#*******************************************************************************
#
# zrIkhacakrapaJcakastotra jJAnanetranAtha
#
##   Copyright (c) Mark S.G. Dyczkowski
##   THIS TEXT FILE IS FOR REFERENCE PURPOSES ONLY.
#
# This text was produced from the following manuscripts. 
# K: NAK no. 5-5183 zaivatantra 157 = NGMPP reel no. A 150/6;
# size: 32 1/2 x 12 1/2; folios: 35 (of which 15-20).
#
# Kh: This the second half of a manuscript called KAlIkulakramArcana
# NAK MS no. 1 - 252 "Saivatantra 150 NGMPP reel no. A 182/6
# no. of folio 16 (numbered 61 to 77) Paper - NevArI script.
#
#
# Harvard-Kyoto  encoding
#
# Dr. Dyzckowski will be publishing this text in print with the manuscript
# variations in the near future.
#
#**********************************************************************************

zrIkhapaJcakastotram






yA sAntakAgniravisoma - anAkhyabhAsAM|
niHzeSapUritamahArthamahotkallolAm  |

ciccaNDatejazivazaktimazeSamAtAM
zrImaGgalAmiti  mahArthaM  prati  praNaumi || 1 ||

ekA devI prasarati parA  vyomahaMkAraghoSA
cakraM  raudraM gaganasadRzaM  razmipuJjaM samagram |

vyomAkArAkalitakalanAnandabhAsApracaNDam
bhASAtItaM  vismayaviSayaM devIcakraM  namAmi || 2 ||

samarasapadalIno niHsvabhAvaikavIraH
zamitasakalabhAvairjJAnadRSTiprakAzaH  |

viditaparamatattvo labdhavijJAnasaukhyo
nayitaparamabodhajJAnanetrAdyanAthaH  || 3 ||

yasmAdasaMkhyakiraNAvalikAlavahniM
nityaM niruddhamudayAstamanasvabhAvam  |

ekaM  hyanekavibhavaiH kSatasarvabhAvaM
tad  naumi cAvyayazivaM bahutejavizvam || 4 ||

gaurIM  vighnezavaTukaM vIrasiddhAJca yoginIm |
yoginyo mAtaraH sarvA namaskRtvAvatArayat  || 5 ||

gaNezaM zaktisaMyuktaM praNamAmi gaNaiH saha |
vande zrInAthapAdAbjaM  khecaryAdigaNasya ca || 6 ||

zivayoginicakrasya  gurUNAmamalAtmakam  |
zrIpITha - uttarAntasthA aSTapIThasamudbhavAH   || 7 ||

karavIrazmazAne tu ekacakre  samAgatAH  |
mahAmelApamilitA yogakrIDotsave  sthitAH || 8 ||

khecarI dikcarI caiva  gocarI bhUcarI tathA |
ramyADAmariDAkinyo  vyomezI tu mahAbalA || 9 ||

anyairanekasaMghAtairyogyanyairvividhAtmakaiH  |
mahAmelApamilitA yoginyazca  samAgatAH || 10 ||

aSTaSaSTistu yoginyo dazasaptAdhikAH sthitAH |
nAmavarNavibhedena paJcacakre  yathA sthitAH || 11 ||

maGgalA ekarAtrI ca khecarI  phaNidhAriNI |
raviNI mantrarUpA ca haMsAkhyA cakranAyikA  || 12 ||

gharhanA  DamarA  devI yathA eSA prakIrtitA |
garjanI ekacArI ca zavarI vajrapaJjarA || 13 ||

RdhhiH  saptAdazI jJeyA bhAsAcakre vyavasthitA |
mandarA ekanArI  ca khagI phaNI ravAntikA  || 14 ||

razminAmA mantrakalA haramAtA ca caNDikA |
nabho  bhAsA DambamayI yamANDAkhyA  gabhastinI || 15 ||

ekayoginimantrajJA  vamanA RddhinI smRtA |
khe cakre yoginyaH  khyAtA dazasapta prakIrtitAH || 16 ||

manthAnA ekavIrA ca svAdinI  phaNibhUSaNA  |
ramaNI mantralIlA ca harI candramasA  tathA || 17 ||

nabhotthitA  Damaruzca yamunA oghinI tathA |
gaNezI ekalAmA ca zaGkhinI  vajraghAtinI || 18 ||

