************************************************************************************************
##
##SpandakArikA with vRtti by KallaTa BhaTTa, 
## tippaNI (notes at bottom of printed edition) and VivRti by RAmakaNTha. 
##
##Corrections have been made by M. Dyczkowski so the text corresponds 
## to the one translated by the same into English 
## (published by SUNY Press 1992 as the Stanzas on Vibration). 
##
##   Copyright (c) Mark S.G. Dyczkowski                                                                                       
##   THIS TEXT FILE IS FOR REFERENCE PURPOSES ONLY.    
##
## Data entered by the staff of Muktabodha
##
## Encoded in Harvard-Kyoto encoding
##
##*********************************************************************************************
oM zrIcidAtmavapuSe zaMkarAya namaH |

atha

spandakArikAH |

zrImatkallaTAcAryaviracitavRttyupetAH |


oM namaH svaspandAtmasaMvinmUrtaye zaMbhave |

atha 

spandakArikAH |

zrIrAmakaNThAcAryaviracitavivRtyupetAH |

prathamo niHSyandaH |


vivRti:

dazAdikkAlAdyairakalitacidAlokavapuSaH 
		sadA tAdRksvAtmAnubhavitRtayA visphurati yaH |
	nijo dharmaH zambhoranupamacamatkArasarasaH
		paraM zAktaM tattvaM jagati jayati spanda iti tat || 

[(footnote 1) digAdivRttayaH zaktAvanudbhinnaprasaratayA tanmayA eva 
svAlakSaNyena bhAtumaprabhaviSNavaH, zaktirapi 
zaktimadaunmukhyena tanmAtrAvazeSA 
kevalamanubhavitRrUpavisphuraNamAzliSivAtmakA ucyante (gh: iti - 
zabdAnantaraM te iti padamapyasti |) || 27 ||

TippaNI: idamatra tAtparyam - 
zivazaktireva mantrasaMnivezAdirUpadhAriNI udayAstamayadazayoH 
zivAbhedavattvAt, yatra yatra zivAbhedavat -tvaM tatra tatra 
zAktarUpatvaM, yathA saMkalpasvapnapurAdiSu, - iti vyAptyAdinA 
sudRDhapratipattermantravIryAnabhijJasya bhedavibhra -mAt 
niyatasAdhyasAdhanAya paryavasAyinaH prabuddhasya punarmantrAH 
sarvArthasAdhanAdhikAriNo bhavanti; na kevalaM mantrA eva, 
yAvallaukikabhASAmAtramapi amoghamantrabhAvamupa -gacchati - 
ityanena kriyAjJAnaM kAryaM jJeyaM vA vastu 
zivadharmakamevetyupalakSyate || 27 ||

vivRti: (p. 80) tena prastutavyAkhyAnena hetunA ete mantrA 
ArAdhyadevatAvAcakA varNAdisaMnivezAH, zivadharmiNaH 
zivasya paramezvarasyAnanyasAdhAraNaH sarvajJatvAdirguNo 
dharmaH sa vidyate yeSAM te tathA, zivAdabhinnasvarUpA ityarthaH | 
kena hetunA ? - yataH tat samanantarapratipAditasvarUpasya zivasya 
saMbandhi balaM sAmarthyaM zaktim Akramya 
uccicArayiSAvasthAyAM tadabhedopapattyA svIkRtya 
sarvajJabalazAlinaH sarvajJasya zivasya balena zaktyA 
zlAghamAnA santaH adhikArAya pravartante yathAsvaM 
pratiniyatakAryasaMpAdanasvasAmarthyaM [-svAmyArthyaM] prasaranti 
| ete hi anAsAditaparamezvarAbhedadazA 
utpAdavinAzadharmakavarNamAtrAtmakAH tRNamapi 
kubjayitumazaktAH; uktabalAkramaNena tu niyatetikartavyatAsahAyA 
dIkSAdivRzcikaviSAkarSaNAntaparAparasvakAryasaMpAdanAdhi-
kArApratihatazaktayo bhavanti | yadyevaM 
sarvamantrANAmuktabalAkramaNalakSaNavIryasAmyaM, tat 
kathameSAM bhinnAdhikAritvaM, sarve sarvArthasAdhanAdhikRtAH 
kathaM na bhaveyuH ? - ityatra 
paramezvaraparikalpitaniyatiniyantritatvameva (p. 82) hetuM 
pratipAdayitumupamAnamAha - kathamete mantrA niyatAdhikArAya 
pravartante sAdhakAnAM ? - dehinAM karaNAnIva yathA hi 
dehAdimAtrAnityavastuvyavasthitAtmAbhimAnAnAM 
sarvazarIrabhRtAM karaNAni indriyANi yataH karaNavargo'yam 
ityatra pratipAditayuktyA paramezvarAdeva 
cetanatvApAdanahetupravRttyAdilAbhasAmye satyapi karaNAni 
tatparikalpitaniyatizaktibalAt 
zabdAdiviSayaprakAzanamAtraparyavasitasAmarthyAni yathAsvaM 
pRthakpRthagadhikArAya pravartante na sarvANi sarvasmai?; tathaivaite 
mantrAH sAdhakAnAM svIkRtaparasvabhAvAhaMbhAvapratipattInAM 
yathAniyamitAdhikArAya pravartante, tasmAt karaNavat 
sarvajJabalazAlino'pi mantrA niyatAdhikArA eva | tatazca 
zivadharmiNo mantrA yatkRtAdhikArAH santo niraJjanA aJjanAt 
vAcyoparAgarUpAt malAt varNAdirUpabhAvanAtmakAdvA 
niSkrAntAH; ata eva zAntarUpAH zAntaM zuddhaM 
saMvinmAtrAvazeSatvAt (p. 83) nirvikAraM rUpamAtmA yeSAM te 
tAdRzAH santaH tatraiva zive paramakAraNe svasvabhAve 
saMpralIyante tadaikyamupagacchanti | kena sAkam ? ArAdhakacittena 
saha sAdhakamanasA sAkaM | tasyAM hi 
dazAyAmabhisaMdhyupAdhivirahAt svAbhAvikamAtrAvazeSaM yat 
sAdhakacittaM tena sAkam | kimanena tAttvikamantravIryaM 
pratipAditaM bhavati ? tadidaM bhavati - mantracetasoH 
udayAstamayadazayoH paramakAraNAt zivAdabhedaH, - iti 
mantrAtmakatayA sAdhakacittAtmakatayA ca zivazaktireva 
varNasaMkalpAdirUpadhAriNI uditA satI, saMprati 
anAsAditasvasvabhAvabalasparzapratipattInAM sAdhakAnAM 
bhedavibhramamutpAdayantI niyatArthasAdhanAdhikArAya paryavasyati | 
yastu yathApratipAdite svasvabhAve eva sudRDhAtmapratipattiH, tasya 
udayAstamayajJasya sarvamantrAH (p. 84) sarvArthasAdhanAdhikAriNo 
bhavanti tattaditikartavyatAsAhityaniyamAdyapekSAM vinA; AsatAM 
vA mantrAH, yadyadvacanaM yena yenAbhisaMdhinA uccArayati tat 
tasyAmoghamantratAmApadyate, - iti svabhAvabalAkramaNenaiva 
[svabhAvabalAkramaNameva siddhaM svato mantrANAM vIryaM 
pratyavamraSTavyaM yoginA, - iti tAtparyArthaH | upalakSaNArthaM 
mantavyaM caitat | uktopapattyA na kevalaM mantrA eva zivadharmiNo, 
yAvanna kAcitkriyA jJAnaM kAryaM jJeyaM vA vastu saMbhavati, 
yat paratattvAbhedApattilabdhAtmakaM sat zivAtmakameva na bhavati, - 
iti samanantarameva vakSyati | vyAkhyAtam etat vRttau 

