##################################################################################################
##################################################################################################
## MUKTABODHA INDOLOGICAL RESEARCH INSTITUTE
## www.muktabodha.org
##
## anuttaraprakaa"sapa~ncaa"sikaa
##
## by aadyanaatha
##
## edited by pt mukunda raama "saastrii 
## from Kashmir Series of Texts and Studies vol. 14, Srinagar, 1918
##
## Data entered by the staff of Muktabodha
## under the supervision of Dr. Mark S.G. Dyczkowski
##
##
## Velthius transliteration
## Revision 0 October 18, 2007
##
## Copyright (c) Muktabodha Indological Research Institute
## THIS TEXT FILE IS FOR REFERENCE PURPOSES ONLY
##################################################################################################
##################################################################################################


"srii aadyanaathaviracitaa

[sarvasa.mvinnadiibhedabhinnavi"sraantibhuumaye |
nama.h pramaat.rvapu.se "sivacaitanyasindhave ||]

ak.rtrimaahamaamar"saprakaa"saikaghana.h "siva.h |
"saktyaa vimar"savapu.saa svaatmano.ananyaruupayaa || 1 ||
"sivaadik.sitiparyanta.m vi"sva.m vapuruda~ncayan |
pa~ncak.rtyamahaanaa.tyarasika.h krii.dati prabhu.h || 2 ||
na paarthyagaa(rthakyaa)tmavaartaa.api vi"sva"sakti"sariirayo.h |
na vi"svavi"svavapu.sorbhinnataa kaapi taattvikii || 3 ||
bhede sattaasphurattaabhyaa.m bhinna.m ki.m nu jagad bhavet |
sattaasphurattaasambandhaat sattaabhaana.m tu tatra cet || 4 ||
asata.h ki.m satastaabhyaa.m sambandha.h so.ayami.syate |
svaruupalaabhasulaabha.h sambandho nahyavastuna.h || 5 ||
na labdharuupasambandhastaabhyaa.m ki~ncidapek.sate |
apek.saayaamavasthaana.m na syaadetasya ki~ncana || 6 ||
svabhaavata.h sphurattaa ca sattaa ca na vinaa"sinii |
vinaa"saanabhyupagame ja.dataa.api nivartate || 7 ||
tato gatyantaraabhaavaaccideva pari"si.syate |
tata"scidaikya.m prak.rta.m jagato na nivartate || 8 ||
prakaa"saadanyataabhaasa.h svaatantryollaasakevala.h |
paricchinatti ka.h "sakti.m "sambhorvi"svaati"saayina.h || 9 ||
svaprakaa"saatmaka.m sarva.m tama.hkevalataa.m gatam |
yacca ki~ncijjagatyasmin prakaa"saannaatiricyate || 10 ||
vimar"sasara.nii.m praaptamitye.saa taattvikii gati.h |
avadhaanaikataanaanaa.m matirevaatra saak.si.nii || 11 ||
ki.m pramaa.nairvaraakaistai"scidanupraa.nitaatmabhi.h |
nahi vaikartana.m jyotirdiipaalokamapek.sate || 12 ||
"saktipaatapavitre.asmin dhiitattve ca pariik.syataam |
aadar"se vimalaabhoge nanu sarva.m prakaa"sate || 13 ||
ittha.m cidaatmaka.m sarva.m .sa.ttri.m"sadbhedamudritam |
aadau "suddhaatmaka.m tattva.m pa~ncadhaa tamasa.h param || 14 ||
"siva.h "sakti"sca saadaakhyamii"so vidyeti bhidyate |
ak.saadi"saantavar.naatmaa nira.naayi "sivena tu || 15 ||
kalaavidye raagakaalau niyatirbandha ucyate |
maayaapuurvovakaaraadiyakaaraantaak.saraatmaka.h || 16 ||
pumaan "saktirmano buddhiraha"nk.rnmaadipa~ncakam |
"srotraadipa~ncaka.m naadi .naadi vaagaadipa~ncakam || 17 ||
tanmaatrapa~ncaka.m ~naadi "naadi vyomaadipa~ncakam |
sis.rk.so.h prathamaspanda.h "sivatattva.m prabho.h sm.rtam || 18 ||
icchaivaa.asya parimlaanaa "saktitattvamiti sm.rtam |
svecchayaa racita.m vi"svamaacchaadyaa.ahantayaa sthitam || 19 ||
tadeva tattva.m saadaakhya.m sarvaanugraha.nonmukham |
tadeve"svaratattva.m syaat pa"syad vi"svamidantayaa || 20 ||
ahantedantayoraikyamitirvidyaa nigadyate |
svaa"ngakalpe.su bhaave.su maayaatattva.m vibhedadhii.h || 21 ||
maayaag.rhiitasa.mkoca.h "siva.h pu.mstattvamucyate |
ayameva hi sa.msaarii jiivo bhokteti gadyate || 22 ||
j~natva-kart.rtva-puur.natva-nityatvaadyaa"sca "saktaya.h |