RtukSayaMkarI devI saptAdazapadojjvalA |
dikcakrasaMsthitA devyastRtIye cakre  saMsthitAH || 19 ||

madanA ekacakrA ca khagacakrA  phalAzinI |
rajakI  madagandhAkhyA phalinI  cakrapUjitA || 20 ||

nandinI  daNDinI  caiva yazaSI  modinI tathA |
gaganA  ekavIrA ca zavabhakSyA varAyudhA || 21 ||

RkSA saptAdazI  jJeyA gocakre cakranAyikA |
manovegA ekanizA khakalA phaNagarviNI  || 22 ||

raktAkSI mandasiddhiH  zrIhayagrIvA  ca carcikA |
nadanA  uhakA  caiva yazadA oSadhI tathA || 23 ||

gandharvI ekavIrA  ca zavarI vajradhAriNI |
RddhikA  dazasaptetA  bhUcakre saMvyavasthitAH  || 24 ||

etatsaMkAzAdudyatamanyad vai  cakrapaJcakam |
parivAre sthitiM  ca  yAmekaikAM  ca vadAmyaham || 25 ||

DAkinI  piJjarI ghorA unmattA prANabhakSikA |
kaliGgA kAlarAtrI  ca mArjArI sandhibhedinI || 26 ||

ajavaktrA meSamukhA vyAghrI sUkararUpiNI |
jambhaNI  bhISaNI raudrI  kumbhakarNI vyavasthitA || 27 ||

dazasaptA  ca saMbhUtAH prathame cakre  saMsthitAH  |
zAkinI  bhadracArI ca rohinI  madaraJjikA || 28 ||

nirmalA jambhinI caiva svacchandA jarjarI  smRtA |
hastikarNI caNDatejA jagaddhatrI  zivAnanA || 29 ||

carcikA rAkSasI bhaTTA  muNDinI muNDadhArikA  |
saptadazakramonthAzca  dvitIye cakre nAyikAH  || 30 ||

lAmA ca rukmiNI caiva hariNI  khecarI  tathA |
prabhA zoNitabhAsA  ca tapanI  varSaNI smRtA  || 31 ||

jayA  ca vijayA siddhA trijaTA putrahartRkA |
digvAsA jananI  tArA durdurA  ca vyavasthitA || 32 ||

dazasaptakramAkhyAtAH  tRtIye cakre  sambhavAH  |
rUpikA cittahArI  ca bhAsvarI bhavanI tathA || 33 ||

zUlinI  zUlaghAtI  ca jIvahArI hayAnanA |
kukkurI  cakravegA ca gRdhravaktrI  nizAcarI || 34 ||

puMsinI zrIbalA caiva rajakI  cIrabhUcarI  |
mArjArI dazasaptaitAH  caturthe  cakre nAyikAH || 35 ||

bhUcarI vedhakI caiva bindumAlAntrabhakSikA  |
AkarNI bhadrakarNI ca sumatirvIragarvitA  || 36 ||

guhyAdhvI vIravAsA  ca kAlarAtrI kharAnanA |
zAGkarI  vRttinI ghorA muktakezI kRzodarI  || 37 ||

saptAdazAtra vikhyAtAH paJcacakrasamudbhavAH |
saptatizca zataM caiva yoginInAM kramAgatam || 38 ||

sarvAstA ekacakrasthA mahAyogotsave sthitAH |
vyomacakre sthitAH sarvA bhUcakre tu vizeSataH || 39 ||

paJcAzItistu khecakraM  tanmadhye cakranAyikA |
maGgalAkhyA  tu yA devI adhikArakarI tu sA || 40 ||

kramopadezamArgena  pIThayoginikaM matam |
mahAyoginikaM cAnyaM  kramaM sarvezvarezvaram  || 41 ||

