##****************************************************************************** * ## ##Rudrayamala tantra ## ##Created from a devanagari electronically typeset file prepared ## by Dr. Sudhakar Malaviya ##then converted to roman transliteration by computer programs ##created by the Muktabodha Indological Research Institute. ## ## Copyright (c) Muktabodha Indological Research Institute ## THIS TEXT FILE IS FOR REFERENCE PURPOSES ONLY. ## ##Encoded in Harvard-Kyoto transliteration ## ## Revision 1 June 14, 2007 ##****************************************************************************** atha prathamaH paTalaH bhairava uvAca parA zrIparamezAnIvadanAmbhojaniHsRtam | zrIyAmalaM mahAtantraM svatantraM viSNuyAmalam || 1-1 || zaktiyAmalamAkhyAtaM brahmaNaH stutihetunA | brahmayAmalavedAGgaM sarvaJca kathitaM priye || 1-2 || idAnImuttarAkANDaM vada zrIrudrayAmalam | yadi bhAgyavazAd devi! tava zrImukhapaGkaje || 1-3 || yAni yAni svatantrANi saMdattAni mahItale | prakAzaya mahAtantraM nAnyatantreSu tRptimAn || 1-4 || sarvavedAntavedeSu kathitavyaM tataH param | tadA te bhaktavargANAM siddhiH saJcarate dhruvam || 1-5 || yadi bhakte dayA bhadre ! vada tripurasundari mahAbhairavavAkyaJca paGkajAyatalocanA || 1-6 || zrutvovAca mahAkAlI kathayAmAsa bhairavam | bhairavI uvAca zambho mahAtmadarpaghna kAmahIna kulAkula || 1-7 || candramaNDalazIrSAkSa hAlAhalaniSevaka | advitIyAghoramUrtte raktavarNazikhojjvala || 1-8 || mahARSipate deva sarveSAJca namo namaH | sarveSAM prANamathana zRNu Anandabhairava || 1-9 || Adau bAlAbhairavINAM sAdhanaM SaTkalAtmakam | pazcAt kumArIlalitAsAdhanaM paramAdbhutam || 1-10 || kurukullAvipracittAsAdhanaM zaktisAdhanam | yoginIkhecarIyakSakanyakAsAdhanaM tataH || 1-11 || unmattabhairavIvidyA--kAlIvidyAdisAdhanam | paJcamudrAsAdhanaJca paJcabANAdisAdhanam || 1-12 || pratyaGgirAsAdhanaJca kalau sAkSAtkaraM param | haritAlikAsvarNavidyAdhUmravidyAdisAdhanam || 1-13 || AkAzagaGgA vividhA kanyakAsAdhanaM tataH | bhrUlatAsAdhanaM siddhasAdhanaM tadanantaram || 1-14 || ulkAvidyAsAdhanaM ca paJcatArAdisAdhanam | aparAjitApuruhUtAcAmuNDAsAdhanaM tataH || 1-15 || kAlikAsAdhanaM kaulasAdhanaM ghanasAdhanam | cacIkAsAdhanaM pazcAt ghargharAsAdhanaM tataH || 1-16 || vimalAsAdhanaM raudrItripurAsAdhanaM tataH | sampatpradAsaptakUTAsAdhanaMceTIsAdhanam | zaktikUTAdiSaTkUTAnavakUTAdisAdhanam || 1-17 || kanakAbhAkAJcanAbhAvahnyAbhAsAdhanaM tataH | vajrakUTApaJcakUTAsakalAsAdhanaM tataH || 1-18 || tAriNIsAdhanaM pazcAt SoDazIsAdhanaM smRtam | chinnAdi--ugrapracaNDyAdisAdhanaM sumanoharam || 1-19 || ulkAmukhIraktamukhIsAdhanaM vIrasAdhanam | nAnAvidhAnanirmANazavasAdhanameva ca || 1-20 || kRtvA devIsAdhanaJca kRtvAhisAdhanaM tataH | nakSatravidyApaTalaM kAlIpaTalameva ca || 1-21 || zmazAnakAlikAdevIsAdhanaM bhUtasAdhanam | ratikrIDAsAdhanaJca sundarIsAdhanaM tathA || 1-22 || mahAmAlAsAdhanaJca mahAmAyAdisAdhanam | bhadrakAlIsAdhanaJca nIlAsAdhanameva ca || 1-23 || bhuvanezIsAdhanaJca durgAsAdhanameva ca | vArAhIgAruDIcAndrIsAdhanaM paramAdbhutam || 1-24 || brahmANIsAdhanaM pazcAd haMsIsAdhanamuttamam | mAhezvarIsAdhanaJca kaumArIsAdhanaM tathA || 1-25 || vaiSNavIsAdhanaM dhAtrIdhanadAratisAdhanam | paJcAbhrAbalipUrNAsyA nArasiMhIsusAdhanam || 1-26 || kAlindIrukmiNIvidyArAdhAvidyAdisAdhanam | gopIzvarIpadmanetrApadmamAlAdisAdhanam || 1-27 || muNDamAlAsAdhanaJca bhRGgArIsAdhanaM tataH | sakalAkarSaNIvidyAkapAlinyAdisAdhanam || 1-28 || guhyakAlIsAdhanaJca baÁgalAmukhIsAdhanam | mahAbAlAsAdhanaJca kalAvatyAdisAdhanam || 1-29 || kulajAkalikAkakSAkukkuTIsAdhanaM mahat | ciJcAdevIsAdhanaJca zAGkarIgUDhasAdhanam || 1-30 || praphullAbjamukhIvidyAkAkinIsAdhanaM tataH | kubjikAsAdhanaM nityAsarasvatyAdisAdhanam || 1-31 || bhUrlekhAzazimukuTA--ugrakAlyAdisAdhanam | maNidvIpezvarIdhAtrIsAdhanaM yakSasAdhanam || 1-32 || ketakIkamalAkAntipradAbhedyAdisAdhanam | vAgIzvarImahAvidyA annapUrNAdisAdhanam || 1-33 || vajradaNDAraktamayImanvArIsAdhanaM tathA | hastinIhastikarNAdyAmAtaGgIsAdhanaM tataH || 1-34 || parAnandAnandamayIsAdhanaM gatisAdhanam | kAmezvarImahAlajjAjvAlinIsAdhanaM vasoH || 1-35 || gaurIvetAlakaGkAlIvAsavIsAdhanaM tathA | candrAsyAsUryakiraNAraTantIsAdhanaM tataH || 1-36 || kiGginI pAvanIvidyA avadhUtezvarIti ca | etAsAM siddhavidyAnAM sAdhanAdrudra eva saH || 1-37 || alakAkaliyugasthAzaktiTaGkArasAdhanam | hariNImohinIkSiprAtRSyAdisAdhanaM tathA || 1-38 || aTTahAsAghoranAdAmahAmeghAdisAdhanam | vallarIkauraviNyAdisAdhanaM paramAdbhutam || 1-39 || raGkiNIsAdhanaM pazcAd nandakanyAdisAdhanam | mandirAsAdhanaM kAtyAyanIsAdhanameva ca || 1-40 || rajanIrAjatIghonAsAdhanaM tAlasAdhanam | pAdukAsAdhanaM cittAsAdhanaM ravisAdhanam || 1-41 || muninAthezvarIzAntivallabhAsAdhanaM tathA | madirAsAdhanaM vIrabhadrAsAdhanameva hi || 1-42 || muNDAlIkAlinIdaityadaMzinIsAdhanaM tataH | praviSTavarNAlaghimAmInAdisAdhanaM mahat || 1-43 || phetkArIsAdhanaM bhallAtakIsAdhanamadbhutam | uDDIyAnezvarIpUrNAgirijAsAdhanaM tathA || 1-44 || saukarIrAjavazinIdIrghajaGghAdisAdhanam | ayodhyApUjitAdevIdrAviNIsAdhanAdbhutam || 1-45 || jvAlAmukhIsAdhanaJca kRSNajihvAdisAdhanam | paJcavaktrapriyAvidyAnantavidyAdisAdhanam || 1-46 || zrIvidyAbhuvanezAnIsAdhanaM kAyasAdhanam | raktamAlAmahAcaNDImahAjvAlAdisAdhanam || 1-47 || prakSiptAmantrikAkAmapUjitAbhaktisAdhanam | zvAsasthAvAyavIprAptAlelihAnAdisAdhanam || 1-48 || bhairavIlasitApRthvIvATukIsAdhanaM tathA | agamyA--AkulImaulIndrAJjanamantrasAdhanam || 1-49 || kulAvatIkulakSiptAraticInAdisAdhanam | zivAkroDAditaruNInAyikAmantrasAdhanam || 1-50 || sAdhanaM zailavAsinyA akasmAt siddhivardhanam | mantrayantrasvatantrAdipUjyamAnAH parAtparAH || 1-51 || etAH sarvAH kaliyuge kAlikA harakomalAH | mantrAdyA yena siddhayanti satyaM satyaM na saMzayaH || 1-52 || mahAkAla zivAnanda paramAnandapAraga | bhaktAnAmanurAgeNa vidyAratnaM punaH zRNu || 1-53 || Adau vaiSNavadevasya mantrANAM nityasAdhanam | tataste maGgalaM mantrasAdhanaM paramAdbhutam || 1-54 || akasmAdvihitA siddhiryena siddhyati bhUtale | bAlabhairavayogendrasAdhanaM zivasAdhanam || 1-55 || mahAkAlasAdhanaJca tathA rAmezvarasya ca | aghoramUrtte ramaNAsAdhanaM zRNu yatnataH || 1-56 || krodharAjabhUtarAjaekacakrAdisAdhanam | girIndrasAdhanaM pazcAt kulanAthasya sAdhanam || 1-57 || baTukezAdizrIkaNThezAdisAdhanameva ca | mRtyuJjayasya raudrasya kAlAntakaharasya ca || 1-58 || unmattabhairavasyApi tathA paJcAsyakasya ca | kailAsezasya zambhozca tathA zUlina eva ca || 1-59 || bhArgavezasya sarvasya mahAkAlasya sAdhanam | surAntakasya pUrNasya tathA devasya zaGkara || 1-60 || haridrAgaNanAthasya varadezvaramAlinaH | Urdhvakezasya dhUmrasya jaTilasyApi sAdhanam || 1-61 || AnandabhairavasyApi bANanAthasya sAdhanam | karIndrasya zubhAGgasya hillolamardakasya ca || 1-62 || puSpanAthezvarasyApi vRSanAthasya sAdhanam | aSTamUrtteH kAlamUrttezcandrazekharasAdhanam || 1-63 || kramukasyApi ghorasya kuberArAdhitasya ca | tripurAntakamantrasya kamalAkSasya sAdhanam || 1-64 || ityAdisiddhamantrANAM mantrArthaM vividhaM mudA | uditaM tadvizeSeNa suvistArya zRNuSva tat || 1-65 || indrAdidevatA sarvA yena siddhyanti bhUtale | tatprakAraM mahAdeva sAvadhAno'vadhAraya || 1-66 || upavidyAsAdhanaJca mantrANi vividhAni ca | nAnAkarmANi dharmANi SaTkarmasAdhanAni ca || 1-67 || zrIrAmasAdhanaM yakSasAdhanaM yogasAdhanam | sarvavidyAsAdhanaJca rAjajvAlAdisAdhanam || 1-68 || mantrasiddhiprakAraJca hanumatsAdhanAdikam | viSajvAlAsAdhanaJca pAtAlalokasAdhanam || 1-69 || bhUtalipiprakAraJca tattatsAdhanameva ca | navakanyAsAdhanaJca aSTasiddhiprakArakam || 1-70 || AsanAni ca aGgAni sAdhanAni bahUni ca | kAtyAyanIsAdhanAni ceTIsAdhanameva ca || 1-71 || kRSNamArjArasiddhizca khaDgasiddhistataH param | pAdukAjaGghasiddhizca nijajihvAdisAdhanam || 1-72 || saMskAraguTikAsiddhiH khecarIsiddhireva ca | bhUpravezaprakAratvaM nityatuGgAdisAdhanam || 1-73 || stambhanaM dAruNaM pazcAdAkarSaNaM munerapi | nAnAvidhAni deveza auSadhAdIni yAni ca || 1-74 || haritAlAdisiddhizca rasapAradasAdhanam | nAnArasasamudbhUtaM rasabhasmAdisAdhanam || 1-75 || vRddhasya taruNAkAraM sAdhanaM paramAdbhutam | vaijayantIsAdhanaJca caritraM vAsakasya ca || 1-76 || zivAcaritramazvasya caritraM vAyasasya ca | kumArINAM prakAraM tu vajrANAM vAraNaM tathA || 1-77 || sampattisAdhanaM dezasAdhanaM kAmasAdhanam | gurupUjAvidhAnaJca gurUsantoSasAdhanam || 1-78 || nijadevArAdhanaJca nijasAdhanameva ca | vAruNIpaiSTikIgauDIkaitakImAdhvisAdhanam || 1-79 || svadehagamanaM svarge martye martyaizca durlabham | zarIravardhanaJcaiva kRSNabhAvasya sAdhanam || 1-80 || nayanAkarSaNaJcaiva kAlasarpasya darzanam | raNakSobhaprakAraJca paJcendriyanivAraNam || 1-81 || yogavidyAsAdhanaJca bhakSaprasthanirUpaNam | cAndrAyaNavrataJcaiva zRNu tadyogasiddhaye || 1-82 || yAmalAgreNa zaMsanti yAni sarvANi kAni ca | brahmANDe yAni vastUni sarvatra durlabhaM zivam || 1-83 || ye'bhyasyanti mahAtantraM bAlAdvA mantratopi vA | yAmalaM mama vaktrAmbhoruhasundarasaMbhavam || 1-84 || atiguhyaM mahAguhyaM zabdaguhyaM nirAkulam | nAnAsiddhisamudrANAM gRhaM yogamayaM zubham || 1-85 || zAstrajAlasya sAraM hi nAnAmantramayaM priyam | vArANasIpurapateH sadAmodaM sukhAspadam || 1-86 || sarasvatIdaivataM yat kAlISu zikhare vRtam | mahAmokSaM dvAramokSaM sarvasaMketazobhitam || 1-87 || vAJchAkalpadrumaM tantraM zivasaMskArasaMskRtam | aprakAzyaM kriyAsAraM sahasrastutirAjitam || 1-88 || aSTottarazataM nAma sahasranAmamaGgalam | nAnAdravyasAdhanAdividhRtAJjanaraJjitam || 1-89 || kAlIpratyakSakathanaM kAlISoDhAdisaMpuTam | mahAcamatkArakaraM sthitisaMhArapAlakam || 1-90 || aSTAdazaprakAraJca SoDhAyAH saukhyamuktaye | ye jAnanti mahAkAlaM yAmalaM kalipAvanam || 1-91 || AbrahmastambaparyantaM kare tasya na saMzayaH | tatprakAramahaM vakSye nigamAgamamaGgalam || 1-92 || yasmAdrudro bhavejjJAnI nAnAtantrArthapAragaH | yAminIvihitaM karma kulatantrAbhisAdhanam || 1-93 || mahAvIrahitaM yasmAt paJcatattvasvarUpakam | laMghanaM nAsti me nAtha asmin tantre sugopanam || 1-94 || tato yAmalamAkhyAtaM candrazekhara zaGkara | rudrAkSaM sAdhanotkRSTaM zatayAgaphalapradam || 1-95 || manaHsantoSavipulaM yAmalaM parikIttItam | rurukAdibhairavANAM brAhmIdevyAzca sAdhanam || 1-96 || jAmbUnadalatAkoTihemadAsAdhanaM yataH | manasAsAdhanaM yatra laGkAlakSmIprasAdhanam || 1-97 || devatAnAJca kavacaM nAnAdhyAnavrataM mahat | antaryAgavidhAnAni kalikAlaphalAni ca || 1-98 || bhAti yatnaprabhAkAraM prAyazcittavimarSaNam | paTalaM triMzatA vyAptaM ye paThanti nirantaram || 1-99 || avazyaM siddhimApnoti yadyadicchati bhUtale | karmaNA manasA vAcA mahAtantrasya sAdhanam || 1-100 || karoti kamalAnAthakarapadmaniSevitam | jJAtvA sarvadharaM tantraM sampUrNaM lokamaNDale || 1-101 || prApnoti sAdhakaH siddhiM mAsAdeva na saMzayaH | nAnAcakrasya mAhAtmyaM nAnAGkamaNDalAvRtam || 1-102 || sarvajJasiddhizatakaM khaNDakAlIkulAlayam | taruNAdityasaMkAzaM vanamAlAvibhUSitam || 1-103 || daivataM paramaM haMsaM kAlakUTAzinaM prabhum | Adau dhyAtvA pUjayitvA namaskuryAd mahezvaram | prathamAruNasaGkAzaM ratnAlaGkArabhUSitam | varadaM vAruNImattaM paramahaMsaM namAmyaham || 1-104 || bhairava uvAca yadi na paThyate tantraM yAmalaM sarvazaGkaram | tadA kena prakAreNa sAdhakaH siddhibhAgbhavet || 1-105 || kecicca buddhihInAzca medhAhInAzca ye janAH mandabhAgyAzca dhUrtAzca mUDhAH sarvApadAvRtAH || 1-106 || prApnuvanti kathaM siddhiM dayA jAtA kathaM vada | teSu mUrkheSu hIneSu zAstrArthavajIteSu ca || 1-107 || jJAnaM bhavati kenaiva nirmalaM dvaitavajItam | tatprakAraM vada snehAd lokAnAM puNyavRddhaye || 1-108 || bhairavI uvAca karmasUtraM yazchinatti pratyahaM tanusaMsthitaH | sa pazyati jagannAtha mama zrIcaraNAmbujam || 1-109 || vizvamAvezasaMskArabhinnabuddhikriyAnvitAH ato mAM nahi jAnanti nAnAkAryotkaTAvRtAH || 1-110 || teSAM zarIraM gRhNAti kAladUto bhayAnakaH yaH karoti mahAyogaM tyAgasannyAsadharmavAn || 1-111 || mandabhAgyaH pazoryoniM prApnoti mAM vihAya saH | mayi bhAvaM yaH karoti durlabho janavallabhaH || 1-112 || bhAvena labhyate sarvaM bhAvena devadarzanam | bhAvena paramaM jJAnaM tasmAd bhAvAvalambanam || 1-113 || bhAvaJca sarvazAstrANAM gUDhaM sarvendriyasthitam | sarveSAM mUlabhUtaJca devIbhAvaM yadA labhet || 1-114 || tadaiva sarvasiddhizca tadA dhyAnadRDho bhavet | akalaGkI nirAhArI nivAsadhRtamAnasaH || 1-115 || nityasnAnAbhipUjAGgo bhAvI bhAvaM yadA labhet | kriyAdakSo mahAzikSAnipuNo'pi jitendriyaH || 1-116 || sarvazAstranigUDhArthavettA nyAsavivajItaH | teSAM hastagataM bhAvaM vada bhAvaM yathA tanau || 1-117 || bhAvAt parataraM nAsti yenAnugrahavAn bhavet | bhAvAdanugrahaprAptiranugrahAn mahAsukhI || 1-118 || sukhAt puNyaprabhAvaH syAt puNyAdacyutadarzanam | yadA kRtasya darzanAmbhojadarzanamaGgalam || 1-119 || yogI bhUttvA sUkSmapadaM yoginAmapyadarzanam | pazyatyeva mahAvidyApAdAmbhoruhapAvanam || 1-120 || gurUNAM paramahaMsAnAM vAkyaM trailokyapAvanam | zrutvA sAdhakasiddhyarthaM yogI yogamavApnuyAt || 1-121 || paJjare zukasArI ca patagAH pakSiyonayaH | gRhNAti sAdhakaH svargAn mannAmavimalaM mahat || 1-122 || yAvat jJAnasya saJcAraM tAvat kAlaM kulezvara | sAdhakAnAJca sAdhUnAM nikaTastho bhavennaraH || 1-123 || vidyAbhyAsI na patati yadi buddhiparo bhavet | nahi cejjanma vyAkhyArthaM nAnAzAstrArthabhASaNam || 1-124 || surajJAnaM binA kiJcinnahi siddhyati bhUtale | mantraM zrIkAyasiddhizca kathaM bhavati bhairava || 1-125 || sAMkhyajJAnaM vedabhASAvidhijJAnaM tathA samam | zaktiM binA yathA zAktaM surajJAnaM binA hi saH || 1-126 || ahitAcArasampattirdaridrasya gRhe yathA | sAdhakasya gRhe zaktirjJAnAcAravivecanA || 1-127 || jAyate yadi sAyujyapadanAzAya kevalam | yadyajJAnaviziSTA sA svazaktiH zivakAminI || 1-128 || tadA na kuryAd grahaNA zaktisAdhanameva ca | yadi kuryAdasaMskArAt saMsargaM sAdhakottamaH || 1-129 || asaMskRtyAdidoSeNa siddhihAniH prajAyate | zaktipradhAnaM bhAvAnAM trayANAM sAdhakasya ca || 1-130 || divyavIrapazUnAJca bhAvatrayamudAhRtam | pazubhAve jJAnasiddhiH pazvAcAranirUpaNam || 1-131 || vIrabhAve kriyAsiddhiH sAkSAdrudro na saMzayaH | divyabhAve vIrabhAve vibhinnamekabhAvataH || 1-132 || aNDaH pUrvaH sarvagataM divyabhAvasya lakSaNam | divyabhAve devatAyA darzanaM parikItItam || 1-133 || vIrabhAve mantrasiddhiradvaitAcAralakSaNam | Adau bhAvaM pazoH prApya rAtrikarmavivarjayet || 1-134 || divase divase snAnaM pUjAnityakriyAnvitaH | purazcaraNavat kAryaM zucibhAvena siddhyati || 1-135 || pazubhAvaM vinA vIraH ko vazI bhavati dhruvam | indriyANAJca damanaM damanaM zamanasya ca || 1-136 || yogazikSAniviSTAGgo yatiryogaparAyaNaH | sarvakSaNAdabhyasataH prabhAtAvadhi rAtriSu || 1-137 || sarvakAlaM ca kartavyo yogaH sarvasukhapradaH | vAJchAkalpataruM nityaM taruNaM pAtakApaham || 1-138 || sAdhayedavahitaM mantrI pazubhAvasthito yadi | yogabhASAvidhijJAnaM sarvabhAveSu durlabham || 1-139 || tathApi pazubhAvena zIghraM siddhyati nizcitam | gurUNAM zrIpadAmbhoje yasya bhaktirdRDhA bhavet || 1-140 || sa bhavet kAmanAtyAgI bhAvamAtropalakSaNam | vIrabhAvo mahAbhAvo na bhAvaM duSTacetasAm || 1-141 || bhAvaM mandagataM sUkSmaM rudramUrtyAH prasiddhyati | bhraSTAcAraM mahAgUDhaM trailokyamaGgalaM zubham || 1-142 || paJcatattvAdisiddhyarthaM mahAmohamadodbhavam | sarvapIThakulAcAraM haThAdAnandasAgaram || 1-143 || kAruNyavAridhiM vIrasAdhane bhaktikevalam | jJAnIbhUttvA pazorbhAve vIrAcAraM tataH param || 1-144 || vIrAcArAd bhavedrudro'nyathA naiva ca naiva ca | bhAvadvayasthito mantrI divyabhAvaM vicArayet || 1-145 || sadA zucidIvyabhAvamAcaret susamAhitaH | devatAyAH priyArthaJca sarvakarmakulezvara || 1-146 || yadyattat sakalaM siddhyatyasmAd dharmodayaM zubham | devatAtulyabhAvazca devatAyAH kriyAparaH || 1-147 || tad viddhi devatAbhAvaM sudivyabhAkprakItItam | sarveSAM bhAvavargANAM zaktimUlaM na saMzayaH || 1-148 || bhaktiM kena prakAreNa prApnoti sAdhakottamaH | jJAttvA devazarIrasya nijakAryAnuzAsanAt || 1-149 || jJAnazca trividhaM proktamAgamAcArasambhavam | zabdabrahmamayaM taddhi jJAnamArgeNa pazyati || 1-150 || paThitvA sarvazAstrANi svakarmagAyanAni ca | kRze vivekamAlambya nityaM jJAnI ca sAdhakaH || 1-151 || vivekasaMbhavaM jJAnaM zivajJAnaprakAzakam | locanadvayahInaJca bAhyabhAvavivajItam || 1-152 || lokAnAM parinirmuktaM kAlAkAlaviloDanam | nityajJAnaM paraM jJAnaM taM viddhi prANagocaram || 1-153 || mAnuSaM saphalaM janma sarvazAstreSu gocaram | caturazItilakSeSu zarIreSu zarIriNAm || 1-154 || na mAnuSyaM vinAnyatra tattvajJAnaM tu vidyate | kadAcillabhyate janma mAnuSyaM puNyasaJcayAt || 1-155 || sopAnIbhUtamokSasya mAnuSyaM janma durlabham | mAnuSeSu ca zaMsanti siddhayaH syuH pradhAnikAH || 1-156 || aNimAdiguNopetAstasmAd devo narottamaH | vinA dehena kasyApi puruSArtho na labhyate || 1-157 || tasmAccharIraM saMrakSya nityaM jJAnaM prasAdhaya | mAnuSaM jJAnanikaraM jJAnAtmAnaM paraM viduH || 1-158 || munayo maunazIlAzca munitantrAdigocaram | mAnuSaH sarvagAmI ca nityasthAnanirAkulaH || 1-159 || (mitra)mantrajApaM yogajApaM kRtvA pApanivAraNam | paraM mokSamavApnoti mAnuSo nAtra saMzayaH || 1-160 || mayoktAni ca tantrANi madbhaktA ye paThanti ca | paThitvA kurute karma kRtvA matsannidhiM vrajet || 1-161 || maduktAni ca zAstrANi na jJAtvA sAdhako yadi | anyazAstrANi sambodhya koTivarSeNa siddhyati || 1-162 || zuktau rajatavibhrAntiryathA bhavati bhairava | tathAnyadarzanebhyazca bhuktiM muktiJca kAGkSati || 1-163 || yatra bhogastatra mokSo dvayaM kutra na siddhyati | mama zrIpAdukAmbhoje sevako mokSabhogagaH || 1-164 || bAhyadraSTA pragRhNAti AkAzasthitatejasam | brahmANDajJAnadraSTA ca dezANDasthaM prapazyati || 1-165 || ghaTapratyakSasamaye Aloko vyaJjako yathA | binA ghaTattvayogena na pratyakSo yathA ghaTaH || 1-166 || itarAd bhidyamAno'pi na bhedamupagacchati | puruSe naiva bhedo'sti vinA zaktiM kathaJcana || 1-167 || zaktihIno yathA dehI nirbalo yogavivajItaH | jJAnahInastathAtmAnaM na pazyati padadvayam || 1-168 || svabhAvaM nAdhigacchanti saMsArajJAnamohitAH | abhipazyati sazloko yadbhAvaM paribhAvyate || 1-169 || IzvarasyApi dUtasya yamarAjasya bandhanam | nidhanaM cAnugacchanti dRSTvA ca tanujaM dhanam || 1-170 || loko mohasurAM pIttvA na vetti hitamAtmanaH | sampadaH svapnameva syAd yauvanaM kusumopamam || 1-171 || taDiccapalamAyuSyaM kasyApyajJAnato dhRtiH | zataM jIvati martyazca nidrA syAdardhahAriNI || 1-172 || ardhaM harati kAminyAH zaktibuddhipratApinI | asadvRttizca mUDhAnAM hantyAyuSamahanIzam || 1-173 || bAlyarogajarAduHkhaiH sarvaM tadapi niSphalam | strIputrapitRmAtrAdisambandhaH kena hetunA || 1-174 || duHkhamUlo hi saMsAraH sa yasyAsti sa duHkhitaH | asya tyAgaH kRto yena sa sukhI nAtra saMzayaH || 1-175 || sukhaduHkhaparityAgI karmaNA kiM na labhyate | lokAcArabhayArthaM hi yaH karoti kriyAvidhim || 1-176 || brahmajJAtAhamakhile ye japanti nirAdarAH | sAMsArikasukhAsaktaM brahmajJosmIti vAdinam || 1-177 || tyajet taM satataM dhIrazcANDAlamiva dUrataH | gRhAraNyasamAloke gatavrIDA digambarAH || 1-178 || caranti gardabhAdyAzca vratinaste bhavanti kim | tRNaparNodakAhArAH satataM vanavAsinaH || 1-179 || hariNAdimRgAzcaiva tApasAste bhavanti kim | zItavAtAtapasahA bhakSyAbhakSyasamA api || 1-180 || caranti zUkarAdyAzca vratinaste bhavanti kim | AkAze pakSiNaH sarve bhUtapretAdayo'pi ca || 1-181 || caranti rAtrigAH sarve khecarAH kiM mahezvarAH | AjanmamaraNAntaJca gaGgAditaTanIsthitAH || 1-182 || maNDUkamatsyapramukhA vratinaste bhavanti kim | etajjJAnaniviSTAGgAH yadi gacchanti paNDitAH || 1-183 || tathApi karmadoSeNa narakasthA bhavanti hi | kauTilyAlasasaMsargavajItA ye bhavanti hi || 1-184 || prApnuvanti mama sthAnaM mama bhaktiparAyaNAH | UdrdhvaM vrajanti bhUtAni zarIramativAhikam || 1-185 || nijadehAbhizApena nAnArUpo bhavennaraH | zarIrajaiH karmadoSairyAti sthAvaratAM naraH || 1-186 || iha duzcaritaiH kecit kecit pUrvakRtaistathA | prApnuvanti durAtmAno narA rUpaviparyayam || 1-187 || gurupAdavihInA ye te nazyanti mamAjJayA | gururmUlaM hi mantrANAM gururmUlaM parantapaH || 1-188 || guroH prasAdamAtreNa siddhireva na saMzayaH | ahaM gururahaM devo mantrArtho'smi na saMzayaH || 1-189 || bhedakA narakaM yAnti nAnAzAstrArthavajItAH | sarvAsAmeva vidyAnAM dIkSA mUlaM yathA prabho || 1-190 || gurumUlasvatantrasya gururAtmA na saMzayaH | Atmaiva hyAtmano bandhurAtmaiva ripurAtmanaH || 1-191 || AtmanA kriyate karma bhAvasiddhistadA bhavet | hInAGgI kapaTI rogI bahvAzI zIlavajItaH || 1-192 || mayyupAsanamAsthAya upavidyAM sadAbhyaset | dhanaM dhAnyaM sutaM vittaM rAjyaM brAhmaNabhojanam || 1-193 || zubhArthaM samprayoktavyaM nAnyacintA vRthAphalam | nityazrAddharato martyo dharmazIlo narottamaH || 1-194 || mahIpAlaH priyAcAraH pIThabhramaNatatparaH | pIThe pIThe mahAvidyAdarzanaM yadi labhyate || 1-195 || tadA tasya kare sarvAH siddhayo'vyaktamaNDalAH | akasmAjjAyate siddhirmahAmAyAprasAdataH || 1-196 || mahAvIro mahAdhIro divyabhAvasthito'pi vA | athavA pazubhAvastho mantrapIThaM vivAsayet || 1-197 || kriyAyAH phaladaM proktaM bhAvatrayamanoramam | tathA ca yugabhAvena divyavIreNa bhairava || 1-198 || prapazyanti mahAvIrAH pazavo hInajAtayaH | na pazyanti kaliyuge zAstrAbhibhUtacetasaH || 1-199 || api varSasahasreNa zAstrAntaM naiva gacchati | tarkAdyanekazAstrANi alpAyuvIghnakoTayaH || 1-200 || tasmAt sAraM vijAnIyAt kSIraM haMsa ivAmbhasi | kalau ca divyavIrAbhyAM nityaM tadgatacetasaH || 1-201 || mahAbhaktAH prapazyanti mahAvidyAparaM padam | sAdhavo maunazIlAzca sadA sAdhanatatparAH || 1-202 || divyavIrasvabhAvena pazyanti matpadAmbujam | bhAvadvayaM brAhmaNAnAM mahAsatphalakAGkSiNAm || 1-203 || athavA cAvadhUtAnAM bhAvadvayamudAhRtam | bhAvadvayaprabhAveNa mahAyogI bhavennaraH || 1-204 || mUrkho'pi vAkpatiH zreSTho bhAvadvayaprasAdataH | ye jAnanti mahAdeva mama tantrArthasAdhanam || 1-205 || bhAvadvayaM hi varNAnAM te rudrA nAtra saMzayaH | bhAvuko bhaktiyogendraH sarvabhAvajJasAdhanaH || 1-206 || unmattajaDavannityaM nijatantrArthapAragaH | vRkSo vahati puSpANi gandhaM jAnAti nAsikA || 1-207 || paThanti sarvazAstrANi durlabhA bhAvabodhakAH | prrajJAhInasya paThanamandhasyAdarzadarzanam || 1-208 || prajJAvato dharmazAstraM bandhanAyopakalpate | tattvamIdRgiti bhavediti zAstrArthanizcayaH || 1-209 || ahaM kartA'hamAtmA ca sarvavyApI nirAkulaH | manaseti svabhAvaJca cintayatyapi vAkpatiH || 1-210 || saudAminItejaso vA sahasravarSakaM yadA | prapazyati mahAjJAnI ekacandraM sahasrakam || 1-211 || koTivarSazatenApi yatphalaM labhate naraH | ekakSaNamaGghirarajo dhyAtvA tatphalamaznute || 1-212 || vicaredyadi sarvatra kevalAnandavardhanam | kAmarUpaM mahApIThaM trikoNAdhArataijasam || 1-213 || jalabudbudzabdAntamanantamaGgalAtmakam | sa bhavenmama dAsendro gaNezaguhavatpriyaH || 1-214 || kaMkAlAkhyA--sATTahAsA--vikaTAkSopapIThakam | vicaret sAdhakazreSTho matpAdAbjaM yadIcchati || 1-215 || jvAlAmukhImahApIThaM mama priyamatarkavit | yo bhramenmama tuSTyarthaM sa yogI bhavati dhruvam || 1-216 || bhAvadvayAdinikaraM jvAlAmukhyAdipIThakam | bhramanti ye sAdhakendrAste siddhA nAtra saMzayaH || 1-217 || bhAvAt parataraM nAsti trailokyasiddhimicchatAm | bhAvo hi paramaM jJAnaM brahmajJAnamanuttamam || 1-218 || koTikanyApradAnena vArANasyAM zatATanaiH | kiM kurukSetragamane yadi bhAvo na labhyate || 1-219 || gayAyAM zrAddhadAnena nAnApIThATanena kim | nAnAhomaiH kriyAbhiH kiM yadi bhAvo na labhyate || 1-220 || bhAvena jJAnamutpannaM jJAnAnmokSamavApnuyAt | Atmano manasA devyAgurorIzvaramucyate || 1-221 || dhyAnaM saMyojanaM proktaM mokSamAtmamanolayam | guroH prasAdamAtreNa zaktitoSo mahAn bhavet || 1-222 || zaktisantoSamAtreNa mokSamApnoti sAdhakaH | gurumUlaM jagatsarvaM gurumUlaM parantapaH || 1-223 || guroH prasAdamAtreNa mokSamApnoti sadvazI | na laGghayed gurorAjJAmuttaraM na vadet tathA || 1-224 || divArAtrau gurorAjJAM dAsavat paripAlayet | uktAnukteSu kAryeSu nopekSAM kArayed budhaH || 1-225 || gacchataH prayato gacched gurorAjJAM na laGghayet | na zRNoti gurorvAkyaM zRNuyAd vA parAGmukhaH || 1-226 || ahitaM vA hitaM vApi rauravaM narakaM vrajet | AjJAbhaGgaM gurordaivAd yaH karoti vibuddhimAn || 1-227 || prayAti narakaM ghoraM zUkaratvamavApnuyAt | AjJAbhaGgaM tathA nindAM gurorapriyavartanam || 1-228 || gurudrohaJca yaH kuryAt tatsaMsargaM na kArayet | gurudravyAbhilASI ca gurustrIgamanAni ca || 1-229 || pAtakaJca bhavet tasya prAyazcittaM na kArayet | guruM duSkRtya ripuvannirharet parivAdataH || 1-230 || araNye nirjane deze sa bhaved brahmarAkSasaH | pAdukAm AsanaM vastraM zayanaM bhUSaNAni ca || 1-231 || dRSTvA guruM namaskRtya AtmabhogaM na kArayet | sadA ca pAdukAmantraM jihvAgre yasya vartate || 1-232 || anAyAsena dharmArthakAmamokSaM labhennaraH | zrIgurozcaraNAmbhojaM dhyAyeccaiva sadaiva tam || 1-233 || bhaktaye muktaye vIraM nAnyabhaktaM tato'dhikam | ekagrAme sthitaH ziSyo gatvA tatsannidhiM sadA || 1-234 || ekadeze sthitaH ziSyo gatvA tatsannidhiM sadA | saptayojanavistIrNaM mAsaikaM praNamed gurum || 1-235 || zrIgurozcaraNAmbhojaM yasyAM dizi virAjate | tasyAM dizi namaskuryAt kAyena manasA dhiyA || 1-236 || vidyAGgamAsanaM mantraM mudrAM tantrAdikaM prabho | sarvaM gurumukhAllabdhvA saphalaM nAnyathA bhavet || 1-237 || kambale komale vApi prAsAde saMsthite tathA | dIrghakASThe'thavA pRSThe guruJcaikAsanaM tyajet || 1-238 || zrIguroH pAdukAmantraM mUlamantraM svapAdukAm | ziSyAya naiva deveza pravaded yasya kasyacit || 1-239 || yad yadAtmahitaM vastu taddravyaM naiva vaJcayet | gurorlabdhvA ekavarNaM tasya tasyApi suvrata || 1-240 || bhakSyaM vittAnusAreNa gurumuddazya yatkRtam | svalpairapi mahattulyaM bhuvanAdyaM daridratAm || 1-241 || sarvasvamapi yo dadyAd gurubhaktivivajItaH | narakAntamavApnoti bhaktireva hi kAraNam || 1-242 || gurubhaktyA ca zakratvamabhaktyA zUkaro bhavet | gurubhaktaH paraM nAsti bhaktizAstreSu sarvataH || 1-243 || gurupUjAM vinA nAtha koTipuNyaM vRthA bhavet || 1-244 || iti zrIrudrayAmale uttaratantre mahAtantroddIpane sarvavidyAnuSThAne siddhimantraprakaraNe bhairavIbhairavasaMvAde prathamaH paTalaH || 1 || atha dvitIyaH paTalaH athAtaH sampravakSyAmi sarvadarzanavidyayA | sarvajJa paramAnando dayAbIja bhayaGkara || 2-1 || zRNuSvaikamanAH zambho kulAcAravidhiM zRNu | pazUnAM vratabhaGgAdau vidhiM prathamataH prabho || 2-2 || vratabhaGge nityabhaGge nityapUjAdikarmaNi | sahasraM prajapenmantrI vratadoSopazAntaye || 2-3 || nityazrAddhaM tathA sandhyAvandanaM pitRtarpaNam | devatAdarzanaM pIThadarzanaM tIrthadarzanam || 2-4 || gurorAjJApAlanaJca devatAnityapUjanam | pazubhAvasthito martyo mahAsiddhiM labhed dhruvam || 2-5 || pazUnAM prathamo bhAvo vIrasya vIrabhAvanam | divyAnAM divyabhAvastu teSAM bhAvAstrayaH smRtAH || 2-6 || svakulAcArahIno yaH sAdhakaH sthiramAnasaH | niSphalArthI bhavet kSipraM kulAcAraprabhAvataH || 2-7 || bhairava uvAca kenopAyena bhagavatIcaraNAmbhojadarzanam | prApnoti padmavadane pazubhAvasthito naraH || 2-8 || tatprakAraM suvistArya kathyatAM kulakAmini | yadi bhaktirdRDhA me'sti yadi sneho'sti mAM prati || 2-9 || mahAbhairavI uvAca prabhAte ca samutthAya aruNodayakAlataH | nizASTadaNDaparyantaM pazUnAM bhAva IritaH || 2-10 || prAtaH zayyAdikaM kRtvA punaH zayyAsthitaH pazuH | guruM saJcintayecchIrSAmbhoje sAhasrake dale || 2-11 || taruNAdityasaGkAzaM tejobimbaM mahAgurum | anantAnantamahimAsAgaraM zazizekharam || 2-12 || mahAzubhraM bhAsurAGgaM dvinetraM dvibhujaM vibhum | AtmopalabdhivISamaM tejasA zuklavAsasam || 2-13 || AjJAcakrodrdhvanikaraM kAraNaM jagatAM mukham | dharmArthakAmamokSAGgaM varAbhayakaraM vibhum || 2-14 || praphullakamalArUDhaM sarvajJaM jagadIzvaram | antaHprakAzacapalaM vanamAlAvibhUSitam || 2-15 || ratnAlaGkArabhUSADhyaM devadevaM sadA bhajet | antaryAgakrameNaiva padmapuSpaiH samarcayet || 2-16 || ekAntabhaktyA praNamedAyurArogyavRddhaye | atha madhye japenmantramAdyantapraNavena ca || 2-17 || madhye vAgbhavamAyojya gurunAma tataH param | AnandanAthazabdAnte guruM Ge'ntaM samuddharet || 2-18 || namaH zabdaM tato brUyAt praNavaM sarvasiddhidam | mahAgurormanuM japtvA sarvasiddhIzvaro bhavet || 2-19 || vAksiddhirvadanAmbhoje gurumantraprabhAvataH | zatamaSTottaraM nityaM sahasraM vA tathASTakam || 2-20 || prajapyArpaNamAkRtya prANAyAmatrayaJcaret | vAgbhavena tataH kuryAt prANAyAmavidhiM mudA || 2-21 || akhaNDamaNDalAkAraM vyAptaM yena carAcaram | tatpadaM dazItaM yena tasmai zrIgurave namaH || 2-22 || ajJAnatimirAndhasya jJAnAJjanazalAkayA | cakSurunmIlitaM yena tasmai zrIgurave namaH || 2-23 || devatAyAH darzanasya kAraNaM karuNAnidhim | sarvasiddhipradAtAraM zrIguruM praNamAmyaham || 2-24 || varAbhayakaraM nityaM zvetapadmanivAsinam | mahAbhayanihantAraM gurudevaM namAmyaham || 2-25 || mahAjJAnAcchApitAGgaM narAkAraM varapradam | caturvargapradAtAraM sthUlasUkSmadvayAnvitam || 2-26 || sadAnandamayaM devaM nityAnandaM niraJjanam | zuddhasattvamayaM sarvaM nityakAlaM kulezvaram || 2-27 || brahmarandhre mahApadme tejobimbe nirAkule | yogibhirdhyAnagamye ca cakre zukle virAjite || 2-28 || sahasradalasaGkAze kaNIkAmadhyamadhyake | mahAzuklabhAsurArkakoTikoTimahaujasam || 2-29 || sarvapIThasthamamalaM paraM haMsaM parAtparam | vedoddhArakaraM nityaM kAmyakarmaphalapradam || 2-30 || sadA manaHzaktimAyAlayasthAnaM padadvayam | zarajjyotsnAjAlamAlAbhirindukoTivanmukham || 2-31 || vAJchAtiriktadAtAraM sarvasiddhIzvaraM gurum | bhajAmi tanmayo bhUttvA taM haMsamaNDalopari || 2-32 || AtmAnaM ca nirAkAraM sAkAraM brahmarUpiNam | mahAvidyAmahAmantradAtAraM paramezvaram || 2-33 || sarvasiddhipradAtAraM gurudevaM namAmyaham | kAyena manasA vAcA ye namanti nirantaram || 2-34 || avazyaM zrIguroH pAdAmbhoruhe te vasanti hi | prabhAte koTipuNyaJca prApnoti sAdhakottamaH || 2-35 || madhyAhne dazalakSaJca sAyAhne koTipuNyadam | prAtaHkAle paThet stotraM dhyAnaM vA susamAhitaH || 2-36 || tadA siddhimavApnoti nAtra kAryA vicAraNA || 2-37 || zirasi sitapaGkaje taruNakoTicandraprabha| varAbhayakarAmbujaM sakaladevatArUpiNam | bhajAmi varadaM guruM kiraNacAruzobhAkula| prakAzitapadadvayAmbujamalaktakoTiprabham || 2-38 || jagadbhayanivAraNaM bhuvanabhogamokSapradam | guroH pAdayugAmbujaM jayati yatra yoge jayam | bhajAmi paramaM guruM nayanapadmamadhyasthita| bhavAbdhibhayanAzanaM zamanarogakAyakSayam || 2-39 || prakAzitasupaGkaje mRdulaSoDazAkhye prabhu| parAparaguruM bhaje sakalabAhyabhogapradam | vizAlanayanAmbujadvayataDitprabhAmaNDala| kaDAramaNipATalendubindubindukam || 2-40 || calAcalakalevaraM pracapaladale dvAdaze | mahaujasamumApatevIgatadakSabhAge hRdi | prabhAkarazatojjvalaM suvimalendukoTyAnana| bhajAmi parameSThinaM gurumatIva vArojjvalam || 2-41 || gurvAdyaJca zubhaM madananidahanaM hemamaJjarIsAra| nAnAzabdAdbhutAhlAditaparijanAccArucakratribhaGgam | nityaM dhyAyet prabhAte aruNazataghaTAzobhanaM yogagamya| nAbhau padme'tikAnte dazadalamaNibhe bhAvyate yogibhiryat || 2-42 || yA mAtA mayadAnavAdisvabhujA nirvANasImApure | svAdhiSThAnaniketane rasadale vaikuNThamUle mayA | janmoddhAravikArasuprahariNI vedaprabhA bhAvyate | kandarpApItazAntiyonijananI viSNupriyA zAGkarI || 2-43 || yA bhASAnanakuNDalI kulapathAcchAmAbhazobhAkarI | mUle padmacaturdale kulavatI niHzvAsadezAzritA | sAkSAtkAGkSitakalpavRkSalatikA sUdbhASayantI priyA | nityA yogibhayApahA viSaharA gurvambikA bhAvyate || 2-44 || UdrdhvAmbhoruhaniHsRtAmRtaghaTI mododvalAplAvitA | gurvAsyA paripAtu sUkSmapathagA tejomayI bhAsvatI | sUkSmA sAdhanagocarAmRtamayI mUlAdizIrSAmbuje | pUrNA cetasi bhAvyate bhuvi kadA mAtA sadoddhrvAmagA || 2-45 || sthitipAlanayogena dhyAnena pUjanena vA | yaH paThet pratyahaM vyApya sa devo na tu mAnuSaH || 2-46 || kalyANaM dhanadhAnyaM ca kItImAyuryazaHzriyam | sAyAhne ca prabhAte ca paThedyadi subuddhimAn || 2-47 || sa bhavet sAdhakazreSThaH kalpadrumakalevaraH | stavasyAsya prasAdena vAgIzatvamavApnuyAt || 2-48 || pazubhAvasthitA ye tu te'pi siddhAH na saMzayaH | Adau sAdhakadevazca sadAcAramatiH sadA || 2-49 || pazubhAvastato vIraH sAyAhne divyabhAvavAn | eteSAM bhAvavargANAM gururvedAntapAragaH || 2-50 || zAnto dAntaH kulInazca vinItaH zuddhaveSavAn | zuddhAcAraH supratiSThaH zucirdakSaH subuddhimAn || 2-51 || AzramI dhyAnaniSThazca mantratantravizAradaH | nigrahAnugrahe zakto vazI mantrArthajApakaH || 2-52 || nirogI nirahaGkAro vikArarahito mahAn | paNDito vAkpatiH zrImAn sadA yajJavidhAnakRt || 2-53 || purazcaraNakRt siddho hitAhitavivajItaH | sarvalakSaNasaMyukto mahAjanagaNAdRtaH || 2-54 || prANAyAmAdisiddhAnto jJAnI maunI virAgavAn | tapasvI satyavAdI ca sadA dhyAnaparAyaNaH || 2-55 || AgamArthaviziSTajJo nijadharmaparAyaNaH | avyaktaliGgacihnastho bhAvako bhadradAnavAn || 2-56 || lakSmIvAn dhRtimAnnAtho gururityabhidhIyate | ziSyastu tAdRzo bhUttvA sadguruM paryupAzrayet || 2-57 || varjayecca parAnandarahitaM rUpavajItam | kuSThinaM krUrakarmANaM ninditaM rogiNaM gurum || 2-58 || aSTaprakArakuSThena galatkuSThinameva ca | zvitriNaM janahiMsArthaM sadArthagrAhiNaM tathA || 2-59 || svarNavikrayiNaM cauraM buddhihInaM sukharvakam | zyAvadantaM kulAcArarahitaM zAntivajItam || 2-60 || sakalaGkaM netrarogaiH pIDitaM paradAragam | asaMskAraM pravaktAraM strIjitaM cAdhikAGgakam || 2-61 || kapaTAtmAnakaM hiMsAviziSTaM bahujalpakam | bahvAzinaM hi kRpaNaM mithyAvAdinameva ca || 2-62 || azAntaM bhAvahInaM ca paJcAcAravivajItam | doSajAlaiH pUritAGgaM pUjayenna guruM binA || 2-63 || gurau mAnuSabuddhiM tu mantreSu lipibhAvanam | pratimAsu zilArUpaM vibhAvya narakaM vrajet || 2-64 || janmahetU hi pitarau pUjanIyau prayatnataH | guruvIzeSataH pUjyo dharmAdharmapradarzakaH || 2-65 || guruH pitA gururmAtA gururdevo gururgatiH | zive ruSTe gurustrAtA gurau ruSTe na kazcana || 2-66 || gurohItaM prakartavyaM vAGmanaHkAyakarmabhiH | ahitAcaraNAd deva viSThAyAM jAyate kRmiH || 2-67 || mantratyAgAd bhavenmRtyurgurutyAgAd daridratA | gurumantraparityAgAd rauravaM narakaM vrajet || 2-68 || gurau sannihite yastu pUjayedanyadevatAm | prayAti narakaM ghoraM sA pUjA viphalA bhavet || 2-69 || guruvad guruputreSu guruvat tatsutAdiSu | avidyo vA savidyo vA gurureva tu daivatam || 2-70 || amArgastho'pi mArgastho gurureva tu daivatam | utpAdakabrahmadAtrorgarIyAn brahmado guruH || 2-71 || tasmAnmanyeta satataM piturapyadhikaM gurum | gurudevAdhInazcAsmi zAstre mantre kulAkule || 2-72 || nAdhikArI bhavennAtha zrIguroH padabhAvakaH | gururmAtA pitA svAmI bAndhavaH suhRt zivaH || 2-73 || ityAdhAya mano nityaM bhajet sarvAtmanA gurum | ekameva paraM brahma sthUlazuklamaNiprabham || 2-74 || sarvakarmaniyantAraM gurumAtmAnamAzrayet | guruzca sarvabhAvAnAM bhAvamekaM na saMzayaH || 2-75 || niHsandigdhaM gurorvAkyaM saMzayAtmA vinazyati niHsaMzayI gurupade sarvatyAgI padaM vrajet || 2-76 || khecaratvamavApnoti mAsAdeva na saMzayaH | sadgurumAzritaM ziSyaM varSamekaM pratIkSayet || 2-77 || saguNaM nirguNaM vApi jJAtvA mantraM pradApayet | ziSyasya lakSaNaM sarvaM zubhAzubhavivecanam || 2-78 || anyathA vipradoSeNa siddhipUjAphalaM dahet | kAmukaM kuTilaM lokaninditaM satyavajItam || 2-79 || avinItamasamarthaM prajJAhInaM ripupriyam | sadApApakriyAyuktaM vidyAzUnyaM jaDAtmakam || 2-80 || kalidoSasamUhAGgaM vedakriyAvivajItam | AzramAcArahInaM cAzuddhAntaHkaraNodyatam || 2-81 || sadA zraddhAvirahitamadhairyaM krodhinaM bhramam | asaccaritraM viguNaM paradArAturaM sadA || 2-82 || asadbuddhisamUhotthamabhaktaM dvaitacetasam | nAnAnindAvRtAGgaM ca taM ziSyaM varjayed guruH || 2-83 || yadi na tyajyate vIra dhanAdidAnahetunA | nArakI ziSyavat pApI tadviziSTamavApnuyAt || 2-84 || kSaNAdasiddhaH sa bhavet ziSyAsAditapAtakaiH | akasmAnnarakaM prApya kAryanAzAya kevalam || 2-85 || vicArya yatnAt vidhivat ziSyasaMgrahamAcaret | anyathA ziSyadoSeNa narakastho bhaved guruH || 2-86 || na patnIM dIkSayed bhartA na pitA dIkSayet sutAm | na putraM ca tathA bhrAtA bhrAtaraM naiva dIkSayet || 2-87 || siddhamantro yadi patistadA patnIM sa dIkSayet | zaktittvena bhairavastu na ca sA putrikA bhavet | mantrANAM devatA jJeyA devatA gururUpiNI || 2-88 || teSAM bhedo na kartavyo yadIcchecchubhamAtmanaH | ekagrAme sthitaH ziSyastrisandhyaM praNamed gurum || 2-89 || krozamAtrasthito bhaktyA guruM pratidinaM namet | ardhayojanataH ziSyaH praNamet paJcaparvasu || 2-90 || ekayojanamArabhya yojanadvAdazAvadhiH | dUradezasthitaH ziSyo bhaktyA tatsannidhiM gataH || 2-91 || tantrayojanasaMkhyoktamAsena praNamed gurum | varSaikeNa bhaved yogyo vipro hi gurubhAvataH || 2-92 || varSadvayena rAjanyo vaizyastu vatsaraistribhiH | catubhirvatsaraiH zUdraH kathitA ziSyayogyatA || 2-93 || yadi bhAgyavazenaiva siddhamantraM labhet prabho | mahAvidyA trizaktyAzca gRhNIyAt tatkulAddhruvam || 2-94 || gurovIcAraM sarvatra tAtamAtAmahaM vinA | pramAdAcca tathAjJAnAn ebhyo mantraM samAcaran || 2-95 || prAyazcittaM tataH kRtvA punardIkSAM samAcaret | sAvitrImantrajApaJca lakSyaM jApyaM jagatpateH || 2-96 || viSNorvA praNavaM lakSyaM prAyazcittamiti smRtam | azaktazcenmahAdeva cAyutaM prajapenmanum || 2-97 || dazasAhasrajApyena sarvakalmaSanAzinI | gAyatrIcchandasAM mAtA pAparAzitulAnalA || 2-98 || mama mUttIprakAzA ca pazubhAvavivajItA | phalodbhavaprakaraNe brahmaNApadyate nizi || 2-99 || yadi bhAgyavazAd deva siddhamantraM guruM tathA | tadaiva tAntu dIkSeta aSTaizvaryAya kevalam || 2-100 || nirbIjaJca piturmantraM zaive zAkte na duSyati | jyeSThaputrAya dAtavyaM kulInaiH kulapaNDitaiH || 2-101 || kulayuktAya dAntAya mahAmantraM kulezvaram | tadaiva muktimApnoti satyaM satyaM na saMzayaH || 2-102 || kaniSThaJca ripuM cApi sodaraM vairipakSagam | mAtAmahaJca pitaraM yatiJca vanavAsinam || 2-103 || anAzramaM kusaMsargaM svakulatyAginaM tathA | varjayitvA ca ziSyAMstAn dIkSAvidhimupAcaret || 2-104 || anyathA tadvirodhena kAmanAbhoganAzanam | siddhamantraJca gRhNIyAd duSkulAdapi bhairava || 2-105 || sadgurorbhAvanecchannarUpe rUpe dhare zubhe | tatra dIkSAM samAkurvan aSTaizvaryajayaM labhet || 2-106 || svapne tu niyamo nAsti dIkSAsu guruziSyayoH | svapnalabdhe striyA datte saMskAreNaiva zuddhyati || 2-107 || sAdhvI caiva sadAcArA gurubhaktA jitendriyA | sarvamantrArtha tattvajJA suzIlA pUjane ratA || 2-108 || sarvalakSaNasampannA jApikA padmalocanA | ratnAlaGkArasaMyuktA varNAbhUvanabhUSitA || 2-109 || zAntA kulInA kulajA candrAsyA sarvavRddhigA | anantaguNasampannA rudratvadAyinI priyA || 2-110 || gururUpA muktidAtrI zivajJAnanirUpiNI | guruyogyA bhavet sA hi vidhavA parivajItA || 2-111 || striyA dIkSA zubhA proktA mantrazcASTaguNA smRtA | putriNI vidhavA grAhyA kevalA RNakAriNI || 2-112 || siddhamantro yadi bhaved gRhNIyAd vidhavAmukhAt | kevalaM suphalaM tatra mAturaSTaguNaM dhruvam || 2-113 || sadhavA svaprakRtyA ca dadAti yadi tanmanum | tato'STaguNamApnoti yadi sA putriNI satI || 2-114 || yadi mAtA svakaM mantraM dadAti svasutAya ca | tadASTasiddhimApnoti bhaktimArge na saMzayaH || 2-115 || tadaiva durlabhaM deva yadi mAtrA pradIyate | Adau bhaktiM tato muktiM samprApya kAlarUpadhRk || 2-116 || sahasrakoTividyArthaM jAnAti nAtra saMzayaH | svapne tu mAtA yadi vA dadAti zuddhamantrakam || 2-117 || punardIkSAM so'pi kRtvA dAnavattvamavApnuyAt | yadi bhAgyavazenaiva jananI dAnavatInI || 2-118 || tadA siddhimavApnoti tatra mantraM vicArayet | svIyamantropadezena na kuryAd gurucintanam || 2-119 || tathA zrIlalitA kAlI mahAvidyA mahAmanoH sarvasiddhiyuto bhUttvA vatsarAt tAM prapazyati || 2-120 || kAlIkalpalatA devI mahAvidyAdisAdhane | gurucintA na kartavyA ye jAnanti gurorvacaH || 2-121 || yadi mantraM vicAryAzu gRhNAti sAdhakottamaH | anantakoTipuNyasya dviguNaM bhavati dhruvam || 2-122 || vicArya cakrasAraJca mantraM gRhNAti yo naraH | vaikuNThanagare vAsasteSAM janmazatairapi || 2-123 || iti zrutvA mahAdevo mahAdevyAH sarasvatIm | uvAca punarAnandapulakollAsavigrahaH || 2-124 || jJAtuM cakraM SoDazaJca cakrahastavarapradam | atyadbhutaphalopetaM dharmArthakAmamokSadam || 2-125 || zrI bhairava uvAca kathayasva mahAdevi kulasadbhAvaprAptaye | yadi me sukRpAdRSTiH vartate snehasAgare || 2-126 || tvatprasAdAd bhairavo'haM kAlo'haM jagadIzvaraH | bhuktimuktipradAtA ca yogayogyo digambaraH || 2-127 || idAnIM sarvavidyAnAM dIkSAdyaM cakramaNDalam | akAlakulahInaJcAkaDamaJca kulAkulam || 2-128 || zrIbhairavI uvAca tArAcakraM rAzicakraM kUrmacakraM tathAparam | zivacakraM viSNucakraM brahmacakraM vilakSaNam || 2-129 || devacakraM RNidhani ulkAcakraM tataH param | vAmAcakraM catuzcakraM sUkSmacakraM tato vadet || 2-130 || tathA kathahacakraJca kathitaM SoDazaM prabho | etaduttIrNamantraJca yaM gRhNanti narottamAH || 2-131 || teSAmasAdhyaM jagati na kimapi vartate dhruvam | kimanyat kathayAmIha devatAdarzanaM labhet || 2-132 || sarvatragAmI sa bhavet cakrarAjaprasAdataH | sarvacakravicAraJca na jAnAti dvijottamaH || 2-133 || yajjAnAti tadvicAryaM devatAprItikArakam | tArAzuddhiM vaiSNavAnAM koSThazuddhiM zivasya ca || 2-134 || rAzizuddhiM traipurasya gopAle'kaDamaH smRtaH | akaDamo vAmane ca gaNeze haracakrataH || 2-135 || koSThacakraM varAhasya mahAlakSmyAH kulAkulam | nAmAdicakre sarveSAM bhUtacakre tathaiva ca || 2-136 || traipuraM tAracakre ca zuddhaM mantraM bhajed budhaH | vaiSNavaM rAzisaMzuddhaM zaivaJcAkaDamaM smRtam || 2-137 || kAlikAyAzca tArAyAH haracakraM zubhaM bhavet | caNDikAyA bhavet koSThe gopAle RkSacakrakam || 2-138 || haracakre sarvamantrAn RNAdhikyena cAzrayet | RNAdhikye zubhaM vidyAd dhanAdhikye ca no vidhiH || 2-139 || doSAn saMzodhya gRhNIyAnmadhyadeze tu sAdhakaH | pitRmAtRkRtaM nAma tyaktvA zarmAdidevakAn || 2-140 || zrIvarNaJca tato vidyAcakreSu yojayet kramAt | krameNa zRNu tatsarvaM zubhAzubhaphalapradam || 2-141 || jApakAnAM bhAvukAnAM zuddhaM siddhyati tatkSaNAt | mantramAtraM prasiddhyeta bhaktAnAmiti nizcayaH || 2-142 || kulInakulajAtAnAM dhyAnamArgArthagAminAm | mahAvidyA mahAjJAnaM saMzuddhamapi sidhyati || 2-143 || siddhamantraprakaraNe yaduktaJca mahezvara | aSTasiddhikare tasya sAyujyapadamApnuyAt || 2-144 || cakraM SoDazasAraJca sarveSAM mantrasiddhaye || 2-145 || vicArya sarvamantraJca yanmayA gaditaM hitam | Adau bAlAbhairavINAmakaDamAnmataM mayA || 2-146 || kumArIlalitAdevyAH kurukullAdisAdhane | zrIcakraM phaladaM proktaM sarvacakraphalapradam || 2-147 || yoginyAdisAdhane ca tArAcakraM mahatphalam | unmattabhairavIvidyAdyAdisAdhananirmale || 2-148 || rAzicakraM koTiphalaM nAnAratnapradaM zubham | pratyaGgirAsAdhane ca ulkAvidyAdisAdhane || 2-149 || zivacakraM mahApuNyaM sarvacakraphalapradam | kAlikAcacIkAmantre vimalAdyAdisAdhane || 2-150 || sampatpradAbhairavINAM mantragrahaNakarmaNi | viSNucakre koTizataM puNyaM prApnoti mAnavaH || 2-151 || chinnAdizrIvidyAyAH kRtyAdevyAzca sAdhane | nakSatravidyAkAmAkhyA brahmANyAdi susAdhane || 2-152 || brahmacakraM mahApuNyaM sarvavidyAphalaM labhet | koTijApyena yatpuNyaM grahaNAt tatphalaM labhet || 2-153 || vajrajvAlAmahAvidyAsAdhane mantrajApane | guhyakAlIsAdhane ca kubjikAmantrasAdhane || 2-154 || devacakraM zubhaM proktaM vAkyasiddhipradAyakam | kAmezvarIaTTahAsAmantrasAdhanakarmaNi || 2-155 || rAkiNImandirAdevI mandirAmantrasAdhane | RNidhanimahAcakraM vicArya sarvasiddhidam || 2-156 || zrIvidyAbhuvanezAnIbhairavIsAdhane tathA | pRthvIkulAvatIvINAsAdhane vAmanImanoH || 2-157 || ulkAcakraM mahApuNyaM rAjatvaphaladaM zubham | zivAdinAyikAmantre bAlAcakraM sukhapradam || 2-158 || phetkArImantrajApye ca uDDIyAnezvarI manoH | catuzcakraM zataphalaM mahAmantraphalapradam || 2-159 || drAviNIdIrghajaGghAdi jvAlAmukhyAdisAdhane | nArasiMhIsAdhane ca sUkSmacakraM phalodbhavam || 2-160 || hariNI mohinI kAtyAyanIsAdhanakarmaNi | vaiSNave ca tathA zaive devImantre ca bhairava || 2-161 || akathahaM mahAcakraM vicArya yatnapUrvakam | yo gRhNAti mahAmantraM sa zivo nAtra saMzayaH || 2-162 || iti zrIrudrayAmale uttaratantre mahAyantroddIpane sarvacakrAnuSThAne mahAguruprakaraNe bhAvanirNaye bhairavIbhairavasaMvAde dvitIyaH paTalaH || 2 || atha tRtIyaH paTalaH bhairavI uvAca atha cakraM pravakSyAmi kAlAkAlavicArakam | yadAzrito mahAvIro dIvyo vA pazubhAvavAn || 3-1 || cakrarAjaM pravicArya siddhamantraM na cAlayet | prabalasya pracaNDasya prAsAdasya mahAmanoH || 3-2 || zaktikUTAdimantrANAM siddhAdInnaiva zodhayet | varAhArkanRsiMhasya tathA paJcAkSarasya ca || 3-3 || mahAmantrasya kAlasya candracUDasya sanmanoH | napuMsakasya mantrasya siddhAdInnaiva zodhayet || 3-4 || viMzatyarNAdhikA mantrA mAlAmantrAH prakItItAH | sUryamantrasya yogasya kRtyAmantrasya zaGkara || 3-5 || zaMbhubIjasya devasya siddhAdInnaiva zodhayet | cakrezvarasya candrasya varuNasya mahAmanoH || 3-6 || kAlItArAdimantrasya siddhAdInnaiva zodhayet | tathApi zodhayenmantraM prazaMsAparameva tat || 3-7 || yatra prazaMsAparamaM tatkAryaM daivataM smRtam | prazaMsA yatra nAstyeva tatkAryaM nApi kArayet || 3-8 || atyantaphaladaM mantraM gRhNIyAt kularakSaNAt | dhanimantraM na gRhNIyAd akUlaJca tathaiva ca || 3-9 || gRhItvA nidhanaM yAti koTijApyena siddhyati | mananaM vizvavijJAnaM trANaM saMsArabandhanAt || 3-10 || yataH karoti saMsiddhau mantra ityabhidhIyate | praNavAdyaM na dAtavyaM mantraM zUdrAya sarvathA || 3-11 || AtmamantraM gurormantraM mantraM cAnapasaMjJakam | piturmantraM tathA mAturmantrasiddhipradaM zubham || 3-12 || zUdro nirayamApnoti brAhmaNo yAtyadhogatim | adIkSitA ye kurvanti japapUjAdikAH kriyAH || 3-13 || na bhavanti zriye teSAM zilAyAmuptabIjavat | devIdIkSAvihInasya na siddhirna ca sadgatiH || 3-14 || tasmAtsarvaprayatnena guruNA dIkSito bhavet | vicAraM cakrasArasya karaNIyamavazyakam || 3-15 || adIkSito'pi maraNe rauravaM narakaM vrajet | tasmAddIkSA prayatnena sadA kAryA ca tAntrikAt || 3-16 || dIkSApUrvadine kuryAt suvicAraM prayatnataH | tatprakAraM prayatnena kAryaM parvatapUjita || 3-17 || AdAvakaDame siddhirmantraM saJcArayed budhaH | rekhAdvayaM pUrvapare madhye rekhAdvayaM likhet || 3-18 || catuSkoNe catUrekhAkaDamaM cakramaNDalam | bhrAmayitvA mahAvRttaM nirmAya varNamAlikhet || 3-19 || akArAdikSakArAntAn klIbahInAn likhettataH | ekaikamato lekhyAn meSAdiSu (vRSA?)mInAntakAn || 3-20 || vAmAvartena gaNayet kramazo vIravallabha | tantramArgeNa gaNayennAmAdivarNakAdimAn || 3-21 || meSAdito'pi mInAntaM kramazaH zAstrapaNDitaH | siddhasAdhyasusiddhAdIn punaH siddhAdayaH punaH || 3-22 || navaikapaJcame siddhaH sAdhyaH SaDdazayugmake | susiddhastrisaptake rudre vedASTadvAdaze ripuH || 3-23 || etatte kathitaM nAtha akaDamAdikamuttamam | padmAkAraM mahAcakraM dalASTakasamanvitam || 3-24 || a A varNadvayaM pUrve dvitIye ca dvitIyakam | tRtIye karNayugmaJca caturthe nAsikAdvayam || 3-25 || paJcame nayanaM proktaM SaSThe oSThAdharaM tathA | saptame dantayugmaJca aSTame SoDazasvaram || 3-26 || kavargaJca pUrvadale dvitIye ca cavargaka | tRtIye ca TavargaJca caturthe ca tavargakam || 3-27 || pavargaM paJcame proktaM yavAntaM SaSThapatrake | saptame zaSasAn likhya (la?)hakSamaSTamake pade || 3-28 || sukhaM rAjyaM dhanaM vidyAM yauvanAyuSameva ca | vicArya cakramApnoti putrattvaJca svajIvanam || 3-29 || svIya--nAmAkSaraM tatra devanAmAkSaraM tathA | ekasthAnaM yugasthAnaM virodhaM dvividhaM smRtam || 3-30 || jIvanaM maraNaM tatra akArAdisu patrake | likhitvA gaNayenmantrI maraNaM varjayet sadA || 3-31 || yatrAsti maraNaM tatra jIvanaM nAsti nizcitam | parasparavirodhena siddhamantraJca mUladam || 3-32 || jIvane jIvanaM grAhyaM sarvatra maraNaM tyajet | kulAkulasya bhedaM hi vakSyAmi mantriNAmiha || 3-33 || vAyvagnibhUjalAkAzAH paJcAzallipayaH kramAt | paJcahrasvAH paJcadIrghAH bindvantAH sandhisambhavAH || 3-34 || kAdayaH paJcazaH (SakSa)yAdilasahakSAntAH prakItItAH | sAdhakasyAkSaraM pUrvaM mantrasyApi tadakSaram || 3-35 || yadyekabhUtadaivatyaM jAnIyAtsakulaM hitam | bhaumasya vAruNaM mitramAgneyasyApi mArutam || 3-36 || pAthIvANAJca sarveSAM zatrurAgneyamambhasAm | endravAruNayoH zatrurmArutaH parikItItaH || 3-37 || pAthIve vAruNaM mitraM taijasaM zatrurIritaH | nAbhasaM sarvamitraM syAdviruddhaM naiva zIlayet || 3-38 || rekhASTakaM hi pUrvAgraM rekhaikAdazamadhyataH | dakSiNottarabhAgena dakSiNAvadhimAlikhet || 3-39 || kulAkulaJca kathitaM tArAcakraM punaH zRNu | dakSiNottaradeze tu rekhAcatuSTayaM likhet || 3-40 || dazarekhAH pazcimAgrAH kartavyAH vIravandita | azvinyAdikrameNaiva vilikhettArakAH punaH || 3-41 || vakSyamANakrameNaiva tanmadhye varNakAn likhet | yugmamekaM tRtIyaJca vedamekaikayugmakam || 3-42 || ekayugmaM tathaikaJca yugalaM yugalaM yugam | ekaM yugmaM tRtIyaJca candranetraM vividhaM vidhum || 3-43 || candrayugmaM candrayugmaM rAmavedaM gRhe zubhe | varNAH kramAH svarANyeva revatyazvigatAvubhau || 3-44 || akAradvayamazvinyAM devatAgaNasambhavAH | ikAraM bharaNI satyAM kRtsnamusvarakRttikA || 3-45 || rAkSasI kRttikA bhUmau sarvavidhnavinAzinI | nAsikAgaNDamantraJca rohiNIzavarUpiNI || 3-46 || oSThamadhye mRgazirA devatA parikItItA | adharAntamArdrayA ca mAnuSaM sarvalakSaNam || 3-47 || dantayugmaM punarvasvAcchAditaM mAnuSaM priyam | kaH puSyA devatA jJeyA khagAzleSA ca rAkSasI || 3-48 || maghAvakSe ghaGAntA ca tathA ca pUrvaphAlgunI | chajottarA--phalgunI ca manuSyAH parikItItAH || 3-49 || jhaJahastA devagaNA TaThacitrA ca rAkSasI | DasvAtI devaramaNI vizAkhA DhaNarAkSasI || 3-50 || tathadAnurAdhayA ca zobhitA devanAyikA | dha jyeSThA rAkSasI jJeyA mUlAnapapharAkSasI || 3-51 || pUrvASADhA mAnusAnI bakArAkSayamAlinI | bhottarASADhayA martyo makAraH zravaNaH mataH || 3-52 || dhaniSThA yararakSaH strIlasthA zatabhiSA tathA | vazapUrvabhAdrapadA manujAH parikItItAH || 3-53 || tathottarAbhAdrapadA mAnuSI--maGgalodbhavA | aM aH lRhakSarevatI ca devakanyAH prakItItAH || 3-54 || svajAtau paramA prItirmadhyamA bhinnajAtiSu | rakSomAnuSayornAzo vairaM dAnavadevayoH || 3-55 || janmasampat vipat kSemapratyariH sAdhako vadhaH | mitraM paramamitraJca gaNayecca punaH punaH || 3-56 || varjayejjanmanakSatraM tRtIyaM paJcasaptakam | SaDaSTanavabhadrANi yugaJca yugmakaM tathA || 3-57 || yadIha nijanakSatraM na jAnAti dvijottamaH | nAmAdyakSarasambhUtaM svatAramavirodhakam || 3-58 || vinIya gaNayenmantrI zubhAzubhavicAravAn | prAdakSiNyena gaNayet sAdhakAdyakSarAt sudhIH || 3-59 || ityetat kathitaM nAtha mamAtmA puruSezvara | kulAkulamanantAkhyaM tArAcakraM manorguNa || 3-60 || tArAmantraM pradIpAbhaM ratnabhANDasthitAmRtam | etadvicAre mahatIM siddhimApnoti mAnavaH || 3-61 || rAzicakraM pravakSyAmi siddhilakSaNamuttamam | krameNa deyA yugalA rekhA pUrvAparodgamA || 3-62 || tanmadhyato dvayaM dadyAd rekhAgnidakSiNe tataH | agninairRtivAyavIzakrameNa rekhayet tathA || 3-63 || vilikhenmeSarAzyAdi mInAntaM sarvavarNakAn | kanyAgRhagatAn zAdivarNAnAlikhya yatnataH || 3-64 || gaNayetsAdhakazreSTho lagnAdyAmavyayAntakAn | svarAzidevakoSThAnAmanukUlAn bhajenmanUn || 3-65 || rAzInAM zuddhatA jJeyA tyajet zatrumRtiM vyayam | svarAzermantrarAzyantaM gaNanIyaM vicakSaNaiH || 3-66 || sAdhyAdyakSararAzyantaM gaNayet sAdhakAkSarAt | ekaM vA paJca navamaM bAndhavaM parikItItam || 3-67 || dviSaDdazamasaMsthAzca sevakAH parikItItAH | rAmarudrAzca munayaH poSakAH parikItItAH || 3-68 || sUryASTavedayuktAstu ghAtakAH sarvadoSadAH | zaktyAdau tu mahAdeva kulacUDAmaNiryatiH || 3-69 || varjayet SaSThagehaJca aSTamaM dvAdazaM tathA | lagnaM dhanaM bhrAtRbandhuputrazatrukalatrakAH || 3-70 || maraNaM dharmakarmAyavyayA dvAdazarAzayaH | nAmAnurUpameteSAM zubhAzubhaphalaM dizet || 3-71 || vaiSNave tu mahAzatroH sthAne bandhuH prakItItaH | kUrmacakraM pravakSyAmi zubhAzubhaphalAtmakam || 3-72 || yajjJAtvA sarvazAstrANi jAnAti paNDitottamaH | abhedyabhedakaM cakraM zRNuSvAdarapUrvakam || 3-73 || kUrmAkAraM mahAcakraM catuSpAdasamAvRtam | muNDe svarA dakSapAde kavargaM vAmapAdake || 3-74 || cavargaM kItItaM pazcAd adhaHpAde Tavargakam | tadadhastu tavargaM syAdudare ca pavargakam || 3-75 || yavAntaM hRdaye proktaM sahAntaM pRSThamadhyake | lAGgUle zatrubIjaJca kSakAraM liGgamadhyake || 3-76 || likhitvA gaNayenmantrI cakraM kalimalApaham | svare lAbhaM kavarge zrIzcavarge ca vivekadam || 3-77 || Tavarge rAjapadavIM tavarge dhanavAn bhavet | udare sarvanAzaH syAd hRdaye bahuduHkhadam || 3-78 || pRSThe ca sarvasantoSaM lAGgUle maraNaM dhruvam | vaibhavaM (pRSTha?)liGgadeze tu duHkhaJca vAmapAdake || 3-79 || viruddhadvayalAbhe tu na kuryAccakracintanam | viruddhaike dharmanAzo yugmadoSe ca mAraNam || 3-80 || yatra devAkSaraJcAsti tatra cennijavarNakam | viruddhaJcettyajet zatrumanyamantraM vicArayet || 3-81 || pRthaksthAne yadi bhavedvarNamAlA mahezvara | yadi tat saukhyabhAvaH syAt saukhyaM nApi vivarjayet || 3-82 || vibhinnagehe doSazcet zubhamantraJca santyajet | iti te kathitaM devi(deva) dRSTAdRSTaphalapradam || 3-83 || yaH zodhayeccared varNaM mantramAlAmahezvaraH | yadi zudhyati cakrendraM mantrasiddhipradaM zubham || 3-84 || zivacakraM pravakSyAmi mahAkAlakulezvara | avazyaM siddhimApnoti zivacakraprabhAvataH || 3-85 || SaTkoNamadhyadeze tu caturasraM likhed budhaH | tanmadhye vilikheccAru caturasraM savarNakam || 3-86 || mastakasthatrikoNe tu zivasaMsthAnamantrakam | dakSiNAvartamAnena gaNayet sarvamantrakam || 3-87 || viSNusthAne svamantraJca dvitIye ca trikoNake | trikoNe ca tRtIye ca brahmasaMsthAnamantrakam || 3-88 || zaktimantrAdisaMsthAnaM trikoNAdho mukhe tathA | nAyikAmantrasaMsthAnaM trikoNAdho mukhe tathA || 3-89 || nAyikAmantrasaMsthAnaM tadvAme durlabhaM zubham | tadUdrdhve ca trikoNe ca bhUtasaMsthAnamantrakam || 3-90 || zivAdho yakSamantrasya saMsthAnamatidurlabham | viSNubrahmasandhideze mahAvidyApadaM dhruvam || 3-91 || svarasthAnaM tathA varNasthAnaM zRNu mahAprabho | a--AvarNaMdvayaM zaive kavargaJca sabindukam || 3-92 || viSNau netraM cavargaJca TavargaM brahmaNi zrutam | tavargaM nAsikAzaktau sarvamantrArthacetanam || 3-93 || nAyikAyAM pavargaJca na yugaM parikItItam | bhUte yavAntaM vilikhedoSThAdharasamanvitam || 3-94 || praNavaM yakSamantre ca zakAraM parikItItam | adhodantaM pizAce ca SayuktaM bindubhUSitam || 3-95 || zivo bIjaM devamantre sakAraJca sabindukam | mahAvidyAdisaMsthAne lakSavarNaM prakItItam || 3-96 || iti te kathitaM zambho zRNu varNAGka(Gga)varNanam | zive ekaviMzatizca dvAtriMzadviSNukoNake || 3-97 || brahmaNe SoDazAdyaJca zaktikUTe yugASTakam | nAyikAyAM vahnibANaM bhUte saptAGkameva ca || 3-98 || yakSe ca candravedaJca pizAce'STavasuH smRtaH | sarvadeve bANavedaM kRtyAyAM SaSThaSaSThakam || 3-99 || madhye SaSThe hutAzaJca mahAvidyAgRhe zubhe | sAdhakasya ca sAdhyasyaikAGkaM sAdhyamandire || 3-100 || sAdhakAGkamUrdhvadeze sAdhyAGkaM gaNayedadhaH | bhujayugmaM zive proktaM viSNau vAmASTakaM tathA || 3-101 || RSicandraM vidhau proktaM zaktau rAmASTakaM tathA | nAyikAyAM vedabANaM bhUte'STanavamaM tathA || 3-102 || yakSe yugmaM caturthaM ca pizAce vajrakASTakam | zaktau vazakRtau jJeyau kRtyA(la)yAM muniSaSThakam || 3-103 || yasmin yasmin gRhasthA ye devatAstu mahAphalAH | ka0 | anAmAkSaradehasthamakSaraM dviguNaM smRtam | sAdhyAGkena yojayitvA pUrayetSaSThapaJcamaiH || 3-104 || tadgehaM grAhayed yatnAt devatAdyakSaraM yathA | ekazeSasthitaM varNaM kuryAnnApi vivecanam || 3-105 || zuddhaM taddhi vijAnIyAdvicAramanyato'pi ca | SaSThAGkena ca vedAGkaM tathA ca devavarNakam || 3-106 || zazAGkaM mizritaM cAGkaM dviguNaM devatArNakam | ka0 | pazcAt kRtvA tadaGkaJca haredrAmeNa vallabha | yadi sAdhyAGkaM vistIrNaM tadA naiva zubhaM bhavet || 3-107 || sAdhakAGkaJca vistIrNaM yadi syAjjAyate gRhe | tadA sarvakulezaH syAd rudrazravaNasaMzayaH || 3-108 || dviguNaM devatAvarNaM sAdhakAGkena yojayet | varNasaMkhyAGkamAlikhya gaNayet sAdhakottamaH || 3-109 || rasabANena sampUrya saMharet rasasaMkhyayA | AtmAGkamizritaM pazcAd yadi kiJcinna tiSThati || 3-110 || svIyAbhidhAnakAGkasya dviguNaJcApi yojayet | pazcAdanalasaMkhyAbhirharet saukhyAthImuktaye || 3-111 || aGkaM bahutaraM grAhyaM sAdhakasya sukhAvaham | na grAhyaM sAdhyavistIrNami(ma?)tizAstrArthanizcayam || 3-112 || vicArAdasya cakrasya rAjatvaM labhate dhruvam | samAnAGkena gRhNIyAd guNyAGkaM varjayediha || 3-113 || avazyaM cakramevaM hi gopanIyaM surAsuraiH | viSNucakraM pravakSyAmi cakrAkAraM sugopanam || 3-114 || sarvasiddhipradaM zuddhaM cakraM kRtvA phalapradam | zRNu nAtha mahAviSNoH sthAnaM maGgaladAyakam || 3-115 || lakSmIpriyamaGkamayaM navakoNaM mahAprabham | tadUrdhve ca tamAlikhya tadUdrdhve'STagrahaM zubham || 3-116 || catuSkoNAkAragehaM sandhau zUnyASTakaM likhet | tadUrdhve ca tamAlikhya cakrametaddhanezvara || 3-117 || pUrve mahendrAbharaNamUdrdhvadezollasatkaram | munirAmakhacandrAdyamaGkaM sarvasamRddhidam || 3-118 || dakSiNe vahnibharaNaM rasavede khayugmakam | tadadho rAmacakraJca saptaSaTsu ca rAmakam || 3-119 || tadadho nirRte svarge yugAGkazUnyavedakam | kevalAdho jalezasya mandiraM sumanoharam || 3-120 || rAmeSu zUnyabANADhyaM tasyAmevAyumandiram | bhujahastakharasADhyaM cakredamIzvarAtmakam || 3-121 || navakoNaM madhyadeze paJcAGgabhAgamAlikhet | tanmadhye racayedvarNaM paJcakoNe trikoNake || 3-122 || indrAdho vilikhed dhIro varNamAdyaJca saptakam | bhAge dakSiNakoNeSu RkArAdaGkakaM likhet || 3-123 || kakArAdiTakArAntaM tadadho vilikhed budhaH | tadvAme ThAdimAntaJca varNalakSaNakAraNam || 3-124 || tadUdrdhve yAdivarNaJca cakraJca gaNayettataH | pUrvakoNapatiH zakro dvitIyezau yamAnalau || 3-125 || nirRtirvaruNazcaiva tRtIyamandirezvaraH | caturthAdhipatirvAyuH kubero nAtha ityapi || 3-126 || paJcagehasyAdhipatirIzo vizvavidAmbaraH | paJcakoNe pratiSThanti paJcabhUtAzayasthitAH || 3-127 || prANe siddhimavApnoti cApAne vyAdhipIDanam | samAne sarvasampattirudAne nirdhanaM bhavet || 3-128 || vyAne ca IzvaraprAptiretasmin lakSaNaM zubham | pUrvagehe mahAmantraM mantratyAgaM karoti yaH || 3-129 || sa tAvat sAdhakazreSTho viSNumArgeNa zaGkara | vizeSaM zRNu yatnena sAvadhAnAvadhAraya || 3-130 || saptAkSaraM tryakSaraM ca dazamAkSarameva ca | pUrvagehe yadi bhavedAdyAkSarasamanvitam || 3-131 || tadA bhavati siddhizca sarvamevaMprakArakam | SaSThAkSaraM vedavarNaM viMzatyarNaM mahAmanum || 3-132 || AmnAyAdyakSaraM vyAptaM saphalaM gaNayed budhaH | tathAsmin mama gehe ca mantraM saptAkSaraM zubham || 3-133 || SaSThAkSaraJca gaNayettriMzadakSarameva ca | AdyAkSarasamAyuktaM sAdhyasAdhakayorapi || 3-134 || ekasyApi ca lAbhe ca mantrasiddhirakhaNDitA | mantrAkSarAdilAbhaJca avazyaM gaNayediha || 3-135 || nairRte ca jalezasya dvayakSaraJca navAkSaram | zUnyadevAkSaraM nAtha gaNanIyaM vicakSaNaiH || 3-136 || tathAtra akSaraM mantraM paJcAkSaramanaM tathA | paJcAzadakSaraM mantraM mandire gaNayet zubham || 3-137 || vAyukoNe kuberasya mandire gaNayettathA | dvAviMzatyakSaraM mantraM zUnyaSaSThamanuM tathA || 3-138 || paJcAkSaraM tArikAyAH zive paJcAkSaraM tathA | susaptamantragrahaNe saphalaM parikItItam || 3-139 || IzAnapaJcakoNe ca saphalaJca navAkSaram | aSTAkSaraM hi vidyAyA gaNayet sahitaM sudhIH || 3-140 || etaduktaJca gaNayedviruddhaM naiva zIlayet | prANamitraM samAnaJca samAno vyAnabAndhavaH || 3-141 || etatsthitaJca gRhNIyAd doSabhAk sa bhavet kvacit | ekadaiva priye prItirekagehe tathA priyam || 3-142 || gRhItvA viSNupadavIM prApnoti mAnavaH kSaNAt | yadi cakraM na vicArya ripumantraM sadA nyaset || 3-143 || nijAyuSaM chinattyeva mUko bhavati nizcitam | vicArya yadi yatnena sarvacakre priyaM hitam || 3-144 || mahAmantraM mahAdeva laghu siddhyati bhUtale || 3-145 || iti zrIrudrayAmale uttaratantre mahAtantroddIpane sarvacakrAnuSThAne siddhamantraprakaraNe bhAvanirNaye bhairavabhairavIsaMvAde tRtIyaH paTalaH || 3 || atha caturthaH paTalaH zrIbhairavI uvAca atha vakSyAmi cakrAnyat zRNu bhairava sAdaram | yena hInA na siddhyanti mahAvidyA varapradAH || 4-1 || tava cakraM brahmaNA vyaktaM brahmacakramudAhRtam | yasya jJAnAt svayaM brahmA svabalena bhavaM sRjet || 4-2 || akAlamRtyuharaNaM paraM brahmapadaM vraje | catuSkoNe catuSkoNaM tanmadhye ca catuzcatuH || 4-3 || madhyagehaM veSTayitvA iSTaM mandiramuttamam | aSTakoNe mahAdeva SoDazasvaramAlikhet || 4-4 || aSTakoNaM veSTayittvA vRttayugmaM likhet sudhIH | madhyagehe catuSkoNe kAdikSAntaJca varNakam || 4-5 || dakSiNAvarttayogena vilikhet sAdhakottamaH | tadUdrdhve svagRhe cAGkaM vilikhya gaNayet sudhIH || 4-6 || caturgehasyodrdhvadeze yugmagehe kramAllikhet | sAdhyasya sAdhakasyApi meSAdikanyakAntakam || 4-7 || adho likhettulAdyantamiti rAzyAdikaM zubham | tato likhed gehadakSe yugmagehe mahezvara || 4-8 || tArakAnazvinI tArAdyantAn dakSiNato likhet | varNakrameNa vilikhed vedamandiramaNDale || 4-9 || UdrdhvAdhaH kramazo lekhyamaGgatAraM surezvara | tato hi gaNayenmantrI yojayitvA krameNa tu || 4-10 || sukhaM rAjyaM dhanaM vRddhiM kalahaM kAladarzanam | siddhimRddhimaSTakoNe viditvA ca zubhAzubham || 4-11 || gaNayedrAzinakSatraM manucAhaM vivarjayet | sukhe sukhamavApnoti rAjye rAjyamavApnuyAt || 4-12 || dhane dhanamavApnoti vRddhau vRddhimavApnuyAt | meSo vRSamithunazca karkaTaH siMha eva ca | kanyakA devatA jJeyA nakSatrANi punaH zRNu || 4-13 || UdrdhvayugmagRhasyApi dakSavAme ca bhAgake | nakSatrANi santi yAni tAni zRNu mahAprabho || 4-14 || azvinI mRgazirAzleSA hastAnurAdhikA tathA | uttarASADhikArdrA vA pUrvabhAdrapadA tathA || 4-15 || dakSAgrahastitAstArAH spaSTIbhUtAzca devatAH | etAsAmadhipA ete rAzayo graharUpiNaH || 4-16 || karkaTakezarI kanyAdevatAH parikItItAH | eteSAJcApi varNAnAmadhipAzceti rAzayaH || 4-17 || kakArasya(Dha?) khakArasya JakArasya TakArapaH | dakArasya phakArasya yakArasya sakArapaH || 4-18 || nakArasyApi patayo jJeyAzca kramazaH prabho | saMzRNu rohiNIpuSyA tathA cottaraphAlgunI || 4-19 || vizAkhA ca tathA jJeyA pUrvASADhA ca tArakA | tathA zatabhiSAtArA vAmamandiraparvagAH || 4-20 || etAsAmadhipA ete rAzayo graharUpiNaH | meSo vRSo mithunazca IzvarAH parikItItAH || 4-21 || etadgehasthitaM varNamete rakSantyanityazaH | kakArasya nakArasya RkArasya ukArapaH || 4-22 || akArasya pakArasya makArasya vakArapaH | hakArasyAdhipA ete RddhimokSaphalapradAH || 4-23 || dakSiNAdhogRhasyApi devatA iti rAzayaH | tulA ca vRzcikazcaiva dhanuzcaiva grahezvaraH || 4-24 || etAsAM tArakANAJca patayo gaditA mayA | bharaNyArdramaghAcitrAjyeSThAzravaNavallabhAH || 4-25 || tathottarabhAdrapadA vallabhAH rAzayo matAH | atha gehasthitaM varNaM zRNu nAtha bhayApaha || 4-26 || yakArasya dakArasya TakArasya nakArapaH | dhakArasya vakArasya cakArasya yakArapaH || 4-27 || kSakArapaNakA ete rAzayaH parikItItAH | dhanavRttipradA nityA nityasthAnanivAsinaH || 4-28 || vAmAdhomandirasyApi vallabhA iti rAzayaH | makarAdhastu koSTheSu mIno rAziphalasthitAH || 4-29 || etAni bhAni rakSanti zUlapAzAsidhArakAH | punarvasuH kRttikA ca tathAbhaMpUrvaphalgunI || 4-30 || svAtI mUlA dhaniSThA ca revatI vAmagehagAH | etAsAmadhipA ete jalasthA grahadevatAH || 4-31 || etAn varNAn prarakSanti gRhasthA nava rAzayaH | dhakArasya jakArasya TakArasya takArapaH || 4-32 || nakArasya bhakArasya lakArasya takArapaH | kalahAdimahAdoSakAladarzanakArakAH || 4-33 || rAzayo lokahA nAtha tanmantraM parivarjayet | yadyekadevatAgehaM vibhinnaJca suzobhanam || 4-34 || catuH sthAnaM yugasthAnaM sarvatrApi niSedhakam | ekagehasthitaM mantraM bahusaukhyapradAyakam || 4-35 || nAmna AdyakSaraM nItvA rAzinakSatravismRtau | sabhAvaM sAdhakazreSThaH kalahe kalahaM bhavet || 4-36 || ripuzcenmUlanAzaH syAt kalaho'pi surezvara | netrayugmaM svaraM pAti siMho hi kanyakAM tathA || 4-37 || karNayugmaM tulA pAti saMyugaM vRzciko dhanuH | cayugaM makaraH pAti kumbho mInazca pAti hi || 4-38 || oSThaJca pAti ca tathA adharaM meSa eva ca | dantayugmaM vRSaH pAti mithunaH zeSago'kSaraH || 4-39 || yasya ye ye rAzayaH syustasya tattacchubhaM smRtam | ekarAziH zubhaM nityaM dadAti ca manoratham || 4-40 || anyatra dukhadaM proktaM sAdhakaH siddhibhAg bhavet | bhinnarAzau varjanIyaM kalahaM kAladarzanam || 4-41 || zrUyatAM zailajAnAtha cakraM zrItridazAtmakam | pUrvapazcimabhedena SaT ca rekhAH samAlikhet || 4-42 || vAmAdi dakSiNAntaJca rekhA daza samAlikhet | paJcagehe pUrakAGkaM sarvAdhohArakAGkakam || 4-43 || tanmadhye racayedakSaM devatAgrahasaMyutam | pUrakAGkaM madhyagehe saptaSIyuktamAlikhet || 4-44 || taddakSiNe dvAdazaJca taddakSeNa rasaM tathA | taddakSe aSTadazake taddakSe SoDazasmRtam || 4-45 || pUrakAGkaM tato lekhyaM indrAdyaGkAzca dakSataH | indragehe ca zatakaM vidhividyAphalapradam || 4-46 || dharmagehe zUnyasapta yugalaM vilikhed budhaH | anantamandire nAtha zUnyASTavasureva ca || 4-47 || kAlIgRhe zUnyavedavAmAdyAGkaM vilikhettataH | dhUmAvatImandire ca zUnyakheSu nizApatim || 4-48 || indrAdyA dakSato lekhyA aGkAzcandrAdhidevatAH | zUnyASTacandrayuktaJca sarvatra devatA likhet || 4-49 || tathAzvinIkumArau ca zUnyAnalayugAyugau | tatpazcAt pUrvagehaJca sahasrArkasamanvitam || 4-50 || tAriNImandirasthAGkaM zUnyavedaM tathaiva ca | bagalAmukhIgehasthaM zUnyASTacandrasaMyutam || 4-51 || tatazcandragRhasyAdho vAyurgehaM manoramam | randhravedAtmakaM gehaM sarvasiddhipradAyakam || 4-52 || rAhugehaM mahApApaM zUnyazUnyamunipriyam | pazcAdekatra hastaJca khazUnyayugalAtmakam || 4-53 || SoDazImandire zUnyamaSTacandrasamanvitam | mAtaGgImandire zUnyarudracandrasamanvitam || 4-54 || vAyoradhovaruNasya gRhaM saptazazipriyam | taruNI gehamadhye ca zUnyASTakasamanvitam || 4-55 || budhagehasthitAGkaJca zUnyacandrayugAtmakam | bhuvanezImandirasthaM zUnyASTakazazipriyam || 4-56 || varuNAdhaH kuberasya gRhasthaM SaT ca yugmakam | AnantabhairavI gehe dazakaM parikItItam || 4-57 || dharaNIgRhamadhye ca zUnyayugmendusaMyutam | bhairavI gRhamadhyasthaM zUnyayugalacandrakam || 4-58 || rAzigRhasthitaM zUnyaSIcandramaNDalasaMyutam | kuberAdhaH svakaM cakrasthitAGkaM sarvasiddhidam || 4-59 || Izvarasya gRhasthaJca saptazUnyayugAtmakam | tiraskariNyA gehasthaM sahasrAGkasamanvitam || 4-60 || kiGkiNImandiraM pazcAdaSTacandrasamanvitam | chinnamastAgRhaM pazcAcchUnyASTacandramaNDalam || 4-61 || vAgIzvarIgRhaM pazcAt saptamaM candramaNDalam | mahAphalapradAtAraM dharmo rakSati taM punaH || 4-62 || Izvarasya adhogehe baTukasya gRhaM tataH | zUnyASTamAdyaM svagRhaM dharmArthakAmamokSadam || 4-63 || tatpazcAt DAkinIgehaM khazUnyamunisaMyutam | hanti sAdhakasaukhyaM hi kSaNAdeva na saMzayaH || 4-64 || svagRhe svIyamantrasya phaladaM parikItItam | bhImAdevIgRhaM pazcAt khasaptacandramaNDalam || 4-65 || bhayadaM sarvadeze tu varjayed gRhAntaram | lakSavarNaM likhet zeSagRhe dve paNDitottamaH || 4-66 || indragehAvadhiM dhIro vakArAdikavarNakam | kSakArAntaM likhettatra gaNayet sAdhakastataH || 4-67 || pUrakAGkamUdrdhvadeze hArakAGkamadho likhet | nijanAmAkSaraM yatra tatkoSThAGkaM mahezvara || 4-68 || nIttvA ca pUjayedvidvAn svasvagehordhvadezagaiH | aGkaistato harernAtha adho'Gke hAryazeSakam || 4-69 || vistAraJceddevatAGgastadaGgaH zubhadaH smRtaH | alpAGgaH zubhadaH proktaH sAdhakasya sukhAvahaH || 4-70 || ekAkSare mahAsaukhyaM tatrApi gaNayed vacaH | dhIrAGkaH zUnyagAmI ca devatAGkastathA vibho || 4-71 || tadA naiva zubhaM vidyAdazubhAya prakalpyate | eke dhanamavApnoti dvitIye rAjavallabhaH || 4-72 || tRtIye jApyasiddhiH syAccaturthe maraNaM dhruvam | paJcame paJcamAnaH syAt SaSThe duHkhotkaTAni ca || 4-73 || zaivAnAM zAktavarNAnAmityaGkaH parigRhyate | vaiSNavAnAM niSedhe ca paJcamAGko niSedhakaH || 4-74 || yAsAM yAsAM devatAnAM hiMsA tiSThati cetasi | tanmantragrahaNAdevASTaizvaryayuto bhavet || 4-75 || yaddevasyAzritA ye tu tadgRhAGkaM haranti te | UdrdhvAGkena pUrayittvA adho'Gkena haretsadA || 4-76 || RNidhanimahAcakraM vakSyAmi zRNu tattvataH | darzanAdeva koSThasya jAnAti pUrvajanmagam || 4-77 || devaM bahutarAGgeSu jJAtvA siddhIzvaro bhavet | nijasevyAM mahAvidyAM gRhItvA muktimApnuyAt || 4-78 || koSThazuddhaJca mantraJca ye gRhNanti dvijottamAH | teSAM duHkhAni nazyanti mamAjJA balavattarA || 4-79 || koSThazuddhaM mahAmantraM phaladaM rudrabhairava | na hAtavyaM mahAmantraM sadgurupriyadarzanAt || 4-80 || tatra koSThaM na vicAryaM cejjAnAti vicAryakam | mahAvidyA mahAmantre vicAryakoTipuNyabhAk || 4-81 || avicAre coktaphalaM dadAti kAmasundarI | koSThAnyekAdazAnyeva devena pUritAni ca || 4-82 || akArAdihakArAntaM likhet koSTheSu tattvavit | prathamaM paJcakoSTheSu hrasvadIrghakrameNa tu || 4-83 || dvayaM dvayaM likhettatra vicAre khalu sAdhakaH | zeSeSvekaikazo varNAn kramazastu likhetsudhIH || 4-84 || amAvarNa dvayasyArddhAvadhistu kramazo'Gkakam | Adyamandiramadhye tu SaSThAGkaM vilikhed budhaH || 4-85 || dvitIye SaSThacinhaJca tRtIye ca gRhe tathA | caturthe gaganAGkaJca paJcame cakratrayaM tathA || 4-86 || SaSThacApe caturthaJca saptame ca caturthakam | aSTame gaganAGkaJca navame dazamaM tathA || 4-87 || zeSamandiramadhye tu trayAGkaM vilikhettataH | ete nAtha sAdhyavarNAH kathitAH kramazo dhruvam || 4-88 || kathayAmi sAdhakArNaM sakalArthanirUpaNam | Adyagehe dvitIyaJca dvitIye ca tRtIyakam || 4-89 || tRtIye paJcamaM proktaM gaganaM vedapaJcake | SaSThe yugalamevaM hi saptame candramaNDalam || 4-90 || aSTame gaganaM proktaM navame ca caturthakam | vedaJca dazame proktaM candramekAdaze tathA || 4-91 || sAdhakArNAH smRtAH tvete varNamaNDalamadhyagAH | sAdhyavarNAn mahAdeva svaravyaJjanabhedakAn || 4-92 || evaM hi sarvamantrArNAnamaSTAdyaGkaiH prapUrayet | ekIkRtya haredaSTasaMkhyAbhiH kSaNavallabhe || 4-93 || yasyApahasthitaM varNaM tannebhavyaM manau zubhe | sAdhakAbhidhAnavarNA svaravyaJjanabhedakAn || 4-94 || pRthak pRthak saMsthitAMzca vyaktaM zRNu punaH punaH | dvitIyAdyaGkacandrAnte saMpUrvASTabhirAharet || 4-95 || mantro yastvadhikAGkaH syAttadA mantraM japet sudhIH | same'pi ca japenmantraM na japettu RNAdhike || 4-96 || zUnye mRtyuM vijAnIyAttasmAcchUnyaM vivarjayet | dvitIyAdyaGkajAlaJca vaiSNave sukhadaM smRtam || 4-97 || dvitIyAdyaGkajAlaJca vaiSNave sukhadaM smRtam | dvitIyAdyaGkajAlaJca tathA vai parikItItam || 4-98 || indrAdyaGkaM tathA nAtha saure zAkte zubhapradam | tathA diksaMkhyakAGkaJca sAdhakasya zubhapradam || 4-99 || tadaGkaM zRNu yatnena pUrvavat sakalaM smRtam | sthalaJcaiva vibhinnAGkamUdrdhvAdhazca krameNa tu || 4-100 || sAdhyAGkAn sAdhakAGkAÁzca pUrayed gRhasaMkhyayA | guNite tu hRte cApi yaccheSaM jAyate sphuTam || 4-101 || tadaGkaM kathayAmyatra ekAdazagRhe sthitam | indratArAsvargaravitithiSaDvedadAhanAH || 4-102 || aSTavasu navAGkasthAH sAdhyArNaguNitA iti | digbhUgirizrutigajavahniparvatapaJcamAH || 4-103 || vedaSaSThAnalAGkaJca gaNayet sAdhakAkSarAn | nAmAdyakSaramArabhya yAvanmantrAkSaraM bhavet || 4-104 || tatsaMkhyAJca tridhA kRtvA saptabhiH saMhared budhaH | adhikaM ca RNaM proktaM taccheSaM dhanamucyate || 4-105 || athavAnyaprakAraJca kRtvA mantraM samAzrayet | nAmAdyakSaramArabhya yAvat sAdhakavarNakam || 4-106 || tAvatsaMkhyAM saptaguNaM kRtvA vAmairhared budhaH | zrIvidyetaravidyAyAM gaNanA parikItItA || 4-107 || athavAnyaprakAraJca sakalAn sAdhakAkSarAn | svaravyaJjanabhedena dviguNIkRtya sAdhakaH || 4-108 || sAdhyayuktaM tataH kRtvA svaravyaJjanabhedakam | aSTAbhiH saMharedaGkaM zRNu saMhAravigraham || 4-109 || pUrvacArakramaM samyak sarvatrApi zubhAzubham | asya vicAramAtreNa siddhiH sarvArthasAdhikA || 4-110 || pUrvajanmArAdhitAyAM tAM prApnoti hi devatAm | athAnyat sampravakSyAmi sAvadhAnAvadhAraya || 4-111 || ulkAcakraM sarvasAraM mantradoSAdinirNayam | matsyAkAramUrdhvamukhaM sarvamantrAdi vigraham || 4-112 || skandhadezAvadhirnAtha pucchaparyantameva ca | ekAkSarAdimantrAdidvAdazAntAkSarAtmakam || 4-113 || vilikhet pRSThadeze tu zubhAzubhavizuddhaye | trayodazAkSarAn vAtha ekaviMzAkSarAntakam || 4-114 || netavyaM sAdhakairmantraM pRSThasthamudarasthakam | tathA zrIzubhadaM proktaM kaNThAdipucchakAntakam || 4-115 || dvAviMzAdi catustrizadakSarAntamanuM zubham | pucchasthaM nApi gRhNIyAt mukhasthaJca tathA dhruvam || 4-116 || zIrSasthaJcApi gRhNIyAt tadakSaraM zRNu prabho | paJcatriMzAdi dvicaturdvAviMzadantameva ca || 4-117 || mastakasthaM zubhaM proktaM mukhavarNAn zRNu prabho | tricatvAriMzadarNAdi ekapaJcAzadantakam || 4-118 || mukhasthamantamazubhaM na gRhNIyAt kadAcana | pRSThasthaM zRNu yatnena nirarthakamahAzramam || 4-119 || zramagAtrasya pIDAbhirdevatA kupyate'nizam | dvipaJcAzadakSarAdi ekaSaSTitamAntakAn || 4-120 || varNAn pucchasthitAnetAn netrasthAn zRNu vallabha | dviSaSTitamavarNAdi catuHSaSTyakSarAntakAn || 4-121 || aGkaM locanasaMsthaM ca tato'nyaM rasanAsthitam | tatsarvaM zubhadaM proktametadanyatamaM smRtam || 4-122 || vaiSNavAnAJca zaivAnAM zAktAnAM mantrajApane | tato'nyadevabhaktAnAM bhuktimuktipradaM nRNAm || 4-123 || atha vakSye mahAdeva cakrasAraM sudurlabham | rAmacakraM mahAvidyA sarvamandirameva ca || 4-124 || sarvasiddhipradaM mantraM nijanAmasthamAzrayet | tadaiva siddhimApnoti satyaM satyaM mahezvara || 4-125 || tatprakAraM zRNu krodhabhairava priyavallabha | navAGkAn pralikhed vidvAn vAmadakSiNabhAgataH || 4-126 || tanmadhye kramazo dadyAt tathA saptadazAGkakAn | dakSiNAdikrameNaivamuktavidyAH samAlikhet || 4-127 || akArAdikSakArAntaM sarvasmin mandire likhet | bAlAdidevatAH sarvA bhrAmaryantAzca devatAH || 4-128 || asyAkAzavidhe gehe sAntanityaM phalapradam | punavIlomamArgeNa AdikSAntArNamandire || 4-129 || raktadantAdi zrIvidyA mantrAntaM vilikhed budhaH | kSakArAdyanulomena akArAntaM likhet tataH || 4-130 || punastaccheSavidyAzca zeSagehe likhet sadA | kAyazodhanamukhyAdi zailavAsini mantrakam || 4-131 || paJcaviMzatigehasthaM gaNayet sAdhakastataH | gRhasthamaGkaM vakSyAmi zRNu yogIzavallabha || 4-132 || bAlAgRhAdizeSAntaM munihastavidhau gRhe | krameNa zRNu tatsarvaM sAvadhAnAvadhAraya || 4-133 || dakSiNAvartayogena gaNayet kramazo budhaH | vasusaptapaJcameSuvahnivedAnalastathA || 4-134 || muniSaSThAdyavedAzca sapteSumunayastathA | paJcavedeSuvasavo vedeSuvahnayastathA || 4-135 || vahnivedAzca samproktA AkAzaM tadanantaram | AkAzAnantare gehe analaM parikItItam || 4-136 || tatpazcAt sarvageheSu sarvAGkaM dakSataH zRNu | vahni vahnivedavahni vedavahnaya eva ca || 4-137 || zravaNAkSivedabANa vedeSu saptakastathA | SaSThASTasaptamAH proktA vahnyagnISu munistathA || 4-138 || munISu bANavedAzca munyagnivahnayastathA | vahnivedabANasapta aSTAGkavedabANakAH || 4-139 || paJcasaptAnalAgnizca vahnISubANabANakAH | bANavedakAntavedakAntazruticaturthakAH || 4-140 || rAmaSImuniSaSThAzca sapteSu rAmavedakAH | vedasaptASTavasavo navamASTamasaptamAH || 4-141 || vahnyagnivedabANAzca vasvaSTAnalavedakAH | saptASTamAzca samproktA gRhAGkAH parikItItAH || 4-142 || yeSAM manasi yA vidyA sadA tiSThati bhAvane | tAmAzritya japedvidvAn tadA sidhyati nizcitam || 4-143 || svanAma devatAnAma pUrayet SoDazAGkakaiH | harennijagRhasthena cAGkena sAdhakottamaH || 4-144 || kRtazeSaM bahutaraM zubhaM devasya nizcitam | alpAGkasAdhakasyApi saukhyameva na saMzayaH || 4-145 || uktakrameNa gaNayet sAdhakaH sthiramAnasaH | mahAvidyAnAyikAdiyajJabhUtAdisAdhane || 4-146 || samproktaM cakrasAraJca sarvatantreSu gopitam | tatazcakravicAreNa siddhimApnoti sAdhakaH || 4-147 || catuzcakraM pravakSyAmi zRNuSva pArvatIpate | vAmadakSiNayogena rekhApaJcakamAlikhet || 4-148 || pUrvapazcimabhedena rekhAH paJca samAlikhet | catuSkoSThe dakSabhAge catuSkoSThe ca mantravit || 4-149 || tadadhazca catuSkoSThe tadvAmasthe caturgRhe | pralikhet kramazazcAdye caturmandiramadhyake || 4-150 || zIghraJca zItalaM japtaM siddhaJcApi tataH param | akAraJca ukAraJca lRsokAraM tataH param || 4-151 || Udrdhvasthamiti varNaM tu zItalasthaM zRNu prabho | akAraJca ukAraJca(lR lRR)saukAraJca tataH param || 4-152 || tadadho japagehasthaM varNaM zRNu mahAprabho | ikAraJca RkAraJca ekAraJca tataH param || 4-153 || siddhagehasthitaM varNaM zRNu sarvasukhapradam | taddakSiNacaturgehe sthitAn varNAn vadAmi tAn || 4-154 || AhlAdaJca pratyayaJca mukhaJca zuddhamityapi | etatkulasthAn sarvArNAn zubhAzubhaphalapradAn || 4-155 || kakAraJca RkAraJca RRkAraJca JakArakam | AhlAdasthamiti proktaM prAptimAtreNa siddhidam || 4-156 || pratyayasthaM gakAraJca ghakAraM TaThamityapi | mukhasthaM hi GakAraJca cakAraM DaDhamityapi || 4-157 || zuddhasthaJca ukAraJca jakAraM Natamityapi | tadadhaHsthaM caturgehaM laukikaM sAttvikaM tathA || 4-158 || mAnasikaM rAjasikaM caturgehasthitaM tvimam | laukikasthaM thakAraJca dakAraJca makArakam || 4-159 || sAttvikasthaM dhakAraJca lakAraJca yakArakam | mAnasikaJca zRNu bho pakAraJca phamityapi || 4-160 || zRNu rAjasikatvaJca bhakAraM vanamityapi | tannAmasthaM caturgehaM zRNu paJcAnana prabho || 4-161 || suptaM kSiptaJca liptaJca duSTamantraM prakItItam | UdrdhvagehasthitA varNamantrAn gRhNAti yo naraH || 4-162 || varjayitvA suptamantraM kSiptaM liptaJca duSTakam | ehike siddhimApnoti pare muktimavApnuyAt || 4-163 || yadyabhAgyavazAtsuptAdiSu geheSu labhyate | tadA mantraM zodhayed vai suptastambhitakIlitaiH || 4-164 || vaddhItairdoSajAlasthairazubhaM bhUtazuddhaye | bhUtalipyA puTIkRtyA japtvA siddhiM tato labhet || 4-165 || na tu vA varjayed gehaM catuSkaM varNaveSTitam | suptagehasthitaM varNaM zRNu paJcAnana prabho || 4-166 || vakAraJca hakAraJca tato'nyadgRhasaMsthitam | zakAraJca lakAraJca kSiptagehasthitadvayam || 4-167 || dhakAraJca kSakAraJca liptagehasthitaM dvayam | duSTagehasthitaM nAtha zakAragaganaM tathA || 4-168 || nijaM saubhAgyayuktaM yattanmantraM tadupAzrayet | sUkSmacakraM pravakSyAmi hitAhitaphalapradam || 4-169 || etaduktAkSaraM zambho gRhItvA japamAcaret | vAmadakSiNamArabhya saptarekhAH samAlikhet || 4-170 || bhitvA tadaGkAn mantrI ca rekhAcatuSTayaM likhet | dakSiNAdikrameNaiva baddhamandiramadhyake || 4-171 || mantrAkSarANi vilikhedaGkAcAreNa sAdhakaH | tadaGkaM zRNu yatnena narANAM bhuktimuktidam || 4-172 || prathame mandire nAtha bhujAGkaM vilikhettataH | viSNumantrAdigehe ca vedAGkaM vilikhed budhaH || 4-173 || tatpazcAdaSTamAGkaM ca bhujAdhaH SaSThameva ca | tadgehaM zaGkarasyApi tatpazcAddazamaM gRhe || 4-174 || tatpazcAddvAdazAGkaJca nAyikAsthAnameva ca | SaSThAdhoyugalAGkaJca tatpazcAdaSTamaM tathA || 4-175 || tadgRhaM zambhunA vyastaM tatpazcAdaSTamaM tathA | yugalAdhogRhe cApi caturdazAkSaraM tathA || 4-176 || taddakSiNe sUryagehaM catudrdazAkSarAnvitam | tatpazcAt SoDazAGkaJca punaraGkaM likhettataH || 4-177 || taddakSiNe vedavarNaM tatpazcAdaSTamAkSaram | brahmamandiramevaM tat SoDazAdhaH punaH zRNu || 4-178 || aSTamAGkaM tato yugmamaSTAdazAkSaraM tataH | prathamasthaM dvitIyasthaM gRhNIyAd zubhadaM smRtam || 4-179 || tRtIyasthaM mahApApaM sarvamantreSu kItItam | dvitIyaM prathamaM duHkhaM tRtIyaM sarvabhAgyadam || 4-180 || tRtIyaJca tathA nAtha gRhNIyAnnijasiddhaye | tRtIye prathamaM bhadraM dvitIyaM duHkhadAyakam || 4-181 || tRtIyaJca tathA proktamaSTAkSaragRhaM bhayam | caturdazAkSaraM bhadraM sUryamantraM dvitIyakam || 4-182 || tRtIyasthaM SoDazAGke mahAkalyANadAyakam | aSTamUtIH SoDazAGke caturthe zatrumAraNam || 4-183 || tRtIyagRhamadhyasthaM brahmakalyANadAyakam | vasvakSaraM sarvazeSagRhamadhyasthameva ca || 4-184 || aSTamaJca mahAbhadraM kSamaM cittabhayapradam | aSTAdazAGkaM zubhadaM zeSagehatraye tathA || 4-185 || yeSAM yadakSarANAJca mantraM cetasi vartate | etat zubhAzubhaM jJAtvA mantravarNaM tadAbhyaset || 4-186 || viSNumantrasthitaM mantraM nAyikAsthaM zivasthakam | sUryasthaM brahmasaMsthaJca gRhNIyAt zAkta eva ca || 4-187 || vaiSNavo viSNumantrArthaM zaivaH zivamupAzrayet | nAyikAmantrajApI ca nAyikArNaM sadAbhyaset || 4-188 || sUryamantravicArArthI sUryamantraM samAzrayet | ekasthaM yugalasthAnaM tRtIyasthAnameva ca || 4-189 || jJAttvA mantraM pragRhNIyAt anyathA cAzubhaM bhavet | etadanyatamaM mantraM divyavIreSu gIyate || 4-190 || tatazcakraM pazoruktaM sarvasiddhipradaM dhruvam | etaccakraprabhAveNa pazurvIropamaH smRtaH || 4-191 || sarvasiddhiyuto bhUtvA vatsarAttAM prapazyati || 4-192 || iti zrIrudrayAmale uttaratantre mahAmantroddIpane sarvacakrAnuSThAne siddhamantraprakaraNe bhAvanirNaye bhairavIbhairavasaMvAde caturthaH paTalaH || 4 || atha paJcamaH paTalaH mahAkathahacakrArthaM sarvacakrottamottamam | yasya vicAramAtreNa kAmarUpI bhavennaraH || 1 || tataH prakAraM vIrANAM nAthaH tvaM kramazaH zRNu | caturasre likhet varNAMzcatuHkoSThasamanvite || 5-2 || catuHkoSThe catuHkoSThe catuzcaturgRhAnvitam | mandiraM SoDazaM proktaM sarvakAmArthasiddhidam || 5-3 || caturasraM likhetkoSThaM catuHkoSThasamanvitam | punazcatuSkaM tatrApi likheddhImAn krameNa tu || 5-4 || sarveSu gRhamadhyeSu prAdakSiNyakrameNa tu | akArAdikSakArAntaM likhitvA gaNayettataH || 5-5 || candramagMni rudravarNaM navamaM yugalaM tathA | vedamarkaM dazarasaM vasuM SoDazameva ca || 5-6 || caturdazaM bhautikaJca saptapaJcadazeti ca | vahnIndukoSThagaM varNaM saGketAGkaiH mayoditam || 5-7 || etadaGkasthitaM varNaM gaNayettadanantaram | nAmAdyakSaramArabhya yAvanmantrAdimAkSaram || 5-8 || catubhIH koSThairekaikamiti koSThacatuSTayam | punaH koSThagakoSTheSu satyato nAmna AditaH || 5-9 || siddhaH sAdhyaH susiddho'riH kramazo gaNayetsudhIH | siddhaH siddhyati kAlena sAdhyastu japahomataH || 5-10 || susiddho'grahaNAjjJAnI zatrurhanti svamAyuSam | siddhArNo bAndhavaH proktaH sAdhyaH sevaka ucyate || 5-11 || siddhakoSThasthitA varNA bAndhavAH sarvakAmadAH | japena bahusiddhiH syAt sevako'dhikasevayA || 5-12 || puSNAti poSako'bhISTo ghAtako nAzayed dhruvam | siddhaH siddho yathoktena dviguNaH siddhasAdhakaH || 5-13 || siddhaH susiddhodrdhvajapAt siddhArirhanti bAndhavAn | sAdhyaH siddho dviguNakaH sAdhye sAdhyo nirarthakaH || 5-14 || tatsusiddho dviguNajapAt sAdhyArirhanti gotrajAn | susiddhasiddhodrdhvajapAttatsAdhyo dviguNAdhikAt || 5-15 || tatsusiddho grahAdeva susiddhAriH svagotrahA | ariH siddhaH sutAn hanyAdarisAdhyastu kanyakAH || 5-16 || tatsusiddhistu patnIghnastadarirhanti gotrajAn | yadi vairimanorhastasthitaH syAt sAdhako bhuvi || 5-17 || tadante rakSaNArthaM hi kuryAdevaM kriyAdikam | tatprakAraM mahAvIra zRNuSva girijApate || 5-18 || vaTapatre likhitvArimantraM srotasi nikSipet | evaM mantravimuktaH syAnmamAjJAvazahetunA || 5-19 || punaH prakAraM viprastu gavAM kSIre mudAnvitaH | droNamite japenmantramaSTottarasamanvitam || 5-20 || pItvA kSIraM manomadhye dhyAtvA mantraM samuccaran | santyajannIramadhye tu vairimantrapramuktaye || 5-21 || punaH prakAraM vakSyAmi trirAtramekavAsaram | upoSya vidhinAnena pUjAM kRtvA zanau kuje || 5-22 || sahasraM vA zataM vApi aSTottarasamanvitam | japitvA santyajenmantraM kSIrasAgaramaNDale || 5-23 || athavA tadguroH sthAne cAnyasthAne ca vA punaH | vicArya mantravarNaJca gRhItvA mokSamApnuyAt || 5-24 || svapne yadi mahAmantraM prApnoti sAdhakottamaH | tadA siddhimavApnoti satyaM satyaM kulezvara || 5-25 || tanmantraM kaulike nAtha guroryatnena saGgrahI | yadA bhavati siddhiH syAttatkSaNAnnAtra saMzayaH || 5-26 || ariM vA devadeveza yadi vigrAhayenmanum | anyamantraM vicAryaiva viSNozcaiva zivasya ca || 5-27 || zaktimantraM yadi ripuM tadA evaM prakArakam | AdAvante ca madhye ca oM vauSaT svAhayAnvitam || 5-28 || kRtvA japtvA mahAsiddhiM kAmarUpasthitAmiva | prApnoti nAtra sandeho mamAjJA varavaNInI || 5-29 || zRNu cakraphalaM nAtha vicArAcAramaGgalam | prAsAdaJca mahAmantraM sadgurormukhapaGkajAt || 5-30 || labhyate yadi bhAgyena siddhireva na saMzayaH | tadabhAve siddhimantraM dRSTAdRSTaphalonmukham || 5-31 || mahAcamatkArakaraM hRdayollAsavarddhanam | svapne vA sadguroH sthAne prAptimAtreNa muktidam || 5-32 || tanmantraM varjayitvA ca ghorAndhakAraraurave | vasanti sarvakAlaM ca mamAjJAvazabhAginI || 5-33 || tatraiva cakrasArAdi vicAraM vyarthabhASaNam | arimantraM mahApuNyaM sarvamantrottamottamam || 5-34 || koTijanmAjItaiH puNyairmahAvidyAzrayI bhavet | svapne koTikulotpannaiH puNyakoTiphalairapi || 5-35 || prApnoti sAdhako mantraM bhuktaye muktaye dhruvam | tatazcakraM na vicAryaM vicArya maraNaM bhavet || 5-36 || kintu cakravicAraJca yadi svapne camatkRtam | eteSAM cakravarNAnAM vicArAdaSTasiddhidam || 5-37 || vAyuM muktiM dhanaM yogasiddhimRddhiM dhanaM zubham | dharmadehapavitraJca akAle mRtyunAzanam || 5-38 || vAJchAphalapradaM gaurIcaraNAmbhojadarzanam | bhuktiM muktiM harasthAnaM prApnoti nAtra saMzayaH || 5-39 || eSAM cakrAdikAlaJca kramazo gaNitaM phalam | yadi sarvavicAraJca karoti sAdhakottamaH || 5-40 || tadA sarvaphalaM nityaM prApnoti nAtra saMzayaH | mahAvrataM vivekaJca vicArAllabhate dhruvam || 5-41 || akasmAt siddhimApnoti cakrarAjaM vicArataH | sarve devAH prazaMsanti cakramantrAzritaM jalam || 5-42 || vAkyasiddhirbhavet kSipraM prANAyAmAdisiddhibhAk | sarveSAM praNamed bhUmau vicaret sAdhako balI || 5-43 || iti te kathitaM nAtha cakraM SoDazamaGgalam | cakrANAM lokanAdeva sAyujyapadamApnuyAt || 5-44 || ato vicAraM sarvatra sarvacakrAdimaGgalam || 5-45 || iti zrIrudrayAmale uttaratantre mahAtantroddIpane sarvacakrAnuSThAne | siddhitantraprakaraNe paJcama paTalaH || 5 || atha SaSThaH paTalaH bhairava uvAca atha bhAvaM vada zrIde divyavIrapazukramAt | pazUnAM paramAzcaryabhAvaM zrotuM samutsukaH || 6-1 || icchAmyAhlAdajaladhau sthito'haM jagadIzvari | yadi bhAgyavazAdAjJAsAraM cintaya siddhaye || 6-2 || mahAbhairavyuvAca pazunAtha vIranAtha divyanAtha kRpAnidhe | prakAzahRdayollAsa candrazekhara tacchRNu || 6-3 || kAlI kalAlatAkAraM tapasyAdvayasaGgatim | pazubhAvasthitAM nAtha devatAM zRNu vistarAt || 6-4 || durgApUjAM zivapUjAM yaH karoti pazUttamaH | avazyaM hi yaH karoti pazuruttamaH smRtaH || 6-5 || kevalaM zivapUjAJca karoti yadi sAdhakaH | pazUnAM madhyamaH zrImAn zivayA saha cottamaH || 6-6 || kevalaM vaiSNavo'dhIzaH pazUnAM madhyamaH smRtaH | bhUtAnAM devatAnAJca sevAM kurvanti ye sadA || 6-7 || pazUnAM madhyamAH proktaM narakasthA na saMzayaH | tvatsevAM mama sevAJca viSNubrahmAdisevanam || 6-8 || kRtvAnyasarvabhUtAnAM nAyikAnAM mahAprabho | yakSiNInAM bhUtinInAM tataH sevA zubhapradA || 6-9 || yaH pazurbrahmakRSNAdi sevAM kurvanti ye sadA | tathA zrItArakabrahma sevAdvaye narottamAH || 6-10 || teSAmasAdhyA bhUtAdidevatAH sarvakAmadAH | varjayet pazumArgeNa viSNusevAparo janaH || 6-11 || pravaktavyaJca paTale teSAM teSAM tatastataH | vidhinA vidhinA nAtha kramazaH zRNu vallabha || 6-12 || ataH prAtaH samuttthAya pazuruttamapaNDitaH | gurUNAM caraNAmbhojamaGgalaM zIrSapaGkaje || 6-13 || vibhAvya punarekaM hi zrIpAdaM bhAvayed yadi | pUjayitvA ca vIraM vai upahArairna me stavaiH || 6-14 || trailokyaM tejasA vyAptaM maNDalasthAM mahotsavAm | taDitkoTiprabhAdIptiM candrakoTisuzItalAm || 6-15 || sArddhatrivalayAkArAM svayambhUliGgaveSTitAm | uttthApayenmahAdevIM mahAraktAM manonmayIm || 6-16 || zvAsocchvAsadvayAvRttiM dvAdazAGgularUpiNIm | yoginIM khecarIM vAyurUpAM mUlAmbujasthitAm || 6-17 || caturvarNasvarUpAntAM vakArAdiSasAntakAm | koTikoTisahasrArkakiraNAM kulamohinIm || 6-18 || mahAsUkSmapathaprAntavAntarAntaragAminIm | trailokyarakSitAM vAkyadevatAM zambhurUpiNIm || 6-19 || mahAbuddhipradAM devIM sahasradalagAminIm | mahAsUkSmapathe tejomayIM mRtyusvarUpiNIm || 6-20 || kAlarUpAM sarvarUpAM sarvatra sarvacinmayIm | dhyAtvA punaH punaH zIrSe sudhAbdhau viniveSTitAm || 6-21 || sudhApAnaM kArayitvA punaH sthAne samAnayet | samAnayanakAle tu suSumnAmadhyamadhyake || 6-22 || amRtAbhiplutAM kRtvA punaH sthAneSu pUjayet | UdrdhvodgamanakAle tu mahAtejomayIM smaret || 6-23 || pratiprayANakAle tu sudhAdhArAbhirAplutAm | mahAkulakuNDalinImamRtAnandavigrahAm || 6-24 || dhyAtvA dhyAtvA punardhyAtvA sarvasiddhizvaro bhavet | tasminsthAne mahAdevIM vibhAvya kiraNojjvalAm || 6-25 || amRtAnandamuktiM tAM pUjayitvA zubhAM mudA | mAnasoccArabIjena mAyAM vA kAmabIjakam || 6-26 || paJcAzadvarNamAlAbhirjjaptvAnulomasatpathA | vilomena punarjaptvA sarvatra jayadaM stavam || 6-27 || paThitvA siddhimApnoti tatstotraM zRNu bhairava || 6-28 || janmoddhAranirakSiNIhataruNI vedAdibIjAdimA | nityaM cetasi bhAvyate bhuvi kadA sadvAkyasaJcAriNI | mAM pAtu priyadA sa vipadaM saMhArayitri dhare | dhAtri tvaM svayamAdidevavanitAdInAtidInaM pazum || 6-29 || raktAbhAmRtacandrikAlipimayI sarpAkRtinIdritA | jAgratkUrmasamAzritA bhagavatI tvaM mAM samAlokaya | mAMsodgandhakugandhadoSajaDitaM vedAdikAryAnvita| svalpAnyAmalacandrakoTikiraNainItyaM zarIraM kuru || 6-30 || siddhArthI nijadoSavit sthalagatirvyAjIyate vidyayA | kuNDalyAkulamArgamuktanagarImAyAkumArgaH zriyA | yadyevaM bhajati prabhAtasamaye madhyAhnakAle'thavA | nityaM yaH kulakuNDalIjapapadAmbhojaM sa siddho bhavet || 6-31 || vAyvAkAzacaturdale'tivimale vAJchAphalAnyAlake | nityaM samprati nityadehaghaTitA zAGketitAbhAvitA | vidyAkuNDalamAninI svajananI mAyAkriyA bhAvyate yaistaiH siddhakulodbhavaiH praNatibhiH satstotrakaiH zaMbhubhiH || 6-32 || dhAtAzaGkara mohinItribhuvanacchAyApaTodgAminI | saMsArAdimahAsukhapraharaNI tatrasthitA yoginI | sarvagranthivibhedinI svabhujagA sUkSmAtisUkSmAparA | brahmajJAnavinodinI kulakuTI vyAghAtinI bhAvyate || 6-33 || vande zrIkulakuNDalItrivalibhiH sAGgaiH svayambhUM priya| prAveSTyAmbaramAracittacapalA bAlAbalAniSkalA | yA devI paribhAti vedavadanA saMbhAvinI tApinI | iSTAnAM zirasi svayambhuvanitAM saMbhAvayAmi kriyAm || 6-34 || vANIkoTimRdaGganAdamadanAnizreNikoTidhvaniH | prANezIrasarAzamUlakamalollAsaikapUrNAnanA | ASADhodbhavameghavAjaniyutadhvAntAnanAsthAyinI | mAtA sA paripAtu sUkSmapathage mAM yoginAM zaGkaraH || 6-35 || tvAmAzritya narA vrajanti sahasA vaikuNThakailAsayoH | AnandaikavilAsinIM zazizatAnandAnanAM kAraNAm | mAtaH zrIkulakuNDalI priyakare kAlI kuloddIpane | tatsthAnaM praNamAmi bhadravanite mAmuddhara tvaM pazum || 6-36 || kuNDalIzaktimArgasthaM stotrASTakamahAphalam | yataH paThet prAtarutthAya sa yogI bhavati dhruvam || 6-37 || kSaNAdeva hi pAThena kavinAtho bhavediha | paThet zrIkuNDalo yogo brahmalIno bhavet mahAn || 6-38 || iti te kathitaM nAtha kuNDalIkomalaM stavam | etatstotraprasAdena deveSu gurugISpatiH || 6-39 || sarve devAH siddhiyutAH asyAH stotraprasAdataH | dviparArddhaM ciraMjIvI brahmA sarvasurezvaraH || 6-40 || tvaSTApi mama nikaTe sthito bhagavatIpatiH | mAM viddhi paramAM zaktiM sthUlasUkSmasvarUpiNIm || 6-41 || sarvaprakAzakaraNIM vindhyaparvatavAsinIm | himAlayasutAM siddhAM siddhamantrasvarUpiNIm || 6-42 || vedAntazaktitantrasthAM kulatantrArthagAminIm | rudrayAmalamadhyasthAM sthitisthApakabhAvinIm || 6-43 || paJcamudrAsvarUpAJca zaktiyAmalamAlinIm | ratnamAlAvalAkoTyAM candrasUryaprakAzinIm || 6-44 || sarvabhUtamahAbuddhidAyinIM dAnavApahAm | sthityutpattilayakArIM karuNAsAgarasthitAm || 6-45 || mahAmohanivAsADhyAM dAmodarazarIragAm | chatracAmararatnADhya mahAzUlakarAM parAm || 6-46 || jJAnadAM vRddhidAM jJAnaratnamAlAkalApadAm | sarvatejaHsvarUpAbhAmanantakoTivigrahAm || 6-47 || daridradhanadAM lakSmIM nArAyaNamanoramAm | sadA bhAvaya zambho tvaM yoganAyakapaNDita || 6-48 || punarbhAvaM pazoreva zRNu sAdarapUrvakam | akasmAt siddhimApnoti pazurnArAyaNopamaH || 6-49 || vaikuNThanagare yAti caturbhujakalevaraH | zaGkhacakragadApadmahasto garuDavAhanaH || 6-50 || mahAdharmasvarUpo'sau mahAvidyAprasAdataH | pazubhAvaM mahAbhAvaM bhAvAnAM siddhidaM punaH || 6-51 || Adau bhAvaM pazoH kRtvA pazcAt kuryAdavazyakam | vIrabhAvaM mahAbhAvaM sarvabhAvottamottamam || 6-52 || tatpazcAdatisaundaryaM divyabhAvaM mahAphalam | phalAkAGkSI mokSagazca sarvabhUtahite rataH || 6-53 || vidyAkAGkSI dhanAkAGkSI ratnAkAGkSI ca yo naraH | kuryAd bhAvatrayaM divyaM bhAvasAdhanamuttamam || 6-54 || bhAvena labhate vAdyaM dhanaM ratnaM mahAphalam | koTigodAnajaiH puNyaiH koTizAlagrAmadAnajaiH || 6-55 || vArANasyAM koTiliGgapUjanena ca yatphalam | tatphalaM labhate martyaH kSaNAdeva na saMzayaH || 6-56 || Adau dazamadaNDe tu pazubhAvamathApi vA | madhyAhne dazadaNDe tu vIrabhAvamudAhRtam || 6-57 || sAyAhnadazadaNDe tu divyabhAvaM zubhapradam | athavA pazubhAvastho yajediSTAdidevatAm || 6-58 || janmAvadhi yajenmantrI mahAsiddhimavApnuyAt | sarveSAM gururUpaH syAdaizvaryaJca dine dine || 6-59 || yadi gurusvabhAvaH syAttadA madhumatIM labhet | yadi vivekI niryAti mahAvananivAsavAn || 6-60 || brahmacaryavratastho vA athavA svapure vasan | pIThabrAhmaNamAtreNa mahASoDhAzrameNa ca || 6-61 || pazubhAvasthito mantrI siddhavidyAmavApnuyAt | yadi pUrvAparasthAJca mahAkaulikadevatAm || 6-62 || kulamArgasthito mantrI siddhimApnoti nizcitam | yadi vidyAH prasIdanti vIrabhAvaM tadA labhet || 6-63 || vIrabhAvaprasAdena divyabhAvamavApnuyAt | divyabhAvaM vIrabhAvaM ye gRhNanti narottamAH || 6-64 || vAJchAkalpadrumalatApatayaste na saMzayaH | AzramI dhyAnaniSThazca mantratantravizAradaH || 6-65 || bhUtvA vasenmahApIThaM sadA jJAnI bhaved yatiH | kimanyena phalenApi yadi bhAvAdikaM labhet || 6-66 || bhAvagrahaNamAtreNa mama jJAnI bhavennaraH | vAkyasiddhirbhavet kSipraM vANI hRdayagAminI || 6-67 || nArAyaNaM parihAya lakSmIstiSThati mandire | mama pUrNaM tu mAdRSTI tasya dehe na saMzayaH || 6-68 || avazyaM siddhimApnoti satyaM satyaM na saMzayaH | mahAbhairava uvAca sUcitaM tu mahAdevi kathayasvAnukampayA || 6-69 || sarvatantreSu vidyAsu bhAvasaGketameva hi | tathApi zaktitantreSu vizeSAt sarvasiddhidam || 6-70 || bhAvavidyAvidhiM vidye vistArya bhAvasAdhanam | Anandabhairava uvAca bhAvastu trividho deva divyavIrapazukramAt || 6-71 || gururasya tridhA cAtra tathaiva mantradevatAH | divyabhAvo mahAdeva zreyasAM sarvasiddhidam || 6-72 || dvitIyo madhyamaH proktastRtIyaH sarvaninditaH | bahujapAttathAhomAt kAyaklezAdivistaraiH || 6-73 || na bhAvena binA devi tantramantrAH phalapradAH | kiM vIrasAdhanenaiva mokSavidyAkulena kim || 6-74 || kiM pIThapUjanenaiva kiM kanyAbhojanAdibhiH | svayoSitprItidAnena kiM pareSAM tathaiva ca || 6-75 || kiM jitendriyabhAvena kiM kulAcArakarmaNA | yadi bhAvo vizuddhArtho na syAt kulaparAyaNaH || 6-76 || bhAvena labhate muktiM bhAvena kulavarddhanam | bhAvena gotravRddhiH syAd bhAvena kulazodhanam || 6-77 || kiM tathA pUjanenaiva yadi bhAvo na jAyate | kena vA pUjyate vidyA kena vA pUjyate manuH || 6-78 || phalAbhAvazca deveza bhAvAbhAvAt prajAyate | etanmantrasya kathane zaGkate mama mAnasaH || 6-79 || trilokaM saJjayet prAyaH sarvaratnasamAgamaH | nAvIkSya nirjanaM kuryAt kathaM tat kathayAmi te || 6-80 || zrIAnandabhairava uvAca tvatprasAdAnmahAdevi ! vidyAsvapnaprabodhini | sarvapaJcaprapaJcAnAM dIkSA deyA mahezvari || 6-81 || yadyato deva sarveSAM bhUtAnAM svApakAraNam | karomi kathaya tvaM mAM bhAvamArgottamottamam || 6-82 || zrImahAbhairavyuvAca prathamaM divyabhAvastu kaulike zRNu yatnataH | sarvadevAcItAM vidyAM tejaHpuJjaprapUritAm || 6-83 || tejomayIM jagatsarvAM vibhAvya mUtIkalpanAm | tattanmUtImayaiH rUpaiH snehazUnye na vA punaH || 6-84 || AtmAnaM tanmayaM kRtvA sarvabhAvaM tathaiva ca | tatsarvAM yoSitaM dhyAtvA pUjayedyatamAnasaH || 6-85 || azeSakulasampannAM nAnAjAtisamudbhavAm | nAnAdezodbhavAM vApi sadguNAlasya saMyutAm || 6-86 || dvitIyavatsarAdUrdhvaM yAvat syAdaSTamAbdakam | tAvajjaptvA pUjayitvA kanyAM sundaramohinIm || 6-87 || divyabhAvaH sthitaH sAkSAttantramantraphalaM labhet | kumArIpUjanAdeva kumArIbhojanAdibhiH || 6-88 || ekadvitryAdibIjAnAM phaladA nAtra saMzayaH | tAbhyaH puSpaphalaM dattvA anulepAdikaM tathA || 6-89 || balipriyaJca naivedyaM dattvA tadbhAvabhAvitaH | mudA tadaGgamAlyAnAM bAlabhAvaviceSTitaH || 6-90 || jAtipriya kathAlApakrIDAkautUhalAnvitaH | yathArthaM tat priyaM tatra kRttvA siddhIzvaro bhavet || 6-91 || kanyA sarvasamRddhiH syAt kanyA sarvaparantapaH | homaM mantrArcanaM nityakriyAM kaulikasatkriyAm || 6-92 || nAnAphalaM mahAdharmaM kumArIpUjanaM binA | tattadarddhaphalaM nAtha prApnoti sAdhakottamaH || 6-93 || phalaM koTiguNaM vIraH kumArIpUjayA labhet | kusumAJjalipUrNaJca kanyAyAM kulapaNDitaH || 6-94 || dadAti yadi tatpuSpaM koTimeruprado bhavet | tajjJAnajaM mahApuNyaM kSaNAdeva samAlabhet || 6-95 || kumArI bhojitA yena trailokyaM tena bhojitam | ekavarSA bhavet sandhyA dvivarSA ca sarasvatI || 6-96 || trivarSA ca tridhAmUtIzcaturvarSA ca kAlikA | sUryagA paJcavarSA ca SaDvarSA caiva rohiNI || 6-97 || saptabhirmAlinI sAkSAdaSTavarSA ca kubjikA | navabhiH kAlasandAtrI dazabhizcAparAjitA || 6-98 || ekAdaze ca rudrANI dvAdaze'bde tu bhairavI | trayodaze mahAlakSmIdvIsaptapIThanAyikA || 6-99 || kSetrajJA paJcadazabhiH SoDaze cAmbikA matA | evaM krameNa sampUjya yAvat puSpaM na vidyate || 6-100 || pratipadAdipUrNAntaM vRddhibhedena pUjayet | mahAparvasu sarveSu vizeSAJca pavitrake || 6-101 || mahAnavamyAM deveza kumArIzca prapUjayet | tasmAt SoDazaparyantaM yuvatIti pracakSate || 6-102 || tatra bhAvaprakAzaH syAtsa bhAvaH paramo mataH | rakSitavyaM prayatnena rakSitAstAH prakAzayet || 6-103 || mahApUjAdikaM kRtvA vastrAlaGkArabhojanaiH | pUjayenmandabhAgyo'pi labhate jayamaGgalam || 6-104 || anyeSAM kathanenAtha prayojanamahAphalam | vidhinA pUjayed yastu divyavIrapazusthitaH || 6-105 || bhAvatraye mahAsaukhyaM divye satkarma satphalam || 6-106 || iti zrI rudrayAmale uttaratantre mahAtantroddIpane kumAryupacaryAvilAse siddhamantraprakaraNe bhAvanirNaye SaSThaH paTalaH || 6 || atha saptamaH paTalaH AnandabhairavI uvAca atha pUjAM pravakSyAmi kumAryAzcAtidurlabhAm | vyAdhivargavihInAnAM zIghraM siddhyati bhUtale || 7-1 || tatprakAraM mahAdeva vIrANAmadhipAdhipa | pUjAsthAnaM mahApIThaM devAlayamathApi vA || 7-2 || sundarIM paramAnandavarddhanIM jayadAyinIm | kAlarAtrisvarUpAM zrIM gaurIM raktAGgarAgiNIm || 7-3 || kanyAM devakulodbhUtAM rAkSasIM vA narottamAm | naTIkanyAM hInakanyAM tathA kApAlikanyakAm || 7-4 || rajakasyApi kanyAM te tathA nApitakanyakAm | gopAlakanyakAJcaiva tathA brAhmaNakanyakAm || 7-5 || zUdrakanyAM vaizyakanyAM tathA vaidyakanyakAm caNDAlakanyakAM vApi yatra kutrAzrame sthitAm || 7-6 || suhRdvargasya kanyAM ca samAnIya prayatnataH | pUjayet paramAnandairAtmadhyAnaparAyaNaH || 7-7 || kramazaH zRNu devendra varahastaniSevita | paramAnandasaundarya kAraNAnandavigrahaH || 7-8 || mama pUjAM yaH karoti pratyahaM zuddhabhaktitaH | tasyAvazyaM kumArINAM pUjanaM bhojanaM raveH || 7-9 || tejorUpaM vidhozcAgneH sarvabhAve prazasyate | tatpUjanAt tadAlApAd bhojanAdapi tat zubham || 7-10 || mama prItirbhavetsAkSAd devatAguptisaMsthitA | bAlabhairavadevasya kAminIvaTukasya ca || 7-11 || matputrasya sarvalokapUjitasya mahaujasaH | pUjAbhivIvidhaidIvyaiH kumArI deva pUjitA || 7-12 || kumArI kanyakA proktA sarvajJA jagadIzvarI | pUjArthaM sarvalokasya samAnIya surezvarAH || 7-13 || pUjayanti mahAdevIM guptabhAvanivAsinIm | sadA bhojanavAJchArghyAM mAlyasantuSTahAsinIm || 7-14 || vRthA na rauti sA devI kumArI devanAyikA | sarasvatIsvarUpA ca pUjyate sarvanAyakaiH || 7-15 || zivabhaktaivISNubhaktaistathAnyadevapUjitaiH | sarvalokaiH pUjitA sA cAvazyaM pUjyate budhaiH || 7-16 || pUjayA labhate pUjAM pUjayA labhate zriyam | pUjayA dhanamApnoti pUjayA labhate mahIm || 7-17 || pUjayA labhate lakSmIM sarasvatIM mahaujasam | mahAvidyAH prasIdanti sarve devA na saMzayaH || 7-18 || bAlabhairavabrahmendrA brAhmaNA brahmavAdinaH | rudrAzca devavargAzca vaiSNavA viSNurUpiNaH || 7-19 || avatArAzca dvibhujA viSNavo manuzobhitAH | anye dikpAladevAzca carAcaragurustathA || 7-20 || nAnAvidyAyutAssarve dAnavA kUTazAlinaH | apavargasthitA ye ye te te tuSTA na saMzayaH || 7-21 || yadyahaM tuSTirUpA hi anye loke ca kA kathA | kumArI pUjanaM kRtvA trailokyaM vazamAnayet || 7-22 || mahAzAntirbhavet kSipraM sarvapuNyaM phalapradam | tattanmantrasadullekhAt kSaNAt puNyayutaM bhavet || 7-23 || mantreNa puTitaM kRtvA japtvA siddhIzvaro bhavet | yadyat prakAramuccArya vadAmi surasundara || 7-24 || tattat kAryamavazyaM ca bhinnabuddhiM na kArayet | bhairava uvAca atha bIjaprabhedaJca vada zaGkarapUjite || 7-25 || yadi mAM snehapuJjo'sti matkulArthapravezini | vadasva paramAnanda bhairavi prANavallabhe || 7-26 || AnandabhairavI uvAca zRNu nAtha kulArthaM me kumArIpUjane manum | mahAmantraM mahAmantraM siddhamantraM na saMzayaH || 7-27 || etanmantraprasAdena jIvanmukto bhavet sudhIH | ante devIpadaM yAti satyamAnandabhairava || 7-28 || ehikasukhasampattirmadhumatyAH prasAdakam | avazyaM prApnuyAnmartyo vizvAsaM kuru zaGkara || 7-29 || vAgbhavena puraH kSobhaM mAyAbIje guNASTakam | zriyobIje zriyolAbho mAyAbIje ripukSayaH || 7-30 || bhairaveNa tu bIjena khecaratvaM surAdibhiH | kumArikA hyahaM nAtha sadA tvaM hi kumArakaH || 7-31 || aSTottarazataM vApi ekAM vA paripUjayet | pUjitAH pratipadyante nirdahantyavamAnitAH || 7-32 || kumArI yoginI sAkSAt kumArI paradevatA | asurA aSTanAgAzca ye ye duSTagrahA api || 7-33 || bhUtavetAlagandharvA DAkinIyakSarAkSasAH | yAzcAnyA devatAH sarvAH bhUrbhuvaH svazca bhairava || 7-34 || pRthivyAdIni sarvANi brahmANDaM sacarAcaram | brahmA viSNuzca rudrazca Izvarazca sadAzivaH || 7-35 || te tuSTAH sarvatuSTAzca yastu kanyAM prapUjayet | nidhiyuktAM kumArIM tu pUjayeccaiva bhairava || 7-36 || pAdyamarghyaM tathA dhUpaM kuGkumaM candanaM zubham | bhaktibhAvena sampUjya kumArIbhyo nivedayet || 7-37 || pradakSiNatrayaM kuryAdAdau madhye tathAntataH | pazcAcca dakSiNA deyA rajatasvarNamauktikaiH || 7-38 || dakSiNAM vidhivaddatvA kumArIbhyaH krameNa tu | vivAhayet svayaM kanyAM brahmahatyAM vyapohati || 7-39 || yAvacca puNyakAle tu kanyAdAnaM prakalpayet | bhuktimuktiphalaM tasya saubhAgyaM sarvasampadaH || 7-40 || rudraloke vasennityaM trinetro bhagavAn haraH | tIrthakoTisahasrANi azvamedhazatAni ca || 7-41 || tatphalaM labhate sadyo yastu kanyAM vivAhayet | bAlukAsAgare jJeyA tAvadabdasahasrakam || 7-42 || ekaikaM kulamuddhRtya rudraloke mahIyate | tattadiSTadevAnAM prItaye tuSTaye sudhI || 7-43 || kanyAdAnaM samAhRtya muktimApnoti bhairava | tattadvarSIyakanyAyAstattadbuddhyA ca sAdhakaH || 7-44 || vibhAvya zivarUpatvaM sampradAnIyakArake | pUrNarUpaM zivaM dhyAtvA varaM sarvAGgasundaram || 7-45 || tejomayaM yazaHkAntaM bAlabhairavarUpiNam | baTukezaM mahAdevaM varayet sAdhakAgraNIH || 7-46 || bAlarUpAM bhairavIM ca trailokyasundarIM varAm | nAnAlaGkAranamrAGgIM bhadravidyAprakAzinIm || 7-47 || cAruhAsyAM mahAnandahRdayAM zubhadAM zubhAm | dhyAtvA dvAdazapatrAbje pUrNacandranibhAnanAm || 7-48 || sampradAne samAnIya tattanmantreNa dApayet | etat zrutvA mahAvIro bAla(bala)rUpI niraJjanaH || 7-49 || punajIjJAsayAmAsa paramAnandabhairavIm | Anandabhairava uvAca kumArIkulatattvArthaM mantrArthaM japanakramam || 7-50 || yajanAdiprakAraJca bhojanAdikramaM tathA | homAdiprakiyAM tasyAH stotraM pratyekameva hi || 7-51 || kavacaM ca kumArINAM vadasva kramazaH priye | yena krameNa sA vidyA kumArI paradevatA || 7-52 || nirjane sAdhakasyAgre mahAvAkyaM svayaM vadet | bAlikA cArunayanA kena hetoH prasIdati || 7-53 || tatprakAraM vada snehAdAnandabhairavapriye | AnandabhairavI uvAca zRNu zambho pravakSyAmi kumArI kulamantrakAn || 7-54 || yena vijJAnamAtreNa dharaNIzo narottamaH | sarveSAM gururUpaH syAt kumArIyajanena ca || 7-55 || ekavarSA varA sandhyAdikAnAM manumuttamam | SoDazAcchAntarUpANAM mantraM zRNu mahAprabho || 7-56 || kramAdikaJca sarveSAM caitanyasiddhisatkriyAm | AnIya sundarIM nArIM kumArIM varanAyikAm || 7-57 || ratnAlaGkArasaMyuktAM zaGkhavastrAdizobhitAm | vAgbhavena jalaM nAtha tannAmnA paridApayet || 7-58 || devIbuddhyA sadA dhyAtvA pUjayet sAdhakottamaH | mAyAbIjena tannAmnA pAdyaM dadyAt tathA prabho || 7-59 || lakSmIbIjena cArghyaM tu kuryAd bIjena candanam | mAyAbIjena puSpANi kumAryai dApayet sudhIH || 7-60 || sadAzivena mantreNa dhUpadIpau mahottamau | datvA SaDaGgamantreNa pUjayed devanAyakaH || 7-61 || tatprakAraM mahAdeva zRNuSvAnandarUpadhRk | mahAtejomayaM zubhraM hRdayaM hastadakSiNaiH || 7-62 || vibhAvya prapaThed dhImAn tanmantraM zRNu zaGkara | Adau vAgbhavamuccArya mAyAM lakSmIM tu kUrcakam || 7-63 || pretabIjaM tato brUyAt savisargendubindukam | kulazabdaM samuccArya kumArike tato vadet || 7-64 || hRdayAyaH namaH procya tataH zirasi bhAvayet | zuklavarNaM sarvamayaM bIjamuccArya saMnyaset || 7-65 || hakAraM vAgbhavADhyaJca vakAraM vAgbhavArthakam | mAyAM lakSmIM vAgbhavaM ca dviThAnte zirase padam || 7-66 || vahnijAyAvadhirmantro nyaset zirasi sAdhakaH | zikhAmadhye kRSNavarNaM nIlAJjanacayaprabham || 7-67 || vibhAvya saMnyasenmantrI kumArIkulasiddhaye | Adau praNavamuddhRtva tadante vahnisundarI || 7-68 || zikhAyai ca samuddhRtya vaSaTkAraM tato vadet | tataH kavacamadhye ca balavantaM sutejasam || 7-69 || prathamAruNasaGkAzaM dhyAtvA cArukalevaram | vAgbhavaJca samuccArya kulazabdaM tato vadet || 7-70 || vAgIzvarIpadaM pazcAt kavacAya tato vadet | tArakabrahmazabdaJca kavacanyAsajAlakam || 7-71 || tato netratrayaM dhyAtvA mahAbIjaM mahAprabham | raktavarNa koTikoTivAmaNDala maNDitam || 7-72 || virAjitaM koTipuNyAjItatejasi bhAskare | vAgbhavaM ca samuccArya kulezvaripadaM tataH || 7-73 || netratrayAya zabdAnte vauSaT locanamantrakam | tataH sAdhakamantrI ca vAmahastatale tathA || 7-74 || madhyamAtarjanIbhyAM ca tAladvayamupAcaret | tanmantraM koTisUryograjyotsnAjAlasamaprabham || 7-75 || mahAkAzodbhavaM zabdaM mahograparipIDanam | mAyAbIjaM tathAstrAya padamuddhRtya yatnataH || 7-76 || pAntaThAntaM samuddhRtya mahAmantraM prakItItam | tatastasyA hRnnilaye dhyAtvA ca parivArakAn || 7-77 || pUjayed yatnato mantrI bheSajAmRtadhArayA | tarpayet pUjayed bhaktyA bhairavaM bAlabhairavam || 7-78 || devatAbhiH pUjayitvA parivArAn krameNa vai | tato vAgbhavamuccArya siddhajayAya zabdataH || 7-79 || pUrvaM padaM samuccArya vaktrAya nama IritaH | tato vAgbhavamuccArya jayAya zabdamuddharet || 7-80 || uttaravaktramuddhRtya caturthyantaM namaHpadam | tato vAgbhavamAyA zrI bIjamuccArya yatnataH || 7-81 || kubjike pazcimAnte ca vaktrAya nama ityapi | tato vAgbhavamuccArya kAlike padamuccaret || 7-82 || dakSavaktrAya zabdAnte nAnAmantraM prakItItam etanmantrAkSaraM nAtha samuccArya kulezvara || 7-83 || pUjayitvA krameNaiva bhAskaraM paripUjayet | candraM dikpAladevaJca sandhyAdIn paripUjayet || 7-84 || vIrabhadrAM mahAkAlIM kaulinIM kulagAminIm | aSTAdazabhujAM kAlIM caturvargA prapUjayet || 7-85 || naivedyAdIn samAnIya nAnAbhojyAdisaMyutam | dugdhaM ghanAvRtaM kSIraM pakvAnnaM pakvasatphalam || 7-86 || yadyatkAlopayogyaJca zarkarAmadhumizritam | paJcatattvaM kuladravyaM nijakalyANavardhanam || 7-87 || nAnAdravyaJca naivedyaM svasvakalpoktasAdhitam | kumArIbhyo nivedyaivaM nAnAsaurabhazobhitam || 7-88 || zItalaM jalamAnIya dadyAttAbhyo mahAsudhIH | tato hitaM mahAmantraM kumAryAzcAtidurlabham || 7-89 || athavA svIyamUlaJca japtvA siddhIzvaro bhavet || 7-90 || samarthaprANavAyUnAM dhArayetkArayet svayam | aSTAGgAdipraNAmaM ca kurvan stotraM paThan dizet || 7-91 || namAmi kulakAminIM paramabhAgyasandAyinIm | kumAraraticAturIM sakalasiddhimAnandinIm || 7-92 || pravAlaguTikAmRjAM rajatarAgavastrAnvitAm | hiraNyakulabhUSaNAM bhuvanavAkkumArIM bhaje || 7-93 || iti mantreNa saMnyasya tAriNIM paripUjayet | zivaM gaNezaM sampUjya praNamet sAdhakottamaH || 7-94 || iti zrIrudrayAmale uttaratantre mahAtantroddIpane kumAryupacaryAvinyAse siddhamantra-- prakaraNe divyabhAvanirNaye saptama paTalaH || 7 || athASTamaH paTalaH zrIAnandabhairavI uvAca atha vakSye mahAdeva kumAryA japahomakam | lakSasaMkhyajapaM kRtvA mAyAM vA vAgbhavaM ramAm || 8-1 || kAlIbIjaM vApi nAtha mAyAM vA kAmabIjakam | sadAzivena puTitaM binducandravibhUSitam || 8-2 || athavA praNavenApi puTitaM tridazezvara | japitvA mUlamantraJca lakSasaMkhyAvidhAnataH || 8-3 || taddazAMzaM mahAhomaM ghRtAktabilvapatrakaiH | athavA zvetapuSpaizca kundapuSpairmahAphalam || 8-4 || evaM krameNa juhuyAt karavIraprasUnakaiH | ghRtAktaiH kaivalairvApi candanAgurumizritaiH || 8-5 || haviSyAzI divAbhAge rAtrau pUjAparo bhavet | nijapUjAvazeSaistu kuladravyaiH prapUjayet || 8-6 || divAsaMkhyaM japettatra paramAnandarUpadhRk | japAnte juhuyAnmantrI maduktadravyasaMyutaiH || 8-7 || tataH prANAtmakaM vAyuM zodhayitvA punaH punaH | prANAyAmatrayaM kRtvA cASTAGgaM praNamenmudA || 8-8 || praNAmasamaye nAtha idaM stotraM paThet yatiH | kavacaJca tathA pAThyaM kumArINAmathApi vA || 8-9 || nijadevyA mahAstotraM paTheddhi kavacaM tataH | kumArINAM mahAdeva sahasranAma sASTakam || 8-10 || paThitvA siddhimApnoti paThitvA sAdhakottamaH | agre saMsthApya tAH sarvA ratnakoTisuzItalAH || 8-11 || tataH stotraM paTheddhImAn samAhitamanA vazI | mahAdivyAcArarato vIrabhAvolbaNo'pi vA || 8-12 || evaM krameNa prapaThed bhaktibhAvaparAyaNaH | mahAvidyA mahAsevA bhaktizraddhAplutApItaH || 8-13 || mahAjJAnI bhavet kSipraM vAJchAsiddhimavApnuyAt || 8-14 || Anandabhairava uvAca devendrAdaya indukoTikiraNAM vArANasIvAsinI | vidyAM vAgbhavakAminIM trinayanAM sUkSmakriyAjvAlinIm | caNDodyoganikRntinIM trijagatAM dhAtrIM kumArIM varA | mUlAmbhoruhavAsinIM zazimukhIM sampUjayAmi zriye || 8-15 || bhAvyAM devagaNaiH zivendrayatibhirmokSAthIbhirbAlikA | sandhyAM nityaguNodayAM dvijagaNe zreSThodayAM sAruNAm | zuklAbhAM paramezvarIM zubhakarIM bhadrAM vizAlAnanA | gAyatrIM gaNamAtaraM dinagatiM kRSNAJca vRddhAM bhaje || 8-16 || bAlAM bAlakapUjitAM gaNabhRtAM vidyAvatAM mokSadA | dhAtrIM zuklasarasvatIM navavarAM vAgvAdinIM caNDikAm | svAdhiSThAnaharipriyAM priyakarIM vedAntavidyApradA | nityaM mokSahitAya yogavapuSA caitanyarUpAM bhaje || 8-17 || nAnAratnasamUhanimItagRhe pUjyAM sUrairbAlikA | vande nandanakAnane manasije siddhAntabIjAnane | arthaM dehi nirarthakAya puruSe hitvA kumArIM kalAm | satyaM pAtu kumArike trividhamUrtyA ca tejomayIm || 8-18 || varAnane sakalikAM kulapathollAsaikabIjodvahA | mAMsAmodakarAlinIM hi bhajatAM kAmAtiriktapradAm | bAlo'haM vaTukezvarasya caraNAmbhojAzrito'haM sadA | hitvA bAlakumArike zirasi zuklAmbhoruhezaM bhaje || 8-19 || sUryAhlAdavalAkinIM kalimahApApAditApApahA | tejo'GgAM bhuvi sUryagAM bhayaharAM tejomayIM bAlikAm | vande hRtkamale sadA ravidale vAlendravidyAM satI | sAkSAt siddhikarIM kumAri vimale'nvAsAdya rUpezvarIm || 8-20 || nityaM zrIkulakAminIM kulavatIM kolAmumAmambikA | nAnAyoganivAsinIM suramaNIM nityAM tapasyAnvitAm | vedAntArthavizeSadezavasanA bhASAvizeSasthitAM vande parvatarAjarAjatanayAM kAlapriyo tvAmaham || 8-21 || kaumArIM kulakAminIM ripugaNakSobhAgnisandohinI | raktAbhAnayanAM zubhAM paramamArgamuktisaMjJApradAm | bhAryA bhAgavatIM matiM bhuvanamAmodapaJcAnanA | paJcAsyapriyakAminIM bhayaharAM sarpAdihArAM bhaje || 8-22 || candrAsyAM caraNadvayAmbujamahAzobhAvinodIM nadI | mohAdikSayakAriNIM varakarAM zrIkubjikAM sundarIm | ye nityaM paripUjayanti sahasA rAjendracUDAmaNi | sampAdaM dhanamAyuSo janayato vyApyezvaratvaM jaguH || 8-23 || yogIzaM bhuvanezvaraM priyakaraM zrIkAlasandarbhayA | zobhAsAgaragAminaM harabhavaM vAJchAphaloddIpanam | lokAnAmaghanAzanAya zivayA zrIsaMjJayA vidyayA | dharmaprANasadaivatAM praNamatAM kalpadrumaM bhAvaye || 8-24 || vidyAM tAmaparAjitAM madanabhAvAmodamattAnanAM hRtpadmasthitapAdukAM kulakalAM kAtyAyanIM bhairavIm | ye ye puNyadhiyo bhajanti paramAnandAbdhimadhye mudA sarvvAcchApitatejasA bhayakarIM mokSAya saGkIrtaye || 8-25 || rudrANIM praNamAmi padmavadanAM koTyarkatejomayIM nAnAlaGkRtabhUSaNAM kulabhujAmAnandasandAyinIm | zrI mAyAkamalAnvitAM hRdigatAM santAnabIjakriyAM AnandaikaniketanAM hRdi bhaje sAkSAdalabdhAmaham || 8-26 || namAmi varabhairavIM kSititalAdyakAlAnalA | mRNAlasukumArAruNAM bhuvanadoSasaMzodhinIm | jagadbhayaharAM harAM harati yA ca yogezvarI | mahApadasahasrakam sakalabhogadAntAmaham || 8-27 || sAmrAjyaM pradadAti yAcitavatI vidyA mahAlakSaNA | sAkSAdaSTasamRddhidAtari mahAlakSmIH kulakSobhahA | svAdhiSThAnasupaGkaje vivasitAM viSNoranantapriye | vande rAjapadapradAM zubhakarIM kaulezvarIM kaulikIm || 8-28 || pIThAnAmadhipAdhipAm asuvahAM vidyAM zubhAM nAyikA | sarvAlaGkaraNAnvitAM trijagatAM kSobhApahAM vAruNIM | vande pIThaganAyikAM tribhuvanacchAyAbhirAcchAditA | sarveSAM hitakAriNIM jayavatAmAnandarUpezvarIm || 8-29 || kSetrajJAM madavihvalAM kulavatIM siddhipriyAM preyasIm | zambhoH zrI vaTukezvarasya mahatAmAnandasaJcAriNIm || 8-30 || sAkSAdAtmaparodgamAM kamalamadhyasaMbhAvinI | ziro dazazate dale'mRtamahAbdhidhArAdharAm | nijamanaH kSobhApahAM zAkinIm | bAhyArtha prakaTAmahaM rajatabhAM vande mahAbhairavIm || 8-31 || praNAmaphaladAyinIM sakalabAhyavazyAM guNA | namAmi paramambikAM viSayadoSasaMhAriNIm | sampUrNAvidhuvanmukhIM kamalamadhyasambhAvinIM | ziro dazazate dale'mRtamahAbdhidhArAdharAm || 8-32 || sAkSAdahaM tribhuvanAmRtapUrNadehAM sandhyAdi devakamalAM kulapaNDitendrAm | natvA bhaje dazazate dalamadhyamadhye | kaulezvarIM sakaladivyajanAzrayAM tAm || 8-33 || vizvezvarIM svarakule varabAlike tvAM siddhAsane pratidinaM praNamAmi bhaktyA | bhaktiM dhanaM jayapadaM yadi dehi dAsya| tasmin mahAmadhumatIM laghunAhatAH syAt || 8-34 || etatstotraprasAdena kavitA vAkpatirbhavet | mahAsiddhIzvaro divyo vIrabhAvaparAyaNaH || 8-35 || sarvatra jayamApnoti sa hi syAd devavallabhaH | vAcAmIzo bhavet kSipraM kAmarUpo bhavennaraH || 8-36 || pazureva mahAvIro divyo bhavati nizcitam | sarvavidyAH prasIdanti tuSTAH sarve digIzvarAH || 8-37 || vahniH zItalatAM yAti jalastambhaM sa kArayet | dhanavAn putravAn rAjA iha kAle bhavennaraH || 8-38 || pare ca yAti vaikuNThe kailAse zivasannidhau | muktireva mahAdeva yo nityaM sarvadA paThet || 8-39 || mahAvidyApadAmbhojaM sa hi pazyati nizcitam | zRNu nAtha pravakSyAmi kumArItarpaNAdikam || 8-40 || yAsAM tarpaNamAtreNa kulasiddhirbhaved dhruvam | kulabAlAM mUlapadmasthitAM kAmavihAriNIm || 8-41 || zatadhA mUlamantreNa tarpayAmi tava priye | mUlAdhAramahAtejo jaTAmaNDalamaNDitAm || 8-42 || sandhyAdevIM tarpayAmi kAmabIjena me zubhe | mUlapaGkajayogAGgI kumArIM zrIsarasvatIm || 8-43 || tarpayAmi kuladravyaistava santoSahetunA | cakre mUlAdhArapadme trimUtIbAlanAyikAm || 8-44 || sarvakalyANadAM devIM tarpayAmi parAmRtaiH | svAdhiSThAne mahApadme SaDdalAntaHprakAzinIm || 8-45 || zrIbIjena tarpayAmi bhogamokSAya kevalam | svAdhiSThAnakulollAsa viSNusaGketagAminIm || 8-46 || kAlikAM nijabIjena tarpayAmi kulAmRtaiH | svAdhiSThAnAkhyapadmasthAM mahAtejomayIM zivAm || 8-47 || sUryagAM zIrSamadhunA tarpayAmi kulezvarIm | maNipUrAbdhimadhye tu manoharakalevarAm || 8-48 || umAdevIM tarpayAmi mAyAbIjena pArvatIm | maNipUrAmbhojamadhye trailokyaparipUjitAm || 8-49 || mAlinIM malacittasya sadbuddhiM tarpayAmyaham | maNipUrasthitAM raudrIM paramAnandavadhInIm || 8-50 || AkAzagAminIM devIM kubjikAM tarpayAmyaham | tarpayAmi mahAdevIM mahAsAdhanatatparAm || 8-51 || yoginIM kAlasandarbhAM tarpayAmi kulAnanAm | zaktimantrapradAM raudrIM lolajihvAsamAkulAm || 8-52 || aparAjitAM mahAdevIM tarpayAmi kulezvarIm | mahAkaulapriyAM siddhAM rudralokasukhapradAm || 8-53 || rudrANIM raudrakiraNAM tarpayAmi vadhUpriyAm | SoDazasvarasaMsiddhiM mahArauravanAzinIm || 8-54 || mahAmadyapAnacittAM bhairavIM tarpayAmyaham | trailokyavaradAM devIM zrIbIjamAlayAvRtAm || 8-55 || mahAlakSmIM bhavaizvaryadAyinIM tarpayAmyaham | lokAnAM hitakartrIJca hitAhitajanapriyAm || 8-56 || tarpayAmi ramAbIjAM pIThAdyAM pIThanAyikAm | jayantIM vedavedAGgamAtaraM sUryamAtaram || 8-57 || tarpayAmi sudhAbhizca kSetrajJAM mAyayAvRtAm | tarpayAmi kulAnandaparamAM paramAnanAm || 8-58 || tarpayAmyambikAdevIM mAyAlakSmIhRdisthitAm || 8-59 || sarvAsAM caraNadvayAmbujatanuM caitanyavidyAvatI | saukhyArthaM zubhaSoDazasvarayutAM zrISoDazIsaGkulAm | AnandArNavapadmarAgakhacite siMhAsane zobhite | nityaM tat paritarpayAmi sakalaM zvetAbjamadhyAsane || 8-60 || ye nityaM prapaThanti cArusaphalastotrArddhasantarpaNa| vidyAdAnanidAnamokSaparamAM mAyAmayaM yAnti te | nazyanti kSitimaNDalezvaragaNAH sarvAvipatkArakA | rAjAnaM vazayanti yogasakalaM nityA bhavanti kSaNAt || 8-61 || tarpaNAtmakamokSAkhyaM paThanti yadi mAnuSAH | aSTaizvaryayuto bhUtvA vatsarAttAM prapazyati || 8-62 || mahAyogI bhavennAtha mAsAdabhyAsataH prabho | trailokyaM kSobhayetkSipraM vAJchAphalamavApnuyAt || 8-63 || bhUmadhye rAjarAjezo labhate varamaGgalam | zatrunAze tathoccATe bandhane vyAdhisaGkaTe || 8-64 || cAturaGge tathA ghore bhaye dUrasya preSaNe | mahAyuddhe narendrANAM paThitvA siddhimApnuyAt || 8-65 || yaH paThedekabhAvena santarpaNaphalaM labhet | pUjAsAphalyamApnoti kumArIstotrapAThataH || 8-66 || yo na kuryAtkumAryarcAM stotraJca nityamaGgalam | sa bhavet pAzavaH kalpo mRtyustasya pade pade || 8-67 || iti zrIrudrayAmale uttaratantre mahAtantroddIpane kumAryupacaryAvilAse siddhamantra-- prakaraNe divyabhAvanirNaye aSTamaH paTalaH || 8 || atha navamaH paTalaH Anandabhairava uvAca athAtaH sampravakSyAmi kumArIkavacaM zubham | trailokyaM maGgalaM nAma mahApAtakanAzakam || 9-1 || paThanAddhAraNAllokA mahAsiddhAH prabhAkarAH | zakro devAdhipaH zrImAn devagururbRhaspatiH || 9-2 || mahAtejomayo vahnirdharmmarAjo bhayAnakaH | varuNo devapUjyo hi jalAnAmadhipaH svayam || 9-3 || sarvaharttA mahAvAyuH kuberaH kuJjarezvaraH | dharAdhipaH priyaH zambhoH sarve devA digIzvaraH || 9-4 || na meruH prabhurekAyAH sarvezo nirmalo dvayoH | etatkavacapAThena sarve bhUpA dhanAdhipAH || 9-5 || praNavo me ziraH pAtu mAyA sandAyikA satI | lalATodrdhvaM mahAmAyA pAtu me zrIsarasvatI || 9-6 || kAmAkSA vaTukezAnI trimUttirbhAlameva me | cAmuNDA bIjarUpA ca vadanaM kAlikA mama || 9-7 || pAtu mAM sUryagA nityaM tathA netradvayaM mama | karNayugmaM kAmabIjaM svarUpomAtapasvinI || 9-8 || rasanAgraM tathA pAtu vAgdevI mAlinI mama | DAmarasthA kAmarUpA dantAgraM kuJjikA mama || 9-9 || devI praNavarUpA'sau pAtu nityaM zivA mama | oSThAdharaM zaktibIjAtmikA svAhAsvarUpiNI || 9-10 || pAyAnme kAlasandaSTA paJcavAyusvarUpiNI | galadezaM mahAraudrI pAtu me cAparAjitA || 9-11 || kSauM bIjaM me tathA kaNThaM rudrANI svAhayAnvitA | hRdayaM bhairavI vidyA pAtu SoDaza susvarA || 9-12 || dvau bAhU pAtu sarvatra mahAlakSmIH pradhAnikA | sarvamantrasvarUpaM me codaraM pIThanAyikA || 9-13 || pArzvayugmaM tathA pAtu kumArI vAgbhavAtmikA | kaizorI kaTidezaM me mAyAbIjasvarUpiNI || 9-14 || jaGghAyugmaM jayantI me yoginI kullukAyutA | sarvAGgamambikAdevI pAtu mantrArthagAminI || 9-15 || kezAgraM kamalAdevI nAsAgraM vindhyavAsinI | cibukaM caNDikA devI kumArI pAtu me sadA || 9-16 || hRdayaM lalitA devI pRSThaM parvatavAsinI | trizaktiH SoDazI devI liGgaM guhyaM sadAvatu || 9-17 || zmazAne cAmbikA devI gaGgAgarbhe ca vaiSNavI | zUnyAgAre paJcamudrA mantrayantraprakAzinI || 9-18 || catuSpathe tathA pAtu mAmeva vajradhAriNI | zavAsanagatA caNDA muNDamAlAvibhUSitA || 9-19 || pAtu mAne kaliGge ca vaikharI zaktirUpiNI | vane pAtu mahAbAlA mahAraNye raNapriyA || 9-20 || mahAjale taDAge ca zatrumadhye sarasvatI | mahAkAzapathe pRthvI pAtu mAM zItalA sadA || 9-21 || raNamadhye rAjalakSmIH kumArI kulakAminI | arddhanArIzvarA pAtu mama pAdatalaM mahI || 9-22 || navalakSamahAvidyA kumArI rUpadhAriNI | koTisUryapratIkAzA candrakoTisuzItalA || 9-23 || pAtu mAM varadA vANI vaTukezvarakAminI iti te kathitaM nAtha kavacaM paramAdbhutam || 9-24 || kumAryAH kuladAyinyAH paJcatattvArthapAraga yo japet paJcatattvena stotreNa kavacena ca || 9-25 || AkAzagAminI siddhirbhavettasya na saMzayaH || 9-26 || vajradehI bhavet kSipraM kavacasya prapAThataH | sarvasiddhIzvaro yogI jJAnI bhavati yaH paThet || 9-27 || vivAde vyavahAre ca saGgrAme kulamaNDale | mahApathe zmazAne ca yogasiddho bhavet sa ca || 9-28 || paThitvA jayamApnoti satyaM satyaM kulezvara vazIkaraNakavacaM sarvatra jayadaM zubham || 9-29 || puNyavratI paThennityaM yatizrImAnbhaved dhruvam siddhavidyA kumArI ca dadAti siddhimuttamAm || 9-30 || paThedyaH zRNuyAdvApi sa bhavetkalpapAdapaH | bhaktiM muktiM tuSTiM puSTiM rAjalakSmIM susampadAm || 9-31 || prApnoti sAdhakazreSTho dhArayitvA japedyadi | asAdhyaM sAdhayedvidvAn paThitvA kavacaM zubham || 9-32 || dhaninAJca mahAsaukhyadharmmArthakAmamokSadam | yo vazI divase nityaM kumArIM pUjayennizi || 9-33 || upacAravizeSeNa trailokyaM vazamAnayet | palalenAsavenApi matsyena mudrayA saha || 9-34 || nAnAbhakSyeNa bhojyena gandhadravyeNa sAdhakaH | mAlyena svarNarajatAlaGkAreNa sucailakaiH || 9-35 || pUjayitvA japitvA ca tarpayitvA varAnanAm | yajJadAnatapasyAbhiH prayogeNa mahezvara || 9-36 || stutvA kumArIkavacaM yaH paThedekabhAvataH | tasya siddhirbhavet kSipraM rAjarAjezvaro bhavet || 9-37 || vAJchArthaphalamApnoti yadyanmanasi vartate | bhUrjapatre likhitvA sa kavacaM dhArayed hRdi || 9-38 || zanimaGgalavAre ca navamyAmaSTamIdine | caturdazyAM paurNamAsyAM kRSNapakSe vizeSataH || 9-39 || likhitvA dhArayed vidvAn uttarAbhimukho bhavan | mahApAtakayukto hi muktaH syAt sarvapAtakaiH || 9-40 || yoSidvAmabhuje dhRtvA sarvakalyANamAlabhet | bahuputrAnvitA kAntA sarvasampattisaMyutA || 9-41 || tathAzrIpuruSazreSTho dakSiNe dhArayed bhuje | ehike divyadehaH syAt paJcAnanasamaprabhaH || 9-42 || zivaloke pare yAti vAyuvegI nirAmayaH | sUryamaNDalamAbhedya paraM lokamavApnuyAt || 9-43 || lokAnAmatisaukhyadaM bhayaharaM zrIpAdabhaktiprada | mokSArthaM kavacaM zubhaM prapaThatAmAnandasindhUdbhavam | pArthAnAM kalikAlaghorakaluSadhvaMsaikahetuM jaya | ye nAma prapaThanti dharmamatulaM mokSaM vrajanti kSaNAt || 9-44 || iti zrIrudrayAmale uttaratantre mahAtantroddIpane kumAryupacaryAvinyAse kumArI-- kavacollAse siddhamantraprakaraNe divyabhAvanirNaye navamaH paTalaH || 9 || atha dazamaH paTalaH Anandabhairava uvAca vada kAnte sadAnandasvarUpAnandavallabhe | kumAryA devatAmukhyAH paramAnandavardhanam || 10-1 || aSTottarasahasrAkhyaM nAma maGgalamadbhutam | yadi me vartate vidye yadi snehakalAmalA || 10-2 || tadA vadasva kaumArIkRtakarmaphalapradam | mahAstotraM koTikoTi kanyAdAnaphalaM bhavet || 10-3 || AnandabhairavI uvAca mahApuNyapradaM nAtha zRNu sarvezvarapriya | aSTottarasahasrAkhyaM kumAryAH paramAdbhutam || 10-4 || paThittvA dhArayittvA vA naro mucyeta saGkaTAt | sarvatra durlabhaM dhanyaM dhanyalokaniSevitam || 10-5 || aNimAdyaSTasiddhyaGgaM sarvAnandakaraM param | mAyAmantranirastAGgaM mantrasiddhiprade nRNAm || 10-6 || na pUjA na japaM snAnaM purazcaryAvidhizca na | akasmAt siddhimavApnoti sahasranAmapAThataH || 10-7 || sarvayajJaphalaM nAtha prApnoti sAdhakaH kSaNAt | mantrArthaM mantracaitanyaM yonimudrAsvarUpakam || 10-8 || koTivarSazatenApi phalaM vaktuM na zakyate | tathApi vaktumicchAmi hitAya jagatAM prabho || 10-9 || asyAH zrIkumAryAH sahasranAmakavacasya | vaTukabhairavaRSiranuSTupchandaH, kumArIdevatA, sarvamantrasiddhisamRddhaye viniyogaH || 10-10 || oM kumArI kauzikI kAlI kurukullA kulezvarI | kanakAbhA kAJcanAbhA kamalA kAlakAminI || 10-11 || kapAlinI kAlarUpA kaumArI kulapAlikA | kAntA kumArakAntA ca kAraNA karigAminI || 10-12 || kandhakAntA kaulakAntA kRtakarmaphalapradA | kAryAkAryapriyA kakSA kaMsahantrI kurukSayA || 10-13 || kRSNakAntA kAlarAtriH karNeSudhAriNIkarA | kAmahA kapilA kAlA kAlikA kurukAminI || 10-14 || kurukSetrapriyA kaulA kuntI kAmAturA kacA | kalaJjabhakSA kaikeyI kAkapucchadhvajA kalA || 10-15 || kamalA kAmalakSmI ca kamalAnanakAminI | kAmadhenusvarUpA ca kAmahA kAmamadInI || 10-16 || kAmadA kAmapUjyA ca kAmAtItA kalAvatI | bhairavI kAraNADhyA ca kaizorI kuzalAGgalA || 10-17 || kambugrIvA kRSNanibhA kAmarAjapriyAkRtiH | kaGkaNAlaGkRtA kaGkA kevalA kAkinI kirA || 10-18 || kirAtinI kAkabhakSA karAlavadanA kRzA | kezinI kezihA kezA kAsAmbaSThA karipriyA || 10-19 || kavinAthasvarUpA ca kaTuvANI kaTusthitA | koTarA koTarAkSI ca karanATakavAsinI || 10-20 || kaTakasthA kASThasaMsthA kandarpA ketakI priyA | kelipriyA kambalasthA kAladaityavinAzinI || 10-21 || ketakIpuSpazobhADhyA karpUrapUrNajihvikA | karpUrAkarakAkolA kailAsagirivAsinI || 10-22 || kuzAsanasthA kAdambA kuJjarezI kulAnanA | kharbA khaDgadharA khaDgA khalahA khalabuddhidA || 10-23 || khaJjanA khararUpA ca kSArAmlatiktamadhyagA | khelanA kheTakakarA kharavAkyA kharotkaTA || 10-24 || khadyotacaJcalA khelA khadyotA khagavAhinI | kheTakasthA khalAkhasthA khecarI khecarapriyA || 10-25 || khacarA kharapremA khalADhyA khacarAnanA | khecarezI kharogrA ca khecarapriyabhASiNI || 10-26 || kharjUrAsavasaMmattA kharjUraphalabhoginI | khAtamadhyasthitA khAtA khAtAmbuparipUriNI || 10-27 || khyAtiH khyAtajalAnandA khulanA khaJjanAgatiH | khalvA khalatarA khArI kharodveganikRntanI || 10-28 || gaganasthA ca bhItA ca gabhIranAdinI gayA | gaGgA gabhIrA gaurI ca gaNanAtha priyA gatiH || 10-29 || gurubhaktA gvAlihInA gehinI gopinI girA | gogaNasthA gANapatyA girijA giripUjitA || 10-30 || girikAntA gaNasthA ca girikanyA gaNezvarI | gAdhirAjasutA grIvA gurvI gurvyambazAGkarI || 10-31 || gandharvvakAminI gItA gAyatrI guNadA guNA | guggulusthA guroH pUjyA gItAnandaprakAzinI || 10-32 || gayAsurapriyAgehA gavAkSajAlamadhyagA | gurukanyA guroH patnI gahanA gurunAginI || 10-33 || gulphavAyusthitA gulphA garddabhA garddabhapriyA | guhyA guhyagaNasthA ca garimA gaurikA gudA || 10-34 || gudordhvasthA ca galitA gaNikA golakA galA | gAndharvI gAnanagarI gandharvagaNapUjitA || 10-35 || ghoranAdA ghoramukhI ghorA gharmanivAriNI | ghanadA ghanavarNA ca ghanavAhanavAhanA || 10-36 || ghargharadhvanicapalA ghaTAghaTapaTAghaTA | ghaTitA ghaTanA ghonA ghanarupa ghanezvarI || 10-37 || ghuNyAtItA ghargharA ca ghorAnanavimohinI | ghoranetrA ghanarucA ghorabhairava kanyakA || 10-38 || ghAtAghAtakahA ghAtyA ghrANAghrANezavAyavI | ghorAndhakArasaMsthA ca ghasanA ghasvarA gharA || 10-39 || ghoTakesthA ghoTakA ca ghoTakezvaravAhanA | ghananIlamaNizyAmA ghargharezvarakAminI || 10-40 || GakArakUTasampannA GakAracakragAminI | GakArI GasaMzA caiva GIpanItA GakAriNI || 10-41 || candramaNDalamadhyasthA caturA cAruhAsinI | cArucandramukhI caiva calaGgamagatipriyA || 10-42 || caJcalA capalA caNDI cekitAnA carusthitA | calitA cAnanA cArvvo cArubhramaranAdinI || 10-43 || caurahA candranilayA caindrI candrapurasthitA | cakrakaulA cakrarUpA cakrasthA cakrasiddhidA || 10-44 || cakriNI cakrahastA ca cakranAthakulapriyA | cakrAbhedyA cakrakulA cakramaNDalazobhitA || 10-45 || cakrezvarapriyA celA celAjinakuzottarA | caturvedasthitA caNDA candrakoTisuzItalA || 10-46 || caturguNA candravarNA cAturI caturapriyA | cakSuHsthA cakSuvasatizcaNakA caNakapriyA || 10-47 || cArvvaGgI candranilayA caladambujalocanA | carvvarIzA cArumukhI cArudantA carasthitA || 10-48 || casakasthAsavA cetA cetaHsthA caitrapUjitA | cAkSuSI candramalinI candrahAsamaNiprabhA || 10-49 || chalasthA chudrarUpA ca chatracchAyAchalasthitA | chalajJA chezvarAchAyA chAyA chinnazivA chalA || 50 || chatrAcAmarazobhADhyA chatriNAM chatradhAriNI | chinnAtItA chinnamastA chinnakezA chalodbhavA || 10-51 || chalahA chaladA chAyA channA channajanapriyA | chalachinnA chadmavatI chadmasadmanivAsinI || 10-52 || chadmagandhA chadAchannA chadmavezI chakArikA | chagalA raktabhakSA ca chagalAmodaraktapA || 10-53 || chagalaNDezakanyA ca chagalaNDakumArikA | churikA churikakarA churikArinivAzinI || 10-54 || chinnanAzA chinnahastA choNalolA chalodarI | chalodvegA chAGgabIjamAlA chAGgavarapradA || 10-55 || jaTilA jaTharazrIdA jarA jajJapriyA jayA | jantrasthA jIvahA jIvA jayadA jIvayogadA || 56 || jayinI jAmalasthA ca jAmalodbhavanAyikA | jAmalapriyakanyA ca jAmalezI javApriyA || 10-57 || javAkoTisamaprakhyA javApuSpapriyA janA | jalasthA jagaviSayA jarAtItA jalasthitA || 10-58 || jIvahA jIvakanyA ca janArddanakumArikA | jatukA jalapUjyA ca jagannAthAdikAminI || 10-59 || jIrNAGgI jIrNahInA ca jImUtAttyantazobhitA | jAmadA jamadA jRmbhA jRmbhaNAstrAdidhAriNI || 60 || jaghanyA jArajA prItA jagadAnandavaddhInI | jamalArjunadarpaghnI jamalArjunabhaJjinI || 10-61 || jayitrIjagadAnandA jAmalollAsasiddhidA | japamAlA jApyasiddhirjapayajJaprakAzinI || 10-62 || jAmbuvatI jAmbavataH kanyakAjanavAjapA | javAhantrI jagadbuddhirjjagatkartR jagadgatiH || 10-63 || jananI jIvanI jAyA jaganmAtA janezvarI | jhaGkalA jhaGkamadhyasthA jhaNatkArasvarUpiNI || 10-64 || jhaNatjhaNadvahnirUpA jhananAjhandarIzvarI | jhaTitAkSA jharA jhaJjhA jharjharA jharakanyakA || 10-65 || jhaNatkArI jhanA jhannA jhakAramAlayAvRtA | jhaGkarI jharjharI jhallI jhalvezvaranivAsinI || 10-66 || JakArI JakirAtI ca JakArabIjamAlinI | Janayo'ntA JakArAntA JakAraparamezvarI || 10-67 || JAntabIjapuTAkArA Jekale JaikagAminI | JaikanelA JasvarUpA JahArA JaharItakI || 10-68 || TunTunI TaGkahastA ca TAntavargA TalAvatI | TapalA TApabAlAkhyA TaGkAradhvanirUpiNI || 10-69 || TalAtI TAkSarAtItA TitkArAdikumArikA | TaGkAstradhAriNI TAnA TamoTArNalabhASiNI || 10-70 || TaGkArI vidhanA TAkA TakATakavimohinI | TaGkAradharanAmAhA TivIkhecaranAdinI || 10-71 || ThaThaGkArI ThATharUpA ThakArabIjakAraNA | DamarUpriyavAdyA ca DAmarasthA DabIjikA || 10-72 || DAntavargA DamarukA DarasthA DoraDAmarA | DagarArddhA DalAtItA DadArukezvarI DutA || 10-73 || DhArddhanArIzvarA DhAmA DhakkArI DhalanA DhalA | DhakesthA DhezvarasutA DhemanAbhAvaDhonanA || 10-74 || NomAkAntezvarI NAntavargasthA NatunAvatI | Nano mANAGkakalyANI NAkSavINAkSabIjikA || 10-75 || tulasItantusUkSmAkhyA tAralyA tailagandhikA | tapasyA tApasasutA tAriNI taruNI talA || 10-76 || tantrasthA tArakabrahmasvarUpA tantumadhyagA | tAlabhakSatridhAmUttIstArakA tailabhakSikA || 10-77 || tArogrA tAlamAlA ca takarA tintiDIpriyA | tapasaH tAlasandarbhA tarjayantI kumArikA || 10-78 || tokAcArA talodvegA takSakA takSakapriyA | takSakAlaGkRtA toSA tAvadrUpA talapriyA || 10-79 || talAstradhAriNI tApA tapasAM phaladAyinI | talvalvapraharAlItA talArigaNanAzinI || 10-80 || tUlA taulI tolakA ca talasthA talapAlikA taruNA taptabuddhisthAstaptA pradhAriNI tapA || 10-81 || tantraprakAzakaraNI tantrArthadAyinI tathA | tuSArakiraNAGgI ca caturdhA vA samaprabhA || 10-82 || tailamArgAbhisUtA ca tantrasiddhiphalapradA | tAmraparNA tAmrakezA tAmrapAtrapriyAtamA || 10-83 || tamoguNapriyA tolA takSakArinivAriNI | toSayuktA tamAyAcI tamaSoDhezvarapriyA || 10-84 || tulanA tulyarucirA tulyabuddhistridhA matiH | takrabhakSA tAlasiddhiH tatrasthAstatra gAminI || 10-85 || talayA tailabhA tAlI tantragopanatatparA | tantramantraprakAzA ca trizareNusvarUpiNI || 10-86 || triMzadarthapriyA tuSTA tuSTistuSTajanapriyA | thakArakUTadaNDIzA thadaNDIzapriyA'thavA || 10-87 || thakArAkSararUDhAGgI thAntavargAtha kArikA | thAntA thamIzvarI thAkA thakArabIjamAlinI || 10-88 || dakSadAmapriyA doSA doSajAlavanAzritA | dazA dazanaghorA ca devIdAsapriyA dayA || 10-89 || daityahantrIparA daityA daityAnAM maddInI dizA | dAntA dAntapriyA dAsA dAmanA dIrghakezikA || 10-90 || dazanA raktavarNA ca darIgrahanivAsinI devamAtA ca durlabhA ca dIrghAGgA dAsakanyakA || 10-91 || dazanazrI dIrghanetrA dIrghanAsA ca doSahA | damayantI dalasthA ca dveSyahantrI dazasthitA || 10-92 || daizeSikA dizigatA dazanAstravinAzinI dAridryahA daridrasthA daridradhanadAyinI || 10-93 || danturA dezabhASA ca dezasthA dezanAyikA | dveSarUpA dveSahantrI dveSArigaNamohinI || 10-94 || dAmodarasthAnanAdA dalAnAM baladAyinI | digdarzanA darzanasthA darzanapriyavAdinI || 10-95 || dAmodarapriyA dAntA dAmodarakalevarA | drAviNI draviNI dakSA dakSakanyA daladRDhA || 10-96 || dRDhAsanAdAsazaktirdvandvayuddhaprakAzinI | dadhipriyA dadhisthA ca dadhimaGgalakAriNI || 10-97 || darpahA darpadA dRptA darbhapuNyapriyA dadhiH | darbhasthA drupadasutA draupadI drupadapriyA || 10-98 || dharmacintA dhanAdhyakSA dhazvezvaravarapradA | dhanahA dhanadA dhanvI dhanurhastA dhanuHpriyA || 10-99 || dharaNI dhairyarUpA ca dhanasthA dhanamohinI | dhorA dhIrapriyAdhArA dharAdhAraNatatparA || 10-100 || dhAnyadA dhAnyabIjA ca dharmAdharmasvarUpiNI | dhArAdharasthA dhanyA ca dharmapuJjanivAsinI || 10-101 || dhanADhyapriyakanyA ca dhanyalokaizca sevitA | dharmArthakAmamokSAGgI dharmArthakAmamokSadA || 10-102 || dharAdharA dhuroNA ca dhavalA dhavalAmukhI | dharA ca dhAmarUpA ca dhruvA dhrauvyA dhruvapriyA || 10-103 || dhanezI dhAraNAkhyA ca dharmanindAvinAzinI | dharmatejomayI dharmmyA dhairyAgrabhargamohinI || 10-104 || dhAraNA dhautavasanA dhattUraphalabhoginI | nArAyaNI narendrasthA nArAyaNakalevarA || 10-105 || naranArAyaNaprItA