	yadbalaM nirAvaraNacidrUpam

ityAdinA || 11 ||

iti rAjAnakazrIrAmaviracitAyAM spandavivRtau 
vyatiriktasvabhAvopalabdhirnAma dvitIyo niHSyandaH || 2 ||


atha

vizvasvabhAvazaktyupapattirnAma

tRtIyo niHSyandaH ||

	idAnIM pakSAntaropanyAsabhaGgyA 
prakaraNArambhazlokAparArdhapratijJAtaM svasvabhAvasyaiva 
zivasya vizvavyaktimayazakticakravibhavanazIlatvamavasaraprAptam 
upapattyupalabdhibhyAM nirvAhayituM zlokatrayamAha


yasmAtsarvamayo jIvaH sarvabhAvasamudbhavAt |
tatsaMvedanarUpeNa tAdAtmyapratipattitaH || 3/1 (28) ||

vRti: sarvAtmaka evAyamAtmA sarvabhAvotpattidvAreNa 
[sarvAnubhAvo-] (ayamiti padaM; gh: pustakAdupanyastam |) (p. 24) 
anubhUyamAnasyaiva saMvedanAt bAhyArthamanubhUya -mAnameva 
zarIratvena gRhNAti, na tu ziraH pANyAdilakSitam (kh: 
pANyAdirakSitam; g: pANyAdilakSaNam) ekamevAsya zarIram || 28 ||

TippaNI: saMcetyamAnaM pratyekaM vastu vastuto vijJAnino jIvasya 
svAGgakalpameva - iti na kevalaM bhUtAtmakamevAsya vapuH, 
yAvadbhAvAtmakamapi | ghaTasukhAderbhAvasya hi saMvedanaM 
samutpattiH, saMvedyamAnataiva tatsvarUpapratiSThA 
asaMvedyamAnasya svapratiSThAnAsAdanAt ityato jIvAdapi 
sarvavastusamutpAdaH | tasmAtso'pi vizvamayaH | avacchinnAhaM -
kRtipadaM ziraHpANyAdimaccharIraM bhUtAtmakaM, bhAvAtmakaM 
tu zabdAdiviSayasaMvedyam || 28 ||


tena zabdArthacintAsu na sAvasthA na yaH* zivaH |
bhoktaiva bhogyabhAvena sadA sarvatra saMsthitaH || 3/2 (29) ||

(* vivRti: yA)
vRti: tena tathAvidhena sarvAtmakena svabhAvena, zabdArthayoH 
cintAsu na sA avasthA yA zivasvabhAvaM na vyaJjayati (g: zivaM na 
vyaJjayati), ato bhoktaiva hi bhogyabhAvena sarvatrAvasthito, na tvanyat 
bhogyamasti || 29 ||

TippaNI: proktavizvamayatApratipattyA vAcyavAcakAtmasu 
SaDadhvajAteSu yA kAcit saMvittipravAhapaddhatiH sA 
paraprakAzAtmazivamayyeva, tasmAt grAhakAtmA paramezvara 
evecchAdicakrapreSaNadvArA 
IzitavyAtmajJeyakAryavastucamatkaraNodyuktastattAdAtmyasaMpA -
danAt sadoditasArvatrikasthitiriti svasvabhAvasyaiva jagadvikAsamaya -
zaktivibhavanazIlatA nirvyUDhA || 29 ||


p. 25) iti vA yasya saMvittiH krIDAtvenAkhilaM jagat | 
sa pazyansatataM yukto jIvanmukto na saMzayaH || 3/3 (30) ||

vRti: evaMsvabhAvaM yasya cittaM, yathA - manmayameva jagat sarvam 
iti, sa sarvaM kriDAtvena pazyan nityayuktatvAt jIvanneva Izvaravat 
mukto, na tvasya zarIrAdi bandhakatvena vartate || 30 ||

TippaNI: samanantarapadyoddiSTanItyA 
avyucchinnaparAmarzAvadhAnapari -zIlanavato yoginaH 
sarvezvarasvatantracidbhairavIyapUrNAhaM -bhAvapratipattyA 
azeSamidaM vizvaM svaracitakrIDanakalIlA -mAtreNa vibhAvya 
svalIlAjanitaharSazokAdyuparAge'pi 
zaGkAtaGkakalaGkayantraNAbhirmanAgapi nopaliptiriti 
yAthAtmyaveditRtvAjjIvata eva muktirityarthaH || 30 ||

vivRti: (p. 86) yasya iti vA saMvittiH sa jIvanmukta iti saMbandhaH, 
ityevam idAnImeva pratipAdyaprakAreNa yasya vA sAdhakottamasya 
saMvittiH samyak jJAnaM sa satatam avyavadhAnena sarvAvasthAsu 
yuktaH samAhitaH, uktavakSyamANopadezadRzA 
svabhAvabalaparizIlanApramattaikAgramAnasaH sa jIvan 
niyatadehAdhikaraNAn prANAn dhArayan eva muktaH 
sarvavyApakasarvAtmakasarvezvarasvatantrasvasvabhAvAhaMkAra-
pratipattidArDhyena janmAdivirodhAt niSkrAntaH paramezvara eva 
saMvRtta - ityatra na saMzayo na bhrAntiH; 
svasaMvedyopapattyupalabdhiniSprakampatvAt asya arthasya | kiM kurvan 
jIvanmuktaH ? - akhilam azeSamanantavastuvyaktivicitraM jagat vizvaM 
krIDAtvena svanirmitacarAcarabhAvakrIDanakoparacitalIlAmAtratayA 
pazyan vibhAvayan | sarvo hi janaH 
anunmiSitasvasvabhAvanibhAlanakSamavimalavijJAnadRSTi-
rAtmano'nyonyatazca (p. 87) vibhinnam idamakhilaM bhAvajAtaM 
kutazcidanyataH kAraNAt udbhUtam anizaM manyamAnaH, 
tadbhAvajanyaharSazokabhayAdivikArAn anubhavan, bhavAdhvani 
punaH punaH janmAdibandhanabhAjanatAM bhajate | yastu 
pratipAdyaprakAreNa utpannaparasaMvidabhivyaktiH, sa yathA kazcit 
krIDAparaH svaparikalpitaiH 
bhayakrodhAdikAraNabhUtabhAvapraticchandakaiH krIDan 
tadyAthAtmyaveditvAt bhayAdivikArakAluSyaM manAgapi nApadyate, 
tathaiva bhAvAnAM svasvabhAvazaktivijRmbhitamAtratayA 
yAthAtmyavedI san manAgapi vikRtiM na Apadyate | evaM sarvaM 
krIDAtvenaiva pazyan jIvanneva muktaH | kathaM yasya saMvittiH ? iti, - 
tenetyAdizlokena pratipAdayati; tena vakSyamANena hetunA 
zabdArthacintAsu sA avasthaiva nAsti yA na zivaH - iti yasya 
saMvittiH sa jIvanmuktaH, iti | zabdo'rthapratyAyakaH padasamudAyaH, 
artho jAtyAdibhedAt bahuvidham (p. 88) abhidheyaM vastujAtaM, tayoH 
cintA tathA tathA vikalpanAH anantacintanIyavastUparAgAt vicitrANi 
jJAnAni, yanmayo vyavahAraH etAsu zabdArthacintAsu sA avasthA 
dazA na kAcit, zabdacintArUpA arthacintArUpA vA saMbhavati, yA 
ziva eva sAkSAt na bhavati | yata evaM tadA bhoktA anubhavitaiva 
IzvaraH sadA nityaM sarvatra sarvAsu avasthAsu bhogyabhAvena 
anubhavanIyavastvAtmanA sthito na pRthak kiMcit bhogyaM nAmAsti, 
tattvAnavamarzamAtravijRmbhitam etat bhoktRbhogyavibhAgarUpam | 
kena hetunA na sAvasthA na yA zivaH ? ityAha, - yasmAt jIvaH 
AtmA sarvamayo vizvarUpaH parasparavyatiriktapratipattiH, jIvasyApi 
yo vyavahAraH so'pi vedyavedakAbhedapUrvakatayaiva upapanna - 
ityarthaH, kuta etat ? tatsaMvedanarUpeNa tAdAtmyapratipattitaH 
sarvabhAvasamudbhavAt sarvamayo jIvaH tasya kasyacit saMvedyasya 
ghaTasukhAdeH yat saMvedanaM jJAnaM, tasya yat rUpaM 
svabhAvaH, tena hetunA yA tAdAtmyapratipattiH tadabhedasaMvit, tato 
hetoH nirvartamAno yaH sarvabhAvasamudbhavaH sarveSAM 
bhAvAnAM utpattiH, tasmAt sarvamayo jIvaH | kimuktaM bhavati - 
jIvasyaiva vyavahAro vicAryamANo'yaM 
vastuyAthAtmyamupapAdayati | tathAhi - ayaM svaviSayaM 
saMvidanneva samudbhAvayati sRjati, saMvedyamAnameva hi vastu 
svarUpaM labhate, na tu asaMvedyamAnaM; saMvedyamAnatA ca tena 
tena rUpeNa prakAzamAnatA; prakAzamAnatvaM ca 
prakAzAdavyatiriktaM, nAnyat kiMcit | yadAha nyAyavAdI 