AdyayoginikaM cAnyaM kramamantratanu  param |
mahAsiddhakramaM pazcAt pIThayoginikaM  matam || 42 ||

siddhayoginikaM cAnyaM  kramaM sarvezvarezvaram  |
mudrApaJcasamAyuktaM gurupaMktikramAgatam  || 43 ||

krameNa jJAyate yogI kathanaM kramapUjanam |
saMkramaNaM  sarvagataM sarvAvezavivarjitam || 44 ||

rAvapravezaramaNaM vamanagrAsaghasmaram  |
evaM maGgalapUrvaM tu yoginIkramanirNayam   || 45 ||

yo jAnAti mahAkaulo  mahArthastasya gocaraH  |
pUjA caryAkramaH krIDA mudrA rAvapradarzitA || 46 ||

mahAmAMsaM  tathA matsyaM  madyaM zIdhuM tathA  surAm  |
caruM  pazUn ca  vividhAn gItavAdyaM  nivedayet || 47 ||

japaM dhyAnaM prakurvANaH  sve  sve  cakre svabhAvataH  |
mahArAvaM tataH zrutvA parAkAzAnniraJjanAt  || 48 ||

zrutvA tu hRSTamanasA parAnandena  ghUrNitAH  |
mudrApravezagAminyaH  paJcadhAkramasaMsthitAH  || 49 ||

bhAsAkhyAzcaiva  yoginyo mahadhAmAntare  sthitAH  |
khecaryo  vyomamArgasthAH paravyomalayaMgatAH || 50 ||

dikcaryo  dikprakAzAbhAH sUkSmadhyAnaparAyaNAH  |
gocaryo hRdi yogajJA AtmAnAtmavibhAvitAH  || 51 ||

bhUcaryaH  kandacakrasthA brahmanADIprakAzikAH  |
bhAvajJA bhAvanirmuktA bhAvAbhAvavibhAvikAH || 52 ||

etaddhi  cintayAmAsa prasUtaM razmimaNDalam  |
duSprekSaM  sarvabhUtAnAmanilAnalamadhyagam || 53 ||

mahAbhAsurarUpAbhaM tejojvAlAsamAkulam |
paJcamaNDalamadhyasthaM samantAttejasAvRtam || 54 ||

somasUryAgnikoTyAbhaM jyotISAM  jyotiruttamaM  |
tattejasA tu sarvAstA yoginyo hRSTamAnasaH || 55 ||

pazyanti ca mahAzcaryaM khe cakre  cakrasaMsthitAH |
prAJjalipraNatAH  sarvA idaM stotramudIrayan  || 56 ||

khapharekAradhAmasthe  dhAmarUpe niraJjane |
ciddhAma paradhAmAkhye mahAdhAma pare kale || 57 ||

gaganAmbarasaMkAze nirAdhArapadojjhite  |
nabhoyomAntarAkAre manthAnAnte  namo'stu te || 58 ||

ekabhAsaki bhAsasthe bhAsottare  nirAmaye |
sarvabhAsAsamuttIrNe bhAsArUpe namo'stu te || 59 ||

khakale khecare khasthe svabhAve * khamAzrite | ?
khagapaMktyA  samArUDhe  khecargAkhye namo'stu te || 60
||

phaTkArapheTkAre rAveyAnujAkSaravigrahe |
saMhArasthAstrarAjezi  haMkArAnte namo'stu te || 61 ||

raviprakAzasaMkAze  dvAdazArkasamaprabhe |
dviSaTkabhAsAmadhye  tu  razmikAli namo'stu te || 62 ||

mantravyomamaye devi sarvamantrAlayodbhave  |
mantrAtIte  pare zAnte mantrakAli namo'stu te || 63 ||

haMsaprakAzasaMkAze kalASoDazavigrahe |
amArUpe nirAdhAre  candrakAli namo'stu te || 64 ||

nabhobhAsvaradIptAbhe jyotsnAzatasamAkule |
nabhobhAnukalAtIte nabhaHkAli  namo'stu te || 65 ||

