##******************************************************************** ## ## akulaviiratantram of the school of Matsendryanatha edited by P.C. Bagchi, Calcutta, 1934 ## ## ## Data entered by the staff of Muktabodha ## ## Copyright (c) Muktabodha Indological Research Institute ## THIS TEXT FILE IS FOR REFERENCE PURPOSES ONLY. ## ## Encoded in Velthius transliteration ##******************************************************************************************** [A] "sriimacchandapaadakebhyo nama.h | "sriimiinasahajaananda.m svakiiyaa"ngasamudbhavam | sarvamaadhaaragambhiiramacala.m vyaapaka.m param | maayaamalavinirmukta.m miinanaatha.m namaamyaham || athaata.h sampravak.syaami akulaviira.m mahadbhuutam | guhyaad guhyatara.m guhya.m siddhasadbhaavasantati.h || 1 || anugrahaaya lokaanaa.m siddhanaathena bhaa.sitam | gopaniiya.m prayatnena yadiicchan "saa"svata.m padam || 2 || sa.msaaraar.navamagnaanaa.m bhuutaanaa.m mahadaa"srayam | yathaa nadiinadaa.h sarve saagare samupaagataa.h || 3 || tathaa akulaviire.su sarvadharmaa laya"ngataa.h | sarvaadhaarama"se.sasya jagata.h sarvadaa prabhu.h || 4 || sahajaananda.m na vindanti sarvadharmasamaas.rtaa.h | ajaanantamalairgrastaa mahaamaayaandhacchaaditaa.h || 5 || "saastrajaalena santu.s.taa mohitaastyajayantitaa.h (?) | na vindanti pada.m "saanta.m kaulaanaa.m ni.skala.m gurum || 6 || sa.mvaadayanti ye kecin nyaayavai"se.sikaastathaa | baudhaastu arihantaa ye somasiddhantavaadina.h || 7 || (p. 85) miimaa.msa pa~ncasrotaa"sca vaamasiddhaantadak.si.naa.h | itihaasapuraa.na~nca bhuutatatvantu gaaru.dam || 8 || ebhi.h "saivaagamai.h sarvai.h parok.sa~nca kriyaanvitai.h | savikalpasiddhisa~ncaara.m tat sarva.m paapabandhavit || 9 || vikalpabahulaa.h sarvairmithyaavaadaa nirarthakaa.h | na te mu~ncanti sa.msaare akulaviiravivarjitaa.h || 10 || sarvaj~na.m sarvamaas.rtya sarvato hitalak.sa.nam | sarve.saa.m siddhistatrasthaa sarvasiddhi~nca tatra vai || 11 || yatraasau akulaviiro d.r"syate sarvatomukham | ta.m viditvaa para.m ruupa.m mano ni"scalataa.m vrajet || 12 || "sabdaruuparasaspar"sagandha~ncaivaatra pa~ncamam | sarvabhaavaa"sca tatraiva pralii.naa.h pralaya.m gataa.h || 13 || bhaavaabhaavavinirmukta udayaastamanavarjita.h | svabhaavamatimata.m "saanta.m mano yasya manomayam || 14 || akulaviiramiti khyaata.m sarvaadhaaraparaaparam | naadhaaralak.sabhedantu na naadagocare pa.thet || 15 || h.rdi sthaane na vaktre ca gha.n.tikaa taalarandhrake | na i.daa pi"ngalaa "saantaa na caastiiti gamaagame || 16 || na naabhicakraka.n.the ca na "sire naiva mastake | tathaa cak.surunmiilane ca na naasaagraniriik.sa.ne || 17 || na puurakakumbhake tatra recake (ca) tathaa puna.h | na bindubhedake granthau lalaa.te na tu vahnike || 18 || (p. 86) prave"sanirgame naiva naavaahanavisarjanam | na kara.nairnaasana.m mudrairnaamaase bhinnataaluke (?) || 19 || na nirodho na coddhaaro naatiitaa.m caalana.m na hi | na preryapreraka~ncaiva na sthaanannaiva caa"srayam || 20 || na caatmanaiva tad graahya.m graahyaatiitapada.m bhavet | etat pak.savinirmukta.m hetud.r.s.taantavarjitam | sabaahyaabhyantarantatra ekoccaara.m caraacaram || 21 || na duure na ca