	cetanAccApi vedyatvAdatadrUpApravedanAt |

iti | evaM ca yat yat ayaM jIvaH saMvetti tattadasya zarIrameva 
saMpadyate, na tu niyataziraHpANyAdyavayavasaMniveza (p. 90) eva, 
so'pi hi asya saMvedyamAnatAvasthAyAmeva zarIrIbhavati, anyadA tu 
vyatirikto viSaya eva | tathA ca - saMvedyamAnatvasAmAnyAt dvividhaM 
zarIramasyAmnAtaM tattvavidbhiH, bhUtAtmakaM bhAvAtmakaM ca; 
tatra mAyAzaktivaibhavavismAritatAttTA | ata eva digAdikalanayA 
akalitaM cinmAtraM vapuH iti prathamapAdena zaktimAn parAmRSTaH | 
zeSeNa spandazabdasya sArthakatAM prakaTayituM 
zaktimadabhivyaJjikA tatsamavAyinI brahmAhlAdAdiparyAyA 
zAktavijRmbhaNA parAmRzyate | jayati - padAbhidheyaM 
sarvautkarSyazAlitvaM zAktatattvasya avagamyate | tatazca 
tatsamAvezarasaparibhogavigAhanavatAM bhaktibhAjAM 
bhuktimuktisaMpattipAtratA vizvAbhilaSaNIyatA ca dhvanyate |] |

(p. 2)

	tajjJairadarzitadizaH svayamAvizantaH
		kecinnisargagahanaM viSamaM bhramantu |
	tenaiva yatpunaramI hatavartmanAnyAn
		AkArayanti gamanAya mahAnbhramo'yam || 2 ||

[(footnote 2) vijJajanopadiSTasatsaMpradAyamantareNa 
nisargagambhIraM zaivAgamAbdhimavagAhamAnAnAM 
vAmAkhyazaktisaMvRtasaMvidAM svopajJatayA 
saMbhAvanAvatAM, vastuto vinA pAratIralAbhaM madhye 
nimagnaprAyataiva | tadIyaduSpathe tu bhramimanubhavatAM 
tadanugAnAM yA pAradarzanAya taccodanA, hanta tat 
cakSurunmeSamandhakUpanipatanam | ataH tAdRzajanAn pAraM 
laGghayitumayaM madIyo yatnaH iti |]

nAnAvAdAnilaughAnanavasarakRtAnyonyasaMghaTTaghoro-
ddhAtAnApAdayadbhiH zravaNavidalanoddAmazabdaprabandhAn |
zAstrAbdhiH kSobhyate yairvivaraNarabhasAdudyadAvartadhIma-
bhrAntibhraSTAgamArthaplavavidhuramatistArito'rthI janastaiH || 3 ||

kazcidbhinnarucirvidannapi paraM tattvaM viparyasyati
dveSadhvAntaviruddhabuddhiritaro jAtyaiva cAnyo jaDaH |
itthaM durlabha eva sarvahRdayagrAhI girAM saMgrahaH
kiMtvete'dya vivekinaH katipaye santyatra pAtraM satAm || 4 ||

(p. 3)

kenApi grathitAM prasAraNadhiyA kaizciddvisUtrIkRtA-
mekIkRtya yathAgamaM viracitAM spandArthasUtrAvalIm |
IzAnugrahazaktivajrazikhayA viddheSu vidvanmano-
mANikyeSu nivezayAmyahamimAM kartuM kRtArthAM dvayIm || 5 || 

[(footnote 3) prathamaM zrIvasuguptapAdaiH sUtrAvaliH dRbdhA | 
tadanu bhaTTazrIkallaTAdibhiH siddhaiH saMvRtArthavivRtyA 
praguNIkRtA | adhunA tu sUtrasaMdarbhaNa - praguNIkaraNAtma 
pUrvasiddhaM kAryadvayaM saphalIkartuM saiva iyaM 
spandArthasUtrAvalI, ekIkRtya saMyojya, 
vRttisaMvAditArthavivaraNaM kroDIkRtya ca, 
AgamAmnAtaparamArthanirNItyA viziSTaracanayA upetA, 
parAzaktipAtAkhyacumbakamaNizikhayA anuvidvAsu sahRdayAnAM 
vimalamanoratnajAtiSu nigumphyate | yatparimalasaubhAgyAdicarcanayA 
sudhAmayasvAmiprAsAdamadhyAruhya 
niratizayasukhAnubhUtiranargalavikacitavRttyA surasyate iti |] 

yasyonmeSanimeSAbhyAM jagataH pralayodayau |
taM zakticakravibhavaprabhavaM zaMkaraM stumaH (k: numa)  || 1 
||

vRti: (p. 2) anena svasvabhAvasyaiva zivAtmakasya saMkalpamAtreNa 
jagadutpattisaMhArayoH kAraNatvaM vijJAnadehAtmakasya 
zakticakraizvaryasyotpattihetutvaM namaskAradvAreNa pratipAdyate || 

TippaNI:

zrIzivAdvaitasadbhAvasaMbhUtyai bhavatAtsadA |
paryAyaH saMgRhIto'yaM spandavRttyarthadyotakaH ||