DAmare  bhAsurAkAre nirAkAre anAmake |
citkalekhakalAkAli DAmarAhve  namo'stu te || 66
||

yazazcintAmaNiprakhye  zreyobhAve  abhAvake |
sarvabhAvAntarelIte yazakAli namo'stu te || 67 ||

oMkArarazmiAdhAre   nirAdhArakalojjhite  |
oghakAli  prabhAtAnte oMkArAkhye namo'stu te || 68 ||

gaganAdityamArgasthe bhAvAbhAvamahotsave  |
gaganadyutidyotAbhe  yamakAli namo'stute || 69 ||

ekabhAsvarabhAsAnte bhAsurArkamahAdyute |
ekAkini kAlanitye ekakAli namo'stu te || 70 ||

zabdAmbarAmbaradhare zabdabrahmAntarasthite |
sarvarUpe  arUpasthe sabdakAli  namo'stu te || 71 ||

varapratApasantapte mahAtamaprakAzake  |
varNasvarapadAtIte varNakAli namo'stu te || 72 ||

RddhibhAsAsamadyote bhargo divAntasaMsthite  |
RtuSaTkasamuttIrNe  RddhikAli namo'stu te || 73 ||

bhUrisUryapratIkAze candrakoTyAyutaprabhe |
kalpAntAgnisahasrAbhe tejakAli  namo'stu te || 74 ||

mekhapharapaJcasthe  mahAcaNDasamAkule |
yogezvari yogagamye ajazakte  namo'stu te || 75 ||

bhAsAcakraviniryAte dazasaptapadAzrite |
kAlikramasamAyukte khacakrezi  namo'stu te || 76 ||

bindusthe vimale zAnte zuddhasphaTikanirmale |
aprameye nirAbhAse niSkriyAnte  namo'stu te || 77 ||

ekAkini pare sUkSme  zuddhe  atyantanirmale |
sarvakAraNanirmukte icchAzakte namo'stu te || 78 ||

khasvarUpe khamadhyasthe khacakre  khapratiSThite |
apratarkye anuccArye  guNAtIte  namo'stu te || 79 ||

phakAraraTane devi grasane  bhairavotkaTe  |
atyantagahane gUDhe  avadhUte namo'stu te || 80 ||

razmibhAvarasAnande  cinmarIcicidAzraye  |
mahAnirvANaramaNe nityAnande  namo'stu te || 81 ||

jyotistArakatArAbhe sattAmAtre  cidAvRte |
sUryAmRtasamAkarSe sRSTikAli namo'stu te || 82 ||

mantratantrezvarI  devi  mantratantre vyavasthite |
sthitisthAnakasaMbhAvye  sthitikAli namo'stu te || 83 ||

hakArArdhakalAdhAre bAlAgrazatakalpite |
sakale niSkale kAli saMhArike  namo'stu te || 84 ||

candrAkRtisamasparze kalASoDazasaMbhave  |
SoDazAdhAradhAmasthe  raktakAli namo'stu te || 85 ||

nabhorUpasvarUpAye  grAhyagrAhakavarjite |
kaivalye kevalAbhAse dhvAMzukAli  namo'stu te || 86 ||

DakAre  DAkinIbIje kulakaulapratiSThite |
prANApAnakalAgrAse yamakAli namo'stu te || 87 ||

yakAravarNavAhasthe vAyurUpe niraJjane |
dharmAdharmakSayakare mRtyukAli namo'stu te || 88 ||

amoghoghe'vyatikrAnte  mahAbodhAvalokite |
bhAvAbhAvakalAtIte bhadrakAli namo'stu te || 89 ||

gamAgamaprakAzasthe  vAyubhUte niraJjane |
vizvatejaHkalAkAle mArtaNDezi namo'stu te || 90 ||

ekarUpe anackAkhye  susUkSme  cAkSaye ame |
parAparaparAtIte parakAli namo'stu te || 91 ||

zabdAtIte guNAtIte kriyAtIte anAmaye |
kAlakalAsamuttIrNe  kAlakAli namo'stu te || 92 ||

varade vizvakartAre varNarUpe avarNake |
varNAdhvani ca nAdAnte varNakAli namo'stu te || 93 ||

retojjvale mahAdIpte vAlasUryasamaprabhe |
ghoracaNDamahAkAli  bharitAkhye  namo'stu te || 94 ||

saMhArakramamArUDhe  bhairavAkAravigrahe |
tRtIyakramacakrAnte dikcakrezi namo'stu te || 95 ||

mahezvarezvari  devi  ekadhA bahudhAsthite |
khavyomAlaMkRtAkAre phaNikezi namo'stu te || 96 ||