vai nika.te na bharito na ca riktaka(.h) | na unno na so.adhika ebhi.h pak.sairvivarjitam || 22 || ya"sca vi.m"saatmako hye.sa pudgala naasti yatra vai | yatra lak.sa.m na vidyeta akulaviira sa ucyate || 23 || yasyaiva.m sa.msthita.m ka"scit samarasa sa.msthita.h | sa brahmaa so hari"sce"sa.h sa rudro sa ca ii"svara.h || 24 || sa "siva.h paramadeva.h sa somaarkaagnikastathaa | sa ca saa.mkhya.h puraa.naa"sca arhantabuddha eva ca || 25 || svaya.m devii svaya.m deva.h svaya.m "si.sya.h svaya.m guru.h | svaya.m dhyaana.m svaya.m dhyaataa svaya.m sarvatra devataa || 26 || yaad.r"sena tu bhaavena puru.so bhaavayet sadaa | taad.r"sa.m phalamaa(va)pnoti naatra kaaryavicaara.naat || 27 || asyaiva hi naamaani p.rthagbhuutaani yogibhi.h | anaama tasya giiyante bhraantij~naanavimohitai.h || 28 || dharmaadharmasamaakli.s.taavikalpatama"schaaditaa.h | tena mu~ncanti sa.msaara.m naraka.m yonisa.mkulam || 29 || (p. 87) akulaviira.m mahadbhuuta.m yadaa pa"syanti sarvagam | sa baahyaabhyantare nitya.m ekaakaara.m caraacaram || 30 || nistara"nga.m niraabhaasa.m padabhedavivarjitam | sarvaavayavanirmukta.m nirlaya.m nirvikaarajam || 31 || ad.r.s.tanirgu.na.m "saanta.m tattvaatiita.m nira~njanam | sarvaj~na.m paripuur.na~nca svabhaava"scaivamak.sayam || 32 || kaaryakaara.nanirmuktamacintyamanaamayam | maayaatiita.m niraalamba.m vyaapaka.m sarvatomukham || 33 || samatva.m ekabhuuta~nca uuhaapohavivarjitam | akulaviira.m mahadbhuutam astinaastivivarjitam || 34 || na mano na ca vai buddhirna cintaacetanaadikam | na kaala.h kalanaa"saktirna "sivo na ca indriya.h || 35 || na bhuute g.rhyate so hi na sukha.m du.hkhameva ca | na raso hi na sukha.m du.hkhameva ca (?) || 36 || na raso virasa"scaiva na k.rto na ca jaayate | na cchaayaa na ca taapastu na "siito na ca u.s.navaan || 37 || na (d.r"syate man) statra udayaastamanavarjitam | na siimaa d.r"syate tatra na ca tiirthya.m na caiva hi (?) || 38 || advaitamacala.m "saanta.m sa.mgado.savivarjitam | niraakula.m nirvikalpa~nca nibaddha~nca malak.sa.nam || 39 || anaatha.m sarvanaatha~nca unmanaa madavarjitam | aniguu.dhamasandhi~nca sthaavara.m ja"ngameva ca || 40 || (p. 88) jvalajjvalanabhuumyaa ca aapo~ncaiva tathaiva ca | sarva.m samarasa.m puur.na.m akulaviirantu kevalam || 41 || yasyai.saa sa.msthitaa mukti.h sa mukto bhavabandhanaat | na tasya maataapitaa (vaa)baandhava.m na ca devataa || 42 || na yaj~na.m nopavaasa~nca na kriyaa var.nabhedakam | tyaktvaa vikalpasa.mghaatam akulaviiralaya.m gataa.h || 43 || na japo naarcana.m snaana.m na homa.m naiva saadhanam | agniprave"sana.m naasti hemantabh.rgu nodanam || 44 || niyamo.api na tasyaasti nopavaaso vidhiiyate | pit.rkaarya.m na karotaati tiirthayaatraavrataani ca || 45 || dharmaadharmaphala.m naasti na snaana.m nodakakriyaa | svaya.m tyaja sarvakaaryaa.ni lokaacaaraa.ni yaani ca || 46 || samayaacaaravicaara~nca k.rtakaa bandhakaani tu | sa.mkalpa~nca vikalpa~nca ye caanye kila dharmi.na.h || 47 || bhave yogii niraacaaro pa"sucaaravivarjita.h | siddhi"sca vividhaakaaraa paataale ca rasaayanam || 48 || pratyak.sa~nca yaa labdha.m na g.rhniiyaat kadaacana | sarva~nca paa"sajaala~nca adhomaargapradaayaka.h || 49 || ete.su mocanaa naasti akulaviiravivarjitaa.h | yathaa m.rtaa.h (na) jaananti svaada.m ka.tumadhurasya tu || 50 || tathaa akulaviirantu na jaananti svabhaavagam | yathaa madiraa mahaantasya kathita.m neva"sak.rte (?) || 51 || Page 89 to 96 missing (p. 97) rahasyaparamaanandamatiguhya.m sugopitam | lokaanaa.m ca hitaarthaaya siddhanaathena bhaa.sitam || 39 || nirvikalpa.m pada.m "saanta.m yatra liina.m paraaparam | mok.sasya tanmahaasthaana.m mantraruupavivarjitam || 40 || tatraiva s.r.s.tiruupe.na punastatra laya.m gataa | kintena bahunoktena sarvabandhavivarjitam || 41 || akulaviira.m yadaa labdha.m tadaa ki.m kaulikai.h kramai.h | labdhvaa tu mok.sasadbhaavam akulaviira.m malaapaham || 42 || kaulamaarge dvayo santi k.rtakaa sahajaa tathaa | ku.n.dalii k.rtakaa j~neyaa sahajaa samarase sthitaa || 43 || preryaprerakabhaavasthaa k.rtakaa saa.abhidhiiyate | tata.h sa paatayed bhuumau mudraamantrairniyojitai.h || 44 || aahute patane caanye kar.najaapena dhuupakai.h | etat saadhyamida.m tattva.m (etad) dhyaana~nca dhaara.naa || 45 || anekai.h karmasa.mghaatai.h naanaamaargavibhaavanai.h | vikalpakalalollolaa udbhraantaa bhraantacetasa.h || 46 || h.rdi "sokena santaptaa vyaasa"ngaacca mahaabhayai.h | har.savi.saadasampannaa "socyamaanaa muhurmuhu.h || 47 || taavadbhramanti sa.msaare kalpaakalpairbhavaar.navai.h | dagdhabiije.su sa.mbhuutiryathaa naiva prajaayate || 48 || muulachinne yathaa v.rk.se na praroha.m vidyate | akulaviiragata.m bhinna.m naanaabhaavaanubandhanai.h || 49 || (p. 98) na badhyate yathaa vimale rasa.m vipralaya.m gatam | tadvadkulaviire ca sattve bhraabhraakhya yadgata.h (?) || 50 || timire.na yathaacchannamuditaarka.m na pa"syati | aj~naanamanastadvad bhraantijaalavimohitaa || 51 || akule viire ca sampraapte sarvametadvina"syati | dadhimadhye yathaa sarpi.h kaa.s.the caagni.h sthito yathaa || 52 || pu.spe gandhastile taila.m v.rk.se chaayaa samaa"sritaa | madyamadhye yathaananda.m diipe prabhaa samaa"sritaa || 53 || padmamadhye ca ku.n.dalyaa a"ngapratya"ngameva ca | raktaarthaakulaviire (?) ca tatsarva.m viniyojitam || 54 || bhaavaa.abhaavaadisa.myuktai.h pratyayaird.r.s.tigocarai.h | akulaviira.m na jaananti k.rtakairmohitaatmana.h || 55 || paa"sajaalanibaddhaa"sca mahaamaayaavimohitaa.h | na jaananti pada.m "saantamacintya.m nityasambhava.h || 56 || sarvavyaapibhaavastha.m sthaanavar.navivarjitam | sarvabhuutasthita.m hyekamadhyeya.m dhyeyavarjitam || 57 || sa ca sarvagato bhaava.h sthire puur.ne nirantare | tatra mano viliinantu acala.m bhavatanmayam || 58 || manov.rddhistathaa cintya.m k.siptaa tanmayataa.m gataa | yathaa ti.s.thati tattvastha.h "sivani.skalamavyaye || 59 || tadaa tanmayataa.m yaati nirmala.m ni"scala.m padam | akulaviira.m mahadbhutamekaviira.m ca sarvagam || 60 || (p. 99) durlabha.m surasiddhaanaa.m yoginiinaa~nca gocaram | kecid vadantiida.m dharmamida.m "saastramida.m tapa.h || 61 || aya.m lokamima.m svargamida.m saadhyamida.m phalam | ida.m j~naana~nca vij~naana.m "suddhaa"suddhamida.m param || 62 || j~neya~nca tattvakuu.ta~nca yatra dhyaana~nca dhaara.naa | tadaasau yoginii hyeka.h naanyastu hi dvitiiyaka.h || 63 || (a)naagatantu gata~ncaiva na gacchenna ca ti.s.thati | na bhuuta.m na bhavi.sya~nca sthitipralayavarjitam || 64 || na caaha.m pracitairdo.sai.h lipyate na kadaacana | naaha.m ka"scinna me ka"scinna baddho na ca baadhaka.h || 65 || na mukto vai na ca na muktame (?) mok.sasya ca sp.rhaa | gaccha.msti.s.than svapan jaagradbhuu~njaano maithune.api vaa || 66 || bhayadaaridra"sokai"sca vividhairbhak.sa.naistathaa | cikitsaa naiva kurviita indriyaarthai.h kadaacana || 67 || aacaret sarvavar.naistu na tu bhak.sya.m vicaarayet | eva.m sa carate yogii yathaara.nye hutaa"sana.h || 68 || pi.n.dabadhaa~nca naanaasti avasthaa muurkhavaasanaam (?) | soma"suunyastathaa vahnipraa.naayaamavivarjitam || 69 || aprameyaniraabhaasa.m dhaara.naadhyaanavarjitam | yena janmasahasraa.ni bhaktyaa sa.mpuujito guru.h || 70 || (p. 100) te labhanti mahaaj~naana.m akulaviirantu mok.sadam | yoginiiraaki.niicakre yasya bhakti.h suni"scalaa || 71 || akulaviira.m mahadbhuuta.m gambhiira.m gahanaamayam | pi.n.daatiita.m yadaa j~neyamapi.n.da.m pi.n.davarjitam || 72 || padavya~njananirmukta.m vimala.m satatoditam | talliine tanmayaatmaana.m vindate "svaa"svata.m padam || 73 || cintaatiita.m bhavet so hi yogasa.myogavarjitam | nirvaa.na.m vaasanaahiina.m t.rptaatmaa ca niraamaya.h || 74 || tena labdhaa na sandeho.amalaa malacchedanaa.h | tasya pravartate k.sipra.m tasyaiva sarvasarvagam || 75 || vedasiddhaanta"saastraa.ni naanaavidhaani "sikhaani ca | taani sarvaa.ni mohaani kaayakle"sairnirarthakam || 76 || vidyaaha"nkaaragrastaastu garvitaa.h kugati.m gataa.h | anarthena ca santu.s.taa bahugranthaarthacintakaa.h || 77 || akulaviira.m na vindanti k.rtakairmohitaatmana.h | garvitaanaa.m kuto j~naana.m granthako.ti"satairapi || 78 || karpuuraku"nkumaadiinaa.m vastrataambuulameva ca | kharavadbhavati tadbhaara.m sarva.m tasya nirarthakam || akulaviira~nca dehastha.m yadaa pa"syati sarvagam || 79 || dharmaadharmaphala.m naasti nodaka.m tiirthasevanaa | na kriyaa satya"sauca.m vaa karmakaa.n.de na bhaavanaa || 80 || (p. 101) na tasya karmakarmaa.ni lokaacaaraa.ni yaani ca | caritaa.h samayaacaaraa janairbhraantivimohitai.h || 81 || akulaviira.m na jaananti ki.m vi"si.s.ta.m kuta.h sthitam | k.rtakaa bandhanaa loke kalpitaa"sca kupa.n.ditai.h || 82 || sa.mkalpavikalpa~nca kalaakarmaa.ni yaani ca | siddhayo vividhaa loke paataala.m ca rasaayanam || 83 || pratyak.sa~nca yadaa labdha.m na vig.rh.niiyaat kadaacana | sarve te paa"sabaddha"sca adhomaargapradaayakaa.h || 84 || na caitairmukti.h sa.msaare akula.m viiravarjitaa.h | yathaa madiramaananda.m kathita.m naiva jaayate || 85 || tadvadakulaviiraakhya.m svasa.mvedyaniropa.nam | na jaananti naraa muu.dhaa.h saaraat saaratara.m param || 86 || taavad bhraantivimugdhaatmaa yaavattala.m na vindati | cintaatiite yadaa yogii sa yogii yogacintaka.h || 87 || viraktaa vaasanaa yasya t.rptaatmaa ca niraamaya.h | taavad bhramanti mohaatmaa naanaabhaavaanubandhanai.h || 88 || yaavat samamekatva.m paramaananda.m na vindati | muurkhaa.naa.m ca yathaa"saastra.m kumaariisurati.m yathaa || 89 || akulaviira.m vindanti kathyamaanai.h kumaarikaa.h | di"save"savinirmukta.m