dharmanindA namohitA | nityA nApitakanyA ca nayanasthA narapriyA || 10-106 || nAmnI nAmapriyA nArA nArAyaNasutA narA | navInanAyakaprItA navyA navaphalapriyA || 10-107 || navInakusumaprItA navInAnAM dhvajAnutA | nArI nimbasthitAnandAnandinI nandakArikA || 10-108 || navapuSpamahAprItA navapuSpasugandhikA | nandanasthA nandakanyA nandamokSapradAyinI || 10-109 || namitA nAmabhedA ca nAmnArttavanamohinI | navabuddhipriyAnekA nAkasthA nAmakanyakA || 10-110 || nindAhInA navollAsA nAkasthAnapradAyinI | nimbavRkSasthitA nimbA nAnAvRkSanivAsinI || 10-111 || nAzyAtItA nIlavarNA nIlavarNA sarasvatI | nabhaHsthA nAyakaprItA nAyakapriyakAminI || 10-112 || naivavarNA nirAhArA nivIhANAM rajaHpriyA | nimnanAbhipriyAkArA narendrahastapUjitA || 10-113 || nalasthitA nalaprItA nalarAjakumArikA | parezvarI parAnandA parAparavibhedikA || 10-114 || paramA paracakrasthA pArvatI parvatapriyA | pAramezI parvanAnA puSpamAlyapriyA parA || 10-115 || parA priyA prItidAtrI prItiH prathamakAminI | prathamA prathamA prItA puSpagandhapriyA parA || 10-116 || pauSyI pAnaratA pInA pInastanasuzobhanA | paramAnaratA puMsAM pAzahastA pazupriyA || 10-117 || palalAnandarasikA palAladhUmarUpiNI | palAzapuSpasaGkAzA palAzapuSpamAlinI || 10-118 || premabhUtA padmamukhI padmarAgasumAlinI | padmamAlA pApaharA patipremavilAsinI || 10-119 || paJcAnanamanohArI paJcavaktraprakAzinI | phalamUlAzanA phAlI phaladA phAlgunapriyA || 10-120 || phalanAthapriyA phallI phalgukanyA phalonmukhI | phetkArItantramukhyA ca phetkAragaNapUjitA || 10-121 || pheravI pheravasutA phalabhogodbhavA phalA | phalapriyA phalAzaktA phAlgunAnandadAyinI || 10-122 || phAlabhogottarA phelA phulAmbhojanivAsinI | vasudevagRhasthA ca vAsavI vIrapUjitA || 10-123 || viSabhakSA budhasutA bluGkArI blUvarapradA | brAhmI bRhaspatisutA vAcaspativarapradA || 10-124 || vedAcArA vedyaparA vyAsavaktrasthitA vibhA | bodhajJA vauSaDAkhyA ca vaMzIvaMdanapUjitA || 10-125 || vajrakAntA vajragatirbadarIvaMzavivaddhInI | bhAratI bhavarazrIdA bhavapatnI bhavAtmajA || 10-126 || bhavAnI bhAvinI bhImA bhiSagbhAryA turisthitA | bhUrbhuvaHsvaHsvarUpA ca bhRzArttA bhekanAdinI || 10-127 || bhautI bhaGgapriyA bhaGgabhaGgahA bhaGgahAriNI | bhartA bhagavatI bhAgyA bhagIrathanamaskRtA || 10-128 || bhagamAlA bhUtanAthezvarI bhArgavapUjitA | bhRguvaMzA bhItiharA bhUmirbhujagahAriNI || 10-129 || bhAlacandrAbhabhalvabAlA bhavabhUtivIbhUtidA | makarasthA mattagatirmadamattA madapriyA || 10-130 || madirASTAdazabhujA madirA mattagAminI | madirAsiddhidA madhyA madAntargatisiddhidA || 10-131 || mInabhakSA mInarUpA mudrAmudgapriyA gatiH | muSalA muktidA mUrttA mUkIkaraNatatparA || 10-132 || mRSArttA mRgatRSNA ca meSabhakSaNatatparA | maithunAnandasiddhizca maithunAnalasiddhidA || 10-133 || mahAlakSmIrbhairavI ca mahendrapIThanAyikA | manaHsthA mAdhavImukhyA mahAdevamanoramA || 10-134 || yazodA yAcanA yAsyA yamarAjapriyA yamA | yazorAzivibhUSAGgI yatipremakalAvatI || 10-135 || ramaNI rAmapatnI ca ripuhA rItimadhyagA | rudrANI rUpadA rUpA rUpasundaradhAriNI || 10-136 || retaHsthA retasaH prItA retaHsthAnanivAsinI | rendrAdevasutAredA ripuvargAntakapriyA || 10-137 || romAvalIndrajananI romakUpajagatpatiH | raupyavarNA raudravarNA raupyAlaGkArabhUSaNA || 10-138 || raGgiNA raGgarAgasthA raNavahnikulezvarI | lakSmIH lAGgalahastA ca lAGgalI kulakAminI || 10-139 || lipirUpA lIDhapAdA latAtantusvarUpiNI | limpatI lelihA lolA lomazapriyasiddhidA || 10-140 || laukikI laukikIsiddhirlaGkAnAthakumArikA | lakSmaNA lakSmIhInA ca lapriyA lArNamadhyagA || 10-141 || vivasA vasanAvezA vivasyakulakanyakA | vAtasthA vAtarUpA ca velamadhyanivAsinI || 10-142 || zmazAnabhUmimadhyasthA zmazAnasAdhanapriyA | zavasthA parasiddhyarthI zavavakSasi zobhitA || 10-143 || zaraNAgatapAlyA ca zivakanyA zivapriyA | SaTcakrabhedinI SoDhA nyAsajAladRDhAnanA || 10-144 || sandhyAsarasvatI sundyA sUryagA zAradA satI | haripriyA harahAlAlAvaNyasthA kSamA kSudhA || 10-145 || kSetrajJA siddhidAtrI ca ambikA cAparAjitA | AdyA indrapriyA IzA umA UDhA RtupriyA || 10-146 || sutuNDA svarabIjAntA harivezAdisiddhidA | ekAdazIvratasthA ca endrI oSadhisiddhidA || 10-147 || aupakArI aMzarUpA astrabIjaprakAzinI | ityetat kAmukInAtha kumArINAM sumaGgalam || 10-148 || trailokyaphaladaM nityamaSTottarasahasrakam | mahAstotraM dharmasAraM dhanadhAnyasutapradam || 10-149 || sarvavidyAphalollAsaM bhaktimAn yaH paThet sudhIH | sa sarvadA divArAtrau sa bhavenmuktimArgagaH || 10-150 || sarvatra jayamApnoti vIrANAM vallabho labhet | sarve devA vazaM yAnti vazIbhUtAzca mAnavAH || 10-151 || brahmANDe ye ca zaMsanti te tuSTA nAtra saMzayaH | ye vazanti ca bhUrloke devatulyaparAkramAH || 10-152 || te sarve bhRtyatulyAzca satyaM satyaM kulezvara | akasmAt siddhimApnoti homena yajanena ca || 10-153 || jApyena kavacAdyena mahAstotrArthapAThataH | vinA yajJaivInA dAnaivInA jApyairlabhet phalam || 10-154 || yaH paThet stotrakaM nAma cASTottarasahasrakam | tasya zAntirbhavet kSipraM kanyAstotraM paThettataH || 10-155 || vAratrayaM prapAThena rAjAnaM vazamAnayet | vAraikapaThito mantrI dharmArthakAmamokSabhAk || 10-156 || tridinaM prapaThedvidvAn yadi putraM samicchati | vAratrayakrameNaiva vAraikakramato'pi vA || 10-157 || paThittvA dhanaratnAnAmadhipaH sarvavittagaH | trijaganmohayenmantrI vatsarArddhaM prapAThataH || 10-158 || vatsaraM vApya yadi vA bhaktibhAvena yaH paThet | cirajIvI khecarattvaM prApya yogI bhavennaraH || 10-159 || mahAdUrasthitaM varNaM pazyati sthiramAnasaH | mahilAmaNDale sthittvA zaktiyuktaH paThet sudhIH || 10-160 || sa bhavetsAdhakazreSThaH kSIrI kalpadrumo bhavet | sarvadA yaH paThennAtha bhAvodgatakalevaraH || 10-161 || darzanAt stambhanaM karttuM kSamo bhavati sAdhakaH | jalAdistambhane zakto vahnistambhAdisiddhibhAk || 10-162 || vAyuvegI mahAvAgmI vedajJo bhavati dhruvam | kavinAtho mahAvidyo vandhakaH paNDito bhavet || 10-163 || sarvadezAdhipo bhUttvA devIputraH svayaM bhavet | kAntiM zriyaM yazo vRddhiM prApnoti balavAn yatiH || 10-164 || aSTasiddhiyuto nAtha yaH paThedarthasiddhaye | ujjaTe'raNyamadhye ca parvate ghorakAnane || 10-165 || vane vA pretabhUmau ca zavopari mahAraNe | grAme bhagnagRhe vApi zUnyAgAre nadItaTe || 10-166 || gaGgAgarbhe mahApIThe yonipIThe gurorgRhe | dhAnyakSetre devagRhe kanyAgAre kulAlaye || 10-167 || prAntare goSThamadhye vA rAjAdibhayahInake | nirbhayAdisvadezeSu ziliGgAlaye'thavA || 10-168 || bhUtagartte caikaliGgai vA zUnyadeze nirAkule | azvatthamUle bilve vA kulavRkSasamIpage || 10-169 || anyeSu siddhadezeSu kularUpAzca sAdhakaH | divye vA vIrabhAvastho yaSTvA kanyAM kulAkulai || 10-170 || kuladravyaizca vividhaiH siddhidravyaizca sAdhakaH | mAMsAsavena juhuyAnmuktena rasena ca || 10-171 || hutazeSaM kuladravyaM tAbhyo dadyAt susiddhaye | tAsAmucchiSTamAnIya juhuyAd raktapaGkaje || 10-172 || ghRNAlajjAvinirmuktaH sAdhakaH sthiramAnasaH | pibenmAMsarasaM mantrI sadAnando mahAbalI || 10-173 || mahAmAMsASTakaM tAbhyo madirAkumbhapUritam | tAro mAyA ramAvahnijAyAmantraM paThet sudhIH || 10-174 || nivedya vidhinAnena paThittvA stotramaGgalam | svayaM prasAdaM bhuktvA hi sarvavidyAdhipo bhavet || 10-175 || zUkarasyoSTrmAMsena pInamInena mudrayA | mahAsavaghaTenApi dattvA paThati yo naraH || 10-176 || dhruvaM sa sarvagAmI syAd vinA homena pUjayA | rudrarUpo bhavennityaM mahAkAlAtmako bhavet || 10-177 || sarvapuNyaphalaM nAtha kSaNAt prApnoti sAdhakaH | kSIrAbdhiratnakoSezo viyadvyApI ca yogirAT || 10-178 || bhaktyAhlAdaM dayAsindhuM niSkAmattvaM labhed dhruvam | mahAzatrupAtane ca mahAzatrubhayAddIte || 10-179 || vAraikapAThamAtreNa zatrUNAM vadhamAnayet | samardayet zatrUn kSipramandhakAraM yathA raviH || 10-180 || uccATane mAraNe ca bhaye ghoratare ripau | paThanAddhAraNAnmarttyo devA vA rAkSasAdayaH || 10-181 || prApnuvanti jhaTit zAntiM kumArInAmapAThataH | puruSo dakSiNe bAhau nArI vAmakare tathA || 10-182 || dhRtvA putrAdisampattiM labhate nAtra saMzayaH || 10-183 || mamAjJayA mokSamupaiti sAdhako | gajAntakaM nAtha sahasranAma ca paThenmanuSyo yahi bhaktibhAvata-- stadA hi sarvatra phalodayaM labhet ca || 10-184 || mokSaM satphalabhoginAM stavavaraM sAraM parAnandadaM ye nityaM hi mudA paThanti viphalaM sArthaJca cintAkulAH te nityAH prabhavanti kItIkamale zrIrAmatulyo jaye kandarpAyutatulyarUpaguNinaH krodhe ca rudropamAH || 10-185 || iti zrIrudrayAmale uttaratantre mahAtantroddIpane kumAryupacaryAvinyAse siddhamantra-- prakaraNe divyabhAvanirNaye aSTottarasahasranAmamaGgalollAse dazamaH paTalaH || 10 || athaikAdazaH paTalaH AnandabhairavI uvAca athAtaH sampravakSyAmi divyabhAvAdinirNayam | yamAzritya mahArudro bhuvanezvaranAmadhRk || 11-1 || yaM jJAtvA kamalAnAtho devatAnAmadhIzvaraH | caturvedAdhipo brahmA sAkSAdbrahma sanAtanaH || 11-2 || baTuko mama putrazca zakraH svargAdhidevatA | aSTasiddhiyutAH sarve dikpAlAH khecarAdayaH || 11-3 || tatprakAraM mahAdeva AnandanAthabhairava | surAnanda hRdayAnanda jJAnAnanda dayAmaya || 11-4 || zRNusvaikamanA nAtha yadi tvaM siddhimicchasi | mama priyAnandarUpa yato me tvaM tanusthitaH || 11-5 || trividhaM divyabhAvaJca vedAgamavivekajam | vedArthamadhamaM samproktaM madhyamaM cAgamodbhavam || 11-6 || uttamaM sakalaM proktaM vivekollAsasambhavam | tathaiva trividhaM bhAvaM divyavIrapazukramam || 11-7 || divyaM vivekajaM proktaM sarvasiddhipradAyakam | uttamaM tadvijAnIyAdAnandarasasAgaram || 11-8 || madhyamaM cAgamollAsaM vIrabhAvaM kriyAnvitam | vedodbhavaM phalArthaJca pazubhAvaM hi cAdhamam || 11-9 || sarvanindA samAvyAptaM bhAvAnAmadhamaM pazoH | uttame uttamaM jJAnaM bhAvasiddhipradaM nRNAm || 11-10 || madhyame madhumatyAzca matkulAgamasambhavam | akAlamRtyuharaNaM bhAvAnAmatidurlabham || 11-11 || vIrabhAvaM vinA nAtha na siddhyati kadAcana | adhame adhamA vyAkhyA nindArthavAcakaM sadA || 11-12 || yadi nindA na karoti tadA tatphalamApnuyAt | pazubhAve'pi siddhiH syAt yadi vedaM sadAbhyaset || 11-13 || vedArthacintanaM nityaM vedapAThadhvanipriyam | sarvanindAvirahitaM hiMsAlasyavivajItam || 11-14 || lobha--moha--kAma--krodha--mada—mAtsaryavajItam | yadi bhAvasthito mantrI pazubhAve'pi siddhibhAk || 11-15 || pazubhAvaM mahAbhAvaM ye jAnanti mahItale | kimasAdhyaM mahAdeva zramAbhyAsena yAnti tat || 11-16 || zramAdhInaM jagat sarvaM zramAdhInAzca devatAH | zramAdhInaM mahAmantraM zramAdhInaM parantapaH || 11-17 || zramAdhInaM kulAcAraM pazubhAvopalakSaNam | vedArthajJAnamAtreNa pazubhAvaM kulapriyam || 11-18 || smRtyAgamapurANAni vedArthavividhAni ca | abhyasya sarvazAstrANi tattvajJAnAttu buddhimAn || 11-19 || palalamiva dhAnyArthI sarvazAstrANi santyajet | jJAnI bhUtvA bhAvasAramAzrayet sAdhakottamaH || 11-20 || vede vedakriyA kAryA maduktavacanAdRtaH | pazUnAM zramadAhAnAmiti lakSaNamIritam || 11-21 || AgamArthaM kriyA kAryA matkulAgamaceSTayA | vIrANAmuddhatAnAJca mat zarIrAnugAminAm || 11-22 || maccecchAkula tattvAnAmiti lakSaNamIritam | vivekasUtrasaMjJAjJA kAryA sudRDha.cetasAm || 11-23 || sarvatra samabhAvAnAM bhAvamAtraM hi sAdhanam | sarvatra matpadAmbhojasambhavaM sacarAcaram || 11-24 || pRSTvA yatkurute karma cAkhaNDaphalasiddhidam | akhaNDajJAnacittAnAmiti bhAvaM vivekinAm || 11-25 || nirmalAnandadivyAnAmiti lakSaNamIritam | divye tu trividhaM bhAvaM yo jAnAti mahItale || 11-26 || na nazyati mahAvIraH kadAcit sAdhakottamaH | divyabhAvaM vinA nAtha matpadAmbhojadarzanam || 11-27 || ya icchati mahAdeva sa mUDhaH sAdhakaH katham | pazubhAvaM prathamake dvitIye vIrabhAvakam || 11-28 || tRtIye divyabhAvaJca divyabhAvatrayaM kramAt | tatprakAraM zRNu ziva trailokyaparipAvana || 11-29 || bhAvatrayavizeSajJaH SaDAdhArasya bhedanaH | paJcatattvArthabhAvajJo divyAcArarataH tadA || 11-30 || sa eva bhavati zrImAn siddhanAmAdipAragaH | zivavad viharet so'pi aSTaizvaryasamanvitaH || 11-31 || sarvatra zucibhAvena AnandaghanasAdhanam | prAtaHkAlAdimadhyAhnakAlaparyantadhAraNam || 11-32 || bhojanaJcoktadravyeNa saMyamAdikrameNa vA | yaH sAdhayati sa siddho divyabhAve pazukramAt || 11-33 || divyabhAve vIrabhAvaM vadAmi tatpunaH zRNu | madhyAhnAdikasandhyAntaM zucibhAvena sAdhanam || 11-34 || japanaM dhAraNaM vApi cittamAdAya yatnataH | ekAntanirjane deze siddho bhavati nizcitam || 11-35 || tatkAlaM vIrabhAvArthaM bhAvamAtraM hi sAdhanam | bhAvena labhate siddhiM vIrAdanyanna kutracit || 11-36 || rAtrau gandhAdisampUrNastAmbUlapUritAnanaH | vijayAnandasampanno jIvAtmaparamAtmanoH || 11-37 || ekyaM citte samAdhAya AnandodrekasaMbhramaH | yo japet sakalAM rAtriM gatabhInIrjane gRhe || 11-38 || sa bhavet kAlikAdAso divyAnAmuttamottamaH | evaM bhAvatrayaM jJAtvA yaH karma sAdhayettataH || 11-39 || aSTaizvaryayuto bhUtvA sarvajJo bhavati dhruvam | bhAvatrayANAM madhye tu bhAvapuNyArthanirNayam || 11-40 || zRNu nAtha pravakSyAmi sAvadhAnA'vadhAraya | akasmAt siddhimApnoti jJAtvA saGketalAJchitam || 11-41 || yo jAnAti mahAdeva tasya siddhirna saMzayaH | dvAdaze paTale sUkSmasaGketArthaM vadAmi tat || 11-42 || AnandabhairavI uvAca ekAdaze ca paTale zuddhabhAvArthanirNayam | bhAvena labhyate sarvaM bhAvAdhInaM jagattrayam || 11-43 || bhAvaM vinA mahAdeva na siddhirjAyate kvacit | pazubhAvAzrayANAJca aruNodayakAlataH || 11-44 || dazadaNDAzritaM kAlaM praznArthaM kevalaM prabho | cakraM dvAdazarAzezca mAsadvAdazakasya ca || 11-45 || dazadaNDe vijAnIyAd bhAvAbhAvaM vicakSaNaH | anulomavilomena paJcasvaravibhedataH || 11-46 || bAlya kaizorasaundaryaM yauvanaM vRddhasaJjJakam | asta(aSTa)mitaM kramAjjJeyo vidhiH paJcasvaraH svayam || 11-47 || svakIyaM nAsikAgrasthaM paJcamaM parikItItam | yannAsApuTamadhye tu vAyurbhavati bhairava || 11-48 || tannAsApuTamadhye tu bhAvAbhAvaM vicintayet | AkAzaM vAyurUpaM hi taijasaM vAruNaM prabho || 11-49 || pAthIvaM kramazo jJeyaM bAlyAstAdikrameNa tu | vAmodaye zubhA vAmA dakSiNe puruSaH zubhaH || 11-50 || vAyUnAM gamanaM jJeyaM gaganAvadhireva ca | kevalaM madhyadeze tu gamanaM pavanasya ca || 11-51 || tadAkAzaM vijAnIyAd bAlyabhAvaM prakItItam tiryaggatistu nAsAgre vAyorudayameva ca || 11-52 || kevalaM bhramaNaM jJeyaM sarvamaGgalameva ca | kizoraM tadvijAnIyAd vAyau tiryaggatau vibho || 11-53 || kevalorddhvanAsikAgre vAyurgacchati daNDavat | tattaijasaM vijAnIyAd gamanaM balavad bhavet || 11-54 || tadvRddhagatabhAvaJca vilambo'dhikaceSTayA | prApnoti paramAM prItiM varuNAmbhodaye rujAm || 11-55 || yadAdho gacchati kSipraM kiJcid Urdhvamagocaram | yadA karoti prazvAsaM tadA rogolbaNodayaH || 11-56 || pRthivyA unnataM bhAgyaM yogAtapaprapIDitam | astamitaM mahAdeva anulomavilomataH || 11-57 || pavano gacchati kSipraM vAmadakSiNabhedataH | vAmanAsApuTe yAti pRthivI jalameva ca || 11-58 || sadA phalAphalaM datte muditA kuNDamaNDale | tayorvai vAyavI zaktiH phalabhAgaM tadA labhet || 11-59 || yadyevaM vAmabhAge tu vAmAyAH praznakarmaNi | yadi tatra pumAn praznaM karoti vAmagAmine || 11-60 || tadA rogamavApnoti karmahIno bhaved dhruvam | yadi vAyUdayo vAme dakSiNe puruSaH sthitaH || 11-61 || tadA phalamavApnoti dravyAgamanadurlabham | akasmAd dravyahAniH syAnmanogataphalApaham || 11-62 || suhRd bhaGgavivAdaJca bhinnabhinnodaye zubham | kevalaM varuNasyaiva puruSo dakSiNe zubham || 11-63 || azubhaM pRthivIdakSe bhedo'yaM varadurlabhaH | sadodayaM dakSiNe ca vAyostaijasa eva ca || 11-64 || AkAzasya vijAnIyAt zubhAzubhaphalaM prabho | yadi bhAgyavazAdeva vAyormandA gatirbhavet || 11-65 || dakSanAzAmadhyadeze tadA vAmodayaM zubham | tadA vAme vicAraJca vAyutejodvayasya ca || 11-66 || jJAtvodayaM vijAnIyAd mitre hAniH sure bhayam | evaM subhavanAgAre yadi gacchati vAyavI || 11-67 || tasmin kAle pumAn dakSo dakSabhAgasthasammukhaH | tadA kanyAdAnaphalaM yathA prApnoti mAnavaH || 11-68 || tadA vAyuprasAdena prApnoti dhanamuttamam | dezAntarasthabhAvArttA AyAnti putrasampadaH || 11-69 || bAlyAdikaM bhAvatrayaM rAzibhede zubhaM dizet etaccakre phalaM tasya rAzidvAdazacakrake || 11-70 || sUkSmaM phalaM vijAnIyAt cakraM nAma zRNu prabho | AjJAcakraM kAmacakraM phalacakraJca sAradam || 11-71 || praznacakraM bhUmicakraM svargacakraM tataH param | tulAcakraM vAricakraM SaTcakraM triguNAtmakam || 11-72 || sAracakramulkAcakraM mRtyucakraM kramAtprabho | SaTkoNaM cAtra jAnIyAdanulomavilomataH || 11-73 || sarvacakre svarajJAnaM sarvatra vAyusaGgatim | sarvapraznAdisaJcAraM bhAvena jAyate yadi || 11-74 || tadA taddaNDamAnaJca jJAtvA rAzyudayaM budhaH | kuryAt praznavicAraJca yadi kItImihecchati || 11-75 || iti zrIrudrayAmale uttaratantre mahAtantroddIpane bhAvabodhanirNaye pazubhAvavicAre sArasaGkete siddhamantraprakaraNe bhairavIbhairavasaMvAde ekAdazaH paTalaH || 11 || atha dvAdazaH paTalaH AnandabhairavI uvAca tadvAmasandhidezasthamaSTamAGkamatho likhet | tadadhaH sandhidezasthaM saptAGkaM vilikhed budhaH || 12-1 || tadUrdhvaM vAmakoNe ca tRtIyAGkaM likhettataH | tadUrdhvaM koNagehe ca yugmAGkaM vilikhettathA || 12-2 || taddakSiNe gRhe caikamaGkavarNaM zRNu prabho | vasubhAvaM zUnyabhAvaM SaSThabhAvaJca zUnyakam || 12-3 || etanmadhye nAsti varNaM koNAGkaJca savarNakam | Tatavargau za za likhet zare zUnyAdha eva ca || 12-4 || vedAGkasthau kacavargau eekArasamanvitau | tRtIyAGkasthitaM varNaM AdikSAntaM Tavargamom || 12-5 || tapavargau yugAntasthau makAraM sAvadhAnataH | vilikhed dakSiNe tasya gehe caikAGkamadhyake || 12-6 || uyugaM patavargau ca akAraM yugmazIrSake | etat cakraM kAmacakraM praznakAle phalapradam || 12-7 || vAmAvarttena gaNayet dazakoNasthavarNakAn | anuloma vilomena paJcasvarAdinAmataH || 12-8 || yasmingRhe svIyanAma prApnoti vedapAragaH | tadgRhAvadhi praznArthaM gaNayed grahasiddhaye || 12-9 || navagrahanavasthAnaM varNaM jJAtvA subuddhimAn | bAlyabhAvAdikaM jJAtvA yatra grahasthitirbhavet || 12-10 || tannakSatraM samAnIya dvArAdhikAramAnayet | vinA trikoNayogena SaTkoNaM likhed budhaH || 12-11 || tanmadhye aSTakoNaJca bhitvA devagRhAntaram | tanmadhye cApi SaTkoNaM tanmadhye ca trikoNakam || 12-12 || krameNa vilikhed varNaM dakSiNAvarttayogataH | UdrdhvavAmadezabhAge a A i ca kavargakam || 12-13 || taddakSiNe I i yugaM TavargaJca likhed budhaH | dakSapArzve adhobhAge RyugaM tu tavargakam || 12-14 || tadadho lR lRR e e rUpaJca pavargaJca likhed budhaH | tadvAmapArzvabhAge ca o au yaralavAn likhet || 12-15 || zeSagehe likhedaM aH zAdikSAntaM hi SaDgRhe | madhyastamAdikoNe ca ekAGkaM zArvakaM tanum || 12-16 || rudrAgnimUtImanilaM agnikoNe likhed budhaH | yajamAnaH pazupatimUtISaSThaJca dakSiNe || 12-17 || mahAdevaM somamUtIM saptamaM nairRte likhet | jalamUttIbhavaM yugmaM pazcime vilikhed budhaH || 12-18 || ugravIraM vAyumUttIM vAyukoNe caturthakam | bhImarUpAkAzamUttIM paJcamaM cottare likhet || 12-19 || IzAnaM sUryamUtIJca IzAne SaDdalaM likhet | adhaH SaTkoNamadhye ca SaTkoNaM vilikhettataH || 12-20 || UdrdhvakoNe grISmakAlaM ziziraJcApi dakSiNe | varSAkAlamadhastasya sarvAdhazca vasantakam || 12-21 || zaratkAlaM paJcakoze zItakAlaJca SaSThake | trikoNe cApi tanmadhye vahnirUpaM vakArakam || 12-22 || likhitvA gaNayenmantrI varNadevAGkavahnibhiH | etaccakraM mahAsUkSmaM phalacakraM vizAradam || 12-23 || adhunA kulanAtheza pRSThacakraM punaH zRNu | vinA jJAnena yasyaivaM pRSThabhAvo na jAyate || 12-24 || yadi pRSThacakrabhAvaM jAnAti sAdhakottamaH | tadA nijaphalaM jJAtvA siddhimApnoti nizcitam || 12-25 || Anandabhairava uvAca SaTkoNaM kArayenmantrI vinA trikoNasAdhanaiH | tanmadhye ca catuSkoNaM tanmadhye zAdivarNakAn || 12-26 || likhitvA vilikhettatra SaDaGkamadhyadezataH | SaDaGkaM dApayenmantrI dIrghadIrghakrameNa tu || 12-27 || tadagre SaDgRhaM kuryAttatrAGkArNAn likhetsudhIH | Udrdhvaprathamagehe ca kavargaM vilikhed budhaH || 12-28 || taddakSiNe mandire ca cavargaM vilikhed budhaH | TavargaM dakSiNe cAdhaH sarvAdhastu tavargakam || 12-29 || tadvAme mandire nAtha pavargaM varNamaGgalam | tadUrdhve yAdivAntaM ca dakSiNAvarttayogataH || 12-30 || akArAdisvarAn tatra mandire vilikhed budhaH | yAvat svarasthitiryAti tAvatkAlaM vicArayet || 12-31 || meSAdirAzisadbhAvaM vargalekhanamAnataH | anulomavilomena vilikhet SaSThamandire || 12-32 || yadyadgRhe sAdhyanAma cAsti nAtha svarAdikam | ekatrIkRtya haraNAt yadaGkaM prApyate varam || 12-33 || SaDaGkena tato nAtha haredanalasaMkhyayA | yadaGkaM prApyate tatra sa rAzistat kSaNasya ca || 12-34 || AjJAcakraM phalaM siddhaM vidyAnAtha vadAmi tat | yena vijJAtamAtreNa sarvajJo bhavati dhruvam || 12-35 || akasmAt zaktimApnoti vidyAratnaM dadAmi tat | ravyAdisaptavAraJca kRte bhadravivardhanam || 12-36 || zanyAdisaptavAraM ca tretAyAM saukhyavarddhanam | gurvAdisaptavAraJca dvApare dharmasAdhanam || 12-37 || zukrAdivArasaptaJca kalau yugaphalapradam | ataH zukrAdiparyantaM gaNanIyaM vicakSaNaiH || 12-38 || gaNayet saptavAraJca madhye catudrdale sudhIH | pUrvAdikramato vArAn gaNayed tantravittamaH || 12-39 || nijavAro yatra patre samAptistUdbhavaJca tat | tadbharAziM samAnIya varNabhedaM samAnayet || 12-40 || sAmAnyaphalamUlaJca vadArNAdipatrabhedataH | AjJAcakraM zubhaM mantrI AjJAcakraM vicArayet || 12-41 || tatphalAphalamAhAtmyaM zRNu saGketapaNDita || 12-42 || Anandabhairava uvAca dale pUrvabhAge AkArArdha indu-- | sphuTe rAjyalAbhaM hakArAntazabdam | sAmAnArthabhAvaM viziSTArthayoga| kratukSemayuktaM tathA putralAbham || 12-43 || dayAyuktabhUSAzrayatvaM jayatva| samApnoti martyo vivAhaM suvAham sukhaM nAtha lokAnurAgaM subhoga| vibhAdhAvakAnAM samApte kSaNAdim || 12-44 || padme dakSiNapatrake priyapadA modadahaM bhAsvara| nAnAlakSaNaduHkhadaM zucipadA Andolitastairaham | mAhendrAmRtayogarAgahananaM sAkSAdyamAropaNa| cittAnAM paricaJcalaM khalaguNAhlAdena sAmoditam || 12-45 || pAtrArthalAbhaM yadi vAdha eva pragacchati krUrakhalapratApaH | tathApi hantuM na ca varNamadhye kSamaH svasiddhaM bhajate kSamAdi || 12-46 || rasArthapraznaM kurute yadi syAd vAro hi cAro gRhamadhyabhAge | svakIya indupriyavad bhaved dhruvam manogataM saukhyavivardhanaJca || 12-47 || zatrUNAM hananaM tadA kulagataM saJcAravAtaM mudA | rogANAM parimardanaM prabhupade bhaktyathInAM jJApanam | AhlAdaM hRdayAmbuje'mRtadhanaM tIrthAgamaM zokaha| sUkSmArthaM gaNayettataH pracapalA vAgdevatAdarzanam || 12-48 || Atharve patramadhye nivasati kamalA komalA vAdyadAtrI | AgantavyAdivArtA kathayati sahasA sarvadA maGgalAni | nityAvazyaM pratApaM priyagaNahitAM premabhAvAzrayattva| nityaM kAntAmukhAmbhoruhavimalamadhupremapAnAbhilASam || 12-49 || meSe tRptimupaiti siMha iSubhiH kumbhena teSAM phala| lAbhaM kuJjaraghAtakeSu rajataM cauryeNa yadyadgata | evaM kAsyavihAraNaM zatapale sUryodayAttiSThati | prAtaH kAlaphalAphalaM kathayati zrIkezarImadhyagaH || 12-50 || pazyAdekazataM palendudhanuSA vyAptaM yadA bhUtale | vittAnAM haraNaM tadA jalagate mitrasya rAjyAdikam | dUrasthAdikathAgatAdisamayaM zatrormahApIDana| vAJchAvargakulodayaM samudayAt sUryasya cAgaNyate || 12-51 || zeSe caikazate phale samudite kumbho mahAdurbalI | dAridryasya kathA kadA suviSayaM vidyArthabhUSaJca yam | lAbhaM dezavidezakAryagamanaM zIghraM dhanAdyAgama| devAnAM khalu darzanArthakathanaM vyAmohasannAzanam || 12-52 || vAre zukre zanigatadina lavaTAhau ca sUrye | nityaM jJAnodayanijapatha AyuSAM nirNayaM tat | aSTau vargAnudayati mudA prApya vIro mahattva| loko doSaM prathamakhacare cAyuSAM pRSTamAtram || 12-53 || iti zrIrudrayAmale uttaratantre mahAtantroddIpane bhAvapraznArthabodhanirNaye pAzavakalpe AjJAcakrasArasaGkete siddhamantraprakaraNe bhairavIbhairavasaMvAde dvAdazaH paTalaH || 12 || atha trayodazaH paTalaH AnandabhairavI uvAca AjJApraznArthabhAvaJca varNavinyAsanirNayam | adhunA zRNu sarvajJa bhAvajJAnaparAyaNa || 13-1 || yadi meSe svanakSatraM svavArasaMyutaM zubham | jJAtvA zubhAdipatraJca palamAnena sAdhakaH || 13-2 || gaNayed varNasAraJca yena tatpraznanirNayaH | pUrve dale kakArasya varNabhedaM zRNu prabho || 13-3 || manasi sukhasamUhaM prANasaukhyArthacintA | vasanagamanalAbhaM prItiputrArthayogyam | sthirapadamapi deze darzanaM prANabandhoH | sakalakaluSahAnizcAdipatre kakAre || 13-4 || sadA nRnAsike sukhaM sukholbaNasya sevana| sadAzive ca bhaktidaM svakIyagehasatphalam | kalAdharasya dRSTibhiH pradhAnalokapUjana| hitAhitaM na bAdhate vivAhakelinA sukham || 13-5 || RkAraM vipadAM dhvaMsaM dhairye vidyAvibodhanam | vyAdhipIDAdurjanAnAM pIDApraznaM vadettadA || 13-6 || ukAre vAyubhAvasya vRthAgamanameva ca | dAridryahAnayoryAnti dUrAgamanadurlabham || 13-7 || khakAre dravyapraznaJca zubhakArye gate bhayam | Azu bhayaM samApnoti prApya nirdhanatAM vrajet || 13-8 || paJcatvajijJAsanameva satyaM nityaM sukhAnAmudayAya ceSTA | zatrovInAzAya hitAya bandhoH pakArakUTe paracauraceSTA || 13-9 || kaivalyAdisamApanaM nijamano duSTavyApahaM kAminA| nAnAbhogavinAzanaM kanakaraupyarAjapradaM svake | mArIbhItivirodhanaM dhanapaterAnandapuJjodaya| govidyAzriyamAzu lAbhavividhaM dharmArthacintAkulam || 13-10 || haripUjA haridhyAnaM haripAdAmbuje ratiH | cauryAharaNadravyasya na hAnirjanmahArdake || 13-11 || AkAre tejaso hAnirmahAzabde vinAzanam | AgatAnAJca hAniH syAt pakSapAtaM gatau jayam || 13-12 || uzato nijagehasthA ulbaNavyAdhipIDanam | utsAhadhvaMsazUnyaJca pAThe pANDityamulbaNam || 13-13 || dIrghalRkAravarNe ca lAvaNyalocano nRpaH | lajjAnaSTakSemabuddhimItratulyapriyo bhavet || 13-14 || dIrghapraNavamoGkAre nirAzrayo na jIvati | mahadAzrayamAtreNa sarvaM cUrNaM karoti hi || 13-15 || siMhe kArmukameSalagnasamaye nityAziSaM prApnuyAt | kiJcidbhAti parAkramI gatimatAM zreSTho bhavet karmaNi | kiJciddoSakulApahaM narapaterutsAhasaMvardhana| krodhI nityaparAkramI bhavati saH zIghrAbhilASAnvitaH || 13-16 || atha vakSye mahAdeva vIrANAmuttamottama | sarvazAstrArthatattvajJa tattvajJAnaparAyaNa || 13-17 || dakSiNasthadalasyApi varNabhedArthanirgamam | phalamatyantaniSkarSaM vAJchAvAkyaphalapradam || 13-18 || kAnte bIje kamalanilayA gehabhAgasthirA yA | nAnAdezabhramaNabhayadA naiva kutrApi susthA | caNDodvegApahasati khalAnAJca hAniH prabuddho | vANI vazyA vasati vadane cakriNAM hAnayaH syuH || 13-19 || cArupratApaM caraNe gurUNAM bhaktirdRDhA syAd gamaneSu cAru | tadAgatAnAM nRpatipriyANAM sampreraNaM cAruphalaJca kUTe || 13-20 || kAnteSu kAntAvadanAravinde suSaTpadatvaM ramaNIvilAsam | AyuH kSayodvegavinAzakaraNaM cAkarSaNaM dezasukhaM dhanAnAm || 13-21 || TakAre dhAraNaM deze sukhaM zeSe nizAmukham | videzasthadhanAdInAM syAdAgamanamuttamam || 13-22 || dakUTamadhanaM vinA bhavati vighnahAniH sadA | jayaM svagRhakAmino kamalanetrakAntA yathA | susiddhakarameva hi prabalabhAvanAto bhavet | bhave jayati mAnuSastu pRSTasya jijJAsane || 13-23 || vyAkhyAtaM munibhiH phalaM phalamayaM kAlaM ripUNAM sadA | lokAnAM vazakAraNaM kulavaro vedAgame pAragaH | prApnoti priyaputrakaM narapaterutsAhasaM kAraNa| kArye durjanapIDanaM bhayasamUhAnAM vinAzaGkake || 13-24 || yazasi vayasi tejo buddhireva yakUTe | samayaphalabhUpollAsavRddhiH samRddhayA | yajanamapi surANAM cauryamAtraM na bhUyA-- datizayadhanavRddhiH kreyavikreyakAle || 13-25 || zItakAle dhanaprAptiH svarNaraupyAdilAbhakam | putraprAptiH sukhaprAptiH saGkaTe vadati dhruvam || 13-26 || lakSmIH priyaM dhanaM dAtuM muditA bhUmimaNDale | jalena jAyate hAnirlayaM deve na kUTake || 13-27 || praznAdyakSaramityAdisvaramUlaM hi yo naraH | jijJAsanaM yadA kuryAt tadA syAdutkaTaM phalam || 13-28 || zRNu tattat svaraM nAtha etatpatrasthamAkSayam || 13-29 || ikArakUlamaGgale dhanAditRSNayAnvitoH | vizeSadharmalakSaNaM dhanaJca paitRkaM labhet || 13-30 || gatipriyaM sudevatA susampadaM sadAsukham | tathA hi sUkSmabuddhibhiH parAstamAkarodarim || 13-31 || IkAramaparapriyaM paramatadhvaMsasaMvarddhanam | videzagamanaM nahi prabhavatIha bAhyaM dayA || 13-32 || jagajjanamabhipriyaM taruNadoSasammAnanam | vikArarahitaM sukhaM bhavati pRSTa Avedake || 13-33 || e bIje baddhasantoSaM kAmanAphalasiddhidam | vAyunA haraNaM caiva prApnoti nRpamAnanam || 13-34 || amItyekAkSare bIje bIjabhUte jagatpateH | prApnoti kanyAdAnAdiphalaM vastraJca taijasam || 13-35 || gokanyAmakare khage khagacaratA saundaryalakSmIrbhavet | zeSe kAJcanapuJjalAbhamatulaM santoSasAraM gatau | saMsAre nijadAyikA svajanatA ratnAdikaM saJcaya| sarvaM saJcayati prabho hitakaraM praznArthamAdyAkSare || 13-36 || tRtIyadalamAhAtmyaM yad yad varNe vicArayet | praznAdyakSaravarNeSu nItvA ca gaganaM caret || 13-37 || tatprakAraM zRNu prANavallabha premapAraga | yajjJAnAt praznasiddhiH syAdakAlaphaladaM nRpam || 13-38 || dRSTvA jJAtvA bhAvarAzimuttamAdhamamadhyamam | lokabhAvavidhAnajJo nijavidyAdikaM tathA || 13-39 || sarvaM viSayarUpeNa bhAvasAraM vicArayet | gabIjaM maGgalaM jJeyaM phalamatyantabhAgyadam || 13-40 || gatadravyAdilAbhaJca tathA lokavazaM phalam || 13-41 || dakArakUTe kaThinaM ripUNAM vidrAvaNaM dharmavinAzakasya | bhUmipatervA maraNaM vinAzanaM divyAGganAyA vararatnalAbham || 13-42 || TakAre dUragAnAJca darzanaM bhavati dhruvam | udvAhaH putrasampattiH SaSThamAsena labhyate || 13-43 || TAnte caurabhayaM nAsti taddravyAgamanaM bhavet | vidhividyAprakAzena zive viSNau ca bhaktimAn || 13-44 || dhakArakUTe dharaNIpatittvaM vyAdherbhayaM nAsti tathA pazozca | pravezamAtreNa gatau kalApi jIvAdisampattimupaiti lakSmIm || 13-45 || rabIje siddhaH samyak khagakulavaro dhIragamanam | vAJchAtulyaM vibhavamatulaM rAjarAjyapriyaM syAt | pratApaM sAmrAjyaM sakalahitagolokarasatA | rasaM sarvaM lokaM priyamatisukhaM lAbhavividham || 13-46 || cakAre vahnibIje ca jitaM sarvaM carAcaram | yathA krameNa sarvatra gamane bhAgyadaM phalam || 13-47 || SakAramadhyame deze vArttAdezAdupaiti hi | patrikAgamanaM kAryaM yaH karoti dhanaM labhet || 13-48 || kSakAre sakhyabhAvaJca mitrabhAvaM yadA labhet | suprItizca bhavettasmAt tadA praznabhayaM na ca || 13-49 || svarAjye ca bhavet saukhyaM puSpajijJAsakarmaNi | hasanAnte tathA varNe pAcakaM dehi cAdidam || 13-50 || yadi syAducyate nAtha viparItaphalaM na ca || 13-51 || dIrghIkAre viSayaghaTanA nAtha pAdeH matiH syAd | yadyArambho bhavati kulanaM dIrghajIvI narendraH | bAlApatyaM gamayati mudA kAladezAdhikArI | lokAraNye sakalakaluSadhvaMsahetormRgendraH || 13-52 || sukhaJcacAra cASTame mahAdhanezasannidhau | prabuddhavAn bhavennaraH samAhito bhaved dhruvam | vicitracAturI yadA mahAkucoragA prabho | prahasyate kSaNAdapi prabhAtasUryadarzanAt || 13-53 || atIva dhairyatAM labhet vicitravAgbhavejjayam | jayena sevitaM purA purANa vAkyalAbhaka| jagajjanAdisevanaM labhet (vA yadi svayaM?) || 13-54 || na cAkulAgamaM gayAgabhIratulyasatphalam | sadA hi puNyasAgare guroH padAmbujaM labhet || 13-55 || visarjanIye susvare samAptikomalAnvitam | janAgamaM dhanAgamaM vizAlavedanAnvitam || 13-56 || manogataM kubuddhidaM svakIyabandhusajjanam | visarjanaM kulakSaNaM bhavellabhet kubandhanam || 13-57 || sakulaM niSkulaM kAntaM viduH zreSThA maharSayaH | hAsyasukhe hAsyaphalaM bhAvanAyAM bhavennahi || 13-58 || krodhakrameNaiva tadaiva cakSuSo-- vIkArabhAvena haret samastam | zIrSe karau cet kalikAlasaMyuta| phalaM hi lAbhe vadha eva bhUSaNam || 13-59 || zeSe vedadale varAbhayakare hArAvazabdApahA | dUrAdAgamanaM bhaveddhi niyataM bAlAgaNairAvRtam | ghorApAyavisarjanaM jalaguNAhlAdena sAmodita| kUTe kUTaghakAravargalaharI bhAsApabhAsArase || 13-60 || javarge jatukaM svarNaM jIvanopAyacintanam | jarAvyAdhisamAkrAntaM jIrNavastrApahAraNam || 13-61 || ThakArakUTe yadi cakravartI | bhUmaNDale syAtpatatIti nizcitam | antaHsukhaM hanti yadAdibhAve | ThakAramAtreNa ripUttamo bhavet || 13-62 || AdyapraznAkSaraM nAtha takAraM taruNapriyam | pApAndhakAra paTaladhvaMsAya kalpayate tadA || 13-63 || nakAramAdye yadi praznavAgmI jijJAsamAno dhruvamarthasaJcayam | AlApamAtreNa narA vazA syuH pravezanaM rAjakulendrasannidhau || 13-64 || bhIto bhavati deze ca bhayasthAne na duHkhabhAk | bhUSAsampattivRddhizca bhakArakUTamaGgale || 13-65 || lokAnurAgaM sarvatra AdyakSaravicArataH | lakArasyApi lokeza bhAryAduHkhaM vimuJcati || 13-66 || sakAre maithunaM kAntAkulasya kulavarddhanam | dhanavRddhirvaMzavRddhiH sarasvatIkRpA bhavet || 13-67 || vedapatre akArasya phalamAhAtmyanirNayam | zRNu nAtha pravakSyAmi sAvadhAnA'vadhAraya || 13-68 || kakArAdi kSakArAntaM vyApta tiSThati tattvataH | akAreNa vinA zaktirjjAyate kutra na prabho || 13-69 || akAre grathitaM sarvaM carAcarakalevaram | yadyakAramAdyabhAge praznajijJAsane bhavet || 13-70 || kuphale'pi satphalAnAM saJcayaM bhavati dhruvam | zatrUNAM vAsahetordhanAdInAJcaiva saJcaye || 13-71 || antaryajanavidyAsu lokasyAgamane tathA | nijaduHkhAnutApe syAdyakAravidhirucyate || 13-72 || ukAraphalamAhAtmyaM zRNu praznArthapaNDita | uSAkAle cauryapraznamullAsaM mAnasoddhamam || 13-73 || uttamasthalavAsaJca utkRSTabhojanAdikam | ulbaNAbuddhirutpattirumAdevIpade matiH || 13-74 || rakAralakSaNaM cakSuH zabdasya vacanaM bhavet | locane darzanaM strINAM likhanaM dUrasambhavam || 13-75 || prApnoti paramAM lakSmIM lokavazyAya kevalam | lAGgalAnAM saJcayaJca bhUmilAbho bhaved dhruvam || 13-76 || okAre rAjyavRddhiH syAt putravRddhistathaiva ca | sadA santoSamApnoti praNavaH sarvasiddhidaH || 13-77 || mIne karkaTarAzivRzcikatule dharmAgnibhAnUdaye | gehe vedavicAraNe zubhaphalaM zrIlAbhagatyunnatim | vidyAvedakathAdikaM jayavatAmAnandasindhoH phala| prApnoti pratipattisiddhapadavIM martyo mudA harSaNam || 13-78 || patrapramANaM kathitaM hInavidyAvinirgamam | punaH zRNu mahAkAlakalikAlasya udbhavam || 13-79 || yadyanmAsasya prathame tathA cAhno'rbhakasya ca | daNDadvaye zubhaphalaM prathamasya mahezvara || 13-80 || tRtIyaikadaNDamAtraM viparItaphalapradam | tatra daNDeSu nakSatraM yadi cennAzubhaM bhavet || 13-81 || azvinyAdyaSTanakSatraM pUrvaprathamapatrake | tatsutAraM vijAnIyAt duSTadoSe sukhaM bhavet || 13-82 || AzleSAbhAdicitrAntaM dvitIye dakSiNe dale | tatphalaM viparItAkhyaM saphale'pi phalApaham || 13-83 || svAtyAdivasunakSatraM tRtIyAdhodale likhet | tatsutAraM kramAjjJeyaM nAnyathAzubhamAnayet || 13-84 || tatphalArthaM kutsitaJca viparItaphalasthale | azubhaM tatphalasthAne kuphale suphalaM bhavet || 13-85 || uttarASADhakAtArAdirevatyantameva ca | tatphalaM tu bhaved martyo yadi karmaparo bhavet || 13-86 || atha vakSye mahAdeva azvinyAdiphalaM prabho | yajjJAtvA devatAH sarvA digvidikSvAdirakSakAH || 13-87 || tatprakAraM mahApuNyaM devadeva phalodbhavam || 13-88 || trailokye saukhyapUjAM tribhuvanaviditAM traiguNAhlAdasiddhA| siddhabhrAnto vizAlo varadavidalitAM vedanArdrApazaGkAm | mandAnAM mandabhAgyopahaguNahananaM hInadInApadAhA| lokAnAM satphalAnAM phalagatavapuSA sAzvinI sA dadau cet || 13-89 || evaM krameNa deveza tArakANAM phalAphalam | punaH punaH zRNu prANa--vallabha premabhAvaka || 13-90 || iti zrIrudrayAmale uttaratantre mahAtantroddIpane bhAvanirNaye pAzavakalpe AjJAcakra-- sArasaGkete siddhamantraprakaraNe bhairavIbhairavasaMvAde trayodazaH paTalaH || 13 || atha caturdazaH paTalaH AnandabhairavI uvAca athAtaH sampravakSyAmi yogamArgeNa zaGkara | bharaNyAdisaptaviMzAn nakSatrArthaM susatphalam || 14-1 || tatphalAphalamAhAtmyaM sAkSAtkArakaleH phalam | phalArthaM bharaNIkSetraM dharmavidyAdinirNayam || 14-2 || dharmacintAvinirbodhaM gamanAbhAvamaGgalam | makArAdivarNajAtAM prApnoti bharaNIM bhake || 14-3 || kRttikAyAM zAdivarNaM vyAdhizaGkarasaMkSayam | ArogyAya dhanasyArthe tatra sUryaM na cAcaret || 14-4 || yA rohiNI dhanavatAM dhanahAnayorna | prANapriyaM gaNasubuddhavibuddhizuddhim | nAgAdidoSazamanaM kSiticakramadhye | rAjazriyaM vibudhazuddhimupaiti vRddhim || 14-5 || gRgendrazIrSagAminI narendra mandire nidhi| dadAti pApanirmale jale ghanyazUnyake | bhayaM vivAhakAlake kule zubhaM zubhekSaNA | svakIyakilbiSaM dahedanantabuddhisaJcayam || 14-6 || ArdrAvidrumarUpiNI ratikalAkolAhalollAsinI | sA matyArpaNameva samprakurute kAle phalAlApanam | saukhyaM mukhyasamRddhidA daradalAmbhojacchaTAlimpaTA | sA dhIraM parirakSyati pratidinaM zAntaM dRzAntaM dahet || 14-7 || punarvasusutArikA taruNarUpakUpA kRpA-- | viziSTaphalabhAvanArahitacittadoSApahA | dhanamantaparimANagaM pracurazokasaGghApahA | prarakSati mahAgrahaH paramapIDitaM mAnuSam || 14-8 || puNyA pauSamAkaroti sahasA tejasvinAM kAntidA | kAntAyAH kanakAdi--lAbhavipadAM dhvaMsena vaMzAdidA | bAdhAyAM phaladA mRgA mRgapaterAnandatulyaM zriyam | kAdyA paJcamavarNajJAnalalitA pAtIha putraM yathA || 14-9 || etaddhi pUrvapatrAnte tArA maGgaladAyikAH | pratibhAnti yathA cakre grahANAM bhrAmaNe zubhe || 14-10 || viparItaphalaM nAtha prApnoti pAtake bahu | puSyAyAM sa bhavet krUraH karkaTastho'pi bhAskaraH || 14-11 || etAsAM tArakANAJca rAzidevAn zRNu prabho | meSaH siMho dhanuzcaiva azvinyAdikadevatAH || 14-12 || yeSAM rAzisthitaM varNaM na hAnivISayAspade | sarvatra jayamApnoti grahe krUre'pi saukhyadaH || 14-13 || vibhinnarAzau saMbhinno dharmanindAvivajItaH | svanakSatraphalaM jJAtvA praznArthaM komalaM vadet || 14-14 || tattannakSatrasuphalaM kuphalaM vA bhavedyadi | tadA varNavicAraJca kRtvA puSpaM tadA vadet || 14-15 || akSamAlAkrameNaiva tadvarNAnAM vicArataH | tattadvarNavicAre tu yadyat saukhyaM pravarttate || 14-16 || adhike doSajAle tu adhikaM duHkhameva ca | bahusaukhyaM nityasaukhyaM prApnoti sAdhakottamaH || 14-17 || etAsAM tArakANAM tu vArAn zRNu yathAkramam | ravyAdiravivArAntaM tArANAmadhipaM zubham || 14-18 || azubhaJca tathA rudra jJAtvA praznArthamAvadet | tadvAranirNayaM vakSye pUrvapaGkeruhe dale || 14-19 || ravau rAjyaM bAlakAnAM yadi praznaM priyaM phalam | dharmArthalAbhamevaM hi trayoviMzAdhike nare || 14-20 || saMhitaM paramAnandaM yogena tattvacintanam | ityAdi ravivArasya vRddhAnAmazubhaM zubhe || 14-21 || some ratnamupaiti devakusumAmodena pUrNa sukham | bAlAyAM navakanyakA zubhaphalaM mudrAmayArtha labhet | kaivalyArthaviceSTanaM nRpavadhUpremAbhilApaH sadA | vAJchA puNyasukhAspadeSu vimalA bhaktizca some dine || 14-22 || pRthvIputro rudhiravadano bAlabAlI vizeSo | mukhyaM kAryaM dahati sahasA sAhasaM vAsanAyAm | hanti prAyo viphalaghaTitaM zokasantAnasAra| mokSaM puNyaM ghaTayati sadA maGgale bhUmivAre || 14-23 || budhe vAramukhye mahApuNyapuJja| samApnoti martyastathA durbalaJca | sadA kAladoSaM mahAghoraduHkha| ripUNAM dhanInAM mahAvIryadarpam || 14-24 || surANAM devAnAM vividha dhanalAbhaM vitaraNa| pratApaM satkIttI kratuphalavizeSaM vidhigatam | janAnAmAnandaM samara vasagatAnanda hRdaye | pratiSThA saddharmaM gamayati mudA vAsanagurau || 14-25 || mandAramAlAnvita dehadhArI nAkasthale gacchati devaniSThaH | hareH pade bhaktimupaiMti satyaM prasAdhanAt zukrasuvArakAle || 14-26 || zanaizcaradine bhayaM bhuvanadoSamohAnvita| kSitipriyasutapriyaM paramatArakaM strIsukham | viziSTadhananIradaM vayasi siddhirRddhyarkaja| bhajanti yadi mAnuSAH sakalakAmanAdeH prabhoH || 14-27 || punazca ravivAragaM phalamatIva duHkhAspada| pracaNDakiraNaM sadA vikalalokarogApaham | tameva paribhAvanaM parikaroti yo vA naro | na nazyati kadAcana pracuratApazApAkaram || 14-28 || kalAdharaphalaM zRNu praNavabAhyasUkSmAzraya| samagrakhacarAphalaM phalavatAM hi saJjJAphalam | gabhIravacanaM nRpapriyakarasya rakSAkara| yadIndubhajanaM yadA kalizubhAdizambho'karot || 14-29 || dvitIyadalamAhAtmyaM nakSatramaNDalAvRtam | tattattArAphalaM vakSye yena praznArthanirNayaH || 14-30 || azleSA bahuduHkhavAdanagataM vyAmohazobhAvRta| nAnAbhRGganiSevaNaM dhanavatAM hAniH pade sampade | bhUpAnAM parivarjjanaM khalajanairAcchAditaM tApita| sandadyAt kSitijAtibhAti niyataM kolAhale nArake || 14-31 || maghAyAM mahezi dhanaM hanti madhye mahollAsavRddhiM bhayaM tasya zatroH | kSitikSobhahantArametyantabhAvaM kukAmAturANAM sadA saGgakAram || 14-32 || pUrvaphalguninakSatre dUragAnAM phalaM paThet | atidhairyaM zatrupakSe hAnayo yAnti nizcitam || 14-33 || phalamuttaraphalgunyA dIyate gatirIzvarI | yadi devaparo nAtha tadA sarvatra sundaram || 14-34 || hastAmastakavrIDayA zubhavilokatraye bhAgyadA | raktAGgIgaticaJcalAmalaguNAhlAdena kalyANadA | sA nityaM pradadAti rukmazatakaM bhaktAya yajJAthIne | nAnAvyaJjanabhojanairatisukhI saMjJAsamUhaM dadet || 14-35 || dadAti vittaM jagatIha citrA manorathaM vyAkulatAmalaGkRtA | kadAcidevaM hi zarIraduHkhadaM na prApnuyAdIzvarabhaktimAlabhet || 14-36 || azleSAnAtha zukro vipadamapi kadA no dadAti praduHkha| dakSe patre vihArottarabhayaharAcaNDatApaM na hanti | jIvaH zrImAnamoghAzAdhanamapi vividhaM brAhmaNaH pItavarNaH | pUrvAntaHphalgunIzo vidhutanujavaro nIlavarNaH svapatram || 14-37 || kurute bahusukhavittaM uttaraphalgunInAtho maGgalena | hastAyAH patizcandro vibhavamanantaM citrezo raviH || 14-38 || adhastRtIyapatrasya nakSatrANi zRNu prabho | yAsAM vAraviziSTAnAM praznaniSkarSasatphalam || 14-39 || svAtIM raviH pAti mahogra tejasA | vinAzakAle viparItabuddhidaH | induvIzAkhAM sukhadaH sarasvatI| kujo'nurAdhAM vipadAM prabAdhAm || 14-40 || budho hi pAyAt sakalArthasAdhinI| tathA hi mUlAM sukhadAJca jIvaH | tadA dhanArthaM pradadAti zukraH | pUrvAnvitA''SADhikayA'nvitaH sukham || 14-41 || caturthapatraM vAmasthaM mahAmaGgalakAraNam | atharvavedarUpaM tat sarvapraznakathAvRtam || 14-42 || viparIte mahaddukhaM varNasaukhye'pi hAnayaH | bhavanti tArakANAJca zubhadRSTayA mahodayAH || 14-43 || tattArakAnAthaguNaM zubhAzubhaphalapradam | praznavarNasamUhAnAM matamAlokya nirNayam || 14-44 || zaniH pAtyuttarASADhAM hAnirUpAM vipAkadAm | duHkhadAridryasaMyuktAM devaniSThena bAdhate || 14-45 || raviH prapAti zravaNAM dhanAdibhiH pradhAnadevAzrayanivIkalpAm | tathA dhaniSThAM phaladAM sudhAMzuH kujo vipattiM zatabhiggaNezaH || 14-46 || pUrvabhAdrapadAnAtho budhaH kAJcanavardhanaH | tathA lokaM mahAdevottarabhAdrapadApatiH || 14-47 || bRhaspatiH sukhollAsaM revatI zastathA bhRguH | dadAti paramAhlAdaM svasva patrastharAzibhiH || 14-48 || abhijittArakaM pAti zaniH zrImAn dhanapradaH | phalabhAgaM mudA dAtuM zanI rAjamRgAntike || 14-49 || taccandroccasthamiti ke vadanti paramapriyam | rAhurAjA grahAH kSetre abhijit kAlaveSTitaH || 14-50 || tatkAlaM sUkSmatadrUpaM yo jAnAti mahItale | sandhyAkAlamiti jJeyaM zanirAhU sukhAntayoH || 14-51 || tatsandhikAlamevaM hi sattvaguNamahodayam | tatkumbhakaM vijAnIyAnmadIya dehasambhavam || 14-52 || mahAsUkSmakSaNaM taddhi kuNDalImaNDalaM yathA | tasyAH prathamabhAge ca dhAraNAkhyaH zaniH prabhuH || 14-53 || svayaM brahmA mudA bhAti niraJjanakalevaraH | tasyAH zeSe recanAkhyaH saMhAravigrahaH zuciH || 14-54 || rAhurUpI svayaM zambhuH paJcatattvavidhAnavit | kAlarUpI mahAdevo vikaTAsyo bhayaGkaraH || 14-55 || sarvapApAnalaM hanti candrarUpI sudhAkaraH | kRSNavarNaH kAlayamaH puNyApuNyanirUpakaH || 14-56 || dvayormadhye sUkSmarUpA taDitkoTisamaprabhA | mahAsattvAzritA devI viSNumAyAgrahAzritA || 14-57 || abhijittArakA sUkSmA sandhikAlalayA jayA | kumbhakAkrAntahRdayA grahacakrapurogamA || 14-58 || nakSatramaNDalagrAmamadhyasthA tithiSoDazI | asAmayI sUkSmakalA taruNAnandanirbharA || 14-59 || asyA AdyabhAgasaMstho brahmarUpI rajoguNaH | asyAH zeSaH kAlarUpI tamoguNalayapriyaH || 14-60 || candro brahmA zivaH sUryo mahAmAyAtanUttaraH | AtreyI paramA zaktiH suSumnAntaragAminI || 14-61 || madhyasthA brahmazivayovIdhizAstrasya siddhidA | yairjJAyate sarvasaMsthA sarvAnandahRdi sthitA || 14-62 || tairAnandaphalopetaiH sattvasambhogakAriNI | mahAviSNurmahAmAyA candratArAsvarUpiNI || 14-63 || muktidA bhogadA bhogyA zambhorAdyA mahezvarI | ajJAnAvRtatA ghorAndhakArakAlasaMhArahaMsinI || 14-64 || mandavAyupriyA yasya kalpanArthe ca vIrahA | sA pAti jagatAM lokAn tasyAdhInamidaM jagat || 14-65 || nAkAle mirayate kazcid yadi jAnAti vAyavIm | vAyavI paramA zaktiriti tantrArtha nirNayaH || 14-66 || sUkSmAgamanarUpeNa sUkSmasiddhiM dadAti yA | narANAM bhajanArthAya aSTaizvaryajayAya ca || 14-67 || kathitaM brahmaNA pUrvaM ziSyAya tanujAya ca | lobhamohakAmakrodhamadamAtsaryahAya ca || 14-68 || tatkramaM paramaM prItivardhanaM bhUtale prabho | AjJAcakrasya madhye tu vAyavI paritiSThati || 14-69 || candrasUryAgnirUpA sA dharmAdharmavivajItA | manorUpA buddhirUpA zarIraM vyApyaM tiSThati || 14-70 || AjJA dvidalamadhye tu catudrdazamudAhRtam | vedadale vedavarNaM vAdisAntaM mahAprabham || 14-71 || tadagnirUpa sampannam RgvedAdisamanvitam | zRNu tadvedamAhAtmyaM kramazaH kramazaH prabho || 14-72 || iti zrI rudrayAmale uttaratantre bhAvapraznArthanirNaye AjJAcakrasaGkete vedaprakaraNe bhairavI bhairavasaMvAde caturdazaH paTalaH || 14 || atha paJcadazaH paTalaH AnandabhairavI uvAca devakAryaM vedazAkhApallavaM praNavaM param | vadAmi paramAnanda bhairavAhlAdamAzRNu || 15-1 || Adyapatre akAraJca RgvedaM paramAkSaram | brahmANaM taM vijAnIyAd AdyavedArthanirNayam || 15-2 || vedena labhyate sarvaM vedAdhInamidaM jagat | vedamantravihIno yaH zaktividyAM samabhyaset || 15-3 || sa bhaveddhi kathaM yogI kaulamArgaparAyaNaH | zrIAnandabhairava uvAca brahmastotraM hi kiM devi! brahmavidyA ca kIdRzI? || 15-4 || brahmajJAnI ca ko vA syAt ko vA brahmazarIradhRk | tatprakAraM kulAnandakAriNi priyakaulini || 15-5 || vada zIghraM yadi snehadRSTizcenmayi sundari | zrI AnandabhairavI uvAca tadeva brahmaNaH stotraM vAyavIzaktisevanam || 15-6 || sUkSmarUpeNa magnA yA brahmavidyA prakItItA | sadA vAyU prANarasasUkSmonmattaprasannadhIH || 15-7 || ekAntabhaktiH zrInAthe brahmavidyA prakItItA | aSTAGganyAsanihataH sUkSmasaJcArahRt zuciH || 15-8 || sadA vivekamAkuryAd brahmajJAnI prakItItaH | brahmAnandaM hRdi zrImAn zaktimAdhAya vAyavIm || 15-9 || sadA bhajati yo jJAnI brahmajJAnI prakItItaH | vijayArasasAreNa binA bAhyAsavena ca || 15-10 || vAyavyAnandasaMyukto brahmajJAnI prakItItaH | sadAnandarase magnaH paripUrNakalevaraH || 15-11 || AnandAzrujalonmatto jJAto brahmazarIradhRk | zaktiH kuNDalinI devI jaganmAtAsvarUpiNI || 15-12 || prApyate yaiH sadA bhaktaiH muktirevAgamaM phalam | Adyapatre pratiSThanti varNajAlasamAzritAH || 15-13 || vAyavIzaktayaH kAntA brahmANDamaNDalasthitAH | rAzinakSatratithibhiH sarvadojjvalanAyikAH || 15-14 || bhavAnI brahmazaktisthA sA'vazyamevamAzrayet | mAsena jAyate siddhiH khecarI vAyuzoSaNI || 15-15 || dvimAse vajradehaH syAt krameNa vardhayet pumAn | dvimAse kalpasaMyukto yasya sambandharUpataH || 15-16 || caitanyA kuNDalI zaktirvAyavI balatejasA | caitanyasiddhihetusthA jJAnamAtraM dadAti sA || 15-17 || jJAnamAtreNa mokSaH syAd vAyavI jJAnamAzrayet | mahAbalI mahAvAggmI vardhate ca dine dine || 15-18 || AyurvRddhiH sadA tasya jarAmRtyuvivajItaH | kuNDalIkRpayA nAtha vinA kiJcinna siddhyati || 15-19 || brahmA viSNuzca rudrazca IzvaraJca sadAzivaH | tataH parazivo deva vAyavI parikalpitA || 15-20 || ete SaTzaGkarAH sarvasiddhidAH cittasaMsthitAH | sarve tiSThanti patrAgre'mRtadhArArasAplutAH || 15-21 || adhomukhAH sUkSmarUpAH koTisUryasamaprabhAH | brahmamArgasthitAH sarve santi SaTcakramaNDale || 15-22 || AjJayA adha evaM hi cakraM dvAdazakaM smaret | galitAmRtadhArAbhirAplutaM kuNDalIpriyam || 15-23 || AgneyIM kuNDalIM mattvA adhodhArAbhitarpaNam | prakurvanti parAnandarasikAH SaTzivAH sadA || 15-24 || candramaNDalasaJjAtA jIvarUpadharA yathA | AtmajJAnasamAzaktAH zaktitarpaNatatparAH || 15-25 || dvitIyadalarUpaM hi yajurvedaM kulezvara | akasmAt siddhikaraNaM viSNunA parimIlitam || 15-26 || vajrakoTimahAdhvAnaghoranAdasamAkulam | harimIzvaramIzAnaM vAsudevaM sanAtanam || 15-27 || satvAdhiSThAna vinayaM caturvargaphalapradam | vAJchAtiriktadAtAraM kRSNaM yogezvaraM prabhum || 15-28 || rAdhikA rAkiNI devI vAyavIzaktilAlitam | mahAbalaM mahAvIraM zaGkhacakragadAdharam || 15-29 || pItAmbaraM sArabhUtaM yauvanAmodazobhitam | zrutikanyAsamAkrAntaM zrIvidyArAdhikA prabhum || 15-30 || daityadAnavahantAraM zarIrasya sukhAvaham | bhAvadaM bhaktinilayaM yadA sAgara candrakam || 15-31 || garuDAsanasamArUDhaM manorUpaM jaganmayam | yajJakarmavidhAnajJaM AjJAcakropari sthitam || 15-32 || adhaH parAmRtarasapAnonmattakalevaraH | sAdhako yoganirataH svAdhiSThAnagataM yathA || 15-33 || tadAkAraM vibhAvyAzu siddhimApnoti zaGkara | ko vaiSNavo vAjikaH ko dhAmIko vApi ko bhuvi || 15-34 || ko vA bhavati yogI ca tanme vada surezvari | AnandabhairavI uvAca zaGkara zRNu vakSyAmi kAlanirNayalakSaNam || 15-35 || vaiSNavAnAM vaiSNavatvaM AjJAcakre phalAphalam | AjJAcakraM mahAcakraM yo jAnAti mahItale || 15-36 || tasyA'sAdhyaM tribhuvane na kiJcidapi vartate | sadA zucirdhyAnaniSTho muhurjApyaparAyaNaH || 15-37 || smRtivedakriyAyukto vidhizrutimanupriyaH | sarvatra samabhAvo yo vaiSNavaH parikItItaH || 15-38 || samatA zatrumitreSu kRSNabhaktiparAyaNaH | yogazikSAparo nityaM vaiSNavaH parikItItaH || 15-39 || yajurvedAbhyAsarataH sadAcAravicAravAn | sadA sAdhuSu saMsargo vaiSNavaH parikItItaH || 15-40 || vivekadharmavidyArthI kRSNe cittaM nidhAya ca | zivavat kurute karma vaiSNavaH parikItItaH || 15-41 || yajJiko brAhmaNo dhIro bhavaH premAbhilASavAn | vanastho ghoravipine navInataruzobhite || 15-42 || ekAkI kurute yogaM jIvAtmaparamAtmanoH | vAyvagnI recakaH sUryaH pUrakazcandramA tathA || 15-43 || jvalacchikhA sUryarUpA na ca yojanameva ca | punaH pUrakayogazca candrasya tejasA haviH || 15-44 || UdrdhvaviSA jvaladvahnau vAyavIbalacaJcale | yo'nizaM kurute homaM maunI yAjJika ucyate || 15-45 || jIvasUryAgnikiraNe AtmacandrAdyapUrakaiH | kAye yaH kurute homaM yAjJikaH parikItItaH || 15-46 || surA zaktiH zivo mAMsaM tadbhoktA bhairavaH svayam | zaktyagnau juhuyAnmAMsaM yAjJikaH parikItItaH || 15-47 || vidhivat kulakuNDe ca kulavahnau zivAtmakaiH | pUrNahomaM yaH karoti yAjJikaH parikItItaH || 15-48 || bhUmaNDale dharmazAlo nirjane kAmavezmani | dRDhabhaktyA jIvasAraM yo japet sa hi dhAmIkaH || 15-49 || maNau loSThe samaM dhyAnaM dharme'dharme jaye'jaye | kRtvA tyAgI bhavedyastu brahmajJAnI sa sAdhakaH || 15-50 || sadA IzvaracintA ca gurorAjJA vyavasthitiH | suzIlo dInabandhuzca dhAmIkaH parikItItaH || 15-51 || kAlajJo vidhivettA ca aSTAGgayogavigrahaH | parvate kandare maunI bhakto yogI prakItItaH || 15-52 || brahmajJAnI cAvadhUtaH puNyAtmA sukRtI zuciH | vAJchAvihIno dharmAtmA sa yogI parikItItaH || 15-53 || vAgvAdinIkRpApAtraH SaDAdhArasya bhedakaH | UrdhvaretA strIvihInaH sa yogI parikItItaH || 15-54 || yajurvedapurogAmI yajuHpatrasthavarNadhRk | varNamAlAcittajApo bhAvukaH sa hi yogirAT || 15-55 || mAsadvAdazakagrastaM rAzidvAdazakAnvitam | tithivAraM tu nakSatrayuktamAjJAmbujaM bhajet || 15-56 || dikkAladezapraznArthaM vAyavIzaktinirNayam | bAlavRddhAstAdidaNDapalanizvAsasaMkhyayA || 15-57 || vyAptamAjJAcakrasAraM bhajet paramapAvanam | cakre sarvatra sukhadaM satAM hAnirna ca prabho || 15-58 || khalAnAM viparItaJca nindakAnAM pade pade | duHkhAni prabhavantIha pApinAJca phalAphalam || 15-59 || pApI paJcattvamApnoti jJAnI yAti paraM padam | yaH zvAsakAlavettA ca sa jJAnI parikItItAH || 15-60 || zvAsakAlaM na jAnAti sa pApI parikItItaH | yajurvedaM sattvaguNaM sattvAdhiSThAnanirmalam || 15-61 || gurorAjJAkrameNaiva adhastattvena kuNDalIm | mahAzaktiM samApnoti UdrdhvAdhaH kramayogataH || 15-62 || yajurveda mahApAtrasattvAdhiSThAnasevayA | lalATAmRtadhArAbhizcaitanyA kuNDalI bhavet || 15-63 || vibhAvya dvidalaM cakraM homaM kuryAdahanIzam | zuddhAjyairjuhuyAnmantrI adhastuNDe ca kuNDalIm || 15-64 || bhajanti ruddhendriyazuddhayoga| pracaNDarazmipragatAGgasundarAH | AmbujaM cakravaraM catudrdala| yanmadhyadeze zatakoTitejasam || 15-65 || iti zrIrudrayAmale uttaratantre mahAtantroddIpane bhAvanirNaye pAzavakalpe AjJA-- cakrasArasaGkete siddhamantraprakaraNe vedaprakaraNollAse bhairavabhairavIsaMvAde | paJcadazaH paTalaH || 15 || atha SoDazaH paTalaH AnandabhairavI uvAca zRNuSvAnandarudreza tRtIyadalalakSaNam | sAmavedamadhazcakraM tamoguNanirAkulam || 16-1 || varNajAlAdinAkrAntaM rudrarUpaM mahezvaram | layasthAnaM kAmarUpaM paramAnandamandiram || 16-2 || vahnivRttisusthAnaM vibhAvya yogirAD bhavet | tatsthAnaM yoginAM dharmo gurorAjJAphalapradam || 16-3 || tatpadAbjaM zrIgurUNAM bhrUmadhye dvidalAmbuje | muhurmuhuH zanairdhyAyet samIrAspadabhAsvaram || 16-4 || vibhAvya manasA vAcA karmaNA sUkSmavAyunA | lInaM kRtvA sadA dhyAyet sadA harSakalevaraH || 16-5 || sahasrAre yathA dhyAnaM taddhyAnaM dvidalAmbuje | gurumAtmAnamIzAnaM devadevaM sanAtanam || 16-6 || akasmAt siddhidAtAraM yogA'STAGgaphalapradam || 16-7 || nityaM zabdamayaM pramANaviSayaM nityopameyaM guru | candrollAsatanuprabhaM zatavidhUllAssAya paGkeruham | sarvaprANagataM gatisthamacalaM jJAnAdhinirlepana | rUDhAlAsyaguNAlayaM layamayaM svAtmopalabdhiM bhaje || 16-8 || yadi bhajejjagatAmamalezvaraM smaraharaM gurumIzvaramAtmani | paramasundaracandrasAmAkulaM nipatitAdyakulAnalasaJcayam || 16-9 || praNamatAM samatAM kurute guro yadi bhavAn viphalaM parihanti me | tava padAmbujamadbhutalIlayA paribhaje bhavasAgarapAragam || 16-10 || gurupadaM sitapaGkajarAjitaM kanakanUpurasundarasaJjanam | racitacitritacArunakhendukaM bhuvanabhAvanapAvanamAzraye || 16-11 || sakalasatphala pAlanakomalaM vimalazoNita paGkaja maNDitam | padatalaM khanigrahapAlanaM khacitaratnadharAcalanaM bhaje || 16-12 || sukanakAjaDitAsanapaGkaje paribhavaM bhavasAgarasambhavam | yadi kRpA vibhavenmayi pAmare vyavatu mAM tava pAdatalaM bhaje || 16-13 || paramahaMsamanuM hararUpiNaM sakalamakSavazaGgurumIzvaram | sakalalakSaNacandramasaHkaraM tarugurormukhapaGkajamAzraye || 16-14 || gurorAjJAcakraM bhuvanakaraNaM kevalamaya | sakAraM nAdendukumudahRdayaM kAmakalayA | layasthAne vAyornavamadhurasamodamilite | dale vedakSetre vidhuvirahite tatra padake || 16-15 || tamoguNasamAkrAnte adhomaNDalamaNDite | dvibindunilaye sthAne dvidale zrIguroH padam || 16-16 || mahAvahnizikhAkAraM tanmadhye cintayet sudhIH | etadyogaprasAdena bIjavAgbhavakUTakaiH || 16-17 || cirajIvI bhavet kSudro vAgIzatvamavApnuyAt | zrIgurozcaraNAmbhojaniHsRtaM yat parAmRtam || 16-18 || tatparAmRtadhArAbhiH santarpya kulanAyikAm | punaH punaH samAkuJcya prabuddhAM tAM smaret sadA || 16-19 || paryAyattvApararasaM dhArayenmArutaM sudhIH | tatparAmRtadhArAbhiH santarpya kulanAyikAm || 16-20 || tataH punaH punaH pAtyaM sarvapuNyaphalaM priye | dhanaratnamahAlakSmIH prApnoti sAdhakottamaH || 16-21 || sarvatra jayamApnoti yuddhe krodhe mahAbhaye | mahAyudhi sthito yAti suzIlo mokSamApnuyAt || 16-22 || iti te kathitaM nAtha brahmajJAnamanuttamam | AjJAcakratrikhaNDasya dalasya kAmarUpataH || 16-23 || satphalaM samavApnoti vicArya bhAvayedyadi | AjJAcakre trikhaNDe ca kAmarUpaM mahezvaram || 16-24 || cInAcArasamAkrAntaM zmazAnAdhipaveSTitam | kAlaM kAlakaraM cakraM mahAkAlaM kalAnidhim | palAnupalavipaladdaNDatithyAtipadapakSakaiH || 16-25 || mAsavatsarAdiyugairmahAkAlaiH samanvitam | ulkAkoTisamaM netraM tIkSNadaMSTrM surezvaram || 16-26 || koTikoTinetrajAlazobhitAnanapaGkajam | cidrUpaM sadasanmuktirUpiNaM bahurUpiNam || 16-27 || dhyAtvA tvatisukhenaiva kAlarudraM parezvaram | nAsikodrdhve bhruvormadhye AjJAcakre mahAprabho || 16-28 || vibhAvya paramaM sthAnaM tatkSaNAttanmayo bhavet | hAkinIM bhAvayenmantrI rauravAdivinAzinIm || 16-29 || koTisaudAminIbhAsAmamRtAnandavigrahAm | amAtattvapUrNazobhAM hemavArANasIsthitAm || 16-30 || nAnAlaGkAra zobhAGgIM navayauvanazAlinIm | pInastanIM balonmattAM sarvAdhArasvarUpiNIm || 16-31 || dIrghapraNavajApena toSayantIM trivikramam | maunAM manomayIM devIM sarvavidyAsvarUpiNIm || 16-32 || mahAkAlIM mahAnIlAM pItavarNAM zaziprabhAm | tripurAM sundarIM vAmAM vAmakAmadughAM zivAm || 16-33 || dhyAyedekAsane vAme paranAthasya pAvanIm | sarvAdhArAtmikAM zaktiM dunIvAryAM duratyayAm || 16-34 || zvAsamAtreNa vasayet kulamArgaM na paNDitaH | kulAkulavibhAgena AtmAnaM nIyate pare || 16-35 || zvAsAbhyAsaM vinA nAtha aSTAGgAbhyasanena ca | vinA damena dhairyeNa kulamArgo na siddhyati || 16-36 || tathA pUrakayogena recakenApi tiSThati | vinA kumbhakasattvena yathaitau nApi tiSThataH || 16-37 || tathA yogaM vinA nAtha aSTAGgAbhyasanaM vinA | kulamArgo mahAtattvo na siddhyati kadAcana || 16-38 || kulamArgaM vinA mokSaM kaH prApnoti mahItale | kulamArgaM na jAnAti yogavAkyAgamAkulam || 16-39 || sa kathaM pUjayeddevIM tasya yogaH kRtaH prabho | ajJAtvA vIranAthAnAmAcAraM yaH karoti hi || 16-40 || teSAM bahudine yogazikSA bhavati nizcitam | prANAyAmaM mahAdharmaM vedAnAmapyagocaram || 16-41 || sarvapuNyasya sAraM hi pAparAzitulAnalam | mahApAtakakoTInAM tatkoTInAJca duSkRtam || 16-42 || pUrvajanmAjItaM pApaM nAnAduSkarmapAtakam | nazyatyeva mahAdeva SaNmAsAbhyAsayogataH || 16-43 || sandhyAkAle prabhAte ca yaH karotyapyahanIzam | vazI SoDazasaMkhyAbhiH prANAyAmAn punaH punaH || 16-44 || saMvatsaraM vazI dhyAttvA khecaro yogirAD bhavet | yogI bhUtvA kaulamArgaM samAzrityAmaro bhavet || 16-45 || mahAvidyApatirbhUtvA vicArAt sAdhakottamaH || 16-46 || iti zrIrudrayAmale uttaratantre mahAtantroddIpane bhAvArthabodhanirNaye pAzavakalpe AjJA-- cakrasArasaGkete siddhamantraprakaraNe bhairavIbhairavasaMvAde SoDazaH paTalaH || 16 || atha saptadazaH paTalaH AnandabhairavI uvAca atha vakSye mahAdeva atharvavedalakSaNam | sarvavarNasya sAraM hi zaktyAcArasamanvitam || 17-1 || atharvavedAdutpannaM sAmavedaM tamoguNam | sAmavedAdyajurvedaM mahAsattvasamudbhavam || 17-2 || rajoguNamayaM brahmA RgvedaM yajuSaH sthitam | mRNAlasUtrasadRzI atharvavedarUpiNI || 17-3 || atharve sarvavedAzca jalakhecarabhUcarAH | nivasanti mahA vidyA kulavidyA maharSayaH || 17-4 || samAptipatrazeSArthaM samIpaM lokamaNDale | zakticakrasamAkrAntaM divyabhAvAtmakaM zubham || 17-5 || tatraiva vIrabhAvaJca tatraiva pazubhAvakam | sarvabhAvAt paraM tattvamatharvaM vedapatrakam || 17-6 || dvibindunilayasthAnaM brahmAviSNuzivAtmakam | caturvedAnvitaM tattvaM zarIraM dRDhaNimItam || 17-7 || catuvIMzatitattvAni santi gAtre manohare | brahmA rajoguNAkrAntaH pUrakeNAbhirakSati || 17-8 || viSNuH sattvaguNAkrAntaH kumbhakaiH sthirabhAvanaiH | harastamoguNAkrAnto recakeNApi vigraham || 17-9 || atharvavedacakrasthA kuNDalI paradevatA | etanmAyA tu yo naiva brahmaviSNuzivena ca || 17-10 || zarIraM devanilayaM bhaktaM jJAtvA pravakSyati | sarvavedamayI devI sarvamantrasvarUpiNI || 17-11 || sarvayantrAtmikA vidyA vedavidyAprakAzinI | caitanyA sarvadharmajJA svadharmasthAnavAsinI || 17-12 || acaitanyA jJAnarUpA hemacampakamAlinI | akalaGkA nirAdhArA zuddhajJAnamanojavA || 17-13 || sarvasaGkaTahantrI ca sA zarIraM prapAti hi | tasyAH kAryamidaM vizvaM tasyAH puNyAni hanti hi || 17-14 || tasyAzcaitanyakaraNe sadA vyAkulacetasaH | mahAtmAnaH prasiddhyanti yadi kurvanti cetanAm || 17-15 || tasyA anugrahAdeva kiM na siddhyati bhUtale | SaNmAsAbhyAsayogena caitanyA kuNDalI bhavet || 17-16 || sA devI vAyavI zaktiH paramAkAzavAhinI | tAriNI vedamAtA ca bahiryAti dine dine || 17-17 || dvAdazAGgulamAnena AyuH kSarati nityazaH | dvAdazAGgulavAyuzca kSayaM kuryAddane dine || 17-18 || yAvad yAvad bahiryAti kuNDalI paradevatA | tAvattAvatkhaNDalayaM bhaveddhi pApamokSaNam || 17-19 || yadA yadA na kSarati vAyavI sUkSmarUpiNI | bAhyacandre mahAdeva AgneyI somamaNDale || 17-20 || mUlAdhAre kAmarUpe jvalantI caNDikA zikhA | yadA ziromaNDale ca sahasradalapaGkaje || 17-21 || tejomayI sadA yAti zivaM kAmezvaraM prabhum | acyutAkhyaM mahAdevaM tadA jJAnI sa yogirAT || 17-22 || yadi kSarati sA devI bAhyacandre manolaye | tadA yogaM samAkuryAt yAvat zIrSeNa gacchati || 17-23 || yadi zIrSe samAgamyAmRtapAnaM karoti sA | vAyavI sUkSmadehasthA sUkSmAlayapriyA satI || 17-24 || tadeva paramA siddhirbhaktimArgo na saMzayaH | caturveda jJAnasAraM atharvaM parikItItam || 17-25 || atharvavedavidyA ca devatA vAyavI matA | tasyAH sevanamAtreNa rudrrarUpo bhavennaraH || 17-26 || kevalaM kumbhakasthA sA ekA brahmaprakAzinI | bhairava uvAca kena vA vAyavI zaktiH kRpA bhavati pArvati || 17-27 || sthiracetA bhavet kena vivekI vA kathaM bhavet | mantrasiddhirbhavet kena kAyasiddhiH kathaM bhavet || 17-28 || vistArya vada cAmuNDe AnandabhairavezvarI | AnandabhairavI uvAca zRNuSvaikamanAH zambho mama prANakulezvara || 17-29 || ekavAkyena sakalaM kathayAmi samAsataH | zraddhayA parayA bhaktyA manoniyamatatparaH || 17-30 || sa prApnoti parAzaktiM vAyavIM sUkSmarUpiNIm | dhairyakSamAmitAhArI zAntiyukto yatirmahAn || 17-31 || satyavAdI brahmacArI dayAdharmasukhodayaH | manasaH saMyamajJAnI digambarakalevaraH || 17-32 || sarvatra samabuddhizca paramArthavicAravit | zarazayA bhUmitale vAyavIM paramAmRtam || 17-33 || ya evaM pibati kSipraM tatraiva vAyavI kRpA | gurusevApare dhIre zuddhasattvatanuprabhe || 17-34 || bhakte aSTAGganirate vAyavI sukRpA bhavet | atithiM bhojayedyastu na bhuktA svayameva ca || 17-35 || sarvapApavinirmukto vAyavI sukRpA tataH | antarAtmA mahAtmA yaH kurute vAyudhAraNam || 17-36 || devagurau satyabuddhirvAyavI sukRpA tataH | ekakAlo vRthA yAti naiva yasya mahezvara || 17-37 || vAyavyAM cittamAdAya tatrAnilakRpA bhavet | vicaranti mahImadhye yogazikSAnibandhanam || 17-38 || prANAyAmecchuko yo vA vAyavI sukRpA tataH | prativatsaramAnena pIThe pIThe vasanti ye || 17-39 || vAyavIM prajapantIha vAyavI sukRpA tataH | alpAhArI nirogI ca vijayAnandananditaH || 17-40 || vAyavIM bhajato yogI vAyavI sukRpA bhavet | antaryAge pIThacakre cittamAdhAya yatnataH || 17-41 || nAmaniSTho dhAraNAkhyo vAyavI sukRpA tataH | pazubhAva samAkrAntaH sadA retovivajItaH || 17-42 || zukramaithunahInazca vAyavI sukRpA tataH | akAle'pi sakAle'pi nityaM dhAraNatatparaH || 17-43 || yoginAmapi saGgI yo vAyavI sukRpA tataH | bandhubAndhavahInazca vivekAkrAntamAnasaH || 17-44 || zokAzokasamaM bhAvaM vAyavI sukRpA tataH | sarvadAnandahRdayaH kAlajJo bhautasAdhanaH || 17-45 || maunadhAraNajApazca vAyavI sukRpA tataH | nirjanasthAnanirato nizceSTo dInavatsalaH || 17-46 || bahujalpanazUnyazca sthiracetAH prakItItaH | hAsya santoSahiMsAdirahitaH pIThapAragaH || 17-47 || yogazikSAsamAptyarthI sthiracetAH prakItItaH | matkulAgamabhAvo jJo mahAvidyAdimantravit || 17-48 || zuddhabhaktiyutaH zAntaH sthiracetAH prakItItaH | mUlAdhAre kAmarUpe hRdi jAlandhare tathA || 17-49 || lalATe pUrNagiryAkhye uDDIyAne tadUrdhvake | vArANasyAM bhruvormadhye jvalantyAM locanatraye || 17-50 || mAyAvatyAM sukhavRtte kaNThe cASTapure tathA | ayodhyAyAM nAbhideze kaTyAM kAJcyAM mahezvara || 17-51 || pITheSveteSu bhUloke cittamAdhAya yatnataH | udare pUrayed vAyuM sUkSmasaGketabhASayA || 17-52 || pAdAGguSThe ca jaGghAyAM jAnuyugme ca mUlake | caturdale SaDdale ca tathA dazadale tathA || 17-53 || dale dvAdazake caiva siddhisiddhAntanirmale | kaNThe SoDazapatre ca dvidale pUrNatejasi || 17-54 || kailAsAkhye brahmarandhrapade nirmalatejasi | sahasrAre mahApadme koTikoTividhuprabhe || 17-55 || cAlayitvA mahAvAyuM kumbhayitvA punaH punaH | pUrayitvA recayitvA romakUpAdvinirgatam || 17-56 || tisraH koTyardhakoTi ca yAni lomAni mAnuSe | nADImukhAni sarvANi dharmabinduM cyavanti hi || 17-57 || yAvattadbindupAtazca tAvatkAlaM layaM smRtam | tAvatkAlaM prANayogAt prasvedAdhamasiddhidam || 17-58 || sUkSmavAyusevayA ca kinna siddhyati bhUtale | lomakUpe mano dadyAt layasthAne manorame || 17-59 || sthiracetA bhavet zIghraM nAtra kAryA vicAraNA | vAyusevAM vinA nAtha kathaM siddhirbhaved bhave || 17-60 || sthiracittaM binA nAtha madhyamApi na jAyate | sthAne sthAne mano datvA vAyunA kumbhakena ca || 17-61 || dhArayenmArutaM mantrI kAlajJAnI divAnizam | ekAntanirjane sthitvA sthiracetA bhaved dhruvam || 17-62 || sthiracittaM vinA zambho siddhiH syAduttamA katham || 17-63 || nivAhya paJcendriyasaJjJakAni yatnena dhairyAyatirIzvarastvam | prApnoti mAsannayasAdhanena viSAsavaM bhoktumasau samarthaH || 17-64 || mAsatrayAbhyAsa--susaJcayena sthirendriyaH syAdadhamAdisiddhiH | sA khecarI siddhiratra prabuddhA caturthaye mAse tu bhavedvikalpanam || 17- 65 || tadAdhikArI pavanAzano'sau sthirAsanAnandasucetasA bhuvi | prakalpane siddhiM yathArthagAminImupeti zIghraM varavIrabhAvam || 17- 66 || sA vayavI zaktiranantarUpiNI lobhAvalInAM kuhare mahAsukham | dadAti saukhyaM gaticaJcalaM jayaM sthirAzayatvaM sati zAstrakovidam || 17-67 || SaNmAsayogAsananiSThadehA vAyuzramAnandarasAptavigrahaH | vihAya kalpAnvitayogabhAvaM zrutyAgamAn kartumasau samarthaH || 17-68 || sthiracetA mahAsiddhiM prApnoti nAtra saMzayaH | saMvatsarakRtAbhyAse mahAkhecaratAM vrajet || 17-69 || yAvannirgacchati prItA vAyavI zaktiruttamA | nAsAgramavavAryaiva sthiracetA mahAmatiH || 17-70 || caNDavegA yadA kSipramantarAlaM na gacchati | sarvatragAmI sa bhavet tAvatkAlaM vicakSaNaH || 17-71 || yadi zIrSAdUrdhvadeze dvAdazAGgulakopari | gantuM samartho bhagavAn zivatulyo gaNezvaraH || 17-72 || sarvatragAmI prabhavet khecaro yogirAD vazI | iti siddhirvatsare syAt sthiracittena zaGkara || 17-73 || yogI bhUtvA manaHsthairyaM na karoti yadA bhuvi | kRccherNa padamAruhya prapatennArakI yathA || 17-74 || ata eva mahAkAla sthiracetA bhava prabho | tadA mAM prApsyasi kSipraM vAyavImaSTasiddhidAm || 17-75 || yadi siddho bhaved bhUmau vAyavIsukRpAdibhiH | sadA kAmasthiro bhUtvA gopayenmAtRjAravat || 17-76 || yadA yadA mahAdeva yogAbhyAsaM karoti yaH | ziSyebhyo'pi sutebhyo'pi datvA kAryaM karoti yaH || 17-77 || tadaiva sa mahAsiddhiM prApnoti nAtra saMzayaH | saMvatsaraM careddharmaM yogamArgaM hi durgamam || 17-78 || prakAzayenna kadApi kRtvA mRtyumavApnuyAt | yogayogAd bhavenmokSo mantrasiddhirakhaNDitA || 17-79 || na prakAzyamato yogaM bhuktimuktiphalAya ca | nityaM sukhaM mahAdharmaM prApnoti vatsarAd bahiH || 17-80 || AtmasukhaM nityasukhaM mantraM yantraM tathAgamam | prakAzayenna kadApi kulamArga kulezvara || 17-81 || yadyevaM kurute dharmaM tadA maraNamApnuyAt | yogabhraSTo vijJAnajJo'jaDa. mRtyumavApnuyAt || 17-82 || yena mRtyuvazo yAti tatkAryaM nApi darzayet | dattAtreyo mahAyogI zuko nArada eva ca || 17-83 || yena kRtaM siddhimantraM varNajAlaM kulArNavam | ekena lokanAthena yogamArgapareNa ca || 17-84 || tathA maGgalakAryeNa dhyAnena sAdhakottamaH | uttamAM siddhimApnoti vatsarAd yogazAsanAt || 17-85 || Adau vai brahmaNo dhyAnaM pUrakASTAGgalakSaNaiH | kuryAt sakalasiddhyarthamambikApUjanena