raTanI  sarvabhAvAbhe razmijvAle  mahojjvale  |
mahatA sarvavidyAdye caNDarUpe namo'stu te || 97 ||

yogagamye  mahAmAye yogAtIte parApare |
yogezvari vibhUyAkhye navAkSari namostu te || 98 ||

aghore ca mahAghore ghoraghorograniHvani  |
ghoraghargharabhImAkhye bhImakAli namo'stu te || 99 ||

caNDe caNDamahAcaNDe caNDatejaHparAkrame   |
rudraraudre ca rudrezi rudrazakte  namo'stu te || 100 ||

piGgarudre  mahAvIre saMhAragrasanAkule  |
ekAdazAntavAsane bhairavyAkhye  namo'stu te || 101 ||

mahAbhUtakSaye kAli bhAvagrAsogralampaTe |
bhAvavRttidazAlipte  rakSezvari namo'stu te || 102 ||

kRtAntAntakare kAli yamagrAse alolupe |
kAlarAtri  mahArAtri ghorazabde  namo'stu te || 103 ||

caNDezvarezvari  devi rudraraudradazArcite  |
bhairavezi mahAvIre karaGkiNi namo'stu te || 104 ||

caturthakramamArUDhe avatArapradarzite |
hRtpadma  cetanAvasthe  gocakrezi namo'stu te || 105 ||

maekhapharapaJcasthe  mahAcaNDakramodbhave |
yogezvarIpadAntasthe  vyAptirUpe namo'stu te || 106 ||

akSendriyamadhye  kale citprakAze vyavasthite |
Atmasthe paJcaviMzAkhye tattvarUpe namo'stu te || 107 ||

khagendrakUrmasaMbhUte meSamatsyendrabhUSite |
bhadrAmaramahendrAkhye  varadevi namo'stu te || 108 ||

citravalkalaniryAte alibimbasamAzrite  |
ahIndrake gajendre ca mahAguDi namo'stu te || 109 ||

vijJAmve  maGgalAkhye ca kAmamaGgalamaGgale |
madanAmbe anaGgAkhye tricakrezi namo'stu te || 110 ||

kulezvarezvari  devi  koMkaNAmbe pratiSThite |
siddhAdisiddhapatnyambe  lelihAne namo'stu te || 111 ||

paJcame  paJcacakrezi paJcavarNe  pratiSThite |
mekhapharapiNDasthe  bhUcakrezi namo'stu te || 112 ||

kSitibhUmyodbhave  tejovAyuvege  nabhopame |
mahAkAraNavispaSTe  bhUtamAtarnamo'stu  te || 113 ||

caNDarazmikare nitye manobuddhirahaMkRte  |
yogezi sarvabhAvasthe aSTamUrte  namo'stu te || 114 ||

zvasane niHzvase  devi agnisomAntavartini  |
Rddhi - Atmamaye vidye navAkSari namo'stu te || 115 ||

garvite  sarvadevezi  gurvAmnAyaprasarpite |
zreyaskarakarAbhAse  niSkriyAkhye  namo'stu te || 116 ||

vidyAnande nandacare zaktyAnande  prakAzake |
zivajJAne ca nityAkhye mokSAnande namo'stu te || 117 ||

Anande ca nirAnande paramAnandanandite  |
mahAnirvANaparame gurvAnande namo'stu te || 118 ||

siddhAnte siddhaparyAye siddhaprajJAvalokite |
paJcaprakArasaMbhUte siddhadevi namo'stu te || 119 ||

divyaprakAzasaMbhAvye sarvabhAvasamRddhide |
zamane  zAntamanase  zAntasiddhe  namo'stu te || 120 ||

siddhikAmavikAsAbhe  dizASTakapratiSThite |
ciccihnakAlikArUDhe yamasiddhe  namo'stu te || 121
||

anAdimadhyaparyante  mahAsiddhiprabodhite |
kaivalyArNavamadhyasthe  kulasiddhe  namo'stu te
|| 122 ||

sadyo  yoginiviniSkrAnte paJcadaivatyasaMbhave  |
ziva Izvara rudrezi viSNubrahme namo'stu te || 123 ||