sthaanavar.navivarjitam || 90 || (p. 102) niraakula.m nirvikalpa.m nirgu.na~nca sunirmalam | anaatha.m sarvanaatha~nca pramaadonmaadavarjitam || 91 || ghananivi.dani(.h)sandhisthaavare ja"ngame.su ca | jale jvalane tathaa pavane bhuumyaakaa"se tathaiva ca || 92 || sarvatra samarasa.m bharitamakulaviirantu kevalam | ta.m j~naata.m yena dehastha.m sa mukta.h sarvabandhanaat || 93 || na tasya kriyaabandhena na vedya.m na ca vedanaa | na yaj~no nopavaasa"sca na caryaa na kriyodaya.h || 94 || na var.no var.nabheda"sca akulaviira.m yadaagatam | na jaapo naarcanaagniinaa.m na homo naiva saadhanam || 95 || naagniprave"sanantasya mantrapuujaacara.nodakam | niyamaa"sca na tasyaasti k.setrapii.the ca sevanai.h || 96 || na kriyaa naarcanaakaadyairna tiirthaani vrataani ca | niraalambapada.m "saanta.m tathaatiita.m nira~njanam || 97 || sarvaj~naparipuur.na~nca svabhaavena vilak.syate | kaaryakaara.nanirmuktamacintita~nca anaamayam || 98 || maayaatiita.m niraalamba.m vyaapaka.m sarvatomukham | svadehe sa.msthita.m "saantamakulaviira.m taducyate || 99 || samastamekadaabhuuta.m dvaitaabhaavavivarjitam | akulaviira.m mahadbhuutamastinaastivivarjitam || 100 || (p. 103) manobuddhicittastacittaa naiva svacetanaa (?) | na kaalakalanaa caiva na "sakti"sca na cendriya.h || 101 || na bhuute g.rhyate so hi na du.hkha.m sukhameva ca | na raso.adhirasa"scaiva k.rtaka.m naiva kaarakam || 102 || na cchaayaa naatapo vahnirna ca "siito.s.navedanaa | na dina.m raatrimityuktamudayaastamanavarjitam || 103 || na mano d.r"syate tatra norddhamadhya.m ca j~naayate | ak.sobhyamacala.m "saantamiid.r"sa.m tattvanir.nayam || 104 || yaad.r"sena tu bhaavena puru.so bhaavayet sadaa | taad.r"sa.m phalamaapnoti naatra kaaryavicaara.naat || 105 || eva~nca kulasadbhaavamavaacya.m paramaam.rtam | agamya.m gamyate kasmaad bhraantij~naanavimohitaa.h || 106 || na duure nika.te caiva pratyak.sa.m na parok.sataa | na bharito na rikto vaa nipu.no naapi caadhika.h || 107 || etat pak.savinirmukto hetud.r.s.taantavarjita.h | k.rtakairmohitaa muu.dhaa.h karmakaa.n.darataastu ye || 108 || na te.saa.m mukti.h sa.msaare narake yonisa.mkule | akulaviira.m mahadbhuuta.m yadaa pa"syati sarvagam || 109 || sabaahyaabhyantaraikatva.m sarvatraiva vyavasthita(m) | nistara"nga.m niraabhaasa.m padacchedavivarjitam || 110 || sarvaavayavanirmukta.m nirvikaara~nca nirmalam | ad.r"sya.m nirgu.na.m nitya.m nir.nirodha~nca ni"scalam || 111 || (p. 104) na dhyaana.m dhaara.naa naiva na sthaana.m var.nameva ca | na recaka.m puuraka~ncaiva narodghaata~nca (?) kumbhakam || 112 || na caantamaadimadhyastha.m na sato v.rddhireva ca | graahyagraahakanirmuktagranthaatiita~nca yadbhavet || 113 || etai.h sarvairvinirmukta.m hetud.r.s.taantavarjitam | sabaahyaabhyantaraikatva.m sarvatraiva vyavasthitam || 114 || samarasaanandaruupe.na ekaakaara.m caraacare | ye ca j~naata.m svadehasthamakulaviira.m mahadbhuutam || 115 || yasyaa (?) va"sa.m sthita.h ka"scit samarasa.m rasasa.msthitam | sa brahmaa sa hari"scaiva sa rudra~ncai(ve)"svarastathaa || 116 || sa "siva.h "saa"svato deva.h sa ca somaarka"sa"nkara.h | sa vi"saakhyo mayuuraak.so arhanto budhameva ca || 