tatsa.mkocaat sa.mkucitaa.h kalaadyaatmatayaa mataa.h || 23 ||
maayaatmana.h kalaa naama ki~ncitkart.rtvakaara.nam |
vidyaa ki~ncijj~nataahetuu raago.abhi.sva"ngakaara.nam || 24 ||
kaala.h pariccheda karo niyati"scedameva me |
kartavya.m naanyaditye.saa vyavasthaa yantra.naak.rti.h || 25 ||
prak.rtirgu.nasaamya.m syaadaha"nkaaraadijanmabhuu.h |
aha.m mamedamityetadbuddhiheturaha"nk.rti.h || 26 ||
buddhiradhyavasaayasya kaara.na.m ni"scayaatmana.h |
sa.mkalpasya vikalpasya biija.m mana udiiryate || 27 ||
vacanaade"sca "sabdaadervaagaadi"srava.naadikam |
kaara.na.m "srava.naadiinaa.m graahya.m tanmaatrapa~ncakam || 28 ||
prakaa"saadyavakaa"saadikaara.na.m bhuutapa~ncakam |
paraaparaa"saktimaya.m "suddhavidyaadipa~ncakam || 29 ||
tadanyadaparaa "saktirityetat tattvamiiritam |
iya.m devii paraa "sakti.h "suddhaa"suddhaadhvagarbhi.nii || 30 ||
p.rthivyaadiini tattvaani yadaa liinaani kaara.ne |
tadaa kaara.namaatraa.ni bahirudvamate vibhu.h || 31 ||
anuttarecche unme.sa aanande"sanamuunataa |
kriyecchaaj~naana"saktiinaa.m sattaa cocchuunataa ca .sa.t || 32 ||
icche"sanaantaraaruu.dhaa.h sphu.taasphu.tajaganmayaa.h |
catvaara.h parato var.naa.h .sa.n.dhaatmaana.h pracoditaa.h || 33 ||
anuttaraanandacitii icchaa"sakti niyojite |
triko.namatha .sa.tko.namicchaayaa.m ruu.dhimaagate || 34 ||
anuttaraananda"saktitriko.nadvitvayogata.h |
tathaivonme.sayogena kriyaa"sakte.h sphu.ta.m vapu.h || 35 ||
ukta tri"saktisa.mgha.t.ta tri"suula.m dvaitaghasmaram |
parasparaa virodhena kaarye.su prasare gate || 36 ||
na katha~ncidupaadeyamaasaa.m ruupamida.m bhavet |
bindurvedyasya sa.mskaaro vimar"sa.h sarga ityasau || 37 ||
kalaa.so.da"sakaakaaraa "saktirviyate paraa |
tithaya.h pratipatpuurvaa.h pa~ncada"syantimaa yathaa || 38 ||
suuryaacandramasoranta"scaratni sthitihetava.h |
tathaa vimar"savapu.sa.h sargasyaadyaa.h kalaa.h sm.rtaa.h || 39 ||
dvidheya.m maat.rkaa devii biijayonyaatmanaa sthitaa |
nityaprav.rttaa "s.r"ngaa.tavapurvi"svasya janmabhuu.h || 40 ||
h.rdaya.m biijametasyaa.m saara.m yattatpara.m maha.h |
ba.tabiije yathaa v.rk.sastathaatra nihita.m jagat || 41 ||
vicaaryamaa.ne naiveda.m kaara.naadatiricyate |
m.rdaade.h kala"saadiinaa.m tattva.m naanyanniruupa.ne || 42 ||
ityaahustattvavaadinya.h "srutiinaamantimaa gira.h |
iha sarva.m sadevaagra aasiiditi vini"scayaat || 43 ||
sattaavaacini biije.asmin bhaati maayaantima.m jagat |
viluptapratyayaakaaramevaitat pari"si.syate || 44 ||
tato j~naanakriyaasaaraa vidye"svarasadaa"sivaa.h |
"sakti"suule viliiyante caturda"sakalaatmani || 45 ||
uurdhvaadha.h s.r.s.tivapu.si sarva.m liinamata.h param |
ittha.m parasyaa.m sa.mvittau sarva.m sa.mkucita.m kramaat || 46 ||
atha vaa"nmanasaatiite yatra kvaapi nira~njane |
.sa.ttri.m"sattattvalahariikalahaatiitagocare ||
vi"svaatmani mahaamantrasvabhaave saa viliiyate || 47 ||

 ["suddhavidyaadika.m sarva.m saadaakhye pak.sasa.mgrahaat ||
madhya"saktiparaamar"sa iti vaapi layakrama.h |
anya.h pak.so.api ya.h ka"scit pramaa.na.m cennabaadhate ||]

kuta"scinmathite dhaamni diipte kenaapi hetunaa |
sarva.m havirida.m juhvanna daaridrye.na pii.dyate || 48 ||
pa~ncapa~ncaatmaka.m vi"sva.m pa~ncaspandavij.rmbhitam |
sa.mkocayan paraamar"saat saamaanyaspandakevala.h || 49 ||
ahami pralaya.m kurvannidama.h pratiyogina.h |
paraakramaparo bhu"nkte svabhaavama"sivaapaham || 50 ||

iti .sa.dadhikatri.m"sadbheda prasaktajagattanu.h
prasarati mahaa"saktyullekhavicitramahaapa.tii |
jayati bahu"sa.h spandaakaaraa paraa cidanuttaraa
vim.r"sata janaa.h ki.m no bhuuya.h svabhaavavij.rmbhitam || 51 ||

iti "sriimadaadyanaathaviracitaa anuttaraprakaa"sapa~ncaa"sikaa

samaaptaa ||