divamartyAntapAtAle  zivayoniprasUyake |
mahArthaparamAvasthe  Izayone namo'stu te || 124 ||

cidvRttibharitAkAre  raudrabhAve ayonije |
khagazAsana - AdhAre viSNuyone  namo'stu te || 125 ||

sRSTisRjanacakrasthe padmayonipratiSThite  |
mahAsantatikandasthe brahmayone  namo'stu te || 126 ||

kSetrajJe kSetrarUpAbhe sarvakSetrasamAzrite |
kSetrapAlasamAkAre vaTurUpe namo'stu te || 127 ||

sarvatra rurupANisthe sarvacakSuprakAzake |
sarvatra zrutisaMpUrNe pUrNimAnte namo'stu te || 128 ||

sarvavarNasamAyukte  sarvavarNavivarjite |
devatAvaraNodbhUte  sAkArAkhye  namo'stu te || 129 ||

marIcijvAladhUmrAbhe tApane tApanadyute  |
pAcani  havyavAhe  ca  tejobhAse  namo'stu te || 130 ||

zatadhAme mahAdhAme vizvadhAme tamAntike  |
dahane zoSaNAkAre vazyAkarSe  namo'stu te || 131 ||

kAlAbhAse  ca  kAlAkhye sarvakAlamahotsave  |
kAladaNDe mahAkAle kAlAkarSe  namo'stu te || 132 ||

kaGkAli brahmakaGkAli kAlAnalasamAdyuti  |
kAlasaMkarSaNIdevi kaulezvari namo'stu te || 133 ||

kAlacakrakari  kAli kAladAhakSayaMkari |
kAlatrANe kAlabhave kAlarAtri namo'stu te || 134 ||

rakSe  karAli caNDAkSi mahocchuSme  ca bhairavi |
siddhe zuSke kajAbhAve utpalAkhye namo'stu te || 135 ||

cAmuNDe caNDaghorogre  caNDike caNDagAmini |
kapAlavAsi kApAle kApAlezi namo'stu te || 136 ||

jaye ca vijaye devi jayanti  cA  parAjite |
bhadre subhadre bhramaNi vibhramAkhye namo'stu te || 137 ||

cAndri  bhAskari vAyavye nArasiMhe  pare  kale  |
zriye  sarasvati  nitye tuSTipuSTi namo'stu te || 138 ||

brAhmi mAhezvari  caiva kaumAri  vaiSNavodbhave |
vArAhi  caindri Agneyi  zivAdUti  namo'stu te || 139 ||

kauvere yAmye  naiRtye khiMkhinI gAruDi  pare |
ume durge aghorezi vikRtAnte namo'stu te || 140 ||

yogabhAve abhAvasthe sabAhyAbhyantare kale |
yogasiMhAsanArUDhe yogezvari namo'stu te || 141 ||

vidyAdhari  ca gandharvi  pannage  yakSarAkSasi |
khecari caNDike  caiva divyayone  namo'stu te || 142 ||

pazupakSimRgAnte ca sthAvarAkhye sarIsRpe |
paJcadhA tiryagyonisthe  tAmasAkhye namo'stu te || 143 ||

manuSyayonerantasthe  vRSabhe kSatrivaizyaje |
brahmayonyAntasthe  devi varNarUpe namo'stu te || 144 ||

sAttvike jJAnajanani  rAjase karmasaMbhave |
pramAdamohajanani triguNAkhye namo'stu te || 145 ||

pArthivAdimahadAnte  avyakte puruSe'pare |
niyate kAlarAgAkhye avidyAkhye namo'stu te || 146 ||

kale mAye zuddhavidyezvaryAkhye  sadAzive |
zaktitattve zivezAnte SaTtriMzAnte  namo'stu te || 147 ||

na tvayA  rahitaM kiJcid vAGmayaM  sacarAcaram |
sthUle sUkSme  pare devi vizvarUpe namo'stu te || 148 ||

ekadhA bahudhAkAre  zatadhAlakSadhAsthite |
asaMkhyAnte mahArthasthe  sarvAkAre namo'stu te || 149
||

evaM stutvAa mahAvidyAM  yoginyaH sarvapIThajAH |
dviprakArakramodbhUtAH  paJcasaptAdazotthitAH
|| 150 ||