yathA hi saMkalpotpipAdayiSApUrvakoTAviSyamANaM vastu 
eSituravibhinnam, evamatra zivAvasthAyAM niravadhyavabhAsa -
vicchitticitraM sadvikasvabhAvatayA 
vastusaMvedanAvasare svarUpAparAmarzatvamukulitasAmarthyo'yaM 
jIvaH avacchinnAhaMkArAspadatayA ziraH - pANyAdimaccharIratvena 
yat parAmRzati tat asya sRSTyAdimayatvAt bhUtAtmakam - ityuktam | 
yattu vyatiriktaM zabdAdiviSayatvena parAmRzati tadbhAvAtmakaM | 
paramArthe tu vicAryamANe dvayamapyasya zarIraM 
saMvedyamAnatvAvizeSAt | evaM 
saMvedyamAnatAlakSaNabhAvasaMsargAvasthAyAM jIvaH 
saMvedyavastvavyatirekAt sarvamayo vizvarUpaH sthito'pi san 
tathAvastusaMvedanatattvaparAmarzAnunmeSAt sarvamidam 
AtmavyatiriktakAraNAntaralabdhAtmakatvena AtmanaH parasparatazca 
pRthaktvena vyavacchindan, (p. 91) AtmAnaM ca 
dehAdyanityabhAvAhaMbhAvena adhyavasyan janmAdibandhabhAk 
saMsArI jIva iti vyapadizyate | yadA tu 
zivadivAkarazaktyaMzupAtajanitaprabodhonmiSitavizadadRSTi-
sphuTataraprakAzamAnadehAdivyatiriktasatyAtmasvabhAva-
susthitAhaMpratipattiH san 
yathAvasthitavastusaMvedanaparAmarzazaktibhirvyaktibhAk bhavati, 
tadA sa eva saMkalpamAtravilikhitavicitravizvavyaktimayazakticakraH 
zivaH saMpadyate | tena uktam - tattadvastusaMvedanasvabhAvabalena yA 
tAdAtmyapratipattiH saMvedyamAnavastvabhedasaMvittitaH 
sarvabhAvasamudbhavaH, tasmAt jIvaH tAvat sarvamayaH; tena ca tasya 
sarvamayatvapratipattilakSaNena hetunA sA avasthA nAsti yA zivamayI 
na bhavati, tatazca bhoktaiva Izvaro bhogyabhAvena 
IzitavyavasturUpatayA sadA sarvatra saMsthitaH | evaM yasya vA 
saMvittiH sa jIvanmukta - iti vAkyasamanvayasaMkalanArthametat (p. 92) 
punaruktam, - ityanena zlokatrayeNa Atmana eva vizvarUpatvena sthitiH 
pratipAditA, vizvaprapaJcasya nimittAntarAnupapatteH | yathoktaM 
brahmavidA

	kalpayatyAtmanAtmAnamAtmA devaH svamAyayA |
	sa eva buddhyate bhedAditi vedAntanizcayaH ||

iti | tathA anyenApi stutidvAreNoktam
AzivAdipRthivyantaM bhAvajAtamavyatiriktamAste, 
tadevazaktizabdena vyapadezyaM nityAvyabhicaradekasvabhAve zive 
samavetaM tayorabhedasya abhyupagatatvAt | vastuvastu parA saktirekai -va 
paripUrNAhaMparAmarzazAlitvAt atyadbhutazaktiparisphurite 
pAramaizvarye mAyAzaktyudbhAvitAnantavaicitryA bhAvavyakta -yaH 
avaraparAmarzaunmukhyamAtrotpannena tu bhedopabhedabhAva -
mApannena bhAvarAzinA avabhAsamAnatayA bahuvyapadezA 
zaktizaktimatorabhedAbhiprAyapratyAyikA | ayaM bhAvaH - 
zaMkarAtmani tadicchayaiva vizvamunmIlitaM labdhasthitikamapi 
tacchaktivijRMbhaNamAtraM, mAyAzaktyA tu nAnAvabhAsi iti 
tannutidvArA tatsamApattirAzaMsyate ||


vivRti: (p. 3) taM zaMkaraM - zreyasaH kartAraM stumaH - 
prazaMsAmaH | taM kaM, yasya unmeSa - nimeSAbhyAM - 
zaktiprasarapralayAbhyAM jagato - vizvasya pralayodayau - 
vinAzaprAdurbhAvau | atra yathAsaMkhyaM na vivakSitamiti 
vakSyAmaH | taM kIdRzaM zakticakravibhavaprabhavaM -
(p. 4) zaktInAM vakSyamANasvarUpANAM cakraM - samUhaH, sa 
eva vibhava - aizvaryaM, tasya prabhavaM - kAraNam, - iti 
padasaMbandhayojanA tAvat subodhA | vastusaMgatistu kathaM ? - iti 
vicAryam | zaMkarastAvat nityam avyabhicaradekasvabhAva eka eva 
padArthaH paramArthasan, - iti prakaraNasya asya tAtparyaM 
tathAnirvAhAt; tasya parasparaviruddau anityau nimeSonmeSAtmakau 
avasthAvizeSau saMbandhitvena kathaM pratipAditau ? kartRprathayA hi 
anayA evaM pratipAdyate - zaMkara unmiSati nimiSati iti | evaM ca 
anityAvasthAyogitvaM nitye bhagavati anupapannam, tat kathamuktaM 
yasyonmeSanimeSAbhyAm iti?
	atrocyate | unmeSa - nimeSazabdAbhyAM tadupacaritavRttibhyAm 
icchAmAtramekaM zaMkarasaMbandhi pratipAdyate; sa ca tasya nityo 
dharmaH svabhAvabhUtaH, tasya unmeSa - nimeSazabdavAcyatvaM 
dvitvaM ca  (p. 5) upacArAt; yato jagata eva 
paramezvaramAyAzaktyudbhAvitakAryarUpatvAt anityasya 
pralayodayasaMbhave sati, nimeSonmeSau vastutaH saMbhavataH | tau ca 
IzvarecchAmAtranimittakau; - iti udayAtmakonmeSahetutvAt 
Izvarecchaiva unmeSazabdena, pralayAtmakanimeSahetutvAt 
nimeSazabdena ca upacaryate | yathA AyuSkAraNatvAt AyuHzabdena 
ghRtam | sA ca avyatiriktA zaMkarasya zaktiH; tadavagama eva ca 
AtmaizvaryapratyabhijJAlakSaNasiddherhetuH | sA ca didRkSayeva 
sarvArthAn (Sp. KA. 3/11) ityatra vakSyamANanyAyena 
sAMsArikapuruSaprasiddhecchAsAdRzyAt tadavagamopAyatayA 
icchAzabdena vyapadizyate | yathA hi puruSasya icchAvasthAyAm 
iSyamANaH padArthaH svarUpAvyatirekeNaiva avatiSThate, tathA 
bhagavataH zaktau anantAvabhAsavizeSacitraM jagat manAgapi 
anupajAtavizeSAt svarUpAt avyatirekeNaiva avatiSThate | seyaM 
paramArthasatI zivadazA, yA evaM tadvidvadbhiH stUyate  (p. 6)

	sadA sRSTivinodAya sadA sthitisukhAsine |
	sadA tribhuvanAhAratRptAya svAmine namaH ||

iti | tathA IzvarapratyabhijJAyAm

	yA caiSA pratibhA tattatpadArthakramarUSitA |
	akramA?nantacidrUpaH pramAtA sa mahezvaraH ||

iti | ittham ekasyA eva pAramezvaryAH zakteH icchA - jJAna - 
kriyAvyapadezaH idantonmiSanmAyAzaktijanita eva; yataH 
zivadazAmekAM muktvA mAyAzaktiH sarvatra kRtapadA, yadvazAt 
ekasmin zivatattve paramArthasati sadAzivAdi - tattvAntaravyapadezaH 
prakriyAzAstreSu | etacca purastAt parAmRtarasApAyaH (Sp. KA. 
3/14) ityAdizlokavyAkhyAnAvasare pratipAdayiSyate | sA 
evaMlakSaNA pAramezvarI zaktiH svalIlollAsitasya 
jagato'vasthAdvayahetutvAt dvitvenApi ca upacaritA | tena idamatra 
prathamazlokapUrvArdhe tAtparyam, - yasya icchAmAtreNa jagataH 
pralayodayau taM stumaH | tacca yathAsaMkhyam atra mukhyayA (p. 7)
vRttyA nApekSaNIyam unmeSeNa udayo, nimeSeNa pralayaH, - iti tu 
arthasaMkhyA samavaiti | etacca, icchAmAtram unmeSanimeSau - 
ityetAvattAtparyaM pratipAdayituM, svayaM vRttikRtA bhaTTakallaTena 
vyAkhyAtam

	saMkalpamAtreNa...............................