ca || 17-86 || RgvedaM cetasi dhyAtvA mUlAdhAre catudrdale | vAyunA candrarUpeNa dhArayenmArutaM sudhIH || 17-87 || atharvAnnirgataM sarvaM RgvedAdi carAcaram | tena pUrNacandramasA jIvenAryAmRtena ca || 17-88 || juhuyAdekabhAvena kuNDalIsUryago'nale | kumbhakaM kArayenmantrI yajurvedapuraHsaram || 17-89 || sarvasattvAdhiSThitaM tat sarvavijJAnamuttamam | vAyavyAH pUrNasaMsthAnaM yoginAmabhidhAyakam || 17-90 || punaH punaH kumbhayitvA sattve nirmalatejasi | mahApralayasArajJo bhavatIti na saMzayaH || 17-91 || recakaM zambhunA vyAptaM tamoguNamanolayam | sarvamRtyukulasthAnaM vyAptaM dharmaphalAphalaiH || 17-92 || punaH punaH kSobhaniSTho recakena nivartate | recakena layaM yAti recanena paraM padam || 17-93 || prApnoti sAdhakazreSTho recakenApi siddhibhAk | recakaM vahnirUpaJca koTivahnizikhojjvalam || 17-94 || dvAdazAGgulamadhyasthaM dhyAtvA bAhye layaM dizet | candravyAptaM sarvalokaM sarvapuNyasamudbhavam || 17-95 || recakAgnirdahatIha vAyusakhyo mahAbalI | tat zazAGkajIvarUpaM pItvA jIvati vAyavI || 17-96 || AgneyI dahyati kSipraM eSa homaH paro mataH | etat kAryaM yaH karoti sa na mRtyuvazo bhavet || 17-97 || etayoH sandhikAlaJca kumbhakaM tattvasAdhanam | tadeva bhAvakAnAJca paramasthAnameva ca || 17-98 || mahAkumbhakalAkRtyA sthiraM sthittvA ca kumbhake | atharvagAminIM devIM bhAvayedamaro mahAn || 17-99 || anantabhAvanaM zabhbhorazeSasRSTizobhitam | atharvaM bhAvayenmantrI zakticakrakrameNa tu || 17-100 || AjJAcakre vedadale caturdalasumandire | atharvayoginIM dhyAyet samAdhisthena cetasA || 17-101 || tato'cyutAkhyaM jagatAmIzvaraM zIrSapaGkaje | prapazyati jagannAthaM nityasUkSmasukhodayam || 17-102 || AjJAcakre zodhanamazeSadalamatharvaM parikItItam | jyotizcakre tanmadhye yogamArgeNa sadbilam || 17-103 || prapazyati mahAjJAnI bAhyadRSTyA yathAmbujam | kAlena siddhimApnoti brahmajJAnI ca sAdhakaH || 17-104 || tato bhajet kaulamArgaM tato vidyAM prapazyati | mahAvidyAM koTisUryajvAlAmAlAsamAkulam || 17-105 || etattattvaM vinA nAtha na pazyati kadAcana | vasiSTho brahmaputro'pi cirakAlaM susAdhanam || 17-106 || cakAra nirjane deze kRccherNa tapasA vazI | zatasahasraM vatsaraM ca vyApya yogAdisAdhanam || 17-107 || tathApi sAkSAdvijJAnaM na babhUva mahItale | tato jagAma kruddho'sau tAtasya nikaTe prabhuH || 17-108 || sarvaM tat kathayAmAsa svIyAcArakramaM prabho | anyamantraM dehi nAtha eSA vidyA na siddhidA || 17-109 || anyathA sudRDhaM zApaM tavAgre pradadAmi hi | tatastaM vArayAmAsa evaM na kuru bho suta || 17-110 || punastAM bhaja bhAvena yogamArgeNa paNDita | tataH sA varadA bhUtvA AgamiSyati te'grataH || 17-111 || sA devI paramA zaktiH sarvasaGkaTatAriNI | koTisUryaprabhA nIlA candrakoTisuzItalA || 17-112 || sthiravidyullatAkoTisadRzI kAlakAminI | sA pAti jagatAM lokAn tasyAH karma carAcaram || 17-113 || bhaja putra sthirAnanda kathaM zaptuM samudyataH | ekAntacetasA nityaM bhaja putra dayAnidhe || 17-114 || tasyA darzanamevaM hi avazyaM samavApsyasi | etat zrutvA gurorvAkyaM praNamya ca punaH punaH || 17-115 || jagAma jaladhestIre vazI vedAntavit zuciH | sahasravatsaraM samyak jajApa paramaM japam || 17-116 || Adezo'pi na babhUva tataH krodhaparo muniH | vyAkulAtmA mahAvidyAM vasiSThaH zaptumudyataH || 17-117 || dvirAcamya mahAzApaH pradattazca sudAruNaH | tenaiva muninA nAtha muneragre kulezvarI || 17-118 || AjagAma mahAvidyA yoginAmabhayapradA | akAraNamare vipra zApo dattaH sudAruNaH || 17-119 || mama sevAM na jAnAti matkulAgama cintanam | kathaM yogAbhyAsavazAt matpadAmbhojadarzanam || 17-120 || prApnoti mAnuSo deve manadhyAnamaduHkhadam | yaH kulArthI siddhamantrI madvedAcAra nirmalaH || 17-121 || mamaiva sAdhanaM puNyaM vedAnAmapyagocaram | bauddhadeze'tharvavede mahAcIne tadA vraja || 17-122 || tatra gatvA mahAbhAvaM vilokya matpadAmbujam | matkulajJo maharSe tvaM mahAsiddho bhaviSyasi || 17-123 || etadvAkyaM kathayitvA sA vAyavyAkAzavAhinI | nirAkArA'bhavat zIghraM tataH sAkAzavAhinI || 17-124 || tato munivaraH zrutvA mahAvidyAM sarasvatIm | jagAma cInabhUmau ca yatra buddhaH pratiSThati || 17-125 || punaH punaH praNamyAsau vasiSThaH kSitimaNDale | rakSa rakSa mahAdeva sUkSmarUpadharAvyaya || 17-126 || atidInaM vasiSThaM mAM sadA vyAkulacetasam | brahmaputro mahAdevIsAdhanAyAjagAma ca || 17-127 || siddhimArgaM na jAnAmi vedamArgaparo hara | tavAcAraM samAlokya bhayAni santi me hRdi || 17-128 || tannAzaya mama kSipraM durbuddhiM bhedagAminIm | vedabahiSkRtaM karma sadA te cAlaye prabho || 17-129 || kathametat prakAraJca madyaM mAMsaM tathAGganAm | sarve digambarAH siddhA raktapAnodyatA varAH || 17-130 || muhurmuhuH prapibanti ramayanti varAGganAm | sadA mAMsAsavaiH pUrNA mattA raktavilocanAH || 17-131 || nigrahAnugrahe zaktAH pUrNAntaHkaraNodyatAH | vedasyAgocarAH sarve madyastrIsevane ratAH || 17-132 || ityuvAca mahAyogI dRSTvA vedabahiSkRtam | prAJjalivInayAviSTo vada caitat kulaM prabho || 17-133 || manaHpravRttireteSAM kathaM bhavati pAvana | kathaM vA jAyate siddhirvedakAryaM binA prabho || 17-134 || zrIbuddha uvAca vasiSTha zRNu vakSyAmi kulamArgamanuttamam | yena vijJAtamAtreNa rudrarUpI bhavet kSaNAt || 17-135 || sAkSepeNa sarvasAraM kulasiddhyarthamAgamam | Adau zucirbhaved dhIro vivekAkrAntamAnasaH || 17-136 || pazubhAvasthiracetAH pazusaGgavivajItaH | ekAkI nirjane sthitvA kAmakrodhAdivajItaH || 17-137 || damayogAbhyAsarato yogazikSAdRDhavrataH | vedamArgAzrayo nityaM vedArthanipuNo mahAn || 17-138 || evaM krameNa dharmAtmA zIlo dArDhyaguNAnvitaH | dhArayenmArutaM nityaM zvAsamArge manolayam || 17-139 || evamabhyAsayogena vazI yogI dine dine | zanaiH kramAbhyAsAd dahed svedodgamo'dhamaH || 17-140 || madhyamaH kalpasaMyukto bhUmityAgaH paro mataH | prANAyAmena siddhiH syAnnaro yogezvaro bhavet || 17-141 || yogI bhUtvA kumbhakajJo maunI bhakto divAnizam | zive kRSNe brahmapade ekAntabhaktisaMyutaH || 17-142 || brahmaviSNuzivA ete vAyavIgaticaJcalA | evaM vibhAvya manasA karmaNA vacasA zuciH || 17-143 || Adau cittaM samAdhAya cidrUpAyAM sthirAzayaH | tato mahAvIrabhAvaM kulamArgaM mahodayam || 17-144 || zakticakraM sattvacakraM vaiSNavaM navavigraham | samAzritya bhajenmantrI kulakAtyAyanIM parAm || 17-145 || pratyakSadevatAM zrIdAM caNDodveganikRntinIm | cidrUpAM jJAnanilayAM caitanyAnandavigrahAm || 17-146 || koTisaudAminIbhAsAM sarvatattvasvarUpiNIm | aSTAdazabhujAM raudrIM zivamAMsAcalapriyAm || 17-147 || Azritya prajapenmantraM kulamArgAzrayo naraH | kulamArgAt paraM mArgaM ko jAnAti jagattraye || 17-148 || etanmArgaprasAdena brahmA sraSTA svayaM mahAn | viSNuzca pAlane zakto nirmalaH sattvarUpadhRk || 17-149 || sarvasevyo mahApUjyo yajurvedAdhipo mahAn | haraH saMhArakarttA ca vIrezottamamAnasaH || 17-150 || sarveSAmantakaH krodhI krodharAjo mahAbalI | vIrabhAvaprasAdena dikpAlA rudrarUpiNaH || 17-151 || vIrAdhInamidaM vizvaM kulAdhInaJca vIrakam | ataH kulaM samAzritya sarvasiddhIzvaro jaDaH || 17-152 || mAsenAkarSaNaM siddhidvImAse vAkpatirbhavet | mAsatrayeNa saMyogAjjJAyate sukhavallabhaH || 17-153 || evaM catuSTaye mAsi bhaved dikpAlagocaraH | paJcame paJcabANaH syAtSaSThe rudro bhaved dhruvam || 17-154 || etadAcArasAraM hi sarveSAmapyagocaram | etanmArgaM kaulamArga kaulamArgaM paraM nahi || 17-155 || yoginAM dRDhacittAnAM bhaktAnAmekamAsataH | kAryasiddhirbhavennArI kulamArgaprasAdataH || 17-156 || pUrNayogI bhaved vipraH SaNmAsAbhyAsayogataH | zaktiM binA zivo'zaktaH kimanye jaDabuddhayaH || 17-157 || ityuktvA buddharUpI ca kArayAmAsa sAdhanam | kuru vipra mahAzaktisevanaM madyasAdhanam || 17-158 || mahAvidyApadAmbhojadarzanaM samavApsyasi | etacchrutvA gurorvAkyaM smRtvA devIM sarasvatIm || 17-159 || madirAsAdhanaM karttuM jagAma kulamaNDale | madyaM mAMsaM tathA mAMsaM mudrA maithunameva ca || 17-160 || punaH punaH sAdhayitvA pUrNayogI babhUva saH | yogamArgaM kulamArgamekAcArakramaM prabho || 17-161 || yogI bhUtvA kulaM dhyAtvA sarvasiddhIzvaro bhavet | sandhikAlaM kulapathaM yogena jaDitaM sadA || 17-162 || bhagasaMyogamAtreNa sarvasiddhIzvaro bhavet | etadyogaM vijAnIyAjjIvAtmaparamAtmanoH || 17-163 || iti zrIrudrayAmale uttaratantre mahAtantroddIpane bhAvapraznArthanirNaye siddhamantraprakaraNe caturvedollAse bhairavabhairavIsaMvAde saptadazaH paTalaH || 17 || athASTAdazaH paTalaH AnandabhairavI uvAca zRNu nAtha pravakSyAmi asAdhyasAdhanaM param | kAmacakrasya varNAnAM varNanaM praznanirNayam || 18-1 || AjJAcakramadhyabhAge nADIkoTirasAlinI | tanmadhye bhAvayenmantrI kAmacakraM manoramam || 18-2 || kAmacakre ca pUrvoktavarNamAlokya sAdhakaH | nyAsamantre puTIkRtya japitvA yogirAD bhavet || 18-3 || eko mandiramadhyastho mantramAzritya yatnataH | nijanAmAkSaraM tatra tatkoSThamanumAzrayet || 18-4 || Anandabhairava uvAca eteSAM koSThasaMsthAnAM varNAnAM hi phalAphalam | vada kAnte rahasyaM me kAmacakraphalodbhavam || 18-5 || AnandabhairavI uvAca kAmacakraM kAlarUpaM tato vArANasIpuram | tatra sarvapIThacakraM cakrANAmuttamottamam || 18-6 || etaccakraprasAdena te pAdAmbujadarzanam | prApnoti sAdhakAn satyaM sarvaM jAnAti sAdhakaH || 18-7 || kAmanAphalasiddhyarthaM mantrArthAdivicAraNAm | vRddhamastamitaM tyaktvA gRhNIyAnmantramuttamam || 18-8 || ( AnandabhairavI uvAca ) | zRNu varNaphalaM nAtha asAdhyapraznanirNayam | varNAnAJca nAtha rAzibhedena saMzRNu prabho || 18-9 || bAlyAdiSu sthitAn vargAn Azrayet sAdhakottamaH | varjayed vRddhabhAvaJca tathAstamitameva ca || 18-10 || Azrayed rAzibhAvena bAlyakaizorayauvana | atha bAlyaM vargabhedaM vicAre vAmayogataH || 18-11 || mantrANAJcApi gaNayet praznakarmANi dakSiNAt | madhyakoNAvadhiM nAtha gaNanIyaM vicakSaNaiH || 18-12 || UdrdhvadakSiNayogena gaNayet praznakarmaNi | vAmayogena gaNayed mantrAdInAM vicAraNe || 18-13 || zRNu tadvargavargANAM phalamatyantasundaram | vadAmi paramAnandarasasindhumadhuvrataH(ta) || 18-14 || kavargaM kAmAkhyAbhavanamaNipIThe trijagatA| dharitrI sA dhAtrI vasati satataM siddhinavake | hutAzeSvAkAze jaladatanusAkAzajananI | gabhIrA khaDgAbhA karahara(bhayavara)karA ghoramukharA || 18-15 || abhyAsayogAt kalikAlapAvanI| kAlIM kulAnandamayIM ramezIm | mahArasollAsasuvaktralocanA| kAmezvarIM kUrmapadaM(daM) bhajejjayI || 18-16 || kAlAguroruttamasiddhasevitA | manoharA khecarasArazAkhinI | ulkAsamagrA bhavadIpavRtti-- steja(H)(pra)kUTAmalanIladehA || 18-17 || khaDgAyudhA kharparadhAriNI sA | caNDodgamA vAyupathastha khecarI | vidyAbhayAkhaJjanalocanA gatiH | kSitikSaye khecaravargadhAriNI || 18-18 || khArI vihArI khalakhelanena | kharAkharonmattagatipriyA khagA | mahAkhagArUpakhalasthitA sadA | prapAti vidyAbalavikramasthitA || 18-19 || vyApAranidrAgahanArthacintAkharaprabhAbhAti yadA yadA || 18-20 || gAyatrI gaNanAyikA matigatiglAniragUDhAzayA | gItA gokulakAminI gurutarA gArhyAgnijeyodayA | gorUpA gayahA gayA guNavatI gAthApathasthAyinI | zrIgurvI pratipAlanaM trijagatAM gAyanti yAM tAM bhajet || 18-21 || vAyorgharmakarAnandamohinI ghargharA ghanA | nidrAmAdhyAti ghaTanA nIlA ghoTakavAhinI || 18-22 || bindusthA viSabhojanAnalakathA bIjazramAyopriyA | paJcADhyAmanunAsikA sukhamayI vedakriyA SaNmukhI || 18-23 || vicitravastrAcaraNAbjacAlanam | vicAraceSTAM mayi dehi caJcale || 18-24 || iti varNaM cavargasya mahApAtakanAzanam | kAmacakre sthitaM yadyat prazne mantragRhe yathA || 18-25 || cavargaphalamatyantaniSkarSaM sUkSmabhAvanam | dhiyA sarvAkSarazreNIM bhAvayanti punaH punaH || 18-26 || sarvaM jAnAti zambho tvaM paraM kiM kathayAmi te | tathApi vargamAhAtmyaM kAmacakrasthanirmalam || 18-27 || yo jAnAti kAmacakraM yamo hanti na taM janam | tatprakAraM bhAvayuktaM bhAvanAdhyAnanirmalam || 18-28 || dhyAtvA kAmarUpasthA mUlAdhAranivAsinaH | devatAH pAthIvAH sarve AtmAnaM parameSThinaH || 18-29 || na jAnanti bAlakA me teSAM yogAdisiddhaye | kAmacrakaM kAmarUpaM kAmanAphalasiddhidam || 18-30 || tanmantragrahaNAdeva sAkSAdIzo bhavennaraH | zrutizAstrANi sarvANi kare tasya na saMzayaH || 18-31 || yogazikSAdikaM sarvaM jAnAti kAmacakrataH | kAmacakraprasAdena kAmarUpI bhaved dhruvam || 18-32 || tadvarNasthaM tadantaHsthaM dazakoNasthameva ca | aSTadalasthaM tatrApi vicArya sAdhakottamaH || 18-33 || anulomavilomena zAstrasyAnukrameNa ca | bAlyaM kaizoramullAsaM vRddhiH siddhizca yauvane || 18-34 || vRddho vRddhatvamApnoti aste ca nidhanaM bhavet | navagrahAstatra madhye paJcaprANAzca santi vai || 18-35 || anulomavilomena gaNayeddazakoNake | dazakoNe sarvasiddhiraSTasiddhizca tatra vai || 18-36 || aSTapatre prazaMsanti adho'nantamadhye gRhe | brAhmaNamUrdhvagehe ca mantravarNAMzca tattu tAn || 18-37 || samAzritya japedvidyAM sUrayaH kramarUpiNIm | hrasvadevIM hrasvabuddhiM dadAti sAdhakAya ca || 18-38 || yadi krodhaparA vidyA bhakSayet sAdhakaM laghu | ataH samavayorUpAM devatAmaSTasiddhidAm || 18-39 || devo bhUtvA yajeddevaM tadA mokSaM samApnuyAt | yadi varNaM na jAnAti kaulaputro'pyadho vrajet || 18-40 || DAkinI taM bhakSayati dIkSAmantrArNahInakam | tato varNavicAraJca pravakSyAmi samAsataH || 18-41 || cApAn dhRtvA narendrastamapi manujakaM pAlayantIha loke | sarva candro vighAtaM pracuramayabhayaM bhAskaro hanti zokAn | cAturthyA cakrapANeH padamapi capalA sandadAtIha mAyA-- | yogodyogI carugatamanasA sAdhakAyA''zu yogam || 18-42 || chatrAzA kamale sthitA sthitilaye vAJchAphalazrIdharA | chAyAmaNDapamadhyagAcchalagatA chatraJchaTA tejasA | trailokyaM pratipAti pAzupatibhiH kSetrAdhipaiH zrIdharaiH | prANapremavihAriNI bhagavatIcchatreNa taM sAdhakam || 18-43 || jAtikhyAtiranuttamA prabhavati prItAyamAbhyAsatA| jIvAnAmatiduHkharAzihananAt ekArthasaJcAriNI | vajrA jIvanamadhyagA gatimatI vidyA jayA yAminI | jAtA jAtanivAriNI janamanaHsaMhAracintAvatu || 18-44 || jhaM jhaMtvAdavivAdaM jhaTiti jharajharA jhArayAbIjajhaGkA| gaGgA hanti hatAzubhA dhanamukhI kaivalyamuktipradA | kRtvA rakSati sAdhakaM jharajhanatkAreNa sUkSmAnilA | kAmakrodhavinAzinI zazimukhI jhaGkArazabdapriyA || 18-45 || JakArabIjAmalabhAvasAraiH bANasya puJjaM pratihanti yoginI | khaDgAyudhA sA rasapAnamattA saMhAranidrAkulasAdhuduHkhahA || 18-46 || candrAtapasnigdhasukAnta vigrahA TaGkAstra vajrAstrahatAripuGgavAH | TiM TiM mahAmantrajapena siddhidA hanti zriyaM kApuruSasya pAtakam || 18-47 || vizAlanetrA yadi cArukAGgI ThaM ThaM svabIjaM paripAti kakSarI | manogataM duHkhasamUhamurvazI ratnAkarA sainyakulaM nihanti || 18-48 || DAmarA jagatAmAdyA DaM DAM DiM DIM svarUpiNI | kAmacakre sukhaM datvA sArayaivaM tanoti sA || 18-49 || DhaM DhAM bIjAtmikA vidyA ratnamandirasMsthitA | DhakkArI pAzahastA ca sAdhaka pAti sundarI || 18-50 || NaM NAM NiM NIM japati sujano jIvanImadhyasaMsthA | aSTaizvaryA prabhavati hRdi kSobhapuJjApahAya | vArANasyAM sakalabhayahA sandadAtIha lakSmI| sUkSmAtyantAnalapathamukhI kAlajAlaM nihanti || 18-51 || tArArUpA tarusthA trinayana kuTilA tArakAkhyA | nihantrI tanvazreNI taruvarakalAtrANahetoratItA | tAlakSetrA taDidiva kalAkoTisUryaprakAzA | tokAdInAM bahalataruNI tArakaM pAti bhaktam || 18-52 || kAlakrameNaiva vimuktidAyinI manoramA nIrajanetra komalA | sthitA kSa(tha)kArAkSaramAlinIsthalA prapAti mukhyaM varasAdhakaM zivA || 18-53 || dAlI daridrAtinikRSTaduHkhahA dAntapriyA daityavidAriNI dahA | dAnasthalasthA dayitA jagatpaterdayAM dadAti dravadevadArA || 18-54 || dhAtrI dharAdhAraNatatparA dhanI dhanapradA dharmagatirdharitrI | dadhAra dhIraM dhanabIjamAlinI dhyAnasthitA dharmanirUpaNAya || 18-55 || nandasya pratipAlanAya jagatAmAnandapuJjodayA | yoginyo nayanAmbujojjvalazikhAzobhA pramAlAkSarA | nItA nAvapathasthitA matimatI yAH pAlayantIha tAH | pAntu zrImukhatejasA khalu yathA kAlakramAt sAdhakam || 18-56 || pItA premavilAsinI varapathajJAnAzrayA pAlanAt | pUjyA pAyasapA parAparapadA pItAmbarA poSaNA | prauDhA premavatI purANakathanA pAyAt purA pAvanI | yA kAmezvarapAvanaM parajanaM zrI sAdhakaM prasthitA || 18-57 || phutphaNivaramAlA pheravI pherurUpA | phaNadharamukhakulyAmbhojavAkyAmRtAbdhau | niravadhiharikaNThe vAkyarUpA phalasthA | phalagataphaNicUDA pAtu phullAravinde || 18-58 || vajrAkhyAM vazakAriNIM yadi japet zrIpAdasaMsevanAt | bAlyaM vedavinirgatAM bhagavatIM zrIrAmadevorvvarAm | vazyA tasya karAmbuje vasati sA vIrAsanaHsthA vazA | vaktrAmbhoruha komale bhagavatI bhUtezvarI bhUtagA || 18-59 || mAtA mandiramAlinI matimatAmAnandamAlAmalA | mithyAmaithunamohinI manasi yA(jA) mi(me)lA mahanmelanI | mAnI taM vadate mahezvaramahitvaM tasya vakSaHsthale | sthitvA sA maraNaM nihanti sahasA maunAvalambI bhavet || 18-60 || yAtapriyA yA pratibhAti yoginI | yAmAsthitA yogamukhAspadA yathA | yonisthale sA yatisAdhaka| yazoyAtrA sadA pAti yamAdikaM dahet || 18-61 || ratnasthA ratirAjitA raNamukhe rAjJaH priyAbhItihA-- | rukSmA(kyA)laGkRtaraGgiNI rasavatI rAgApahA rogahA | rAjendraM rajanIsthe prakupitA rAdhAmRtA pAti ta| svAhArUpamanoramA suramaNI rAmA rakArAkSarI || 18-62 || lakSmIrlAGgalilakSaNA sulalanA lolAmalA nirbhayA | bAlAmUlamivAsatAM lavaNAkulA sindhUllAsalIlAkulA | lolAkolakulAnnajAnalamukhI lagnAlaghUrAkulA | kaulArkAkulalocanA layakarI lIlAlayaM pAti mAm || 18-63 || viSAsavasthAnaraNasthavAsanA | vazyAvahantI lalanAvazArtham | sA pAti vIraM yadi tAM bhajed vazI | viSAzanaM te nivasanti vAruNIm || 18-64 || zItAM zazIzoka vizeSanAzinI| bhajet suzIlAM sa bhaveddavAkaraH | zivAM zacIM zaucazubhAM zavapriyA| zavasthitAM zItaladezazobhitAm || 18-65 || SaTcakre SaTpadASADhI SaDaGgasthA SaDAnanA | SaTcakre siddhidA pAti sAdhakaM SoDazI mudA || 18-66 || sA mA sUkSmA vahati sujalaM saptanAkasthalADhyA | sArA sAkSAt sukhasamarasojjvAlasAhlAdasAmyA | sAkArA sAmbujamadhugirA pUrayantI mahArthaM | vedA saurA suramatinivahA sAmavedAntarasthA || 18-67 || haThAtkAreNa sahArA harati prANahaM janam | nihAriNaM na sA hanti hiraNyAhAramAlinI || 18-68 || AlokA lakSajapadA lAkSaraMllakSaNA samA | AlagdAnAla sAlApA ? pAti taM yo bhajellaghu || 18-69 || kSayaM kSitau yAti susUkSmabhAvana| vihAya mantrI kSayarogahAriNI | sUkSmAtisUkSmAnyatamaM vicintayet | kSobhAdikaM pakSakalAkSayantI || 18-70 || SoDazasvarabhedena phalaM zRNu mahAprabho | saMkSepeNa pravaktavyamutkRSTaM phalakAGkSaNAm || 18-71 || zlokatrayeNa(dvayena) tatsarvaM phalamatyantasAdhanam | ye kurvanti mahAdeva kAmacakrotsavaM yathA || 18-72 || a A i I u U R RR | AdyASTasvaramaGgalaM japati yaH zrInAthavaktrAmbujA| prApya zrIdharanAyakaH kSititale siddho bhavet tatkSaNAt | rAjA rAjakulezvaro jayapathe dIpojvalAmAlayA | sampazyet paramAM kalAM jayati saH kAmAnalaM tADayet || 18-73 || lR lR e e o au aM aH | zeSASTau svarapAvanI priyajanAnandena mandodarI | mantraM hanti madAnanA trijagatAM sAdhUttamAnAM sukham | dattvA pAlayati prabhA pralayake kauTilyavidyApahA | bhaktaye kSitipAlanaM nijajapadhyAnAkulAmaGgalam || 18-74 || iti varNaphalaM jJAtvA yo gRhNAti manUttamam | sa bhavet kulayogArthI siddhajJAnI mahItale || 18-75 || varge varge phalaM nAtha zRNu vakSyAmi adbhutam | praznAdInAJca kathanaM yo jAnAti sa sAdhakaH || 18-76 || kavarge kAmasampattiM zriyA vyAptaM sumandiram | prApnoti kAmacakrArthaM rAzinakSatrasammatam || 18-77 || cavarge dIrghajIvI syAt dRDhasampadameva ca | vRttiM prApnoti gamanAdanuddazya zarIriNaH || 18-78 || samAcAraM samApnoti gamane sarvamuttamam | Tavarge sambhave nAtha mahaduccATanAdikam || 18-79 || putrANAmapi vRddhiH syAt tavarge dhanalAbhakam | pavarge maraNaM nAtha yAdi--kSAnte mahAguNI || 18-80 || kAmacakraphalaM nAtha rAzidaNDena yojayet | nijagehasthitaM rAziM jJAtvA hi dinadaNDataH || 18-81 || gaNayitvAzubhaM jJAnI anulomavilomataH | ghaTasthaM sakalaM sandhikoNasthaM pArzvake zubham || 18-82 || zubhamantraM gRhItvA tu siddhimApnoti sAdhakaH || 18-83 || iti zrIrudrayAmale uttaratantre mahAtantroddIpane bhAvapraznArthanirNaye pAzavakalpe kAmacakrasArasaGkete siddhimantraprakaraNe caturvedollAse bhairavabhairavI | saMvAde aSTAdazaH paTalaH || 18 || athonaviMzaH paTalaH AnandabhairavI uvAca idaM tu zRNu vakSyAmi sarvatantrArthagopanam | tatsarvaM praznacakre ca SaDAdhArasya bhedanam || 19-1 || kAlacakraphalaM tatra nivIkalpAdisAdhanam | praznacakraM kAmarUpaM caitanyaM sarvadAtmanoH || 19-2 || SaDmandire SaTkalApaM kaivalyasAdhanAdikam | nAnAbhogaM yogasiddhiM hitvA yo mantramAjapet || 19-3 || sa bhaved devatAdrohI koTikalpena sidhyati | hRdi yasya mahAbhaktiH pratibhAti mahodayA || 19-4 || kSaNAdeva hi siddhiH syAt kiM japairmantrasAdhanaiH | ato bhaktiM sadA kuryAd devatAbhAvasiddhaye || 19-5 || bhairava uvAca etaccakraprasAdena ko vA kiM siddhimApnuyAt | etasya bhAvanAdeva kiM phalaM bhAvanaM zubham || 19-6 || ko vA praznAdikathane kSamo bhavati sundari | tatprakAraM vidhAnena vada me phalasiddhaye || 19-7 || AnandabhairavI uvAca yaH karoti pUrNahomaM putrArthaM yogasiddhaye | kuNDalIkramayogena punaH punaH krameNa ca || 19-8 || etaccakrArthabhAvajJaH sa eva nAtra saMzayaH | yaH karoti sadA nAtha vAyunirgamalakSaNam || 19-9 || UrdhvaM saMsthApya vidhivad bhAvanAM kurute naraH | sa eva siddhimApnoti siddhamArgo(rge) na saMzayaH || 19-10 || phalametadbhAvanArthaM kAmakrodhAdivajItaH | bhAvanAphalasiddhyarthaM vAyusaMyogasaMkramAt || 19-11 || lepayitvA zodhayitvA mantrayitvA punaH punaH | dharmAdharmavirodhena sUkSmavAyukrameNa ca || 19-12 || prApnoti mahatIM siddhimetaccakrasya tatphalam | phalaJca dvividhaM proktaM sthUlasUkSmaparasthitam || 19-13 || sthUlaM tyaktvA mahAsUkSme mano yAti yadA yadA | tadA hi mahatI siddhiramarastatkSaNAd bhavet || 19-14 || ekabAraM bhAvayedyaH siddhacakrasya varNakAn | tasyaiva bhAvasiddhiH syAd bhAvena kiM na siddhyati || 19-15 || mahadbhAvaM vinA nAtha kaH siddhiphalakagrahI | yogabhraSTaH sthUlaphale parajanmani siddhibhAk || 19-16 || ehike siddhimApnoti sUkSmaphalakrameNa ca | yo jAnAti sUkSmaphalaM sa yogI bhavati dhruvam || 19-17 || sa eva praznakathane yogyo bhavati sAdhakaH | yaH sUkSmaphalabhoktA syAt kriyAgopanatatparaH || 19-18 || nirantaraM praznacakraM AjJAcakropari sthitam | vibhAvya kAlasiddhiH syAt sarvajJo vedapAragaH || 19-19 || kAlajJAnI ca sarvajJa iti tattvArtha nirNayaH | praznacakrasthitaM varNaM sUkSmakAlaphalAvaham || 19-20 || manorUpaM daNDabhedaM mAsabhedaM savargakam | manaso bhrama evaM hi kAla eko na saMzayaH || 19-21 || mRtyu(tyM)vazaM karotyeva kAlajJAnI sa yogirAT | kAlena lIyate sarvaM trailokyaM sacarAcaram || 19-22 || kAlAdhInamidaM vizvaM tasmAt kAla(lM)vazaM nayet | tatkAlaM sUkSmanilayaM durvAcyaM praznakaM zRNu || 19-23 || meSaM tulArAzimanuttamaM sadA | vaizAkhamAse phalasiddhikAraNam | kavargamAvApya svarAn sa eva | vibhAvayet sa kSitinAtha Abhavet || 19-24 || AjJAcakropari dhyAtvA sarvacakraM mahAprabho | ekakSaNena siddhiH syAt parabhAvena hetunA || 19-25 || siddhezacakracaitanyaM yo jAnAti mahItale | vAksiddhirjAyate mAsAddivArAtrikrameNa ca || 19-26 || varNamAlAsamAkrAntaM rAzinakSatrasaMyutam | grahacakraM bhAvayitvA sarvaM jAnAti sAdhakaH || 19-27 || ca vargaM vRSamInasthaM kaizorasiddhikAraNam | dvimAsasAdhanAdeva sarvajJo bhavati dhruvam || 19-28 || yoginI khecarI bhUtvA prayAti nikaTe satAm | grahacakraprasAdena jIvanmuktastu sAdhakaH || 19-29 || yadi karma karotyeva ekAntacittanirmalaH | tasyA'sAdhyaM tribhuvane na kiJcidapi vartate || 19-30 || praznacakra prasAdena sarve vai yogino bhuvi | yadi yogI bhaved bhUmau tadA mokSamavApnuyAt || 19-31 || vinA yogasAdhanena kaH siddho bhUmimaNDale | sAdhanena vinA siddhiH kasya bhaktasya jAyate || 19-32 || bhaktAnAM nikaTe sarve pratiSThanti maharSayaH | ato bhaktiM sadA kuryAt sarvadharmAn vihAya ca || 19-33 || tatkAlaM bhaktimApnoti praznacakraprasAdataH | tatprakAraM mahAdharmaM ko vaktuM kSama eva hi || 19-34 || kaJcittadbhAvasAraJca praznacakre vadAmyaham | cavargabhAvanAdeva bhaktiM prApnoti sAdhakaH || 19-35 || samAdhAya paraM devamAjJAcakropari prabho | vibhAvya nityabhAvaM hi prApnoti tatkulAda(kalAma)pi || 19-36 || AnandAzrUNi pulako dehAvezamanolayam | sarvakarma svayaM--tyAgI yaH karoti sa yogirAT || 19-37 || Tavarge vAsanAsiddhiH saMsArarahito bhavet | balavAn sarvavijJAnI trimAse khecaro bhavet || 19-38 || khecarImelanaM tasya paraM prApnoti cakrataH | TavargaM vyApya tiSThanti mithunaM kumbhayonayaH || 19-39 || svanakSatrasvayogaJca vibhAvya yogirAD bhavet | caturmAse pUrNayogI tavargasAdhanAdapi || 19-40 || vetAlAdimahAsiddhimindrasiddhiM samApnuyAt | tavargaM vyApya tiSThanti makaravRzcikakarkaTAH || 19-41 || cirajIvI bhavedIza indratulyapriyo bhavet | tiSThet pralayaparyantaM mahApralayarUpavAn || 19-42 || kRtvA kAla(lM)vazaM mantrI mahAvAyau mahAlayam | mahAcakre sUryamadhye vahnimaNDalamadhyage || 19-43 || vAgdevatA tasya sAkSAdbhavatIti na saMzayaH | pavargaM vyApya tiSThanti dhanuHsiMhAstu citkalAH || 19-44 || vibhAvya paramasthAnaM sa(na) nazyati mahAnilam | trailokyamaSTavargaM ca SaTcakraM cakSuSA kSaNAt || 19-45 || yadi vAntaM brahmarUpaM sarvatIrthapadAzraya | mahAsattvaguNAkrAntaM matvA nirmalacakSuSA || 19-46 || kanyAvRzcikarAzibhyAM brahmamArga vilokayet | SaNmAsena siddhiH syAd mahAkaulo bhaved dhruvam || 19-47 || maunI ekAntabhaktaH syAt zrIpAdAmbhojadarzanam | prApnoti sAdhakazreSThaH sAyujyapadavIM labhet || 19-48 || tato madhye pragacchanti yoginastattvacintakAH | zAdikSAnte catuSkoNe sarvayogAzraye pade || 19-49 || vibhAvya yAti zIghraM saH zrI devIlokamaNDale | mahAkAlo bhaved dhImAn praznacakrasya bhAvakaH || 19-50 || iti zrIrudrayAmale uttaratantre mahAtantroddIpane bhAvapraznArthanirNaye pAzavakalpe praznacakrasArasaGkete siddhamantraprakaraNe caturvedollAse bhairavabhairavIsaMvAde | UnaviMzaH paTalaH || 19 || atha viMzaH paTalaH AnandabhairavI uvAca atha vakSye mahAdeva siddhamantravicAraNam | japitvA bhAvayitvA ca naro mucyeta saGkaTAt || 20-1 || Anandabhairava uvAca phalacakre sarvamantraM sarvasAraM tanupriyam | kriyAyogAd bhavet siddhirvAyavIzaktisevanAt || 20-2 || vahnibIjaM trikoNasthaM SaTkoNaM tad bahiH prabho | SaTkoNe SaNmanuM(nUn) dhyAtvA SaNmAsAdrudrarUpiNaH || 20-3 || aSTakoNe sthitAn varNAn aGkabhedena paNDitaH | aGkasaMkhyAkrameNaiva dhyAtvA tad bahireva ca || 20-4 || tatsaMkhyAsu gatAn varNAn vibhAvya khecaro bhavet | vinA trikoNayogena SaTakoNaM tatra varNakAn || 20-5 || AjJAcakramadhyadeze kAmacakraM manoramam | kAmacakraM(kra) madhyadeze mahAsUkSmaphalodayam || 20-6 || praznacakraM SaTpadArthaM SaTcakraphalasAdhanam | praznacakre phalacakraM yogASTAGgaphalapradam || 20-7 || phalacakrasyodrdhvabhAge varNamAlAkrameNa tu | tadvarNAn maunajApena phalasAraM samApnuyAt || 20-8 || phalacakraprasAdena tattvacintAparo(rA) matiH | sthitvA bhU(bhrU)madhyakuhare sadA bhAvayatIzvaram || 20-9 || bhAvajJAnI bhavet zIghraM mUDho'pi bhAvanAvazAt | Adau sUkSmaphalaM vakSye varNabhedena zaGkara || 20-10 || vahnirbhAti nirantaraM trijagatAM nAzAya rakSAkaro | jIvaH sarvacalA calasthadahanaM zrIkAlikAvigrahaH | sarvavyApaka IzvaraH kSayati yaH kAmAn manaHpallava| dhyAtvA taM samarUpavAn parazivajJAnI bhavettatkSaNAt || 20-11 || vahnibIjaM sUkSmaphalaM sAkSAt pratyakSakAraNam | trikoNasthaM vahnibIjaM vidhividyAprakAzakam || 20-12 || akasmAt siddhidAtAraM yo bhajet sa bhavet sukhI | SaTkoNasthavarNamantrAn zRNuSvAnandabhairava || 20-13 || yajjJAtvA devatAH sarvA digvidikSu prapAlakAH | tadbhedaM ramaNIyArthaM saGketazuddhilAJchitam || 20-14 || vahnibIjasyodrdhvadeze candrabIjamanuttamam | tatra yo bhAvayenmantrI sa siddho nAtra saMzayaH || 20-15 || vidhorbIjaM sUkSmaM vimalakamalaM kAntakiraNa| sadA jIvasthAnaM pralayanilayaM vAyujaDitam | tato vAme sUryaM sakalaviphaladhvaMsanikara| mahAvahnisthAnaM bhajati sujano bhAvavidhinA || 20-16 || tadadhaH koNagehe ca zrIbIjaM paJcamasvaram | bhAvakalpalatAsAramakArAdikulAkSaram || 20-17 || catuHpaJcAzadaGkasthaM vAyubIjamadhastataH | vibhAvya vAyavIsiddhimavApnoti narAdhipaH || 20-18 || tadaGgaM dakSiNe nAtha bhavAnIbIjamaNDalam | yugmasvarasamAkrAntaM vibhAvya yogirAD bhavet || 20-19 || taddakSiNordhvakoNe ca somabIjamanuttamam | vibhAvya jagatAmIzadarzanaM prApnuyAnnaraH || 20-20 || tadUrdhve paramaM bIjaM sAkSAtkAraphalapradam | mAsaikabhAvanAdeva devaloke gatirbhavet || 20-21 || tadUrdhvakoNagehe ca rukmiNIbIjamadbhutam | sAdhanAdeva siddhiH syAllakSmInAtho bhavediha || 20-22 || aGgakrameNa sarvatra jJeyaM svaravidhAnakam | yena tena svareNApi veSTitaM phalabIjakam || 20-23 || bhavatyeva mahAdeva vAyusiddhyAdikAraNam | aSTakoNaM(Na)tale nAtha SaTkoNe yoni santi vai || 20-24 || tadbIjAni satphalAni dhyAtvA vAksiddhimApnuyAt | rephodrdhve kamalAbIjaM bhAvakalpadrumAkaram || 20-25 || sarvatra tejasA vyAptaM vibhAvya yoginIpatiH | tadadhaH zItalAbIjaM vAmabhAgakrameNa tu || 20-26 || vibhAvya paramAnandarase magno mahAsukhI | tadadhaH kAmabIjaJca kAmanAphalasiddhidam || 20-27 || yo japet paramAnando nityajJAnI ca vAyunA | tadagre vedakoNe ca vAruNaM bIjamuttamam || 20-28 || vibhAvya bhAvako bhUtvA cirajIvI sa jIvati | tadUrdhve paJcame koNe vajrabIjaM vakArakam || 20-29 || aSTasiddhikaraM sAkSAd bhajatAM zIghrasiddhidam | SaTkoNe ca tadUrdhve ca surabIjaM mahAphalam || 20-30 || hRdi yo bhAvayenmantrI tasya siddhiH pratiSThitA | aSTakoNasyodrdhvadeze varNamAlAvidhiM zRNu || 20-31 || yena bhAvanamAtreNa sarvajJo jagadIzvaraH | o au pavargamevaM hi yo nityaM bhajate'nizam || 20-32 || tasya siddhiH kSaNAdeva vAyavIrUpabhAvanAt | candrabIjasyodrdhvadeze vibhAti pUrNatejasA || 20-33 || lR e e tavargaJca taddakSiNavidhAnataH | tejomayI vAyuzaktirdadAti sarvamaGgalam || 20-34 || TavargaM bhAvayenmantrI R R lR svarasaMyutam | aSTaizvaryapradaM nityaM kamalAsanasiddhidam || 20-35 || tadadho bhAvayed yastu sa bhavet kalpapAdapaH | bhavAnIbIjarUpasya adho gehe vibhAvayet || 20-36 || i I yugmaM cavargaJca bhAvayitvAmaro bhavet | a A i saMyuto nAtha kavargaM kurute jayam || 20-37 || bhAvayet parayA bhaktyA so'bhISTaM phalamApnuyAt | ityetat kathitaM nAtha phalacakraM ca sAradam || 20-38 || etaccakrabhAvanAbhirmahAvidyApatirbhavet | kAmarUpe mahApIThe liGgapIThe prayatnataH || 20-39 || AjJAcakraM catuzcakraM bhAvayitvA'maro bhavet | mahAyogI hiraNyAkSo mAsaikabhAvanAvazAt || 20-40 || saptadvIpezvaro bhUtvA ante viSNurbabhUva saH | sthiracetAH sa yogI syAditi tantrArthanizcayaH || 20-41 || etAni cakrasArANi AjJAcakrasthitAni ca | vibhAvya paramAnandairAtmasiddhirbhaved dhruvam || 20-42 || sUkSmavAyuprasAdena cirajIvI bhavediha || 20-43 || iti zrIrudrayAmale uttaratantre mahAtantroddIpane bhAvapraznArthanirNaye pAzavakalpe phalacakrasArasaGkete siddhamantraprakaraNe caturvedollAse bhairavIbhairavasaMvAde | viMzaH paTalaH || 20 || athaikaviMzaH paTalaH zrIbhairava uvAca vada kAnte rahasyaM me yena siddho bhavennaraH | tatprakAraM vizeSeNa devAnAmapi durlabham || 21-1 || vIrabhAvasya mAhAtmyamakasmAt siddhidAyakam | karuNAdRSTirAnandA yadi cedasti sundari || 21-2 || AnandabhairavI uvAca paramAnandasArajJo yogakSetraprapAlaka | rahasyaM zRNu me nAtha mahAkAlajJa bhAvaga || 21-3 || yogamArgAnusAreNa vIrabhAvaM zrayeta kaH | AnandodrekapuJjaM tat zaktivedArthanirNayam || 21-4 || vedAdhInaM mahAyogaM yogAdhInA ca kuNDalI | kuNDalyadhInaM cittaM tu cittAdhInaM carAcaram || 21-5 || manasaH siddhimAtreNa zaktisiddhirbhaved dhruvam | yadi zaktirvazIbhUtA trailokyaJca tadA vazam || 21-6 || amaraH sa bhavedeva satyaM satyaM kulezvara | sahasrazlokayogena vIrayogArthanirNayam || 21-7 || paTalaikAdaza kSemayogena yogamaNDalam | SaTcakrabodhinI vidyA sahasradalapaGkajam || 21-8 || kailAsAkhyaM sUkSmapathaM brahmajJAnAya yoginAm | kathayAmi mahAvIra kramazaH kramazaH zRNu || 21-9 || vIrANAmuttamAnAJca bhraSTAnAM prahitAya ca | sAkSAt siddhikaraM yadyat tatsarvaM pravadAmi te || 21-10 || yogazAstrakrameNaiva yaH siddhiphalamicchati | sa siddho bhavati kSipraM brahmamArge na saMzayaH || 21-11 || brahmavidyAsvarUpeNa japahomArcanAdikam | kurute phalasiddhyai yaH sa brahmajJAnavAn zuciH || 21-12 || SaTcakrabhedane prItiryasya sAdhanacetasaH | saMsAre vA vane vApi siddho bhavati dhruvam || 21-13 || SaTcakrArthaM na jAnAti yo bhajedambikApadam | tasya pApaM kSayaM yAti saptajanmasu siddhibhAk || 21-14 || jJAtvA SaTcakrabhedaJca yaH karma kurute'nizam | saMvatsarAt bhavet siddhiriti tantrArthanirNayaH || 21-15 || prasvedanaM samApnoti mAsatrayaniSevaNAt | aSTamAsAt kalpa(mpa)nAzo vatsarAt khecarI gatiH || 21-16 || prasvedamadhamaM proktaM kalpa(mpa)naM madhyamaM smRtam | bhUmerutthApanaM nAtha khecaratvaM mahAsukham || 21-17 || dvAtriMzad granthibhedaJca mUlAdhArAvadhisthitam | merudaNDAzritaM dezaM kRtvA brahmamayo bhavet || 21-18 || suSumnA bAhyadeze ca yad yad granthipadaM prabho | kramazaH kramazo bhitvA khecaro bhavati dhruvam || 21-19 || alpa(nya)kArye mano datvA dhyAnajJAnavivajItaH | unmattaH sa bhavedeva zAstrANAM yogirAD bhavet || 21-20 || himakundendudhavalAM bAlAM zaktiM mahojjvalAm | kalikAlaphalAnandAM mUle dhyAtvA bhaved vazI || 21-21 || mUlapadmaM(dme) mahAjJAnI dhyAtvA cArucaturdale | kapilAkoTidAnasya phalaM prApnoti yogirAT || 21-22 || mUlapadme koTicandrakalAyuktaM saraktakam | galatsudhArasAmodavadanAbjaM phalaM bhajet || 21-23 || nirmalaM koTivIrogratejasaM brahmarUpiNam | vAmapArzve kuNDalinyA vibhAvya zItalo bhavet || 21-24 || tataH zrIyAmalaM vIraM tadAkAraM tadudbhavam | lalATavahnijaM devyA nAthaM bhajati yogirAT || 21-25 || tatra padmapUrvadale sindhUrAruNavigraham | vakAraM koTicapalAmAlaM bhajati yogirAT || 21-26 || tatpArzve zoNitadale AjJAcakraM manoramam | yathA dhyAnaM kuNDalinyA AjJAcakre tathAtra ca || 21-27 || bhUmicakrakramaM nAtha zRNu zaGkara yoginAm | yaM dhyAtvA siddhimApnoti siddhidaM SaDgRhaM bhavet || 21-28 || SaDgRhaM trikAlAgehamekatrasthaM mahAprabham | dhyAyed yoginIgehaM madhyagehe rabIjakam || 21-29 || vakAraM dakSiNe gehe hemamAlinamaJjanam | DAkinI paramAbIjaM brahmabIjaM vibhAvayet || 21-30 || vakAravAmapArzve ca yoginAM yogasAdhanam | sadAzivamahAbIjaM vibhAvya yogirAD bhavet || 21-31 || vaM bIjaM vAruNAdhyakSaM himakundendunirmalam | tadviSNorjanmasaMsthAnaM sattvaM dravamupAzrayet || 21-32 || tadUrdhvapUrvagehe ca laM bIjamindrapUjitam | vidyullatAhemavarNaM vibhAvya yoginAM patiH || 21-33 || indrabIjaM dakSapArzve zrIbIjaM bindulAJchitam | sthiravidyullatArUpamindrANyAH sAdhu bhAvayet || 21-34 || tadvAmapArzvabhAge ca praNavaM brahmasevitam | vibhAvya koTimihiraM yogirAD bhavati dhruvam || 21-35 || vaM bIjAdhomandire zrIvidyAyAH bIjatejasam | koTisUryaprabhAkAraM vibhAvya sarvago bhavet || 21-36 || nijadevyA vAmabhAge adhaH kanakamandire | zrIguro ramaNaM bIjaM dhyAtvA vAgbhavamIzvaram || 21-37 || nijadevyA dakSapArzve dIrghapraNavatejasam | koTisUryaprabhArUpaM dhyAtvA yogI bhaved yatiH || 21-38 || nijadevIM tatra padme manaHsadvAkyayogakaiH | yathA dhyAnaM tathA maunaM dhyAnaM kuryAjjagatpateH || 21-39 || brahmaNaH pUrakeNaiva mahAyogakrameNa tu | sUkSmavAyUdgamenApi bhUmicakre japaJcaret || 21-40 || catuSkoNaM dharAyAstu navabhUmigRhAnvitam | aSTagehaM vibhedyAdau vasuzUnye yajed yatiH || 21-41 || dharAbIjaM vAntavarNaM zakreNa paripUjitam | vibhAvya kuNDalItattvaM sarvasiddhIzvaro bhavet || 21-42 || bhajedindraM tatra nAke zvetakuJjaravAhanam | caturbAhuM devarAjaM vidyutpuJjaM bhavakSayam || 21-43 || DAkinyA mandire kAntaM brahmANaM haMsahaMsagam | navInArkaM caturbAhuM caturvaktraM bhajed vazI || 21-44 || brahmANaM DAkinIyuktaM sindUrAplutabhAskaram | paramAmodamattaM taM vibhAvya yogirAD bhavet || 21-45 || vidyullatAvadujjvalAM zrIdevaDAkinIM surAT | abhIkSAM(kSNAM) raktanayanAM haMsasthAM bhAvayed vazI || 21-46 || haMsodrdhve kamalAbIjaM sarvAlaGkArabhUSitam | mahAlakSmIsvarUpaM yattad bhajanti maharSayaH || 21-47 || indrapRthvIbIjavAme praNavaM brahmasevitam | prANAyAmasiddhidaM yattad bhajanti maharSayaH || 21-48 || tadadhaH prANanilayaM pretabIjaM zaziprabham | vibhAvya zivatulyaH syAd bhUmicakre sadAzivaH || 21-49 || tadadho vAgbhavaM dhyAyet koTisaudAminIprabham | gurubIjaM bhUmicakre mahAvidyAgururbhavet || 21-50 || dakSiNe madhyagehe ca zrIvidyAnirmalaM padam | vibhAvya mAnasadhyAnAt siddho bhavati sAdhakaH || 21-51 || taddakSiNe zeSagehe praNavAntaM manUttamam | sarvAdhAraM brahmaviSNuzivadurgApadaM bhavet || 21-52 || etat zrIbhUmicakrArthaM sarvaM caitanyakArakam | mUlAdhArapUrvadale vakAraM vyApya tiSThati || 21-53 || bhUmicakramaNDale tu vakArasthaM smaredyadi | brahmANDamaNDalezaH syAdaNDaM vyApyaikapatrakam || 21-54 || tadekapatraM padasya zoNitaM nirmaladyutim | tanmadhyAnte bhUmicakre madhye vaM bhAvayed vazI || 21-55 || etaccakraprasAdena varuNo madirApatiH | amRtAnandahRdayaH sarvaizvaryAnvito bhavet || 21-56 || dvitIye dakSiNe patre vAntabIjaM mahAprabham | mano vidhAya yogIndro dhyAyed yogArthasiddhaye || 21-57 || tatra dhyAyet svargacakraM svargazobhAsamAkulam | vibhAvya svarganAthaH syAddevendrasadRzo bhuvi || 21-58 || paJcakoNaM vibhedyApi paJcakoNaM vibhAti yat | tanmadhye vRttayugalaM tatra SaTkoNagaM bhajet || 21-59 || etat svargAkhyacakraM tu bhUpuradvayamadhyake | dakSiNottarapatrasthe vibhAvya vAntamIzvaram || 21-60 || SaTkoNAntargataM vAntaM vidyutkoTisamaprabham | tamAzritya surAH sarve dazakoNe vazanti te || 21-61 || pUrvakoNe mahendrazca sarvadevasamAsthitaH | indrANI sahitaM dhyAtvA yogIndro bhavati dhruvam || 21-62 || taddakSiNe raktakoNe vahniM svAhAnvitaM smaret | koTikAlAnalAlolaM parivAragaNAnvitam || 21-63 || taddakSiNe kAmarUpI bhAti zaktiyutaH prabhuH | parivArAnvitaM dhyAtvA taM mRtyu(tyuM)vazamAnayet || 21-64 || nairRtaM vidyudAkAraM kandarpadamanaM priyam | zaktiyuktaM svarAnandaM vibhAvya yoginIpatiH || 21-65 || tadadho varuNaM dhyAtvA suzaktiparilAlitam | jalAnAmadhipaM sattvaM nityasattvazriyo bhavet || 21-66 || tadvAme marutaH koNaM marudgaNavibhAkaram | vAyusthAnaM layasthAnaM vAyuvyAptaM bhavet sudhIH || 21-67 || tatpazcAd gaNanAthaJca mattaM zaktisamanvitam | parivAragaNAnandaM vibhAvya syAd gaNezvaraH || 21-68 || tatpazcAt paramaM sthAnamIzaM zaktisamanvitam | parivArAnvitaM dhyAtvA kAmarUpI bhavedyatiH || 21-69 || tatpazcAt koNagehe ca candrasUryAgnitejasam | ekarUpamUdrdhvasaMsthaM brahmANaM bhAvayedyatiH || 21-70 || indravAmakoNagehe anantaM vahnirUpiNam | anantasadRzaM dhyAtvA anantasadRzo bhavet || 21-71 || etat svacakramadhye tu vRttayugmaM mahAprabham | sarvadA vahninA vyAptaM jvaladagniM vibhAvayet || 21-72 || vRttamadhye ca SaTkoNaM koNe koNe ripukSayam | lobhamohAdiSaTkaJca haret SaTkoNasMsthitAn || 21-73 || lobhaM harati indrANI(gnI) mohaM harati daNDadhRk | kAmaM nairRtavaruNau krodhaM vAyuzca yoginAm || 21-74 || madaM haredadhIzazca brahmAnantau hi yoginAm | mAtsaryaM saMharatyeva mAsatrayaniSevaNAt || 21-75 || SaTkoNamadhyadezasthaM vAntabIjaM zaziprabham | svarNAlaGkArajaDitaM bhAvayed yogasiddhaye || 21-76 || sadA vyAptaM kuNDalinyA pAlitaM maNDitaM sudhIH | taile yathA dIpapuJjaM vibhAvya yogirAD bhavet || 21-77 || svayaMbhUliGgaM tatraiva vibhAvya candramaNDalam | AplutaM kArayenmantrI kuNDalIsahitaM vazI || 21-78 || evaM krameNa siddhaH syAt kuNDalyAkuJcanena ca | sadAbhyAsI mahAyogI saMsthApya vAyavIM tataH || 21-79 || vAyavyAbhAsayuktena etaccakrAzrayeNa ca | mUko'pi vAkpatirbhUyAt phalabhAgI dine dine || 21-80 || tRtIyadalamAhAtmyaM yogijJAnodayaM param | bhAvasiddhirbhavettasya yo bhajedAtmacintanam || 21-81 || dalamadhye tulAcakraM catuSkoNo gRhANi ca | dvAtriMzad granthirUpANi santi granthivibhedane || 21-82 || tulAcakrasya nADIbhirdvAtriMzad granthibhedanam | galadezAvadhi dhyAnaM merumadhye prakArayet || 21-83 || dvAtriMzadgranthigehasya madhye vRttatrayaM zubham | tanmadhye ca trikoNe ca khaM mUrddhanyaM bhajed vazI || 21-84 || etadgehe vibhAvyAni varNajAlaphalAni ca | dakSiNAvartayogena vibhAvya vAkpatirbhavet || 21-85 || akAramAdyagehe ca anusvAraM dvitIyake | visargaM tu tRtIye ca yo bhajetsa bhavedvazI || 21-86 || etadanyamandireSu kAdihAntaM vibhAvayet | vAdisAntaM varjayitvA sabinduM sa bhavedvazI || 21-87 || AjJAcakre yathAnAmaphalaM prApnoti sAdhakaH | varNAnAM mUlapadme tu tatphalaM hi tulAgRhe || 21-88 || bhajenmadhyaM sakArasya trivRttastha trikoNake | jvAlAmAlasahasrADhyaM svarNAlaGkRtamAzrayet || 21-89 || pratyekavarNapuTitaM tulAcake ca maunavAn | maunaM japaM yaH karoti SakAraM vyApya yogirAT || 21-90 || etadyogaprasAdena caitanyA kuNDalI bhavet | vAksiddhizca bhavettasya tApatrayavinAzinI || 21-91 || siddhirmantrasya varNAnAM japamAtreNa zaGkara | tulAcakrAntarasthAnaM vibhAvya mantrasiddhibhAk || 21-92 || etaccakraM vinA nAtha kuNDalI nApi siddhyati | bhAvajJAnaM binA kutra yogI bhavati bhArate || 21-93 || athAnyadalamAhAtmyaM zRNu vakSyAmi tattvataH | yogasaJcArasAraM yat kuNDalIzaktisAdhanam || 21-94 || zaktibIjaM binduyuktam aSTakoNasthanirmalam | vidyutpuJjaM svarNamAlAveSTitaM bhAvayedyatiH || 21-95 || catuSkoNaM vibhedyApi catuSkoNaM manoharam | tanmadhye ca catuSkoNaM sabIjaM bhAvayettataH || 21-96 || koTisUryasamAM devIM kuNDalIdevamAtaram pAdAGguSThAvadhiM dhyAtvA sarvasiddhIzvaro bhavet || 21-97 || yadi vAricakramadhye dhyAnaM kurvanti mAnuSAH | amarAH sattvayogasthAH SaTcakraphalabhoginaH || 21-98 || taccatuSkaM samAvApya vArivyAptaM sunirmalam | vAmAvartasthitaM dhyAyet saptakhaNDaM mahAbalI || 21-99 || saptavRttopari dhyAyed dalaSoDazapaGkajam | dale dale mahAtIrthaM siddho bhavati nizcitam || 21-100 || tIrthamAlAvRtaM nAtha dalaM SoDaza zobhitam | tadekapatra(dma)madhye tu bhAti vidyullatAnvitam || 21-101 || pUrvAdau dakSiNe pAtu tIrthamAlAphalaM zRNu | yeSAM darzanamAtreNa jIvanmuktastu sAdhakaH || 21-102 || gaGgA godAvarI devI gayA guhyA mahAphalA | yamunA koTiphaladA buddhidA ca sarasvatI || 21-103 || maNidvIpaM zvetagaGgA mahApuNyA mahAphalA | zvetagaGgA mahApuNyA bhargagaGgA mahAphalA || 21-104 || svargagaGgA mahAkSetraM puSkaraM tIrthapAraNam | kAverI sindhupuNyA ca narmadA zubhadA sadA || 21-105 || aSTakoNe aSTasiddhiM vAripUrNAM phalodayAm | saptakoNe saptasindhuM pUrvAdau bhAvayed yatiH || 21-106 || lavaNekSusurAsapIrdadhidugdhajalAntakAH | sakAraM vyApya tiSThanti mahAsattvaM smared yatiH || 21-107 || madhye catuSke zaktiJca koTisaudAminItanuH | vibhAvya vAricakre tu koTividyApatirbhavet || 21-108 || zaktibIjaM vAmabhAge AdyA prakRtisundarI | vibhAti kAmanAzAya yoginI sA satAGgatiH || 21-109 || zaktibIjaM dakSiNe ca puGkalA puMzivAtmakam | sadA bhAvanarUpAbhaM yo bhajedIzasiddhaye || 21-110 || zaktibIjasyodrdhvabhAge pUrNacandramanoharam | bhajanti sAdhavaH sarve dharmakAmArthasiddhaye || 21-111 || zaktibIjatale gehe zrIsUryaM kAlavahnijam | ulkAkoTisamaM dhyAtvA vAJchAtiriktamApnuyAt || 21-112 || vAricakraprasAdena cirajIvI bhavennaraH | bhUmau mahAkAlarUpI mUlAdhAre catudrdale || 21-113 || catudrdalazeSadale vAricakraM saSAntakam(?) | koTisaudAminIbhAsaM vibhAvya yogirAD bhavet || 21-114 || iti zrIrudrayAmale uttaratantre mahAtantroddIpane bhAvArthanirNaye pAzavakalpe | mUlapadmollAse bhUmicakra--svargacakra--tulAcakra-- vAricakrasArasaGkete | siddhamantraprakaraNe bhairavabhairavIsaMvAde ekaviMzaH paTalaH || 21 || atha dvAviMzaH paTalaH zrIAnandabhairavI uvAca zRNu zambho pravakSyAmi SaTcakrasya phalodayam | yajjJAtvA yoginaH sarve ciraM tiSThanti bhUtale || 22-1 || mUlAdhAraM mahApadmaM caturdalasuzobhitam | vAdisAntaM svarNavarNaM zaktibrahmapadaM vrajet || 22-2 || kSityaptejomarudvyomamaNDalaM SaTsu paGkaje | krameNa bhAvayenmantrI mUlavidyAprasiddhaye || 22-3 || mUlapadmodrdhvadeze ca svAdhiSThAnaM mahAprabham | SaDdalaM rAkiNIM viSNuM kaNIkAyAM smaredyatiH || 22-4 || SaDdalaM bAdilAntaM ca varNaM dhyAtvA surAdhipaH | kandarpavAyunA vyAptaliGgamUle bhajedyatiH || 22-5 || tadUrdhve nAbhimUle ca maNikoTisamaprabham | dazadalaM yogadharmaM DAdiphAntArthagaM bhajet || 22-6 || lAkinIsahitaM rudraM dhyAyedyogAdisiddhaye | mahAmokSapadaM dRSTvA jIvanmukto bhaved dhruvam || 22-7 || bandhUkapuSpasaGkAzaM daladvAdazazobhitam | kAdiThAntArNasahitamIzvaraM kAkinIM bhajet || 22-8 || tadUrdhve SoDazollAsapade sAkSAt sadAzivam | mahAdevIM sAkinIgaM kaNThe dhyAtvA zivo bhavet || 22-9 || vizuddhAkhyaM mahApuNyaM dharmArthakAmamokSadam | dhUmradhUmAkaraM vidyutpuJjaM bhajati yogirAT || 22-10 || AjJAnAmotpalaM zubhraM himakundendumandiram | haMsasthAnaM bindupadaM dvidalaM bhrUkuTe bhajet || 22-11 || lakSavarNadvayADhyaM yad binduyuktaM manolayam | tayoH strIpuMprakRtyAkhyaM koTicandrojjvalaM bhajet || 22-12 || kaNThe SoDazapatre ca SoDazasvaraveSTitam | akArAdivisargAntaM vibhAvya kuNDalIM nayet || 22-13 || AjJAcakre samAnIya koTicandrasamodayAm | kaNThAdhArAM kuNDalinIM jIvanmukto bhavediha || 22-14 || yadi zvAsaM na tyajati bAhyacandramasi prabho | bhrUmadhye candranikare tyaktvA yogI bhavediha || 22-15 || sUkSmavAyUdgamenaiva tyajed vAyuM muhurmuhuH | sahasrAdAgataM mUle mUlAttatraivamAnayet || 22-16 || candraH sUrye layaM yAti sUryazcandramasi prabho | yo bAhye nAnayet zabdaM tasya binducayo bhavet || 22-17 || yAvad bAhye candramasi mano yAti raviplute | antargate candrasUrye na tasya duritaM tanau || 22-18 || kevalaM sUkSmavAyusthaM vAyavIzaktilAlitam | mAnasaM yaH karotIti tasya yogAdivarddhanam || 22-19 || prApte yajJopavIte yaH zrIdharo brAhmaNottamaH | yogAbhyAsaM sadA kuryAt sa bhavedyogivallabhaH || 22-20 || yAvatkAlaM sthitaM binduM bAlyabhAve yathA yathA | tathA tathA yogamArgaM bindupAtAnmariSyati || 22-21 || tathApi yadi mAsaM vA pakSaM vA dazabhidInam | yadi tiSThati bindUgraH sAkSAdabhyAsato jayI || 22-22 || kAmAnalamahApIDAviziSTaH puruSo yadA | tatkAmAdisaMharaNe vinA yogena kaH kSamaH || 22-23 || samasaMsargagUDhena kAmo bhavati nizcitam | tatkAmAt krodha utpanno mahAzatruvInAzakRt || 22-24 || krodhAd bhavati sammohaH sammohAt smRtivibhramaH | smRtibhraMzAd buddhinAzo buddhinAzAd vinAzanam || 22-25 || ataH sambuddhimAdhArya mUlAdibrahmamaNDale | dhyAtvA zrInAthapAdAbjaM siddho bhavati sAdhakaH || 22-26 || Izvarasya kRpAcinhamAdau zAntirbhaved hRdi | zAntibhirjAyate jJAnaM jJAnAnmokSamavApnuyAt || 22-27 || zAntivIdyA pratiSThA ca nivRttiriti tAH smRtAH | caturvyUhastato devaH procyate paramezvaraH || 22-28 || idaM jJAnamidaM jJeyamiti cintAsamAkulAH | paThantyahanIzaM zAstraM paratattvaparAGmukhAH || 22-29 || ziro vahati puSpANi gandhaM jAnAti nAsikA | paThanti mama tantrANi durlabhA bhAvabodhakAH || 22-30 || yajJopavItakAle tu pazubhAvAzrayo bhavet | yAvadyogaM na samprAptaM tAvad vIrAcaraM na ca || 22-31 || AcAro vinayo vidyA pratiSThA yogasAdhanam | tasyaiva jAyate siddhiriSTapAdAmbuje matiH || 22-32 || deve gurau mahAbhaktiryasya nityaM vivardhate | saMvatsarAttasya siddhirbhavatyeva na saMzayaH || 22-33 || vedAgamapurANAnAM sAramAlokya yatnataH | manaH saMsthApayediSTapAdAmbhoruhamaNDale || 22-34 || cetasi kSetrakamale SaTcakre yoganirmale | mano nidhAya maunI yaH sa bhaved yogavallabhaH || 22-35 || manaH karoti karmANi mano lipyati pAtake | manaHsaMyamanI bhUtvA pApapuNyairna lipyate || 22-36 || zrI bhairava uvAca vada kAnte rahasyaM me yena siddho bhavennaraH | tatprakAraM vizeSeNa yoginAmapyagocaram || 22-37 || yatraiva gopayedyadyadAnandena nirIkSayet | pUjayed bhAvayeccaiva varjayenna jugupsayet || 22-38 || krameNa vada tattvaJca yadi sneho'sti mAM prati | na jJAtvApi ca bhUtattvaM yogI mohAzrito bhavet || 22-39 || AnandabhairavI uvAca trailokye yogayogyo'si SaTcakrabhedane rataH | tvameva paramAnanda mahAdhiSThAnanirmala || 22-40 || saGghAtayenmahAvIra etAndoSAn mahAbhayAn | kAmakrodhalobhamohamadamAtsaryasaJjJakAn || 22-41 || saGghAtayenmahAvIro vikAraM cendriyodbhavam | nidrA--lajjA--daurmanasyaM dazakAlAnalAn prabho || 22-42 || saGgopayenmahAvIro mahAmantraM kulakriyAm | mudrAkSasUtratantrArthaM gopinAM vIrasaGgamam || 22-43 || atyAcAraM bhairavANAM yoginInAM ca sAdhanam | nADIgrathanamAnaJca gopayenmAtRjAravat || 22-44 || na nindet prANanidhane devatAM gurumIzvaram | surAM vidyAM mahAkSetraM pIThaM yogAdhikAriNam || 22-45 || yoginI jaDamunmattaM janmakarmakulakriyAm | prayoge dharmakartAraM na nindet prANasaMsthitau || 22-46 || patnIM bhrAtRvadhUJcaiva bauddhAcAraJca yoginIm | karma zubhAzubhaJcaiva mahAvIro na nindayet || 22-47 || nirIkSayenna kadApi kanyAyoniM dine ratim | pazukrIDAM digvasanAM kAminIM prakaTastanIm || 22-48 || vigrahaM dyUtapAzArthaM klIbaM viSThAdikaM zucau | abhicArabhAraJca kriyAmapramattasya nekSayet || 22-49 || pUjayetparayA bhaktyA devatAM gurumIzvaram | zaktiM sAdhumAtmarUpaM sthUlasUkSmaM prayatnataH || 22-50 || atithiM mAtaraM siddhaM pitaraM yoginaM tathA | pUjayet parayA bhaktyA siddhamantraM susiddhaye || 22-51 || bhAvayedekacittena sAdhUktaM yogasAdhanam | gurorvAkyopadezaM ca svadharmaM tIrthadevatAm || 22-52 || kulAcAraM vIramantramAtmAnaM parameSThinam | bhAvayedvidhividyAM ca tantrasiddhArthanirNayam || 22-53 || varjayet sAdhakazreSTho'gamyAgamanAdikam | dhUrtasaGgaM vaJcakaJca pralApamanRtAzubham || 22-54 || varjayet pApagoSThIyamAlasyaM bahujalpanam | avedakarmasaJcAraM gosavaM brAhmaNasya ca || 22-55 || jugupsayenna kadApi viNmUtraM kledazoNitam | hInAGgIM pizitaM nAtha kapAlAharaNAdikam || 22-56 || surAM gopAlanaJcaiva nijapApaM riporbhayam | jugupsayenna sudharmmaM yadi siddhimihecchati || 22-57 || samayAcAramevedaM yoginAM vIrabhAvinAm | gurvAjJayA yaH karoti jIvanmukto bhaved bhuvi || 22-58 || vRthA dharma vRthA caryaM vRthA dIkSA vRthA tapaH | vRthA sukRtamAkhyeti gurvAjJAlaGghanaM nRNAm || 22-59 || brAhmaNakSatriyAdInAmAdau yogAdisAdhanam | pazcAt kulakriyA nAtha yogavidyAprasiddhaye || 22-60 || vinA bhAvena vIreNa pUrNayogI kuto bhavet | Adau kuryAt pazorbhAvaM pazcAt kulavicAraNam || 22-61 || mama tantre mahAdeva kevalaM sAranirNayam | akasmAd bhaktisiddhyarthaM kulAcAraM ca yoginAm || 22-62 || brAhmaNAnAM kulAcAraM kevalaM jJAnasiddhaye | jJAnena jAyate yogI yogAdamaravigrahaH || 22-63 || bhUtvA yogI kulInazca yogAbhyAsamahanIzam | SaTcakraM bhUtanilayaM bhAvayed bhAvasiddhaye || 22-64 || mUlapadmasyodrdhvadeze liGgamUle mahAzuciH | svAdhiSThAne mahApadmaM paddale vAyunA yajet || 22-65 || etat SaDdalavarNAnAM bhAvanAM yaH karoti hi | tasya sAkSAd bhavedviSNuH rAkiNIsahitaH prabho || 22-66 || svAdhiSThAnaSaDdalasya kaNIkAmadhyamaNDale | dalASTakaM bhAvayitvA nAgayuktaM sa IzvaraH || 22-67 || aSTau nAgA aSTadale pratibhAnti yathAruNAH | jalasyopari padme ca dhyAyettannAgavallabhAm || 22-68 || anantaM vAsukiM padmaM mahApadmaM ca takSakam | kulIraM karkaTaM zaGkhaM dakSiNAdau dale bhajet || 22-69 || aSTadalopari dhyAyet kaNIkAvRttayugmakam | tadUrdhve SaDdalaM vAdilAntayuktaM sabindukam || 22-70 || pUrvAdikramayogena dakSiNAvarttavAyunA | punaH punaH kumbhayitvA dhyAyet SaDvarNavAyavIm || 22-71 || kezaraM yugalaM dhyAyet kulordhve sAkRtiM mudA | aSTadale SaDdale ca vibhAvya yogirAD bhavet || 22-72 || aSTadalasyordhvadeze vRttayugmaM manoharam | tasyopari punardhyAyet SaDdale vAdilAntakam || 22-73 || dalASTakAdho dhyAyedyo vRttayugmaM manoharam | vRttAdhomaNDalAkAraM vaM bIjaM vyApya tiSThati || 22-74 || vRttalagnaM samAvyAptaM yaM bIjaM vidyudAkaram | koTisUryasamAbhAsaM vibhAvya yoginAM patiH || 22-75 || yAntabIjakalAnAM tu adhaH SaTkoNamaNDalam | SaTkoNe dakSiNAdau ca bhAvayed yAdilAntakam || 22-76 || tatSaTkoNamadhyadeze SaTkoNaM dhUmra maNDalam | tatkoNe dakSiNAdau ca dravyAdiSaTkamAzrayet || 22-77 || dravyaM guNAstathA karma sAmAnyaM savizeSakam | samavAyaM krameNaiva SaTkoNeSu vibhAvayet || 22-78 || pUrvAdikramayogena dakSiNAvartavAyunA | sarvatra bhAvayenmantrI kumbhayitvA punaH punaH || 22-79 || dravyaSaTkoNamadhye tu SaTkoNaM cArutejasam | koNe koNe ca SaDvargAn bhAvayet sthiracaJcalAn || 22-80 || tanmadhye ca trikoNe ca rAkiNIsahitaM harim | koTicandramarIcisthaM dhyAyedyogI vizAladhIH || 22-81 || SaDdalAntargataM padmaM yoginAmapi sAdhanam | yo nityaM kurute'bhyAsaM tasya yogaH prasiddhyati || 22-82 || etaccakraprasAdena nIrogI nirahaGkRtaH | sarvajJo bhavati kSipraM zrInAthapadabhAvanAt || 22-83 || jyotIrUpaM yogamArgaM sUkSmAtisUkSmanirmalam | trailokyakAmanAsiddhiM SaTcakre bhAvayeddharim || 22-84 || yo hariH zeSazambhuzca yaH zambhuH sUkSmarUpadhRk | sUkSmarUpasthito brahmA brahmAdhInamidaM jagat || 22-85 || ekamUtIstrayo devA brahmaviSNupitAmahAH | mama vigrahasMzliSTAH sRjatyavati hanti ca || 22-86 || prANAyAmodgatA ete yogavighnakarAH sadA | prANAyAmena niSpIDya prasabhaM siddhimApnuyAt || 22-87 || akAraM brahmaNo varNaM zabdarUpaM mahAprabham | praNavAntargataM nityaM yogapUrakamAzrayet || 22-88 || ukAraM vaiSNavaM varNaM zabdabhedinamIzvaram | praNavAntargataM sattvaM yogakumbhakamAzrayet || 22-89 || makAraM zAmbhavaM rUpaM bIjabhUtaM vidhUdgatam | praNavAntasthitaM kAlaM layasthAnaM samAzrayet || 22-90 || varNatrayavibhAgena praNavaM parikalpitam | praNavAjjAyate haMso haMsaH so'haM paro bhavet || 22-91 || so'haM jJAnaM mahAjJAnaM yoginAmapi durlabham | nirantaraM bhAvayedyaH sa eva paramo bhavet || 22-92 || haM pumAn zvAsarUpeNa candreNa prakRtistu saH | etaddhaMsaM vijAnIyAt sUryamaNDalabhedakam || 22-93 || viparItakrameNaiva so'haM jJAnaM yadA bhavet | tadaiva sUryagaH siddhaH svadhAsvaraprapUjitaH || 22-94 || hakArArNaM sakArArNaM lopayitvA tataH param | sandhiM kuryAttataH pazcAt praNavo'sau mahAmanuH || 22-95 || etad haMsaM mahAmantraM svAdhiSThAne manogRhe | manorUpaM bhajedyastu sa bhavet sUryamadhyagaH || 22-96 || haMsaM sUrya vijAnIyAt so'haM candro na saMzayaH | viparIto yadA bhUyAttadaiva mokSabhAg bhavet || 22-97 || yadi haMsamanorUpaM svAdhiSThAne hareH pade | vibhAvya zrIguroH pAde nIyate nAtra saMzayaH || 22-98 || so'haM yadA zaktikUTaM akArAkArasampuTam | kRtvA japati yo jJAnI sa bhavet kalpapAdapaH || 22-99 || japahomAdikaM sarvaM haMsena yaH karoti hi | tadaiva candrasUrya syAt haMsamantraprasAdataH || 22-100 || etajjapaM mahAdeva dehamadhye karomyaham | ekaviMzasahasrANi SaTzatAni ca haMmanuH || 22-101 || puMrUpeNa hakAraJca strIrUpeNa sakArakam | japtvA rakSAM karotIha candrabinduzatena ca || 22-102 || praNavAntaM mahAmantraM nityaM japati yo naraH | vAyusiddhirbhavettasya vAyavI sukRpA bhavet || 22-103 || bRhad haMsaM pravakSyAmi yena siddho bhavennaraH | kAmarUpI kSaNAdeva vAksiddhiriti nizcitam || 22-104 || Adau praNavamuccArya tato haMsapadaM likhet | tatpazcAt praNavaM jJeyaM tataH parapadaM smaret || 22-105 || tarpayAmi padasyAnte praNavaM phaDiti smaret | etaddhi haMsamantrastu vIrANAmudayAya ca || 22-106 || bRhad haMsaprasAdena SaTcakrabhedako bhavet | SaTcakre ca prazaMsanti sarve devAzcarAcarAH || 22-107 || yogasiddhiM vighAtAya bhramanti yoginastanau | yadi haMsaM bRhaddhaMsaM japanti vAyusiddhaye || 22-108 || tadA sarve palAyante rAkSasAnmAnuSA yathA || 22-109 || iti zrIrudrayAmale uttaratantre mahAtantroddIpane bhAvanirNaye pAzavakalpe SaTcakrasArasaGkete yogazikSAvidhinirNaye siddhamantraprakaraNe | bhairavIbhairavasaMvAde dvAviMzaH paTalaH || 22 || atha trayoviMzaH paTalaH zrIbhairavI uvAca athAtaH sampravakSyAmi brahmamArgamanuttamam | yad yajjJAtvA surAH sarve jayAkhyAH paramaM jaguH || 23-1 || na tantejaHprakAzAya mahatAM dharmavRddhaye | yogAya yoginAM deva bhakSaprasthanirUpaNam || 23-2 || yogAbhyAsaM yaH karoti na jAnAtIha bhakSaNam | koTivarSasahasreNa na yogI bhavati dhruvam || 23-3 || ato vai bhakSamAhAtmyaM pravadAmi samAsataH | yajjJAtvA siddhimApnoti svAdhiSThAnAdibhedanam || 23-4 || Adau vivekI yo bhUyAd bhUtale paramezvara | sa eva bhakSaniyamaM gRhe'raNye samAcaret || 23-5 || vAyvAsanadRDhAnandaparamAnandanirbharaH | mitAhAraM sadA kuryAt pUrakAhlAdahetunA || 23-6 || tadA pUrakasiddhiH syAd bhakSaNAdinirUpaNAt | udaraM pUrayennityaM kumbhayitvA punaH punaH || 23-7 || nijahastapramANAbhiH pUrayet pUrNameva ca | tatpUrayet sthApayennAtha vizvAmitrakapAlake || 23-8 || haMsadvAdazavAreNa zilAyAmapi gharSayet | nityaM tatpAtrapUrNaM ca pAkenaikena bhakSayet || 23-9 || taNDulAn zAlisambhUtAnkapAlaprasthapUrNakAn | dine dine kSayaM kuryAd bhakSaNAdiSu karmasu || 23-10 || haMsadvAdazavAreNa japena saMkSayaM caret | zilAyAM tatkapAlaM ca varddhayet pUrakAdikam || 23-11 || yAvatkAlaM kSayaM yAti nijabhakSaNanirNayam | tatkAlaM vAyunApUrya nodaraM kAkacaJcubhiH || 23-12 || AkuJcayet sadA mUle kuNDalI bhakSadhAraNAt | tatrasampUrayedyogI bhakSaprasthAvanAzanAt || 23-13 || kAlakrameNa tat siddhimavApnoti jitendriyaH | yatsthAnaM bhakSaNasyaiva tatsthAne pUrayetsukham || 23-14 || punaH punarbhakSaNena bhakSasiddhimupaiti hi | vinA pUrakayogena bhakSaNaM nApi siddhyati || 23-15 || athavAnyaprakAreNa bhakSatyAgaM vinirNayam | yena hInA na siddhyanti nADIcakrasthadevatAH || 23-16 || dvAtriMzad grAsamAdAya triparvvaNi yathAsthitam | arddhagrAsaM vihAyApi nityaM bhakSaNamAcaret || 23-17 || sadA sampUrayed vAyuM bhAvako gatabhIrmahAn | bhakSasthAne samAyojya pibed vAyumahanIzam || 23-18 || catuHSaSTidine sarvaM kSayaM kRtvA tataH sudhIH | payobhakSaNamAkuryAt sthiracetA jitendriyaH || 23-19 || payaH pramANaM vakSyAmi hastaprasthatrayaM trayam | zanaiH zanaivIjetavyAH prANA mattagajendravat || 23-20 || SaNmAsAjjAyate siddhiH pUrakAdiSu lakSaNam | krameNASTAGgasiddhiH syAt yatInAM kAmarUpiNAm || 23-21 || baddhapadmAsanaM kRtvA vijayAnandananditaH | dhArayenmArutaM mantrI mUlAdhAre manolayam || 23-22 || athAsanaprabhedaJca zRNu matsiddhikAGkSaNAm | yena vinA pUrakANAM siddhibhAk na mahItale || 23-23 || adho muNDAsanaM vakSye sarveSAM prANinAM sukham | UdrdhvamArge padaM dattvA dhArayenmArutaM sudhIH || 23-24 || sarvAsanAnAM zreSThaM hi UdrdhvapAdo yadA caret | tadaiva mahatIM siddhiM dadAti vAyavI kalA || 23-25 || etatpadmAsanaM kuryAt prANavAyuprasiddhaye | zubhAsanaM tadA dhyAyetpUrayitvA punaH punaH || 23-26 || UrumUle vAmapAdaM punastaddakSiNaM padam | vAmorau sthApayitvA ca padmAsanamitismRtam || 23-27 || savyapAdasya yogena AsanaM parikalpayet | tadaikAsanakAle tu dvitIyAsanamAbhavet || 23-28 || pRSThe karadvayaM nItvA vRddhAGguSThadvayaM sudhIH | kAyasaGkocamAkRtya dhRtvA baddhAsano bhavet || 23-29 || baddhapadmAsanaM kRtvA vAyubaddhaM punaH punaH | cibukaM sthApayedyatnAd hlAditejasi bhAskare || 23-30 || ityAsanaM hi sarveSAM prANinAM siddhikAraNam | vAyuvazyAya yaH kuryAt sa yogI nAtra saMzayaH || 23-31 || svabhAvasiddhikaraNaM sarveSAM svastikAsanam | vAmapAdatale kuryAtpAdadakSiNameva ca || 23-32 || savyApasavyayogena Asanadvayameva ca | sarvatraivaM prakAraM ca kRtvA nADIva sAramet || 23-33 || AsanAni zRNu hyetattriMzatAsaMkhyakAni ca | savyApasavyayogena dviguNaM prabhavediha || 23-34 || catuHSaSTyAsanAnIha vadAmi vAyusAdhanAt | dvAtriMzadbindubhedAya kalpayed vAyuvRddhaye || 23-35 || kArmukAsanamAkRtya udare pUrayet sukham | tadA vAyurvazo yAti kAlena sUkSmavAyunA || 23-36 || kRtvA padmAsanaM mantrI veSTayitvA pradhArayet | kareNa dakSiNenaiva vAmapAdAntikaM taTam || 23-37 || savyApasavyadviguNaM kArmukAsanameva ca | kArmukadvayayogena zaravad vAyumAnayet || 23-38 || kukkuTAsanamAvakSye nADInirmalahetunA | matkulAgamayogena kuryAd vAyuniSevaNam || 23-39 || nijahastadvayaM bhUmau pAtayitvA jitendriyaH | padbhyAM baddhaM yaH karoti kUrparadvayamadhyataH || 23-40 || savyApasavyayugalaM kukkuTaM brahmaNA kRtam | baddhaM kRttvA adhaHzIrSaM yaH karoti khagAsanam || 23-41 || khagAsana prasAdena zramalopo bhaved drutam | punaH punaH zramAdeva viSayazramalopakRt || 23-42 || lolAsanaM sadA kuryAd vAyulolApaghAtanAt | sthiravAyuprasAdena sthiracetA bhaveddrutam || 23-43 || padmAsanaM samAkRtya pAdayoH sandhigahvare | hastadvayaM madhyadezaM niyojya kukkuTAkRtiH || 23-44 || nijahastadvayadvandvaM nipAtya hastanirbharam | kRtvA zarIramullApya sthitvA padmAsane'nilaH || 23-45 || sthitvaitadAsane mantrI adhaHzIrSaM karoti cet | uttamAGgAsanaM jJeyaM yoginAmatidurlabham || 23-46 || etadAsanamAtreNa zarIraM zItalaM bhavet | punaH punaH prasAdena caitanyA kuNDalI bhavet || 23-47 || savyApasavyayogena yaH karoti punaH punaH | pUrayitvA mUlapadme sUkSmavAyuM vikumbhayet || 23-48 || kRtvA kumbhakamevaM hi sUkSmavAyulayaM vidhau | mUlAdibrahmarandhrAnte sthApayellayage pade || 23-49 || etat zubhAsanaM kRttvA sUkSmarandhre manolayam | sUcIrandhre yathAsUtraM pUrayet sUkSmavAyunA || 23-50 || etat krameNa SaNmAsAn pUrakasyApi lakSaNam | mahAsukhaM samApnoti yogASTAGganiSevaNAt || 23-51 || atha vakSye mahAdeva parvatAsanamaGgalam | yatkRtvA sthirarUpI syAd SaTcakrAdivilopanam || 23-52 || yonyAsanaM parvatena yogaM yogaphale'nilam | tatkAlaphalalantAvat khecaro yAvadeva hi || 23-53 || pAdayogena cakrasya liGgAgraM yo niyojayet | anyatpadamUrau dattvA tatra yonyAsanaM bhuvi || 23-54 || tatra madhye mahAdeva banddhayonyAsanaM zRNu | yatkRtvA khecaro bhUtvA vicaredIzvaro yathA || 23-55 || kRtvA yonyAsanaM nAtha liGgaguhyAdibandhanam | mukhanAsAnetrakarNakaniSThAGgulibhistathA || 23-56 || oSThAdharaM kaniSThAbhyAmanAmAbhyAJca nAsike | madhyamAbhyAM netrayugmaM tarjjanIbhyAM paraiH zrutI || 23-57 || kRttvA yonyAsanaM nAtha yoginAmati durlabham | kRttvA yaH pUrayed vAyuM mUlamAkuJcya stambhayet || 23-58 || savyApasavyayogena siddho bhavati sAdhakaH | zanaiH zanaiH samAruhya kumbhakaM paripUrayet || 23-59 || aruNodayakAlAcca vasudaNDe sadAziva | savyApasavyayogena gRhNIyAdvAyugAnilam || 23-60 || dvitIyaprahare kuryAd vAyupUjAM manoramAm | etadAsanamAkRtya siddho bhavati sAdhakaH || 23-61 || athAnyadAsanaM vakSye yatkRtvA so'maro bhavet | matsAdhakaH zuciH zrImAn kuryAdgattvA nirAvile || 23-62 || bhekAnAmAsanaM yogaM nijavakSasi sammukham | nidhAya pAdayugalaM skandhe bAhU padopari || 23-63 || dhyAyeddhi citpadaM bhrAntamAsanasthaH sukhAya ca | yadi sarvAGgamuttolya gagane khecarAsanam || 23-64 || mahAbhekAsanaM proktaM sarvasiddhipradAyakam | mahAvidyAM mahAmantraM prApnoti japatIha yaH || 23-65 || etat prabhedaM vakSyAmi karoti yaH sa cAmaraH | ekapAdamUrau baddhvA skandhe'nyatpAdarakSaNam || 23-66 || etatprANAsanaM nAma sarvasiddhipradAyakam | vAyumUle samAropya dhyAttvA''kuJcya prakArayet || 23-67 || kevalaM pAdamekaJca skandhe cAropya yatnataH | ekapAdena gagane tiSThet sa daNDavat prabho || 23-68 || apAnAsanametaddhi sarveSAM pUrakAzrayam | kRttvA sUkSme zIrSapadme samAropya ca vAyubhiH || 23-69 || tadA siddho bhavenmarttyaH prANApAnasamAgamaH | apAnAsanayogena kRttvA yogezvaro bhuvi || 23-70 || samAnAsanamAvakSye siddhamantrAdisAdhanAt | ekapAdamUrau dattvA guhye'nyalliGgavaktrake || 23-71 || etad vIrAsanaM nAtha samAnAsanasaMjJakam | ityAkRtya japenmantraM dhRtvA vAyuM caturdale || 23-72 || kuNDalIM bhAvayenmantraM koTividyullatAkRtim | AtmacandrAmRtarasairAplutAM yoginIM sadA || 23-73 || vIrAsanaM tu vIrANAM yogavAyupradhAraNam | yo jAnAti mahAvIraH sa yogI bhavati dhruvam || 23-74 || atha vakSye mahAkAla samAnAsanasAdhana | bhedakrameNa yajjJAtvA vIrANAmadhipo bhavet || 23-75 || samAnAsanamAkRtya vRddhADguSThaM kareNa ca | ekena so'dhikArI syAt svarayogAdisAdhane || 23-76 || AsanaM yo hi jAnAti vAyUnAM haraNaM tathA | kAlAdInAM nirNayaM tu sa kadAcinna nazyati || 23-77 || kAlena labhyate siddhiH kAlarUpo mahojjvalaH | sAdhakairyogibhirdhyeyaH siddhavIrAsanAtmanA || 23-78 || atha vakSye nIlakaNTha granthibhedAsanaM zubham | jJAtvA rudro bhavet kSipraM sUkSmavAyuniSevaNAt || 23-79 || kRtvA padmAsanaM mantrI jaGghayoH hRdaye karau | kUrparasthAna paryantaM vibhedya skandhadhAraNam || 23-80 || bhitvA padmAsanaM mantrI sahasrArddhena ghATanam | yena zIrSaM bhAvanamraM sarvAGgulibhirAzramam || 23-81 || granthibhedAsanaJcaitat khecarAdipradarzanam | kRttvA sUkSmavAyulayaM paramAtmani bhAvayet || 23-82 || athAnyAsanamAvakSye yogapUrakarakSaNAt | kRttvA padmAsanaM pAdA aGguSThajaGghayoH sthitam || 23-83 || hastamekaM tu jaGghAyAH kArmukaM kUrparorddhakam | padmAsane samAdhAya aGguSThaM paridhAvayet || 23-84 || kArmukAsanametaddhi savyApasavyayogataH | padmAsanaM veSTayitvA aGguSThAgraM pradhAvayet || 23-85 || yaH karoti sadA nAtha kArmukAsanamuttamam | tasya rogAdizatrUNAM kSayaM nItvA sukhI bhavet || 23-86 || atha vakSye'tra saMkSepAt sarvAGgAsanamuttamam | yatkRtvA yoganipuNo vidyAbhiH paNDito yathA || 23-87 || adho nidhAya zIrSaM ca UdrdhvapAdadvayaM caret | padmAsanaM tu tatraiva bhUmau kUrparayugmakam || 23-88 || daNDe daNDe sadA kuryAt zramazAntiparaH sudhIH | nityaM sarvAsanaM hitvA na kuryAd vAyudhAraNam || 23-89 || mAsena sUkSmavAyUnAM gamanaM copalabhyate | trimAse devapadavIM trimAse zItalo bhavet || 23-90 || atha vakSye mahAdeva mayUrAsanamuttamam | bhUmau nipAtya hastau dvau kUrparopari dehakam || 23-91 || kUrparopari saMsthApya sarvadehaM sthirAzayaH | kevalaM hastayugalaM nipAtya bhuvi susthiraH || 23-92 || etadAsanamAtreNa nADIsambhedanaM bhavet | pUrakeNa dRDho yAti sarvatrAGgAzrayeNa ca || 23-93 || athAnyadAsanaM kRttvA sarvavyAdhinivAraNam | yogAbhyAsI bhavetkSipraM jJAnAsanaprasAdataH || 23-94 || dakSapAdorumUle ca vAmapAdatalaMtathA | dakSapAdatalaM dakSapArzve saMyojya dhArayet || 23-95 || etajjJAnAsanaM nAtha jJAnAdvidyAprakAzakam | nirantaraM yaH karoti tasya granthiH zlathI bhavet || 23-96 || savyApasavyayogena muNDAsanamiti smRtam | kRtvA dhyAtvA sthiro bhUtvA lIyate paramAtmani || 23-97 || garuDAsanamAvakSye yena dhyAnaM sthiraM bhuvi | sarvadoSAdvinirmukto bhavatIha mahAbalI || 23-98 || ekapAdamurau baddhvA ekapAdena daNDavat | jaGghApAdasandhideze jJAnavyagraM vyavasthitam || 23-99 || etadAsanamAkRtya pRSThe saMhAramudrayA | ArAdhya yoganAthaM ca sadA sarvezvarasya ca || 23-100 || athAnyadAsanaM vakSye yena siddho bhavennaraH | akasmAd vAyusaJcAraM kokilAkhyAsanena ca || 23-101 || Udrdhve hastadvayaM kRtvA tadagre pAdayoH sudhIH | vRddhAGguSThadvayaM nAtha zanaiH zanaiH prakArayet || 23-102 || padmAsanaM samAkRtya kUrparopari saMsthitaH | atha vakSye vIranAtha AnandamandirAsanam || 23-103 || yatkRtvA amaro dhIro bhavatyeveha sAdhakaH | hastayugmaM pAdadeze pAdayugmaM pradApayet || 23-104 || prakRtya daNDavat kaula nitambAgre pratiSThati | khaJjanAsanamAvakSye yatkRtvA susthiro bhavet || 23-105 || pRSThe pAdadvayaM baddhvA hastau bhUmau pradhArayet | bhUmau hastadvayaM nAtha pAtayitvAnilaM pibet || 23-106 || pRSThe pAdadvayaM baddhvA khaJjanena jayI bhavet | athAnyadAsanaM vakSye sAdhakAnAM hitAya vai || 23-107 || pavanAsanarUpeNa khecaro yogirADbhavet | sthitvA baddhAsane dhIro nAbheradhaHkaradvayam || 23-108 || UdrdhvamuNDaH pibed vAyuM niruddhyeta yamAvile | atha sarpAsanaM vakSye vAyupAnAya kevalam || 23-109 || zarIraM daNDavattiSThedrajjubaddhastu pAdayoH | vAyavI kuNDalI devI kuNDalAkAramaGgule || 23-110 || maNDitA bhUSaNAdyaizca vakSye sarpAsanasthitam | nidrAlasyabhayAn tyaktvA rAtrau kuryAtpunaH punaH || 23-111 || sarvAn vighnAn vazIkRtya nidrAdIn vAyusAdhanAt | atha vakSye kAkarUpaskandhAsanamanuttamam || 23-112 || kalipApAt pramucyeta vAyavIM vazamAnayet | nijapAdadvayaM baddhvA skandhadeze ca sAdhakaH || 23-113 || nityametat padadvandvaM bhUmau puSTikaradvayam || 23-114 || iti zrIrudrayAmale uttaratantre mahAtantroddIpane bhAvAsananirNaye pAzavakalpe SaTcakrasArasaGkete siddhamantraprakaraNe bhairavIbhairavasaMvAde | trayoviMzaH paTalaH || 23 || atha catuvIMzaH paTalaH AnandabhairavI uvAca atha vakSye mahAdeva yogazAstrArthanirNayam | yena vijJAnamAtreNa SaTcakragranthibhedakaH || 24-1 || parvvAtiriktadivase kuryAt zrIyogasAdhanam | kAlikAkulasarvasvaM kalA kAlasamanvitam || 24-2 || AsanaM vidhinA jJAnaM koTikoTikriyAnvitam | zatalakSasahasrANi AsanAni mahItale || 24-3 || svarge pAtAlamadhye tu sammuktAni mahaSIbhiH | bhedAbhedakrameNaiva kuryAnnityaM sadAsanam || 24-4 || tatprakAraM ca vividhaM yatkRttvA so'maro bhavet | amaraH siddha ityAhuraSTaizvaryasamanvitam || 24-5 || pratibhAti sa evArtho mUlamantrArthavedinaH | amarAste prazaMsanti sarvalokanirantaram || 24-6 || devAH zrIkAminIkAntAH prabhavanti jagattraye | kAlaM hi vazamAkarttuM niyukto yazca bhAvakaH || 24-7 || te sarve vicarantIha koTivarSazateSu ca | tattadAsananAmAni zRNu tatsAdhanAni ca || 24-8 || yena vijJAnamAtreNa sAkSAdIzasya bhaktimAn | atha kUrmAsanaM nAtha kRtvA vAyuM prapUrayet || 24-9 || kAmarUpo bhavet kSipraM kalikalmaSanAzanam | samAnAsanamAkRtya liGgAgre svIyamastakam || 24-10 || nitambe hastayugalaM bhUmau saGkocitaH patet | kumbhIrAsanamAvakSye vAyUnAM dhAraNAya ca || 24-11 || tiSThet kuNDAkRtirbhUmau karau zIrSopari sthitau | padopari padaM dattvA zIrSopari karadvayam || 24-12 || tiSThet kuNDAkRtirbhUmau kumbhIrAsanameva tat | atha matsyAsanaM pRSThe hastopari karAGguliH || 24-13 || pAdayugmapramANena vRddhAGguSThasya yojanam | makarAsanamAvakSye vAyupAnAya kumbhayet || 24-14 || pRSThe pAdadvayaM dattvA hastAbhyAM pRSThabandhanam | atha siMhAsanaM nAtha kUrparopari jAnunI || 24-15 || sthApayitvA Udrdhvamukho vAyupAnaM samAcaret | atha vakSye mahAdeva kuJjarAsanamuttamam || 24-16 || kareNaikena pAdAbhyAM bhUmau tiSThet ziraH karaH | vyAghrAsanamatho vakSye krodhakAlavinAzanam || 24-17 || ekapAdaM zIrSamadhye merudaNDopari sthitam | bhallUkAsanamAvakSye yatkRttvA yogirAD bhavet || 24-18 || nitambe ca pAdagoSThI hastAbhyAmaGgulIyakam | atha kAmAsanaM vakSye kAmasaGgena hetunA || 24-19 || garuDAsanamAkRtya kaniSThAgraM spRzodbhavam | varttulAsanamAvakSye yatkRttvA bhairavo bhavet || 24-20 || AkAzasthitapAdAbhyAM pRSThadezaM nibandhayet | atha mokSAsanaM vakSye yatkRttvA mokSamandiram || 24-21 || dakSahastaM dakSapAdaM kevalaM sthApayetsudhIH | atha mAlAsanaM nAtha yatkRtvA vAyavIpriyaH || 24-22 || zubhayogaM samApnoti ekahastasthito naraH | atha divyAsanaM vakSye pRSThaM hastena bandhayet || 24-23 || ekahastamadhyadezaM bhUmihastaJca nAsayA | arddhodayAsanaM nAtha sarvAGgaM khe niyojayet || 24-24 || kevalaM hastayugalaM bhUmimAlokya nAsayA | atha candrAsanaM vakSye pAdAbhyAM svazarIrakam || 24-25 || punaH punaH dhArayed yo vAyudhAraNapUrvakam | atha haMsAsanaM vakSye zarIreNa punaH punaH || 24-26 || bhUmau santADayet zvAsaiH prANavAyudRDhaH sudhIH | atha sUryAsanaM vakSye pRSThAt pAdena bandhanam || 24-27 || pRSThe bhedAnvitaM pAdaM tasya hastena bandhayet | atha yogAsanaM vakSye yatkRtvA yogirAD bhavet || 24-28 || sarvAH pAdataladvandvaM svAGge baddhvA karadvayam | gadAsanamato vakSye gadAkRtirvased bhuvi || 24-29 || UdrdhvabAhurbhavedyena kAyazodhanahetunA | atha lakSmyAsanaM vakSye liGgAgre'Gghirataladvayam || 24-30 || guhyadeze hastayugmaM talAbhyAM bandhayed bhuvi | atha kulyAsanaM vakSye yatkRtvA kauliko bhavet || 24-31 || ekahastaM mastakastho'dhaH zIrSe'bhinnage karam | brAhmaNAsanamAvakSye yatkRttvA brAhmaNo bhavet || 24-32 || ekapAdamUrau dattvA tiSThed daNDAkRtirbhuvi | kSatriyAsanamAvakSye yatkRttvA dhanavAn bhavet || 24-33 || kezena pAdayugalaM baddhvA tiSThedadhomukhaH | atha vaizyAsanaM vakSye yatkRtvA satyavAnbhavet || 24-34 || vRddhAGguSThena yastiSThet hastayugmaM svakorasi | atha zUdrAsanaM vakSye yatkRtvA sevako bhavet || 24-35 || dhRtvAGguSThadvayaM yojyaM nAsAgrapAdamadhyake | atha jAtyAsanaM vakSye yena jAtismaro bhavet || 24-36 || hastAGghirayugmaM bhUmau ca gamanAgamanaM tataH | pAzavAsanamAvakSye kRttvA pazupatirbhavet || 24-37 || pRSThe hastadvayaM dattvA kUrparAgre svamastakam | eteSAM sAdhanAdeva cirajIvI bhavennaraH || 24-38 || saMvatsaraM sAdhanAdvai jIvanmukto bhaved dhruvam | zrIvidyAsAdhanaM pazcAt kathitavyaM taba prabho || 24-39 || AsanaM yogasiddhyarthaM kAyazodhanahetunA | idAnIM zRNu deveza rahasyaM komalAsanam || 24-40 || yogasiddhivicArAya rahasyaM carmAsanaM zubham | atha narAsanaM vakSye SoDazAdiprakArakam || 24-41 || yena sAdhanamAtreNa yogI bhavati sAdhakaH | prakAraM SoDazaproktaM matkulAgamasambhavam || 24-42 || yena sAdhanamAtreNa sAkSAdyogI mahItale | ekamAsAd bhavetkalpo dvimAse drutakalpanam || 24-43 || trimAse yogakalpaH syAccaturmAse sthirAzayaH | paJcamAse sUkSmakalpe SaSThamAse vivekagaH || 24-44 || saptamAse jJAnayukto bhAvako bhavati dhruvam | aSTamAse'nnasaMyukto jitendriyakalevaraH || 24-45 || navame siddhimilano dazame cakrabhedavAn | ekAdaze mahAvIro dvAdaze khecaro bhavet || 24-46 || iti yogAsanasthazca yogI bhavati sAdhakaH | narAsanaM yaH karoti sa siddho nAtra saMzayaH || 24-47 || tatprakAraM pravakSyAmi yena siddho bhavetprabho | adhomukhaM mahAdeva narAsanasya sAdhane || 24-48 || karaNIyaM sAdhakendrairyogazAstrArthasammataiH | akSINaM yauvanoddAmaM sundaraM cArukuntalam || 24-49 || lokAnAM zreSThamevaM hi patitaM raNasammukhe | tatsarvaM hi samAnIya maGgale vAsare nizi || 24-50 || candrasUryAsanaM kRtvA sAdhayettatra kaulikaH | athAnyat sampravakSyAmi sarvasiddhiprakArakam || 24-51 || bhekAsanaM yaH karoti sa eva yoginIpatiH | athAnyat sampravakSyAmi yatkRtvA yogirAD bhavet || 24-52 || tatsarvottarazirasi sthitvA candrAsane japet | athAnyat tatprakAraJca mahAvidyAdidarzanAt || 24-53 || matsare gauravarNe ca tatra zailAsane japet | athAnyattatprakAraM ca yogikaulo na saMzayaH || 24-54 || yadyevaM mirayate so'pi tadA bhadrAsane japet | tattatsAdhanakAle ca evaM kuryAddane dine || 24-55 || nRtyavAdyagItarAgabhogonaviMzatau dine | caturdazaM na vIkSyeta bhairavANAM bhayAdrdanAt || 24-56 || manonivezamAtreNa yogI bhavati bhairava | svecchAsanaM samAkRtya mantraM japati yo naraH || 24-57 || mahAsAro vItarAgaH siddho bhavati nizcitam | athAnyat zavamAhAtmyaM zRNuSvAvahito mama || 24-58 || tatsarvaM gRhamAnIyAcchAdya zArdUlacarmaNA | tatra mantrI mahApUjAM kRtvA pravizya saMjapet || 24-59 || padmAsanasthastasyaiva jhaTid yogI na saMzayaH || 24-60 || etatprakArarAsanamAzu kRtvA | jitendriyo yogaphalArthavijJaH | bhavenmanuSyo mama cAjJayA hi | siddho gaNo'sau jagatAmadhIzaH || 24-61 || mUlakhaDgayaSTiparaDitaravArAdinA yutam | .... bhUtasarparAjavyAghraM sadyo mRtaM yajet || 24-62 || yasya mRtyurbhavennAtha bhairavasya surApateH | raNe sammukhayuddhasya tadAnIya japaM caret || 24-63 || tatra kaulAsanaM kRtvA athavA kamalAsanam | mahAvidyAmahAmantraM japtvA liGgamavApnuyAt || 24-64 || etatsarvaM na gRhNIyAd yadIcchedAtmano hitam | kuvyAdhimaraNaM kuSThaM strIvazyaM patitaM mRtam || 24-65 || dubhIkSamRtamunmattamavyaktaliGgameva ca | hInAGgaM bhUcaravRddhaM palAyanaparaM tathA || 24-66 || anyadyo yad vicAreNa hattvA lokaM japanti ye | te sarve vyAghrabhakSA syuH khAdanti vyAghrarUpiNaH || 24-67 || paryuSitaM tathAzvasthamadhikAGgaM kukilbiSam | brAhmaNaM gomayaM vIraM dhAmIkaM santyajet sudhIH || 24-68 || strIjanaM yoginaM tyaktvA sAdhayedvIrasAdhanam | tadA siddho bhavenmantrI AjJayA me na saMzayaH || 24-69 || taruNaM sundaraM zUraM mantravidyaM samujjvalam | gRhItvA japamAkRtya siddho bhavati nAnyathA || 24-70 || manuSyazavahRtpadme sarvasiddhikulAkulAH | tatra sarvAsanAnyeva siddhyanti nAtra saMzayaH || 24-71 || athAnyattatprakAraM tu yatkRtvA yogirAT bhavet | komalAdyAsane sthitvA dhArayan mArutaM sudhIH || 24-72 || tatkomalAsanaM vakSye zRNuSva mama tadvacaH | avRddhakaM mRtaM bAlaM SaNmAsAt komalaM param || 24-73 || tadvibhedaM pravakSyAmi garbhacyuta mahAzavam | taddhi vyAghratvacArUDhaM kRtvA tatra japet sthitaH || 24-74 || SaNmAsAnantaraM yAvaddazamAsAcca pUrvakam | mRtaM cArumukhaM bAlaM garbhASTamapuraHsaram || 24-75 || ekahaste dvihaste vA caturhaste samantataH | vizuddha Asane kuryAt saMskAraM pUjanaM tataH || 24-76 || pUrNe paJcamavarSe ca sAdhako vItabhIH svayam | hInavItopanayano yo mRtastaM hi komalam || 24-77 || garbhacyutaphalaM nAtha zRNu tatphalasiddhaye | aNimAdyaSTasiddhiH syAt saMvatsarasya sAdhanAt || 24-78 || mRtAsane japenmantrI mahAvidyAmamuM zubham | acirAttasya siddhiH syAnnAtra kAryA vicAraNA || 24-79 || athAnyat zavamAhAtmyaM zRNu siddhizca sAdhanAt | sAdhako yogirAT bhUttvA mama pAdatale vaset || 24-80 || dazasaMvatsare pUrNe yo mirayeta zubhe dine | zanau maGgalavAre ca tamAnIya prasAdhayet || 24-81 || tatra vIrAsanaM kRttvA yo japed bhadrakAlikAm | athavA baddhapadme ca sa siddho bhavati dhruvam || 24-82 || atha bhAvaphalaM vakSye yena zavAdisAdhanam | akasmAt prAptimAtreNa zavasya vihitasya ca || 24-83 || yaM paJcadazavarSIyaM sundaraM patitaM raNe | tamAnIya japedvidyAM nizi vIrAsane sthitaH || 24-84 || zIghrameva susiddhiH syAt khecarI vAyupUraNI | dhAraNAzaktisiddhiH syAt yaH karotIha sAdhanam || 24-85 || atha SoDazavarSIyaM sarvasiddhikaraM nRNAm | bhogamokSau kare tasya zavendrasya ca sAdhanAt || 24-86 || evaM krameNa paJcAzad varSIyaM sundaraM varam | AnIya sAdhayedyastu sa yogI bhavati dhruvam || 24-87 || zavaM raNasthamAnIya sAdhayetsusamAhitaH | indratulyo bhavennAtha raNasthazavasAdhanAt || 24-88 || yadi sammukhayuddhe vA zRNu paTTIzaghAtanam | zavamAnIya vIrendro japedvIrAsanasthitaH || 24-89 || tat zavaM tu mahAdeva pUjArthaM nijamandire | devAlaye nirNaye ca sthApayitvA japaM caret || 24-90 || tatra vIrAsanaM kiM vA yonimudrAsanAdikam | padmAsanaM tathAkRtya vAyuM dhRtvA japaM caret || 24-91 || mAsaikena bhavedyogI vipro guNadharaH zuciH | sUkSmavAyudhAraNajJo japed yauvanage zave || 24-92 || zavasAdhanakAlena yadyat karma karoti hi | tatkarmasAdhanAdeva yogI syAdamaro naraH || 24-93 || AnandabhairavI uvAca kAlakriyAdikaM jJAttvA sUkSmAnilanidhAraNam | sAdhako vicaredvIro vIrAcAravivecakaH || 24-94 || zavAde raNayAtasya kriyAmAhAtmyamuttamam | zRNu saGketabhASAbhiH zivendracandrazekhara || 24-95 || ekahastArddhamAne tu bhUmyadhovidhimandire | saMsthApya suzavaM nAtha mAyAdavagataH prabho || 24-96 || ekAhaM jagadAdhArA AdhArAntargatA satI | patihInA sUkSmarUpAdadharAdicarAcaram || 24-97 || madIyaM sAdhakaM puNyaM dharmakAmArthamokSagam | prakaromi sadA rakSAM dhAtrIrUpA sarasvatI || 24-98 || kevalaM tadabhAvena zambho yogaparAyaNa | magnA saMsArakaraNAttvayi tvaJcAhameva ca || 24-99 || yadyatpadArthanikare tiSThasi tvaM sadA mudA | tatraiva saMsthirA hRSTA cAhameva na saMzayaH || 24-100 || etadbhAvaM tvaM karoSi kasya hetostava priyA | vAmAGge saMsthirA nityaM kAmakrodhavivajItA || 24-101 || Anandabhairava uvAca kiM prayojanamevaM hi zavAdInAJca sAdhanAt | yadi te zrIpadAmbhojamadhUnmatto bhavedyatiH || 24-102 || trailokyapUjite bhIme vAgvAdinIsvarUpiNI | zavasAdhanamAtreNa kena yogI bhavedvada || 24-103 || Anandarasa lAvaNyamanda hAsamukhAmbuje | yogI bhajati yogArthaM kena tatphalamAvada || 24-104 || AnandabhairavI uvAca yadi zaGkara bhakto'si mama jApaparAyaNaH | tathApi zavabhAvena zavavat zavasAdhanam || 24-105 || rAtriyoge prakarttavyaM divase na kadAcana | zave sthiro yo babhUva sa bhakto me na saMzayaH || 24-106 || me zavAkRtimaddravyaM mama tuSTinibandhanam | mamAjJApAlane yogyaH kuryAd vIraH zavAsanam || 24-107 || yadyahaM tatra gacchAmi tadaiva sa zivo bhavet | niHzeSatyAgamAtreNa zavatvaM pralayaM tanoH || 24-108 || yaH karoti bhAvarAziM mayi devyAM mahezvara | trailokyapUjitAyAM tu sa zivaH zavamAzrayet || 24-109 || adhikArI tu bhaktasya pAlanaM parapRSThataH | karomi kAminInAtha sandeho nAtra bhUtale || 24-110 || yadAhaM tyajyate gAtraM pazUnAM mAraNAya ca | tadaite ca mRtAH sarve jIvante kena hetunA || 24-111 || tadAhutimahAdravyaM zavendraM raNahAnigam | AnIya sAdhayedyastu sa sthiro me subhaktigaH || 24-112 || sadA krodhI bhavedyastu sa krUro nAtra saMzayaH | sa kathaM vIrarAtrau ca sAdhayed vihvalaH zavam || 24-113 || bhayavihvalacetA yaH sa krodhI nAtra saMzayaH | nAsti krodhasamaM pApaM pApAt kSipto bhavet zave || 24-114 || yo bhaktaH pApanirmuktaH siddharUpI nirAzrayaH | vivekI dhyAnaniSThazca sthiraH saMsAdhayet zavam || 24-115 || yAvatkAlaM sthiracittaM na prApnoti jitendriyaH | tAvatkAlaM nApi kuryAt zavendrasyApi sAdhanam || 24-116 || zavamAnIya taddvAre tenaiva parikhanya ca | taddanAttaddinaM yAvat yadbaddhvA vyApya sAdhayet || 24-117 || evaM kRtvA haviSyAzI mahAvidyAdisAdhanam | jitendriyo mudA kuryAd aSTAGgasAdhanena ca || 24-118 || tadaSTAGgaphalaM hyetat yatkRttvA siddhibhAg bhavet | nADImudrAbhedakaJca kulAcAraphalAnvitam || 24-119 || aSTAGgasAdhanAdeva siddharUpo mahItale | pazcAdanyasvargagAmI bhavenna bhUtalaM binA || 24-120 || Adau bhUtalasiddhiHsyAdbhuvolokasya siddhibhAk | janalokasya siddhIzastapolokasya siddhibhAk || 24-121 || satyalokasya siddhIzaH pazcAd bhavati sAdhakaH | evaM krameNa siddhiH syAt svargAdInAM mahezvara || 24-122 || aSTAGgasAdhanArthAya devA bhavanti bhUtale | bhUtale siddhimAhRtya gacchanti brahmamandire || 24-123 || krameNaivaM vilInAste ato bhUtalasAdhanam | bhUtale zavamAsthAya brahmacArI divA zuciH || 24-124 || nizAyAM paJcatattvena divase'STAGgasAdhanam | jitendriyo nivIkAro vittavAnaparo naraH || 24-125 || zavaM saMsAdhayeddhIrazcintAlasyavivajItaH | cintAbhirjAyate lobho lobhAt kAmaH prapadyate || 24-126 || kAmAdbhavati sammoho mohAdAlasya saJcayaH | AlasyadoSajAlena nidrA bhavati tatkSaNAt || 24-127 || mahAnidrAvipAkena mRtyurbhavati nizcitam | apakSanidrAbhaGgena krodho bhavati nizcitam || 24-128 || tatkrodhAccittavikalo vikalAt zvAsavarddhanaH | vRthAyuH kSayamApnoti vistare zvAsasaMkSaye || 24-129 || balabuddhikSayaM yAti buddhihIno jaDAtmakaH | jaDabhAvena mantrANAM japahIno bhavennaraH || 24-130 || japahIne zvAsanAzaH zvAsanAze tanukSayam | atastanuM samAzritya japaniSTho bhavet zuciH || 24-131 || aSTAGgadhAraNenaiva siddho bhavati nAnyathA | aSTAGgalakSaNaM vakSye sAkSAt siddhikaraM param || 24-132 || janmakoTisahasrANAM phalena kurute naraH | yamena labhyate jJAnaM jJAnAt kulapatirbhavet || 24-133 || yo yogezaH sa kulezaH zizubhAvasthanirmalaH | niyamena bhavet pUjA pUjayA labhate zivam || 24-134 || yatra kalyA Na sampUrNA sampUrNaH zucirucyate | Asanena dIrghajIvI rogazokavivajItaH || 24-135 || granthibhedanamAtreNa sAdhakaH zItalo bhavet | prANAyAmena zuddhaH syAt prANavAyuvazena ca || 24-136 || vazI bhavati deveza AtmArAme'pi lIyate | pratyAhAreNa cittaM tu caJcalaM kAmanApriyam || 24-137 || tatkAmanAvinAzAya sthApayet padapaGkaje | dhAraNena vAyusiddhiraSTasiddhistataH param || 24-138 || aNimAsiddhimApnoti aNurUpeNa vAyunA | dhyAnena labhate mokSaM mokSeNa labhate sukham || 24-139 || sukhenAnandavRddhiH syAdAnando brahmavigrahaH | samAdhinA mahAjJAnI sUryAcandramasorgatiH || 24-140 || mahAzUnye layasthAne zrIpadAnandasAgaraH | tattaraGge mano dattvA paramArthavinirmale || 24-141 || zrIpAdamUtImAkalpya dhyAyet koTiravInduvat | zrImUtIM koTicapalAM samujjvalAM sunirmalAm || 24-142 || dhyAyedyogI sahasrAre koTisUryendumandirAm || 24-143 || zrIvidyAmatisundarIM trijagatAmAnandapuJjezvarI| koTyarkAyuta tejasi priyakarIM yogAdarIM zAGkarIm | tAM mAlAM sthiracaJcalAM gurughanAM vyAlAcalAM kevalAM dhyAyet sUkSmasamAdhinA sthiramatiH sazrIpatirgacchati || 24-144 || iti zrIrudrayAmale uttaratantre mahAtantroddIpane bhAvanirNaye pAzavakalpe SaTcakrasArasaGkete yogavidyAprakaraNe mantrasiddhizaktyupAye | bhairavIbhairavasaMvAde catuvIMzaH paTalaH || 24 || atha paJcaviMzaH paTalaH Anandabhairava uvAca vada kAnte rahasyaM me tattvAvadhAnapUrvakam | yad yajjJAtvA mahAyogI pravizatyanalAmbuje || 25-1 || yadi snehadRSTirasti mama brahmanirUpaNam | yogasAraM tattvapathaM nirmalaM vada yogine || 25-2 || AnandabhairavI uvAca zRNu prANeza vakSyAmi yoganAtha kriyAguro | yogAGgaM yoginAmiSTaM tattvabrahmanirUpaNam || 25-3 || etat sRSTiprakAraJca prapAlanavidhiM tathA | asaMkhyasRSTisaMhAraM vadAmi tattvataH zRNu || 25-4 || tvameva saMhArakaro varapriyaH pradhAnameSu tritayeSu zaGkara | saMhArabhAvaM malabhUtinAzanaM pradhAnamAdyasya jagatprapAlanam || 25-5 || tatrAdhanaM merubhujaGgamaGgaM sRSTiprakAraM khalu tatra madhyamam | tatpAlanaJceti mayaiva rAjye saMhArarUpaM prakRterguNArthakam || 25-6 || etattrayaM nAtha bhayAdikAraNaM tannAzanAmne praNavaM guNAtmakam | trayaM guNAtItamanantamakSaraM sambhAvya yogI bhavatIha sAdhakaH || 25-7 || avyaktarUpAt praNavAddhi sRSTistallIyate vyaktatanoH samAsA | sUkSmAdyakArAt pratibhAnti khe sadA praNazyati sthUlakalAnnirakSarAt || 25-8 || atIva citraM jagatAM vicitraM nityaM caritraM kathituM na zakyate | haMsAzritAste bhavavAsino janA jJAtvA na dehasthamupAzrayante || 25-9 || dehAdhikArI praNavAdideva mAyAzrito nidrita eSa kAlaH | pralIyate dIrghapathe ca kAle tadA praNazyanti jagat sthitA janAH || 25-10 || kAlo jagadbhakSaka Izavezo tarI tu jIrNA patihInadInA | sa eva mRtyuvIhitaM carAcaraM prabhuJjati zrIrahitaM palAyanam || 25-11 || paJcendutattvena mahendrasRSTiH pratiSThitA yajJavidhAnahetunA | sadaiva yajJaM kurute bhavArNave niHsRSTikAle varayajJasAdhanam || 25-12 || hitAhitaM tatra mahArNave bhayaM vilokya lokA bhayavihvalAH sadA | vizanti te kutsitamArgamaNDale ato mahAnArakibuddhihInAH || 25-13 || mAyAmaye dharmakulAnale bhave lIno hareryAti pathAnusArI | mirayeta kAlAnalatulyamRtyunA kathaM tu yogI kathameva sAdhakaH || 25-14 || yaH sAdhakaH prema--kalAsubhaktyA sa eva mUrkho yadi yAti saMsRtau | saMsArahInaH priyacArukAlyAH siddho bhavet kAmadacakravartI || 25-15 || vasenna siddho gRhINIsamRddhyAM mahAvipadduHkhavizoSikAyAm | yadIha kAle prakaroti vAsanAM tadA bhavenmRtyuratIva nizcitam || 25-16 || kRpAvalokyaM vadanAravindaM tadaiva he nAtha mamaiva cedyadi | sadaiva yaH sAdhugaNAzrito naro dhyAtvA nigUDhamatibhAgagadvataH || 25-17 || sa eva sAdhuH prakRterguNAzritaH kRtI vazI vedapurANavaktA | sattvaM mahAkAla itIha cAhaM praNizcayaM te kathitaM zriye mayA || 25-18 || guNena bhaktendragaNAdhikAnAM sAkSAt phalaM yogajapAkhyasaGgatim | aSTAGgabhedena zRNuSva kAmaperamAya bhAvAya jayAya vakSye || 25-19 || mAyAdikaM yaH prathamaM vazaM nayet sa eva yogI jagatAM pratiSThitaH | raviprakAraM yamavAsanAvaze zRNuSva taM kAlavazArthakevalam || 25-20 || sarvatra kAmAdikamAzu jitvA jetuM samartho yamakarmasAdhakaH | kAmaM tathA krodhamatIva lobhaM mohaM madaM mAtsaritaM suduSTakRtam || 25-21 || ato mayA dvAdaza zabda ghAtakaM vazaM samAkRtya mahendratulyam | sarvatra vAyorvazakAraNAya karoti yogI sacalAnyathA bhavet || 25-22 || ahiMsanaM satyasuvAkyasupriyamasteyabhAvaM kurute vasiSThavat | subrahmacaryaM sudRDhArjjavaM sadA kSamAdhRtiM sevasusUkSmavAyunaH || 25-23 || tathA mitAhAramasaMzayaM manaH zaucaM prapaJcArthavivarjanaM prabho | karoti yaH sAdhakacakravartI vAdyotsavAjJAnavivarjanaM sadA || 25-24 || vazI yamadvAdazasaMkhyayeti karoti cASTAGgaphalArthasAdhanam | varAnanA zrIcaraNAravindaM sattvAdazAcchannatrinetragocaram || 25-25 || tapazca santoSamanasthiraM sadA AstikyamevaM dvijadAnapUjanam | nitAntadevArcanameva bhaktyA siddhAntazuddhazravaNaM ca hrIrmatiH || 25-26 || japohutaM tarpaNameva sevanaM tadbhAvanaM ceSTanameva nityam | itIha zAstre niyamAzcaturdazA bhaktikriyAmaGgalasUcanAni || 25-27 || pUrvoktayonyAsanameva satyaM bhekAsanaM baddhamahotpalAsanam | vIrAsanaM bhadrasubhakAsanaM ca pUrvoktamevAsanamAzu kuryAt || 25-28 || sarvANi tantrANi kRtAni nAtha sUkSmANi nAlaM vazahetunA mayA | tathApi mUDho yadi vAyupAnamAhRtya yonau bhramatIha pAtakI || 25-29 || prANAnilAnandavazena matto gajendragAmI puruSottamaM smRtam | tasyaiva sevAnipuNo bhavedvazI brahmANDalokaM paripAti yo balI || 25-30 || vadAmi devAdisurezvara prabho sUkSmAnilaM prANavazena dhArayet | siddho bhavet sAdhakacakravartI sarvAntarasthaM paripazyati prabhum || 25-31 || Anandabhairava uvAca vada kAnte mahAbrahmajJAnaM sarvatra zobhanam | yena vAyuvazaM kRttvA khecaro bhUbhRtAM patiH || 25-32 || sAdhako brahmarUpI syAt brahmajJAnaprasAdataH | brahmajJAnAt paraM jJAnaM kutrAsti vada sundari || 25-33 || AnandabhairavI uvAca zRNuSva yoginAM nAtha dharmajJo brahmasaJjJaka | ajJAnadhvAntamohAnAM nirmalaM brahmasAdhanam || 25-34 || brahmajJAnasamo dharmo nAnyadharmo vidhIyate | yadi brahmajJAnadharmI sa siddho nAtra saMzayaH || 25-35 || koTikanyApradAnena koTijApena kiM phalam | brahmajJAnasamo dharmo nAnyadharmo vidhIyate || 25-36 || sarovarasahasreNa koTihemAcalena ca | koTibrAhmaNabhojyena koTitIrthena kiM phalam || 25-37 || kAmarUpe mahApIThe sAdhakairlabhyate yadi | brahmajJAnasamo dharmo nAnyadharmo vidhIyate || 25-38 || brahmajJAnaM tu dvividhaM prANAyAmajamavyayam | bhaktivAkyaM zabdarasaM svarUpaM brahmaNaH patham || 25-39 || prANAyAmaM tu dvividhaM sugarbhaJca nigarbhakam | japadhyAnaM sagarbhaM tu tadA yuktaM nigarbhakam || 25-40 || avyayAlakSaNAkrAntaM prANAyAmaM parAt param | brahmajJAnena jAnAti sAdhako vijitendriyaH || 25-41 || tatprakAradvayaM nAtha mAlAvRttiM japakramam | mAlAvRttidvAdazakaM japakramaM tu SoDaza || 25-42 || nAsikAyAM mahAdeva lakSaNatrayamanuttamam | pUrakaM kumbhakaM tatra recakaM devatAtrayam || 25-43 || eteSAmapyadhiSThAne brahmaviSNuzivAH prajAH | triveNI saGgame yAnti sarvapApApahArakAH || 25-44 || IDA ca bhAratI gaGgA piGgalA yamunA matA | IDApiGgalayormadhye suSumnA ca sarasvatI || 25-45 || triveNIsaGgamo yatra tIrtharAjaH sa ucyate | triveNIsaGgame vIrazcAlayettAn punaH punaH || 25-46 || sarvapApAd vinirmuktaH siddho bhavati nAnyathA | punaH punaH bhrAmayitvA mahAtIrthe niraJjane || 25-47 || vAyurUpaM mahAdevaM siddho bhavati nAnyathA | candrasUryAtmikAmadhye vahnirUpe mahojjvale || 25-48 || dhyAtvA koTi(ravi)karaM kuNDalIkiraNaM vazI | trivArabhramaNaM vAyoruttamAdhamamadhyamAH || 25-49 || yatra yatra gato vAyustatra tatra trayaM trayam | iDAdevI ca candrAkhyA sUryAkhyA piGgalA tathA || 25-50 || suSumnA jananI mukhyA sUkSmA paGkajatantuvat | suSumnA madhyadeze ca vajrAkhyA nADikA zubhA || 25-51 || tatra sUkSmA citriNI ca tatra zrIkuNDalIgatiH | tayA saGgrAhya taM nADyA SaTpadmaM sumanoharam || 25-52 || dhyAnagamyAparaM jJAnaM SaTzaraM zaktisaMyutam | brahmA viSNuzca rudrazca Izvarazca sadAzivaH || 25-53 || tataH parazivo nAtha SaTzivAH parikItItAH | DAkinI rAkiNI zaktirlAkinI kAkinI tathA || 25-54 || sAkinI tatra SaTpadme zaktayaH SaTzivAnvitAH | mUlAdhAraM svAdhiSThAnaM maNipUraM supaGkajam || 25-55 || anAhataM vizuddhAkhyamAjJAcakraM mahotpalam | AjJAcakrAdimadhye tu candraM zItalatejasam || 25-56 || prapatantaM mUlapadme taM dhyAtvA pUrakAnilam | yAvatkAlaM sthairyaguNaM tatkAlaM kumbhakaM smRtam || 25-57 || piGgalAyAM pragacchantaM recakaM taM vazaM nayet | aGguSThaikaparvaNA ca dakSanAsApuTaM vazI || 25-58 || dhRtvA SoDazavAreNa praNavena japaM caret | etatpUrakamAkRtya kuryAtkumbhakamadbhutam || 25-59 || catuHSaSTipraNavena japaM dhyAnaM samAcaret | kumbhakAnantaraM nAtha recakaM kArayed budhaH || 25-60 || dvAtriMzadvArajApena mUlena praNavena vA | dvinAsikApuTaM baddhvA kumbhakaM sarvasiddhidam || 25-61 || kaniSThAnAmikAbhyAM tu vAmamaGguSThadakSiNam | punardakSiNanAsAgera vAyumApUrayed budhaH || 25-62 || manuSoDazajApena kumbhayet pUrvavattataH | tato vAme recakaJca dvAtriMzatpraNavena tu || 25-63 || punarvAmena sampUrya SoDazapraNavena tu | punardakSiNanAsAgre dvAdazAGgulamAnataH || 25-64 || kumbhayitvA recayedyaH sarvatra pUrvavat prabho | prANAyAmatrayeNaiva prANAyAmaikamuttamam || 25-65 || dvivAraM madhyamaM proktaM madhyamaM caikavArakam | trikAlaM kArayedyatnAt anantaphalasiddhaye || 25-66 || prAtarmadhyAhnakAle ca sAyahne niyataH zuciH | japadhyAnAdibhirmu(ryu)ktaM sagarbhaM yaH karoti hi || 25-67 || mAsAt sallakSaNaM prApya SaNmAse pavanAsanaH | tAlumUle samAropya jihvAgraM yogasiddhaye || 25-68 || trikAle siddhimApnoti prANAyAmena SoDaza | sadAbhyAsI vazIbhUttvA pavanaM janayet pumAn || 25-69 || SaNmAsAbhyantare siddhiriti yogArthanirNayaH | yogena labhyate sarvaM yogAdhInamidaM jagat || 25-70 || tasmAd yogaM paraM kAryaM yadA yogI tadA sukhI | binA yogaM na siddhe'pi kuNDalI paradevatA || 25-71 || atha yogaM sadA kuryAt IzvarIpAdadarzanAt | yogayogAd bhavenmokSa iti yogArthanirNayaH || 25-72 || mantrasiddhIcchuko yo vA saiva yogaM sadAbhyaset | mAtrAvRttiM pravakSyAmi kAkacaJcupuTaM tathA || 25-73 || sUkSmavAyu bhakSaNaM tat candramaNDalacAlanam | tryAvRttiJcaiva vividhaM tanmadhye uttamaM trayam || 25-74 || varNaM sacandaM saMyuktaM mUlaM tryakSarameva vA | jAnujaGghAmadhyadeze tattatsarvAsanasthitaH || 25-75 || vAmahastatAlumUlaM bhrAmayed dvAdazakramAt | dvAdazakramazaH kuryAt prANAyAmaM hi pUrvavat || 25-76 || mAtrAvRttikrameNaiva japamaSTasahasrakam | prANAyAmadvAdazaikairbhavettadaSTasahasrakam | kRtvA siddhIzvaro nAma niSpApI caikamAsataH || 25-77 || trisandhyaM kArayedyatnAd brahmajJAnI niraJjanaH | bhavatIti na sandehaH sadAbhyAsI hi yogirAT || 25-78 || yogAbhyAsAd bhavenmukto yogAbhyAsAt kulezvaraH | yogAbhyAsAcca saMnyAsI brahmajJAnI nirAmayaH || 25-79 || sadAbhyAsAd bhavedyogI sadAbhyAsAt parantapaH | sadAbhyAsAt pApamukto vidhividyAzakRt zakRt || 25-80 || kAkacaJcupuTaM kRtvA pibedvAyumahanIzam | sUkSmavAyukrameNaiva siddho bhavati yogirAT || 25-81 || baddhapadmAsanaM kRtvA yogimudrAM vibhAvya ca | mUle sampUrayed vAyuM kAkacaJcupuTena tu || 25-82 || mUlamAkuJcya sarvatra prANAyAme manorame | prabodhayet kuNDalinIM caitanyAM citsvarUpiNIm || 25-83 || oSThAdharakAkatulaM dante dantAH pragADhakam | baddhvA vA yad yajed yogI jihvAM naiva prasArayet || 25-84 || rAjadantayugaM nAtha na spRzejjihvayA sudhIH | kAkacaJcupuTaM kRtvA baddhvA vIrAsane sthitaH || 25-85 || tAlujihvAmUladeze cAnyajihvAM prayojayet | tadudbhUtAmRtarasaM kAkacaJcupuTe pibet || 25-86 || yaH kAkacaJcupuTake sUkSmavAyupravezanam | karoti stambhanaM yogI so'maro bhavati dhruvam || 25-87 || etadyogaprasAdena jIvanmuktastu sAdhakaH | jarAvyAdhimahApIDArahito bhavati kSaNAt || 25-88 || athavA mAtrayA kuryAt SoDazasvarasampuTam | svamantraM praNavaM vApi japtvA yogI bhavennaraH || 25-89 || athavA varNamAlAbhiH puTitaM mUlamantrakam | mAlAsaMkhyAkrameNaiva japtvA kAlavazaM nayet || 25-90 || vadane noccaredvarNaM vAJchAphalasamRddhaye | kevala jihvayA japyaM kAmanAphalasiddhaye || 25-91 || nAbhau sUryo vahnirUpI lalATe candramAstathA | agnizikhAsparzanena galitaM candramaNDalam || 25-92 || tatparAmRtadhArAbhiH dIptimApnoti bhAskaraH | santuSTaH pAti satataM pUrakeNa ca yoginAm || 25-93 || tataH pUrakayogena amRtaM zrAvayet sudhIH | kuryAtprajvalitaM vahniM recakena varAgninA || 25-94 || atha maunajapaM kRtvA tataH sUkSmAnilaM mudA | sahasrAre guruM dhyAtvA yogI bhavati bhAvakaH || 25-95 || prANavAyusthiro yAvat tAvanmRtyubhayaM kutaH | UrdhvaretA bhavedyAvattAvatkAlabhayaM kutaH || 25-96 || yAvadbinduH sthito dehe vidhurUpI sunirmalaH | sadAgalatsudhAvyAptastAvanmRtyubhayaM kutaH || 25-97 || Anandabhairava uvAca vada kAnte kulAnandarasike jJAnarUpiNi | sarvatejo'gradevena yena siddho bhavennaraH || 25-98 || mahAmRtA khecarI ca sarvatattvasvarUpiNI | kIdRzI zAGkarIvidyA zrotumicchAmi tatkriyAm || 25-99 || adhyAtmavidyAyogezI kIdRzI bhavitavyatA | kIdRzI paramA devI tatprakAraM vadasva me || 25-100 || AnandabhairavI uvAca yasya nAtha manasthairyaM mahAsattve sunirmale | bhaktyA sambhAvanaM yatra vinAvalambanaM prabho || 25-101 || yasyA manazcittavazaM svamindriya| sthirA svadRSTirjagadIzvarIpade | na khenduzobhe ca vinAvalokana| vAyuH sthiro yasya binA nirodhanam || 25-102 || ta eva mudrA vicaranti khecarI pApAdvimuktAH prapibanti vAyum | yathA hi bAlasya ca tasya veSTI nidrAvihInAH pratiyAnti nidrAm || 25-103 || pathApathajJAnavivajItA ye dharmArthakAmAddhi vihInamAnasAH | vinAvalambaM jagatAmadhIzvara eSaiva mudrA vicaranti zAGkarI || 25-104 || jJAne sAdhyAtmavidyArthaM jAnAti kulanAyakam | adhyAjJAcakrapadmasthaM zivAtmAnaM suvidyayA || 25-105 || adhyAtmajJAnamAtreNa siddho yogI na saMzayaH | SaTcakrabhedako yo hi adhyAtmajJaH sa ucyate || 25-106 || adhyAtmazAstrasaGketamAtmanA maNDitaM zivam | koTicandrAkRtiM zAntiM yo jAnAti SaDambudhe || 25-107 || sa jJAnI saiva yogI syAt saiva devo mahezvaraH | sa mAM jAnAti he kAnta vismayo nAsti zaGkara || 25-108 || mama sarvAtmakaM rUpaM jagatsthAvarajaGgamam | sRSTisthitipralayagaM yo jAnAti sa yogirAT || 25-109 || adhyAtmavidyAM vijJApya nAnAzAstraM prakAzitam | tacchAsrajAlayugmA ye te'dhyAtmajJAH kathaM narAH || 25-110 || tridaNDI syAtsadAbhakto vedAbhyAsaparaH kRtI | vedAdudbhavazAstrANi tyaktvA mAM bhAvayedyadi || 25-111 || vedAbhyAsaM samAkRtya nAnAzAstrArthanirNayam | samutpannAM mahAzaktiM samAlokya bhajedyatiH || 25-112 || sarvatra vyApikAM zaktiM kAmarUpAM nirAzrayAm | vyaktAvyaktAM sthirapadAM vAyavIM mAM bhajedyatiH || 25-113 || yasyA AnandamatulaM jJAnaM yasya phalAphalam | yoginAM nizcayajJAnamekameva na saMzayaH || 25-114 || yasyAH prabhAvamAtreNa tattvacintAparo naraH | tAmeva paramAM devIM sarparAjasu kuNDalIm || 25-115 || tAmeva vAyavIM zaktiM sUkSmarUpAM sthirAzayAm | AnandarasikAM gaurIM dhyAyet zvAsanivAsinIm || 25-116 || AnandaM brahmaNo rUpaM tattvadehe vyavasthitam | tasyAbhivyaJjakaM dravyaM yogibhiH paripIyate || 25-117 || taddravyasthAM mahAdevIM nIlotpaladalaprabhAm | mAnavIM paramAM devImaSTAdazabhujairyutAm || 25-118 || kuNDalIM cetanAkAntiM caitanyAM paradevatAm | AnandabhairavIM nityAM ghorahAsAM bhayAnakAm || 25-119 || tAmeva paramAM devIM sarvavAyuvazaGkarIm | madirAsindhusambhUtAM mattAM raudrIM varAbhayAm || 25-120 || yoginIM yogajananIM jJAninAM mohinIsamAm | sarvabhUtasarvapakSasthitirUpAM mahojjvalAm || 25-121 || SaTcakrabhedikAM siddhiM tAsAM nityAM matisthitAm | vimalAM nirmalAM dhyAttvA yogI mUlAmbuje yajet || 25-122 || etatpaTalapAThe tu pApamukto vibhAkaraH | yathodrdhvaretA dharmajJo vicaret jJAnasiddhaye || 25-123 || etatkriyAdarzanena jJAnI bhavati sAdhakaH | jJAnAdeva hi mokSaH syAnmokSaH samAdhisAdhanaH || 25-124 || yaduddharati vAyuzca dhAraNAzaktireva ca | tanmantraM varddhayitvA prANAyAmaM samAcaret || 25-125 || prANAyAmAt paraM nAsti pAparAzikSayAya ca | sarvapApakSaye yAte kinna siddhyati bhUtale || 25-126 || prANavAyuM mahograM tu mahattejomayaM param | prANAyAmena jitvA ca yogI mattagajaM yathA || 25-127 || prANAyAmaM vinA nAtha kutra siddho bhavennaraH | sarvasiddhikriyAsAraM prANAyAmaM paraM smRtam || 25-128 || prANAyAmaM triveNIsthaM yaH karoti muhurmuhuH | tasyASTAGgasamRddhiH syAdyoginAM yogavallabhaH || 25-129 || iti zrIrudrayAmale uttaratantre mahAtantroddIpane bhAvanirNaye pAzavakalpe SaTcakrasArasaGkete siddhamantraprakaraNe prANAyAmollAse bhairavIbhairavasaMvAde paJcaviMzaH paTalaH || 25 || atha SaDaviMzaH paTalaH AnandabhairavI uvAca zRNu prANeza sakalaM prANAyAmanirUpaNam | prANAyAme japaM dhyAnaM tattvayuktaM vadAmi tat || 26-1 || prakArayeyamullAsaM prANAyAmeSu zobhitam | devatAvidhiviSNvIzAste tu madhyamamadhyamAH || 26-2 || rajastamoguNaM nAtha sattve saMsthApya yatnataH | kAmakrodhAdikaM tyaktvA yogI bhavati yogavit || 26-3 || rajoguNaM nRpANAM tu tamoguNamatIva ca | adhikaM tu pazUnAM hi sAdhUnAM sattvameva ca || 26-4 || sattvaM viSNuM vedarUpaM nirmalaM dvaitavajItam | AtmopalabdhiviSayaM trimUtImUlamAzrayet || 26-5 || sattvaguNAzrayAdeva niSpApI sarvasiddhibhAk | jitendriyo bhavet zIghraM brahmacArivratena ca || 26-6 || prANavAyuvazenApi vazIbhUtAzcarAcarAH | tasyaiva kAraNe nAtha japaM dhyAnaM samAcaret || 26-7 || vakSyAmi tatprakAraM japadhyAnaM vidhidvayam | etatkaraNamAtreNa yogI syAnnAtra saMzayaH || 26-8 || japaM ca trividhaM proktaM vyaktAvyaktAtisUkSmagam | vyaktaM vAcikamupAMzumavyaktaM sUkSmamAnasam || 26-9 || tatra dhyAnaM pravakSyAmi prakAramekaviMzatim | dhyAnena japasiddhiH syAt japAt siddhirna saMzayaH || 26-10 || Adau vidyAmahAdevIdhyAnaM vakSyAmi zaGkara | eSA devI kuNDalinI yasyA mUlAmbuje manaH || 26-11 || manaH karoti sarvANi dharmakarmANi sarvadA | yatra gacchati sa zrImAn tatra vAyuzca gacchati || 26-12 || ato mUle samAropya mAnasaM vAyurUpiNam | dvAdazAGgulakaM bAhye nAsAgre cAvadhArayet || 26-13 || manaHsthaM rUpamAkalpya manodharmaM muhurmuhuH | manastat sadRzaM yAti gatiryatra sadA bhavet || 26-14 || manovikArarUpaM tu ekameva na saMzayaH | ajJAninAM hi deveza brahmaNo rUpakalpanA || 26-15 || avyaktaM brahmarUpaM hi tacca dehe vyavasthitam | dharmakarmavinirmuktaM manogamyaM bhajedyatiH || 26-16 || padmaM caturdalaM mUle svarNavarNaM manoharam | tatkaNIkAmadhyadeze svayambhUveSTitAM bhajet || 26-17 || koTisUryapratIkAzAM suSumnArandhragAminIm | UdrdhvaM galatsudhAdhArAmaNDitAM kuNDalIM bhajet || 26-18 || svayambhUliGga paramaM jJAnaM ciravivarddhanam | sUkSmAtisUkSmamAkAzaM kuNDalIjaDitaM bhajet || 26-19 || pUrvoktayogapaTalaM tatra mUle vibhAvayet | kuNDalIdhyAnamAtreNa SaTcakrabhedako bhavet || 26-20 || dhyAyed devIM kuNDalinIM parAparagurupriyAm | AnandAM bhuvi madhyasthAM yoginIM yogamAtaram || 26-21 || koTividyullatAbhAsAM sUkSmAtisUkSmavartmagAm | UdrdhvamArgavyAcalantIM prathamAruNavigrahAm || 26-22 || prathamodgamane kaulIM jJAnamArgaprakAzikAm | prati prayANe pratyakSAmamRtavyAptavigrahAm || 26-23 || dharmodayAM bhAnumatIM jagatsthAvarajaGgamAm | sarvAntasthAM nivIkalpAJcaitanyAnandanirmalAm || 26-24 || AkAzavAhinIM nityAM sarvavarNasvarUpiNIm | mahAkuNDalinIM dhyeyAM brahmaviSNuzivAdibhiH || 26-25 || praNavAntaHsthitAM zuddhAMzuddhajJAnAzrayAM zivAm | kulakuNDalinIM siddhiM candramaNDalabhedinIm || 26-26 || mUlAmbhojasthitAmAdyAM jagadyoniM jagatpriyAm | svAdhiSThAnAdipadmasthAM sarvazaktimayIM parAm || 26-27 || AtmavidyAM zivAnandAM pIThasthAmatisundarIm | sarpAkRtiM raktavarNAM sarvarUpavimohinIm || 26-28 || kAminIM kAmarUpasthAM mAtRkAmAtmadAyinIm | kulamArgAnandamayIM kAlIM kuNDalinIM bhajet || 26-29 || iti dhyAtvA mUlapadme nirmale yogasAdhane | dharmodaye jJAnarUpIM sAdhayet parakuNDalIm || 26-30 || kuNDalIbhAvanAdeva khecarAdyaSTasiddhibhAk | IzvaratvamavApnoti sAdhako bhUpatirbhavet || 26-31 || yogAbhyAse bhAvasiddhau smRto vAyurmahodayaH | prANAnAmAdunIvAryo yatnena taM pracAlayet || 26-32 || pratikSaNaM samAkRSya mUlapadmastha kuNDalIm | tadA prANamahAvAyurvazI bhavati nizcitam || 26-33 || ye devAzcaiva brahmANDe kSetre pIThe sutIrthake | zilAyAM zUnyage nAtha siddhAH syuH prANavAyunA || 26-34 || brahmANDe yAni saMsanti tAni santi kalevare | te sarve prANasaMlagnAH prANAtItaM niraJjanam || 26-35 || yAvatprANaH sthito dehe tAvanmRtyubhayaM kutaH | gate prANe samAyAnti devatAzcetanAsthitAH || 26-36 || sarveSAM mUlabhUtA sA kuNDalI bhUtadevatA | vAyurUpA pAti sarvamAnandacetanAmayI || 26-37 || jagatAM cetanArUpI kuNDalI yogadevatA | AtmamanaHsamAyuktA dadAti mokSameva sA || 26-38 || atastAM bhAvayenmantrI bhAvajJAnaprasiddhaye | bhavAnIM bhogamokSasthAM yadi yogamihecchasi || 26-39 || vAyurodhanakAle ca kuNDalI cetanAmayI | brahmarandhrAvadhi dhyeyA yoginaM pAti kAminI || 26-40 || vAyurUpAM parAM devIM nityAM yogezvarI jayAm | nivIkalpAM trikoNasthAM sadA dhyAyet kulezvarIm || 26-41 || anantAM koTisUryAbhAM brahmaviSNuzivAtmikAm | anantajJAnanilayAM yAM bhajanti mumukSavaH || 26-42 || ajJAnatimire ghore sA lagnA mUDhacetasi | suptA sarpAsanA maulA pAti sAdhakamIzvarI || 26-43 || IzvarIM sarvabhUtAnAM jJAnAjJAnaprakAzinIm | dharmAdharmaphalavyAptAM karuNAmayavigrahAm || 26-44 || nityAM dhyAyanti yogIndrAH kAJcanAbhAH kalisthitAH | kulakuNDalinIM devIM caitanyAnandanirbharAm || 26-45 || kakArAdimAntavarNAM mAlAvidyullatAvRtAm | hemAlaGkArabhUSAGgIM ye mAM sambhAvayanti te || 26-46 || ye vai kuNDalinIM vidyAM kulamArgaprakAzinIm | dhyAyanti varSasaMyuktAste muktA nAtra saMzayaH || 26-47 || ye muktA pAparAzestu dharmajJAnasumAnasAH | te'vazyaM dhyAnamAkurvan stuvanti kuNDalIM parAm || 26-48 || kulakuNDalinIdhyAnaM bhogamokSapradAyakam | yaH karoti mahAyogI bhUtale nAtra saMzayaH || 26-49 || trividhaM kuNDalinIdhyAnaM divyavIrapazukramam | pazubhAvAdiyogena siddho bhavati yogirAT || 26-50 || divyadhyAnaM pravakSyAmi sAmAnyAnantaraM prabho | Adau sAmAnyamAkRtya divyAdIn kArayettataH || 26-51 || koTicandrapratIkAzAM tejobimbAM nirAkulAm | jvAlAmAlAsahasrADhyAM kAlAnalazatopamAm || 26-52 || draMSTrakarAladurdharSAM jaTAmaNDalamaNDitAm | ghorarUpAM mahAraudrIM sahasrakoTicaJcalAm || 26-53 || koTicandrasamasnigdhAM sarvatrasthAM bhayAnakAm | anantasRSTisaMhArapAlanonmattamAnasAm || 26-54 || sarvavyApakarUpAdyAmAdinIlAkalevarAm | anantasRSTinilayAM dhyAyanti tAM mumukSavaH || 26-55 || vIradhyAnaM pravakSyAmi yatkRtvA vIravallabhaH | varANAM vallabho yo hi mukto bhogI sa ucyate || 26-56 || vIrAcAre sattvaguNaM nirmalaM divyamuttamam | samprApya ca mahAvIro yogI bhavati tatkSaNAt || 26-57 || vIrAcAraM binA nAtha divyAcAraM na labhyate | tato vIrAcAradharmaM kRtvA divyaM samAcaret || 26-58 || vIrAcAraM koTiphalaM vAraikajapasAdhanam | koTikoTijanmapApaduHkhanAzaM sa bhaktakaH || 26-59 || kulAcAraM samAcAraM vIrAcAraM mahAphalam | kRtvA siddhizca vai dhyAnaM kuladhyAnaM madIyakam || 26-60 || kulakuNDalinIM devIM mAM dhyAtvA pUjayanti ye | mUlapadme mahAvIro dhyAtvA bhavati yogirAT || 26-61 || kAlIM kaulAM kulezIM kalakala--kalijadhyAnakAlAnalArkAM | kalyolkAM kAlakavalAM kilikilikalikAM kelilAvaNyalIlAm | sUkSmAkhyAM saMkSayAkhyAM kSayakulakamale sUkSmatejomayIntA-- | mAdyantasthAM bhajanti praNatagatajanAH sundarIM cAruvarNAm || 26-62 || aSTAdazabhujairyuktAM nIlendIvaralocanAm | madirAsAgarotpannAM candrasUryAgnirUpiNIm || 26-63 || candrasUryAgnimadhyasthAM sundarIM varadAyinIm | kAminIM koTikandarpadarpAntakapatipriyAm || 26-64 || AnandabhairavAkrAntAmAnandabhairavIM parAm | bhoginIM koTizItAMzugaladgAtramanoharAm || 26-65 || koTividyullatAkArAM sadasadvyaktivajItAm | jJAnacaitanyaniratAM tAM vIrA bhAvayanti hi || 26-66 || asyA dhyAnaprasAdena tvaM tuSTo bhairavaH svayam | ahaM ca tuSTA saMsAre sarve tuSTA na saMzayaH || 26-67 || prANAyAmAn sa karoti sAdhakaH sthiramAnasaH | dhyAtvA devIM mUlapadme vIro yogamavApnuyAt || 26-68 || vIrabhAvaM sUkSmavAyudhAraNena mahezvara | sAdhako bhuvi jAnAti svamRtyuM janmasaGkaTam || 26-69 || mAsAdAkarSaNIsiddhirvAksiddhizca dvimAsataH | mAsatrayeNa saMyogAjjAyate devavallabhaH || 26-70 || evaJcatuSTaye mAsi bhaveddakapAlagocaraH | paJcame paJcabANaH syAt SaSThe rudro na saMzayaH || 26-71 || vIrabhAvasya mAhAtmyaM koTijanmaphalena ca | jAnAti sAdhakazreSTho devIbhaktaH sa yogirAT || 26-72 || vIrAcAraM mahAdharmaM cittasthairyasya kAraNam | yasya prasAdamAtreNa divyabhAvAzrito bhavet || 26-73 || svayaM rudro mahAyogI mahAviSNuH kRpAnidhiH | mahAvIraH sa evAtmA mokSabhogI na saMzayaH || 26-74 || atha nAtha mahAvIra bhAvasnAnaM kulAzrayam | yatkRtvA zucireva syAt zucizcet kiM na siddhyati || 26-75 || kulasnAnaM mahAsnAnaM yoginAmatidurlabham | kRtvA jitendriyo vIraH kuladhyAnaM samAcaret || 26-76 || snAnaM tu trividhaM proktaM majjanaM gAtramArjanam | mantrajJAnAdibhiH snAnamuttamaM parikItItam || 26-77 || tatprakAraM zRNu prANavallabha priyakAraka | snAnamAtreNa muktaH syAt pApazailAdanantagaH || 26-78 || snAnaJca vimale tIrthe hRdayAmbhojapuSkare | bindutIrthe'thavA snAyAt sarvajanmAghamuktaye || 26-79 || iDAsuSumne zivatIrthake'smin jJAnAmbupUrNe vahataH zarIre | brahmAdibhiH snAti tayostu nIre kiM tasya gAGgairapi puSkarairvA || 26-80 || iDAmalasthAnanivAsinI yA sUryAtmikAyAM yamunA pravAhikA | tathA suSumnA maladezagAminI sarasvatI majjati bhakSaNArthakam || 26-81 || manogatasnAnaparo manuSyo mantrakriyAyoga viziSTa tattvavit | mahIsthatIrthe vimale jale mudA mUlAmbuje snAti ca muktibhAg bhavet || 26-82 || sarvAditIrthe suratIrthapAvanI gaGgA mahAsatvavinirgatA satI | karoti pApakSayameva muktiM dadAti sAkSAdatulArthapuNyadA || 26-83 || sargasthaM yAvadAtIrthaM svAdhiSThAne supaGkaje | mano nidhAya yogIndraH snAti gaGgAjale tathA || 26-84 || maNipUre devatIrthe paJcakuNDaM sarovaram | etat zrIkAmanAtIrthaM snAti yo muktimicchati || 26-85 || anAhate sarvatIrthaM sUryamaNDalamadhyagam | vibhavaH sarvatIrthAni snAti yo muktimicchati || 26-86 || vizuddhAkhye mahApadme aSTatIrthaM samudbhavam | kaivalyamuktidaM dhyAtvA snAti vIro vimuktaye || 26-87 || mAnasaM bindutIrthaJca kAlIkuNDaM kalAtmakam | AjJAcakre sadA dhyAtvA snAti nirvANasiddhaye || 26-88 || etat kule priyasnAnaM kurvanti yogino mudA | ato vIrAH sattvayuktAH sarvasiddhiyutAH surAH || 26-89 || nAnA pApaM sadA kRtvA brahmahatyAvinirgatam | kRtvA snAnaM mahAtIrthe siddhAH syuraNimAdigAH || 26-90 || snAnamAtreNa niSpApI zaktaH syAdvAyusaGgrahe | tIrthAnAM darzanaM yeSAM zakto yogI bhaved dhruvam || 26-91 || atha sandhyAM mahAtIrthe kulaniSThaH samAcaret | kularUpAM yogavidyAM yogayogAd yatIzvaraH || 26-92 || zivazaktau samAyogo yasmin kAle prajAyate | sA sandhyA kulaniSThAnAM samAdhisthe prajAyate || 26-93 || zivaM sUryaM hRdi dhyAtvA bhAlazaktIndusaGgamam | sA sandhyA kulaniSThAnAM samAdhisthe prajAyate || 26-94 || athavenduM zivaM dhyAtvA hRtsUryazaktisaGgamam | saMyogavidyA sA sandhyA samAdhisthe prajAyate || 26-95 || iti sandhyA ca kathitA jJAnarUpA jaganmayI | sA nityA vAyavI zaktiH chinnabhinnA vinAzanAt || 26-96 || tattvatIrthe mahAdeva tarpaNaM yaH karoti hi | trailokyaM tapItaM tena tatprakAraM zRNu prabho || 26-97 || mUlAmbhoje kuNDalinIM candrasUryAgnirUpiNIm | samutthApya kuNDalinIM paraM binduM nivezya ca || 26-98 || tadudbhavAmRteneha tarpayed dehadevatAm | kulezvarImAdividyAM sa siddho bhavati dhruvam || 26-99 || candrasUryamahAvahnisambhUtAmRtadhArayA | tarpayet kaulinIM nityAmamRtAktAM vibhAvayet || 26-100 || etatparapadA kAlI strIvidyAdipratarpaNam | kRtvA yogI bhavedeva satyaM satyaM kulezvara || 26-101 || mUle pAtraM cAndramasaM lalATendvamRte na ca | sampUrya jJAnamArgeNa tarpayettena khecarIm || 26-102 || sudhAsindhormadhyadeze kulakanyAM pratarpayet | madirAmRtadhArAbhiH siddho bhavati yogirAT || 26-103 || tatra tIrthe mahAjJAnI dhyAnaM kuryAt prayatnataH | tadgarbhamabhyasennityaM dhyAnametaddhi yoginAm || 26-104 || svIyAM kanyAM bhojayedvai parakIyAmathApi vA | paritoSAya sarveSAM yuvatIM vA pratoSayet || 26-105 || stotreNAnena divyena toSayet zaGkara prabho | sahasranAmnA kaumAryAH stutvA devIM pratoSayet || 26-106 || yaH karoti pUrNayajJaM paJcAGgaM japakarmaNi | purazcaraNakAryaM ca prANAyAmena kArayet || 26-107 || prANavAyuH sthiro gehe pUjAgrahaNahetunA | ye'ntarasthaM na kurvanti teSAM siddhiH kutaH sthitA || 26-108 || ato'ntaryajanenaiva kuNDalItuSTamAnasA | yadi tuSTA mahAdevI tadaiva siddhibhAk pumAn || 26-109 || abhiSicya jagaddhAtrIM pratyakSaparadevatAm | mUlAmbhojAt sahasrAre pUjayed bindudhArayA || 26-110 || galaccandrAmRtollAsidhArayAsicya pArvatIm | pUjayet parayA bhaktyA mUlamantraM smaran sudhIH || 26-111 || arccayanviSayaiH puSpaistatkSaNAttanmayo bhavet | nyAsastanmayatAbuddhiH so'haMbhAvena pUjayet || 26-112 || mantrAkSarANi cicchaktau protAni paribhAvayet | tAmeva parame vyomni paramAnandasaMsthite || 26-113 || darzayatyAtmasadbhAvaM pUjAhomAdibhivInA | tadantaryajanaM jJeyaM yoginAM zaGkara prabho || 26-114 || antarAtmA mahAtmA ca paramAtmA sa ucyate | tasya smaraNamAtreNa sAdhuyogI bhavennaraH || 26-115 || amAyamanahaGkAramarAgamamadaM tathA | amohakamadambhaJca anindAkSobhakau tathA || 26-116 || amAtsaryamalobhazca dazapuSpANi yoginAm | ahiMsA paramaM puSpaM puSpamindriyanigrahaH || 26-117 || dayA puSpaM kSamA puSpaM jJAnapuSpaM ca paJcamam | ityaSTasaptabhiH puSpaiH pUjayet paradevatAm || 26-118 || atha homavidhiM vakSye purazcaraNasiddhaye | saGketabhASayA nAtha kathayAmi zRNuSva tat || 26-119 || AtmAnamaparicchinnaM vibhAvya sUkSmavat sthitaH | AtmatrayasvarUpaM tu citkuNDaM caturasrakam || 26-120 || AnandamekhalAyuktaM nAbhisthajJAnavahniSu | arddhamAtrAkRtiryonibhUSitaM juhuyAt sudhIH || 26-121 || itimantreNa tadvahnau so'haMbhAvena homayet | bAhyanArIvidhiM tyaktvA mUlAntena svatejasam || 26-122 || nAbhicaitanyarUpAgnau haviSA manasA srucA | jJAnapradIpite nityamakSavRttirjuhomyaham || 26-123 || iti prathamamAhutyA mUlAnte saJcaret kriyAm | dvitIyAhutidAnena homaM kRtvA bhavedvazI || 26-124 || dharmAdharmapradIpte ca AtmAgnau manasA srucA | suSumnA vartmanA nityamakSavRttiM juhomyaham || 26-125 || svAhAntaM mantramuccArya Adye mUlaM niyojya ca | juhuyAdekabhAvena mUlAmbhoruhamaNDale || 26-126 || caturthe pUrNahavane etanmantreNa kArayet | etanmantracaturthaM tu pUrNavidyAphalapradam || 26-127 || antanIrantaranirandhanamedhamAne | mAyAndhakAraparipanthini saMvidagnau | kasmMizcidadbhutamarIcivikAsabhUmau vizvaM juhomi vasudhAdizivAvasAnam || 26-128 || ityantaryajanaM kRtvA sAkSAd brahmamayo bhavet | na tasya puNyapApAni jIvanmukto bhaved dhruvam || 26-129 || jJAninAM yoginAmeva antaryAgo hi siddhidaH | athAntaH paJcamakArayajanaM zRNu zaGkara || 26-130 || antaryajanakAle tu dRDhabhAvena bhAvayet | tvAM mAM nAthaikatAM dhyAtvA divArAtryaikatAM yathA || 26-131 || surAzaktiH zivo mAMsaM tadbhakto bhairavaH svayam | tayoraikyasamutpanna Anando mokSanirNayaH || 26-132 || AnandaM brahmakiraNaM dehamadhye vyavasthitam | tadabhivyaJjakairdravyaiH kuryAd brahmAditarpaNam || 26-133 || AnandaM jagatAM sAraM brahmarUpaM tanusthitam | tadabhivyaJjakaM dravyaM yogibhistaiH prapUjayet || 26-134 || liGgatrayaM ca SaTpadmAdhAramadhyendubhedakaH | pIThasthAnAni cAgatya mahApadmavanaM vrajet || 26-135 || mUlAmbhojo brahmarandhraM cAlayedasucAlayet | gatvA punaH punastatra ciccandraH paramodayaH || 26-136 || ciccandraH kuNDalIzaktiH sAmarasyamahodayaH | vyomapaGkajanispandasudhApAnarato naraH || 26-137 || madhupAnamidaM nAtha bAhye cAbhyantare satAm | itaraM madyapAnaM tu yoginAM yogaghAtanAt || 26-138 || itaraM tu mahApAnaM bhrAntimithyAvivajItaH | mahAvIraH saGkaroti yogASTAGgasamRddhaye || 26-139 || puNyApuNyapazuM hatvA jJAnakhaDgena yogavit | parazivena yazcittaM niyojayati sAdhakaH || 26-140 || mAMsAzI sa bhavedeva itare prANighAtakAH | zarIrasthe mahAvahnau dagdhamatsyAni pUjayet || 26-141 || zarIrasthajalasthAni itarANyazubhAni ca | mahIgatasnigdhasaumyodbhavamudrAmahAbalAH || 26-142 || tatsarvaM brahmakiraNe Aropya tarpayet sudhIH | tatra mudrAbhojanAni AnandavarddhakAni ca || 26-143 || itarANi ca bhogArthe etaddhi yoginAM param | parazaktyAtmamithunasaMyogAnandanirbharAH || 26-144 || muktAste maithunaM tatsyAditare strIniSevakAH | etatpaJcamakAreNa pUjayet paranAyikAm || 26-145 || purazcaraNagUDhArthasAramantraprapUjanam | etadyogaM sadAbhyased nidrAlasyavivajItaH || 26-146 || prANavAyurayaM kuryAt kAlakAraNavAraNAt | etatkriyAM prANavaze yaH karoti nirantaram || 26-147 || tasya yogasamRddhiH syAt kAlasiddhimavApnuyAt || 26-148 || iti zrIrudrayAmale uttaratantre mahAtantroddIpane bhAvanirNaye sUkSmayogasiddhyadhikaraNe pAzavakalpe SaTcakrasArasaGkete siddhimantraprakaraNe bhairavabhairavIsaMvAde SaDviMzaH paTalaH || 26 || atha saptaviMzaH paTalaH Anandabhairava uvAca vividhAni tvayoktAni yogazAstrANi bhairavi | sarvarUpatvamevAsyA mama kAnte priyaMvade || 27-1 || yogASTAGgaphalAnyeva sarvatattvajalAni ca | idAnIM zrotumicchAmi zaktitattvakrameNa tu || 27-2 || pUrvoktaprANavAyUnAM haraNaM vAyudhAraNam | pratyAhAraM dhAraNAkhyaM dhyAnaM samAdhimAvada || 27-2 || AnandabhairavI uvAca zRNu lokeza vakSyAmi prANAyAmaphalAphalam | na gRhNIyAdvistaraM tu svalpaM naiva tu kumbhayet || 27-4 || zanaiH zanaiH prakartavyaM saGghAtaJca vivarjayet | pUrakAhlAdasiddhezca prANAyAmazataM zatam || 27-5 || vRddhyai prANalakSaNaM tu yasmin yasmin dine gatiH | kRSNapakSe zuklapakSe tithitriMzatphalodayaH || 27-6 || zuklapakSe iDAyAM tu kRSNapakSe'nyadeva hi | kuryAt sarvatra gamanaM suSumnA bahurUpiNI || 27-7 || tithitrayaM sitasyApi pratipadAdisambhavam | taddvayaM dakSanAsAyAM vAyorjJeyaM mahAprabho || 27-8 || caturthIM paJcamIM SaSThIM vyApyodayati devatA | vAmanAsApuTe dhyeyA vAyudhAraNakarmaNi || 27-9 || saptamImaSTamIJcaiva navamIM vyApya tiSThati | vAmanAsApuTe dhyeyA sAdhakaiH kulapaNDitaiH || 27-10 || dazamyekAdazIM caiva dvAdazIM vyApya tiSThati | vAyurdakSiNanAsAgre dhyeyo yogibhirIzvaraH || 27-11 || trayodazIM vyApya vAyuH paurNamAsIM caturdazIm | vAmanAsApuTe dhyeyaH saMhAraharaNAya ca || 27-12 || kRSNapakSaphalaM vakSye yajjJAtvA amaro bhavet | kAlajJAnI bhavet zIghraM nAtra kAryA vicAraNA || 27-13 || pratipaddvitIyAmasya tRtIyAmapi tasya ca | piGgalAyAM samAvApya vAyanIHsarate sadA || 27-14 || caturthI paJcamIM SaSThIM vAme vyApya pratiSThati | saptamImaSTamIM vAyurnavamIM dakSiNe tataH || 27-15 || dazamyekAdazIM vAyurvyApya bhramati sarvadA | vAme ca dakSiNe'nyAni tithyAdIni sadAnizam || 27-16 || yadA etadvyastabhAvaM samApnoti narottamaH | tadaiva maraNaM rogaM bandhunAzaM tripakSake || 27-17 || bhinnajanmatithiM jJAtvA tasmin kAle virodhayet | Arabhya janmanAzAya prANAyAmaM samAcaret || 27-18 || yadA pratyayabhAvena dehaM tyaktvA prayacchati | tadA nirudhya zvasanaM kAlAgnau dhArayedadhaH || 27-19 || yAvat svasthAnamAyAti tAvatkAlaM samabhyaset | yAvanna calate dehaM yAvanna calate manaH || 27-20 || kramAdabhyasataH puMso dehe svedodgamo'dhamaH | madhyamaM kampasaMyukto bhUmityAgaH parasya tu || 27-21 || SaNmAsAdbhUtadarzI syAt dUrazravaNameva ca | saMvatsarAbhyAsayogA yogavidyAprakAzakRt || 27-22 || yogI jAnAti sarvANi tantrANi svakramANi ca | yadi darzanadRSTiH syAttadA yogI na saMzayaH || 27-23 || pratyAhAraphalaM vakSye yatkRtvA khecaro bhavet | Izvare bhaktimApnoti dharmajJAnI bhavennaraH || 27-24 || uttamasya guNaprAptiryAvacchIlanamiSyate | tAvajjapet sUkSmavAyuH pratyAhAraprasiddhaye || 27-25 || indriyANAM vicaratAM viSayeSu nivartanam | balAdAharaNaM tebhyaH pratyAhAro vidhIyate || 27-26 || nAnyakarmasu dharmeSu zAstradharmeSu yogirAT | patitaM cittamAnIya sthApayet pAdapaGkaje || 27-27 || dunIvAryaM dRDhacittaM duratyayamasammatam | balAdAharaNaM tasya pratyAhAro vidhIyate || 27-28 || etat pratyAhArabalAt yogI svastho bhaved dhruvam | akasmAd bhAvamApnoti bhAvarAzisthiro naraH || 27-29 || bhAvAt parataraM nAsti bhAvAdhInamidaM jagat | bhAvena labhyate yogaM tasmAdbhAvaM samAzrayet || 27-30 || atha dhAraNamAvakSye yatkRtvA dhairyarUpabhAk | trailokyamudare kRtvA pUrNaH tiSThati yogirAT || 27-31 || aGguSThagulphajAnUrusImani liGganAbhiSu | hRdgrIvAkaNThadezeSu lambikAyAM tathA nasi || 27-32 || bhrUmadhye mastake mUdhnI dvAdazAnte yathAvidhi | dhAraNaM prANamaruto dhAraNeti nigadyate || 27-33 || sarvanADIgranthideze SaTcakre devatAlaye | brahmamArge dhAraNaM yad dhAraNeti nigadyate || 27-34 || dhAraNaM mUladeze tu kuNDalIM nAsikAtaTe | prANavAyoH prazamanaM dhAraNeti nigadyate || 27-35 || tatra zrIcaraNAmbhojamaGgale cArutejasi | bhAvena sthApayeccittaM dhAraNAzaktimApnuyAt || 27-36 || atha dhyAnaM pravakSyAmi yat kRtvA sarvago bhavet | dhyAnayogAd bhavenmokSo matkulAgamanirgamaH || 27-37 || samAhitena manasA caitanyAntarvatInA | AtmanyabhISTadevAnAM yogadhyAnamihocyate || 27-38 || zrIpadAmbhoruhadvandve nakhakiJjalkacitrite | sthApayitvA manaHpadmaM dhyAyediSTagaNaM mahat || 27-39 || atha samAdhimAhAtmyaM vadAmi tattvataH zRNu | yasyaiva kAraNAdeva pUrNayogI bhavennaraH || 27-40 || samatvabhAvanA nityaM jIvAtmaparamAtmanoH | samAdhinA jayI bhUyAdAndabhairavezvara || 27-41 || saMyogasiddhimAtreNa samAdhisthaM mahAjanam | prapazyati mahAyogI samAdhyaSTAGgalakSaNaiH || 27-42 || etatsamAdhimAkRtya yogI yogAnvito bhavet | atha candre manaH kuryAt samAropya vibhAvayet || 27-43 || etadaSTAGgasAreNa yogayogyo bhavennaraH | yogayogAd bhavenmokSo mantrasiddhirakhaNDitA || 27-44 || yogazAstra prakAreNa sarve vai bhairavAH smRtAH | yogazAstrAt paraM zAstraM trailokye nApi vartate || 27-45 || trailokyAtItazAstrANi yogAGgavividhAni ca | jJAtvA yA pazyati kSipraM nAnAdhyAyena zaGkara || 27-46 || kAmAdidoSanAzAya kathitaM jJAnamuttamam | idAnIM zRNu vakSyAmi mantrayogArthanirNayam || 27-47 || vizvaM zarIramAklezaM paJcabhUtAzrayaM prabho | candrasUryAgnitejobhiH jIvabrahmaikarUpakam || 27-48 || tisraH koTyastadardhena zarIre nADayo matAH | teSu mukhyA daza proktAstAsu tisro vyavasthitAH || 27-49 || pradhAnA merudaNDe'tra somasUryAgnirUpiNI | nADItrayasvarUpeNa yogamAtA pratiSThitA || 27-50 || iDA vAme sthitA nADI zuklA tu candrarUpiNI | zaktirUpA ca sA nADI sAkSAdamRtavigrahA || 27-51 || dakSiNe piGgalAkhyA tu puMrUpA sUryavigrahA | dADimIkusumaprakhyA viSAkhyA parikItItA || 27-52 || merumadhye sthitA yA tu suSumnA bahurUpiNI | visargAdbinduparyantaM vyApya tiSThati tattvataH || 27-53 || mUlAdhAre trikoNAkhye icchAjJAnakriyAtmake | madhye svayaMbhUliGgaM taM koTisUryasamaprabham || 27-54 || tadUrdhve kAmabIjaM tu kalAzAntIndunAyakam | tadUrdhve tu zikhAkArA kuNDalI brahmavigrahA || 27-55 || tadbAhye hemavarNAbhaM vasuvarNacaturdalam | drutahemasamaprakhyaM padmaM tatra vibhAvayet || 27-56 || tadUrdhve'gnisamaprakhyaM SaDdalaM hIrakaprabham | vAdilAntaM tu SaDvarNasahitaM rasapatrakam || 27-57 || svAdhiSThAnAkhyamamalaM yoginAM hRdayaGgamam | mUlamAdhAraSaTkAnAM mUlAdhAraM prakItItam || 27-58 || svazabdena paraM liGgaM svAdhiSThAnaM svaliGgakam | tadUrdhve nAbhideze tu maNipUraM mahAprabham || 27-59 || meghAbhaM vidyutAbhaM ca bahutejomayaM tataH | maNimadbhannatatpadmaM maNipUraM zaziprabham || 27-60 || kathitaM sakalaM nAtha hRdayAbjaM zRNu priya | dazabhizca dalairyuktaM DAdiphAntAkSarAnvitam || 27-61 || zivenAdhiSThitaM padmaM vizvAlokanakArakam | tadUrdhve'nAhataM padmaM hRdisthaM kiraNAkulam || 27-62 || udyadAdityasaGkAzaM kAdiThAntAkSarAnvitam | daladvAdazasaMyuktamIzvarAdyasamanvitam || 27-63 || tanmadhye bANaliGgaM tu sUryAyutasamaprabham | zabdabrahmamayaM vakSye'nAhatastatra dRzyate || 27-64 || tenAnAhatapadmAkhyaM yoginAM yogasAdhanam | AnandasadanaM tattu siddhenAdhiSThitaM param || 27-65 || tadUdrdhvaM tu vizuddhAkhyaM dalaSoDazapaGkajam | varNaiH SoDazabhiryuktaM dhUmravarNaM mahAprabham || 27-66 || yoginAmadbhutasthAnaM siddhivarNaM samabhyaset | vizuddhaM tanute yasmAt jIvasya haMsalokanAt || 27-67 || vizuddhaM padmamAkhyAtamAkAzAkhyaM mahAprabham | AjJAcakraM tadUdrdhve tu athInAdhiSThitaM param || 27-68 || AjJAsaMkramaNaM tatra gurorAjJeti kItItam | kailAsAkhyaM tadUrdhve tu tadUrdhve bodhanaM tataH || 27-69 || evaMvidhAni cakrANi kathitAni tava prabho | tadUddhrvasthAnamamalaM sahasrArAmbujaM param || 27-70 || bindusthAnaM paraM jJeyaM gaNAnAM matamAzRNu | bauddhA vadanti cAtmAnamAtmajJAnI na IzvaraH || 27-71 || sarvaM nAstIti cArvAkA nAnAkarmavivajItAH | vedanindAparAH sarve bauddhAH zUnyAbhivAdinaH || 27-72 || mama jJAnAzritAH kAntAzcInabhUminivAsinaH | AtmAnamaparicchinnaM vibhAvya bhAvyate mayA || 27-73 || zrIpadAbje binduyugmaM nakhendumaNDalaM zubham | zivasthAnaM pravadanti zaivAH zAktA maharSayaH || 27-74 || paramaM puruSaM nityaM vaiSNavAH prItikArakAH | hariharAtmakaM rUpaM saMvadanti pare janAH || 27-75 || devyAH padaM nityarUpAzcaraNAnandanirbharAH | vadanti munayo mukhyAH puruSaM prakRtAtmakam || 27-76 || puMprakRtyAkhyabhAvena magnA bhAnti mahItale | iti te kathitaM nAtha mantrayogamanuttamam || 27-77 || yogamArgAnusAreNa bhAvayet susamAhitaH | Adau mahApUrakeNa mUle saMyojayenmanaH || 27-78 || gudameDhrantare zaktiM tAmAkuJcya prabuddhayet | liGgabhedakrameNaiva prApayedbinducakrakam || 27-79 || zambhulAbhAM parAM zaktimekIbhAvaivIcintayet | tatrotthitAmRtarasaM drutalAkSArasopamam || 27-80 || pAyayitvA parAM zaktiM kRSNAkhyAM yogasiddhidAm | SaTcakrabhedakastatra santarpyAmRtadhArayA || 27-81 || Anayettena mArgeNa mUlAdhAraM tataH sudhIH | evamabhyasyamAnasya ahanyahani mArutam || 27-82 || jarAmaraNaduHkhAdyairmucyate bhavabandhanAt | tantroktakathitA mantrAH sarve siddhyanti nAnyathA || 27-83 || svayaM siddho bhavet kSipraM yoge hi yogavallabhA | ye guNAH santi devasya paJcakRtyavidhAyinaH || 27-84 || te guNAH sAdhakavare bhavantyeva na cAnyathA | iti te kathitaM nAtha mantrayogamanuttamam || 27-85 || idAnIM dhAraNAkhyaJca zRNuSva paramAJjanam | dikkAlAdyanavacchinnaM tvayi cittaM nidhAya ca || 27-86 || mayi vA sAdhakavaro dhyAtvA tanmayatAmiyAt | tanmayo bhavati kSipraM jIvabrahmaikayojanAt || 27-87 || iSTapAde mati datvA nakhakiJjalkacitrite | athavA mananaM cittaM yadA kSipraM na siddhyati || 27-88 || tadAvayavayogena yogI yogaM samabhyaset | pAdAmbhoje mano dadyAd nakhakiJjalkacitrite || 27-89 || jaGghAyugme tathArAmakadalIkANDamaNDite | Urudvaye mattahastikaradaNDasamaprabhe || 27-90 || gaGgAvarttagabhIre tu nAbhau siddhibile tataH | udare vakSasi tathA haste zrIvatsakaustubhe || 27-91 || pUrNacandrAmRtaprakhye lalATe cArukuNDale | zaGkhacakragadAmbhojadordaNDaparimaNDite || 27-92 || sahasrAdityasaGkAze kirITakuNDaladvaye | sthAneSveSu bhajenmantrI vizuddhaH zuddhacetasA || 27-93 || mano nivezya zrIkRSNe vaiSNavo bhavati dhruvam | iti vaiSNavamAkhyAtaM dhyAnaM sattvaM sunirmalam || 27-94 || viSNubhaktAH prabhajanti svAdhiSThAnaM manaH sthirAH | yAvanmanolayaM yAti kRSNe Atmani cintayet || 27-95 || tAvat svAdhiSThAnasiddhiriti yogArthanirNayaH | tAvajjapenmanuM mantrI japahomaM samabhyaset || 27-96 || ataH paraM na kiJcicca kRtyamasti manohare | vidite paratattve tu samastainIyamairalam || 27-97 || ata eva sadA kuryAt dhyAnaM yogaM manuM japet | tamaH parivRte gehe ghaTo dIpena dRzyate || 27-98 || evaM sa yo vRto hyAtmA manunA gocarIkRtaH | iti te kathitaM nAtha mantrayogamanuttamam || 27-99 || kRtvA pApodbhavairduHkhairmucyate nAtra saMzayaH | durlabhaM viSayAsaktaiH sulabhaM yoginAmapi || 27-100 || sulabhaM na tyajedvidvAn yadi siddhimihecchati | brahmajJAnaM yogadhyAnaM mantrajApyaM kriyAdikam || 27-101 || yaH karoti sadA bhadro vIrabhadro hi yogirAT | bhaktiM kuryAt sadA zambhoH zrIvidyAyAH parAtparAm || 27-102 || yogasAdhanakAle ca kevalaM bhAvanAdibhiH | mananaM kIrttanaM dhyAnaM smaraNaM pAdasevanam || 27-103 || arcanaM vandanaM dAsyaM sakhyamAtmanivedanam | etadbhaktiprasAdena jIvanmuktastu sAdhakaH || 27-104 || yoginAM vallabho bhUtvA samAdhistho bhavedyatiH || 27-105 || iti zrIrudrayAmale uttaratantre mahAtantroddIpane bhAvArthanirNaye pAzavakalpe SaTcakrasArasaGkete siddhamantraprakaraNe bhairavIbhairavasaMvAde saptaviMzaH paTalaH || 27 || athASTAviMzaH paTalaH Anandabhairava uvAca trailokyapUjite kAnte idAnIM siddhihetave | mantrasiddherlakSaNaM tu yoginAmatidurlabham || 28-1 || tvanmukhAmbhoruhollAsaniHsRtaM paramAmRtam | pItvA cakAra tantrANi yattatra nAsti tad vada || 28-2 || AnandabhairavI uvAca nizcayaM te pravakSyAmi Anandabhairavezvara | mantrasiddherlakSaNaM tu yogamArgAnukUlataH || 28-3 || nityaM cetasi susthire sthitapathaklezAdidoSakSaya| sarvaJcottamamantrasiddhikalitaM saMlakSaNaM zobhanam | mRtyUnAM haraNaM jagatpatimatiM sandarzanaJcottama| yogo'klezavivarddhanaM samudayAcchezaprayogeSTabhAk || 28-4 || narendrANAM kAye pravizati haThAt kSobhayati ta| pure teSAmUdrdhvotkramaNacarasyAvarapure | adhaHchidraM pazyet khacaravanitAmelanamala| zRNoti pradhmAne jagati jagatAM kItIratulA || 28-5 || itIha siddhyAdisulakSaNena | prayAti vaikuNThapurIM manoramAm | hitaM yadA pazyati sattvabhUbhRtA| jagadvipakSo nijapakSamAzrayet || 28-6 || kItIrbhUSaNamAdibhaktisaphalA bhuktikriyAsaMyutA | devAnAmatibhaktiyuktahRdayaM sarvakriyAdakSatA | trailokyaM nijadAsyakarmanipuNaM jitvA ciraM jIvati aSTAGgAbhyasanaM jagadvazakaraM caitanyatAmuttamam || 28-7 || bhogecchArahitaM jagajjanacamatkArAnukalpAnvita| rogANAM daraNaM viraktahRdayaM vairAgyabhaktipriyam | tyAgaM saMsaraNaM tathA zamadayAmAyAbdhijAlasya vA | ezvaryaM kavitArasaM dhanajanaM lakSmIgaNaM jApanam || 28-8 || ullAsaM hRdayAmbuje sutadhanaM sammAnanaM satpatha| vAJchAsAgararatnapUrNaghaTitaM kAntAgaNAnmoditam | saGketAdimanupriyaM hariharabrahmaikabhAvAnvita| lokAnAM gurutAnirantarazivAnandaika mudrAdharam || 28-9 || etaduktaM mahAdevottaratantranirUpaNam | mantrasiddhilakSaNaM taduttamAdhamamadhyamam || 28-10 || munayo devamukhyAzca nityaM janmani janmani | divyarUpaM narakule dhRtvA tRpyanti cAnizam || 28-11 || tavaivApi mamaivApi tarpaNaM homabhojanam | sarvadA kurute sAdhu tanmano bhavati dhruvam || 28-12 || etatprANavAyupAne sUkSmacandraniyojane | kartavyaM pratyahaM kAryaM divArAtrau muhurmuhuH || 28-13 || adyaitat karma saMskuryAt yogasAdhanamuttamam | yaH zrImAn sAdhu sadvaktA duSTamantro'pi sidhyati || 28-14 || etaddoSasamUhaM tu vadAmi tattvataH zRNu | chinnAdidoSaduSTAnAM yogatattvena sidhyati || 28-15 || devendra pAzaduSTA ca bhuvanezI susiddhidA | ArAdhitA mahAvidyA vIryadarpavivajItA || 28-16 || ekAkSarI vIryahInA vAgbhavena mahojjvalA | tadavadyuttamA devI tArasampuTahaMsinI || 28-17 || AviddhA kAmarAjena vidyA kAmezvarI parA | zareNa pIDitA pUrvaM bhuvanezyAH pratiSThitA || 28-18 || yA kumArI mahAvidyA yayA saptAribodhikA | tArAcandrasvarUpAhaM zivazaktyA ca kevalam || 28-19 || bhairavINAM hi vidyAnAM doSajAlaM zRNu prabho | etAndoSAnpraNazyanti yogamArgAnusAriNaH || 28-20 || yataH kuNDalinI devI yogena cetanAmukhI | ato yogaM sadA kuryAt sarvamantraprasiddhaye || 28-21 || bhairavI vidhizaptA ca dagdhA ca kIlitA tathA | saiva saMhArakarI mohitA cAnumoditA || 28-22 || mahAmadonmattacittA rmUcchitA vIryavajItA | stambhitA mAritAcchinnA viddhA ruddhA ca trAsitA || 28-23 || nirbIjA zaktihInA ca suptA mattA ca ghUNItA | parAGmukhI netrahInA sA bhItA duHsaMskRtA || 28-24 || suSuptA bheditA prauDhA bAlikA mAlinI kSamA | bhayadA yuvatI krUrA dAmbhikA zokasaGkaTA || 28-25 || nisMtrizakA siddhihInA kUTasthA mandabuddhidA | hInakarNA hInanAsA atikruddhAGgabhaGgurA || 28-26 || kalahA kalahaprItA bhraSTasthAnakSayAkulA | dharmabhraSTA cAtivRddhAtibAlA siddhinAzinI || 28-27 || kRtavIryA mahAbhImA krodhapuMjA ca dhvaMsinI | kAlavidyA sUkSmadharmA vidharmA dharmamohinI || 28-28 || durgasthitA kSiptacittA pracaNDA caNDagAminI | ulkAvaccalatI tIkSNA mandAhArA niraMzakA || 28-29 || tattvahInA kekarA ca dhUNItAliGgitA jitA | atiguptA kSudhArttA ca dhUrttA dhyAnasthirAsthirA || 28-30 || etA vidyAH prasannAH syuryogakAlanirodhanAt | vIrabhAvena siddhiH syAt purazcaraNakarmaNA || 28-31 || AnandabhairavI uvAca tatra vIro yajet kAntAM parakIyAmathApi vA | svIyAmalaGkArayuktAM sundarIM cAruhAsinIm || 28-32 || madanAnalataptAGgImAsavAnanda vigrahAm | yoginIM kaulinIM yogyAM dharmazIlAM kulapriyAm || 28-33 || dIkSitAM lolavadanAM vadanAmbhojamohinIm | nAnAdezasthitAM kanyAM yuvatIM paripUjayet || 28-34 || jApikAM mandahAsyAM ca mandamanda gatipriyAm | kRzAGgImatisaundaryAmalaGkRtakalevarAm || 28-35 || koTikanyApradAnena yatphalaM labhate naraH | tatphalaM labhate sadyaH kAminIparipUjanAt || 28-36 || tataH SoDazakanyAzca yoginyo yogasiddhaye | pUjayet parayA bhaktyA vastrAlaGkArabhUSaNaiH || 28-37 || nAnAvidhaiH piSTakAnnaiH pakvAnnaiH prANasambhavaiH | dadhidugdhaghRtaizcApi navanItaiH sazarkaraiH || 28-38 || upalAkhaNDamizrAnnaiH nAnArasaphalAnvitaiH | cUDAdibhirnArikelaiH kapilairnAgaraGgakaiH || 28-39 || nAnAgandhaphalaizcaiva nAnAgandhasamanvitaiH | mRganAbhicandanaizca zrIkhaNDairnavapallavaiH || 28-40 || pUjayettAH prayatnena jalajaiH sthalajaistathA | nAnAsugandhipuSpaizca raktacandanakuGkumaiH || 28-41 || pUjayet zUnyagRhe ca nirjane vipine tathA | kuladevIM samAnIya svAgataM pravadedanu || 28-42 || arghodakena saMzodhyAmRtIkaraNamAcaret | zaktiJcAbhimukhIM nItvA vIrayogI bhaveddhruvam || 28-43 || zaktiM ca SoDazI devIM kulacakrapriyAM zubhAm | mahAzaktiM zRNu prANavallabhe zrIkalAvatIm || 28-44 || brAhmaNI kSatriyA vaizyA zUdrA vezyA ca sundarI | kulabhUSAsamAkrAntA mAninI nAtipiGgalA || 28-45 || rajakI naTakI kaulA zyAmAGgI sthUlavigrahA | saGketAgamanA bhAryA vidagdhA raJjakI tathA || 28-46 || khaTakI kolakanyA ca kulamArgapravatIkA | sarvAGgasundarI bhavyA cArunetrA hasanmukhI || 28-47 || yadyaddIkSAratAstAstu deyA dIkSA tadA prabho | sUkSmatantrAnusAreNa kathitaM pUrvasUcitam || 28-48 || sarvAGgasundarI zuddhA zuddhalokakulodbhavA | yuvatI yoganiratA sA devI DAkinI matA || 28-49 || tAmAnIya mahAmantraM dApayediSTasiddhaye | tatastAH pUjanIyAstu dIkSAhInAstu nAcaret || 28-50 || zrIkRSNarAmamantraM tu dApayetsattvasiddhaye | tAbhya Adau tato mRtyuJjayamantraM tatazcaret || 28-51 || AnandabhairavIbIjaM devIM zaktiM svabIjakam | athavA siddhamantraM tu zrIvidyAyAH pradApayet || 28-52 || kiM vA kevalamAyAM tu krodhAruNakarAkRtim | jvalantIM mUlapadme tu svayambhUkusumAkarAm || 28-53 || etadbhUtAM mahAmAyAM tasmai datvA jayI bhavet | Adau vAmakarNapuTe agnivAraM pare trayam || 28-54 || ataH zikSAM sadAnandadIkSAnte kArayed budhaH | dIkSAmUlaM japaM sarvaM dIkSAmUlaM guroH kRpA || 28-55 || dIkSAmAzritya mAyAM yA japet sA khecarI parA | tasyAH pUjanamAtreNa prasannAhaM na saMzayaH || 28-56 || jagatAM jagadIzAnAM nArIrUpeNa saMsthitiH | ahaM nArI na sandehaH sundarI kutsitA parA || 28-57 || sundarIpAlanArthAya vinAzAyAzu kutsitA | sAdhakasya bhrAntirUpA saMhitAH paribhAvayet || 28-58 || yA parA mokSadA vidyA sundarI kAmacAriNI | bhAvinI sA bhavAnI ca tAM vidyAM paripUjayet || 28-59 || tasyA aGge sthirA nityaM devatAyA ahaM prabho | yazca yogI sarvasamaH sa sarvAtmA nayet kila || 28-60 || anyathA siddhihAniH syAd bhAvAbhAvavicAraNAt | binA bhAvaM na siddhyettu bhAvAnAM bhAvarAziga || 28-61 || kulapurazcaraNaM kuryAt kulAkulavimuktaye | yogI syAdavyayo dhIro vidvAnmukto hi jIvane || 28-62 || brAhmaNIM sundarIM caiva saMsthApya kramato yajet | vAmahaste mahArghyaM tu dakSiNe AsanAdikam || 28-63 || dadyAt pAdyamAsanAni tattannAmnA ca svAgatam | tattadA arghapAtrasthajalena prokSayecca tAH || 28-64 || dhenumudrAM samAkRtya vaM mantreNAmRtIkriyAm | amRtIkaraNAnte ca rUpabhedaM samAnayet || 28-65 || saMjJAbhirnAmakaraNaM kRtvA cAsanamarpayet | zrIbhairavI uvAca atha kAnta pravakSyAmi SaTcakrabhedanakriyAm || 28-66 || yatkRtvA amarA loke vicaranti carAcare | akAlamRtyuharaNaM sarvavyAdhivinAzanam || 28-67 || yogena jIvavargAzca bhavantyamararUpiNaH | SaTcakre ca mahApadme sarvasattvaguNAnvite || 28-68 || dharmAdharme manorAjye sarvavidyAnidhau kratau | kalikalmaSamukhyAnAM sarvapApApahArakam || 28-69 || mano datvA mahAkAle jIvAH sarvatra gAminaH | etacchruttvA mahAvIro vivekI paramArthavit || 28-70 || punajIjJAsayAmAsa jJAnajJeyena zaGkara | Anandabhairava uvAca SaTcakrabhedanakathAM kathayasva varAnane || 28-71 || hitAya sarvajantUnAM hiraNyavarNamaNDitam | prakAzayasva varade yogAnAmudayaM vada || 28-72 || yena yogena dhIrANAM hitArthaM vAJchitaM mayA | kAlakrameNa siddhiH syAt kAlajAlavinAzanAt || 28-73 || kAlakSAlanahetozca punarudyApanaM kRtam | AnandabhairavI uvAca Adau kuryAt parAnandaM rasasAgarasambhavam || 28-74 || mAndyaM mandaguNopetaM zRNu tatkramamuttamam | stotraM kuryAt mUlapadme kuNDalinyAH puraSkriyAm || 28-75 || purazcaraNakAle tu japAnte nityakarmaNi | kAmyakarmaNi dharmeSu tathaiva dharmakarmasu || 28-76 || gurvAdyagurunityeSu bhaktimAkRtya sampaThet | oM namo gurave oM namo gurvambaparadevatAyai || 28-77 || sarvadharmasvarUpAyai sarvajJAnasvarUpAyai | oM bhavavibhavAyai oM dakSayajJavinAzinyai || 28-78 || oM bhadrakAlyai oM kapAlinyai oM umAyai oM mAhezvaryai oM sarvasaGkaTatAriNyai oM mahAdevyai namo namaH || 28-79 || oM yA mAyA mayadAnavakSayakarI zaktiH kSamA karttRkA | zumbhazrImahiSAsurAsurabalaprAtrolacaNDAmahA | bhadrArdrA rudhirapriyA priyakarI krodhAGgaraktotpalA | cAmuNDA raNaraktabIjarajanI jyotsnA mukhendIvarA || 28-80 || yA jAyA jayadAyinI nRgRhiNI bhItyApahA bhairavI | nityA sA parirakSaNaM kuru zivA sArasvatotpattaye | sA me pAtu kalevarasya viSayAhlAdendriyANAM balaM vakSaH sthAyinamulvaNojjvalazikhAkArAdijIvAJcitA || 28-81|| kRtvA yogakulAnvitaM svabhavane nityaM manoraJjana| nityaM saMyamatatparaM paratare bhaktikriyAnirmalam | zambho rakSarajo'panIzacaraNAmbhoje sadA bhAvana| vidyArthapriyadarzanaM trijagatAM saMyamyayogI bhavet || 28-82 || AkAGkSAparivajItaM nijaguroH sevAparaM pAvana| premAhlAdakathAcyutaM kuTilatAhiMsApamAnapriyam | kAlakSepaNa doSajAlarahitaM zAktaM subhaktaM pati| zrIzaktipriyavallabhaM surucirajJAnAntaraM mAninam || 28-83 || mAlAsUkSma susUkSmabaddhanilayaM sallakSaNaM sAkSiNaM nAnAkAraNakAraNaM sasaraNaM sAkArabrahmArpaNam | nityA sA jaDitaM mahAntamakhile yogAsanajJAnina| taM vande puruSottamaM trijagatAmaMzArkahaMsaM param || 28-84 || mAyAGke pratibhAti cArunayAnAhlAdaikabIjaM vidhi| kallolAvikulAkulA samatulA kAlAgnivAhAnanA | hAlAhelana kaulakAlakalikA keyUrahArAnanA | sarvAGgA mama pAtu pItavasanA zIghrAsanA vatsalA || 28-85 || sA bAlAbalavAhanA sugahanA sammAnanA dhAraNA | khaM khaM khaM khacarAcarA kulacarA vAcAcarA vaGkharA | caM caM caM camarIharIbhagavatI gAthAgatAH saGgatiH | bAhau me paripAtu paGkajamukhI yA caNDamuNDApahA || 28-86 || kaM kaM kaM kamalAkalA gatiphalA phUtkArapherUtkarA | paM paM paM paramA ramA jayagamA vyAsaGgamA jaGgamA | taM taM taM timirAruNA sakaruNA mAtAvalA tAriNI | bhaM bhaM bhaM bhayahAriNI priyakarI sA me bhavatvantarA || 28-87 || jhaM jhaM jhaM jharajharmarIgatipathasthAtA ramAnanditaM maM maM maM malinaM hi mAM hayagatAM hantrIM ripUNAM hi tAm | bhaktAnAM bhayahAriNI raNamukhe zatroH kulAgnisthitA | sA sA sA bhavatu prabhAvapaTalA dIptAGghrayugmojjvalA || 28-88 || gaM gaM gaM gururUpiNI gaNapaterAnandapuJjodayA tArAsArasaroruhAruNakalA koTiprabhAlocanA | netraM pAtu(sadA)zivapriyapathA kauTyAyutArkaprabhA | tuNDaM muNDavibhUSaNA naraziromAlA vilolA samA || 28-89 || yogezI zazizekharolvaNakathAlApodayA mAnavI | zIrSaM pAtu lalATakarNa yugalAnantastataH sarvadA | mUrttaM meruzikhA sthitA vyavatu me gaNDasthalaM kaivalI | tuSTaM cASTamaSaSTikAdharatalaM dhAtrI dharAdhAriNI || 28-90 || nAsAgradvayagahvaraM bhRgutarA netratrayaM tAriNI | kezAn kuntalakAlikA sukapilA kailAsazailAsanA | kaGkAlAmalamAlikA suvasanA dantAvalIM daityahA | bAhyaM mantramanantazAstrataraNI saJjJAvacaHstambhinI || 28-91 || haM haM haM narahAraghoraramaNI saJcAriNI pAtu me | zatrUNAM dalanaM karotu niyataM me caNDamuNDApahA | bhImA sandahatu pratApatapanA saMvarddhanaM vaddhInI | mandArapriyagandhavibhramamadA vaidagdhamohAntarA || 28-92 || zyAmA pAtu pataGgakoTininadA haGkAraphaTkAriNI | AnandotsavasarvasArajayadA sarvatra sA rakSikA | kSauM kSauM kSauM kaThinAkSarA kSayakarI sarvAGgadoSaMhanA | dehAreH kacahA parA kacakucAkIlAlapUrAzitA || 28-93 || ghaM ghaM ghaM ghaTaghargharA vighaTitA jAyApateH pAtu me kalpe kalpA kulAnAmatibhayakalitaM sarvatra me vigraham | nidrodrAvitakAlikA mama kulaM laGkAtaTAcchAdinI naM naM naM nayanAnanA sukamalA sA lAkinI lakSaNA || 28-94 || kukSau pRSThatalaM sadA mama dhanaM sA pAtu mudrAmayI | mokSaM pAtu karAlakAlarajakI yA raJjakI kautukI | kRtyA nApitakanyakA zazimukhI sUkSmA mama prANaga| mandArapriyamAlayA maNimayagranthyA mahanmaNDitA || 28-95 || pUjyA yogibhirutsukI bhagavatI mUlasthitA satkriyA | mattA pAtu pativratA mama gRhaM dharmaM yazaH zreyasam | dharmAmbhoruhamadhyadarzanikare kAlI mahAyoginI | mattAnAmatidarpahA haraziromAlA kalA kevalA || 28-96 || me guhyaM jayameva liGgamapi me mUlAmbujaM pAtu sA | yA kanyA himaparvatasya bhayahA pAyAnnitambasthalam | sarveSAM hRdayodayAnalazikhAzaktirmanorUpiNI | me bhaktiM paripAtu kAmakuzalA lakSmIH priyA me prabho || 28-97 || gaurI gauravakAriNI bhuvi mahAmAyA mahAmohahA | vaM vaM vaM varavAruNI sumadirA me pAtu nityaM kaTim | kUTA sA ravicandravahnirahitA svecchAmayI me mukham || 28-98 || etatstotraM paThed yastu sarvakAle ca sarvadA | sa bhavet kAlayogendro mahAvidyAnidhirbhavet || 28-99 || mUlapadmabodhane ca mUlaprakRtisAdhane | nijamantrabodhane ca ghorasaGkaTakAlake || 28-100 || Apadastasya nazyanti andhakAraM binA raviH | sarvakAle sarvadeze mahApAtakaghAtakaH || 28-101 || sa bhaved yoginIputraH kalikAle na saMzayaH || 28-102 || iti zrIrudrayAmale uttaratantre mahAtantroddIpane bhAvAsananirNaye pAzavakalpe SaTcakra prakAze bhairavabhairavIsaMvAde kandavAsinistotraM nAma aSTAviMzaH paTalaH || 28 || athaikonatriMzaH paTalaH AnandabhairavI uvAca atha SaTcakrayogaM ca pravakSyAmIha tattvataH | kuNDalIyogavividhaM kRtvA yogI bhavennaraH || 29-1 || mUlAdibrahmarandhrAntaM SaTcakrabhedanaM matam | SaTcakre yogazAstrANi vividhAni vasanti hi || 29-2 || yo jAnAtIha SaTcakraM sarvazAstrArthavidbhavet | catudrdalaM mUlapadmaM vAdisAntArNasambhavam || 29-3 || hiraNyavarNamamalaM dhyAyedyogI punaH punaH | nirjane vipine zUnye pazupakSigaNAvRte || 29-4 || nirbhaye sundare deze dubhIkSAdivivajIte | kRtvA dRDhAsanaM mantrI yogamArgaparo bhavet || 29-5 || tadA yogI bhavet kSipraM mama zAstrAnusArataH | pUrvadale vakAraM ca dhyAyedyogI sadA sukhI || 29-6 || suvarNavarNaM hitakAriNaM nRNAM satvodbhavaM pUrvadalasthitaM sukham | mattapriyaM vAraNamattamandiraM mantrArthakaM zItalarUpadhAriNam || 29-7 || yogAnubhAvAzrayakAlamandiraM tejomayaM siddhisamRddhidaM gurum | AdyAkSaraM vaM varabhAvasAdhanaM nArAyaNaM bhAvanapaJcamacyutam || 29-8 || dhyAyet zakAraM kanakAcalaprabhaM gaurIpateH zrIkaraNaM purANam | lakSmIpriyaM sarvasuvarNaveSTitaM sadA mudA dakSiNapatramuttamam || 29-9 || zamIzvarISaSThaguNAvataMsaM SaTpadmasambhedanakArakaM param | parAparasthAnanivAsinaM guNaM hemAcalaM patramahaM bhajAmi || 29-10 || sakAramAnandarasaM priyaM priyaM dhyAye mahAhATakaparvatAgrakam | dhyAye mudAhaM ghananAthamandire mAyAmahAmohavinAzanaM jayam || 29-11 || caturbhujaM bhujayugaM aSTAdazabhujaM tathA | aSTahastaM sadA dhyAyenmantrI bhAvavizuddhaye || 29-12 || tato dhyAyet kaNIkAyAM madhyadeze manoramam | svayambhUliGgaparamaM yoginAM yogasiddhidam || 29-13 || prAtaH sUryasamaprakhyaM taDitkoTisamaprabham | taM saMveSTya mahAdevI kuNDalI yogadAyinI || 29-14 || sArdhatriveSTanagranthiyutA sA muktidAyinI | nidritA sA sadA bhadrA mahApAtakaghAtinI || 29-15 || nirantaraM tasya zIrSe vibhAti zazadhAriNI | tacchvAsadhAriNI nityA jagatAM prANadhAriNI || 29-16 || suptA sarpasamA bhrAntiH yathArkazatakoTayaH | yadA liGgaM sA vihAya prAktiSThati mahApathe || 29-17 || tadA siddho bhavedyogI dhyAnadhAraNakRt zuciH | sadAnandamayo nityazcaitanyakuNDalI yadA || 29-18 || suSumnA nADikAmadhye mahAsUkSmavile sthitaH | mano nidhAya yo yogI zvAsamArgaparo bhavet || 29-19 || tadA sA dravati kSipraM caitanyA kuNDalI parA | pRSThadeze mahAdaNDe merumUle mahAprabhe || 29-20 || mUlAdibrahmarandhrAdhaH sadAsthirUpadhArakaH | kanakAcalanAmnA ca pratibhAti jagattraye || 29-21 || tanmadhye paramA sUkSmA suSumnA bahurUpiNI | manomunisvarUpA ca manazcaitanyakAriNI || 29-22 || tanmadhye bhAti vajrAkhyAghorapAtakanAzinI | siddhidAbhAvavijJAnAM mokSadA kularUpiNAm || 29-23 || tanmadhye citriNI devI devatAprItivaddhInI | hitaiSiNI mahAmAyA kAlajAlavinAzinI || 29-24 || sA pAti sakalAn cakrAn padmarUpadharAn parAn | trailokyamaNDalagatAn sAkSAdamRtavigrahAn || 29-25 || svayaM dadhAra sA devI citrAkhyA cArutejasI | tale pRSThe Udrdhvadeze zIrSe vakSasi nAbhiSu || 29-26 || kaNThakUpe cakramadhye brahmANDaM pAti sarvadA | zarIrAtmakamIzArthaM trailokyaM sacarAcaram || 29-27 || citrAsugrathanaM padmaM yo'vabhAvyati bhAvakaH | bhAvena labhyate yogaM bhAvena bhAvyate zivaH || 29-28 || bhAvena zaktimApnoti tasmAdbhAvaM samAzrayet | SaTcakrabhAvanAM kRtvA mahAyogI bhavennaraH || 29-29 || sarvadharmAnvito bhUtvA rAjate kSitimaNDale | sarvatragAmI sa bhavet yadi padme manolayam || 29-30 || padmabhAvanamAtreNa AkAzasadRzo bhavet | mahApadme mano datvA mahAbhakto bhaveddhruvam || 29-31 || yadi bhakto bhavennAtha tadA mukto na saMzayaH | yadi mukto mahImadhye dhyAnayogaparAyaNaH || 29-32 || tadA kAlaparAM jJAtvA sarvadarzI ca sarvavit | sarvajJaH sarvatobhadro bhavatIti na saMzayaH || 29-33 || citriNI madhyadeze ca brahmanADI mahAprabhA | sarvasiddhipradA nityA sA devI sakalA kalA || 29-34 || vyomarUpA bhagavatI sarvacaitanyarUpiNI | ekarUpaM paraM brahma brahmAtItaM jagattrayam || 29-35 || yadA jagattrayaM brahma tadA sattvAlayaM prabho | mahAlaye mano datvA sarvakAlajayo bhavet || 29-36 || mRtyuJjayo mahAvIro mahAcchatro mahAgatiH | sarvavyApakarUpeNa Izvaratvena bhASate || 29-37 || sarvadA mantrasambhUto vizAlAkSaH prasannadhIH | ekasthAnasthito yAti nakSatraM sa hi zaGkara || 29-38 || ekadRSTiH kSudhAtRSNArahito vAkyavajItaH | nirAkAre mano dadyAttadA mahAnayaM prabho || 29-39 || kintu nAthAjJAninAM hi nApi nApi mahAlayaH | mahApralaya evaM hi yoginAM nAtra saMzayaH || 29-40 || yadA manoyoga vizuddhaye manolayaM yaH kurute'pyahanIzam | sa eva mokSo guNasindhurUpI kAlAgnirUpI nijadaivadaivataH || 29-41 || mahAmanoyoga vikAravajItaH | kAmakriyA kANDavizuddhamaNDitaH | hito gatInAM matimAnnirasto | mahAlayastho'mara eva bhaktaH || 29-42 || mAnI vicArArthavivekacittaz-- cAturya cittolbaNatAvivajItaH | yogI bhavetsAdhaka cakravartI | vyomAmbuje cittavisarjanaM sadA || 29-43 || iti zrIrudrayAmale uttaratantre mahAtantroddIpane SaTcakra prakAze bhairavIbhairavasaMvAde mahApralayanAmA ekonatriMzaH paTalaH || 29 || atha triMzaH paTalaH AnandabhairavI uvAca atha vakSye mahAkAla mUlapadmavivecanam | yat kRtvA amaro bhUtvA vaset kAlacatuSTayam || 30-1 || atha SaTcakrabhedArthe bhedinIzaktimAzrayet | chedinIM sarvagranthInAM yoginIM samupAzrayet || 30-2 || tasyA mantrAn pravakSyAmi yena siddho bhavennaraH | Adau zRNu mahAmantraM bhedinyAH paraM manum || 30-3 || Adau kAlIMsamutkRtya brahmamantraM tataH param | devyAH praNavamuddhRtya bhedanI tadanantaram || 30-4 || tato hi mama gRhNIyAt prApaya dvayameva ca | cittacaJcIzabdAnte mAM rakSa yugmameva ca || 30-5 || bhedinI mama zabdAnte akAlamaraNaM hara | hara yugmaM svaM mahApApaM namo namo'gnijAyayA || 30-6 || etanmantraM japettatra DAkinIrakSasi prabho | Adau praNavamuddhRtya brahmamantraM tataH param || 30-7 || zAmbhavIti tatazcoktvA brAhmaNIti padaM tataH | manonivezaM kurute tArayeti dvidhApadam || 30-8 || chedinIpadamuddhRtya mama mAnasazabdataH | mahAndhakAramuddhRtya chedayeti dvidhApadam || 30-9 || svAhAntaM manumuddhRtya japenmUlAmbuje sudhIH | etanmantraprasAdena jIvanmukto bhavennaraH || 30-10 || tathA strIyoginImantraM japettatraiva zaGkara | oM ghorarUpiNipadaM sarvavyApini zaGkara || 30-11 || mahAyogini me pApaM zokaM rogaM hareti ca | vipakSaM chedayetyuktvA yogaM mayyarpaya dvayam || 30-12 || svAhAntaM manumuddhRtya japAdyogI bhavennaraH | khecaratvaM samApnoti yogAbhyAsena yogirAT || 30-13 || DAkinIM brahmaNA yuktAM mUle dhyAtvA punaH punaH | japenmantraM sadAyogI brahmamantreNa yogavit || 30-14 || brahmamantraM pravakSyAmi tajjApenApi yogirAT | brahmamantraprasAdena jaDo yogI na saMzayaH || 30-15 || praNavatrayamuddhRtya dIrghapraNavayugmakam | tadante praNavatrINi brahma brahma trayaM trayam || 30-16 || sarvasiddhipadasyAnte pAlayeti ca mAM padam | sattvaM guNo rakSa rakSa mAyAsvAhApadaM japet || 30-17 || DAkinImantrarAjaJca zRNuSva paramezvara | yajjaptvA DAkinI vazyA trailokyasthitipAlakAH || 30-18 || yo japet DAkinImantraM caitanyA kuNDalI jhaTit | anAyAsena siddhiH syAt paramAtmapradarzanam || 30-19 || mAyAtrayaM samuddhRtya praNavaikaM tataH param | DAkinyante mahAzabdaM DAkinyambapadaM tataH || 30-20 || punaH praNavamuddhRtya mAyAtrayaM tataH param | mama yogasiddhimante sAdhayeti dvidhApadam || 30-21 || manumuddhRtya devezi japAdyogI bhavejjaDaH | japtvA sampUjayenmantrI purazcaraNasiddhaye || 30-22 || sarvatra cittasAmyena dravyAdivividhAni ca | pUjayitvA mUlapadme cittopakaraNena ca || 30-23 || tato mAnasajApaJca stotraJca kAlipAvanam | paThitvA yogirAT bhUttvA vaset SaTcakravezmani || 30-24 || zaktiyuktaM vidhiM yastu stauti nityaM mahezvara | tasyaiva pAlanArthAya mama yantraM mahItale || 30-25 || tat stotraM zRNu yogArthaM sAvadhAnAvadhAraya | etatstotraprasAdena mahAlayavazo bhavet || 30-26 || brahmANaM haMsasaGghAyutazaraNavadAvAhanaM devavaktra| vidyAdAnaikahetuM timicaranayanAgnInduphullAravindam vAgIzaM vAggatisthaM matimatavimalaM bAlArkaM cAruvarNaM | DAkinyAliGgitaM taM suranaravaradaM bhAvayenmUlapadme || 30-27 || nityAM brahmaparAyaNAM sukhamayIM dhyAyenmudA DAkinI| raktAM gacchavimohinIM kulapathe jJAnAkulajJAninIm | mUlAmbhoruhamadhyadezanikaTe bhUvimbamadhye prabhA| hetusthAM gatimohinIM zrutibhujAM vidyAM bhavAhlAdinIm || 30-28 || vidyAvAstavamAlayA galatalaprAlambazobhAkarA| dhyAtvA mUlaniketane nijakule yaH stauti bhaktyA sudhIH | nAnAkAravikArasArakiraNAM kartrI vidho yoginA| mukhyAM mukhyajanasthitAM sthitimatiM sattvAzritAmAzraye || 30-29 || yA devI navaDAkinI svaramaNI vijJAninI mohinI | mAM pAtu pirayakAminI bhavavidherAnandasindhUdbhavA | me mUlaM guNabhAsinI pracayatu zrIH kItIcakraM hi mA| nityA siddhiguNodayA suradayA zrIsaMjJayA mohitA || 30-30 || tanmadhye paramAkalA kulaphalA bANaprakANDAkarA rAkA rAzaSasAdazA zazighaTA lolAmalA komalA | sA mAtA navamAlinI mama kulaM mUlAmbujaM sarvadA | sA devI lavarAkiNI kaliphalollAsaikabIjAntarA || 30-31 || dhAtrI dhairyavatI satI madhumatI vidyAvatI bhAratI | kalyANI kulakanyakAdharanarArUpA hi sUkSmAspadA | mokSasthA sthitipUjitA sthitigatA mAtA zubhA yoginA| naumi zrIbhavikAzayAM zamanagAM gItodgatAM gopanAm || 30-32 || kalkezIM kulapaNDitAM kulapathagranthikriyAcchedinI| nityAM tAM guNapaNDitAM pracapalAM mAlAzatArkAruNAm | vidyAM caNDaguNodayAM samudayAM trailokyarakSAkSarA| brahmajJAnanivAsinIM sitazubhAnandaikabIjodgatAm || 30-33 || gItArthAnubhavapirayAM sakalayA siddhaprabhApATalAm | kAmAkhyAM prabhajAmi janmanilayAM hetupirayAM satkriyAm | siddhau sAdhanatatparaM parataraM sAkArarUpAyitAm || 30-34 || brahmajJAnaM nidAnaM guNanidhinayanaM kAraNAnandayAnam | brahmANaM brahmabIjaM rajanijayajanaM yAgakAryAnurAgam || 30-35 || zokAtItaM vinItaM narajalavacanaM sarvavidyAvidhijJam | sArAt sAraM taruM taM sakalatimirahaM haMsagaM pUjayAmi || 30-36 || etatsambandhamArgaM navanavadalagaM vedavedAGgavijJam | mUlAmbhojaprakAzaM taruNaravizazipronnatAkArasAram || 30-37 || bhAvAkhyaM bhAvasiddhaM jayajayadavidhiM dhyAnagamyaM purANam pArAkhyaM pAraNAyaM parajanajanitaM brahmarUpaM bhajAmi || 30-38 || DAkinIsahitaM brahmadhyAnaM kRtvA paThet stavam | paThanAd dhAraNAnmantrI yoginAM saGgatirbhavet || 30-39 || etatpaThanamAtreNa mahApAtakanAzanam | ekarUpaM jagannAthaM vizAlanayanAmbujam || 30-40 || evaM dhyAtvA paThet stotraM paThitvA yogirAD bhavet || 30-41 || iti zrIrudrayAmale uttaratantre mahAtantroddIpane siddhamantraprakaraNe | SaTcakrasiddhisAdhane bhairavabhairavIsaMvAde DAkinI | stotraM nAma triMzaH paTalaH || 30 || athaikatriMzaH paTalaH AnandabhairavI uvAca atha nAtha pravakSyAmi bhedinyAH sAdhanaM param | yena sAdhanamAtreNa yogI syAt kalikAlahA || 31-1 || kalikAle mahAyogaM sAdhaya tvaM mahAprabho | yadi na sAdhitaH kAlaH sa kAlo dehabhakSakaH || 31-2 || bhedinIsAdhanenaiva granthInAM bhedanaM bhavet | DAkinIM hRdaye dhyAyet paramAnandarUpiNIm || 31-3 || aSTahastAM vizAlAkSIM zazAGkAvayavAGkitAm | trailokyamohinIM vidyAM bhayadAM varadAM satAm || 31-4 || zuklavarNAM trinayanAM cArurUpamanoharAm | dhyAtvA mUlAmbuje yogI pAdyAdyaiH paripUjayet || 31-5 || tatra manolayaM kRtvA yogI bhavati bhUtale | yadA manolayaM yAti tadA tasyAH stavaM paThet || 31-6 || stotraM paThanamAtreNa sarvasattvAzrito bhavet | dhyAnamAkRtya prapaThet sarvasiddhimayo bhavet || 31-7 || yA bhedinI sakalagranthivinAzanAnA| dharmAntare sakalazatruvinAzanasthA | sA me sadA pratidinaM paripAtu deha| kAlAtmikA bhagavatI zubhakAryakartrI || 31-8 || yA kAntA karuNAmayI trijagatAmAnandasiddhisthitA | nityA sA paripAlikA kulakalA nIlAmalAkomalA | vANI siddhikarI kRtArthanigaDe zIghrodayA zAGkarI | saMjJAbhedanabhedikA zubhakarI vedAntasiddhAntadA || 31-9 || vANI bAlA kulAlA kalakalacaraNA yAmalAsaMkhyamAlA | helAbhAlAntarAlA kulakamalacalA caJcalA dehakAlA || 31-10 || bhedAkhyA bhedyabhedA varanadaninadA nAdabinduprakAzA | sA me zIrSaM lalATaM mukhahRdayakaTiM mukhyapadmaM prapAyAt || 31-11 || kAJcIpIThaprakAzA nijapadavilayA yoginInetravakSA | nAtiyogaprakAzyA caruzataghaTitA ghorasaMhArakArA || 31-12 || brahmAnandasvarUpA vigatimatiharA hIrakA bhAti netrA | hArazreNyAdibhUSA zazizatakiraNA pAtu mAM bhedyadeham || 31-13 || yA bhedinI sakalapAparipupirayANAM svargApavargaviralA bagalAmukhI sA | me pAtu dehaghaTitaM sakalepsitArthaM bhAvaprabhAvapaTalA sahadehasaMsthA || 31-14 || kAmAzritA vividhadoSavinAzaleSA | saundaryavezakaraNI kratukarmarakSA | dIkSA satAM matimatAM nijayogadAtrI | sA me sadA sakaladehamihAzu bhedyA || 31-15 || kAntA zAntaguNodayA mama dhanaM dehasya nityAzayA pAyAt zrIkuladaivatasya jayadA yA yogasAraM param | sAkSAdIzvarapUjitA samucitA cittAthItA cAthItA | yanme ghoratare jaye nijakule kAlAkule vyAkule || 31-16 || bhedAbhedavivajItA suravarazrIhastapadmAcIte | me meDhaMr khalu liGga mUlakamalaM kAlapirayA pAtu sA | saptasvargatalaM mamaiva vapuSA mithyAvamAnApahA | heDambAsurasundara pirayavatI hemAvatI bhAratI || 31-17 || etat stotraM paThitvA yaH stauti mUlAmbuje ca mAm | sa eva yogamApnoti sa bhaved yogivallabhaH || 31-18 || manaH sthiraM bhavet kSipraM rAjatvaM labhate jhaTit | anAyAsena siddhiH syAt tasya vAyurvazo bhavet || 31-19 || yoginInAM darzanaM hi anAyAsena labhyate | bhAvasindhuyuto bhUtvA vicaredamaro yathA || 31-20 || mUlapadme vaseddevI mUlAmbhojaprakAzinI | mAlatI mAlavI maunA mAlinI ca manoharA || 31-21 || mAnasI madanA mAnyA mudrAmaithunatatparA | merusthA mAdyakusumA maNDitA maNDalasthitA || 31-22 || manaHsthairyakarI devI bhAvyate yaiH kumArakaiH | akasmAt siddhimApnoti kAlena paramezvara || 31-23 || atha vakSye mahAdevyAH chedinyAH stavamuttamam | chettA tvaM sarvagranthInAM matprasAdAd yatIzvaraH || 31-24 || yatprasAdAdananto hi yogI saMsAramaNDale || 31-25 || dezAnandA sakalaguNadA chedinI chedanasthA | havyasthA sA vibhavaniratA yA nidhisthA nizAyAm | sA me nityaM kulakamalagA gopanIyA vidhijJA | zrIvAgezI gaganavasanA sarvayogaM prapAyAt || 31-26 || kAmAnandA madananiratA bhAvitA bhAvasindhau kAmAnandodbhavarasavatI yogiyogasthadhAtrI | dehaklede nirasanaratA ... ... ... ... ... ... | sA me dhautaM prakuru vapuSo dharmapuJjaM prapAyAt || 31-27 || kAlAkAlaM kamalakalikAvAsinI kAlikA me | granthicchedaM sthiragRhagatA gAtranADIpathasthA | vaktrAmbhoje vacanamadhuraM dhArayantI janAnA| sA me randhraM mama ruciratanoH pAtu paJcAnanA yA || 31-28 || yogAGgasthA sthitilayavibhavA lomakUpAmbujasthA | mAtA gaurI giripatisutA bhAsurAstrapradIptA | sampAyAnme hRdayavivaraM chedinImUlapUre | kailAsasthA mamamanugiriM pAtu rudraprasAdA || 31-29 || nAdAntaHsthA managuNadharaNAsannasiddhAntapArA | bhogAnandA bhaganagabile kAzayantI janAnAm | vidyAvidyA vividhagaganA chedinI channarUpA | sA sarvAntaHkaraNanilayA lAkinI premabhAvA || 31-30 || yogaM svarge'rpayasi manasi premabhAvaM pareze | yA yA yAtrA trividhakaraNA kAraNA sarvajantoH | mAtA jJAtrI gaNeze gRhigaNasadayA sarvakartrI mano me | rakSA rakSAkSaragatakalA kevalA niSkalA yA || 31-31 || sA yogendrA samavatu mudA me gudaM kuNDalinyA| jahnoH kanyA kamalanilayA rAkiNI premabhAvAn | mokSaprANAn tapanarahitA pAtu me vedavaktrA | siddhA mUlAmbujadalagatA pAvanI pAtu tuNDam || 31-32 || herambAjJA pralayaghaTitA kAkinI krodharUpA || 31-33 || yadi bhajati kulInaH kAminIM krodhavidyA| sa bhavati parayogI chedinIstotrapAThAt | sakaladuritanAzaH kSAlanAdiprasiddhiH | sakalajanavazaH syAt tasya nityaM surAjyam || 31-34 || etat stotraM paThedvidvAn mahAsaMyamatatparaH | mUle manaH sthiro yAti sarvAniSTavinAzanaH || 31-35 || sarvasiddhiH kare tasya yo bhAvaM samupAzrayet zRNuSva paramAnanda rasasAgarasambhava || 31-36 || yoginIstotrasAraM ca zravaNAddhAraNAd yatiH | aprakAzyamidaM ratnaM nRNAmiSTaphalapradam || 31-37 || yasya vijJAnamAtreNa zivo bhavati sAdhakaH || 31-38 || kaGkAlI kulapaNDitA kulakalA kAlAnalA zyAmalA | yogendrendrasurAjyanAthayajitA'nyA yoginIM mokSadA | mAmekaM kujaDaM sukhAstamadhanaM hInaM ca dInaM khala| yadyevaM paripAlanaM karoSi niyataM tvaM trAhi tAmAzraye || 31-39 || yajJezI zazizekharA svamaparA herambayogAspadA | dAtrI dAnaparA harAhariharA'ghorAmarAzaGkarA | bhadre buddhivihIna dehajaDitaM pUjAjapAvajItaM mAmekArbhamakiJcanaM yadi sarattvaM yoginI rakSasi || 31-40 || bhAvyA bhAvanatatparasya karaNA sA cAraNA yoginI | candrasthA nijanAthadehasugatA mandAramAlAvRtA | yogezI kulayoginI tvamamarA dhArAdharAcchAdinI yogendrotsavarAgayAgajaDitA yA mAtRsiddhisthitA || 31-41 || tvaM mAM pAhi parezvarI suratarI zrIbhAskarI yogaga| mAyApAzavibandhanaM tava kathAlApAmRtAvajItam | nAnAdharmavivajItaM kalikule saMvyAkulAlakSaNa| mayyeke yadi dRSTipAtakamalA tat kevalaM me balam || 31-42|| mAyAmayI hRdi yadA mama cittalagna| rAjyaM tadA kimu phalaM phalasAdhanaM vA | ityAzayA bhagavatI mama zaktidevI | bhAti piraye zrutidale mukharArpaNaM te || 31-43 || yA yoginI sakalayogasumantraNADhyA | devI mahadguNamayI karuNAnidhAnA | sA me bhayaM haratu vAraNamattacittA | saMhAriNI bhavatu sodaravakSahArA || 31-44 || yadi paThati manojJo gorasAmIzvaraM yo | vazayati ripuvargaM krodhapuJjaM vihanti | bhuvanapavanabhakSo bhAvukaH syAt susaGgI | ratipatiguNatulyo rAmacandro yathezaH || 31-45 || etatstotraM paThedyastu sa bhakto bhavati pirayaH | mUlapadme sthiro bhUttvA SaTcakre rAjyamApnuyAt || 31-46 || iti zrIrudrayAmale uttaratantre mahAtantroddIpane SaTcakraprakAze siddhimantraprakaraNe bhairavabhairavIsaMvAde bhedinyAdistotraM nAma ekatriMzaH paTalaH || 31 || atha dvAtriMzaH paTalaH zrIAnandabhairavI uvAca atha kAnta pravakSyAmi zRNuSva mama tattvataH | zaktiH kuNDalinI devI sarvabhedanabhedinI || 32-1 || kalikalmaSahantrI ca jagatAM mokSadAyinI | tasyAH stotraM tathA dhyAnaM nyAsaM mantraM zRNu prabho || 32-2 || yasya vijJAnamAtreNa mUlapadme manolayaH | caitanyAnandanirato bhavet kuNDalisaGgamAt || 32-3 || AkAzagAminIM siddhiM dadAti kuNDalI bhRzam | amRtAnandarUpAbhyAM karoSi pAlanaM nRNAm || 32-4 || zvAsocchvAsakalAbhyAM ca zarIraM triguNAtmakam | paJcabhUtAvRtA nityaM paJcAnilA bhaved dhruvam || 32-5 || koTisUryapratIkAzAM nirAlambAM vibhAvayet | sarvasthitAM jJAnarUpAM zvAsocchvAsanivAsinIm || 32-6 || svayambhUkusumotpannAM dhyAnajJAnaprakAzinIm | mokSadAM zaktidAM nityAM nityajJAnasvarUpiNIm || 32-7 || lolAM lIlAdharAM sarvAM zuddhajJAnaprakAzinIm | koTikAlAnalasamAM vidyutkoTimahaujasAm || 32-8 || tejasA vyAptakiraNAM mUlAdUrdhvaprakAzinIm | aSTalokaprakAzADhyAM phullendIvaralocanAm || 32-9 || sarvamukhIM sarvahastAM sarvapAdAmbujasthitAm | mUlAdibrahmarandhrAntasthAnalokaprakAzinIm || 32-10 || tribhASAM sarvabhakSAM ca zvAsanirgamapAlinIm | lalitAM sundarIM nIlAM kuNDalIM kuNDalAkRtim || 32-11 || abhUmaNDalabAhyasthAM bAhyajJAnaprakAzinIm | nAginIM nAgabhUSADhyAM bhayAnakakalevarAm || 32-12 || yogijJeyAM zuddharUpAM viralAmUrdhvagAminIm | evaM dhyAtvA mUlapadme kuNDalIM paradevatAm || 32-13 || bhAvasiddhirbhavet kSipraM kuNDalIbhAvanAdiha | tato mAnasajApaM hi mAnasaM homatarpaNam || 32-14 || abhiSekaM mudA kRtvA prAtaH kAle punaH punaH prANAyAmaM tataH kRtvA stotraM ca kavacaM paThet || 32-15 || etatstotrasya pAThena svayaM siddhAntavid bhavet | kuNDalI sukRpA tasya mAsAd bhavati nizcitam || 32-16 || nidrAdoSAdikM tyaktvA prakAzyAhaM zarIrake | ahaM dAtrI suyogAnAmadhipAhaM jagattraye || 32-17 || ahaM karma ahaM dharmaH ahaM devI ca kuNDalI | yo jAnAti mahAvIra kuNDalIrUpasevanAt || 32-18 || iti taM pAtrakaM kartumavatIrNAsmi sarvadA | ata eva paraM mantraM kuNDalinyAH stavaM zubham || 32-19 || prapaThet sarvadA dehe yadi vazyA na kuNDalI | tAvat kAlaM japaM kuryAd yAvat siddhirna jAyate || 32-20 || AdhAre paradevatA bhavanatAdhokuNDalI devatA | devAnAmadhidevatA trijagatAmAnandapuJjasthitA || 32-21 || mUlAdhAranivAsinI triramaNI yA jJAninI mAlinI | sA me mAtRmanusthitA kulapathAnandaikabIjAnanA || 32-22 || sarvAGgasthitikAriNI suragaNAnandaikacinhA zivA | vIrendrA navakAminI vacanadA zrImAnadA jJAnadA || 32-23 || sAnandA ghananandinI ghanagaNA chinnA bhavA yoginI | dhIrA dhairyavatI samAptaviSayA zrImaGgalI kuNDalI || 32-24 || sarvAkAranivAsinI jayadharAdhArAdharasthAgayA | gItA godhanavaddhInI gurumayI jJAnapirayA godhanA || 32-25 || gArhAgnisthiti candrikA sulatikA jADyApahA rAgadA | dArA godhanakAriNI mRgamanA brahmANDamArgojjvalA || 32-26 || mAtA mAnasagocarA haricarA siMhAsanekAraNA | yAmA dAsagaNezvarI guNavatI chAyApathasthAyinI || 32-27 || nidrA kSubdhajanapirayA varatRSA bhASAvizeSasthitA | sthityantapralayApahA naraziromAlAdharA kuNDalI || 32-28 || gAGgezI yamunezvarI gurutarI godAvarI bhAskarI | bhaktAtIkSayakAriNI samazivaM yadyekabhAvAnvitA || 32-29 || tvaM zIghraM kuru kaulike mama zirorandhraM tadabjaM mudA | tatpatrasthitadaivataM kulavatI mAtRsthalaM pAhikam || 32-30 || bhAlodrdhve dhavalA kalArasakalA kAlAgnijAlojjvalA | pheruprANaniketane gurutarA gurvI sugurvI surA || 32-31 || hAlollAsasamodayA yatinayA mAyA jagattAriNI | nidrAmaithunanAzinI mama harA mohApahA pAtukam || 32-32 || bhAlaM nIlatanusthitA matimatAmarthapirayA maithilI | bhAlAnandakarA mahApirayajanA padmAnanA komalA || 32-33 || nAnAraGgasupIThadezavasanA siddhAsanA ghoSaNA | trANasthAvararUpiNI kalihanI zrIkuNDalI pAtukam || 32-34 || bhrUmadhyaM bagalAmukhI zazimukhI vidyAmukhI sammukhI | nAgAkhyA nagavAhinI mahiSahA paJcAnanasthAyinI || 32-35 || pArAvAra vihArahetusapharI setuprakArA parA | kAzIvAsinamIzvaraM pratidinaM zrIkuNDalI pAtukam || 32-36 || yA kuNDodbhavasArapAnaniratA mohAdidoSApahA | sA netratrayamambikA suvalikA zrIkAlikA kaulikA || 32-37 || kAkasthA dvikacaJcupAraNakarI saMjJAkarI sundarI | me pAtu pirayayA tayA vizadayA sacchAyayA chAditA || 32-38 || zrIkuNDe raNacaNDikA suratikA kaGkAlikA bAlikA | sAkAzA parivajItA sugatikA jJAnomIkA cotsukA || 32-39 || saukAsUkSmasukhapirayA guNanikA dIkSA ca sUkSmAkhyakA | mAmandyaM mama kandavAsini zive santrAhi santrAhikam || 32-40 || etatstotraM paThitvA tribhuvanapavanaM pAvanaM laukikAnAm | rAjA syAt kilviSAgniH kratupatiriha yaH kSemadaM yoginAM vA || 32-41 || sarvezaH sarvakartA bhavati nijagRhe yogayogAGgavaktA | zAktaH zaivaH sa ekaH paramapuruSago nirmalAtmA mahAtmA || 32-42 || praNavena puTitaM kRtvA yaH stauti niyataH zuciH | sa bhavet kuNDalIputro bhUtale nAtra saMzayaH || 32-43 || iti zrIrudrayAmale uttaratantre mahAtantroddIpane mUlacakrasArasaGkete bhairavabhairavIsaMvAde kandavAsinIstotraM nAma dvAtriMzaH paTalaH || 32 || atha trayastriMzaH paTalaH zrI AnandabhairavI uvAca atha vakSye mahAdeva kuNDalIkavacaM zubham | paramAnandadaM siddhaM siddhavRndaniSevitam || 33-1 || yatkRtvA yoginaH sarvaM dharmAdharmapradarzakAH | jJAnino mAnino dharmA vicaranti yathAmarAH || 33-2 || siddhayo'pyaNimAdyAzca karasthAH sarvadevatAH | etat kavacapAThena devendro yogirAD bhavet || 33-3 || RSayo yoginaH sarve jaTilAH kulabhairavAH | prAtaHkAle trivAraM ca madhyAhne vArayugmakam || 33-4 || sAyAhne vAramekaM tu paThet kavacameva ca | paThedevaM mahAyogI kuNDalIdarzanaM bhavet || 33-5 || kulakuNDalIkavacasya brahmendra RSirgAyatrI chandaH, kulakuNDalI devatA sarvAbhISTasiddhyarthe viniyogaH || oM IzvarI jagatAM dhAtrI lalitA sundarI parA | kuNDalI kularUpA ca pAtu mAM kulacaNDikA || 33-6 || ziro me lalitA devI pAtUgrAkhyA kapolakam | brahmamantreNa puTitA bhrUmadhyaM pAtu me sadA || 33-7 || netratrayaM mahAkAlI kAlAgnibhakSikA zikhAm | dantAvalIM vizAlAkSI oSThamiSTAnuvAsinI || 33-8 || kAmabIjAtmikA vidyA adharaM pAtu me sadA | lRyugasthA gaNDayugmaM mAyA vizvA rasapirayA || 33-9 || bhuvanezI karNayugmaM cibukaM krodhakAlikA | kapilA me galaM pAtu sarvabIjasvarUpiNI || 33-10 || mAtRkAvarNapuTitA kuNDalI kaNThameva ca | hRdayaM kAlapRthvI ca kaGkAlI pAtu me mukham || 33-11 || bhujayugmaM caturvargA caNDadodrdaNDakhaNDinI | skandhayugmaM skandamAtA hAlAhalagatA mama || 33-12 || aGgulyagraM kulAnandA zrIvidyA nakhamaNDalam | kAlikA bhuvanezAnI pRSThadezaM sadAvatu || 33-13 || pArzvayugmaM mahAvIrA vIrAsanadharAbhayA | pAtu mAM kuladarbhasthA nAbhimudaramambikA || 33-14 || kaTidezaM pIThasaMsthA mahAmahiSaghAtinI | liGgasthAnaM mahAmudrA bhagaM mAlAmanupirayA || 33-15 || bhagIrathapirayA dhUmrA mUlAdhAraM gaNezvarI | caturdalaM kakSyapUjyA dalAgraM me vasundharA || 33-16 || zIrSaM rAdhA raNAkhyA ca brahmANI pAtu me mukham | medinI pAtu kamalA vAgdevI pUrvagaM dalam || 33-17 || chedinI dakSiNe pAtu pAtu caNDA mahAtapA | candraghaNTA sadA pAtu yoginI vAruNaM dalam || 33-18 || uttarasthaM dalaM pAtu pRthivImindrapAlitA | catuSkoNaM kAmavidyA brahmavidyAbjakoNakam || 33-19 || aSTazUlaM sadA pAtu sarvavAhanavAhanA caturbhujA sadA pAtu DAkinI kulacaJcalA || 33-20 || meDhrsthA madanAdhArA pAtu me cArupaGkajam | svayambhUliGga cArvAkA koTarAkSI mamAsanam || 33-21 || kadambavanamApAtu kadambavanavAsinI | vaiSNavI paramA mAyA pAtu me vaiSNavaM padam || 33-22 || SaDdalaM rAkiNI pAtu rAkiNI kAmavAsinI | kAmezvarI kAmarUpA zrIkRSNaM pItavAsasam || 33-23 || vanamAlAM vanadurgA zaGkhaM me zaGkhinI zivA | cakraM cakrezvarI pAtu kamalAkSI gadAM mama || 33-24 || padmaM me padmagandhA ca padmamAlA manoharA | rAdilAntAkSaraM pAtu lAkinI lokapAlinI || 33-25 || SaDdale sthitadevAMzca pAtu kailAsavAsinI | agnivarNA sadA pAtu gaNaM me paramezvarI || 33-26 || maNipUraM sadA pAtu maNimAlAvibhUSaNA | dazapatraM dazavarNaM DAdiphAntaM trivikramA || 33-27 || pAtu nIlA mahAkAlI bhadrA bhImA sarasvatI | ayodhyAvAsinI devI mahApIThanivAsinI || 33-28 || vAgbhavAdyA mahAvidyA kuNDalI kAlakuNDalI | dazacchadagataM pAtu rudraM rudrAtmakaM mama || 33-29 || sUkSmAt sUkSmatarA pAtu sUkSmasthAnanivAsinI | rAkiNI lokajananI pAtu kUTAkSarasthitA || 33-30 || taijasaM pAtu niyataM rajakI rAjapUjitA | vijayA kulabIjasthA tavargaM timirApahA || 33-31 || mantrAtmikA maNigranthiM bhedinI pAtu sarvadA | garbhadAtA bhRgusutA pAtu mAM nAbhivAsinI || 33-32 || nandinI pAtu sakalaM kuNDalI kAlakampitA | hRtpadmaM pAtu kAlAkhyA dhUmravarNA manoharA || 33-33 || daladvAdazavarNaM ca bhAskarI bhAvasiddhidA | pAtu me paramA vidyA kavargaM kAmacAriNI || 33-34 || cavargaM cAruvasanA vyAghrAsyA TaGkadhAriNI | cakAraM pAtu kRSNAkhyA kAkinIM pAtu kAlikA || 33-35 || TakurAGgI TakAraM me jIvabhAvA mahodayA | IzvarI pAtu vimalA mama hRtpadmavAsinI || 33-36 || kaNIkAM kAlasandarbhA yoginI yogamAtaram | indrANI vAruNI pAtu kulamAlA kulAntaram || 33-37 || tAriNI zaktimAtA ca kaNThavAkyaM sadAvatu | vipracittA mahogrogrA prabhA dIptA ghanAsanA || 33-38 || vAkstambhinI vajradehA vaidehI vRSavAhinI | unmattAnandacittA ca kSaNozIzA bhagAntarA || 33-39 || mama SoDazapatrANi pAtu mAtRtanusthitA | surAn rakSatu vedajJA sarvabhASA ca kaNIkAm || 33-40 || IzvarArddhAsanagatA prapAyAnme sadAzivam | zAkambharI mahAmAyA sAkinI pAtu sarvadA || 33-41 || bhavAnI bhavamAtA ca pAyAd bhrUmadhyapaGkajam | dvidalaM vratakAmAkhyA aSTAGgasiddhidAyinI || 33-42 || pAtu nAsAmakhilAnandA manorUpA jagatpirayA | lakAraM lakSaNAkrAntA sarvalakSaNalakSaNA || 33-43 || kRSNAjinadharA devI kSakAraM pAtu sarvadA | dvidalasthaM sarvadevaM sadA pAtu varAnanA || 33-44 || bahurUpA vizvarUpA hAkinI pAtu saMsthitA | harAparazivaM pAtu mAnasaM pAtu paJcamI || 33-45 || SaTcakrasthA sadA pAtu SaTcakrakulavAsinI | akArAdikSakArAntA bindusargasamanvitA || 33-46 || mAtRkArNA sadA pAtu kuNDalI jJAnakuNDalI | devakAlI gatipremA pUrNA giritaTaM zivA || 33-47 || uDDIyAnezvarI devI sakalaM pAtu sarvadA | kailAsaparvataM pAtu kailAsagirivAsinI48 || pAtu me DAkinIzaktirlAkinI rAkiNI kalA | sAkinI hAkinI devI SaTcakrAdIn prapAtu me || 33-49 || kailAsAkhyaM sadA pAtu paJcAnana tanUdbhavA | hiraNyavarNA rajanI candrasUryAgnibhakSiNI || 33-50 || sahasradalapadmaM me sadA pAtu kulAkulA | sahasradalapadmasthA daivataM pAtu khecarI || 33-51 || kAlI tArA SoDazAkhyA mAtaGgI padmavAsinI | zazikoTigaladrUpA pAtu me sakalaM tamaH || 33-52 || vane ghore jale deze yuddhe vAde zmazAnake | sarvatra gamane jJAne sadA mAM pAtu zailajA || 33-53 || parvate vividhAyAse vinAze pAtu kuNDalI | pAdAdibrahmarandhrAntaM sarvAkAzaM surezvarI || 33-54 || sadA pAtu sarvavidyA sarvajJAnaM sadA mama | navalakSamahAvidyA dazadikSu prapAtu mAm || 33-55 || ityetat kavacaM devi kuNDalinyAH prasiddhidam | ye paThanti dhyAnayoge yogamArgavyavasthitAH || 33-56 || te yAnti muktipadavImaihike nAtra saMzayaH | mUlapadme manoyogaM kRtvA hRdAsanasthitaH || 33-57 || mantraM dhyAyet kuNDalinIM mUlapadmaprakAzinIm | dharmodayAM dayArUDhAmAkAzasthAnavAsinIm || 33-58 || amRtAnandarasikAM vikalAM sukalAM zitAm | ajitAM raktarahitAM vizaktAM raktavigrahAm || 33-59 || raktanetrAM kulakSiptAM jJAnAJjanajayojjvalAm | vizvAkArAM manorUpAM mUle dhyAtvA prapUjayet || 33-60 || yo yogI kurute evaM sa siddho nAtra saMzayaH | rogI rogAt pramucyeta baddho mucyeta bandhanAt || 33-61 || rAjyaM zriyamavApnoti rAjyahInaH paThedyadi | putrahIno labhet putraM yogahIno bhavedvazI || 33-62 || kavacaM dhArayedyastu zikhAyAM dakSiNe bhuje | vAmA vAmakare dhRtvA sarvAbhISTamavApnuyAt || 33-63 || svarNe raupye tathA tAmre sthApayitvA prapUjayet | sarvadeze sarvakAle paThitvA siddhimApnuyAt || 33-64 || sa bhUyAt kuNDalIputro nAtra kAryA vicAraNA || 33-65 || iti zrIrudrayAmale uttaratantre mahAtantroddIpane siddhividyAprakaraNe SaTcakraprakAze bhairavIbhairavasaMvAde kandavAsinIkavacaM nAma trayastrizaH paTalaH || 33 || atha catustriMzaH paTalaH AnandabhairavI uvAca atha bhedAn pravakSyAmi hitAya jagatAM prabho | nirmalAtmA zuciH zrImAn dhyAnAtmA ca sadAzivaH || 34-1 || sa mokSago jJAnarUpI sa SaTcakrArthabhedakaH | triguNajJAnavikalo na pazyati divAnizam || 34-2 || divArAtryajJAnahetorna pazyati kalevaram | iti kRtvA hi maraNaM nRNAM janmani janmani || 34-3 || tajjanmakSayahetozca mama yogaM samabhyaset | paJcasvaraM mahAyogaM kRtvA syAdamaro naraH || 34-4 || tatprakAraM zRNuSvAtha vallabha pirayadarzana | tava bhAvena kathaye na kutra vada zaGkara || 34-5 || yadi lokasya nikaTe kathyate yogasAdhanam | vighnA ghorA vasantyeva gAtre yogAdikaM katham || 34-6 || yogayogAd bhavenmokSaH tatprakAzAdvinAzanam | ato na darzayed yogaM yadIcchedAtmanaH zubham || 34-7 || kRtvA paJcAmarA yogaM pratyahaM bhaktisaMyutaH | paThet zrIkuNDalIdevIsahasranAma cASTakam || 34-8 || mahAyogI bhavennAtha SaNmAse nAtra saMzayaH | paJcame vA yogavidyA sarvavidyAprakAzinI || 34-9 || kRtvA paJcasvarA siddhiM tato'STAGgAdidhAraNA | Adau paJcasvarA siddhistato'nyA yogadhAraNA || 34-10 || tatprakAraM pravakSyAmi sAvadhAnAvadhAraya | ahaM jAnAmi saMsAre kevalaM yogapaNDitAn || 34-11 || tat sAkSiNI hyahaM nAtha bhaktAnAmudayAya ca | idAnIM kathaye te'haM mama vA yogasAdhanam || 34-12 || evaM kRtvA nityarUpI yogAnAmaSTadhA yataH | tataH kAlena puruSaH siddhimApnoti nizcitam || 34-13 || paJcAmarA vidhAnAni krameNa zRNu zaGkara | netIyogaM hi siddhAnAM mahAkaphavinAzanam || 34-14 || dantiyogaM pravakSyAmi pazcAd hRdayabhedanAt | dhautIyogaM tataH pazcAt sarvamalavinAzanAt || 34-15 || neulIyogamaparaM sarvAGgodaracAlanAt | kSAlanaM paramaM yogaM nADInAM kSAlanAt smRtam || 34-16 || etat paJcAmarAyogaM yaminAmatigocaram | yamaniyamakAle tu paJcAmarAkriyAM yajet || 34-17 || amarA sAdhanAdeva amaratvaM labhed dhruvam | etatkaraNakAle ca tathA paJcAmarAsanam || 34-18 || paJcAmarAbhakSaNena amaro yogasiddhibhAk | tAni dravyANi vakSyAmi tavAgre paramezvara || 34-19 || yena hInA na siddhyanti kalpakoTizatena ca | ekA tu amarA dUrvA tasyA granthiM samAnayet || 34-20 || anyA tu vijayA devI siddhirUpA sarasvatI | anyA tu bilvapatrasthA zivasantoSakAriNI || 34-21 || anyA tu yogasiddhyarthe nirguNDI cAmarA matA | anyA tu kAlitulasI zrIviSNoH paritoSiNI || 34-22 || etAH paJcasvarAH jJeyA yogasAdhanakarmaNi | etAsAM dviguNaM grAhyaM vijayApatramuttamam || 34-23 || brAhmaNI kSatriyA vaizyA zUdrAH sarvatra pUjitAH | etaddravyANi saGgrAhya bhakSayeccUrNamuttamam || 34-24 || taccUrNabhakSasamaye etanmantrAdipaJcamam | paThitvA bhakSaNaM kRtvA naro mucyeta saGkaTAt || 34-25 || oM tvaM dUrve'marapUjye tvaM amRtodbhavasambhave | amaraM mAM sadA bhadre kuruSva nRharipiraye || 34-26 || oM dUrvAyai namaH svAhA iti dUrvAyAH | punavIjayAmantreNa zodhayet sarvakanyakAH | oM saMvide brahmasambhUte brahmaputri sadA'naghe | bhairavANAM ca tRptyarthe pavitrA bhava sarvadA || 34-27 || oM brAhmaNyai namaH svAhA | oM siddhimUlakare devi hInabodhaprabodhini | rAjaputrIvazaGkari zUlakaNThatrizUlini || 34-28 || oM kSatriyAyai namaH svAhA | oM ajJAnendhanadIptAgni jJAnAgnijjvAlarUpiNi | AnandAdyAhutiM kRtvA samyakjJAnaM prayaccha me || 34-29 || hrIM hrIM vaizyAyai namaH svAhA | oM namasyAmi namasyAmi yogamArgapradazIni | trailokyavijaye mAtaH samAdhiphaladA bhava || 34-30 || zrIM zUdrAyai namaH svAhA | oM kAvyasiddhikarI devI bilvapatranivAsini | amaratvaM sadA dehi zivatulyaM kuruSva mAm || 34-31 || oM zivadAyai namaH svAhA | nirguNDi paramAnande yogAnAmadhidevate | sA mAM rakSatu amare bhAvasiddhiprade namaH || 34-32 || oM zokApahAyai namaH svAhA | oM viSNoH piraye mahAmAye mahAkAlanivAriNI | tulasI mAM sadA rakSa mAmekamamaraM kuru || 34-33 || oM hrIM zrIM eM klIM amarAyai namaH svAhA | punareva samAkRtya sarvAsAM zodhanaJcaret || 34-34 || oM amRte amRtodbhave'mRtavaSINi amRtamAkarSaya | AkarSaya siddhiM dehi svAhA | dhenumudrAM yonimudrAM matsyamudrAM pradarzayet | tattvamudrAkrameNaiva tarpaNaM kArayed budhaH || 34-35 || amantrakaM saptavAraM gurornAmnA zive'rpayet | saptakaJca sveSTadevyA nAmnA zuddhiM pradApayet || 34-36 || tatastarpaNamAkuryAttarpayAmi namo namaH | etadvAkyasya pUrve ca iSTamantraM samuccaret || 34-37 || paradevatAM samuddhRtya sarvAdyapraNavaM smRtam | tato mukhe prajuhuyAt kuNDalInAmapUrvakam || 34-38 || oM eM vada vada vAgvAdini mama jihvAgre sthirIbhava | sarvasattvavazaGkari zatrukaNThatrizUlini svAhA | etajjaptvA sAzramI ca vazI sAdhakasattamaH | paJcAmarA zAsanajJaH kulAcAravidhipirayaH || 34-39 || sthiracetA bhavedyogI yadi paJcAmarAgataH | netIyogavidhAnAni zRNu kailAsapUjite || 34-40 || yena sarvamastakasthakaphAnAM dahanaM bhavet | sUkSmasUtraM dRDhataraM pradadyAt nAsikAbile || 34-41 || mukharandhre samAnIya sandhAnena samAnayet | punaH punaH sadA yogI yAtAyAtena gharSayet || 34-42 || krameNa varddhanaM kuryAt sUtrasya paramezvara | netIyogena nAsAyA randhraM nirmalakaM bhavet || 34-43 || vAyorgamanakAle tu mahAsukhamiti prabho | dantIyogaM tataH pazcAtkuryAt sAdhakasattamaH || 34-44 || dantadhAvanakAle tu yogametat prakAzayet | dantadhAvanakASThaJca sArdhahastaikasambhavam || 34-45 || nAtisthUlaM nAtisUkSmaM navInaM namramuttamam | apakvaM yatnato grAhyaM mRNAlasadRzaM tarum || 34-46 || gRhItvA dantakASThaM vai yogI nityaM prabhakSayet | dantakASThAgrabhAgaJca kaniSThAGguliparvataH || 34-47 || evaM dantAvalibhyAJca carvaNaM sundaraM caret | tataH prakSAlya toyena zanaigIlanamAcaret || 34-48 || zanaiH zanaiH prakarttavyaM kAyAvAkcittazodhanam | yAvadabhinnakASThAgraM nAbhimUle tvanAkSatam || 34-49 || tAvat sUkSmataraM grAhyamavazyaM pratyahaJcaret | hRdaye jalacakraJca yAvat khaNDaM na jAyate || 34-50 || tAvatkAlaM sarvadine prabhAte dantadhAvanam | hRdaye kaphabhANDasya khaNDanaM jAyate dhruvam || 34-51 || pavanAgamane saukhyaM prayAti yoganirbharam | khecaratvaM sa labhatAm amlAnaJca kaTUdbhavam || 34-52 || miSTAnnaM zAkadadhyannaM dvivAraM rAtribhojanam | avazyaM santyajedyogI yadi yogamihecchati || 34-53 || ekabhAgaM mudgabIjaM dvibhAgaM taNDulaM matam | uttamaM pAkamAkRtya ghRtadugdhena bhakSayet || 34-54 || athavA kevalaM dugdhaM tarpaNaM kArayed budhaH | kuNDalIM kularUpAJca dugdhena paritarpayet || 34-55 || kuNDalItarpaNaM yogI yadi jAnAti zaGkara | anAyAsena yogI syAt sa jJAnIndro bhaveddhruvam || 34-56 || yamaniyamaparo yaH kuNDalIsevanastho vibhavavirahito vA bhUribhArAzrito vA | sa bhavati parayogI sarvavidyArthavedyo | guNagaNagaganastho muktarUpI gaNezaH || 34-57 || iti zrIrudrayAmale uttaratantre mahAtantroddIpane SaTcakraprakAze bhairavabhairavIsaMvAde paJcAmarAsAdhanaM nAma catustrizaH paTalaH || 34 || atha paJcatriMzaH paTalaH AnandabhairavI uvAca atha vakSye mahAkAla rahasyaM cAtidurlabham | yasya vijJAnamAtreNa naro brahmapadaM labhet || 35-1 || AkAze tasya rAjyaJca khecarezo bhaved dhruvam | dhanezo bhavati kSipraM brahmajJAnI bhavennaraH || 35-2 || yogAnAmadhipo rAjA vIrabhadro yathAkaviH | viriJcigaNanAthasya kRpA bhavati sarvadA || 35-3 || yaH karoti paJcayogaM sa syAdamaravigrahaH | dhautIyogaM pravakSyAmi yatkRtvA nirmalo bhavet || 35-4 || atyantaguhyaM yogaM ca samAdhikaraNaM nRNAm | yadi na kurute yogaM tadA maraNamApnuyAt || 35-5 || dhautIyogaM vinA nAtha kaH siddhyati mahItale | sUkSmAtsUkSmataraM vastraM dvAtriMzaddhastamAnataH || 35-6 || ekahastakrameNaiva yaH karoti zanaiH zanaiH | yAvad dvAtriMzaddhastaJca tAvatkAlaM kriyAJcaret || 35-7 || etatkriyA prayogeNa yogI bhavati tatkSaNAt | krameNa mantrasiddhiH syAt kAlajAlavazaM nayet || 35-8 || etanmadhye cAsanAni zarIrasthAni cAcaret | dRDhAsane yogasiddhiriti tantrArthanirNayaH || 35-9 || siddhe manau parAvAptiH paJcayogAsanena ca | pArzve cASTAGgulaM vastraM dIrghe dvAtriMzadIzvara || 35-10 || etat sUkSmaM suvasanaM gRhItvA kArayed yatiH | jitendriyaH sadA kuryAd jJAnadhyAnaniSevaNaH || 35-11 || kulInaH paNDito mAnI vivekI susthirAzayaH | dhautIyogaM sadA kuryAttadaiva zucigo bhavet || 35-12 || anAcAreNa hAniH syAdindriyANAM balena ca | mahApAtakamukhyAnAM saGgadoSeNa hAnayaH || 35-13 || sambhavanti mahAdeva kAlayogaM sukarma ca | vRddho vA yauvanastho vA bAlo vA jaDa eva ca || 35-14 || karaNAddIrghajIvI syAdamaro lokavallabhaH | mantrasiddhiraSTasiddhiH sa siddhInAmadhIzvaraH || 35-15 || zanaiH zanaiH sadA kuryAt kAladoSavinAzanAt | hRdayagranthibhedena sarvAvayavavardhanam || 35-16 || tadA mahAbalo jJAnI cAruvarNo mahAzayaH | dhautIyogodbhavaM kAmaM mahAmaraNakAraNam || 35-17 || tasya tyAgaM yaH karoti sa naro devavikramaH | zvAsaM tyaktvA stambhanaJca mano dadyAnmahAnile || 35-18 || zvAsAdInAJca gaNanamavazyaM bhAvayed gRhe | prANAyAmavidhAnena sarvakAlaM sukhI bhavet || 35-19 || vAyupAnaM sadA kuryAt dhyAnaM kuryAtsadaiva hi | pratyAhAraM sadA kuryAt manonivezanaM sadA || 35-20 || mAnasAdiprajApyaJca sadA kuryAnmanolayam | dhautIyogAntaraM hi neulIGkarma cAcaret || 35-21 || neulIyogamAtreNa Asane neulopamaH | neulIsAdhanAdeva cirajIvI nirAmayaH || 35-22 || antarAtmA sadA maunI nirmalAtmA sadA sukhI | sarvadA samayAnandaH kAraNAnandavigrahaH || 35-23 || yogAbhyAsaM sadA kuryAt kuNDalI sAdhanAdikam | kRtvA mantrI khecaratvaM prApnoti nAtra saMzayaH || 35-24 || tatprakAraM pravakSyAmi sAvadhAnAvadhAraya | bhuktvA mudgAnnapakvaJca bAraikaM pratipAlayet || 35-25 || prapAlayetsodaraJca kaTinAsAvivajItaH | punaH punazcAlanaJca kuryAt svodaramadhyakam || 35-26 || kulAlacakravat kuryAt bhrAmaNaJcodarasya ca | sarvAGgacAlanAdeva kuNDalIcAlanaM bhavet || 35-27 || cAlanAt kuNDalIdevyAzcaitanyA sA bhavet prabho | etasyAnantaraM nAtha kSAlanaM parikItItam || 35-28 || nADInAM kSAlanAdeva sarvavidyAnidhirbhavet | sarvatra jayamApnoti kAlikAdarzanaM bhavet || 35-29 || vAyusiddhirbhavettasya paJcabhUtasya siddhibhAk | tasya kItIstribhuvane kAmadevabalopamaH || 35-30 || sarvatragAmI sa bhavedindriyANAM patirbhavet | muNDAsanaM hi sarvatra sarvadA kArayed budhaH || 35-31 || Udrdhve muNDAsanaM kRtvA adhohaste japaM caret | yadi tridinamAkartuM samartho muNDikAsanam || 35-32 || tadA hi sarvanADyazca vazIbhUtA na saMzayaH | nADIkSAlanayogena mokSadAtA svaya bhavet || 35-33 || nADIyogena sarvArthasiddhiH syAnmuNDikAsanAt | muNDAsana yaH karoti neUli--siddhigo yadi || 35-34 || neUlIsAdhanagato neUlIsAdhanottamaH | tadA kSAlanayogena siddhimApnoti sAdhakaH || 35-35 || neUlIM yo na jAnAti sa kathaM karttumuttamaH | sa dhIro mAnasacaro matimAn sa jitendriyaH || 35-36 || yo neUlI yogasAraM karttumuttamapAragaH | sa cAvazya kSAlanaJca kuryAt nADyAdizodhanAt || 35-37 || neUlIyogamArgeNa nADIkSAlanapAragaH | bhavatyeva mahAkAla rAjarAjezvaro yathA || 35-38 || pRthivIpAlanarato vigrahaste prapAlanam | kevalaM prANavAyozca dhAraNAt kSAlanaM bhavet || 35-39 || vinA kSAlanayogena dehazuddhirnajAyate | kSAlanaM nADikAdInAM kaphapittamalAdikam || 35-40 || karoti yatnato yogI muNDAsananiSevaNAt | vAyugrahaNamevaM hi neUlIvazakAlake || 35-41 || na kuryAt kevalaM nAtha anyakAle sadA caret | yAvanneUlIM na jAnAti tAvat vAyuM na saMpibet || 35-42 || bahutaraM na saGagrAhyaM vAyorAgamanAdikam | kevalaM zvAsagaNanaM yAvanneUlI na siddhyati || 35-43 || paJcasvarA prakathitA yoginI siddhidAyikA | paJcasvarasAdhanAdeva paJcavAyurvazo bhavet || 35-44 || pratApe sUryatulyaH syAt zokadoSApahArakaH | sarvayogasthirataraM saMprApya yogirAD bhavet || 35-45 || iti zrIrudrayAmale uttaratantre mahAtantroddIpane SaTcakraprakAze bhairavabhairavI saMvAde paJcasvarayogasAdhanaM nAma paJcatriMzaH paTalaH || 35 || atha SaDastriMzaH paTalaH zrIAnandabhairavI uvAca atha kAnta pravakSyAmi kuNDalIcetanAdikam | sahasranAmasakalaM kuNDalinyAH priyaM sukham || 36-1 || aSTottaraM mahApuNyaM sAkSAt siddhipradAyakam | tava premavazenaiva kathayAmi zRNuSva tat || 36-2 || vinA yajanayogena vinA dhyAnena yatphalam | tatphalaM labhate sadyo vidyAyAH sukRpA bhavet || 36-3 || yA vidyA bhuvanezAnI trailokyaparipUjitA | sA devI kuNDalI mAtA trailokyaM pAti sarvadA || 36-4 || tasyA nAma sahasrANi aSTottarazatAni ca | zravaNAtpaThanAnmantrI mahAbhakto bhavediha || 36-5 || ehike sa bhavennAtha jIvanmukto mahAbalI || 36-6 || asya zrImanmahAkuNDalIsASTottarasahasranAmastotrasya brahmaSIrjagatIcchando bhagavatI zrImanmahAkuNDalIdevatA sarvayogasamRddhisiddhyarthe viniyogaH || kulezvarI kulAnandA kulInA kulakuNDalI | zrImanmahAkuNDalI ca kulakanyA kulapriyA || 36-7 || kulakSetrasthitA kaulI kulInArthaprakAzinI | kulAkhyA kulamArgasthA kulazAstrArthapAtinI || 36-8 || kulajJA kulayogyA ca kulapuSpaprakAzinI kulInA ca kulAdhyakzA kulacandanalepitA || 36-9 || kularUpA kulodbhUtA kulakuNDalivAsinI | kulAbhinnA kulotpannA kulAcAravinodinI || 36-10 || kulavRkzasamudbhUtA kulamAlA kulaprabhA | kulajJA kulamadhyasthA kulakaGkaNazobhitA || 36-11 || kulottarA kaulapUjA kulAlApA kulakriyA | kulabhedA kulaprANA kuladevI kulastutiH || 36-12 || kaulikA kAlikA kAlyA kalibhinnA kalAkalA | kalikalmaSahantrI ca kalidoSavinAzinI || 36-13 || kaGkAlI kevalAnandA kAlajJA kAladhAriNI | kautukI kaumudI kekA kAkA kAkalayAntarA || 36-14 || komalAGgI karAlAsyA kandapUjyA ca komalA | kaizorI kAkapucchasthA kambalAsanavAsinI || 36-15 || kaikeyIpUjitA kolA kolaputrI kapidhvajA | kamalA kamalAkzI ca kambalAzvatarapriyA || 36-16 || kalikAbhaGgadoSasthA kAlajJA kAlakuNDalI | kAvyadA kavitA vANI kAlasandarbhabhedinI || 36-17 || kumArI karuNAkArA kurusainyavinAzinI | kAntA kulagatA kAmA kAminI kAmanAzinI || 36-18 || kAmodbhavA kAmakanyA kevalA kAlaghAtinI | kailAsazikharArUDhA kailAsapatisevitA || 36-19 || kailAsanAthanamitA keyUrahAramaNDitA | kandarpA kaThinAnandA kulagA kIcakRtyahA || 36-20 || kamalAsyA kaThorA ca kITarUpA kaTisthitA | kandezvarI kandarUpA kolikA kandavAsinI || 36-21 || kUTasthA kUTabhakzA ca kAlakUTavinAzinI | kAmAkhyA kamalA kAmyA kAmarAjatanUdbhavA || 36-22 || kAmarUpadharA kamrA kamanIyA kavipriyA | kaJjAnanA kaJjahastA kaJjapatrAyatekzaNA || 36-23 || kAkinI kAmarUpasthA kAmarUpaprakAzinI | kolAvidhvaMsinI kaGkA kalaGkArkakalaGkinI || 36-24 || mahAkulanadI karNA karNakANDavimohinI | kANDasthA kANDakaruNA karmakasthA kuTumbinI || 36-25 || kamalAbhA bhavA kallA karuNA karuNAmayI | karuNezI karAkartrI kartRhastA kalodayA || 36-26 || kAruNyasAgarodbhUtA kAruNyasindhuvAsinI | kAttIkezI kAttIkasthA kAttIkaprANapAlanI || 36-27 || karuNAnidhipUjyA ca karaNIyA kriyA kalA | kalpasthA kalpanilayA kalpAtItA ca kalpitA || 36-28 || kulayA kulavijJAnA kaSINI kAlarAtrikA | kaivalyadA kokarasthA kalamaJjIraraJjanI || 36-29 || kalayantI kAlajihvA kiGkarAsanakAriNI | kumudA kuzalAnandA kauzalyAkAzavAsinI || 36-30 || kasApahAsahantrI ca kaivalyaguNasambhavA | ekAkinI arkarUpA kuvalA karkaTasthitA || 36-31 || karkoTakA koSTharUpA kUTavahnikarasthitA | kUjantI madhuradhvAnaM kAmayantI sulakzaNam || 36-32 || ketakI kusumAnandA ketakIpuNyamaNDitA | karpUrapUrarucirA karpUrabhakzaNapriyA || 36-33 || kapAlapAtrahastA ca kapAlacandradhAriNI | kAmadhenusvarUpA ca kAmadhenuH kriyAnvitA || 36-34 || kazyapI kAzyapA kuntI kezAntA kezamohinI | kAlakartrI kUpakartrI kulapA kAmacAriNI || 36-35 || kuGkumAbhA kajjalasthA kamitA kopaghAtinI | kelisthA kelikalitA kopanA karpaTasthitA || 36-36 || kalAtItA kAlavidyA kAlAtmapuruSodbhavA | kaSTasthA kaSTakuSThasthA kuSThahA kaSTahA kuzA || 36-37 || kAlikA sphuTakartrI ca kAmbojA kAmalA kulA | kuzalAkhyA kAkakuSThA karmasthA kUrmamadhyagA || 36-38 || kuNDalAkAracakrasthA kuNDagolodbhavA kaphA | kapitthAgravasAkAzA kapittharodhakAriNI || 36-39 || kAhoDa. kAhaDa. kADa. kaGkalA bhASakAriNI | kanakA kanakAbhA ca kanakAdrinivAsinI || 36-40 || kArpAsayajJasUtrasthA kUTabrahmArthasAdhinI | kalaJjabhakziNI krUrA krodhapuJjA kapisthitA || 36-41 || kapAlI sAdhanaratA kaniSThAkAzavAsinI | kuJjarezI kuJjarasthA kuJjarA kuJjarAgatiH || 36-42 || kuJjasthA kuJjaramaNI kuJjamandiravAsinI | kupitA kopazUnyA ca kopAkopavivajItA || 36-43 || kapiJjalasthA kApiJjA kapiJjalatarUdbhavA kuntIpremakathAviSTA kuntImAnasapUjitA || 36-44 || kuntalA kuntahastA ca kulakuntalalohinI | kAntAGghrasevikA kAntakuzalA kozalAvatI || 36-45 || kezihantrI kakutsthA ca kakutsthavanavAsinI | kailAsazikharAnandA kailAsagiripUjitA || 36-46 || kIlAlanirmalAkArA(?) kIlAlamugdhakAriNI | kutunA kuTTahI kuTThA kUTanA modakAriNI || 36-47 || krauGkArI krauGkarI kAzI kuhuzabdasthA kirAtinI | kUjantI sarvavacanaM kArayantI kRtAkRtam || 36-48 || kRpAnidhisvarUpA ca kRpAsAgaravAsinI | kevalAnandaniratA kevalAnandakAriNI || 36-49 || kRmilA kRmidoSaghnI kRpA kapaTakuTTitA | kRzAGgI kramabhaGgasthA kiGkarasthA kaTasthitA || 36-50 || kAmarUpA kAntaratA kAmarUpasya siddhidA | kAmarUpapIThadevI kAmarUpAGkujA kujA || 36-51 || kAmarUpA kAmavidyA kAmarUpAdikAlikA | kAmarUpakalA kAmyA kAmarUpakulezvarI || 36-52 || kAmarUpajanAnandA kAmarUpakuzAgradhIH | kAmarUpakarAkAzA kAmarUpatarusthitA || 36-53 || kAmAtmajA kAmakalA kAmarUpavihAriNI | kAmazAstrArthamadhyasthA kAmarUpakriyAkalA || 36-54 || kAmarUpamahAkAlI kAmarUpayazomayI | kAmarUpaparamAnandA kAmarUpAdikAminI || 36-55 || kUlamUlA kAmarUpapadmamadhyanivAsinI | kRtAJjalipriyA kRtyA kRtyAdevIsthitA kaTA || 36-56 || kaTakA kATakA koTikaTighaNTavinodinI | kaTisthUlatarA kASThA kAtyAyanasusiddhidA || 36-57 || kAtyAyanI kAcalasthA kAmacandrAnanA kathA | kAzmIradezaniratA kAzmIrI kRSikarmajA || 36-58 || kRSikarmasthitA kaurmA kUrmapRSThanivAsinI | kAlaghaNTA nAdaratA kalamaJjIramohinI || 36-59 || kalayantI zatruvargAn krodhayantI guNAguNam kAmayantI sarvakAmaM kAzayantI jagattrayam || 36-60 || kaulakanyA kAlakanyA kaulakAlakulezvarI kaulamandirasaMsthA ca kuladharmaviDambinI || 36-61 || kuladharmaratAkArA kuladharmavinAzinI | kuladharmapaNDitA ca kuladharmasamRddhidA || 36-62 || kaulabhogamokzadA ca kaulabhogendrayoginI | kaulakarmA navakulA zvetacampakamAlinI || 36-63 || kulapuSpamAlyAkAntA kulapuSpabhavodbhavA | kaulakolAhalakarA kaulakarmapriyA parA || 36-64 || kAzIsthitA kAzakanyA kAzI cakzuHpriyA kuthA kASThAsanapriyA kAkA kAkapakzakapAlikA || 36-65 || kapAlarasabhojyA ca kapAlanavamAlinI | kapAlasthA ca kApAlI kapAlasiddhidAyinI || 36-66 || kapAlA kulakartrI ca kapAlazikharasthitA | kathanA kRpaNazrIdA kRpI kRpaNasevitA || 36-67 || karmahantrI karmagatA karmAkarmavivajItA | karmasiddhiratA kAmI karmajJAnanivAsinI || 36-68 || karmadharmasuzIlA ca karmadharmavazaGkarI | kanakAbjasunirmANamahAsiMhAsanasthitA || 36-69 || kanakagranthimAlyADhyA kanakagranthibhedinI | kanakodbhavakanyA ca kanakAmbhojavAsinI || 36-70 || kAlakUTAdikUTasthA kiTizabdAntarasthitA | kaGkapakzinAdamukhA kAmadhenUdbhavA kalA || 36-71 || kaGkaNAbhA dharA karddA karddamA karddamasthitA | karddamasthajalAcchannA karddamasthajanapriyA || 36-72 || kamaThasthA kArmukasthA kamrasthA kaMsanAzinI | kaMsapriyA kaMsahantrI kaMsAjJAnakarAlinI || 36-73 || kAJcanAbhA kAJcanadA kAmadA kramadA kadA | kAntabhinnA kAntacintA kamalAsanavAsinI || 36-74 || kamalAsanasiddhisthA kamalAsanadevatA | kutsitA kutsitaratA kutsA zApavivajItA || 36-75 || kuputrarakzikA kullA kuputramAnasApahA | kujarakzakarI kaujI kubjAkhyA kubjavigrahA || 36-76 || kunakhI kUpadIkzusthA kukarI kudhanI kudA | kupriyA kokilAnandA kokilA kAmadAyinI || 36-77 || kukAminA kubuddhisthA kUrpavAhana mohinI | kulakA kulalokasthA kuzAsanasusiddhidA || 36-78 || kauzikI devatA kasyA kannAdanAdasupriyA | kusauSThavA kumitrasthA kumitrazatrughAtinI || 36-79 || kujJAnanikarA kusthA kujisthA karjadAyinI | kakarjA karjjakariNI karjavaddhavimohinI || 36-80 || karjazodhanakartrI ca kAlAstradhAriNI sadA | kugatiH kAlasugatiH kalibuddhivinAzinI || 36-81 || kalikAlaphalotpannA kalipAvanakAriNI | kalipApaharA kAlI kalisiddhisusUkSmadA || 36-82 || kAlidAsavAkyagatA kAlidAsasusiddhidA | kalizikzA kAlazikzA kandazikzAparAyaNA || 36-83 || kamanIyabhAvaratA kamanIyasubhaktidA | karakAjanarUpA ca kakzAvAdakarA. karA || 36-84 || kaJcuvarNA kAkavarNA kroSTurUpA kaSAmalA | kroSTrnAdaratA kItA kAtarA kAtarapriyA || 36-85 || kAtarasthA kAtarAjJA kAtarAnandakAriNI | kAzamarddatarUdbhUtA kAzamarddavibhakziNI || 36-86 || kaSTahAniH kaSTadAtrI kaSTalokaviraktidA | kAyAgatA kAyasiddhiH kAyAnandaprakAzinI || 36-87 || kAyagandhaharA kumbhA kAyakumbhA kaThoriNI | kaThoratarusaMsthA ca kaThoralokanAzinI || 36-88 || kumArgasthApitA kuprA kArpAsatarusambhavA | kArpAsavRkzasUtrasthA kuvargasthA karottarA || 36-89 || karNATakarNasambhUtA kArNATI karNapUjitA | karNAstrarakzikA karNA karNahA karNakuNDalA || 36-90 || kuntalAdezanamitA kuTumbA kumbhakArikA | karNAsarAsanA kRSTA kRSNahastAmbujAjItA || 36-91 || kRSNAGgI kRSNadehasthA kudezasthA kumaGgalA | krUrakarmasthitA korA kirAta kulakAminI || 36-92 || kAlavAripriyA kAmA kAvyavAkyapriyA krudhA | kaJjalatA kaumudI ca kujyotsnA kalanapriyA || 36-93 || kalanA sarvabhUtAnAM kapitthavanavAsinI | kaTunimbasthitA kAkhyA kavargAkhyA kavagIkA || 36-94 || kirAtacchedinI kAryA kAryAkAryavivajItA | kAtyAyanAdikalpasthA kAtyAyanasukhodayA || 36-95 || kukSetrasthA kulAvighnA karaNAdipravezinI | kAGkAlI kiGkalA kAlA kilitA sarvakAminI || 36-96 || kIlitApekzitA kUTA kUTakuGkumacacItA | kuGkumAgandhanilayA kuTumbabhavanasthitA || 36-97 || kukRpA karaNAnandA kavitArasamohinI | kAvyazAstrAnandaratA kAvyapUjyA kavIzvarI || 36-98 || kaTakAdihastirathahayadundubhizabdinI | kitavA krUradhUrtasthA kekAzabdanivAsinI || 36-99 || keM kevalAmbitA ketA ketakIpuSpamohinI | kaiM kaivalyaguNodvAsyA kaivalyadhanadAyinI || 36-100 || karI dhanIndrajananI kAkzatAkzakalaGkinI | kuDuvAntA kAntizAntA kAMkzA pAramahaMsyagA || 36-101 || kartrI cittA kAntavittA kRSaNA kRSibhojinI | kuGkumAzaktahRdayA keyUrahAramAlinI || 36-102 || kIzvarI kezavA kumbhA kaizorajanapUjitA | kalikAmadhyaniratA kokilasvaragAminI || 36-103 || kuradehaharA kumbA kuDumbA kurabhedinI | kuNDalIzvarasaMvAdA kuNDalIzvaramadhyagA || 36-104 || kAlasUkSmA kAlayajJA kAlahArakarI kahA | kahalasthA kalahasthA kalahA kalahAGkarI || 36-105 || kuraGgI zrIkuraGgasthA koraGgI kuNDalApahA | kukalaGkI kRSNabuddhiH kRSNA dhyAnanivAsinI || 36-106 || kutavA kASThavalatA kRtArthakaraNI kusI | kalanakasthA kasvarasthA kalikA doSabhaGgajA || 36-107 || kusumAkArakamalA kusumasragvibhUSaNA | kiJjalkA kaitavArkazA kamanIyajalodayA || 36-108 || kakArakUTasarvAGgI kakArAmbaramAlinI | kAlabhedakarA kATA karpavAsA kakutsthalA || 36-109 || kuvAsA kabarI karvA kUsavI kurupAlanI | kurupRSThA kuruzreSThA kurUNAM jJAnanAzinI || 36-110 || kutUhalaratA kAntA kuvyAptA kaSTabandhanA | kaSAyaNatarusthA ca kaSAyaNarasodbhavA || 36-111 || katividyA kuSThadAtrI kuSThizokavisarjanI | kASThAsanagatA kAryAzrayA kA zrayakaulikA || 36-112 || kAlikA kAlisantrastA kaulikadhyAnavAsinI | klRptasthA klRptajananI klRptacchannA kalidhvajA || 36-113 || kezavA kezavAnandA kezyAdidAnavApahA | kezavAGgajakanyA ca kezavAGgajamohinI || 36-114 || kizorArcanayogyA ca kizoradevadevatA | kAntazrIkaraNI kutyA kapaTA priyaghAtinI || 36-115 || kukAmajanitA kauJcA kauJcasthA kauJcavAsinI | kUpasthA kUpabuddhisthA kUpamAlA manoramA || 36-116 || kUpapuSpAzrayA kAntiH kramadAkramadAkramA | kuvikramA kukramasthA kuNDalIkuNDadevatA || 36-117 || kauNDilyanagarodbhUtA kauNDilyagotrapUjitA | kapirAjasthitA kApI kapibuddhibalodayA || 36-118 || kapidhyAnaparA mukhyA kuvyavasthA kusAkzidA | kumadhyasthA kukalpA ca kulapaGktiprakAzinI || 36-119 || kulabhramaradehasthA kulabhramaranAdinI | kulAsaGgA kulAkzI ca kulamattA kulAnilA || 36-120 || kalicinhA kAlacinhA kaNThacinhA kavIndrajA | karIndrA kamalezazrIH koTikandarpadarpahA || 36-121 || koTitejomayI koTyA koTIrapadmamAlinI | koTIramohinI koTiH koTikoTividhUdbhavA || 36-122 || koTisUryasamAnAsyA koTikAlAnalopamA | koTIrahAralalitA koTiparvatadhAriNI || 36-123 || kucayugmadharA devI kucakAmaprakAzinI | kucAnandA kucAcchannA kucakAThinyakAriNI || 36-124 || kucayugmamohanasthA kucamAyAturA kucA | kucayauvanasammohA kucamarddanasaukhyadA || 36-125 || kAcasthA kAcadehA ca kAcapUranivAsinI | kAcagrasthA kAcavarNA kIcakaprANanAzinI || 36-126 || kamalA locanapremA komalAkzI manupriyA | kamalAkzI kamalajA kamalAsyA karAlajA || 36-127 || kamalAGghiradvayA kAmyA karAkhyA karamAlinI | karapadmadharA kandA kandabuddhipradAyinI || 36-128 || kamalodbhavaputrI ca kamalA putrakAminI | kirantI kiraNAcchannA kiraNaprANavAsinI || 36-129 || kAvyapradA kAvyacittA kAvyasAraprakAzinI | kalAmbA kalpajananI kalpabhedAsanasthitA || 36-130 || kAlecchA kAlasArasthA kAlamAraNaghAtinI | kiraNakramadIpasthA karmasthA kramadIpikA || 36-131 || kAlalakSmIH kAlacaNDA kulacaNDezvarapriyA | kAkinIzaktidehasthA kitavA kintakAriNI || 36-132 || karaJcA kaJcukA krauJcA kAkacaJcupuTasthitA | kAkAkhyA kAkazabdasthA kAlAgnidahanAthIkA || 36-133 || kucakzanilayA kutrA kuputrA kraturakzikA | kanakapratibhAkArA karabandhAkRtisthitA || 36-134 || kRtirUpA kRtiprANA kRtikrodhanivAriNI | kukzirakzAkarA kukzA kukzibrahmANDadhAriNI || 36-135 || kukzidevasthitA kukziH kriyAdakzA kriyAturA | kriyAniSThA kriyAnandA kratukarmA kriyApriyA || 36-136 || kuzalAsavasaMzaktA kuzAriprANavallabhA | kuzArivRkzamadirA kAzIrAjavazodyamA || 36-137 || kAzIrAjagRhasthA ca karNabhrAtRgRhasthitA | karNAbharaNabhUSADhyA kaNThabhUSA ca kaNThikA || 36-138 || kaNThasthAnagatA kaNThA kaNThapadmanivAsinI | kaNThaprakAzakariNI kaNThamANikyamAlinI || 36-139 || kaNThapadmasiddhikarI kaNThAkAzanivAsinI kaNThapadmasAkinIsthA kaNThaSoDazapatrikA || 36-140 || kRSNAjinadharA vidyA kRSNAjinasuvAsasI | kutakasthA kukhelasthA kuNDavAlaGkRtAkRtA || 36-141 || kalagItA kAlaghajA kalabhaGgaparAyaNA | kAlIcandrA kalA kAvyA kucasthA kucalapradA || 36-142 || kucauraghAtinI kacchA kacchAdasthA kajAtanA | kaJjAchadamukhI kaJjA kaJjatuNDA kajIvalI || 36-143 || kAmarAbhArsuravAdyasthA kiyadhaMkAranAdinI | kaNAdayajJasUtrasthA kIlAlayajJasaJjJakA || 36-144 || kaTuhAsA kapATasthA kaTadhUmanivAsinI | kaTinAdaghoratarA kuTTalA pATalipriyA || 36-145 || kAmacArAbjanetrA ca kAmacodgArasaMkramA | kASThaparvatasaMdAhA kuSThAkuSTha nivAriNI || 36-146 || kahoDamantrasiddhasthA kAhalA DiNDimapriyA | kulaDiNDimavAdyasthA kAmaDAmarasiddhidA || 36-147 || kulAmaravadhyasthA kulakekAninAdinI | kojAgaraDholanAdA kAsyavIraraNasthitA || 36-148 || kAlAdikaraNacchidrA karuNAnidhivatsalA | kratuzrIdA kRtArthazrIH kAlatArA kulottarA || 36-149 || kathApUjyA kathAnandA kathanA kathanapriyA | kArthacintA kArthavidyA kAmamithyApavAdinI || 36-150 || kadambapuSpasaGkAzA kadambapuSpamAlinI | kAdambarI pAnatuSTA kAyadambhA kadodyamA || 36-151 || kuGkulepatramadhyasthA kulAdhArA dharapriyA | kuladevazarIrArdhA kuladhAmA kalAdharA || 36-152 || kAmarAgA bhUSaNADhyA kAminIraguNapriyA | kulInA nAgahastA ca kulInanAgavAhinI || 36-153 || kAmapUrasthitA kopA kapAlI bakulodbhavA | kArAgArajanApAlyA kArAgAraprapAlinI || 36-154 || kriyAzaktiH kAlapaGktiH kArNapaGktiH kaphodayA | kAmaphullAravindasthA kAmarUpaphalAphalA || 36-155 || kAyaphalA kAyapheNA kAntA nADIphalIzvarA | kamapherugatA gaurI kAyavANI kuvIragA || 36-156 || kabarImaNibandhasthA kAverItIrthasaGgamA | kAmabhItiharA kAntA kAmavAkubhramAturA || 36-157 || kavibhAvaharA bhAmA kamanIyabhayApahA | kAmagarbhadevamAtA kAmakalpalatAmarA || 36-158 || kamaThapriyamAMsAdA kamaThA markaTapriyA | kimAkArA kimAdhArA kumbhakAramanasthitA || 36-159 || kAmyayajJasthitA caNDA kAmyayajJopavItikA | kAmayAgasiddhikarI kAmamaithunayAminI || 36-160 || kAmAkhyA yamalAzasthA kAlayAmA kuyoginI | kuruyAgahatAyogyA kurumAMsavibhakziNI || 36-161 || kururaktapriyAkArI kiGkarapriyakAriNI | kartrIzvarI kAraNAtmA kavibhakzA kavipriyA || 36-162 || kavizatrupraSThalagnA kailAsopavanasthitA | kalitridhA trisiddhisthA kalitridinasiddhidA || 36-163 || kalaGkarahitA kAlI kalikalmaSakAmadA | kulapuSparaGga sUtramaNigranthisuzobhanA || 36-164 || kambojavaGgadezasthA kulavAsukirakzikA | kulazAstrakriyA zAntiH kulazAntiH kulezvarI || 36-165 || kuzalapratibhA kAzI kulaSaTcakrabhedinI | kulaSaTpadmamadhyasthA kulaSaTpadmadIpinI || 36-166 || kRSNamArjArakolasthA kRSNamArjAraSaSThikA | kulamArjArakupitA kulamArjAraSoDazI || 36-167 || kAlAntakavalotpannA kapilAntakaghAtinI | kalahAsA kAlahazrI kalahArthA kalAmalA || 36-168 || kakzapapakzarakzA ca kukSetrapakzasaMkzayA | kAkzarakzAsAkziNI ca mahAmokzapratiSThitA || 36-169 || arkakoTizatacchAyA AnvIkzikikarAcItA | kAverItIrabhUmisthA AgneyArkAstradhAriNI || 36-170 || iM kiM zrIM kAmakamalA pAtu kailAsarakSiNI | mama zrIM IM bIjarUpA pAtu kAlI zirasthalam || 36-171 || urusthalAbjaM sakalaM tamolkA pAtu kAlikA | UDumbanyarkaramaNI uSTregrA kulamAtRkA || 36-172 || kRtApekSA kRtimatI kuGkArI kiMlipisthitA | kuMdIrghasvarA klRptA ca keM kailAsakarAcIkA || 36-173 || kaizorI kaiM karI kaiM keM bIjAkhyA netrayugmakam | komA mataGgayajitA kauzalyAdi kumArikA || 36-174 || pAtu me karNayugmantu krauM krauM jIvakarAlinI | gaNDayugmaM sadA pAtu kuNDalI aGkavAsinI || 36-175 || arkakoTizatAbhAsA akSarAkSaramAlinI | AzutoSakarI hastA kuladevI niraJjanA || 36-176 || pAtu me kulapuSpADhyA pRSThadezaM sukRttamA | kumArI kAmanApUrNA pArzvadezaM sadAvatu || 36-177 || devI kAmAkhyakA devI pAtu pratyaGgirA kaTim | kaTisthadevatA pAtu liGgamUlaM sadA mama || 36-178 || guhyadezaM kAkinI me liGgAdhaH kulasiMhikA | kulanAgezvarI pAtu nitambadezamuttamam || 36-179 || kaGkAlamAlinI devI me pAtu cArumUlakam | jaMghAyugmaM sadA pAtu kItIH cakrApahAriNI || 36-180 || pAdayugmaM pAkasaMsthA pAkazAsanarakSikA | kulAlacakrabhramarA pAtu pAdAGgulIrmama || 36-181 || nakhAgrANi dazavidhA tathA hastadvayasya ca | viMzarUpA kAlanAkSA