prathamAzcakrasaMbhutAH  stutiM kRtvA layaMgatAH |
aparAH paJcacakrasthAH  bhairavasya prakAzitam || 151 ||

bhairaveNa  tathAkhyAtaM zivasya paramAtmanaH  |
zivenezasya kathitamIzvarAd rudramAgatam || 152 ||

rudrAccaiva tathA prAptaM viSNunA prabhaviSNunA |
tenaiva brahmaNaH proktaM brahmA provAca vajriNe  || 153 ||

zakreNa somasUryAbhyAM sUryaH  provAca vAyave |
vAyostu vahninA prAptaM agniH provAca vAkpateH || 154 ||

uktaM ca vAcaspatinA zukrAya ca mahAtmane |
RSibhizca tataH prAptaM tebhyaH siddhAn  samAgatam || 155 ||

siddhebhyastu samAyAtaM yoginImartyagaM  tathA |
evaM kramAgataM stotraM vaktrAd vaktre pratiSThitam || 156 ||

anena stotrarAjena siddhiH sarvA pravartate |
aprakAzyamidaM tattvaM likhyate na ca pustake || 157 ||

mokSaM tathoditaM  kRtvA paJcAzItikrame sthitam
|

AkAzaM tu zivAkhyaM ca mahAbhUSitameva ca || 158 ||

mahAjJAnastapoloko  martyalokastathaiva ca |
bhUrbhuvaH svariti caiva  sarvaizvaryaM parAparam  || 159 ||

zivaM  sadAzivaM tattvaM IzvaraM rudrasiddhidam |
viSNulokaM   brahmalokaM svargasthAnaM  sacIpateH  || 160 ||

somasUryaM  yathA  lokaM  AgneyaM vAyavaM tathA |
varuNaM ca kuberAkhyaM  vAcaspatyaM tathAparam || 161 ||

aNimA laghimA caiva mahimA prAptireva ca |
prAkAmyamIzvaratvaM ca vazitvaM ca kramAgatam || 162 ||

mRtyuJjayo'rthasiddhizca  vAgvidhAnaH pravartate |
khaDgaM  ca pAdukA  caiva guTikApaTTasiddhidam  || 163 ||

khecaryAzca padaM zreSThaM zUnyabhUmipravartakam  |
kANDAvezanakaM caiva vRSThezca  labhanaM tathA || 164 ||

nirbIjaM bIjadAhaM tu viSabhakSaM tathaiva ca |
anagnijvalanaM siddhiM kANDazastranivAraNam || 165 ||

vedhanaM   zatrughaTTanaM caiva parakAyapravezanam  |
vetAlotthApanaM caiva bhUtApasmRtinAzanam || 166 ||

zAktavAdaM  zaktijAlaM  siddhArthaM  khecarAdikam |
yakSiNIsAdhanaM siddhidhAtuvAdaM  tathAparam || 167 ||

zAntikaM poSTikaM  caiva vazyAkarSaNameva ca |
uccaTaM  mAraNaM proktaM vidveSaM stambhanaM  tathA || 168 ||

mantratantrakavitvaM ca gAruDabhUtasiddhidam  |
kulakaulArthatattvajJo  vedazAstraM pataJjalam || 169 ||

dharmakAmArthasiddhizca  tapojJAnaM tathAparam |
sarvatIrthaphalaprAptiryajJadAnakriyA  tathA || 170 ||

pIThopapIThasiddhiM ca kSetrasandohasampadA |
cakravartitvamApnoti mahArAjyaprasiddhidam || 171 ||

uktAnuktaM tu  yat  kiJcit sakalaM  tat  pravartate |
dviruccAre kRte samyak mahAmelApakaM bhavet || 172 ||

triruccAre kRte vIrakramajJAnaM pravartate |
caturuccArya tattvajJo bhedayet sUryamaNDalam || 173 ||

paJcadhAvartayed yastu mahAdhAmAntaraM vaset |
iti zrIoDDiyANapIThavinirgrataM  sarvayoginIpraNItaM
mukhAnmukhavinirgataM mahArthakramajJAnArthaM 
zrIkhacakrapaJcakastotraM samAptam zubham  ||