iti | ye tu yathAsaMkhyasamarthanAnurodhAt, yasya unmeSe 
kriyAzaktipratisaMhArAt svarUpavikAse jagataH pralayo vinAzaH, 
nimeSe prasRtakriyAzaktitvAt svarUpasaMkocarUpe jagataH udaya 
udbhavaH, iti vyAcakSANAH, zaMkarasyaiva pAramArthikau 
unmeSanimeSau dharmatvena pratipAdayanti, te ca kAlpanikameva arthaM 
paramArthatvena pratipadyamAnAH tathA darzanasya asya antaraM nanu 
praviSTAH ? - iti namastebhyaH |
	nanu nityAvyabhicaradekasvabhAvasya bhagavataH zaktirapi 
tAdRgeva pratipAditA, tayorabhedAbhyupagamAt | tat kathaM 
vyAkhyAtaM zaktInAM cakramiti ? atra brUmaH | nanu idameva tat 
niratizayam (p. 8) aizvaryam Izvarasya iha vivakSitaM, yat sarvatra aham 
- iti svarUpaparAmarzamAtrAvyabhicAre'pi 
niravadhivijRmbhamANavicitrAvabhAsakhacitaM trailokyAlekhyam idam 
ullikhati; ittham ullikhyamAnamapi etat paramArthataH 
parAmRzyamAnaM tatsvabhAvAt manAgapi ca yat na bhidyate | 
yathoktam

	paramezvaratA jayatyapUrvA
		tava sarveza yadIzitavyazUnyA |
	aparApi tathaiva te yayedaM 
		jagadAbhAti yathA tathA na bhAti ||

iti | anyatrApi

	likhate jagattritayacitramadbhuta-
		pratibhAparisphuritazaMsi te namaH |
	susitaikasUkSmanijazaktivartikA-
		racitAvabhAsazatazobhi zaMbhave ||

iti | etacca evaMvidhaM zAMkaramaizvaryaM 
tadanugrahagrastasamastamAyAtamastvaprakAzitaparamArthAnAM 
svasaMvedyameva suprabuddhAnAM mahAtmanAm | 
IzvarazaktipAtaprabodhitAnAM tu samyak 
upanatasadgurUpadezakrameNa (p. 9) abhyasyatAM 
pratyAsannasvAnubhavam | aprabuddhAH punaH anupadezyA eva, iti | 
etadeva iha purastAt pratipAdayiSyamANam | tat evaMvidhe sthite 
zaMkarasya pAramaizvarye yA imAH paramAdbhutamAyAzaktivazAt 
cidacidbhedena dvividhA api avAntarabhedAt aparyantA bhAvavyaktayaH, 
sA paramezvarasya svarUpAt abhinnA zaktirekaiva tAttvikI, idamiti 
parAmarzabhedamAtrajanmanA tu 
nAnAnAmarUpavibhaktabhAvabhedena avabhAsamAnA satI bahutvena 
vyapadiSTA zaktInAM cakram - iti | zaktizabdena ca 
bhAvavyaktInAM vyapadeze paramezvarAt zaktimato 
bhedAbhAvapratipAdanameva prayojanam | etA eva vibhavaH 
aizvaryamIzvarasya, tAbhireva tasya itthaM vibhavanazIlatvAt | 
yathoktaM pAramezvare 

	zaktizca zaktimAMzcaiva padArthadvayamucyate |
	zaktayo'sya jagatkRtsnaM zaktimAMzca mahezvaraH ||

(p. 10) iti | evaM ca svazaktibhUtasya asya vibhavasya asau prabhavaH - 
utpattikAraNaM, na tu svarUpavyatiriktasya anyataH kutazcit 
labdhAtmanaH; atazca yasya ityAdinA prathamazlokapUrvArdhena 
zaMkarasya jagatkAraNatve pratipAdite'pi, 
zakticakrAtmakasvaizvaryabhUtajagatprabhavatvalakSaNavizeSa-
pratyAyanaparam idam tam ityAdinA zlokAparArdhena vizeSaNaM, na 
punaruktam | etadeva vRttikRtA vyAkhyAtam

	vijJAnadehAtmakasya zakticakraizvaryasya
	utpattihetutvam ...................................................

ityAdinA | vijJAnadeho - vizuddhasaMvinmAtramUrtiH mahezvaraH, 
sa AtmA - svabhAvo yasya zakticakrAtmana aizvaryasya - iti hi tasya 
artho'bhimataH | kiM ca yasya evaMvidhadharmAvyabhicAraH sa 
paramezvaro vyAkhyAsyamAnArthena zaMkarazabdena iha 
pratipAditaH | (p. 11) sa ca Atmaiva nAnyaH, - iti 
yattacchabdopalakSitavAkyopanibandhaH sUcayati; yataH 
zlokapaJcAzatprapaJcitaprakaraNArthaparyAlocanayA tasyaiva 
proktavizeSaNAvyabhicAraH paryavasyati | etadeva vRttikRtA darzitam 

	anena svasvabhAvasyaiva zivAtmakasya

iti vyAcakSANena; svasya - AtmanaH sva - AtmIyo bhAvaH - 
svarUpaM, svasvabhAvaH, - iti hi tasya vigraho'bhipretaH | tat asya 
Adyazlokasya ayaM tAtparyArthaH 
prakaraNanirvAhyavastupratijJAbandharUpaH yat, - paramezvaraH 
icchAmAtreNa jagataH pralayodayau vidadhAti, labdhasthitikamapi jagat 
tacchaktivibhUtirekaiva mAyAvazAt tu nAnAtvena avabhAsate, - iti | 
idameva arthadvayam atra prakaraNe vistAryate 
upapattyupalabdhipradarzanakrameNa | tathA ca - prathamata eva 
mAyAvazAt svarUpapratyavamarzasya anullAsAt, vedyAt 
dehAderavyatirekeNa pratibhAsamAnasyaiva  (p. 12) Atmano vyatirekaH 
pradarzyate | tato vedyasyaiva jagato vedakAt tasmAt 
upalabdhatAttvikasvabhAvAt zaktibhAvena avyatiriktatvam, - iti asminneva 
arthadvaye upapattyupalabdhI, - iti caturniHSyandaH spandasiddhAnto'nena 
zlokena AsUtritaH | siddhAntatA ca asya, siddhasyaiva - na sAdhyasya - 
Izvaratattvasya, anto - niSThA nizcayaH, iti kRtvA; yadi vA 
nAnAsiddhAntoditasya jJAna - kriyA - yoga - caryAtmakasya 
catuSTayasya etadvijJAnaM saMskArakatvAt sAphalyakAraNam 
ityasyaiva siddhAntatA | kiM ca 
prArabdhaprakaraNAvighnaparisamAptiprayojanenApi anena Adizlokena 
saMbandhAdayo'pi sUcyante - ityAdizanti guravaH | tacca sarvaM 
zaMkaraM stumaH ityata eva vAkyAt labhyate | yataH upAyalakSaNaM 
zreyaHzAstrarUpaM mukhyatayA, upeyalakSaNaM ca 
AtmaizvaryapratyabhijJArUpaM; tadubhayamapi (p. 13) zam ityanena 
padena uktam | tasya kartA zakaraH ityanvarthA iyaM saMjJA 
paramezvarasya | ata etacchAstrAtmakazreyasaH sAkSAt kartA 
paramezvara eva | tatsaMpradAyamimaM nibadhnadbhiH 
kartRvyapadezo'dhigataH | evam IzvarazAstrayoH kartRkAryalakSaNaH 
saMbandhaH | abhidheyamiha zaMkarasvarUpamiti stumaH iti padAt 
pratIyate | upAdeyavastusvarUpapratipAdanameva stutyarthaH, - iti hi 
nizcitaM vipazcidbhiH | ataH zAstrAbhidheyayoH pratipAdya - 
pratipAdakabhAvalakSaNaH saMbandhaH | prayojanaM ca 
AtmaizvaryapratyabhijJAtmakaM zaMkarapadAdeva avasIyate | 
parasyApi hi zreyasaH kartRtvena Izvara eva vyAkhyAtaH; - iti abhidheya 
- prayojanayoH upAyopeyabhAvalakSaNaH saMbandhaH | iti 
vyAkhyAtAH saMbandhAdayastrayaH | abhidhAnamasya zAstrasya 
spanda iti | yataH spandatattvaviviktaye | (Sp. KA. 1/21) ityAdau ihaiva 
vyavahAraH | spanda - zabdazca ayaM svasvabhAvaparAmarzamAtrasya 
(p. 14) nityasya zUnyatAvyatirecanakAraNabhUtasya 
tAvanmAtrasaMrambhAtmanaH zaktyaparAbhidhAnasya 
pAramezvarasya dharmasya kiMciccalanAt spanda iti, arthAnugamAt 
vAcakatvena vyapadiSTaH | tatpratipAdanahetutvAt zAstramapi idaM 
spandazabdena abhidhIyate | viSayazca [atra viSayazabdena 
upadezaviSayaH adhikArI nirdizyate, zAstrAntareSu 
viSayazabdenAbhidheyaM vivakSitam, iha tu abhidheyaM 
vyAkhyAtapUrvam |] asya 
vizuddhazraddhAbhaktiprakarSapizunitaparamezvaraparazaktipAta-
pronmIlyamAnasvabhAvAlokatiraskRtasakalasaMdehAndhakAratvAt 
prabuddhaH samyagupanatadIkSAdisaMskAro 
guruvacanacodanAmAtrAvazeSasvAtmaizvaryopalabdhiH; tAdRzasyaiva 
iha upadezyatvena purastAt parigRhItatvAt | - iti abhidhAna - viSayAvapi 
avagantavyau | vyAkhyAtazca ayamAdizlokaH 
samastaprakaraNArthopakSepagarbhaH || 1 ||
	nanu sura - nara - tiryagAdibhedena pravibhakta - tanu - karaNa - 
bhuvanAbhogAdeH aparisaMkhyeyAvAntarabhedabhinnasya (p. 15)
prANabhRtprapaJcasya sukha - duHkha - kSuttRSNA - 
jarAmaraNadvandvAnuviddhasya jAtyAdyavacchinnAbhimAnabhAjaH 
satataM saMsarataH parasparadUrabhinno yaH svabhAvaH, sa kathaM 
samanantarapratipAditAdbhutaizvaryazaMkarAbhedena pratijJAtaH 
yena evaM vyAkhyAtam ? yasya evaMpratipAditavizeSaNAvyabhicAraH, 
sa kathaM zaMkaro mamaiva AtmA ? - iti ata Aha

