripa~ncavisaraa"srayo.akrama.h |
devataakrama udetyanaarata.m tasya hi tvamasi devajanmabhuu.h || 292 ||

divyavaahavibhavodarasthito ra"smima.n.dalasamudgamaaspadam |
avyayastava navaar.navigrahe sa.mh.rtikrama udetyakalpita.h || 293 ||

lak.sya"suunyasahajaa"sramodayaarambhapuur.nanijako.tyabhedinii |
ra"smicakratanura"smitojjhitaa tva.m ca gauri ! varapu.nyavaasanaa || 294 ||

adhvabhirdhvanivimi"sra.nakramamabjabiijamaniketana.m varam |
kalpanaikyabahubhedamadvaya.m mantrapii.thamasi kaalyanargalam || 295 ||

spandamamba paripuur.namapyabhuu.h spandamu~jjhitapada.m niraav.rti |
vyomaruupamakhilakramaaspadam pii.thamaavadhikavidyayaambayaa || 296 ||

a.s.tayonidalapatrapuuru.sa.m tvantav.rttidala"saktipe.tikaa |
tva.m pati"sca tava li"ngavigraho rudrasiddhamuniv.rndavandite ! || 297 ||

s.r.s.tita.h prabh.rti yaccatu.s.taya.m yatprakaa"sanibhamuurtiv.rndajam |
yacca kha.n.dapadamamba ! pii.thaga.m dehi cakranavaka.m nuta.m tava || 298 ||

tva.m navaar.namanucakravigrahaa svodaraarpitasamastadevataa |
devi saptada"savar.nabheditaa tva.m prakaa"sa"sivacandragaaminii || 299 ||

ya.h "sivaatprabh.rtisomapa"scimastvatkramaikarasiko gurukrama.h |
aananaagramiha cakrabhaanuto yattu edadubhaya.m tvayaa yayaa || 300 ||

tattadarthapuru.so dh.rtakrama.h pratibhasphuritadivyavigraha.h |
akramastava vara.m pada.m "sive yo.ahamadvayavimar"salak.sa.na.h || 301 ||

lak.sa.na.m tadanu suuk.smami.syate jyotiraatmakamavar.namaasthitaa |
sthuulametadanuvar.nya lak.syate bhaavyate "samayitu.m mano mayaa || 302 ||

tatra "saantavati pauru.se male vyomavadgatamavedayaa tvayaa |
siddhakaaryakara.na.m nira"nku"sa.m cinmariicivisare.na ma"ngale || 303 ||

somaputramapaniiya madgatastvatkramo.adya kimapi stuto mayaa |
grastabhii.sa.nabhavo.ayamambike tvatpadaambujavimar"satejasaa || 304 ||

muktameva na mayaa mayocita.h prerito.asmi tava tartinii tayaa |
siddhanaathak.rtatvatkramastute.h kaalidaasaracitaa.m ca pa~ncikaam || 305 ||

yadvini"scayapada.m ca te stava.m yo.amba veda kuru tanmukha.m jagat |
kaalidaasapadavii.m tavaa"srita.h tvatprasaadak.rtavaagvij.rmbha.na.h || 306 ||

tvadgu.naan yadahamastu vai jagat tena mohamatiradya mucyataam |
puur.napii.thamavagamya ma"ngale tvatprasaadanak.rte mayaa k.rta.h || 307 ||

e.sa cidgaganacandrikaastava.h kinnu vaa~nchitamasuuta maa.m prati |
ya.h pa.thejjapati devi ! te stuti.m yo.arthamatra viv.r.noti vetti ya.h || 308 ||

yo.anugaatyabhinayatyabhiipsitaa.m tacca tasya kuru siddhimi"svari |
kaalavar.si.ni "sataistribhi.h stuti.m taavakiimiha navottarai.h k.rtaam || 309 ||

trai.s.tubhairaharaha.h paraam.r"san kaalacakramatiyan prasiidati |
kartumicchati "siva.m "sive n.r.naa.m j~naayate tad vicaarya yaa tvayaa || 310 ||

k.sepadhiistavana (?) gauri tatk.rtaa vi"svaraa"si (?j~ni) kuru sarvamiipsitam |
kevala.m mama punastadiipsita.m sarvatastava madiik.sa.na.m "sive ||
yena khelanasaroha.naar.nava.h "sa"svadaavi"sati yena maa.m "siva.h || 311 ||

puur.napii.thak.rta.m siddhestadbhaavastavamaadaraat |
vaa naraartha.m mahaaguhya "sriivatso vidadhe sa tu || 312 ||

iti "sriikaaliidaasamahaakaviviracitaa cidgaganacandrikaa sampuur.naa ||

kramaprakaa"sikaasa.mvalitaa

pra"sastipadyaani


tantre suurya ivaiva bodhakira.nairaj~naananaa"se.agra.niir-
lokaalokakalaakadambavibhavairdediipyamaano ma.ni.h
"sa"svacchaantisudhaasamudralaharii dolaayate yad-h.rdi
gopiinaathabudha.m namaami vibudha.m saarasvata.m tanmaha.h || 1 ||

miimaa.msaa sahasaa sudheva dhavalaa yebhya.h pradatte nidhi.m
vedaantaamaratattvabodhavibhavo brahmeva bodhaakara.h |
tarkaagaadhapayodhilolalaharii liilaayate yaddh.rdi
"suklopaahvavibhuutibhavyabadariinaathaan sadaa taan numa.h || 2 ||

vedaa"ngaani vibhaanti yatra vimale vidyaagurau maargade
manye "sriiraghunaatha"sarmavibudhe saa"ngaani ratnaambudhau |
stutyaa kiirtilataa sudheva bhuvane yasyaamaraa bhaasate
puujya.m ta.m satata.m smaraami sukhada.m vidyaakara.m"sa"nkaram || 3 ||

yoge tantrabhare vibhaagakamale baabhaati vij~no vara.h
prakhyaato vrajavallabho.atra dhavale vidyaanikete.adhunaa |
yasyaasiimadayaiva heturaparo naabhaati me maanase
.tiikaakarmasahaayikaa navanavaa ta.m bhaavaye prerakam || 4 ||

maanii "srii"sivapuujano mama pitaa maataa ramaa mohadaa
yatpaar"sve prabala.m manobalakula.m sampraapya k.rtvaa.adhunaa |
.tiikaa.m cidgagane navaa.m navabalaamarthaprakaa"se paraa.m
vaidu.syaa~ncitacidbharaa.m matimataa.m yaace dayaa.m bodhadaam || 5 ||

"sriirukmi.niikamrakara.m sahaaya.m
sampraapya nirvighnamihaasmi loke |
prakhyaatasiivaana iti prade"se
vaaso madiiya.h sarayaa.m-subhuumau || 6 ||

tatraagame "sriiraghunaathami"sro
bhuuri"sramo yasya vibhaagatantre |
arthaprakaa"saa.m vimalaa.m ca .tiikaa.m
kamraa.m sa tene.arthaprakaa"sikaakhyaam || 7 ||

kaa pa~ncamii yaa.arthaprakaa"sikaayaa.h
saaphalyasiddhaavupakaarikaiva |
naagaananaa sa.m"sayanaa"sakaarii
mohaapahantrii k.rtibhaarahaarii || 8 ||

sadaa lokaaloko dalayati dala.m gaa.dhatamasaa.m
bh.r"sa.m jvaalaaliilo darayati dara.m vepathumataam |
maruddhiiraa dhaaraa dahati vipulaamu.smalaharii.m
tavaivaikaa d.r.s.ti.h sakalamiha maata.h "samayati ||

|| "subha.m kulakrama.m kuryaat ||