sarvadA parirakSatu || 36-182 || kulacchatrAdhArarUpA kulamaNDalagopitA | kulakuNDalinI mAtA kulapaNDitamaNDitA || 36-183 || kAkAnanI kAkatuNDI kAkAyuH prakharArkajA | kAkajvarA kAkajihvA kAkAjijJA sanasthitA || 36-184 || kapidhvajA kapikrozA kapibAlA hikasvarA | kAlakAJcI viMzatisthA sadA viMzanakhAgraham || 36-185 || pAtu devI kAlarUpA kalikAlaphalAlayA | vAte vA parvate vApi zUnyAgAre catuSpathe || 36-186 || kulendrasamayAcArA kulAcArajanapriyA | kulaparvatasaMsthA ca kulakailAsavAsinI || 36-187 || mahAdAvAnale pAtu kumArge kutsitagrahe | rAjJo'priye rAjavazye mahAzatruvinAzane || 36-188 || kalikAlamahAlakSmIH kriyAlakSmIH kulAmbarA | kalIndrakIlitA kIlA kIlAlasvargavAsinI || 36-189 || dazadikSu sadA pAtu indrAdidazalokapA | navacchinne sadA pAtu sUryAdikanavagrahA || 36-190 || pAtu mAM kulamAMsADhyA kulapadmanivAsinI | kuladravyapriyA madhyA SoDazI bhuvanezvarI || 36-191 || vidyAvAde vivAde ca mattakAle mahAbhaye | dubhIkSAdibhaye caiva vyAdhisaGkarapIDite || 36-192 || kAlIkullA kapAlI ca kAmAkhyA kAmacAriNI | sadA mAM kulasaMsarge pAtu kaule susaGgatA || 36-193 || sarvatra sarvadeze ca kularUpA sadAvatu | ityetat kathitaM nAtha mAtuH prasAdahetunA || 36-194 || aSTottarazataM nAma sahasraM kuNDalIpriyam | kulakuNDalinIdevyAH sarvamantrasusiddhaye || 36-195 || sarvadevamanUnAJca caitanyAya susiddhaye | aNimAdyaSTasiddhyarthaM sAdhakAnAM hitAya ca || 36-196 || brAhmaNAya pradAtavyaM kuladravyaparAya ca | akulIne'brAhmaNe ca na deyaH kuNDalIstavaH | pravRtte kuNDalIcakre sarve varNA dvijAtayaH || 36-197 || nivRtte bhairavIcakre sarve varNAH pRthak--pRthak | kulInAya pradAtavyaM sAdhakAya vizeSataH || 36-198 || dAnAdeva hi siddhiH syAnmamAjJAbalahetunA | mama kriyAyAM yastiSThetsa me putro na saMzayaH || 36-199 || sa AyAti mama padaM jIvanmuktaH sa vAsavaH | Asavena samAMsena kulavahnau mahAnizi || 36-200 || nAma pratyekamuccArya juhuyAt kAyasiddhaye | paJcAcArarato bhUttvA UdrdhvaretA bhavedyatiH || 36-201 || saMvatsarAnmama sthAne AyAti nAtra saMzayaH | ehike kAyasiddhiH syAt daihike sarvasiddhidaH || 36-202 || vazI bhUttvA trimArgasthAH svargabhUtalavAsinaH | asya bhRtyAH prabhavanti indrAdilokapAlakAH || 36-203 || sa eva yogI paramo yasyArthe'yaM sunizcalaH | sa eva khecaro bhakto nAradAdizukopamaH || 36-204 || yo lokaH prajapatyevaM sa zivo na ca mAnuSaH | sa samAdhigato nityo dhyAnastho yogivallabhaH || 36-205 || caturvyUhagato devaH sahasA nAtra saMzayaH | yaH pradhArayate bhaktyA kaNThe vA mastake bhuje || 36-206 || sa bhavet kAlikAputro vidyAnAthaH svayaMbhuvi | dhanezaH putravAn yogI yatIzaH sarvago bhavet || 36-207 || vAmA vAmakare dhRttvA sarvasiddhIzvaro bhavet || 36-208 || yadi paThati manuSyo mAnuSI vA mahatyA | sakaladhanajanezI putriNI jIvavatsA | kulapatiriha loke svargamokSaikahetuH sa bhavati bhavanAtho yoginIvallabhezaH || 36-209 || paThati ya iha nityaM bhaktibhAvena martyo haraNamapi karoti prANaviprANayogaH | stavanapaThanapuNyaM koTijanmAghanAza| kathitumapi na zakto'haM mahAmAMsabhakSA || 36-210 || iti zrIrudrayAmale uttaratantre mahAtantroddIpane siddhamantraprakaraNe SaTcakraprakAze bhairavIbhairavasaMvAde mahAkulakuNDalinI aSTottarasahasranAmastavakavacaM nAma SaTtriMzattamaH paTalaH || 36 || atha saptatriMzaH paTalaH Anandabhairava uvAca zrutaJca paramaM jJAnaM dharmAdharmavivecanam | sarvavedAntasAraM ca sArAtsAraM parAtparam || 37-1 || kuNDalIstavanaM zrutvA pUrNo'haM jagadIzvari | IdAnIM zrotumicchAmi svAdhiSThAnaM prakAzakam || 37-2 || yadi me sukRpAdRSTirAnandaghanasaJcaye vada zrIkuNDalIyogaM svAdhiSThAnavibhedanam || 37-3 || yena krameNa bhedaM syAttatprakAraM vinirNaya | AnandabhairavI uvAca mahAkAla mahAvIra AnandasAgarapiraya || 37-4 || yogyo'si yogamArgANAmata eva prakathyate | yena krameNa cakrasya bhedaH syAdamaro bhavet || 37-5 || amaro jitacittAriH krodhajit prabalo balI | dharmAdharmajJAnavAMzca yogI bhavati sajjanaH || 37-6 || parakAladarzI vijJaH syAt kratuzraddhAparAyaNaH | ahaGkAravihIno yaH sa yogI bhavati dhruvam || 37-7 || mahAvIrasusaGginI ca saGgadoSavivajItaH | mahAtmAparamaM brahmajJAnI bhavati yogirAT || 37-8 || vikhyAtaH sarvadeze ca kintu svAzrayavajItaH | bAlako vikramI dhanvI dhanurbANadharo'vyayaH || 37-9 || sa bhavet yogamArgezo vivekI pApavajItaH | avidyAgranthinizceSTo vivekadharmacAtakaH || 37-10 || caturo viSamajJAnavajIto yajJakRt zuciH | sa bhaved yoginIputro yogAnAmadhipo bhavet || 37-11 || yadi yogasthito mantrI vAyavIzaktinirbharaH | sa eva yogI SaNmAsAditi me tantranirNayaH || 37-12 || yo me tantrANi jAnAti sadarthajJAnajAni ca | sa eva caturo yogI mama bhakto na saMzayaH || 37-13 || yadi vAyupAnarato mantrI bhavati sAdhakaH || 37-14 || atha svAdhiSThAnaM kulavaragataM SaDdalagata| prabhAkAraM viSNoratizayapadaM kAmanilayam | mahAyogendrANAM manasi nilayaM cArukiraNa| zaraccandrajyotsnAyutamatidhanaM bhavyaviSayam || 37-15 || sadAbhAvakSetre sakalasudhiyo veda ... ... yadAmApakSeme sakalasudhiyo vedapathagAH | vicAraM kurvanti kSitigataratAH zrIprabhRtayaH | mahAviSNoH pItAmbara narapate zyAmalatanoH | ( prakAzasyAntaHpaTastha naTavarasyAtinilayam ) | viTacchAyAmadhye nivasati yathA gokulakule || 37-16 || haridhyAnaM kuryAnniravadhimahAnandarasikaH | sa evAtmA sAkSAdiha navavaraH SoDazayuvA mahAsarpAristhaM sthitikaraNagaM nAgagamana| mukhaM vaMzInAdadhvaniguNadharaM bhAvayati kaH || 37-17 || sa evAtmA nityo yatiriha dale komalakule | kulAgAre sAre sarasijayute SaDdalavare | surAnandazrIdaM divi damanakarttAramamada| sudhAkAntaM kRSNaM paramapuruSaM bhAvayati kaH || 37-18 || mahAvidyAsiddhaM kulapatimanomAnyayajita| mukundaM zrIkRSNaM rasadalagataM svAgamagata| murAriM pApAriM navayuvatihRtpadmasugata| hRSIkezaM viSNuM viSayakaraNaM bhAvayati kaH || 37-19 || sa yogendro jJAnI jayati sRkRtau kautukavatA| ramezaM zrIkRSNaM rasaviSaharaM mAnasacaram | sarasvatyA yuktaM kularasamayaM muktijaDita| bhajeccaitanyAntaM suraguruvaraM mokSamayate || 37-20 || yatIndraH sazrIkaH pracayati nijaM bhAvyaviSaya| purANaM yogIndraM harimakhilapaM kAmanilayam | mahAsUkSmaM dvAraM kulavadhurataM vAmakiraNa| vizAlAkSaM kRSNaM nijarasakule kAntamamaram || 37-21 || kRpAsAkSIjJAnaM guNagaditadehaM dAharahita| mahAzaulaM satyaM kuvalayakariM hanti maraNam | aghAvIzaM zrIzaM zazimukhikarAmbhojayajita| tamAtmAnaM kRSNaM nijakuladale yo'pi bhajati || 37-22 || mahAzabdotpannaM prakRtivikRtiM kAraNakRti| kRpAsindhuM kRSNaM kulavadhuzatAmodamilitam | jagannAthaM stauti kSitipativazAyopakaraNa| virATaM brahmANDaM karaNagamahAviSNumaraNam || 37-23 || vinodaM vyAkartuM tribhuvanapatiH zrIpatiraho | pracaNDe saMsAre udayati sadAbhAvasadane | mahAmeghazyAmastriphalakaruNAsAgarakule | amUlye saJcAre viSayarasanAsaJcaya viSam || 37-24 || sa kRSNaH zrI viSNuH prakRtigadayA hanti satata| ataH kRSNo dhyeyaH suranaragaNaiH paJcasumukhaiH | kulAmbhoje SaTke manarasadale dhyAnaphalitaH | kirAtI rAkiNyA nayana kamalApAnamadhuram || 37-25 || dharAdhAraM pUrNaM gagananilayaM kAlapuruSa| manogamyaM ramyaM nava nayanalAvaNyarasikam | sadA dhyAyet kRSNaM kurugaNaripuM yaH kulapatiH | nirAlambaH zyAmaH prakRtiyamunAtIratarugaH || 37-26 || kulInA gopIbhiH parimilitapArzvasthalasukhaH | pradhAnaH kSetrajJaH kSitipatikarAmbhojayajitaH | prakAzAtmA nAthaH pracayakaruNo dhyeya irayA | manodharmaM cchatraM trividhaguNagAnAzritakaram || 37-27 || trikANDasthaM khaNDodbhavavanarasaM prANarasika| yadA stauti prAtaH samayamaphale cAruvaradam | mahAmokSakSetraM kulavadhuyutaM kRSNaparama| guNezaM rAdhezaM rajanividhunitaM vedanilayam || 37-28 || kriyAdakSaM sUkSmaM samayaguNayogAGkajaDita| trikoNasthaM gaGgAjalagalitasAraM tArakatanum | mahAkAlAnandaM gaganaghanavarNaM sajalaka| prabhAvAraM bhAvaM taruNanavavapuH zrIdharamalam || 37-29 || vanotphulAmbhojA manaviracanA bhAlakalayA | mahAzobhArUpaM kulapuruSagaM vyAzrayati yaH | sa yogI saMsAre bhavati rasanAyoganirataH | mano yo vyAdhAya pracuraphaladaM kRSNamakhilam || 37-30 || mahAjJAnotsAhaM gatiguNavahiH prANanicaya| jagattAraM brahma niravadhimahAyogakiraNam | yadA lokastauti pratidinamihAnandaghaTita| vikAraM sarveSAM grahaNanilanaM bhAskaravidhoH || 37-31 || mahArAhugrAsaM zatazatamahApuNyanikaraM | kulAnandaM viSNuM zazizataghaTArAmakiraNam | manogamyaM sUkSmaM triguNajaDitaM bhAvayati kaH || 37-32 || kRSNabhaktiM mudA kRSNaM dhyAtvA kRtvA yatirbhavet | zrIkRSNacaraNAmbhoje tasya bhaktirna saMzayaH || 37-33 || kRSNabrahma kRSNabrahmA ca tridhyAnaparAyaNaH | sa kRSNastaM janaM nItvA dadAti api zaGkara || 37-34 || vinA kRSNapadAmbhojaM svAdhiSThAnaM kuto jayam | kRSNadhyAnAnmahApadmabhedaM prApnoti zaGkara || 37-35 || iti zrIrudrayAmale uttaratantre mahAtantroddIpane SaTcakraprakAze bhairavIbhairavasaMvAde svAdhiSThAnazrIkRSNarAkiNIsAdhanaM nAma saptatriMzattamaH paTalaH || 37 || athASTAtriMzaH paTalaH AnandabhairavI uvAca zRNu nAtha pravakSyAmi zrIkRSNasAdhanottamam | yena krameNa bhaktiH syAtkAlajAlavazo bhavet || 38-1 || mama pAdAmbuje bhaktirbhavatyeva na saMzayaH | bhaktimAn yaH sAdhakendro mahAviSNuM bhajedyadi || 38-2 || zivatulyo bhavennAtha mama bhakto mahItale || 38-3 || zrIkRSNaM jagadIzvaraM trijagatAmAnandamokSAtmaka| sampUrNaM triguNAvRtaM guNadharaM sattvAdhidaivaM param | liGgAdhaH sthitirAjyapAlapuruSaM paJcAnanasthAyina| zrIviSNuM zubhadaM jano yadi bhajellokaH sazaktiM sukhI || 38-4 || Adau kAmaM trisargaM kulavadhuniyutaM kAmabIjaM trisargaM | zrIkRSNaM vArayugmaM praNayayugalakaM candrikAkAzayuktam | brahmadvandvaM bhajAmi prakRti puruSikAM kAkinIM tatpare ca | bhUyo bhUyo bhajAmi zravaNagalayanaM vahnijAyAvilagnam || 38-5 || etanmantraM japitvA praNavamiti namo'ntaM tathAdye militvA | bhUyo bhUyo namo'ntaM tribhuvanasahitaM kSobhayettat kSaNena | rAjazrIstasya zIrSe niravadhi vasudhA mandire saMsthirA syAt | kAlacchedaM prakRtya pravasati sumukhI brahmadaNDe ca kAle || 38-6 || tataH prANe daivanAtha mama santoSavarddhana | idAnIM narasiMhasya mantraM zRNu mahAprabho || 38-7 || kAntabIjaM samuddhRtya yugalaM yugalaM smRtam | mahAnRsiMhamantreNa pUjayAmi namo namaH || 38-8 || svAdhiSThAne mahApadme manoniSpApahetunA | mano vidhAya yo yogI japenmantraM punaH punaH || 38-9 || etanmantrajapenApi siddho bhavati sAdhakaH | etanmantraprabhAveNa bhAvasiddhiM kSaNAllabhet || 38-10 || sAdhako yadi bhUmisthaH sAdhayettu harermanum | reNusaMkhyA krameNaiva siddhiM prApnoti vIryataH || 38-11 || atha vakSye mahAdeva sarvavarNasusArakam | varNamAlAsvasaMzakto japtvA siddhimavApnuyAt || 38-12 || siddhimantraM prArthayate yadi martyo nirAzrayaH | nirjane saMsthiro bhUttvA ekAkI dIpavajItaH || 38-13 || niHzaGkaM prajapenmantraM svAdhiSThAnAbjasaGgate | vazIkRtaM jagatsarvaM yena tatkramamAzRNu || 38-14 || praNavaM pUrvamuccArya nAntabIjaM tathodgaret | vahnibIjasamAlagnamadhodantasvarAnvitam || 38-15 || nAdabindusamAyuktaM punarvAradvayaM vadet | narasiMhAya zabdAnte punarvAratrayaM vadet || 38-16 || devIbIjaM zaktibIjaM svAhAntaM manumudgaret | etanmantraprayogeNa kuNDalIvazamAnayet || 38-17 || svAdhiSThAne sthirIbhAvaM prApnoti sAdhakAgraNIH | sarveSAM prANago bhUtvA prabalo'sau mahItale || 38-18 || zItaM raudraM samaM tasya pApApApaM jayAjayam | dharmAdharmaH sadA jJAnaM nityajJAnaM samApnuyAt || 38-19 || punaH zrIkRSNamantrAzca sarvadevaniSevakAH | yajjJAtvA devatAH sarvA sarvadiGmukhapAlakAH || 38-20 || tatprayogaM mahAdeva zRNu siddhezca lakSaNam | vinA kRSNAzrayeNApi brahmA tuSTo na kutracit || 38-21 || na tuSTA kuNDalI devI pazubhAvaM vinA prabho | pazubhAve jJAnasiddhirvIrabhAve hi mokSabhAk || 38-22 || divyabhAve samAdhistho jIvanmuktaH sa ucyate | kAntabIjaM samuddhRtya zakravAmasvarAnvitam || 38-23 || nAdabindusamAkrAntaM kRSNasambodhanaM padam | punaH pUrvamanuM yuktA tryakSarAtmA mahAmanuH || 38-24 || etanmantrajapaM kRtvA yogI bhavati yogirAT | yogo'yaM paramAhlAdakArako'nantarUpakaH || 38-25 || bahubhiH kiM kathanIyaM yaH karoti phalaM labhet | dhyAyet zrIgopikAnAthaM rAkiNImaNDalezvaram || 38-26 || jagatAM sattvanilayaM zrIkRSNaM gokulezvaram svAdhiSThAnasthitaM zyAmaM yajed bhujacatuSTayam || 38-27 || zaGkhacakragadApadma -- mahAzobhAmanoramam | sarvavidyAgataM kAmyaM zrIgovindaM suzItalam || 38-28 || mahAmohaharaM nAthaM vanamAlAvibhUSitam | koTikanyAkarAmbhojajayitaM sarvasaGgatam || 38-29 || kirITinaM mahAvIraM bAlenduM cUDayAnvitam | guJjAmAlA zobhitAGgaM zrInAthaM paramezvaram || 38-30 || pItAmbaraM mandahAsyaM SaTpadmadalamadhyagam | kAminIprANanilayaM vasudevasutaM harim || 38-31 || evaM dhyAtvA SaDdale ca sadA vakSaHsthakaustubham | rAjarAjezvaraM zauriM bhAvyaM zrIvatsalAJchanam || 38-32 || svAdhiSThAnagataM dhyAyenmurArisiddhigo naraH | evaM dhyAtvA purA brahmA nArAyaNaguNodayaH || 38-33 || manaH kalpitadravyaizca pUjayetparamezvaram | SaDdale ca mahApadme saMdhyAyet harimAyajet || 38-34 || SoDazopacArayuktairmAnasakSetrasambhavaiH | manaH kalpitapIThe ca sthApayitvA hariM gurum || 38-35 || yogezvaraM kRSNamIzaM rAdhikArAkiNIzvaram | ekAntacitte cAropya kRSNaM pIThe prapUjayet || 38-36 || tatra dalASTakaM padmaM tatra SaTkoNakaNIkam | vedadvAropazobhaJca sMnirmmAya manoharam || 38-37 || punaH punaryadA dhyAyet SaDdaleSu daleSTakam | paJcopacArairdazakaiH zrIviSNuM paripUjayet || 38-38 || gandhAdayo naivedyAntA pUjApaJcopacArikA AsanaM svAgataM pAdyamarghyamAcamanIyakam || 38-39 || madhuparkAcamanasnAna--vasanAbharaNAni ca sugandhisumano dhUpadIpanaivedyavandanam || 38-40 || prayojayedarcanAyAmupacArAMstu SoDaza viSNorArAdhane kuryAt sarvatra vidhireSa yaH || 38-41 || vidhiH syAt kRSNavizveza samudbhUtasya satpateH | dazopacArakathanaM zrUyatAM vallabha prabho || 38-42 || pAdyamarghyaM tathAcAmaM madhuparkAcamanaM tathA | gandhAdayo naivedyAntA upacArA dazakramAt || 38-43 || viSNuM sampUjya dhImAn haviSyAzIjItendriyaH | sarvadA paramAnandaH kAlikAvazasevakaH || 38-44 || sarvajJAnadharo vIro vivekI sarvadarzakaH | saMbhAvayet svAdhiSThAne nirantaraM mahAzuciH || 38-45 || bAlakakriyayA vyApto bhAvajJAnI nirAmayaH | sa bhavet kAlikAputro yaH kRSNabhAvatatparaH || 38-46 || kRSNaM saJcintayenmUlakamalodrdhve kulAtmakam | sa bhavetkAlikAputro'STAGgasiddhiguNAnvitaH || 38-47 || mAnasaiH pUjanaM kRtvA zaGkhasthApanamAcaret | yatkRtvA mAnasaM yogaM na kuryAdbahirarcanam || 38-48 || mUlamantradevatAyAH sAdhane daivataM yajet | devasya dakSiNasthAMzca pUrvopAsyasusaMsthitAn || 38-49 || pUjayed gandha puSpAdyaistulyamantreNa mantravit | tataH zrIkRSNapAdAbjaM dhyAnaM kuryAnmanolayam || 38-50 || evaM krameNa tatpadme sthiro bhavati yogirAT | yaH karoti zuddhabhAvaM mahAmohaharaM harim || 38-51 || sthApayitvA ca SaTpadme mahAmokSamavApnuyAt | yaH pradhAnaguNajJazca sa me zAstrArthamAzrayet || 38-52 || ihakAle zatruloke nivasatyeva yogirAT | pAdAmbhoje mano dadyAnmakhakiJjalkacitrite || 38-53 || jaGghAyuge cArurAmakadalIkANDamaNDite | Urudvaye mattagajakaradaNDasamaprabhe || 38-54 || gaGgAvartagabhIre tu nAbhau zuddhavile'male | udare vakSasi tathA harau zrIvatsakaustubhe || 38-55 || pUrNacandrAyutapakSe lalATe cArukuNDale | zaGkhacakragadAmbhoje dordaNDoparimaNDite || 38-56 || sahasrAdityasaGkAze sakirITakuladvayam | sthAneSveSu yajenmantrI vizuddhaH zuddhacetasA || 38-57 || mano nivezya kRSNe vai tanmayo bhavati dhruvam | yAvanmanolayaM yAti kRSNe svAtmani cinmaye || 38-58 || iti zrIrudrayAmale uttaratantre mahAtantroddIpane siddhamantraprakaraNe SaTcakraprakAze bhairavabhairavIsaMvAde zrIkRSNasvAdhiSThAnapravezo nAma aSTAtriMzattamaH paTalaH || 38 || athaikonacattvAriMzaH paTalaH AnandabhairavI uvAca atha nAtha pravakSye'haM saMsArasAdhanottamam | yena sAdhanamAtreNa yogI bhavati tatkSaNAt || 39-1 || anAyAsena siddhiH syAd yadyanmanasi varttate | trailokyaM mohayetkSipraM trailokyaM vazamAnayet || 39-2 || rAmeNa sahitaM nityaM jagatAM sAkSiNaM varam | jAmadagnyakarAmbhojasevitaM sarvasevitam || 39-3 || anantasattvanilayaM vAsukI saGgamAkulam | aSTahastAgrasuzrIdaM nAnAlaGkArazobhitam || 39-4 || svAdhiSThAnagataM dhyAtvA zItalo jAyate vazI | tatstotraM zRNu me nAtha yatpAThAt siddhimApnuyAt || 39-5 || brahmAdayaH surAdhIzA munayaH kraturakSakAH | etat stotraM purA kRtvA jIvanmukto mahItale || 39-6 || ataH zrIkAlikAnAtha stotraM zRNu mahatphalam || 39-7 || zrIviSNoradbhutakarmaNo brahmaSIstriSTupchandaH zrIviSNuH zrIkRSNaH zrInArAyaNo devatA sarvastotrasArakavacamantrasiddhyarthe viniyogaH || zrI kRSNaM jagatAmadhIzamanaghaM dhyAnAtsiddhiprada| govindaM bhavasindhupArakaraNaM santAraNaM kAraNam | zrI viSNuM vanamAlinaM narahariM nArAyaNaM gokula| yogendraM naranAthamAdipuruSaM vRndAvane bhAvayet || 39-8 || mokSazrIsahitaM kRtAntavikRtaM dharmArNavaM sundara| zrIrAmaM balarAmabhAvavimalaM nityAkulaM satkulam | zrIzyAmaM kanakAdihAravilasatlambodaraM zrIdhara| taM vande harimIzvaraM guNavatImAyAzrayaM svAzrayam || 39-9 || vaikuNThezamazeSadoSarahitaM sAyujyamokSAtmaka| nAnAratnavinimItA mama pUjA rAjendracUDAmaNim | zobhAmaNDalamaNDitaM suratarucchAyAkaraM yogina| vidyAgopasutAvRtaM guNamayaM vAksiddhaye bhAvayet || 39-10 || svAdhiSThAnaniketanaM parajanaM vidyAdhanaM mAyina| zrInAthaM kulayoginaM tribhuvanollAsaikabIjaM prabhum | saMsArotsavabhAvalAbhanirataM sarvAdidezaM sukha| vande'haM varasarpazatrusaphale pRSThe sthirAnandadam || 39-11 || bhAvASTaM bhavabhAvayogajaDitaM jADyApahaM bhAsvara| nityaM zuddhaguNaM gabhIradhiSaNAmodaikahetuM patim | kItIkSemakaraM mahAbhayaharaM kAmAdhidaivaM ziva| tattatSaDdalamadhyageharucirAnandaikadezAspadam || 39-12 || vande zrIpatimacyutaM narahariM daityArizikSyAkula| gandharvaprabhRteH sugAyanarataM vaMzIdharaM bhAvadam | ratnAnAmadhipaM gatisthamacalaM govardhanAdhAraNa| vizvAmitratapodhanAdi munibhiH saMsevitaM taijasam || 39-13 || vande govindapAdAmbujamajamajitaM rAjitaM bhaktimArge | sattvotpannaM prabhutvaM paragaNanamitaM cArumaJjIrahAram | haMsAkAraM dhavalagaruDAnandapRSThe nimagna| bandhUkAraktasArAnvitacaraNatalaM sarvadAzAntarAlam || 39-14 || rAkiNyAH premasiddhaM navavayasigataM gItavAdyAdirAga| rAgotpannaM suphalaguNadaM gokulAnandacandram | vANI--lakSmI--pirayaM taM tribhuvanasujanAhlAdakartAramAdya| vande siddhAntasAraM gatinatirahitaM sArasaGketitAptam || 39-15 || kAmaM kAmAtmakaM taM vidhugatazirasaM kRSNasambodhanAnta| bIjaM kAmaM punastat puruSasurataruM bhAvayitvA bhaje'ham | zrIkRSNaM kRSNakRSNaM niravadhisukhadaM suprakAzaM prasanna| svAdhiSThAnAkhyapadmemanasi gato bhave siddhisthalastham || 39-16 || AkAze cArupadme rasabhayavalagaM raktavarNaM prakANDa| AtmArAmaM narendraM sakalaratikaraM kaMsahantAramAdim | AdyantasthAnahInaM vidhiharagamanaM sendranIlAmalAbha| bhAvotsAhaM trisargasthitiparamamaraM bhAvaye bhAvasiddhyai || 39-17 || sarveSAM jJAnadAnaM rasadalakamale sarvadA tvaM karoSi | AtmAnandaM sudhAdipirayadhanaguNinAmekayogapradhAnam | mAyApUrNaH pracayanavarasaH prItidezaH prabhekaH | zrIrAjAkhyaH prapUrNaH mayi dhanarahite dRSTipAtaM bhavAdau || 39-18 || kAlI zrIkuNDalinyAH paragRhanirataM bhAvakabrahmarUpaM mukticchatraM purezaM nijadhanasukhaM bhAryayA krIDayantam sabhAkSetraM netraM nayamAnamayamatpurasaMsthAbhiSekam || 39-19 || dhyAtvA'haM praNamAmi sUkSmakamale lokAdhipaM vyAdhipa| vaikuNThaM kRSNamIDe kurubhavavibhavakSemahantAramantam | zAntAnAM jJAnagamyaM svanayanakamale pAlayantaM trimArgaM vajrAriM pUtanAriM dvayavakanarakadhvAntasaMhArasUram || 39-20 || mAnyaM lokeSu sarveSvatizayamanasaM kevalaM nirmalaJca | oGkAraM kAraNAkhyaM sugatimatimatAM mAtRkAmantrasiddham | siddhAnAmAdisiddhaM suraripuzamanaM kAlarUpaM ripUNA| mUlordhve SaDdalAnte manasi suvimale pUrayitvA mukundam || 39-21 || nityaM sambhAvaye'haM nijatanusamatA siddhaye pUjayAmi tvaM sAkSAdakhilezvaraH pirayakaraH zrIlokahastAcItaH | kSoNIzaH pralayAtmakaH pratiguNI jJAnI tvameko mahAn || 39-22 || yadyevaM mama pAmarasya kaluSaM zrIdharmahInAndita| kRtvA pAdatale yadIha niyataM vyArakSa rakSAtmagam | rAdhAkRSNapadAmalAmbujatalaM caitanyamuktyAkulaM sarvatrAdigamAgamaM trigamanaM nirvANamokSAzrayam || 39-23 || bAlaM vairivinAzanaM sukhamayaM kaivalyamokSAspada| daivaM devagaNAcItaM rasadale cAropayAmi prabho | nirddaSTaM bhuvanAzrayaM yatipatiM nirvANamokSasthitaM nirvANAdikamodane pracapalaM zrIcaJcalAsaGkulam || 39-24 || vande'haM paramezvaraM sakaladaityAnAM balaprANaha| haMsArUDhanirakSaNaM kSaNagataM vANIpatiM bhUpatim | vAJchAkalpalatApatiM kulapatiM vidyApatiM gopatim || 39-25 || zrIvidyApatimAdidevapuruSaM vizvezvarapremaga| zrIkumbhodbhavakAlasatvanikaraM tvAM bhAskaraM bhAvaye | siddhAnAmabhicinhayoganirataM rakSa tvamAdau hi mAm || 39-26 || prabho niHsaGketaM guNamaNimataM zreyasi mata| matAmantaH susthaM vigalitamahApremasurasam | mudA vande kRSNaM harakaratalAmbhojayajitam || 39-27 || prabhApuJjaM rAmAzrayapadamadaM kAmakuzala| mahAmantracchAyAM rajanimilitaM dhvAntajaDitam | trikoNasthaM kusthaM kugatisugatiM kAraNagati| pralInaM saMsthAnaM jagati jagatAM dharmamudayam || 39-28 || ramezaM vANIzaM vidhigatapadaM zambhunigata| trikAlaM yogAnAM nayanakamalaM zabdaniratam | kulAnandaM gopIjanahRdayagaM gopiyajitaM vidhAnaM tvAmindraM gurutaramupendraM hariripum || 39-29 || mudA tvAM vande'haM capalaM tAM me navahave | kulAlApazraddhAmaya makhilasiddhipradamanam | malAtItaM nItaM suranarasatAM zAstrabhavanam || 39-30 || vinodaM nArINAM hRdayarasikaM zokarahitam | virAjaM yajJAnAM hitamatiguNaM yAmi zaraNam || 39-31 || etatsambandhamAtrI mama kulazirasi sthAyinaM pAtu nityaM gopInAM prANanAthaH pratidinamanizaM bhAladezaM prapAyAt | bhAlAdhodezasaMsthaM samavatu sahasA rAjarAjezvarezaH | ( gopAnvanvo surezaH ? ) sthityantezastrinetraM sukhamakhilabhavaH kaNThacchatrAbhisaMstham || 39-32 || pRSThasthaM pAtu zauriH pratidinamamaro liGgabAhyaM kaTisthaM zambhupremAbhilASI mama tu kulapadaM guhyadezaM prapAyAt AnandodrekakArI sakalatanugataM pAtu nityaM murAriH | daityArizcorumUlaM nRhariravatu me jaGghayA pAdapadmam || 39-33 || etatstotraM paThedvidvAn niyato bhaktimAn zuciH | sthiro bhavati mAsena SaDdale sarvasiddhibhAk || 39-34 || iti zrIrudrayAmale uttaratantre mahAtantroddIpane siddhamantraprakaraNe SaTcakraprakAze bhairavabhairavIsaMvAde zrIkRSNastavanakavacaM nAmaikonacatvAriMzattamaH paTalaH || 39 || atha cattvAriMzaH paTalaH AnandabhairavI uvAca atha nAtha pravakSyAmi zRNuSvAvahito mama | yena krameNa lokAnAM yogakAryaM dRDhaM bhavet || 40-1 || sarvatra bhAvagrastaH saH siddho bhavati bhairava | yo bhavedbhairavo devo bhuvane sarvago hi saH || 40-2 || kriyAdakSo mahAvIro vIravallabhabhAvakaH | bhAvayitvA varNamAlAM madhye japtvA divAnizam || 40-3 || haviSyAzI prANavAyurato vedAntapAragaH | siddhAntavettA sarveSAM zAstrANAM nirNayapirayaH || 40-4 || gAthAjJAnI parAnando vivekI bhAvatatparaH | bhAvavettA rahasyArthajJAnI kovidavedavit || 40-5 || vAkyasiddhijJAnaparaH satyavAdI dRDhAsanaH | bhAvayet SaDgataM varNaM dhyAnaM kuryAt pRthak pRthak || 40-6 || SaTpadmastho bhAvayedvai SaDvarNaM dhyAnapUrvakam | vAdilAntAkSaraM dhyAyenmahAvidyAniSevakaH || 40-7 || bakAraM saundaryaM svakiraNamayaM bhAvyamatula| mukundazrIbhaktipirayaramaNakaM pUrvadalagam | viziSTajJAnAntaM sukharanataM koTikiraNa| vibhAvya zrIlakSmIM gamayati jhaTit kAlapuruSam || 40-8 || dvivarNaM zrInAthaM sukhayati bhakAraM rasadale | trikoNApArzvasthAM capalazakalaM zambhunilayam | mahAraktAkAraM taruNavigataM bhImamakula| kulAgArasthAnaM kularamaNIraktAyutamiti || 40-9 || yadA dhyAyet jJAnI niravadhi mudA zokaviSaha| trilokAnAM sthAnaM bhuvanazaraNaM prAtavisukhI | mahAmokSadvAre bhavati sa mahAn sarvajaDito | vilAsI sarveSAM navanavavadhUnAM pirayapatiH || 40-10 || mahAkAlasthAnaM sa jayati sakAraM yadi bhaje darINAM vyAhastA rudhirakiraNaM koTyaruNakam | mahAkAlasthAnaM (.....) zaraNaM prAgapi sukhI | trikoNAM dakSAGge nigamanayano yogayajitaH || 40-11 || vinodI saukhyAnAM suratarusamAno bhuvi divi | yakAraM yo dhyAyedamarapadavIvyAdhirahitaH | mahAvANInAthaM praNayajaDitaM tvak surataru| mukundAnandAntaH pavanamilitaM kAmakaraNam || 40-12 || tadA loko'kAmI bhavati nitarAM kAkapavanI | mahAgneH saMsthAnaM parajaladharaM sUryazatakam | yadAnandairdhyAyet paramadhanadaM yajJasudhayA | sudhApAnajJAnI havanakaraNaM kAmyaphaladam | pirayaM tadveratyAH kamalagabhujaGgezvaranuta| trikoNApRSThasthaM vidhihariharasya pirayamiti || 40-13 || vidhAnaM vahnInAM kulavimalabIjaM sakaruNa| asRG mAyAkhaNDaM khagagaNamanoraJjanavaram | yadi dhyAyedeko vibhavavividhaM yAti sahasA | mahendraH sthAnAGgaM kamalasukhadaM kRSNanilayam || 40-14 || pirayaM siddhakSetraM yadi sukhamayaM bhAvayati yaH | lakAraM candrasthaM vidhuzatakaraM bindunilayam | vizAlAkSI rAdhA madhuravacanAlApakalitaM ramAmode patre taraNakaraNaM sApaharaNam || 40-15 || suvAme rAkiNyA navarasamayaM mohaharaNa| vibhAvya zrInAthaM bhajati sa naro dhyAnanipuNo | mahAmokSaM prApya prathamarajasaM saGgamayati || 40-16 || tato dhyeyA mahAvidyA rAkiNIzaktiruttamA | zrIviSNusahitA nityaM yogairbhogavivajItaH || 40-17 || akalaGkI kulAnando mandahAsyAvRto mahAn | sa yogI paramaM rAjyaM prApnoti nAtra saMzayaH || 40-18 || yAvanmUlAdhArayogaM tAvad yamAdikaM prabho | yamaniyamAsane kAle yogaM paJcAmarAnvitam || 40-19 || tAvatkuryAnmahAdeva yAvattat siddhimApnuyAt | yadi paJcAmarA siddhistadA mAyAdisiddhibhAk || 40-20 || paJcAsavA siddhikAle prANAdivAyupaJcamam | dhRtvA dhRtvA punardhRtvA kumbhayedanizaM zanaiH || 40-21 || zarIre nirmale yAte vAyunirmalatA bhavet | sarvarUpI mahAvAyunIrmalAtmAnamAtmani || 40-22 || siddhiM dadAti yogeza yadi svakAryamAzrayet || 40-23 || iti zrIrudrayAmale uttaratantre mahAtantroddIpane siddhimantraprakaraNe AnandabhairavI-- bhairavasaMvAde SaDdalavarNaprakAzo nAma catvAriMzattamaH paTalaH || 40 || athaikacattvAriMzaH paTalaH AnandabhairavI uvAca kRtAntasaMhAravihArabhogaM rasAplutazrIkara zaGkara prabho | tavAjJayA'haM kathayAmi siddhaye | mayAgamAnandavazAddhi tantram || 41-1 || premAbhilASI sujano munIndro | jAnAti tantrArthamanantasAdhanam | mahAprabhAte carANAbjabhakto | govindazambhoryadi bhaktibhAjanaH || 41-2 || SaDcakrabhedArthavizeSasAdhana| jAnAti yo vA sa jano'tidurlabhaH | sa eva saMsAraniSedhasAdhana| sadA vihAyAcala bhaktimApnuyAt || 41-3 || Anandabhairava uvAca yadi vA kathitA kAnte SaDdalaprakriyA zubhA | rAkiNyA milanaM devyAH kuNDalinyAH parAkramam || 41-4 || sArddhaM zrIviSNunA kAlarUpiNA bahurUpiNA | zuddhanirmalatattvena parivAragaNaiH saha || 41-5 || na taddhi kathitaM sarvaM zrIkRSNasya parAkramam | stavanaM devarAkiNyA sahitaM kRSNasAdhanam || 41-6 || maGgalaM paramaM brahmasAdhanaM kulavarddhanam | kRSNaprakAzastavanaM rAkiNIzaktisaMyutam || 41-7 || kathayasva mahAkAli yadi sneho'sti mAM prati | atyantaguhyaM kathanaM sahasranAmamaGgalam || 41-8 || aSTottaraM mahAviSNo rAkiNyA sahitaM piraye | idAnIM rAkiNIstotraM vada bhAminI kAmade || 41-9 || AnandabhairavI uvAca yogendra paramAnandasindho zrIcandrazekhara | zRNuSva rAkiNIstotraM paramAnandavardhanam || 41-10 || sarvatra sukhadaM proktaM siddhAnAmapi sAdhanam | etat stavanapAThena yogI yogendrabhAk bhavet || 41-11 || vaiSNavIsAdhane yastu paJcAcAraM karoti vA | sarveSAM sAdhanotkRSTaM jAtibhraSTo'pi no bhavet || 41-12 || samatA zatrumitreSu karmAkarmasu tattvavit | yadi vA vaiSNave nAtha samabhAvaH prajAyate || 41-13 || paJcAcArakrameNaiva siddho bhavati nAnyathA | rAdhAdigopikAbhizca gopavRndaiH samantataH || 41-14 || paJcAcAraM mudA kRtvA sarveSAM paripAlanam | cakAra kamalAnAtho'taH paJcAcAramAzrayet || 41-15 || paJcAcArakrameNaiva caitanyA kuNDalI bhavet | kRSNacaitanyahetozca rAkiNyAzca tathA prabho || 41-16 || caitanyAya SaDdalasthadeva caitanyahetunA | kuNDalIvadhurAkiNyAH stotraM zRNu kulArNava || 41-17 || AndolitA rasanidhau kulacaJcalA yA | mAyAmayo sakaladuHkhavinAzavIrA | vIrAsanA sthitigatA sulabhA munInA| bhavyA prapAtu bhavikA kularAkiNI mAm || 41-18 || Anandasindhu jaDitAkhilasArapAnA bAlA kulInanamitA dalaSaTkulasthA | kAlIkalAmalaguNA dhaninAM dhanasthA | kRSNezvarI samudayaM kuru rAkiNI me || 41-19 || yA rAkiNI trijagatAmudayAya ceSTA | saMjJAmayI kulavatI kulavallabhasthA | vizvezvarI smaraharapirayakarmaniSThA | kRSNapirayA mama sukhaM paripAtu devI || 41-20 || SaDvarganAthakarapadmaniSevitA yA | rAdhezvarI pirayakarI surasundarI sA | mAtA kulezajananI jagatAM manusthA | vidyA parA ripuharAvata me zarIram || 41-21 || govindarAmaramaNI navamAlinI yA | rAjyezvarI smaraharA navakAminI vA | me SaDdalAzritasuraM paripAtu nitya| zrIkuNDalI suvimalA kularAkiNI sA || 41-22 || zrIsundarI kulaparA kulavRndavandyA sandhyAvidhi prabhavatAmatikAmatIrthA | zrIdAyinI kulagaNAmalabhAvadAtrI | nityaM prapAtu viSayaM kulaSaDdalAnAm || 41-23 || caitanyadAnaniratAM triguNAbhirAmA| zyAmAM nitambadhRtasundararatnaghaNTAm | nIlAcalasthitakarAM varadAnahastA| zrIkRSNavAmakamalopari pUjayAmi || 41-24 || tAM rAkiNIM triramaNIM samalApahantrI| sarvasthitAM gaganamAtaramambujasthAm | padmAsanAM zrutibhujAM gurujAmanantA| zAntAM SaDambujadalopari pUjayAmi || 41-25 || zAntiM kRpAkapaTakopari nAzamukti| zivAM paramavaiSNavapUjitAGghram | rAdhAM sudhAM varamayIM jagatAM guNasthA| dharmArNavAM rasadale paripUjayAmi || 41-26 || karttIkarAM sakaruNAM ramaNIM trisargA | tAM rAkiNImatidayAmamalArthacintAm | bhrAntiM bhramAgamavarAM smRtimAdipUjyA| bhAryAM hareratisukhAM paripUjayAmi || 41-27 || yA kAtaraM niravadhipraNayasvavasthA vAgIzvarI bhagavatI yatikoTinamrA | tAmrAkRtiprakRticetasi raktavarNA | mAyAmayI surakalAvati pAtu me'Ggam || 41-28 || kalpadrumAzayalatA phalarUpiNI yA | bhargasthitA puruSakoTimunistuvantI | sA me kulezvararasaM harihastapUjyA | kSAntiH sadA mama dhanaM paripAtu rAdhA || 41-29 || kSemaGkarI varakarI sukarI haristhA | yA saukarI bhavakarI tripurA mahezI | vAyusthitA layamayI sthitimArgasaGgA | bhaGgapirayA sakalakA paripAtu rAdhA || 41-30 || gaGgA nirmalabhAvadA mamazirodezaM sadA rakSatu | zrIrAdhA kularAkiNI mama kapAlordhva mahAvAkpirayA | mantrasthA jayadA mudA kumudinI bhAlaM bhruvorantara| vidyA vAgbhavakuNDalIphalavalAbAlA ca netratrayam || 41-31 || gaNDaM caNDasarasvatI zrutikulaM kailAsazailasthitA | medhA TaM ghaTavAsinI zazImukhI sUkSmAtisUkSmAzayA | jihvAgraM cibukaM radAvadhivahA kaNThaM galaM skandhagaM skandezI dazanaprabhAmalamati -- vaikuNThadhAmezvarI || 41-32 || nAnAvarNavilAsinI mRdurasaM zambhorbhavAnI zivA | pRSThaM karmasu pRSThagA gatikarI nityolbaNI bhAsvatI | pArzvaM me kulamAlinI mama kaTiM liGgaM nitambAmbara| kAmAkhyA dhanadAyinI sakaruNA pAdadvayaM pAtu sA || 41-33 || mAtRkrodhanivAriNI mama zivaM SaTpatrazobhAkara| pAtu zrIcaruvAsinI kulataruM gaurI parAnandadA | caitanyasthalavAsinI mama gatA govindamAtRpirayA | caitanyaM satataM prapAtu dharaNI dhAtrI varakSetragA || 41-34 || dhanyA piGgalalocanAmbujamukhI caitanyakarmapirayA | sarvatra pirayamAkarotu niyataM zaktiH kSamAkartRkA | kItIsthA mama kItIcakranilayaM lAkSAruNA balvarI | nIcA cakranivAsinI mama jayA jIvaM mudA pAtu mAm || 41-35 || etatstotraM paThennityaM prANavAyuvarAzubhe | SaTcakrabhedasamaye sadA pAThyaM suyogibhiH || 41-36 || kulavinyAsasamaye kulacakrapravezane | avazyaM prapaThedvidvAn rAkiNIrAdhikAstavam || 41-37 || trisandhyaM cedamAkuryAt paThitvA ca punaH punaH | dhyAtvA bhAvaparo bhUtvA mucyate bhavabandhanAt || 41-38 || acalAM bhaktimApnoti vizvAmitro yathA vazI | paThanAt pAmaro yAti brahmalokaM kulAdhipa || 41-39 || etatpaThanamAtreNa zItalo guNavAn bhavet | aprakAzyamidaM stotraM sarvAntakavinAzanam || 41-40 || samabhAvaM samAkRtya jIvanmukto bhavedvazI | paJcAcArarato bhUtvA sAdhayed yadi sAdhanam || 41-41 || kuNDalIyogakAle ca kulAcAraM na varjayet | kulAcAravarjanena mahAhAniH prajAyate || 41-42 || brAhmaNaH kSatriyo vApi vaizyo vA zUdra eva ca | samabhAvaM sadA kRtvA kulAcAraM samAzrayet || 41-43 || kuNDalI pRthivI devI rAkiNI svAridevatA | tadgehagAminI devI rAdhikA rAjyakAminI || 41-44 || asyAH sAdhanakAle ca samayAcAramAzrayet | samabhAve mahAmokSa iti tantrArthanirNayaH || 41-45 || samabhAvArthakathanaM tyaktvA yogI bhavetkRtI || 41-46 || iti zrIrudrayAmale uttaratantre mahAtantroddIpane siddhimantraprakaraNe SaTcakraprakAze bhairavIbhairavasaMvAde svAdhiSThAnarAkiNI--stotraM nAmaikacatvAriMzattamaH paTalaH || 41 || atha dvicattvAriMzaH paTalaH AnandabhairavI uvAca kathayAmi mahAkAla paramAdbhutasAdhanam | kuNDalIrUpiNI devI rAkiNyAH kulavallabha || 42-1 || mAnasaM dravyamAnIya cAthavA bAhyadravyakam | anaSTahRSTacittazca pUjayet sAvadhAnataH || 42-2 || bhaktyA japenmUlamantraM mAnasaM sarvameva ca | pUjayitvA tato japtvA homaM kuryAt parAmRtaiH || 42-3 || samAsaiH pakvanaivedyaiH sugandhikusumaistathA | svayambhUkusumainItyamarghyaM kRttvA nivedayet || 42-4 || sumukhaM pUjayennityaM madhumAMsena zaMkara | hutvA hutvA punarhutvA prANavAyvagnisaMgamaiH || 42-5 || bhrAmayittvA mano bAhye sthApayittvA punaH punaH | punarAgamyagamanaM kArayittvA sumaGgalam || 42-6 || vAcayittvA suvANIbhiryAcayittvA savApikam | tarpaNaM cAbhiSekaJca kevalAsavamizritaiH || 42-7 || mAMsairmudrAdibhirmatsyaiH sAradravyaiH sapiSTakaiH | ghRtAdisuphalairvApi yad yadAyAti kaulike || 42-8 || acalAM bhaktimApnoti vizvAmitro yathA vazI | tattaddravyaiH sAdhakendro nityaM santarpya saMjapet || 42-9 || etanmantraM pAThittvA ca tarpaNaJca samAcaret | tarpaNAnte cAbhiSekaM sadA kuryAcca tAntrikaH || 42-10 || mUlAnte cAbhiSiJcAmi namaH svAhA padaM tataH | tato hi praNamedbhaktyA aSTAGganatibhiH prabho || 42-11 || sahasranAmnA stavanamaSTottarasamanvitam | ardhAGga rAkiNIyuktaM rAkiNIkezavastavam || 42-12 || zRNu taM sakalaM nAtha yatra zraddhA sadA tava | zravaNArthaM bahUktaM tat kRpayA te vadAmyaha || 42-13 || etat zravaNamAtreNa sarvapApakSayo bhavet | rAkiNIsaGgamaM nAtha stavanaM nAma pAvanam || 42-14 || ye paThanti zraddhayA cAzraddhayA vA punaH punaH | tasya sarvaH pAparAziH kSayaM yAti kSaNAdiha || 42-15 || kAle kAle mahAvIro bhavatyeva hi yogirAT | saMsArottAraNe yukto mahAbalaparAkramaH || 42-16 || oM zrIkRSNo mahAmAyA yAdavo devarAkiNI | govindo vizvajananI mahAviSNurmahezvarI || 42-17 || mukundo mAlatI mAlA vimalA vimalAkRtiH | ramAnAtho mahAdevI mahAyogI prabhAvatI || 42-18 || vaikuNTho devajananI dahano dahanapriyA | daityArirdaityamathinI munIzo maunabhAvitA || 42-19 || nArAyaNo jayakalA karuNo karuNAmayI | hRSIkezaH kauzikI ca kezavaH kezighAtinI || 42-20 || kizorApi kaizorI mahAkAlI mahAkalA | mahAyajJo yajJahartrI dakSezo dakzakanyakA || 42-21 || mahAbalI mahAbAlA bAlako devabAlikA | cakradhArI cakrakarA cakrAGgaH cakramadIkA || 42-22 || amaro yuvatI bhImo bhayA devo divisthitA | zrIkaro vezadA vaidyo guNA yogI kulasthitA || 42-23 || samayajJo mAnasajJA kriyAvijJaH kriyAnvitA | akzaro vanamAlA ca kAlarUpI kulAkzarA || 42-24 || vizAlAkzo dIrghanetrA jayado jayavAhanA | zAntaH zAntikarI zyAmo vimalazyAma vigrahA || 42-25 || kamalezo mahAlakSmI satyaH sAdhvI zizuH prabhA | vidyutAkAravadano vidyutpuJjanabhodayA || 42-26 || rAdhezvaro rAkiNI ca kuladevaH kulAmarA | dakziNo dakziNI zrIdA kriyAdakzo mahAlayA || 42-27 || vaziSThagamano vidyA vidyezo vAksarasvatI | atIndriyo yogamAtA raNezI raNapaNDitA || 42-28 || kRtAntako bAlakRSNA kamanIyaH sukAmanA | ananto anantaguNadA vANInAtho vilakzaNA || 42-29 || gopAlo gopavanitA gogopa kulAtmajA | maunI maunakarollAsA mAnavo mAnavAtmajA || 42-30 || sarvAcchinno mohinI ca mAyI mAyA zarIrajA | akzuNNo vajradehasthA garuDastho hi gAruDI || 42-31 || satyapriyA rukmiNI ca satyaprANo'mRtApahA | satyakarmA satyabhAmA satyarUpI trisatyadA || 42-32 || zazIzo vidhuvadanA kRSNavarNo vizAladhIH | trivikramo vikramasthA sthitimArgaH sthitipriyA || 42-33 || zrImAdhavo mAdhavI ca madhuhA madhusUdanI | vaikuNThanAtho vikalA vivekastho vivekinI || 42-34 || vivAdastho vivAdezI kumbhakaH kumbhakArikA | sudhApAnaH sudhArUpA suvezo devamohinI || 42-35 || prakriyAdhArako dhanyA dhanyArtho dhanyavigrahA | dharaNIzo mahAnantA sAnanto nandanapriyA || 42-36 || priyo vipriyaharA ca viprapUjyo dvijapriyA | kAnto vidhumukhI vedyo vidyA vAgIzvaro'ruNA || 42-37 || akAmI kAmarahitA kamro vilacarapriyA | puNDarIko vikuNDasthA vaikuNTho bAlabhAvinI || 42-38 || padmanetra padmamAlA padmahasto'mbujAnanA | padmanAbhiH padmanetrA padmasthaH padmavAhanA || 42-39 || vAsudevo bRhadgarbhA mahAmAnI mahAJjanA | kAruNyo bAlagarbhA ca AkAzastho vibhANDajA || 42-40 || tejorAzistaijasI ca bhayAcchanno bhayapradA | upendro varNajAlasthA svatantrastho vimAnagA || 42-41 || nagendrastho nAginI ca nagezo nAganandinI | sArvabhaumo mahAkAlI nagendraH nandinIsutA || 42-42 || kAmadevAzrayo mAyA mitrastho mitravAsanA | mAnabhaGgakaro rAvA vAraNAripriyaH priyA || 42-43 || ripuhA rAkiNI mAtA sumitro mitrarakzikA | kAlAnta kalahA devI pItavAsAmbarapriyA || 42-44 || pApahartA pApahantrI niSpApaH pApanAzinI | parAnandapriyo mInA mInarUpI malApahA || 42-45 || indranIlamaNizyAmo mahendro nIlarUpiNI | nIlakaNThapriyo durgA durgAdurgatinAzinI || 42-46 || trikoNamandirazrIdo vimAyA mandirasthitA | makarandarasollAso makarandarasapriyA || 42-47 || dAruNArinihantA ca dAruNArivinAzinI | kalikAlakulAcAraH kalikAlaphalAvahA || 42-48 || kAlakSetrasthito raudrI vratastho vratadhAriNI | vizAlAkzo vizAlAsyA camatkAro karodyamA || 42-49 || lakArastho lAkinI ca lAGgalI lolayAnvitA | nAkastho nAkapadakA nAkAkzo nAkarakzakA || 42-50 || kAmago nAmasambandhA sAmavedavizodhikA | sAmavedaH sAmasandhyA sAmago mAMsabhakziNI || 42-51 || sarvabhakzo rAtrabhakzA retastho retapAlinI | rAtrikArI mahArAtriH kAlarAtro mahAnizA || 42-52 || nAnAdoSaharo mAtrA mArahantA surApahA | candanAGgI nandaputrI nandapAlaH vilopinI || 42-53 || mudrAkArI mahAmudrA mudrito mudritA ratiH | zAkto lAkzA vedalAkzI lopAmudrA narottamA || 42-54 || mahAjJAnadharo'jJAnI nIrA mAnaharo'marA | satkItIstho mahAkItIH kulAkhyo kulakItItA || 42-55 || AzAvAsI vAsanA sA kulavettA sugopitA | azvatthavRkzanilayo vRkzasAranivAsinI || 42-56 || nityavRkzo nityalatA klRptaH klRptapadasthitaH | kalpavRkzo kalpalatA sukAlaH kAlabhakzikA || 42-57 || sarvAlaGkArabhUSADhyo sarvAlaGkArabhUSitA | akalaGkI nirAhArA dunIrIkSyo nirApadA || 42-58 || kAmakartA kAmakAntA kAmarUpI mahAjavA | jayanto yAjayantI ca jayAkhya jayadAyinI || 42-59 || trijIvano jIvamAtA kuzalAkhyo visundarA | kezadhArI kezinI ca kAmajo kAmajADyadA || 42-60 || kiGkarastho vikArasthA mAnasaMjJo manISiNI | mithyAharo mahAmithyA mithyAsargo nirAkRti || 42-61 || nAgayajJopavItazca nAgamAlAvibhUSitA | nAgAkhyo nAgakulapA nAyako nAyikA vadhUH || 42-62 || nAyakakSemado nArI naro nArAyaNapriyA | kirAtavarNo rAsajJI tArako guNatArikA || 42-63 || zaGkarAkhyo'mbujAkArA kRpaNaH kRpaNAvatI | dezago dezasantoSA darzo darzanivAsinI || 42-64 || darzanajJo darzanasthA dRg dRdikzA suro'surAH | surapAlo devarakzA trirakzo rakzadevatA || 42-65 || zrIrAmasevI sukhadA sukhado vyAsavAsinI | vRndAvanastho vRndA ca vRndAvanyo mahattanU || 42-66 || brahmarUpI tritArI ca tArakAkzo hi tAriNI | tantrarthajJaH tantravidyA sutantrajJaH sutantrikA || 42-67 || tRptaH sutRptA lokAnAM tarpaNastho vilAsinI | mayUrA mandirarato mathurA mandire'malA || 42-68 || mandiro mandirAdevI nirmAyI mAyasaMharA | zrIvatsahRdayo vatsA vatsalo bhaktavatsalA || 42-69 || bhaktapriyo bhaktagamyA bhakto bhaktiH prabhuH prabhA | jaro jarA varo rAvA havirhemA kzamaH kziti || 42-70 || kzoNIpo vijayollAsA vijayojayarUpiNI | jayadAtA dAtRjAyA balipo balipAlikA || 42-71 || kRSNamArjArarUpI ca kRSNamArjArarUpiNI | ghoTakastho hayasthA ca gajago gajavAhanA || 42-72 || gajezvaro gajAdhArA gajo garjanatatparA | gayAsuro gayAdevI gajadarpo gajApItA || 42-73 || kAmanAphalasiddhyarthI kAmanAphalasiddhidA | dharmadAtA dharmavidyA mokzado mokzadAyinI || 42-74 || mokzAzrayo mokzakartrI nandagopAla IzvarI | zrIpatiH zrImahAkAlI kiraNo vAyurUpiNI || 42-75 || vAyvAhArI vAyuniSThA vAyubIjayazasvinI | jetA jayantI yAgastho yAgavidyA zivaH zivA || 42-76 || vAsavo vAsavasthI ca vAsAkhyo dhanavigrahA | AkhaNDalo vikhaNDA ca khaNDastho khaNDakhaJjanI || 42-77 || khaDgahasto bANahastA bANago bANavAhanA | siddhAntajJo dhvAntahantrI dhanastho dhAnyavaddhInI || 42-78 || lokAnurAgo rAgasthA sthitaH sthApakabhAvanA | sthAnabhraSTo'padasthA ca zaraccandranibhAnanA || 42-79 || candrodayazcandravarNA cArucandro rucisthitA | rucikArI ruciprItA racano racanAsanA || 42-80 || rAjarAjo rAjakanyA bhuvano bhuvanAzrayA | sarvajJaH sarvatobhadrA vAcAlo layadhAtinI || 42-81 || liGgarUpadharo liGgA kaliGgaH kAlakezarI | kevalAnandarUpAkhyo nirvANamokzadAyinI || 42-82 || mahAmeghagADha. mahAnandarUpA | mahAmeghajAlo mahAghorarUpA | mahAmeghamAlaH sadAkArapAlA | mahAmeghamAlAmalAlolakAlI || 42-83 || viyadvyApako vyApikA sarvadehe mahAzUravIro mahAdharmavIrA | mahAkAlarUpI mahAcaNDarUpA | vivekI madaikI kulezaH kulezI || 42-84 || sumArgI sugItA zucisvo vinitA | mahArko vitarkA sutarko'vitarkA | kRtIndro mahendrI bhago bhAgyacandrA | caturtho mahArthA nagaH kItIcandrA || 42-85 || viziSTo maheSTirmanasvI sutuSTi-- | rmahASaDdalastho mahAsuprakAzA | galaccandradhArAmRtasnigdhadeho | galatkoTisUryaprakAzAbhilASA || 42-86 || mahAcaNDavego mahAkuNDavegI | mahAruNDakhaNDo mahAmuNDakhaNDA | kulAlabhramaccakrasAraH prakArA | kulAlo malAkA racakraprasArI || 42-87 || kulAlakriyAvAn mahAghorakhaNDaH kulAlakrameNa bhramajJAnakhaNDA | pratiSThaH pratiSThA pratIkzaH pratIkzA | mahAkhyo mahAkhyA sukAlo'tidIkzA || 42-88 || mahApaJcamAcAratuSTaH praceSTA | mahApaJcamA premahA kAntaceSTA | mahAmattavezo mahAmaGgalezI | surezaH kzapezI varo dIrghavezA || 42-89 || caro bAhyaniSThA carazcAruvarNA | kulAdyo'kulAdyA yatiryAgavAdyA | kulokApahantA mahAmAnahantrI | mahAviSNuyogI mahAviSNuyogA || 42-90 || kzitikzobhahantA kzitikzubdhabAdhA | mahArgho mahArghA dhanI rAjyakAryA | mahArAtri sAndrAndhakAraprakAzo | mahArAtri sAndrAndhakArapravezA || 42-91 || mahAbhImagambhIrazabdaprazabdo | mahAbhImagambhIrazabdApazabdA | kulA jJAnadAtrI yamo yAmayAtrA | vazI sUkSmavezAzvago nAmamAtrA || 42-92 || hiraNyAkzahantA mahAzatruhantrI | vinAzapriyo bANanAzapriyA ca | mahADAkinIzo mahArAkiNIzo | mahADAkinI sA mahArAkiNI sA || 42-93 || mukundo mahendro mahAbhadracandrA | kzitityAgakartA mahAyogakartrI | hito mArahantrI mahezeza indrA | gatikzobhabhAvo mahAbhAvapuJjA || 42-94 || zazInAM samUho vidhoH koTizaktiH | kadambAzrito vAramukhyA satInA| mahollAsadAtA mahAkAlamAtA | svayaM sarvaputraH svayaM lokaputrI || 42-95 || mahApApahantA mahAbhAvabhartrI | hariH kAtIkI kAtIko devasenA | jayApto viliptA kulApto gaNAptA | suvIryo sabhASA kzitIzo'bhiyAtA || 42-96 || bhavAn bhAvalakSmIH priyaH premasUkSmA | janezo dhanezI kRpo mAnabhaGgA | kaThorotkaTAnAM mahAbuddhidAtA | kRtisthA guNajJo guNAnandavijJA || 42-97 || mahAkAlapUjyo mahAkAlapUjyA | khagAkhyo nagAkhyA kharaH khaDgahastA | atharvo'tharvAndolitasthaH mahArthA | khagakzobhanAzA haviH kUTahAlA || 42-98 || mahApadma mAlAdhRto gANapatyA | gaNastho gabhIrA guruH jJAnagamyA | ghaTaprANadAtA ghanAkArarUpA | bhayArthoGabIjAGavArIGakartA || 42-99 || bhavo bhAvamAtA naro yAmadhyAtA | calAnto'calAkhyA cayo'JjAlikA ca chalajJazchalADhyA chakArazchakArA | jayo jIvanasthA jalezo jalezA || 42-100 || japaJjApakArI jagajjIvanIzA jagatprANanAtho jagaddhlAdakArI | jharo jharjharIzA jhanatkArazabdo | jhanaJjhaJjanAnAdajhaGkArarAvA || 42-101 || JacaitanyakArI JakaivalyanArI | hanollAsadhArI TanatTaGkahastA | Tharezo paviSTazThakArAdikoTI | Daro DAkinIzo Darezo DamArA || 42-102 || Dhamezo hi DhakkA varasthAnabIjo | NavarNA tamAlatanuH sthAnaniSThA | thakArArNamAnasthanistho'saMkhyA | dayAvAn dayArdrA dhanezo dhanADhyA || 42-103 || navIno nagebhAgatIrNAGgahAro | nagezI paraH pAraNI sAdipAlA | phalAtmA phalA phAlgunI pheNanAzaH | phalAbhUSaNADhyA vazI vAsaramyA || 42-104 || bhagAtmA bhavastrI mahAbIjamAno | mahAbIjamAlA mukundaH susUkSmA | yatisthA yazasthA ratAnandakartA | ratirlAkinIzo layArtha pracaNDA || 42-105 || pravAlAGgadhArI pravAlAGgamAlA | halohAlahelApadaH pAdatAlA | vazIndraH prakAzo varasthAnavAsA | zivaH zrIdharAGgaH zalAkA zilA ca || 42-106 || SaDAdhAravAsI SaDAdhAravidyA | SaDAmbhojasaMsthaH SaDabjopaviSTA | sadA sAdharogropaviSTA'parAgI | susUktApayasthA palAzrayasthitA || 42-107 || harasthograkarmA harAnandadhArA laghustho | lipisthA kzayIkzubdhaka saMkhyA | ananto nirvANAharAkArabIjA | urastho'pyurusthA urA UrdhvarUpA || 42-108 || Rcastho hi RRgAlaso dIrghalRsthA | tvameko hi caiMbIjagurvI guNasthA | sadauGkAravarNA hsauMkArabIjA | asaGkAracandro hyusaH kAravIrA || 42-109 || harIndro harIzA hariH kRSNarUpA | zivo vedabhASA ca zauriH prasaGgA | gaNAdhyakzarUpI parAnandabhakzA | parezo gaNezI raso vAsapUjyA || 42-110 || cakori kulaprANabuddhisthitisthA | svayaM kAmadhenusvarUpI virUpA | zrIhiraNyaprabhaH zrI hiraNyaprabhAGgI | prabhAtArkavarNo'ruNAkAraNAGgI || 42-111 || vibhA koTidhArA dharAdhAra koSA | raNIzo pratyAdikUTo'dharo .. dhAraNA zaurirAryA | mahAyajJasaMstho mahAyajJaniSThA | sadAkarmasaGgaH sadAmaGgaraGgA || 42-112 || kirAtIpati rAkiNI kAlaputrI | zilAkoTa nirmANadohA vizAlA | kalArkakalastho kalAkiGkiNIsthA | kizoraH kizorI kurukSetrakanyA || 42-113 || mahAlAGgalizrI baloddhAmakRSNaH | kulAlAdividyA'bhayo bhAvazUnyA | mahAlAkinI kAkinI zAkinIzo | mahAsuprakAzA paro hAkinIzA || 42-114 || kurukSetravAsI kurupremamUtI | rmahAbhUtibhogI mahAyoginI ca | kulAGgArakAro kulAGgIzakanyA | tRtIyastRtIyA'dvitIyo'dvitIyA || 42-115 || mahAkandavAsI mahAnandakAzI | puragrAmavAsI mahApIThadezA | jagannAtha vakzaH sthalastho vareNyA-- | cyutAnandakartA rasAnandakartrI || 42-116 || jagaddIpakalo jagaddIpakAlI | mahAkAmarUpI mahAkAmapIThA | mahAkAmapIThasthiro bhUtazuddhi -- | rmahAbhUtazuddhiH mahAbhUtasiddhiH || 42-117 || prabhAntaH pravINA gurustho giristhA | galaddhAradhArI mahAbhaktaveSA | kzaNakzunnivRttinIvRttAntarAtmA | sadantargatasthA layasthAnagAmI || 42-118 || layAnandakAmyA visargAptavargo | vizAlAkzamArgA kulArNaH kulArNA | manasthA manaHzrIH bhayAnandadAtA sadA | lANagItA gajajJAnadAtA mahAmerupAyA || 42-119 || tarormUlavAsI tarajJopadarzA surezaH | samezaH surezA sukhI khaDganiSThA | bhayatrANakartA bhayajJAnahantrI | janAnAM makhastho makhAnandabhaGgA || 42-120 || mahAsatpathastho mahAsatpathajJA | mahAbindumAno mahAbindumAnA | khagendropaviSTo visargAntarasthA | visargapraviSTo mahAbindunAdA || 42-121 || sudhAnandabhakto vidhAnandamuktiH | zivAnandasustho vinAnandadhAtrI | mahAvAhanAhlAdakArI suvAhA | surAnandakArA girAnandakArI || 42-122 || hayAnandakAntiH mataGgasthadevo | mataGgAdhidevI mahAmattarUpaH | tadeko mahAcakrapANiH pracaNDA-- | khilApasthalastho'vihamnIzapatnI || 42-123 || zikhAnandakartA zikhAsAravAsI | suzAkambharI kroSTarI vedavedIsugandhA | yugo yogakanyA davo dIrghakanyA zaraNyaH zaraNyA | munijJAnagamyA sudhanyaH sudhanyA || 42-124 || zazI vedajanyA yamI yAmavAmA | hyakAmo hyakAmA sadA grAmakAmA | dhRtIzaH dhRtIzA sadA hATakasthA'-- | yanezo'yanezI bhakAro bhagIrA || 42-125 || calatkhaJjanasthaH khalatkhelanasthA | vivAtI kirAtI khilAGgo'khilAGgI | bRhatkhecarastho bRhatkhecarI ca | mahAnAgarAjo mahAnAgamAlA || 42-126 || hakArArddhasaMjJA vRtohAramAlA | mahAkAlanemiprahA pArvatI ca | tamisrA tamisrAvRto duHkhahatyA | vipanno vipannA guNAnandakanyA || 42-127 || sadA duHkhahantA mahAduHkhahantrI | prabhAtArka varNaH prabhAtAruNazrIH | mahAparvatapremabhAvopapanno | mahAdevapatnIzabhAvopapannA || 42-128 || mahAmokzanIlapriyA bhaktidAtA | nayAnanda bhaktipradA devamAtA || 42-129 || ityetatkathitaM nAtha mahAstotraM manorama | sahasranAmayogA'GgamaSTottarasamanvitamam || 42-130 || yaH paThet prAtarutthAya zucirvAzucimAnasaH | bhaktyA zAntimavApnoti anAyAsena yogirAT || 42-131 || pratyahaM dhyAnamAkRtya trisandhyaM yaH paThet zuciH | SaNmAsAt paramo yogI satyaM satyaM surezvara || 42-132 || akAlamRtyuharaNaM sarvavyAdhivinAzanam | apamRtyvAdiharaNaM vAramekaM paThedyadi || 42-133 || paThittvA ye na gacchanti vipatkAle mahAnizi | anAyAsena te yAnti mahAghore bhayArNave || 42-134 || akAle yaH paThennityaMM sukAlastatkSaNAdbhavet | rAjasvaharaNe caiva suvRttiharaNAdike || 42-135 || mAsaikapaThanAdeva rAjasvaM sa labhed dhuravam | vicaranti mahAvIrAH svarge martye rasAtale || 42-136 || gaNezatulyavalino mahAkrodhazarIriNaH | etatstotraprasAdena jIvanmukto mahItale || 42-137 || mahAnAmastotrasAraM dharmAdharmanirUpaNam | akasmAt siddhidaM kAmyaM kAmyaM paramasiddhidam || 42-138 || mahAkulakuNDalinyAH bhavAnyAH sAdhane zubhe | abhedyabhedane caiva mahApAtakanAzane || 42-139 || mahAghoratare kAle paThitvA siddhimApnuyAt | SaTcakrastambhanaM nAtha pratyahaM yaH karoti hi || 42-140 || manogatistasya haste sa zivo na tu mAnuSaH | yogAbhyAsaM yaH karoti na stavaH paThyate yadi || 42-141 || yogabhraSTo bhavet kSipraM kulAcAravilaGghanAt | kulInAya pradAtavyaM na khalvakulezvaram || 42-142 || kulAcAraM samAkRtya brAhmaNAH kSatriyAdayaH | yoginaH prabhavantyeva stotrapAThAt sadAmarAH || 42-143 || Anandabhairava uvAca vada kAnte rahasyaM me mayA sarvaJca vismRtam | mahAviSaM kAlakUTaM pIttvA devAdirakSaNAt || 42-144 || kaNThasthAH devatAH sarrvA bhasmIbhUtAH susambhRtAH | mahAviSajvAlayA ca mama dehasthadevatAH || 42-145 || kaivalyaniratAH sarve prArthayanti nirantaram | SaTcakraM kathayitvA tu santoSM me kuru prabho | SaTcakrabhedakathanamamRtazravaNAdikam || 42-146 || kathitvA mama santoSaM kuru kalyANi vallabhe | amRtAnandajaladhau sudhAbhiH siktavigraham || 42-147 || kRttvA kathaya zIghraM me cAyuSaM parivardhaya | AnandabhairavI uvAca nigUDhArtha mahAkAla kAleza jagadIzvara || 42-148 || bhairavAnandanilaya kAlakUTaniSevaNa | idAnIM zRNu yogArtha mayi saMyoga eva ca || 42-149 || zrutvA caitatkriyAkAryaM naro yogIzvaro bhavet | mamodbhavaH khe'male ca sarvAkAravivajIte || 42-150 || bhUramadhye sarvadehe ca sthApayitvA ca mAM naraH | bhAvyate cAparicchannaM brahmaviSNuzivAtmakam || 42-151 || mama rUpaM mahAkAla sattvarajastamaH priyam | kevalaM rajoyogena zarIraM nApi tiSThati || 42-152 || tathA kevalayogena tamasA nApi tiSThati | tathA kevalasattvena kuto dehI pratiSThati | atastriguNayogena dhArayAmi navAGgakam || 42-153 || zanaiH zanaiH vijetavyAH sattvarajastamoguNAH | Adau jitvA rajodharmaM pazcAttAmasameva ca || 42-154 || sarvazeSe sattvaguNaM naro yogIzvaro bhavet | guNavAn jJAnavAn vAgmI suzrIrdharmI jitendriyaH || 42-155 || zuddhanirmalasatvaM tu guNamAzritya mokSabhAk | sadA sattvaguNAcchannaM puruSaM kAla eva ca || 42-156 || pazyatIha na kadAcijjarAmRtyuvivajItam | taM janaM paramaM zAntaM nirmalaM dvaitavajItam || 42-157 || sarvatyAginamAtmAnaM kAlaH sarvatra rakSati | jale vA parvate vApi mahAraNye raNasthale || 42-158 || bhUgarttanilaye bhIte saMhAre duSTavigrahe | santiSThati mahAyogI satyaM satyaM kulezvara || 42-159 || mahAyogaM zRNu prANavallabha zrIniketana | yogArthaM paramaM brahmayogArtha parantapaH || 42-160 || ye jAnanti mahAyogaM mirayante na ca te narAH | kRtvA kRtvA SaDdalasya sAdhanaM kRtsnasAdhanam || 42-161 || tataH kuryAnmUlapadme kuNDalIparicAlanam | muhurmuhuzcAlanena naro yogIzvaro bhavet || 42-162 || ekAntanirmale deze dubhIkSAdivivajIte | varSamekAsane yogI yogamArgaparo bhavet || 42-163 || padmAsanaM sadA kuryAd baddhapadmAsanaM tathA | mahApadmAsanaM kRtvA tathA cAsanamaJjanam || 42-164 || tatpazcAt svastikAkhyaJca baddhasvastikameva ca | yogAbhyAse sadA kuryAt mantrasiddhyAdikarmaNi || 42-165 || cakrAsanaM sadA yogI yogasAdhanakarmaNi | baddhacakrAsanaM nAma mahAcakrAsanaM tathA || 42-166 || kRtvA punaH prakartavyaM baddhayogezvarAsanam | yogezvarAsanaM kRtvA mahAyogezvarAsanam || 42-167 || vIrAsanaM tataH kuryAt mahAvIrAsanaM tathA | baddhavIrAsanaM kRtvA naro yogezvaro bhavet || 42-168 || tataH kuryAnmahAkAla baddhakukkuTAsanam | mahAkukkuTamAkRtya kevalaM kukkuTAsanam || 42-169 || mayUrAsanamevaM hi mahAmayUrameva ca | baddhamayUramAkRtya naro yogezvaro bhavet || 42-170 || etat sarvaM pravaktavyaM vicArya sumanaHpriya | abhiSekaprakaraNe AsanAdiprakAzakam || 42-171 || kathitavyaM vizeSeNa idAnIM zRNu SaTkramam | brahmA viSNuzca rudrazca Izvarazca sadAzivaH || 42-172 || tataH parazivo devaH SaTzivAH SaTprakAzakAH | eteSAM SaDguNAnandAH zaktayaH paradevatAH || 42-173 || SaTcakrabhedanaratA mahAvidyAdhidevatAH | eteSAM stavanaM kuryAt paradevasamanvitam || 42-174 || etatprakArakaraNe yazca pratyahamAdarAt | kriyAniviSTaH sarvatra bhAvanAgraharUpadhRk || 42-175 || sa pazyati jagannAthaM kamalopagataM harim | Adau harerdarzanaJca kArayedyena kuNDalI || 42-176 || tato rudrasya saJjJAyAM lAkinyAH zubhadarzanam | sarvazaH kramazo nAtha darzanaM prApyate naraH || 42-177 || zanaiH zanairmahAkAla kailAsadarzanaM bhavet | krameNa sarvasiddhiH syAt aSTAGgayogasAdhanAt || 42-178 || aSTAGgasAdhane kAle yadyat karmaM karoti hi | tatsarvaM pariyatnena zRNu sAdarapUrvakam | tatkriyAdikamAkRtya zIdhraM yogI bhaviSyati || 42-179 || iti zrIrudrayAmale uttaratantre mahAtantroddIpane siddhamantraprakaraNe SaTcakraprakAze bhairavIbhairavasaMvAde dvicattvAriMzattamaH paTalaH || 42 || atha tricattvAriMzaH paTalaH AnandabhairavI uvAca atha kAmAturANAJca kAmanirmUlahetunA | kathayAmi mahAkAla yat kRtvA kAminIvazam || 43-1 || tatprakAraM pravakSyAmi yogasAdhanahetunA | hastAsanaM samAkRtya Udrdhve padmAsanaM caret || 43-2 || ziromUle karadvandvaM niyojya japamAcaret | alpAlpadhAraNaM kuryAt zvAsasaMkhyAM samAcaret || 43-3 || zvAsasaMkhyAM tadA kuryAd yadA kumbhakasusthiraH | vinA zvAsasaMkhyAM ca kuto yogivaro vazI || 43-4 || vinA saMkhyAprayogeNa binA kuyogavAraNAt | kadAcinna prakartavyaM saMkhyAkumbhakavajItaH || 43-5 || alpAlpakumbhakaM kuryAt khecarapirayakarmaNi | sarvakAle prakartavyaM sarvakAle sukhI bhavet || 43-6 || AnandakalpamAkRtya vijayAdyAsavAdibhiH | krameNa bhedanaM kuryAt tataH sAdhakayogirAT || 43-7 || yoginAmaparicchinnaM bhAvaM vidyutprabhAkaram | vidyutkoTisamAbhAsaM vAridhArAsamAkulam || 43-8 || yadyevaM sutabhAvajJA vipAkena patanti te | te yAnti paramaM sthAnaM te yAnti koTirAjyapAH || 43-9 || te bhogino yoginazca te lokapAlakAH smRtAH | te mahadguNasambhogyA mirayante na kadA kutaH || 43-10 || te bhavanti mahAzreSThAste bhavanti sudhAkarAH | te bhedakaraNe yuktAste manuSyA na devatAH || 43-11 || te sarve yAnti sarvatra te zivAste ca kiGkarAH | te me bhaktA mahAkAla iti me svAgamodayam || 43-12 || ye bhajanti tava padA'mbhojaM bhAvaparAyaNAH | te jJAnino bhavantyeva teSAM kAlo vazo bhavet || 43-13 || ye prANavAyusaMyogA ye prANaparirakSakAH | AtmahatyAM parIhAya brahmalokaM mudAnvitAH || 43-14 || yAnti nAtha dhyAnaparAH saMsArArthavivajItAH | araNyavAsino ye ca nAraNyavAsino narAH || 43-15 || ekAntanirjane deze sarvavighnavivajIte | SaTcakrabhedamAkRtya te narAH phalabhAginaH || 43-16 || mahAkAlaphalaM yastu sadecchati satAM gatim | sa eva yogI bhUmadhye sthitvA sarvatrago bhavet || 43-17 || sarvadeze sadA pUjyaH sarvezo nirmalo'dvayaH | anAdyanantavibhavaH kAlAtmA sa bhavet kSaNAt || 43-18 || eteSAM sAdhanaM zIghraM siddhividyAsukalpanam | etadrUpaM nijaM dhyAtvA bhedaM kRtvA nijasthalam || 43-19 || mUlAdhAraM svAdhiSThAnaM bhedajJAnI vibhedya ca | kuryAt paramasandarbhaM maNipUre vicakSaNaH || 43-20 || kRtvA ca darzanaM vidvAn zrIkRSNacaraNAmbujam | svAdhiSThAnAdidevendraM zaktiyuktaM niraJjanam || 43-21 || rAkiNIrAdhikA vyAptaM trilokarakSaNaM param | paramAkAzanilayaM traiguNyaM vArirUpiNam || 43-22 || vAJchAkalpatarormUlavAsinaM zivavaiSNavam | vilokyAnandahRdayo'zaGkaH sarvatra darzakaH || 43-23 || kRtvA yogI sadAbhyAsI maNipUraM vilokayet | maNipUraM mahAcinhaM siddhikSetraM sudhAmayam || 43-24 || hiraNyakoTidAnena gokoTidAnahetunA | koTibrAhmaNabhojyena yatphalaM labhate naraH || 43-25 || tatphalaM labhate dhyAtvA maNipUraM manoramam | maNipUraM mahAsthAnaM yoginAmapyadarzanam || 43-26 || sUkSmAtisUkSmaM paramaM jJAninAM jJAnagocaram | aprakAzyaM mahAguhyaM yogayogena labhyate || 43-27 || Anandabhairava uvAca yogArthaM yatra kamale koTividyutsamaprabhe | koTikAlAgnimilite koTicandravinimIte || 43-28 || koTisUryAdikiraNe manaH kena vilIyate | sUcIrandhre yathA sUtraM tadeva phaladaM sukham || 43-29 || yanna dRSTaM zrutaM kvApi jJAnaM na tatra sundari | tatra kena prakAreNa manonivezanaM bhavet || 43-30 || yatra na gamanaM nRRNAM tasya devasya yatphalam | tatphalaM kiM na jAnAti adRSTe gamanaM kutaH || 43-31 || kuto rAjJAM nasampattiH kuto vA svArthadarzanam | kuto vA jAyate siddhirbhedane kiM phalaM bhavet || 43-32 || tattvaM jAnAsi devezi tatprakAraM prakAzaya | AnandabhairavI uvAca yaduktaM taddhi sakalaM saphalaM paramezvara || 43-33 || tatra pUrvaM yogadharmasvAzrayaM zRNu tatkramam | pUrvasmaraNamAtreNa jIvanmukto bhaviSyasi || 43-34 || jIva eva mahAbhAga lokAnAM mokSabandhagaH | sa jIvo vAyurUpeNa mahAbalaparAkramaH || 43-35 || gacchati pratyahaM nityaM sarvadA ca punaH punaH | punarAyAti dharaNIM svabhAvena nirantaram || 43-36 || nAnAbhAvapirayaH so'pi nAnAkAranirUpakaH | nAnAdharmapirayaH zuddho'zuddhavezadharo mahAn || 43-37 || kandarpanilayo yogI sa yogI paramArthavit | sa jJAnI nirahaGkArI so'haGkArI zarIradhRk || 43-38 || sarvagandhapirayo'dRzyo bhAvayettAM rahasyavit | sa eva niSkalaH zuddhaH sadA dhyAnaparAyaNaH || 43-39 || yadA cAtmani brahmANDe brahmaNi tvayi zaGkare | tanmayo vilayaM yAti tadA bhAvo mahAn smRtaH || 43-40 || tadbhAvaH paramaM jJAnaM na kathyaM viparItakam | AdhAraM susukhaM nityaM svalpakAlavivajItam || 43-41 || atyantadharma sandhAnaM prApya yogI bhavennaraH | zanaiH zanaiH pragantavyaM tatra tatra sudarzanam || 43-42 || tatra tatra mahAsiddho bhUttvA saMsAraputravAn | yoginAM bahukAlasthaM mRtAnAmalpakAlakam || 43-43 || zvAsadhAraNamAkRtya bahukAlaM sukhI bhavet | yathA bRhaspatiH zrImAn yathA sUryo divAkaraH || 43-44 || tathA prakAzamAkuryAt koTibhiH stotranAmabhiH | stutvA bhUtvA mahAdravyaistarpayitvA yathAkramam || 43-45 || abhiSiktaH punardhyAtvA pUjayitvA yathAvidhi | mAnasopacAradravyaiH svadhAyuktairathApi vA || 43-46 || paramAnandito bhUttvA bhAvayet pIThadevatAH | bhAvayitvA tato japtvA dharmAdharmau vicintayet || 43-47 || devatAyAM mano yojya sthApayitvA svapIThake | punarutphullakamalaM mudritaM parikArayet || 43-48 || SaDdalaM rmUcchitaM kRtvA dalAgre saMvizet sudhIH | sadAnandaH sarvamayo vedavedAntanAmabhiH || 43-49 || stavakoTibhirekatra dhyAtvA saMhAramudrayA | adhomukhe dazadalakamalAgre niyojayet || 43-50 || SaDdalAgraM mahAkAla niyojya gamanaM caret | tato gacchet prajvalite padme dazadale pure || 43-51 || pravizya kaNIkAmadhye tanmayastatkSaNAd bhavet | tatkSaNAttanmayo bhUtvA kuNDalIcakrasaMsthitaH || 43-52 || asAdhyasAdhanaM sarvaM maNipUrasthanirmalam | maNipUre mahApIThe dhyAnagamye sati prabho || 43-53 || manonivezanaM kRtvA naro mucyeta saGkaTAt | manoyogI manobhogI manobhakto manoyuvA || 43-54 || mana eva manuSyANAM kAraNaM trANamokSayoH | kAraNaM sarvabhAvAnAM tadbhAvaM santyajed budhaH || 43-55 || sarvabhAvaM vihAyApi mahAbhAvaM samAzrayet | bhAvena labhyate mokSo bhAvena labhyate sukham || 43-56 || etadbhAvaM sadA kuryAd bhAvAd bhavati yogirAT | bhAvena bhaktimApnoti viSayAd bhAvamAzrayet || 43-57 || viSayaM vikRtigrAhyaM sukRtijJAnavajItam | tyaktvA divyaM mahApIThaM maNipUraM samAzrayet || 43-8 || mahAyantre mano datvA nirmANaM kArayed budhaH | maNibhirgrathanaM kRtvA nAnAmaNivibhUSitam || 43-50 || supIThaM kulapIThe vA liGgapIThamathApi vA | zrIvidyApIThamAlikhya vibhAvya ca punaH punaH || 43-60 || tataH prasphuTite padme dalAgre SaDdalasya ca | sthApayitvA mahAviSNuM pUjayitvA susaMyataH || 43-61 || japtvA ca tanmayo bhUtvA nidhAya maNipUrake | dRDhAkAramUrdhvagataM SaDdalaM parirakSayet || 43-62 || tatazcodrdhvatare sthAne mahoccottarasundare | manonivezanaM kRtvA zaktiM rudraM samAzrayet || 43-63 || caitanyarUpiNIM zaktiM caitanyaM rudrarUpiNam | tatra bhadrAtmakaM raudraM raudrIM prakAzakAriNIm || 43-64 || bhaktyA punaH punardhyAyedUrdhvaretAstamIzvaram | pragacchanti codrdhvamArge dhyeyA yogibhireva ca || 43-65 || ahaM devI parAnandA maNipUranivAsinI | tathA zrIlAkinIzaktiH zrIrudrastvaM na saMzayaH || 43-66 || rudrarUpI mahAdevo rudrarUpA sarasvatI | sarvadA UdrdhvagAmI ca sA zaktirUdrdhvagAminI || 43-67 || UdrdhvamArgaM kAzayantIM yoginIM yogamAtaram | mahArudraM tathA dhyAtvA maNipUre sunirmale || 43-68 || UdrdhvamukhaM samAkuryAd mahApadmaM manoramam | maNipUraM mahAkAntaM maNikoTisunirmalam || 43-69 || koTikoTizaraccandra pUrNajyotiHsamAkaram | UdrdhvamukhaM samAkuryAt svayaMbhAvena jAyate || 43-70 || yadi codrdhvamukhaM padmaM yantramaNDalasaMyutam | atikomalapatreSu bhAti cAtyadbhutaGkaram || 43-71 || lepayitvA yojayitvA sthApayitvA punaH punaH | prApayitvA mahArudraM trailokyajananIM zivAm || 43-72 || rudrANIM raudrazaktiJca lAkinIM lokasAkSiNIm | kumbhakaM prANavAyozca prANavAyozca yojanam || 43-73 || ekatra milanaM kRtvA bhAvanaM parikArayet | bhAvena labhyate mokSo bhAva eva nijapirayaH || 43-74 || mano nivezya tatrastho rudrArAdhanamAcaret | tathA zrIlAkinIdevyAH paramAdbhutasAdhanam || 43-75 || zRNuSva paramAnanda bhairava pirayavallabha | mamopadezaM santyajya ko'pi siddho na sambhavet || 43-76 || mamAjJAbalayogena siddho bhavati mAnavaH | muktimUlaM mahAbhAvaM muktimUlaM hi sAdhanam || 43-77 || muktikrameNa kAlena siddho bhavati sAdhakaH | mama yogakrameNaiva mama tantrAvalokanAt || 43-78 || ko'pi nAtha brahmayogI bhavatyeva na cAkhile | sarve ca yoginaH zIghraM prabhavanti na saMzayaH || 43-79 || sphuTAkAradalaM kRtvA vinyAsaM tatra kArayet | mahAyogikulanyAsaM vidyAnyAsaM samAcaret || 43-80 || sarvanyAsaM nijanyAsaM jJAnajAlaM samAcaret | mAnasakriyayA vyAptaM dehaM madhurasamplutam || 43-81 || zivarUpiNamAtmAnaM vaiSNavaM jJAnacakSuSam | ekAkAraM mUlamantradhyAnaM tatra samAcaret || 43-82 || dhyAtvA cArghyaM samAkuryAt kulacakrakrameNa tu | AtmAnamaparicchinnaM vicintya punareva ca || 43-83 || sandhyAyennijacaitanyadevatAM kuladevatAm | pAdyArdhyAdikrameNaiva pUjayitvA'pyahanIzam || 43-84 || parivArAMstato dhyAtvA tatsarvAn paripUjayet | dhUpadIpau tato dadyAd nijapUjAvidhAnataH || 43-85 || prANAyAmaM dIpanAdau kuryAt sAdhaka eva ca | bhaktyA dhyAtvA manuM japtvA maNipUrasthadaivate || 43-86 || japaM samarpya vidhinA prANAyAmaM punastrayam | praNamya stotrakavacaiH svadevIM hRdi cArpayet || 43-87 || iti zrIrudrayAmale uttaratantre mahAtantroddIpane siddhimantraprakaraNe bhairavabhairavIsaMvAde maNipUracakrabhedaprakAro nAma tricatvAriMzattamaH paTalaH || 43 || atha catuzcattvAriMzaH paTalaH AnandabhairavI uvAca maNipUravibhedArthaM zRNu vakSyAmi tattvataH | yaM jJAtvA mUDhalokAzca pravizanti mahAghaTe || 44-1 || amUDhatvaM prApnuvanti bhavanti yogino'marAH | khecaratvaM prApnuvanti sAMkhyayoganiSeviNaH || 44-2 || mahApAtakamukhyAnAM nAzaM zIghraM mahAripum | kiyatkAle'nale doSe jale parvatakAnane || 44-3 || kurvanti ca didRkSUNAM devatAvazameva ca | maNipUraM mahApIThaM dhyAyed yaH prANasaMyamam || 44-4 || tathA paJcA''savAsiddhiM kRtvA pUraM vibhedayet | triloka jananIM satyAM zivAmAdyAM triyoginIm || 44-5 || mUlAdhArAt samutpatya gacchantI rasaSaDdale | prakAzaM SaDdalaM kRttvA pragacchantI prabhAnvitA || 44-6 || maNipUre mahAcakre trailokyajapasAdhane | siddhInAM nilaye kAmye kamanIye manaHpiraye || 44-7 || manaH pirayA mahAdevI sarvollAsanakAriNI | khecarI mahadAnandamaNDitA mantrayoginI || 44-8 || anugrahakarI siddhA vibhAvyA tata eva hi | Anandaghana sandohamAtmajJAnaM sunirmalam || 44-9 || maNipUraM saMvibhAvya kinna siddhyati bhUtale | aNimA laghimA vyAptirmahAzreSThAdisiddhibhAk || 44-10 || kaulo vA vAra mukhyo vA jJAnI vA sAdhakottamaH | yogAbhyAsaM yaH karoti maNipUraM samAzrayet || 44-11 || maNipUrasthitaM devaM yaH stauti niyataH zuciH | stavarAjasya pAThena prabuddhA kuNDalI bhavet || 44-12 || sA devI paramA mAyA maNipUre sthitA zivA | prabuddhAM kAsyatyeva tataH siddho bhavenmanuH || 44-13 || siddhe manau parAprAptiriti me tantranirNayaH | yadi caitanyamicchanti kuNDalinyAH parAkramam || 44-14 || jAnAti nijadehe ca mahodayamanuttamam | teSAM caitanyahetozca devatAnAM kulezvara || 44-15 || mahAstotraM samAkuryAt pratyahaM siddhihetunA | siddhikAryaM dharmakAryaM maNipUre samApnuyAt || 44-16 || maNipUranivAsinyAH bhedanaM jJAnasAdhanam | sahasranAmamamalaM siddhidravyanirUpaNam || 44-17 || nityasiddhiM kAmyasiddhiM maNipUre samAzrayet | prANabuddhyA sveSTadevIM pUjayellAkinIM parAm || 44-18 || svadevatAM pUjayed vai maNipUre mahAlaye | maNipUrasthitAM raudrIM mahAzaktiM mahodayAm || 44-19 || sarvasaJcAriNIM yogyAM mahAyogipirayAM parAm | nijadevIpadAmbhoja pUjAvat pUjanaM caret || 44-20 || pUjAM samApya vidhinA stotraM devyAH samAcaret | tatprANavAyurUpeNa siddhInAM nAzahetave || 44-21 || kRtaM stotraM koTinAma brahmaNA guNakAtmanA | tatsarvaM prakaroSyetat prakAraM jJAnazaGkara || 44-22 || etatstotraprasAdena yoginaste mahaujasaH | ahaGkAraghaTI jJAnaM mahAvyAdhinivAraNam || 44-23 || mahAstavanamevaM hi sAkSAdAnandavardhanam | naya bhaktipradaM zuddhaM zuddhAnAmapyagocaram || 44-24 || zivAM zakyAmAdyAM dazadalagatAM rudramahiSI| vizAlAkSIM sUkSmAM zaziyutajaTAjUTamukuTAm | mahAvidyutkoTipirayajaDitapIThe trinayanA| mahAlAkinyAkhyAM dazadala kalAM bhAvayati kaH || 44-25 || mRNAlAntardhvAntaH prakaTataTasaMhArasubhagA| kulakSetrollAsAM caramapadadAM dIpakalikAm | sadAnandAkArAM gatiguNaharAM cArukiraNA| prabhAvarNazyAmAM ruciravadanAM bhAvayati kaH || 44-26 || pratIkSAnandAbdhi prakaTacaraNAmbhojayugalA| viyadvarNAM kAntAM suravarasupUjAvidhiratAm | mahAsUkSmadvArapracalanakarIM bhedanakarI| divAyogAhlAdapirayajanazivAM bhAvayati kaH || 44-27 || ayodhyApIThasthAmaruNakamanIM premagalitA| mahAraudrIM bhImAM zatazataravipremanikarAm | mahAduHkhArtAnAM nayanazubhagAM bhAvavirahA| satIM sItAmindrotsavanavaghaTAM bhAvayati kaH || 44-28 || sudhAbdherAhlAdaprakaraNasurAM saurabhakarA| kriyArUpAM yogyAM bhuvamaNipUraprakRtigAm | guroH sthAnodyogAM samanadahanAM zItalavarA| tritattvAM tattvajJAM sa(za)maraharazaktiM bhajati kaH || 44-29 || vikArAkArAGgIM taruNaravikoTizriyamimA| kulAdhArAM sArAM paramarasadhArAM jayavarAm | kRpAcchannAkAmAM paramarasabhANDeSu zubhadA| bhajedindrAM rudrAM zazimukhakarAhlAdanikarAm || 44-30 || rasAbdhau vizrAntiM kupitajanazAntiM sakaruNA| trilokajJAnasthAM madananilayAM yoganikarAm | maNidvIpacchAyAM dazadalakalAM kevalabhavA| bhavAnIM rudrANIM varadamaNipUre bhajati kaH || 44-31 || kRpAbdhau kiM kiM kimanugatasutAM maulinamitA| zivAGkAM mUlasthAM sakalamaNipUrasthirabhavAm | hiraNyAkSIM takSAM kSayakaraNarazmicchavizatA| vinodIM paJcAsyapirayaguNadharAM bhAvayati kaH || 44-32 || mahApadmAkhyAM sakaladhanadAnAkulacalA| calAnandodreka--pracayarasasindhUdbhavahRdi | hRdAnando dhyAyet sakalaguNadAtrIM sukhamayI| kalAM sUkSmAtyantAM timiradahanAM koTidhanadAm || 44-33 || dazakaM yaH paThennityaM zrIvidyAM sukhadAyinIm | dhyAtvA hRdayapadmAdho nirmalAtmA sadA paThet || 44-34 || maNipUrasthitaM devaM rudraM pazyati yogirAT | rudrANIsahitaM zambhuM dRSTvA mukto bhavet kSaNAt || 44-35 || jIvanmuktaH sa evAtmA yoginIvallabho bhavet | yogAtmA paramAtmA ca sa hi sAkSAdanIzvaraH || 44-36 || sa bhitvA maNi pUrAbdhiM nirmalaM jyotirujjvalam | zambhorIzvarayogajJakriyAnAthasya zrIpateH || 44-37 || nikaTe yAti devyAzca sthAne yogI na saMzayaH || 44-38 || iti zrIrudrayAmale uttaratantre mahAtantroddIpane siddhamantraprakaraNe SaTcakraprakAze maNipUrabhedane bhairavIbhairavasaMvAde tritattvalAkinIzaktistavanaM nAma catuzcattvAriMzattamaH paTalaH || 44 || atha paJcacattvAriMzaH paTalaH AnandabhairavI uvAca atha kAlakramaM vakSye yatkAle yogirAD bhavet | tatkAlaM prANavAyUnAM nilayaM sUkSmasaJcayam || 45-1 || punaH punaH saJcayane dRDho bhavati saMvazI | kriyAyAM saJcarantyeva yoginyo yogamAtaraH || 45-2 || yatkAle yatprakarttavyaM bhAnurUpyakulArNava | kAle kAle vazo yAti paramAtmA nirAmayaH || 45-3 || vinA prayogasAreNa vinA jApyena zaGkara | kaH siddho jAyate jJAnI yogI bhavati kutra vA || 45-4 || abhyAsamantrayogena zanairyogI bhavennaraH | prabhAte jJAnazaucaJca kuNDalIbhAvanAdikam || 45-5 || tanmadhye cApi saMskuryAd yogaM paJcAmarAdikam | tato mantrasnAnakAryaM mastake jalasecanam || 45-6 || sandhyAvandana kAryaJca tataH kuryAt pRthak pRthak | tata utthAya sadbhUmau zuddhakomalajAsane || 45-7 || upavizya sadAbhyAsI zuddhakAyAsanaJcaret | tatkAryasamaye nAtha dhyAnaM caitanyameva ca || 45-8 || kuNDalinyAH sadA kuryAt tanmadhye japameva ca | AsanaM sundaraM kuryAt savyApasavyabhedataH || 45-9 || AsanAdikamAkRtya zeSe susthAsanaM caret | susthAsanaM samAkRtya cordhvapadmAsanaM caret || 45-10 || mastakAdhaH kezamadhye hastau dattvA manuM japet | caturazItitriguNamAsanaM bhaJjanaM tathA || 45-11 || pratyAsanaM krameNaiva eteSAM dviguNaM punaH | eteSAmAsanAdInAM vaktavyA saGkhyakA punaH || 45-12 || aSTAGgasAdhane nAtha vaktavyaM sarvamAsanam | prANAyAmaM SoDazakamathavA dvAdazAdikam || 45-13 || svakarNAgocaraM kRtvA pibedvAyuM sadA budhaH | tataH samApya tatkAryaM mantrayogaM samabhyaset || 45-14 || samApya mantrayogaM ca prANAyAmatrayaM caret | tata utthAya nadyAdiM vilokya cAntarAtmani || 45-15 || snAnaM kRttvA mahAyogI mAnasAdikrameNa tu | tatraiva mAnasaM jApaM samApya japameva ca || 45-16 || ekaprANAyAmaM kuryAt kRttvA tIre vizet sudhIH | pidhAya pItavasanaM dharmAdharmaM vicintayet || 45-17 || tataH sandhyAvandanaM ca kRttvA pUjAvidhiM caret | sarvatra kumbhakaM kRttvA bhAvayittvA punaH punaH || 45-18 || maNipUre mahApIThe dhyAtvA devIM kulezvarIm | pUjayittvA vidhAnena prANAyAmaM punazcaret || 45-19 || tataH kuryAt sAdhakendro vidhinA kavacastavam | sarvatra prANasaMyogAd yogI bhavati nizcitam || 45-20 || athavA kAlajAlAnAM vAraNAya mahaSIbhiH | etat kAryaM samAkuryAd yoganirNayasiddhaye || 45-21 || vinA yogaprasAdena (na) kAlaH saMvazo bhavet | kAlena yogamApnoti yogadhyAnaM svakAlakam || 45-22 || yogAdhInaM paraM brahma yogAdhInaM parantapaH | yogAdhInA sarvasiddhistasmAd yogaM samAzrayet || 45-23 || yogena jJAnamApnoti jJAnAnmokSamavApnuyAt | tatkramaM zRNu bhUcakre sarvasiddhyAdisAdhanam || 45-24 || siddhisAdhanamantreNa yogI bhavati bhUpatiH | zIghraM rAjA bhaved yogI zIghraM yogI bhaved yatiH || 45-25 || zIghraM yogI bhavedvipro yadi svadharmamAzrayet | svadharmaniSThatAjJAnaM sajjJAnaM paramAtmanaH || 45-26 || tajjJAnena labhed yogaM yogAdhInAzca siddhayaH | siddhyadhInaM paraM brahma tasmAd yogaM samAzrayet || 45-27 || svadharmaniSThatAjJAnaM sa tajjJAnaM samAzrayet | yogayogAdbhavenmokSo mama tantrArthanirNayaH || 45-28 || yogI brahmA murArizca tathA yogI mahezvaraH | tathA yogI mahAkAlaH kaulo yogI na saMzayaH || 45-29 || maNipUrabhedane tu yatnaM kuryAt sadA budhaH | yadi cenmaNipUrasthadevatAbhedako bhavet || 45-30 || sarvakSaNaM sukhI bhUtvA ciraM tiSThati nizcitam | mahAprabhaM sundaraJca mahAmohanighAtanam || 45-31 || meghAbhaM vidyutAbhaM ca pUrNatejomayaM param | maNibhirgrathitaM padmaM maNInAM pUrameva ca || 45-32 || sUryakAntaizcandrakAntairvahnikAntairmahojjvalaiH | ityAdimaNibhiH sarvaM paraM kAntiguNodayam || 45-33 || niviDe jalade meghe koTividyutprabhA yathA | tatprakAraM bhAvanIyaM siddhAnAM jJAnagocaram || 45-34 || atyantasUkSmamArgasthaM nityasthAnaM hi yoginAm | maNibhiH zobhitaM padmaM maNipUraM tathocyate || 45-35 || dazakomalapatraizca samAyuktaM manoharam | DAdiphAntavarNayuktaM sthiravidyutsamAkulam || 45-36 || zivenAdhiSThitaM padmaM vizvAlokanakArakam | Adau varNarUpakANAM dhyAnaM kuryAt svadhAmayaH || 45-37 || mahApadme mano datvA nirmalaM paribhAvayet | DAdiphAntAkSarANAM ca dhyAnAjjJAnasthiro bhavet || 45-38 || manodhairyamupAgamya divyabhaktiM samAlabhet | varNadhyAnaM pravakSyAmi zRNuSva paramezvara || 45-39 || yadvibhAvyAmaro bhUtvA ciraM tiSThati mAnavaH | mahAdhairyakriyAM kuryAd vAyupAnaM zanaiH zanaiH || 45-40 || yatra yatra mano yAti tanmayastatkSaNAd bhavet | pUrvAdidalamArabhya dhyAnaM kuryAt pRthag pRthak || 45-41 || DAM DAM DAM DAkinIntA DamaruvararatAM tAriNIM tArarUpA| DiM DiM DiM DAmarasthAM DamaruDamagRhe DaGkaDiMkiM manusthAm | DaM DaM DaM DAmarezIM DimiDimiDimigadhvAnanirmANaDorA| DoM DoM DoM DAkaDaM DaH praDuma DamuDAM dADimAmAzrayAmi || 45-42 || DhAM DhAM DhAM gADhaDhakkAM varanikarakarAM bADhamAbADhamantrA| DhiM DhiM DhiM nAgarUpAM bhaja bhaja vimalAnandacittaprakAzaH | zrIM DheM DhaM vajraDhUM khA khavaTa maTamaraM svAhayA ToMTabIjA| DhoM DhoM DhoM DhakkaDhakkaH pirayaDhunakaruNAkAminIM lAkinIM tAm || 45-43 || bANasthityasaMsthAM rucinakaravaNAkAraNA vANavANi| vINAM veNUtsavADhyAM maNiguNakaruNAM naM khaTIjapravINam | veNusthAnAM sumAnAM maNimayapavamAmantramAlAvilolA| sindUrAraktavarNAM taruNaghananavInAmalAM bhAvayAmi || 45-44 || tArAM tArakamaJjAlavimalAM tAlAdisiddhipradA| tADaGkAmatitejasA munimanoyogaM vahantIM parAm | tAM tArAM tulasIM tulAM tanutaTAM tarkodbhavAM tAntrikA| zrIsUryAyutatejasIM bhaja manaH zrImAtaraM tApasIm || 45-45 || vyagrasthAM sthAnasusthAM sthitipathapathikAM thArNakUTAM thamAlI| gAthAM yogAM vipathAM thamiti thamiti thaM vahnijAyAM sthirAsAm | candrajyotsnAsthalasthAM sthirapadamathanAmujjvalAmAsanasthA| sthairyAM sthairyAbhirAmAM praNava nava sudhAM candravarNAM bhajAmi || 45-46 || drAM drIM drUM dIrghadaMSTraM dazanabhayakarAM sATTahAsAM kulezI| doSacchatrApahantrIM divitaraNadazAdAyinImAdarasthAm | zliSTAhlAdapradIptAmakhiladhanapadAM dIpanIM bhAvayAmi || 45-47 || dharmAM zrIM dhyAnazikSAM dharaNidharadharAM dhUmadhUmAvatIM tA| dhUstUrAkAravakrAM kuvalayadharaNIM dhArayantIM karAbjam | vidyunmadhyArkakoTijvalanadharasudhAM kokilAkSIM susUkSmA| dhyAtvA hlAdaikasiddhiM dharaNidhananidhiM siddhividyAM bhajAmi || 45-48 || nityAM nityaparAyaNAM trinayanAM bandhUkapuSpojjvalA| koTyarkAyutasaMsthirAM navanavAM hastadvayAmbhoruhAm | nAnAlakSaNadhAraNAmalavidhuzrIkoTirazmisthitA| sAnandAM naganandinIM triguNagAM naM naM prabhAM bhAvaye || 45-49 || prItiM premamayIM parAtparatarAM preSThaprabhApUritA| pUrNAM pUrNaguNopari pralapanAM mAMsapirayAM paJcamAm | vyApAropanipAtakApalapanA pAnAya pIyUSapA| cittaM prApaya pItakAntavasanAM paurANikIM pArvatIm || 45-50 || spheM spheM sameM phaNivAhanAM phaNaphaNAM phullAravindAnanA| pherUNAM varaghoranAdavikaTAsphAlapraphullenmukhIm phaM phaM phaM phaNikaGkaNAM phaNiti phaM mantraikasiddheH phalA| bhaktyA dhyAnamahaM karomi niyataM vAJchAphalaprAptaye || 45-51 || vidyutAGkAramadhye tu bijalIraktavarNakAn | evaM dhyAtvAkhilAn varNAnraktavidyud dalodyatAm || 45-52 || sadA dhyAyet kuNDalinIM kaNIkAmadhyagAminIm | varahastAM vizAlAkSIM candrAvayavalakSaNAm || 45-53 || cArucandanadigdhAGgIM phaNihAravibhUSaNAm | dvibhujAM koTikiraNAM bhAlasindUrazobhitAm || 45-54 || trinetrAM kAlarUpasthAM lAkinIM layakAriNIm | siddhimArgasAdhanAya dhyAyed varNAn daza kramAt || 45-55 || caturbhujAM SaDbhujAM ca aSTahastAM parAparAm | durgAM dazabhujAM devIM nijavAhanasusthitAm || 45-56 || sarvAstradhAriNIM sarvAM hastadvAdazazobhitAm | caturdazabhujAM raudrIM tathA SoDazapAlinIm || 45-57 || aSTAdazabhujAM zyAmAM hastaviMzatidhAriNIm | evaM dhyAtvA pUjayitvA rudrANIstotramApaThet || 45-58 || iti zrIrudrayAmale uttaratantre mahAtantroddIpane siddhimantraprakaraNe | SaTcakraprakAze bhairavIbhairavasaMvAde varNadhyAnakathana | nAma paJcacatvAriMzattamaH paTalaH || 45 || atha SaTcattvAriMzaH paTalaH AnandabhairavI uvAca zRNu bhairava vakSyAmi rudrANIstotramuttamam | zruttvA paThittvA deveza dhArayittvA svadehake || 46-1 || mahAsiddho bhavedeva mahAkAlavazo bhavet | trailokyarakSaNArthAya brahmaNA viSNunA tathA || 46-2 || rudrayuktAM mahAraudrIM stuttvA sarvajayo bhavet | tacchruttvA munayaH sarve yogino yogadarzakAH || 46-3 || sarve devAH sarvalokAdhipAH syuH prANarakSakAH | etat stavanamAtreNa brahmA brahmatvamApnuyAt || 46-4 || viSNuvISNutvamApnoti devatvaM sarvadevatAH | idAnIM zRNu tatstotramaSTAGgayoga sAdhanam || 46-5 || etatstavanapAThena cASTAGgakuladevatAH | vazIbhUtAH prabhavanti saptasvargasthadevatAH || 46-6 || asya mahArudrazaktistotrasya mahAkAlabhairavaRSiranuSTupchandaH zrImachrIrUpiNI devatA vAM bIjaM drAM zaktiH samauM spheM kIlakaM mahogrAdi devatA sarvAbhISTasiddhyarthe jape viniyogaH || mahAraudrI rudrAruNAravaravakrodhanikarA | vikArA dharmANAM haratu viSayaM dehi paramam | vivekaM satputraM tvamapi jagatAmAdipuruSaM | vibhAkoTigrAmaskhalananicalA locanacalA || 46-7 || tvamekA trailokyaM vyavasi satataM me zubhabhavA | anantA sA cAtIndriyagaNakalA nAgavasanA | zriyaM dAtuM nityaM samudayati razmistava zive | zivAhlAdAnandA jaDitamanamandA kuru mudA || 46-8 || mahAlobhaM pApaM hara hara hare hIrakanibhe | viSAnandodghAtA mama tanu viSaM vezavazini | sudhAnandaM dehi kSayamapi harakrodhamatulaM | madaM kAmaM mohaM kulajanani divyaM vitara tat || 46-9 || tapasyAsadbhAvaM tvamapi ca dadAsIha yadi vA | pradIptA sadvyAptA bhavati tava dAne mama manaH | praphullAtizrIde jaya mama na bhaktiM nijazubhAM | samIDe tvAmekAM bhuvanajanarakSAM kuru sadA || 46-10 || vicArya sve tantre racayasi sukhaM nityamilitaM | mahAkhaDgaprakhyA tribhuvanakarA rudradayitA | surANAM saMrakSAM yadi kuru mudA pIThanikare | maNidvIpe tejomayi hi maNipUre'malapadam || 46-11 || mahAkSetre yuddhotsavabhayaharA tvaM kulakalA | kirAtI sarvANI mama kulagataM pAlaya laye | layajJAnAnandaM racaya hRdaye yogajanani | yatInAM rakSAyai kulayuvati vidye udayati || 46-12 || pratiSThA kItIste tvamavatarasi trAsi timirA-- | nna jAne tvat tattvaM taruNi mahimAnaM sukhamayam | mahApArAvArAM nidhibhavajalezaM kuru jayam | hiraNyAhlAdasthA tvamapi karuNAsAgaramayI || 46-13 || vidhAtAraM viSNuM suravaraNavandIn parajanAn | prapAsi tvaM siddhA sukhabhuvanabhaGgakSayakarA | kirantI sAnandA kiraNazatakoTiM tribhuvane | tvamekA kalyANi girizaramaNiM pAhi satatam || 46-14 || tvadIyaM sukhAntaM samIcchAmi satyaM | visargenduvarNAtmakaM kAmanAkhyam | kRpAdRSTipAtA manaH pAhi zuddhA | tvamekA parabrahmarUpeNa siddhA || 46-15 || jagattAriNI tvaM jagavyApinI tvaM | jagajjvAlarUpA jagaddharmarUpA | anaikAntikattvAttvamAnandarUpA | tvamekA parabrahmarUpeNa siddhA || 46-16 || vidhAnaM janAnAM kuru tvaM tvamIzA | kSapAkSA macittA pirayAnandadAtrI | tvamAjJAmbujasthA tvamAryA gurUNAM | tvamekA parabrahmarUpeNa siddhA || 46-17 || prabhAmaNDalasthA sthitityAgasaMsthA | sthalAmbhojamAlA tvamAlagnakaNThA | zivazyAmavarNA mahApiGgalArNA | tvamekA parabrahmarUpeNa siddhA || 46-18 || caturthazrutisthAcalazcandrasaMsthA | mahAvedabhASA tvamekA jagatyAm | mahAbhaktibhAvAzritaM mAM prasiddhe | tvamekA parabrahmarUpeNa siddhA || 46-19 || jagaddhAmaceSTe jagadbuddhiniSThe | jagadyauvanasthA jagadbhAvasaMsthA | samAvarttamadhye mahAghUNItaM mAM | tvamekA parabrahmarUpeNa siddhA || 46-20 || mahA sRSTisaMhArakAlakramasthA | mahAmAMsabhakSA sadAnandarUpA | mahAzAkya maunIndrapUjye surejye | tvamekA parabrahmarUpeNa siddhA || 46-21 || catuHSaSTitantrArNa vAhlAdakatvA-- | nmahAbhautikatvAnmahAsiddhividyA | chalacchinnadehA chalAnannasaMjJA | tvamekA parabrahmarUpeNa siddhA || 46-22 || zivatvaM mahattvaM samatvAmalatvA-- | danaikAntikatvaM dadAsi tvamAdyA | sudhAsAgarasthA mahAmohanasthA | tvamekA parabrahmarUpeNa siddhA || 46-23 || mahAsiMhapRSThe padAmbhojalakSmI-- rmama zrIziromaNDalasthaM prapAtu | bhavAnandasantAnakalpe'vadehaM | tvamekA parabrahmarUpeNa siddhA || 46-24 || sthirA sA mahAvidyudAkArahArA | mahAcaJcalA cAcalA jJAnajanyA | sadA bhAvanatvAtsadA jJApanasthA | tvamekA parabrahmarUpeNa siddhA || 46-25 || kulAnandamohA mahAkaulakanyA | kulakSetrarakSA kulacchatrakArA | mahAcaJcalatvAnmahAvAyughUrNA | tvamekA parabrahmarUpeNa siddhA || 46-26 || ciraMjIvinI bhAminI bhUmibIjA | bhayAbhAvahantrI zaratkoTicandrA | vibhUtirbhayAhArakartrI prakRSTA | tvamekA parabrahmarUpeNa siddhA || 46-27 || mahAvIrabhAvAzrayA bhAvarUpA | vizeSAvizeSe mahAzaivavIrA | visargApavargAzrayArNojjvalattvAt | tvamekA parabrahmarUpeNa siddhA || 46-28 || mahApaJcamatvAnmahAmodakatvAn mahAkaulikAtvAdasaJcAraNatvAt | kulapremabhAvakriyAnizcalatvAt | tvamekA parabrahmarUpeNa siddhA || 46-29 || vasoH siddhidAtrI zivAnandakartrI | mahAmaithunAnandasambhedanatvAt | sukhAzvAsatattvAttapaH prANarakSA | tvamekA parabrahmarUpeNa siddhA || 46-30 || galatpremabhAvA kulajJAnatattvAt | pirayA zrIkRpAtvaM bhavAdhAramUttIH | mahaizvaryahetormahArAjakanyA | tvamekA parabrahmarUpeNa siddhA || 46-31 || mahAmokSavidyA mahAnirmalatvAt | prabhApaJcacUDasya siddhipirayA ca | mahAnAdabinduprayAsAbhirAmA | tvamekA parabrahmarUpeNa siddhA || 46-32 || mahAvidrumAkAravarNAbhirAmA | kulAhlAdasUtrAdisaMsAdhanatvAt | mahadrAjyavidyAdhanA saGghaTatvAt | tvamekA parabrahmarUpeNa siddhA || 46-33 || tavAGghradvayAmbhoja pUjAsukhatvA-- nmahAkAlarUpA svayaM sarvavidyA | vikArAdi sambandhavizeSaNatvAt | tvamekA parabrahmarUpeNa siddhA || 46-34 || zivatvaM zubhatvaM mahAzailakanye | pirayatvaM paratvaM mahApAvanatvam | samAdhehi tattvAdanaikAntikatvAt | tvamekA parabrahmarUpeNa siddhA || 46-35 || mahAcetanAdevanAdona natvAda-- | saMkhyAmatInAM manoyogamukhyA | virodhApahantrI ripuprANahantrI | tvamekA parabrahmarUpeNa siddhA || 46-36 || catuvIMzatikrodhatattvAnukUle | viyatkhaNDacandrojjvale kIlakasthe | sadA mAM prapAtu pracaNDArkavarNA | tvamekA parabrahmarUpeNa siddhA || 46-37 || zubhaM kAmadhenusvarUpaM svadehaM | sadA darzane zraddhayA cAruvarNA | himAMzuprabhAkoTivarNe'tvapUrNe | tvamekA parabrahmarUpeNa siddhA || 46-38 || mahAkAmabIjAnvitA khaNDayantI | mahAdoSajAlaM zanairAvahantI | zivAbhadrakAlI sthirAnandamAlA | tvamekA parabrahmarUpeNa siddhA || 46-39 || mahAkAlakUTAzinaM tIkSNanetraM | sadA pAhi zambhuM bhayArdrAtivelam | bhavApAlanatvAdasaMkhyAnivAsA | tvamekA parabrahmarUpeNa siddhA || 46-40 || harantI viSADhyaM vahantI kalAdyaM | raTantI naTantI vizAlA bhramantI | zriyaH pAlanI pAlikA bAlikAtvAt | tvamekA parabrahmarUpeNa siddhA || 46-41 || bhavAnandahetoH sadA zraddhayA vA | padAmbhojamadhye manoyogakAle | parAsaMkhyate kAmasaMkSAlanatvAt | tvamekA parabrahmarUpeNa siddhA || 46-42 || kSitikSobhanAzAya siddhAdividyA | kulADhyAkhilADhyAnanA sUkSmamadhyA | prayatnaM karoSi kSayAnandadAnA | tvamekA parabrahmarUpeNa siddhA || 46-43 || mahAdhairyamAhRtyajaM japyate yais -- | tavAdyAbhidhAnAni kAliprabhAte | tadaivApi kAle dadAsIha siddhiM | tvamekA parabrahmarUpeNa siddhA || 46-44 || ciraM sthApayantI ciraM bhAsayantI | tvamAkhyA gurUNAM kulAnandavidye | svadhAkAratuSTA kalAvahnijAyA | tvamekA parabrahmarUpeNa siddhA || 46-45 || surAnandakAle phalodbhUtacinhA | citAmadhyadeze mahAsiddhidAtri | tribhinnA vibhinnA mahArudravidye | tvamekA parabrahmarUpeNa siddhA || 46-46 || mahApUvI kAtyAyani krodhamUle | vivekAdikaM dharmamAdau dadAsi | trayANAM surANAM mudArakSaNAya | tvamekA parabrahmarUpeNa siddhA || 46-47 || vizuddhasphuTattvAnmahAkautukatvA-- | ttanudhyAnamohAdanante kRtattvAt | kulArakSaNAtmA mahAlakSaNAtmA | tvamekA parabrahmarUpeNa siddhA || 46-48 || dahantI ripUNAM kulaJcAtmadezaM | kSaNAdeva sUkSmAsusUkSmA satI sA | mamAnandadezaM sadA pAlaya zrI | ttvamekA parabrahmarUpeNa siddhA || 46-49 || caturthAzramasthAzramaM pAhi rudre | mahograpratApe mahAraudri bhadre | mahApAtakAdikSayatvAmRtattvA-- ttvamekA parabrahmarUpeNa siddhA || 46-50 || mahAvAyuramye mahAjJAnagamye | mahAmantrajApyAdisiddhiprasiddhe | layaM dehi bAhyAnilAghAtanatvA-- ttvamekA parabrahmarUpeNa siddhA || 46-51 || na jAnAmi kiM vAmaro vApi viSNu-- | rmahAkauliko vA na jAnAti pUjAm | kulAdyAsanante surendrAdipAThe | tvamekA parabrahmarUpeNa siddhA || 46-52 || madIyaM pralobhyaM mahAbhadrakAli | prakAzena karttuM samarthA bhava tvam | padAbje ca hantuM mahApApasarge | tvamekA parabrahmarUpeNa siddhA || 46-53 || vahantI kapAlaM skhalantImapArthaM | mahAhemamAlA mahAkAzayantI | zivo maGgalaM me tu vaizvAnarIze | tvamekA parabrahmarUpeNa siddhA || 46-54 || pracaNDA prasannA bhavakSobhaheto-- | vIvAdAdighAtAya zAntiH pratuSTiH | kiyatkAlasaMsthA prasannAntarAtmA | tvamekA parabrahmarUpeNa siddhA || 46-55 || mahAvAyupAnA kriyAmokSakAle | kulajJAnadAnA divArUpiNI tvam | prabhutvaM vidhehi kSame kAmakartrI | tvamekA parabrahmarUpeNa siddhA || 46-56 || yadi zrIvarAdye mamAkhyA sasiddhiM | videhIti citte samAdhAya bhaktaH | samApnoti zIghraM sadA prArthyate yaiH | sadA paThyate vA mudA vAramekam || 46-57 || mahAkAlazambho mahAjJAnasiddhaH | sadA kAlavazye paThedekacittaH | mahAbhaktibhAvaM labhed veda muktiM | mahAdevabhaktiM trikAlena yogam || 46-58 || maNeH pIThamadhye mahArudrakAntAM | mahAlAkinIM kuNDalIM bhAvayantI | mahApuNyalAbhaM stavaM brahmasAraM | mahAkAntalAbhAya puNyAya siddhyai || 46-59 || mahAkAli rudrANi bhadrANi kRSNe | bhavAnandamUttIprakAzAya kuryAt | kilAnandamAkRtya sampUjyate yai-- rmahAdevi caNDe tava dhyAnaniSThA || 46-60 || mahAmokSabhAvaM samApnoti zIghraM mahAzuddhatA kAmahA kAlarUpI || 46-61 || iti zrIrudrayAmale uttaratantre mahAtantroddIpane siddhimantraprakaraNe SaTcakraprakAze maNipUrabhedanakrame bhairavIbhairavasaMvAde rudrazaktilAkinIstotraM nAma | SaTcattvAriMzaH paTalaH || 46 || atha saptacattvAriMzaH paTalaH zrIAnandabhairavI uvAca zRNu kailAsanAthAbja cakramaNDalasaMsthitim | SaTcakrabhedamAhAtmyaM sAvadhAnAvadhAraya || 47-1 || aprakAzyamidaM mantraM maNipUravibhedanam | aSTaizvaryasAdhanAya jIvanmuktipradAya ca || 47-2 || kathayAmi mahAkAla yajjJAtvA yogino'marAH | kriyAsAdhanamAtreNa kena yogena eva hi || 47-3 || sAdhanAdeva sarvajJaH sarvArthajJAnavAn bhavet | rudrANIsahitaM rudraM dhyAtvA sampUjya saJjapet || 47-4 || atha vakSye mahAmantraM pUjAprakaraNaM tathA | maNipUre sthito mantrI rudrANIyajanaM caret || 47-5 || samprati mantrasyoddhAraM karomi kAlakUTapa | praNavaM pUrvamuccArya namaH zabdaM tato vadet || 47-6 || te zabdAnte samuddhRtya rudrazabdaM tataH param | rUpiNyai padamuccArya rudrANI mantramIritam || 47-7 || tato mahArudramantraM vakSyAmi tattvataH zRNu | praNavAnte namaszabdaM te mahAzabdamuccaret || 47-8 || rudrAya padamuddhRtya mahArudramanuH smRtaH | tato'nyatkAlarUpeza rudrANImantramAzRNu || 47-9 || DAdiphAntaiH sarvavarNairAdyante puTitaM manoH | sarvazeSe vahnijAyA mahAmantrottamottamaH || 47-10 || asya jApanamAtreNa SaTpadma sAdhane jayI | evaM prakAraM rudrasya cAthavAnyaprakArakam || 47-11 || rudrANAM vividhaM mantraM koTitantre vinirNayam | maNipUre sadA dhyAyed yogasAdhanahetunA || 47-12 || sarvatra mAnasaM kAryaM dhyAnapUjAvidhAnakam | pramodAkhyAtimanubhirmRtyuJjayAdibhistathA || 47-13 || caitanyaM kArayet zIghraM maNipUrasthadevayoH | atha vakSye mahezasya rudrasya paramAtmanaH || 47-14 || prAsAdAkhyaM mahAmantraM trailokyaphalasiddhidam | sAntamoGkArasaMyuktaM nAdabinduvibhUSitam || 47-15 || prAsAdAkhye manuH prokto bhajatAM kAmadomaNiH | praNavaM pUrvamuccArya svAhAntaM japate yadi || 47-16 || stambhanAdIni karmANi sa karoti na saMzayaH | athavA mRtyujetAraM mahAmantraM mahAmanum || 47-17 || japenmAnasajApena yajjApyaM prANarakSakam | tAraM sthirA sakarNendurbhRguH sargasamanvitaH || 47-18 || tryakSarAtmA nigadito mantro mRtyuJjayAtmakaH | athavAnyaprakAreNa japenmRtyuJjayAtmakam || 47-19 || mRtyuJjayaM samuddhatya pAlaya dvitayaM tataH | mRtyuJjayaM samuddhRtya punareva vilomataH || 47-20 || dvAdazAkSaramantro'yaM mRtyuJjayAbhidho'paraH | dhyAnaM (pUjAM) tathA nyAsaM zRNu vakSyAmi zaGkara || 47-21 || rudramantreNa puTitaM yojayenmRtyuhAraNam | tathA hi rudrakAntAyA mantreNa puTitaM zivam || 47-22 || japitvA pUjayitvA ca naro goptA bhavedvazI | prAtaHkRtyAdikaM kRtvA haviSyAzI jitendriyaH || 47-23 || atisAvadhAnaparo vidhisevAparAyaNaH | snAnasandhyAdikaM kRtvA AsanAdikamAzrayet || 47-24 || samApya AsanaM sarvaM pItavastre pidhAya ca | athavA zuklavastre dve paridhAya manohare || 47-25 || komalAdyAsane gatvA prakSAlyapAdayugmakama | dvirAcamya vidhAnena pUjAyAM svastikAsane || 47-26 || vIrAsane tathA padmAsanayonyAsane tathA | upavizya nirmalAtmA pUjAmArgaparo bhavet || 47-27 || sarvANi dravyabhojyAni manasA kalpitAni ca | tadalAbhe salAbhe vA manaHkalpitazodhanam || 47-28 || karaNIyaM sarvadaiva nijabAhye'pi cAlayet | yathA labhyAni dravyANi saMzodhya tatra yojayet || 47-29 || tataH kuryAd vizeSeNa prANAyAmaM manoramam | catuHSaSTimAtrayA vA tathA SoDazamAtrayA || 47-30 || taddvAdazamAtrayA vA saMkhyayA vAyumAzrayet | prANAyAmaM samApyAtha rudranyAsaM samAcaret || 47-31 || zrIkaNThAdimahAvIranyAsaM kuryAt prayatnataH | rudranyAsaM pravakSyAmi manuyogAdisiddhaye || 47-32 || etannyAsAbhikaraNe naro rudrasamo bhavet | sadA kuryAnmahAnyAsaM sarvasiddhiprakAzanAt || 47-33 || zaktihInaM zaktiyuktaM mahAnyAsaM prakItItam | zaktiyuktaM samAkRtya mahAzakto bhaved balI || 47-34 || zaktihInaM tathA kAryaM sarvavighnavinAzanAt | mAtRkApadmacakre tu mAtRkAvargasaMyutam || 47-35 || mAtRkApuTitaM mantraM kiM vA mantreNa saMpuTam | kRtvA mantrI nyAsajAlaM sAvadhAnena kArayet || 47-36 || vikramI siMhatulyaH syAttaM dRSTvA yAnti zatravaH | maunI bhUtvA samAkRtya kulacakrasya bhedanam || 47-37 || maNipUre sthiro bhUtvA mahAtejomayo bhavet | teSAM nAma pravakSyAmi paJcAzadekasaMkhyayA || 47-38 || paJcAzadekazaktInAM tathA nAma zRNu prabho | sarveSAmabhidhAnAnte IzAya nama uccaret || 47-39 || ekaikaM mAtRkAvarNaM nAmna Adye niyojayet | zaktiyuktaM sadA nAma IzAntaM santyajet tathA || 47-40 || bhedane zaktiyuktastu nyAsaM kuryAnmahAyatiH | kuzAsane siddhihetozcailAjinakuzottaram || 47-41 || baddhaikamAsanaM yogI nyAsajAlaM samAcaret | athavA dvIpicarmAdi komalAdyAsane'pi vA || 47-42 || yogAbhyAsI nyAsajAlaM kRtvA sAvabhayo bhavet | bhadrakAlI gRhe sthitvA ye kurvanti nirantaram || 47-43 || mahAnyAsaM mahAdeva tatkSaNAdamaro bhavet | AyurArogyasampattiM samprApnoti mahAzriyam || 47-44 || samAyAti mama sthAne nyAsayogaprasAdataH | nyAsadhAraNayogena maNipUre hRdo bhavet || 47-45 || Adau tannAma vaktavyaM pazcAtzaktyAbhivnanakam | zrIkaNThazcApyanantazca sUkSmA trimUtIreva ca || 47-46 || amarezvarazcArghIzo bhAvabhUtistataH param | atithIzasthANvIzo haro jhiNTIza eva ca || 47-47 || bhautikaH sadyojAtazcApyanugrahezvarastathA | akrUro'pi mahAseno nirjarAdizca SoDaza || 47-48 || ete devA mahArudra SoDazasvaravigrahAH | krodhIzazcApi caNDezaH paJcAntakaH zivottamaH || 47-49 || ekarudrastathA kUrma ekanetrezvarastataH | caturAnano'jezazca sarvaH someza eva ca || 47-50 || lAGgalIzo dArukezo'rddhanArIzvara eva ca | ( umAkAnteza ASADhiH DiNDIzo'trIza eva ca mInezazcApi meSezo lohitezaH zikhIzvaraH | chagalaNDe dviraNDezo mahAkAlezvarastataH |) vANIzazca bhujaGgezaH pinAkIzastataH param || 47-51 || khaDgIza zcarakezazca zyeno bhRgvIza eva ca nakulIzaH zivezazca saMvarttakeza eva ca || 47-52 || ete rudrAH samAkhyAtAH sarvakAle kulezvarAH | yasya nAmnazcAntabhAte Izazabdo na vidyate || 47-53 || kezAntaM nAma saMskRtya nyAsaM maulIzamAcaret | kAmaM mohAdinAzArthaM yaH karoti nirantaram || 47-54 || mAtRkAvarNaghaTitaM mAtRkAsthalake nyaset | zaktiyuktaM yadA nyAsaM tatkAle'pIzayojanam | athavA rudrazaktyA ca tathA rudreNa sampuTam || 47-55 || nijamantreNa vA nAtha puTitaM mAtRkAsthale | zaktyA ca grathanaM kRtvA saMsAraM santaret kSaNAt || 47-56 || tatprakAraM zRNu prANanAtha zaGkara vallabha | pUrNodarI ca girijA zAlmalI tadanantaram || 47-57 || lolAkSI varttulAkSI ca dIrghaghoNA tataH param | sudIrghamukhigomukhyau dIrghajihvA tataH param || 47-58 || kuNDodarI codrdhvamukhI tathA vikRtamukhyapi jvAlAmukhI vahnimukhI lolajihvA tataH param || 47-59 || vidyAmukhI tathA nAtha etAzca svarazaktayaH | kAdyArNazaktividyAzca vakSyAmi pArvatIzvara || 47-60 || mahAkAlIsarasvatyormahAlakSmyAstataH param | drAviNI nAgarI bhUyaH khecarI cApi maJjarI || 47-61 || rUpiNI bimbinI pazcAt kAkodarI ca pUtanA | bhadrakAlI yoginI ca zaGkhinI rgajjinI tathA || 47-62 || kAlarAtriH kuJjikA ca kapaddanI tataH param | vajrA jayA tato nAtha sumukhezvaryapi prabho || 47-63 || revatI mAdhavI caiva vAruNI vAyavI tathA | vakSovidAriNI caiva sahajAlakSmyatha prabho || 47-64 || vyApinI caiva mAyA ca rudrAGkapIThadevatAH | sarvAbharaNasaMyuktA sindUrAruNavigrahAH || 47-65 || dhRtazUlakapAlAdi bANazaktiprakheTakAH | varAbhayakarA nityAH sarpavAhanavAhanAH || 47-66 || zrIkaNThAdyA mahArudrA dhRtazUlakapAlakAH | khaDgakheTakazaktISu gadAmUsaladhArakAH || 47-67 || nAnAstradhArakA nityA bandhUkakoTisundarAH | raktacandanadigdhAGgAH paJcacUDadharAH parAH || 47-68 || raktotpalamahAmAlAlaGkArakarapaGkajAH | pIThanyAsaM tataH kuryAt mama tantrAnusArataH || 47-69 || sarvatramUlapuTitamathavA varNasampuTam | kRtvA pIThanyAsakAryaM vidhAnena vadAmi tat || 47-70 || oM anantAya namazca namo hRdi tataH param | oM padmAya namaH zabdaM hRdaye ca tataH param || 47-71 || oM sUryamaNDalAya dvAdazAnte kalAtmane | oM namaH padaM samuccArya cAnte ca hRdaye prabho || 47-72 || oM uM somamaNDalAya SoDazakalAtmane namaH | sarvatra hRdaye kAryaM pIThanyAsaM manolayam || 47-73 || oM maM vahnimaNDalAya dazakalAtmane namaH | oM saM sattvAya namazca oM raM rajase namaH || 47-74 || oM taM tamase namazca pUrvAdikezareSu ca | oM taM Atmane namazca oM sarvavyApine namaH || 47-75 || oM aM antarAtmane ca oM manonmanyai namazca | tadupari tato vadet namo'nte zUnyavAsine || 47-76 || oM paM paramAtmane ca namo'nte kAlarUpiNe | oM hrIM jJAnAtmane cAnte namo'nte varNavAsine || 47-77 || pIThazaktestato nyAsaM kuryAt sAdhakayogirAT | hRtpadmasyApi pUrvAdi kezareSu ca saMnyaset || 47-78 || oM vAmAyai namazcAnte oM jyeSThAyai namo vadet | oM sarvabhUtadamanyai namaH zabdaM samuccaret || 47-79 || ( oM raudrAyai namazcAnte oM kAlyai ca namo vadet | oM kalavikariNyai namaH zabdaM tato vadet | oM balapramathanyai namo va bho'nte ca punarvadet |) etA vinyasya deveza madhye vinyAsamAcaret | hRtpadmasya kaNIkAyAM kRtvA bhAvanamAcaret || 47-80 || oM manonmanyai namazca tadupari tato vadet | oM namo bhagavate'nte ca sakalapadamuccaret | guNAya zaktiyuktAya anantAya padaM tataH || 47-81 || ( yogapIThAtmane cAnte namaH zabdaM samuccaret | tataH kuryAnmahAdeva RSyAdinyAsameva ca | rudrazaktyA RSevISNustathA mRtyuJjayasya ca |) kahoDa muniputrazca RSirasya prakItItaH | mahezvaramukhAjjJAtvA yaH sAkSAttapasA manum || 47-82 || saMsAdhayati zuddhAtmA sa tasya RSirIritaH | gurutvAnmastake cAsya nyAsastu parikItItaH || 47-83 || sarveSAM mantratattvAnAM chAdanAd chanda ucyate | akSarAtvAtpadatvAcca mukhe cchandaH samIritam || 47-84 || sarveSAmeva jantUnAM preSaNAtpreraNAttathA | hRdayAmbhojamadhyasthA devatA tatra tAM nyaset || 47-85 || RSicchando'parijJAnAnna mantraH phalabhAgbhavet | daurbalyaM yAti mantrANAM viniyogamajAnatAm || 47-86 || nyasenmUdhnI RSinyAsaM chandonyAsaM mukhAmbuje | devatAnyAsamAkuryAt hRdayAmbhoruhe sudhIH || 47-87 || mUke guhye bIjanyAsaM zaktinyAsaM tu pAdayoH | sarvAGge kIlakanyAsamAcaret yatnataH sudhIH || 47-88 || zivazaktyAtmakanyAsaM zirasyeva samAcaret | zirasi prANarakSAyai mahAviSNuRSaye namaH || 47-89 || mukhe paGktacchandase vai namaHzabdaM samuccaret | hRdi mahArudrAya zaktiyuktAya saMvadet || 47-90 || devatAyai namaH zabdaM karanyAsaM tatazcaret | tato'GganyAsamAkRtya dhyAnaM kuryAt prayatnataH || 47-91 || vahninA dIrghabIjena mantrasyAGgakriyAM caret | rudradhyAnaM pravakSyAmi dhyAnAd bhavati bhUpatiH || 47-92 || raudraM raudrAtmakaM taM prakRtipuruSaM gaMbhIragItAbhidhAnaM | zUlaM khaDgaM dadhAnaM varamabhayakaraM padmamekaM pracaNDam | saJcAraM razmijAlaM zazizatakiraNaM kAmadhenusvarUpaM | dhyAyedraudrIM svazaktiM pralayamayatanuM sUryakoTiprakAzam || 47-93 || evaM dhyAtvA sumanasaizca sampUjyArghya vidhiJcaret | kRtvArghyaM rudramantreNa pIThapUjAM samAcaret || 47-94 || vAmA jyeSThA tathA raudrI kAlI kalapadAdikA | vikaraNyAkSarA proktA balAdivikaraNyatha || 47-95 || balapramathanI pazcAt sarvabhUtadamanyatha | manonmanIti samproktAH zivasya pIThazaktayaH || 47-96 || pUjayed gandhapuSpAdyaiH pIThazaktiH krameNa tu | praNavAdi namo'ntena pUjA kAryA vidhAnataH || 47-97 || punardhyAtvA ca pAdyArghyairAvAhya paripUjayet | pAdyamarghyamAcamanIyaM snAnIyaM punarAcamanam || 47-98 || gandhapuSpabilvadalaiH pUrvAvaraNamarcayet | vaM hRdayAya nama ityAdiSaDaGgapUjanam || 47-99 || madhye catudIkSu caivaM zeSe vAradvayaM vadet | indrAdIn lokapAlAMzca pUjayitvA tato'rcayet || 47-100 || vajrAdIMzca mahAkAla dhUpadIpainIvedayet | naivedyaM bahu kRtvA (ca) pAnArthaM jaladAnakam101 || zarIrazodhanaM kRtvA prANAyAmaM tatazcaret | japet zatatrayaM mantrI vizuddhaH zuddhacetasA || 47-102 || aSTottaraM yojayitvA gajAntakasahasrakam | athavASTottarazataM japtvA samarpaNaM caret || 47-103 || prANAyAmatrayaM kuryAnnijamantra prasiddhaye | tataH praNAmamAkuryAt zakticaitanyahetunA || 47-104 || namo rudrAya devAya koTisUrryendumUrttaye | sarvAya jJAnadAnAya namaste zUladhAriNe || 47-105 || namaste kAlarudrAya kAlAya vedarUpiNe | vedamArgapradarzAya zatrusaMkSayakAriNe || 47-106 || raudrAya zaktiyuktAya zaGkarAya namo namaH | caturbhujAya vedAya mahAkAzasvarUpiNe || 47-107 || varapadmazUlakhaDgadhAriNe brahmaNe namaH .... rudrazaktyarcanaM kRtvA mahArudreNa saMyutam || 47-108 || maNipUre dRDho yAti satyaM satyaM kulezvara | zaktyarccanavidhiM vakSye mUlamantreNa pUjanam || 47-109 || sarvatra kArayenmantrI aSTaizvaryajayAya ca | Adau RSinyAsakAryaM vakSyAmi zRNu tattvataH || 47-110 || zirasIha rudrazaktirmahAviSNupadaM tataH | RSaye nama uccArya mukhe hastaM niyojayet || 47-111 || paGktachandase namazca hRdi hastaM niyojayet | mahArudrANIti padaM lAkinIpadameva ca || 47-112 || trizaktyante mahAvidyA devatAyai namastataH | guhye oM padamuccArya nijabIjAya te namaH || 47-113 || sarvAGge sakalAyaiva vajrAya kIlakAya ca | namaH padaM samuccArya RSyAdinyAsameva ca || 47-114 || rudravatsakalaM kAryaM karAGganyAsakarmaNi | AdAvRSyAdikanyAsaH karazuddhistataH param || 47-115 || aGgulivyApakanyAso hRdAdinyAsa eva ca | rudrazaktimahASoDhAnyAsaJca tadanantaram || 47-116 || mantranyAsaM tataH kRtvA vyApakanyAsamAcaret | tAlatrayaJca digbandhaH prANAyAmastataH param || 47-117 || dhyAnaM kuryAdvizeSeNa rudrazaktyA mahAprabho || 47-118 || rudrANIM rudrakAntAM navarasajaDitAM kuGkumAzaktagAtrAM | lokezIM SaDbhujAntAM tribhuvanayajitAM koTisaudAminIbhAm | padmasthAM padmahastAM varabhayakarAM khaDgazaktiM dadhAnAM | dhyAyed raudrIM trinetrAM zavadamanazazizreNibhUSAmalAGgIm || 47-119|| rudravat pUjanaM kAryaM rudrazaktyAzca zaGkara | dazopacAraiH pUjA vA tathA paJcopacArakaiH || 47-120 || aSTAdazopacArairvA SoDazAdyupacArakaiH | alAbhe tu prakarttavyaM mAnasena nivedayet || 47-121 || sarvatra mAnasaM kAryaM koTi koTiguNaM bhavet | pUjAM samApya vidhinA jalaM datvA japAdike || 47-122 || prANAyAmatrayaM kRtvA japtvASTottarakaM zatam | sahasraM vA muhurjaptvA aSTottarasamanvitam || 47-123 || japaM samarpayedvidvAn guhyAtiguhyamantrakaiH | prANAyAmatrayaM pazcAt kuryAt sAdhakasattamaH || 47-124 || vandanaM bhaktiyuktena kuryAd yogAdisiddhaye | mahAraudra namaste'stu lAkinyai te namo namaH || 47-125 || zAntyai tuSTyai namo nityaM durgAyai te namo namaH | rudrazaktyai namo nityaM maNipUranivAsinI || 47-126 || aSTasiddhiM yogasiddhiM dehi tubhyaM namo namaH | sarvagranthichedikAyai parabrahmasvarUpiNI || 47-127 || mAM rakSa pAlaya tvaM hi maNipUre namo namaH | praNamya vidhinAnena pUjAsamApanaJcaret || 47-128 || punastatra pUjayed vai prAsAdAkhyaM mahAprabhum | tathA mRtyuJjayaM devaM maNipUre prapUjayet || 47-129 || prANAyAmAdikaM kRtvA zrIkaNThanyAsamAcaret | pUrNodaryAdisahitaM kRtvA pIThaM nyasetsudhIH || 47-130 || pIThamanuM pravinyasya RSyAdinyAsamAcaret | RSirasya vAsudevaH paGktizchanda udAhRtam || 47-131 || sadAzivo devatA ca aGgulinyAsamAcaret | hAmaGguSThAbhyAM namaH pazcAt hrIM tarjanIbhyAM tataH param | khAM namaH padamante ca SaDdIrghabhAjayAnvitam || 47-132 || evaM karanyAsamAkAryaM vidhAnena samAcaret | zUdrastu etatparyantaM kAryaM homAdikaM ca yat || 47-133 || na kuryAt pArvatInAtha tathA strIloka ityapi | yadi jJAnI bhaved deva sa devo na tu mAnuSaH || 47-134 || cANDAlAdIni vA jAtau sthito brAhmaNottamaH | jJAnavAn vAdasaMvAde vajIto nyAsamAcaret || 47-135 || nyAsastanmayatA buddhiH so'haMbhAvena pUjayet | sa eva jJAnI paramo vedazAstravizAradaH || 47-136 || nyAsapUjAdikaM tasya sarvadA nAtra saMzayaH | yAvaddehe hyahaMbuddhistAvanmaraNadhArakaH || 47-137 || tadvajIto mRtyujetA nyAsapUjAdikaM kRtaH | SaDdIrghabhAjA bIjena hakAreNa sabindunA || 47-138 || karayoraMgulidvandvaM vinyaset saMkrameNa tu | IzAnAdyAH paJcamUrttIvInyaset sAdhakottamaH || 47-139 || tataH kuryAnmahAdeva UdrdhvaH prAgdakSiNottare | mukheSu vinyasenmantrI cAGgulibhiH parasparam || 47-140 || tattadbIjaiH prayatnena tattanmUrttIH pravinyaset | aGguSThayoH zeSabhAge hau Á IzAnAya oM namaH || 47-141 || SaDdIrghabhAjAbIjena hakAreNa sabindunA | tatpuruSamaghoraJca vAmadevaM tataH param || 47-142 || sadyojAtaM krameNaiva aGgulI dve tataH param | vinyasetsAdhakazreSTho namo'ntaM paramezvara || 47-143 || zirovadanahRdguhyapAdeSu vinyasetsudhIH | tattadaGgulibhizcaiva tatkrameNa pravinyaset || 47-144 || paJcamUrttIrnyasennAtha tatprakAraM zRNuSva tat | IzAnAdisvabIjaM tu prakAreNa pravinyaset || 47-145 || zUdraH kuryAnnyAsajAlametat paryantameva hi | tata UrdhvaprAgdakSiNapazcimottarasaMmukhe || 47-146 || IzAnasya paJcakalA brahmaRg vedasaMyutAH | paJcapAdAdikA nAtha praNavAdinamo'ntikAH || 47-147 || IzAnaM sarvavidyAnAM oM nalinyai tataH param | kalAyai nama evApi sarvatraivaM krameNa tu || 47-148 || IzvaraH sarvabhUtAnAM tadaGgaM padakaM tataH | dayAyai kalAyai namazcApi brahmAdipadaM tataH || 47-149 || oM brahmeSTadAyai cAnte kalAyai nama ityapi | tataH zivo'stu me padaM oM sAvitryai padaM vadet || 47-150 || kalAyai nama evaM hi sadAzivo padantataH | omante cAMzumAlinyai kalAyai pada ityapi || 47-151 || diGmukhe sa nyasenmantrI pUrvAdikramayogataH | tatpuruSasya catasraH kalA nyaset sadA vazI || 47-152 || oM tatpuruSAyapadaM vidmahe tadanantaram | oM zAntyai padasyAnte kalAyai nama ityapi || 47-153 || mahAdevAya zabdAnte dhImahIti tataH padam | oM vidyAyai padasyAnte kalAyai nama ityapi || 47-154 || tanno rudraH padaM pazcAt oM pratiSThAyai padaM likhet | zrI durgAyai kalAyai namazcAtha pracodayAt || 47-155 || oM nivRtyai kalAyai ca namaH padaM samuccaret | tato'STasthAnamadhye tu aghorASTakalA nyaset || 47-156 || hRdgrIvAM madhyagatalaM tathA nAbhiSu pRSThake | tathA vakSasi cAghorA aSTau kalA nyaset sudhIH || 47-157 || aghorebhya umAnte vai umAyai padamuccaret | kalAyai nama evAtha aghorebhyaH padaM vadet || 47-158 || oM mohAyai padasyAnte kalAyai nama ityapi | aghorapadamuccArya kSamAyai zabdamuccaret || 47-159 || kalAyai nama evAtha ghoratarebhya eva ca | oM nidrAyai padasyAnte kalAyai nama ityapi || 47-160 || sarvataH sarvaM oM ante vyAdhaye zabdamuccaret | kalAyai nama evAtha sarvebhyaH padamuccaret || 47-161 || oM mRtyave padasyAnte kalAyai nama ityapi | namaste'stu padasyAnte om kSudhAyai padaM vadet || 47-162 || kalAyai nama evAtha rudrarUpe'tha eva ca | om kRSNAyai padasyAnte kalAyai nama ityapi || 47-163 || vAmadevasya devasya trayodaza kalA nyaset | eteSu sthAnapadmeSu tatprakAraM zRNu prabho || 47-164 || guhye'NDa zeSamadhye tu Uruyugme tataH padam | jAnudvaye tathA jaGghAyugale sphigdvaye tathA || 47-165 || kaTyAM pArzvayuge caiva krameNa bhAvako nyaset | Adau praNavamuccArya tato mantraM smaretsudhIH || 47-166 || vAmadevAya zabdAnte namo jyeSThAyazabdataH || 47-167 || namo rudrAya zabdAnte namaH zabdaM samuccaret | kAlAya nama evAnte kalavikaraNAya ca || 47-168 || namo balavikaraNAya balapramathanAya ca | om vAmadevAya namaH om vajrAya tataH param || 47-169 || kalAyai nama evAtha jyeSThAya nama ityapi | om rakSAyai padasyAnte kalAyai nama ityapi || 47-170 || rudrAya nama om ratyai kalAyai nama ityapi | kAlAya nama ityante pAlinyai zabdamuccaret || 47-171 || kalAyai nama ityante pAlinyai zabdamuccaret | kAmAyai zabdamuccArya kalAyai nama eva hi || 47-172 || vikaraNAya namonte praNavaJcoJcaredbudhaH | saMyaminyai padAnte ca kalAyai nama ityapi || 47-173 || bala om zabdamuccArya krodhAyaipadamuccaret | kalAyai nama evAtha vikalAyai namastataH || 47-174 || oM vRddhyai padakasyAnte kalAyai nama ityapi | bala oM zabdamuccArya sthirAyai zabdamuccaret || 47-175 || kalAyai nama evAtha pramathanAya namastataH | oM raudrapadasyAnte kalAyai nama ityatha || 47-176 || sarvabhUtadamanAya nama oM padamuccaret | bhrAminyai padakasyAnte kalAyai nama ityapi || 47-177 || nama oM zabdamuccArya mohinyai padakaM smaret | kalAyai nama evAtha unmanAya namastataH || 47-178 || oM jayAyai padasyAnte kalAyai nama uccaret | tato nyAsaM mahAkAla sadyojAtasya tAH kalAH || 47-179 || sadyojAtaM prapadyAmi om vRddhyai padamuccaret | kalAyai nama evAtha sadyojAtAya vai namaH || 47-180 || om vRddhyai padakasyAnte kalAyai nama ityapi | bhave pade tataH pazcAd om sadyaH padamuccaret || 47-181 || kalAyai nama evAtha abhave om tataH param | om medhAyai padasyAnte kalAyai nama ucyate || 47-182 || tato bhajasva mAM zabdaM om prajJAyai padaM vadet | kalAyai nama evAtha bhava om zabdamuccareta || 47-183 || prabhAyai padamuccArya kalAyai nama ityapi | tadbhavAya namaH pazcAt om sudhAyai namastataH || 47-184 || kalAyai nama uccArya nsasedaSTau kalAH prabhoH | IzAnAkhyAstato nAtha bhaktaH paJca Rco nyaset || 47-185 || paJcAGguliSu yogeza kramazaH kAmanAzanAt | praNavaM pUrvamuccArya tato mantraM smaretsudhIH || 47-186 || IzAnaH sarvavidyAnAM Izvarastadanantaram | uccaretsarvabhUtAnAM brahmAdhipatirityapi || 47-187 || brahmaNodhipatiH pazcAt zivo me'stu sadAzivaH praNavaM pUrvamuccArya tatastatpuruSAya ca || 47-188 || vidmahe padataH pazcAt mahAdevAya dhImahi | tato rudraH padasyAnte pracodayAtpunarvadet || 47-189 || praNavaM pUrvamuddhRtya tato mantraM smaret sudhIH | aghorebhyo'tha ghorebhyo ghorazabdaM samuccaret || 47-190 || ghoratarebhya evAnte sarvataH sarvazabdakam | sarvebhyo'nte namaste'stu rudrarUpebhya eva ca || 47-191 || aSTau sthAneSu caiteSu sarvapApanivRttaye | pArzvayorhastayozcaiva nAsikAyAJca mastake || 47-192 || bAhuyugme mahAvIra maNipUravibhedakaH | tatprakAraM pravakSye'haM sAvadhAno'vadhAraya || 47-193 || balapramathanAya namo'nte ca sarvabhUtapadaM vadet | damanAya namo'nte tu namaH zabdaM samuccaret || 47-194 || unmanAya namaH pazcAt punaH praNavamuddharet | sadyojAtaM prapadyAmi sadyojAtAya vai namaH || 47-195 || bhave bhavenAdibhave bhajasva mAM tataH param bhavodbhavAya zabdAnte namo mantraM mudA nyaset || 47-196 || aGgulIbhyAM samAhRtya paJca RcAnayA prabho evaM krameNa sannayAsaM kuryAdeSu sthaleSu ca || 47-197 || rmUdhnihRdguhyapAdeSu nyasedetA Rco mudA tataH kuryAnmahAkAla cAGganyAsAntaraM zubham || 47-198 || tatprakAraM pravakSyAmi sAvadhAno'vadhAraya | vAgbhavaM pUrvamuccArya kAmabIjaM tataH param || 47-199 || vakAraM zatrusaMyuktaM dakSakArNendusaMyutam | candrabIjaM vAmanetrathAntavahnividhUnntam || 47-200 || kevalaM candrabIjaM tu savisargamanuM tataH | sarvajJAya padasyAnte hRdayAya namaH padam || 47-201 || amRte padamuccArya kAmabIjaM tataH padam | tejojvAlApadaM mAline'nte ca klRptAya brahmaNe'pi vasettataH || 47-202 || svAhAntaM tata evAtha jvalitazikhizabdakam | zikhAyAnAdibodhAya zikhAyai vaSaDityatha || 47-203 || vajiraNe vajrahastAya svatantrAya padaM vadet | kavacAya tArazabdaM tato'nyad bIjamuccaret || 47-204 || nAkAraM bindusaMyuktaM vAmanetraM sabindukam | pazuzabdaM tAramantraM anantazaktaye padam || 47-205 || astrAya phaDiti procya evaM vinyasya yogirAT | maNipUre mano yojya dhyAyeccaitanyamuttamam || 47-206 || om muktApItapayodamauktikajavAvarNairmukhaiHpaJcabhiH tryakSairaJcitamIzamindumukuTaM pUrNendukoTiprabham | zUlaM TaGkakRpANavajradahanAnnAgendraghaNTAGkuzAn | pAzaM bhItiharaM dadhAnamamitAkalpojjvalAGgaM bhaje || 47-207 || evaM dhyAtvA mAnasopacAraiH sampUjya pUjakaH | arghyasthApanamAkuryAnnijamantrAbhizodhanam || 47-208 || zaivoktapIThamanvantAM pIThapUjAM tatazcaret | punardhyAtvA samAvAhya cAvAhanAdimudrayA || 47-209 || paJcapuSpAJjalidAnaparyantaM paripUjayet | paJcapuSpAJjaliM dattvA vadanArcanamAcaret || 47-210 || zivAvaruNadevAMzca pUjayettat kramaM zRNu | ezAnyAM pUjayedvidvAn IzAnAya namastataH || 47-211 || pUrve oM tatpuruSAya namaH zabdaM samuccaret | dakSiNe oM aghorAya namaH zabdaM samuccaret || 47-212 || uttare oM vAmazabdaM devAya nama uccaret | pazcime praNavaM pazcAt sadyojAtAya eva hi || 47-213 || namo'ntaM pUjanaM kRtvA sarvasiddhIzvaro bhavet | IzAnAdicatuSkeSu nivRttItyAdIn prapUjayet || 47-214 || praNavAnte nivRtyai ca namazcAnte tato'rcayet | evaM pratiSThAM vidyAM ca zAntiM sampUjya yatnataH || 47-215 || praNavAdinamo'ntena caturthyantapadena ca | yojayitvA mahApUjAvidhau kuryAt samarpaNam || 47-216 || dazadalasya madhye tu vibhAvyASTadalaM sudhIH | tatraiva pUjanaM kuryAt aSTAGgayogasiddhaye || 47-217 || praNavAdinamo'ntena caturthyantapadena ca | pUjayeddevadevezaM gandhapuSpAkSatAdibhiH || 47-218 || anantezaM pUjayedvai tathA sUkSmezameva ca | zivottamezaM sampUjya ekanetrezameva ca || 47-219 || ekarudrezamevaM hi trimUrttIzaM tato'rcayet | bhaktyA samarcayettatra zrIkaNThezaM zikhaNDinam || 47-220 || tadbAhyapatrikAgreSu uttarAdikrameNa tu umAdyAdevatAH pUjyAH praNavAdinamo'ntikAH || 47-221 || umAdevIM samabhyarcya tathA caNDezvaraM tataH | nandinaJca mahAkAlaM gaNezaM vRSabhaM tathA || 47-222 || bhRGgarITaH skandaputrau tadbAhye kramato'rcayet | indrAdIn lokapAlAÁzca gandhadIpaiH samarcayet || 47-223 || vajrAdIMzca krameNaiva pUjayetsAdhakottamaH | dhUpadIpAdinaivedyapAnArthaM punarAcamanam || 47-224 || saMhAramudrayA cordhve sthApayedrudrarUpiNam | visarjanAntaM tatkarma utsRSTapUjanAdikam || 47-225 || samApya vidhinAnena pUjAkarma samApayet | pratyahaM mAnasaM jApaM homamarcanatarpaNe || 47-226 || vardhayet sAdhakazreSTho bhaktibhAvaparAyaNaH | paJcalakSajapenAsyA purazcaraNamiSyate || 47-227 || evaM dhyAtvA japenmantraM paJcalakSaM madhuplutaiH | prasUnaiH karavIrotthairathavA juhuyAt sudhIH || 47-228 || sarvadA mAnasaM kAryaM dravyAlAbhe'nizaM caret | taddazAMzaM prajuhuyAttaddazAMzaJca tarpaNam || 47-229 || taddazAMzaM cAbhiSekaM dazAMzaM viprabhojanam | evaM japaM sAdhanaJca purA nArAyaNo muniH || 47-230 || kRtvA sarvasattvamayaH zItalo yogirAD bhavet | yaH karoti sAdhanAni so'cirAdamaro bhavet || 47-231 || pUjAnte pUjAzeSe ca pUjAmadhyakrameNa ca | praNamet sAdhakazreSTho varuNAt pApabhUpateH || 47-232 || oM namaH paramakalyANa namaste vizvabhAvana namaste pArvatInAtha umAkAnta namo'stu te || 47-233 || vizvAtmane vicintyAya guNAya nirguNAya ca | dharmAya jJAnamokSAya namaste sarvayogine || 47-234 || namaste kAlarUpAya trailokyarakSaNAya ca | golokaghAtakAyaiva caNDezAya namo'stu te || 47-235 || sadyojAtAya devAya namaste zUladhAriNe | kAlAntAya ca kAntAya caitanyAya namo namaH || 47-236 || kulAtmakAya kaulAya candrazekhara te namaH | umAnAtha namastubhyaM yogIndrAya namo namaH || 47-237 || sarvAya sarvapUjyAya dhyAnasthAya guNAtmane | pArvatI prANanAthAya namaste paramAtmane || 47-238 || etatstotraM paThitvA ca stauti yaH paramezvaram | yAti rudrakulasthAnaM maNipUraM vibhidyate || 47-239 || etatstotraprapAThena tuSTo bhavati zaGkaraH | khecaratvaM padaM nityaM dadAti paramezvaraH || 47-240 || tato vakSye mahAdeva mRtyuJjayavidhAnakam | yat kRtvA paramabrahmamayo bhavati sAdhakaH || 47-241 || mRtyuJjayasya mantraM vai japate yadi mAnuSaH | koTivarSazataM sthitvA lIno bhavati brahmaNi || 47-242 || sarvavyApakarUpeNa sa tiSThati sadAziva | tatprakAraM pravakSyAmi sAvadhAno'vadhAraya || 47-243 || Adau pUjAM vidhAnena vakSyAmi sAranimItAm | zrIkaNThasapUrNodaryAzca nyAsaM cAsye samAcaret || 47-244 || tato hRdayamadhye tu svahastAGgulimudrayA | tadvayAnyasya deveza tatprakAzaM pracakSyate || 47-245 || praNavAdi namo'ntena caturthyantapadena ca | yojayitvA nyasenmantrI mantrabhAvaparAyaNaH || 47-246 || AdhArazaktimevaM hi prakRtitadanantaram | kUrmamanantaM tatpazcAt pRthivIM kSIrasAgaram || 47-247 || zvetadvIpaM tataH pazcAnmaNimaNDapameva ca | kalpavRkSe tato nAtha vinyasenmaNivedikAm || 47-248 || ratnasiMhAsanaM tatra hRdayAmbhojamaNDale | dakSavAmaskandhabhAge vAmorau dakSiNe tathA || 47-249 || mukhe vAmapArzvabhAge nAbhau dakSapArzvake | praNavAdinamo'ntena caturthyantapadena ca || 47-250 || sarvatra nyAsamAkuryAtteSAM nAma zRNu prabho | krameNa sarvaM karttavyaM kramabhaGgo na cAcaret || 47-251 || dharmaM jJAnaJca vairAgyamaizvaryaM tadanantaram | adharmamapi cAjJAnamavairAgyaM tataH param || 47-252 || anaizvaryaM krameNApi vinyaset sAdhakottamaH | punarvAraM hRdambhoje nyasedekamanAH sudhIH || 47-253 || anantapadmamevaM tu aM sUryamaNDalaM tathA dviSaTkalAtmanA sArdhaM saM somamaNDalaM tathA || 47-254 || SoDazakalAtmAnaJca maM vahnimaNDalaM tathA dazakalAtmanA sArdhaM saM satvaM tadanantaram || 47-255 || raM bIjaM rajasaM tatra taM tamasameva ca AM Atmane nyasenmantrI aM antarAtmane namaH || 47-256 || paM bIjaM paramAtmAnaM mAyAjJAnAtmane namaH ityantaM nyasya deveza mantrasiddhimavApsyasi || 47-257 || maNipUre mantrasiddhiM sarvasiddhimavApnuyAt yaH karoti sadA nyAsaM dhyAnapUjAparAyaNaH || 47-258 || vAmAM jyeSThAM tathA raudrIM kAlIM kalapadAdikAm | vikaraNyAhvayA yuktA balavikaraNIM tathA || 47-259 || balapramathinIM caiva nyaset sAdhakasattamaH | tataH sarvabhUtadamanIM manonmanIM tato nyaset || 47-260 || tadupari nyasennAtha oM namo bhagavate padam | sakalaguNAtmanaH zaktiM cAnte yuktAya padamAvadet || 47-261 || anantAya padasyAnte yogapIThAtmane padam | namo'nto'yaM mahAmantraH sarvopari nyasetsudhIH || 47-262 || tato nAtha samAkuryAt sAdhako gatabhIH svayam | RSyAdinyAsamAkuryAt tatprakAraM zRNu prabho || 47-263 || zirasi padamuccArya kahoDaRSaye namaH | tadupari tato nAtha mahAviSNupadaM vadet || 47-264 || RSaye nama ityuktvA mukhe devIpadaM vadet | gAyatrIcchandase pazcAnnamaH zabdaM samuccaret || 47-265 || hRdi mRtyuJjayAyaivaM daivatAyai namaH padam | RSiH kahoDo devyAzca gAyatrIcchanda Iritam || 47-266 || mRtyuJjayo mahAdevo devatAsya prakItItA | karAGganyAsakau kuryAt SaDdIrghabhAjayA saha || 47-267 || sakAreNa mahAkAla tatprakAraM zRNu prabho | sAmaGguSThAbhyAM cAnte ca namaH zabdaM krameNa tu || 47-268 || evaM karAGgulInyAsaM kuryAdeva mahAprabho | SaDdIrghabhAjA mantreNa sakAreNa sabindunA || 47-269 || karAGganyAsamAkuryAt kulatantrakrameNa tu | tato dhyAnaM samAkuryAt zubhabhAvaparAyaNaH || 47-270 || indvarkAnalalocanaM smitamukhaM padmadvayAntAspadaM | mudrApAzamRgAkSasUtravilasatpANiM himAMzucchavim | koTIrendugalatsudhAplutatanuM hArAdibhUSojjvalaM | kAntyA vizvavimohanaM pazupatiM mRtyuJjayaM bhAvaye || 47-271 || evaM dhyAtvA mAnasopacAradravyaiH prapUjayet | arghyasthApanamAkRtya tattanmantreNa sAdhakaH || 47-272 || pUjayetpIThamanvantA tattanmantreNa sAdhakaH | punardhyAtvA samAvAhya mUlamantreNa mantravit || 47-273 || pAdyAdibhiH pUjayedvai gandhapuSpAdizobhitaiH | paJcapuSpAJjaliM datvA parivArAn prapUjayet || 47-274 || kezareSvagninirRtivAyvIzAneSu pUjayet | madhye dikSu ca tanmadhye sA bIjaM tatra coccaret || 47-275 || hRdayAya namazcAnte sIM bIjaM tadanantaram | zirase svAhayA sArdhaM su bIjaM tadanantaram || 47-276 || zikhAyai vaSaDityAdi saiM bIjaM tadanantaram | kavacAya padasyAnte tArabIjaM samuccaret || 47-277 || soM bIjaM pUrvamuccArya netratrayAya ityapi | vauSaDAdimadhyapadaM catudIkSu tataH param || 47-278 || sazcAnte'strAya zabdAnte phaDityeva samarcayet | SaDaGgAni pUjayitvA tadbahiH pratipUjayet || 47-279 || indrAdIMllokapAlAMzca vajrAdIMzca tathA prabho | dhUpadIpAdinaivedyapAnAdIni pradApayet || 47-280 || vidhinA vAdanaM kuryAnmRtyuJjayasutoSaNAt | visarjanAntaM yatkarma samApya vidhinAmunA || 47-281 || saMhAramudrayA caiva hRdaye cAnayed budhaH | prasannahRdayo bhUtvA caraNodakamApibet || 47-282 || etanmAtreNa deveza sarvasiddhiM samApnuyAt | pibAmi caraNadvandvAmbhojaniHsRtakaM bhaje || 47-283 || amaratvaM sadA dehi mRtyuJjaya namo'stute || 47-284 || iti zrIrudrayAmale uttaratantre mantraprakAzo nAma saptacatvAriMzaH paTalaH || 47 || athASTacattvAriMzaH paTalaH Anandabhairava uvAca zrutaM ca sAdhanaM puNyaM mahArudrasya sundari | maNipUre prakAzaJca kathitaM jJAnanirNayam || 48-1 || akasmAt siddhisampattiM nutiM vada mahApirayAm | yasya zravaNamAtreNa pAThena yoginIvazam || 48-2 || zrIAnandabhairavI uvAca paramAnandadeveza yogAnAmadhipa prabho | stotraM rudrasya vakSyAmi sArAtsAraM parAtparam || 48-3 || yajjJAtvA yoginaH sarve SaTcakraparibhedakAH | AkAzagAminaH sarve rsvagamokSAbhilASukAH || 48-4 || mahAdevasamAH sarve devAzca svargabhoginaH | sarvarakSAkaraM stotraM ye paThanti nirantaram || 48-5 || te yAnti brahmasadanaM siddhamukhyA mahItale || 48-6 || oM bhajAmi zambhuM sukhamokSahetuM | rudraM mahAzaktisamAkulAGgam | raudrAtmakaM cAruhimAMzuzekharaM | kAlaM gaNezaM sumukhAya zaGkaram || 48-7 || mRtyuJjayaM jIvanarakSakaM paraM | zivaM parabrahmazarIramaGgalam | himAMzukoTicchavimAdadhAnaM | bhajAmi padmadvayamadhyasaMsthitam || 48-8 || sarvAtmakaM kAmavinAzamUlaM | taM candracUDaM maNipUravAsinam | caturbhujaM jJAnasamudrayADhyaM | pAzaM mRgAkSaM guNasUtravyAptam || 48-9 || dharAmayaM tejasamindukoTiM | vAyuM jalezaM gaganAtmakaM param | bhajAmi rudraM kulalAkinIgataM | sarvAGgayogaM jayadaM surezvaram || 48-10 || zukraM mahAbhImanayaM purANaM | prANAtmakaM vyAghivinAzamUlam | yajJAtmakaM kAmanivAraNaM guruM | bhajAmi vizvezvarazaGkaraM zivam || 48-11 || vedAgamAnAmatimUladezaM | tadudbhavaM bhadrahitaM parAparam | kAlAntakaM brahmasanAtanapirayaM | bhajAmi zambhuM gaganAdirUDham || 48-12 || zivAgamaM zabdamayaM vibhAkaram | bhAsvatpracaNDAnalavigrahaM graham | grahasthitaM jJAnakaraM karAlam bhajAmi zambhuM prakRtIzvaraM haram || 48-13 || chAyAkaraM yogakaraM sukhendraM | mattaM mahAmattakulotsavADhyam | yogezvaraM yogakalAnidhiM vidhiM | vidhAnavaktAramahaM bhajAmi || 48-14 || hemAcalAlaGkRtazuddhavezaM | varAbhayAdAnanidAnamUlam | bhajAmi kAntaM vanamAlazobhitaM | cAmUlapadmAmalamAlinaM kulam || 48-15 || svayaM purANaM puruSezvaraM guruM | mithyAbhayAhlAdavibhAvinaM bhaje | bhAvapirayaM premakalAdharaM zivaM | girIzvaraM cArupadAravindam || 48-16 || dhyAnapirayaM jJAnagabhIrayogaM | bhAgyAspadaM bhAgyasamaM sulakSaNam | zUlAyudhaM zUlavibhUSitAGgaM | zrIzaGkaraM mokSaphalakriyaM bhaje || 48-17 || namo namo rudragaNebhya evaM | mRtyuJjayebhyaH kulacaJcalebhyaH | zaktipirayebhyo vijayAdibhUtaye | zivAya dhanyAya namo namaste || 48-18 || bAhyaM trizUlaM varasUkSmabhAvaM | vizAlanetraM tanumadhyagAminam | mahAvipad duHkhavinAzabIjaM | prajJAdayAkAntikaraM bhajAmi || 48-19 || purAntakaM pUrNazarIriNaM guruM | smarArimAdyaM nijatarkamArgam | anAdidevaM divi doSaghAtinam | bhajAmi paJcAkSarapuNyasAdhanam || 48-20 || digagbaraM padmamukhaM karasthaM | sthitikriyAyoganiyojanaM bhavam | bhAvAtmakaM bhadrazarIriNaM zivaM | bhajAmi paJcAnanamarkavarNam || 48-21 || mAyAmayaM paGkajadAmakomalaM | digvyApinaM daNDadharaM harezvaram | tripakSakaM tryakSarabIjabhAvaM | tripadmamUlaM triguNaM bhajAmi || 48-22 || vidyAdharaM vedavidhAnakAryaM | kAyAgataM nItaninAdatoSam | nityaM caturvargaphalAdimUlaM | vedAdisUtraM praNamAmi yogam || 48-23 || vedAntavedyaM kulazAstravijJaM | kriyAmayaM yogasvadharmadAnam | bhaktezvaraM bhaktiparAyaNaM varaM | bhaktaM mahAbuddhikaraM bhajAmyaham || 48-24 || gatAgataM gamyamagamyabhAvaM | samullasatkoTikalAvataMsam | bhAvAtmakaM bhAvamayaM sukhAsukhaM | bhajAmi bhargaM prathamAruNaprabham || 48-25 || bindusvarUpaM parivAdavAdinaM | madhyAhnasUryAyutasannibhaM navam | vibhUtidAnaM nijadAnadAnaM | dAnAtmakaM taM praNamAmi devam || 48-26 || kumbhApahaM zatrunikumbhaghAtinaM | daityArimIzaM kulakAminIzam | prItyAnvitaM cintyamacintyabhAvaM | prabhAkarAhlAdamahaM bhajAmi || 48-27 || trimUttImUlAya jayAya zambhave | hitAya lokasya vapurdharAya | namo bhayAcchinnavighAtine pate | namo namo vizvazarIradhAriNe || 48-28 || tapaHphalAya prakRtigrahAya | guNAtmane siddhikarAya yogine | namaH prasiddhAya dayAturAya | vAJchAphalotsAhavivardhanAya te || 48-29 || zivamamaramahAntaM pUrNayogAzrayantaM | dharaNidharakarAbjairvardhamAnaM trisargam | visama maraNaghAtaM mRtyupUjyaM janezaM | vidhigaNapatisevyaM pUjaye bhAvayAmi || 48-30 || etatstotraM paThed vidvAn muniryogaparAyaNaH | nityaM jagannAthaguruM bhAvayitvA punaH punaH || 48-31 || maNipUre vAyuniSTho nityaM stotraM paThed yadi | jIvanmuktazca dehAnte paraM nirvANamApnuyAt || 48-32 || iti zrIrudrayAmale uttaratantre mahAtantroddIpane rudramRtyuJjayastavanaM | nAma aSTacatvAriMzattamaH paTalaH || 48 || athaikonapaJcAzattamaH paTalaH AnandabhairavI uvAca SaTcakrabhedanArthAya sarvasiddhasusiddhaye | vakSyAmi lAkinIdevIstotraM paramadurlabham || 49-1 || yatpAThAdatisantoSaM prApnoti yatirIzvara | tatkriyAsArasampannaM stavanaM lAkinIpirayam || 49-2 || asya zrIlAkinIstotrasya mahAviSNukahoDaRSirgAyatrIcchando mahAsiddhidamRtyuJjaya-- mahArudra lAkinI sarasvatIdevatA maNipUrabhedane jape viniyogaH || om bIjAkSaramUtImAtI hariNImAryAM jayAM buddhidAM | dInAnAmaparAdhakoTihananIM saMjJAmaNiM yoginAm | tvAmAdyAmanurAgiNIM guNagaNAmodaikahetusthalAM | sthityantaHkRtakautukIma varade vande mudA lAkinIm || 49-3 || herambArcanasiddhidAdvayagatA koTiprabhA bhAskarA sAkArA kiraNojjvalA sukhamayI vedadhvaniprANinI | kopAko pitalakSaNA tarutarAkalpAzayA saMzayA kRtvaivaM varavaNInI samavatu zrIlAkinI kaGkinI || 49-4 || keyUrAmalahAramAlazubhagA vIrAsanA sthAyinI bhAryA rudrapateH pravAlavimalA vaktrotpala sragdharA | mAtA yogavatAM satI parA parapadA mAdhvIrasAcchAditA | tvaM mAM pAhi kRpAmayI yamagataM mRtyuJjaye zrIdhare || 49-5 || AkAGkSIkulasaGkhyakA kSayakarI zatruprabhAderdayA | bhaktAnAmatiduHkhahA zazimukhI yonyAnanA kAmukI | kAmasthAnamakAmadoSazatakaM zIghraM tvalakSemadA | jIvanmuktipadaM vidhehi samare sargadruhasya pirayam || 49-6 || tvaM paJcAnanapUjitA tvamazitA tvaM bAlavidyAgati-- | stvaM satyaM kavitAsu vAkyakavitA tvaM kevalAnandadA | tvaM lAkSAruNarUpiNI tvamavarA tvaM liGgasaMhAriNI | tvaM sAkSAdamRtapradA tvamajarA tvaM lAkinI pAtu mAm || 49-7 || nAnAmaGgaladharmarAjyajaDitA saMskArabodhAzrayA | liGgasthAcalaputrikA navagRhe saGkAmayantI zivA | me liGgopari rudranAtha vipathavyAbhedanaM saGgamaM | zIghraM kAraya devi mokSaturikaM koTIva candrojjvalA || 49-8 || candrAbhAsakalAzrayA zrayati yA zabdacchaTA yA samA | mAyA mohabhidA dayA dayati yA kRSNakriyA mohinI | lakSmIrnIlakalevarAmalamaNeH pUrvaM sadA rakSatu | zrIvidyA bhayadAyinI tvamapi sA me nAbhimUlodayA || 49-9 || mAtrA mudrAmanananilayA mAlinI mantravidyA | vizvezAnI zayanarahitA zItavAtAtapasthA | satyAsatyA vacanabhavagA gauri mAtA tvameva | prANAn rakSa prathamakiraNAmAzraye tvAmanantAm || 49-10 || siddhAsiddhA zaziravikalA kevalAmbhojasaMsthA | sthityAnandA nayanasvacalAmbhojamadhyaprakAzA | nityaM zraddhAgatipathakarA kartrI kAmAnahartrI | nAdyastotraM bhaja bhaja bhaje tvAmanantAM svarUpe || 49-11 || pItApItA pavanagamanA dhAraNadhyAnayogA | kAlAkAlA kalikulakalA niSkalA jJAnarUpA | kRSNAnandA madanakuharA kekarA zaGkarI vA | tvaM zrIghAtrI dhavalakamalaM nAbhimUle pravakSye || 49-12 || zvetA zvetAruNazatakarA bhAvanAjJAnasiddhiH | prItAprItA paramagahanA cAruNAmAnanAyAH | tvaM sA vidyA vidhibudhavarA dhAraNAjJAnagamyA | ramyAramyA ramaNaniratA nIradA pAtu nAbhim || 49-13 || mandodbandhapirayavadhulatA nIravAnAvahantrI | kSetrAkSetrA paracaragatA bhuktimuktiprakAzA | kaulAkaulAjJApitanayanA gaJjanA vAtamugdhA | mugdhAmugdhAmatidhanapaternAbhisaMsthe'vanAbhim || 49-14 || haMsI siMhAsanagatapadA cakravidyA susUkSmA | zrIvidyA tvaM navavilacarA sundarI raktavarNA | svarNAmbhojopari zubhamanA cakramadhye pratiSThA sarvA varNA parijanadayAnAbhipadmaM ca rakSA || 49-15 || brahmAnandA nRpagaNamahApUjayA zobhitAGgI | zrIzrIvidyAsakalavibhavA bhAvanIyA mahendraiH | siddhasthAne maNimayagRhe mUlasiMhAsanasthA | padme cASTAnvitayugadale nAbhimUle mamAva || 49-16 || yogajJAnaM dvividhavibhavaM vedavidyAprakAzaM | me cASTAGgaM samavatu mudA SoDazI bhairavasthA | candrolkA tvaM bhavabhayaharA zokatApApahantrI | nAbhAvabje udayati suro yastamIze prarakSa || 49-17 || saMziSTA tvaM virata karuNe zItale zItazaile | sAkSAdanyapracayavacanA pArvaNA parvapUrA | vidyutpUraM samasukhamayaM pAhi paJcAnanA yA | tvaM sA devI zubhamaNigRhe zItalatvaM vidhehi || 49-18 || chandogAnAM sakalaviSayacchedinI cArNamAtA mAlA lAkSaruNakiraNabhA gopapUjyA girIjyA | mAtastvaM me svamaNibhavanaM pAhi sUkSmA bhavAnI | vAnasthAnAzraya jaya karAcAGgirA cAnnapUrNA || 49-19 || candrollAsA'vayavasukhadA dIrghakezI vizAlA | tvaM mAtaGgI janani jagatAM bAlikA vipracaNDA | jyotsnAjAle udayati sadA raktabhASaprabhAsA | tvaM me rudra hariharatanuM nAbhimUle prarakSa || 49-20 || vANInAmnA racayati vacaH sundarI varNanasthA | sthityantasthA calatanudharA dhAmasandhAmarA sA | bodhAnandaprakRtitanubhirvyApinI jJAnamugdhA | mAtastvaM me maNidalagRhaM pAhi sarvAGgavidye || 49-21 || vidyA caNDAmalasitasRjA candanAliptadehA | vizvezAni bhagavati zive tvaM kSayAmogharUpA | jAyA zambhorjaTilazivagatA mokSadA mAnasaMsthA | cittaM zubhraM kuru viSayachedanaM chedini tvam || 49-22 || maNimayakulagehe koTividyutprakAze'-- bhayavaramapi dehi kodhavidye mayi tvam | sakalasukhavibhogaM pAlaya prANarUpaM | caraNatalavilagnaM mAmanAthaM parezi || 49-23 || bhuvanagahanahetoH kAyasargA vinAste | vidhimakhasuranAthaM mAnuSAdi trisargam | mama maNikulapadme nityarUpAbhidhAnaM | jayati khalu tadAnIM stotrasAraprakAram || 49-24 || bhavatu caraNapadme lAkinI devakanye | viracaya manuzAstraM siddhamantraprakAram | vaha vaha bhavabhAvaM trAhi mAM candragehe | kaThinahRdayanAzaM zaGkari tvaM kuruSva || 49-25 || kamalavanasamIpe vanyamadhye'tiguhye viSayaviSayinAzaM kaulike tvaM vikRtya | bhavanijamaNipIThe sthApayitvA nidAnaM | hara haradayite tvaM doSaSaTkaM vivAdam || 49-26 || ghore sAndrAndhakAre mama nijakuladRgdAnakatrI prasanne | vAJchAkalpadrumasthA tvamiha kuzaladA dAyabhAgAvibhAgA | tvaM kAlI nandinIsthA nayakaruNaghaTA madhyagA mAghakA tvaM | bhImA bhItyApahantrI harapadanayano lAkinI nAbhimAva || 49-27 || etatstotraM paThed vidvAn yogajJAnI nirAzrayaH | mahAsukhagato vIro vibhavAyAmRtAya ca || 49-28 || bhogamokSau kare tasya caihike yogirAD bhavet | pare yAti mahAdevI pAdapadme na saMzayaH || 49-29 || ehike cirajIvitvaM dadAti kAmadAyinI | maNipUre sthito yAti kulamArgaprasAdataH || 49-30 || kulamArgeNa yatsthAnaM layaM vizvezvarIpadam | tallayA maNipUrasthA devatA pazyati dhruvam || 49-31 || pUjAnte prapaThet stotraM bhaktibhAvaparAyaNaH | zIghrameva hi yogI syAt kulamArgaprasAdataH || 49-32 || iti zrIrudrayAmale uttaratantre lAkinIzastavanaM nAma ekonapaJcAzattamaH paTalaH || 49 || atha paJcAzattamaH paTalaH AnandabhairavI uvAca nAtha kAnta pravakSyAmi siddhasAdhanamuttamam | yena sAdhanamAtreNa naro yogI bhaved dhruvam || 50-1 || trivIraM trividhaM proktamuttamAdhamamadhyamam | tatraiva trividhaM saGgamUrdhvapAtAlabhUtalam || 50-2 || sapta UrdhvaM tathA nAtha sapta bhUtalameva ca | sapta pAtAlamevaM hi saptatrisaptasaMkhyakam || 50-3 || tanmadhye trividhaM bhAvaM divyavIrapazukramam | divi tiSThanti devAzca vIrAstiSThanti bhUtale || 50-4 || pazavaH santi pAtAle kramazaH kramazaH prabho | sarvatra triguNacchannaM sattvarajastamAdikam || 50-5 || sattvaguNaM svargamadhye sarve viSNuparAyaNAH | tadA sarve dRDhAH svarge bhUtale ca rajoguNam || 50-6 || brahmasevAparAH sarve brahmajJAnina eva ca | pAtAle zivasevAzca zivarUpiNa eva ca || 50-7 || tamoguNAt pazorbhAvaM tamodRSTiM samApya ca | tato vihAya tajjJAnaM vIro bhavati sAdhakaH || 50-8 || vIrabhAve jJAnadRSTiM brahmasiddhiM samApya ca | devatA bhavati kSipraM sattve nirmalabhAvake || 50-9 || sthiro bhUtvA mahAdevo bhavatyeva krameNa tu | AkAzagAminI siddhiH kramazo bhavati dhruvam || 50-10 || mUlAdhArasya cAdho vai pAtAlatalavAsinaH | tadUrdhve brahmaloke tu bhUtalAdinivAsinaH || 50-11 || tadUrdhve sattvanilayaM svAdhiSThAnaM hi daivatam vidhividyAprakAzazca varadevasya sampadam || 50-12 || tadUrdhve sarvarUpaJca sarvajJAnAzrayaM param | parasthAnaM mahAdeva maNipUraM manoharam || 50-13 || rudrazaktyAtmakaM cakraM zrIvidyAcakramaNDalam | lAkinI paramA mAyA mahArudreNa sevitA || 50-14 || maNipUraprakAzAya rudrazaktivIbhAti ca | sarvajJAnAnandamayaM sarvasiddhiprakArakam || 50-15 || mahAsUkSmazabdamayaM kuNDalaM jJAnasAdhanam | yasyAH sAdhanamAtreNa yogI bhavati bhairava || 50-16 || prakAra eva sevAyAM mahAsiddhIzvaro bhavet | sarve ca pazavaH santi talavad bhUtale narAH || 50-17 || teSAM jJAnaprakAzAya vIrabhAvaH prakAzitaH | vIrabhAvaM mudA prApya krameNa devatA bhavet || 50-18 || yatkAle vIrabhAvAdisiddhiM prApnoti mAnavaH | tatkAlanirNayaM vakSye vIrAddevatvamApnuyAt || 50-19 || mAsenAkaSINI siddhirmAsena vAkpatirbhavet | mAsatrayeNa saMyogAjjAyate suravallabhaH || 50-20 || evaM catuSTaye mAsi bhaved dikpAlagocaraH | paJcame paJcabANaH syAt SaSThe rudro na saMzayaH || 50-21 || vIrabhAvaM samAzritya sarvadA yogamAzrayet | pazoradhInaM deveza vIrabhAvaM manoharam || 50-22 || vIrAdhInaM divyabhAvaM divyena rudratarpaNam | rudradarzanamAtreNa jIvanmukto bhaved dhruvam || 50-23 || jIvanmuktipadaM prApya kinna sidhyati bhUtale | manonivezamAkRtya pazubhAvAzrito naraH || 50-24 || vIrabhAvaM samAzritya cAdau yogaM samAzrayet | sarvadA cAbhyased yogaM mantranyAsaparAyaNaH || 50-25 || yogasiddhiM jJAnasiddhiM mokSasiddhiM tataH param | yadi mokSamihecchanti pazavaH zAstramohitAH || 50-26 || samajJAnaM vIrabhAvamAzritya yogamApnuyAt | yogAbhyAsasya cAdye ca zarIraM parizodhayet || 50-27 || Adau paJcAmarAH kAryAH sarvakAryanirAzrayAH | kevalaM yogamAzritya sadA paJcAmarA bhavet || 50-28 || dviprakAraM mahAkAla paJcAmarAbhidhAnakam | netI dantI tathA dhautI neulI kSAlanaM tathA || 50-29 || ekaprakAramevaM hi kathitaM paramezvara | dantI netI tathA dhauti neulI kSAlanakramAt || 50-30 || evaM vA nityamAkuryAd yogasiddhisamRddhaye | paJcAmarAsAdhanAdikAle kuryAnnijakriyAm || 50-31 || oSadhI paJcamaM grAhyaM paJcayogasusiddhaye | bilvapatraM jayApatraM tulasIzyAmapatrakam || 50-32 || nirguNDIpatramevaM tu dUrvAgranthirasena ca | eSAM prakRtinAmAni vakSyAmi zRNu zaGkara || 50-33 || amarA bilvapatraM tu cAmarA vijayAdalam | amaralatA granthidUrvA nirguNDI cAmarezvarI || 50-34 || amarA zyAmatulasI paJcAmarAstarUdbhavAH | kathitA yogasiddhyarthe tatpramANaM kramAt zRNu || 50-35 || paJcatolakamAnaM tu vijayApatrameva ca | anyeSAM tolakaM caikaM saMzodhya bhakSaNaM caret || 50-36 || etadbhakSaNamAtreNa paJcayoge jayI bhavet | punasteSAM mahAkAla manuM vakSyAmi tattvataH || 50-37 || sakalaM cAmarAyogaM mantreNAnena bhakSayet | tAtadvayaM samuddhRtya RyugaM tadanantaram || 50-38 || visargabindusaMyuktaM tatpazcAdamRtAmukhi | maraNaM mArayadvandvaM yogasiddhiM tataH param || 50-39 || dehi dehi padasyAnte svAhAntaM mantramuttamam | etanmantreNa cotpATya mantrayitvA prabhakSayet || 50-40 || etatkANDasya mantraM tu tatraiva pariyojayet | nirguNDImantrarAjaM tu zRNu vakSyAmi bhairava || 50-41 || kAmabIjatrayaM pazcAt kAlIbIjatrayaM tathA | sarvayogaM tataH pazcAt sAdhayadvayameva ca || 50-42 || amRtatvaM mayi zaktaM samarpayadvayaM tataH | svAhAntamanunA cAtha cotpATya bhakSaNaM caret || 50-43 || bilvapatraM pragRhNIyAttanmantraM zRNu bhairava | lajjAbIjaM kAmabIjaM zaktibIjaM tataH param || 50-44 || brahmabIjaM tataH pazcAd gaurasundari cAvadet | mAM sthApaya mahAyoge pAlayadvayameva ca || 50-45 || zaGkarapremagalite svAhAntaM mantramuccaret | tulasIpatraM saMzodhya cotpATya manunA'munA || 50-46 || viSNupiraye mahAmAye zivayogaprasAdhini | mAyAcchedaM tataH