yatra sthitamidaM sarvaM (g: idaM vizvam) kAryaM yasmAcca 
nirgatam |
tasyAnAvRtarUpatvAnna nirodho'sti kutracit || 2 ||

vRti: (p. 3) kathaM punaH svasvabhAvasyaiva saMsAriNaH zivatvena 
nirdezaH - iti yadyucyate (gh: ityucyate iti yadi - zabdahInaH pAThaH |), tat 
yatra sthitam idaM jagat, yasmAt ca utpannaM tasya 
saMsAryavasthAyAmapi anAcchAditasvabhAvatvAt na kvacit nirodhaH, 
ataH zivatvamucyate


TippaNI: nAnAvibhaktavedyAtmatattvanicayasya 
prakAzanasthitihetutayA kartRtayA ca ya AdhArakAraNabhUtaH 
prameyasaMparkAsahiSNu -tayA 
aprameyoniravacchinnamahimacinmAtraikasvarUpaH sa eveha 
svasvabhAvazavdAbhimato, na tu jAtivyaktyabhimAnavato mAyApahR -
taizvaryasaMvido'NoH svarUpaM, tasya niruddhasvabhAvatvAt || 2 ||

vivRti:  (p. 15) tasya - asya vakSyamANasya tattvasya na kvacit - 
kasmiMzcit deze kAle AkAre avasthAvizeSe vA nirodhaH - 
avacchedaH idanteyattAvyapadezahetuH vedyavastudharmaH asti - vidyate; 
kuto hetoH ? anAvRtarUpatvAt - jAtyAdyabhimAnarUpeNa (p. 16)
malena anAvRtam anAcchAditaM rUpaM yasya tat, tathA tasya bhAvaH 
tattvaM tasmAt | tasya anAvRtatvopapattipratipAdanAya vizeSaNamAha 
yatra sthitamidaM sarvaM kAryaM yasmAcca nirgatam - iti | idam iti 
vedyatayAvasthitaM; sarvam iti yatra yatra darzane yathA yathA 
parikalpitaM; tat azeSaM kAryaM kartradhInasadbhAvaM yatra - yasmin 
vedakatvena kartRtvena ca avasthite 
AdheyasamastapadArthasArthasAmAnyAdhArabhUte ekasmin sthitaM - 
tena tena pRthivyAdinA ghaTapaTa - gavAdinA vA rUpeNa 
labdhapratiSThaM, yadantargatasya sarvasya vastunaH prakAzamAnatvAt 
svarUpasattAsAdanamityarthaH | nanu sUryAdiprakAzAntargataM 
ghaTapaTAdidravyaM tena tena rUpeNa prakAzamAnatvAt sattAm 
AsAdayati, tathaiva sarvamidaM kAryaM yatra sthitam ityuktam, uta 
anyena prakAreNa ? ityAha - yasmAcca nirgatam iti, - 
pradhAnAdikAraNAntaraparihAreNa yasmAt  (p. 17)
ekakartRbhUtAt ekasmAt kAraNAt nirgatam udbhUtam | tat 
ayamatrArthaH, - yaH padArthaH sarvasya idantApannatayA 
prameyabhUtasya zAstreSu nAnAvibhAgena saMgRhItasya 
tattvavrAtasya ekaH prakAzakatvena sthitihetutvAt AdhArabhUtaH, 
kartRtvAt ca prabhavaH kAraNaM, svayaM ca 
vedyatvasaMsparzAsahiSNutvAt 
mAyIyapramAtrantarAviSayabhUto'navacchinnamahimA 
nirmalacinmAtraikarUpaH, sa iha svasvabhAvazabdenAbhimataH, na tu 
jAtyAdyavacchinnAbhimAnasaMkocitAtmano 
mAyAzaktyapahnutasvaizvaryasaMvidaH kAryavargAntaHpAtinaH 
prANiprabandhasya svarUpaM svasvabhAvaH | - iti yuktam uktam 
Atmaiva zaMkara iti | tat etat vRttikRtA

	kathaM punaH svasvabhAvasyaiva saMsAriNaH zivatvena 
vyapadezaH 

iti AkSipya

	yatra sthitam idaM jagat, yasmAt ca utpannam

(p. 18) iti vivRNvatA pratisamAhitam |

	tasya saMsAryavasthAyAm

iti | vRttirevaM boddhavyA, - saMsAriNAM 
tanmAyAvabhAsitajAtyAdyabhimAnA mAyIyAvasthA, tasyAmapi tasya 
svasvabhAvasya tattvato nirodho nAsti iti || 2 ||
	nanu yo'yaM svabhAvAkhya evaMpratipAditaH padArthaH, sa kiM 
kevalAt AgamAjJAmAtrAt oM iti abhyupagantavyaH, uta 
praguNAbhyAm upapattyupalabdhibhyAM vyutpAdyAbhyAM 
pratipattigocaratAM netuM zakyaH ? - iti saMzayacchedAya 
zlokAntareNa upapattiM yAM pratipAdayiSyati tadavatAraNArtham 
idaM tAvat ucyate, - 
sakalaprakaraNapratipAdyArthatattvalabdhapratiSThayA parayA prajJayA 
svasvabhAvasya parAmarzAvasare 
ravikiraNaspRSTanIhAranikaraniHsAranazyatsvarUpayA, saMprati tu 
dvaitamahAmohatimirAtmanA vijRmbhamANayA mAyAzaktyA (p. 19)
AviSTAnAM sarvapramAtRRNAM pAramArthikAt vedakAt svabhAvAt 
pracyutyeva vedya eva dehAdau vedakabhAvena ahamiti pratyayaH 
paramadurbhedasya bhedagranthermUlam | tatastebhyo dehAdibhyaH tasya 
ahaMpratyayAtmanaH svasvabhAvasya vyatirecanAya 
samanantarapratijJAtasya sarvathA nirodhAbhAvasya upalabdhaye 
svAnubhavapramANAm upapattiM prastAvayan Aha