117 || svaya.m devi svaya.m deva.h svaya.m "si.sya.h svaya.m guru.h | svaya.m dhyaana.m svaya.m dhyaataa svaya.m sarve"svaro guru.h || 118 || sarvaj~na.h sarvamaas.rtya sarvato hitalak.sa.na.h | sarvayoginii tatrasthaa sarve siddhaa"sca tatra vai || 119 || sarva.m sarvaarthaka.m caiva sarvaj~naana"sca tatra vai | yathaasau mahaartha~nca akulaviiramiti sm.rtam || 120 || "sabda.h spar"so raso ruupa.m gandho vadyaa.nipama ca (?) | sarve bhiiraa"sca (?) tatraiva ye praliinaa.h pralaya.m gataa.h || 121 || naadhaare dhyeyalak.sye ca na naadagocare pare | na h.rdi naabhika.n.the vaa vaktre gha.n.tikarandhrayo.h || 122 || (p. 105) na i.daa pi"ngalaa caiva su.sma.naa ca gamaagamai.h | na naabhicakre ka.n.the ca na "sire binduke tathaa || 123 || cak.sukar.nonmiilana.m naiva.m naasikaagraniriik.sa.ne | na puurake kumbhake caiva recake ca tathaa puna.h || 124 || na bindubhedagranthau ca lalaa.te na ca candramaa.h | prave"se nirgame caiva "sikhaa uurddhve na binduke || 125 || na karairna sarairmudrai.h naakaa"se vaayuma.n.dale | na caape candrasuurye ca bhaavaabhaave samaagame || 126 || anaupamya.m niraalamba.m pak.saapak.savivarjitam | aj~naanamalagrastaatmaa mahaamaayaavimohitaa.h || 127 || "saastraarthena vimu.dhaatmaa mohitaa vidu.so janaa.h | na vidanti pada.m "saanta.m kaivalya.m ni.skriya.m gurum || 128 || sa.mkhyaadaya"sca ye kecit nyaayavai"se.sikaastathaa | bauddhaarahantaa"sca ye kecit somasiddhaantadak.si.naa.h || 129 || miimaa.msaa pa~ncaraatra~nca vaamadak.si.nakaulikaa.h | itihaasapuraa.naani bhuutatattva~nca gaaru.dam || 130 || ete caiva samaa.h sarve kecit vaa(.api) kriyaanvitaa.h | vikalpasiddhidaa.h sarve tadvidurna ca pa.n.ditaa.h || 131 || vikalpabahulaa.h sarve mithyaavaadanirarthakaa.h | na te mucyanti sa.msaare akulaviiravivarjitaa.h || 132 || yaani kaani ca sthaanaani girirnagarasaagaram | sarvatra sa.msthita.m nitya.m sthaavare ja"ngame.su ca || 133 || (p. 106) pa~ncabhuutaatmaka.m sarve yat ki~ncit sacaraacaram | "sivaadyadevaparyanta.m sarva.m tatraiva sa.msthitam || 134 || iid.r"sa.m yogina.m d.r.s.tvaa upasarpanti ye naraa.h | gandhai.h pu.spai"sca dhuupai"sca khaanapaanaadibhak.sa.nai.h || 135 || tarpayanti ca ye bhaktaastrividhai"scaivaantaraatmanaa | te.api bandhai.h pramucyanti muktimaargii na (?) kaa"nk.si.na.h || 136 || brahmendravi.s.nurudra~nca arahantaa buddhameva ca | vi.saakhyo mayuuraak.sa (?) ye ca .r.sayastapodhanaa.h || 137 || devaadibhyo narendraa"sca ye caanye mok.sakaa"nk.si.na.h | te (sarve) mok.samicchanti akulaviirantu mok.sadam || 138 || athaanya.m sa.mpravak.syaami bhinnaavasthaa.m svabhaavaga.h | puurva.m yaduktaa sarve anvayamaarge tvakaulike (?) || 139 || * * * * * * * * * * * * * * * * | * * * * * * * * * * * naatra sa.m"saya.h | paramaam.rtasant.rptaa.h sahajaananda.m ca kevalam || 140 || na jaraaste.saa.m na m.rtyu"sca na "soko du.hkhameva ca | sarvavyaadhihara"scaiva na punarbhavasa.mbhava.h || 141 || akulaviira.m sthita.m divya.m siddhanaathaprasaadata.h | sarvata.h sarvadaa "suddha.h sarvata.h sarvadaa prabhu.h || 142 || iti macchendrapaadaavataarite kaamaruupisthaane yoginii prasaadaallabdha(m) akulaviira.m samaaptam ||