jAgradAdivibhede'pi tadabhinne prasarpati |
nivartate nijAnnaiva svabhAvAdupalabdhRtaH || 3 ||

vRti: (p. 4) jAgradAdinApi bhede prathamAnena (kh, gh: bhede 
pravartamAne) tasya svarUpam Avriyate, yasmAt upalabdhRrUpatvaM 
triSvapi padeSu sAdhAraNam, na tasya svarUpAnyathAbhAvaH, yathA 
viSasyAGkurAdiSu (vRkSsyAGkurAdiSu iti kvAcitkaH 
pATho'maulikaH |) ca paJcasu skandheSu ||

TippaNI: Adizabdanirdezena svapnasuSuptAkhye avasthe vijJeye | 
smRtimadamUrchAdayastayorevAntarbhUtAH | tatra yasyAM 
buddhIndriyairbahirviSayAn parigrahItuM vikasitakaraNezvarIko janaH 
parispandate sA jAgarAvasthA | yatra bAhyato vyuparatakaraNacakrasya 
manasaiva sakalakaraNazaktimatA upakalpitaviSayopabhogaparigraha -NaM 
sA svapnAvasthA | yatra manaso'pi vyApRtyuparatau satyAM 
proktobhayathAkAraviSayajAtAsaMvedanaM sA suSuptAvasthA | 
smRtiranubhUtaviSayAsaMpramoSaH | madaH pAnAtizayajatyazcitta -
vRttisaMmohaH | mUrchA viSAdAdijanitamohAtmA iti etAsu 
vijRmbhamANAsvatrasthAsu anusaMdhAnaikyabalavatsvAnubhavapra -
mANena upalabdhRtAyAvasthAturabhedaH siddhaH | tadabhinneti 
bahuvrIhirbodhyaH | 

vivRti: (p. 19) ataH tasya svabhAvasya na kvacit nirodhaH asti, yataH asau 
nijAt AtmIyAt anupAdheH svabhAvAt svarUpAt na nivartate 
nAnyathA bhavati, na cyavate iti saMbandhaH | kIdRzAt svabhAvAt ? 
upalabdhRtaH upalambhakAt jJAtuH anubhavituH ityarthaH | kadA ca na 
nivartate ? jAgradAdivibhede prasarpati api jAgradAdinA (p. 20) yo 
vibhedo vyatirekaH, avasthAnAm anyonyavailakSaNyaM, tasmin 
prasarpati vijRmbhamANe | AdigrahaNAt svapna - suSuptAvasthe 
gRhyete; smRtyAdyavasthAH svapnenaiva saMgRhItAH, tulyarUpatvAt; 
madamUrchAdyavasthAzca suSuptena | tatra jAgrat iti jAgarAvasthaiva 
zAstreSu prasiddhA, yasyAM zrotrAdibhiH indriyaiH zabdAdIn 
indriyArthAn gRhNan prasRtazaktiH puruSaH parispandate | svapnaH 
svApAvasthA, yasyAM svavyApAraparizrAntaH 
zrotrAdivihAraviratAvapi manasaiva asau viSayAn parigRhNAti | 
suSuptaM gADhanidrArUpA sukhasvApAvasthA, manovyApArasyApi 
vyuparame sati yatra vyatiriktavedyasaMvedanaM tAtkAlikaM nAsti | 
smRtyavasthA anubhUtaviSayAsaMpramoSAtmikA svapnasadRzI, 
manasaiva viSayagrahaNasAmyAt | madaH pAnAtizayajaH 
cittendriyavRttipramoSarUpo vikAraH | mUrchA 
viSAdaviSAdibhojanAdijanitamohAtmA | 
evamAdivedyagrahaNAbhAvasAmyAt suSuptatulyA (p. 21) anyA api 
yAH kAzcanApi avasthAH saMbhavanti, tA etAsu eva antarbhavanti | 
etannimittake vibhede pravartamAne'pi, nijAt upalabdhuH svabhAvAt asau 
na nivartate | yadi avasthAtmaka eva ayam upalabdhA syAt, tat avasthAvat 
so'pi vibhidyeta | yAvatA tAsAM vibhede prasarpati, ayaM svabhAvAt 
avasthAvyatiriktAt na nivartate, - iti apizabdasya arthaH | katham etat 
pratipadyAmahe, - yat avasthAtApi san avasthAsu bhinnarUpAsu 
prasarantISvapi sa ekasmAt svabhAvAt na nivartate iti ? atra hetugarbhaM 
vizeSaNam Aha, - kIdRzi tasmin prasarpati ? tadabhinne abhinna ekarUpo 
nirvizeSopalabdhRtvamAtreNa lakSaNena yuktaH svasvabhAvo 
vyApakatvena svayam anubhUyamAno yatra sa tathA tasmin | 
avasthAbhede'pi upalabdhRlakSaNasya avasthAtuH abhedaH, - (p. 22) iti 
sarvasya atra svAnubhavaH pramANam | tathAhi, - yo'ham asvApsaM sa 
jAgarmi iti ekAnusaMdhAtRsUtranibaddhatvena svayam anubhUyamAnA 
jAgarAdayo'vasthAH prasarpanti | etAbhyazca anyadavasthAntaram 
Anantye'pi saMsAriNAM jantUnAM na saMbhavati | ato yathA ekasmin 
dehe avasthAvyatiriktarUpa upalabdhA vyApaka ekaH, tathA 
sarvadeheSvapi sa eva eko vyApakaH siddhaH; dehabhede'pi tasya 
upalabdhRmAtravyatiriktalakSaNAntarAbhAvAt | pratiprANi pRthaktvena 
ahamiti tu pratyayo mAyIyo, na tAttvikaH | tadvyudAsArthameva 
prakaraNArambhaH | so'pi ca upalabdhRtvamAtram ekaM svalakSaNaM na 
vyabhicaratyeva | - iti svasvabhAva eva zaMkara - iti samyak upapAditaM 
svAnubhavAnapahnavinaH prabuddhAn prati | etAbhireva avasthAbhiH 
yogazAstraprasiddhAsvapi jAgarAdyavasthAsu tasya abhedaH pratipAdito 
veditavyaH | (p. 23) tAsvapi tasya upalabdhRtvena vyApakatayA 
avasthAnAt | tAzca saMkSepato lakSyante | - tatra dhyeye arthe cetasA 
jhagiti pravRttimAtraM jAgarAvasthA, dhAraNA iti kvacitprasiddhA | 
tatraiva visadRzapratyayaparihAreNa 
samAnapratyayapravAhaikatAnatAnusaMdhAnaM svapnAvasthA, 
dhyAnam iti yAm AhuH | krameNa aikAgryAtizayAt 
pratyayAntarAsaMkIrNasUkSmadhyeyAbhAsamAtravizeSatA cittasya 
savedyasuSuptAvasthA, yAM 
vitarkavicArAnandAsmitAnurUpAnugamalakSaNasya saMprajJAtasya 
samAdheH AnandAsmitAmAtrAnugatam avasthAvizeSam AcakSate | 
yastu

virAmapratyayAbhyAsapUrvaH saMskArazeSo'nyaH (yo sU 1/17)

iti kRtalakSaNaH asaMprajJAtaH samAdhiH, tat apavedyasuSuptam | 
sarvAsu etAsu ca anubhavitRrUpasya vyApakasya ekasya svabhAvasya 
sattA (p. 24) sthitaiva | yataH sAlambane tAvat samAdhau 
vyatiriktavedyasadbhAvAt laukikAvasthAvat vedakasya upalabdhuH 
sattvaM sphuTam eva | yatra tu nirAlambanatvAt abhAvarUpatvaM tatra 
tatkAlameva vedyAsaMvedanamAtraM, na tu vedakasya 
vedakatvAbhAvaH suSuptAdivat; tato niHsRtasya sA avasthA 
smartavyatayA vedyatvam ApannA vyApakasya sadbhAvam 
abhivyaJjayatyeva | ye punaH 
vedyasaMvedanasAmarthyAbhAvamAtravyAmohitA 
upalabdhAramAtmAnameva asatyaM manyante tAn purastAt 
pratibodhayiSyati | etat sarvaM vRttikRtA

	jAgradAdinApi bhede pravartamAne na tasya 
svarUpamAvriyate

ityAdinA granthena sUcayitvA viSazaktidRSTAntena pramANIkRtam || 3 
||
	nanu jAgarAdiSu avasthAvizeSeSu svabhAvAt upalabdhuH asau na 
nivartate, svasya Atmana (p. 25) upalabdhurjJAnasya bhAvAt 
svAnubhavarUpAt ekarUpatayA avasthAnAt, - iti yat pratipAditam tat 
katham? yataH tAsu avasthAsu anubhavituH evaMvidhAH pratyayAH 
prAdurbhavanti, tat yathA, - manuSyo'haM, brAhmaNo'haM, 
devadatto'haM, yuvAhaM, vRddho'haM, kRzo'haM, sthUlo'ham, - 
ityAdayo dehAlambanAH; sukhito'haM, duHkhito'ham, - ityAdayo 
buddhyAlambanAH; kSudhito'haM, tRSito'ham, - ityAdayaH 
prANAlambanAH | zUnyatApramAtRpratyayazca nAhaM kiMcit 
avediSam, - iti pratyavamarzapratyeyaH suSuptAdyavasthAtaH 
pratibuddhasya zUnyAlambanaH prAdurbhavati | ta ete dehAdayaH sarva 
eva anityAH, tadAlambanazca ahaMpratyayo'pi anitya eva | - iti 
kathamuktam upalabdhuH svabhAvAt asau na nivartate ? - ityata Aha


ahaM sukhI ca duHkhI ca raktazcetyAdisaMvidaH |
sukhAdyavasthAnusyUte vartante'nyatratAH sphuTam || 4 ||

vRti: sa cAnusyUta eva sarvAsvavasthAsu, yasmAt 'ya eva ahaM sukhI sa 
eva ahaM duHkhI' 'rakto vA  p. 5) pazcAt sthita' (k: pRthaksthita; gh: 
pazcAtsita) iti anusyUtatvena; anyatra avasthAvyatirikte | yadAgamaH

'................Sa svabhAvaH paraH smRtaH |' iti 

TippaNI: saMvida iti bahuvacanasya (jJAnasaMtAna eva kSaNikaH 
svatantraH sa eva smRtyutprekSAdipaddhatyA dUrataraM visAryamANo 
bahuprakAraM zAkhopazAkhodbhinno'haMpratItyApi 
buddhyAdyAlambano nAnyasya smartRdraSTTatAbhimatasya 
saMbandhitAmavalambate) ityevamabhiprAyaH, tathAtve 
smRtipratyabhijJAdyanusaMdhAnaM na syAt asati ca tasmin 
sarvavyavahArocchedaH prasajyetetyetat sarvaM prasaktaM parihartuM 
viziSyate anyatreti, sukhitvAdipratyayasaMtAnena pravartamAnA -
vasthAnAmupalabdhari pUrvAparavyavasthAvyApakatayA 
sarvapramAtRsvAnubhavasiddhe nirnirodhAnusaMdhAtrekAzrayatva -
svabhAvaH zaMkaraH suvyaktaH || 4 ||

vivRti: (p. 26) ahaM sukhI ityAdayo yAH saMvidaH tA anyatra 
vartante tataH asau svabhAvAt ekasmAt na nivartate, - iti saMbandhaH | 
antaraGgatvAt mukhyA buddhyAlambanAH saMvido'tra nirdiSTAH | 
AdigrahaNAt tu dehAdyAlambanAH saMgRhItAH | tAzca pUrvaM 
pratipAditAH | tena sarvA etAH saMvidaH anyatra 
yathApratipAditAbhyaH sukhAdibhyaH avasthAbhyo vyatirikte 
sukhAdyupalabdhari vartante, saritaH sAgare iva tatra vigalitAnyonyabhedA 
aikyena avatiSThante, tAdAtmyam Apadyante ityarthaH | etat ca sphuTaM 
svAnubhavasaMvedyatvAt suprakaTameva | atazca ekaiva saMvit 
upalabdhRrUpA ahamiti sphurantI pAramArthikI, 
mAyAzaktijanitatathAvidhasvabhAvaparAmarzAbhAvabalAt 
sukhAdyanityavastuvedakatvena (p. 27) ahaM sukhI duHkhI ca - 
ityAdinA buddhyAdyavasthAsAmAnAdhikaraNyam upagatA satI, 
saMvida iti bahuvacanena nirdiSTA | yadi punaH 
sukhAdivedyavastusaMbandhAt sukhAdivat saMvido'pi ahaM 
pratyayarUpAH paramArthata eva vahvyaH syuH, tadA 
smRtipratyabhijJAdyanusaMdhAnaM na syAt; asati ca tasmin 
sarvavyavahArocchedaH prasaktaH; sa ca neSTaH; tataH anyatra iti 
nirdiSTasya arthasya vizeSaNam Aha, - etAH saMvidaH kIdRzi anyatra 
vartante ? sukhAdyavasthAnusyUte sarveSu sukhAdiSu 
sukhaduHkhamoharUpeSu avasthAvizeSeSu, 
utpAdavinAzadharmakatvAt anityeSu, vedyatvasAmAnyAt 
zabdAdiviSayasamAnavRttiSu ahamiti upalabdhAtmakena ekena rUpeNa 
vyApakatayA sthite | yataH ahaM sukhI duHkhI ca ityevamAdiSu 
pratyayeSu ullasatsu dvau arthau sphurataH | ekaH sukhAdyAtmA (p. 28) 
vedyarUpaH, - sa vedyatvAdeva ghaTAdivat anityatvena nAnAtvena ca 
pratipadyate; ahamiti aparo vedakarUpaH, - sa ca 
pUrvAparAvasthAvyApakatvena samastapramAtRprasiddhaH, 
sakalavyavahArahetoH anusaMdhAnasya kartA, nitya 
upalabdhRmAtrarUpatvAt eka eva prakAzate | tat evam, - yathA 
jAgradAdinA hetunA vibhede prasarpatyapi ayam abhinnasvalakSaNa eka 
eva, tathA jAgradAdyavasthAntargatasukhitvAdipratyayasaMtAnena 
hetunA vibhede pravartamAne'pi abhinnasvalakSaNa eka eva; yataH ihApi 
yo'haM sukhI jAtaH, sa idAnIM duHkhI rakto vA sthita - iti 
ekAnusaMdhAtRnibaddhA eva avasthAH pratIyante | tasmAt 
anantajantusaMtAnavartibhiH azeSaiH avasthAvizeSaiH ISadapi 
anupajanitopalabdhRmAtrasvabhAvAnyathAbhAvaH, svayaMsiddho, 
nityanirAvaraNarUpatvAt (p. 29) sarvatra aniruddhaH, tAttvikaH, 
svasvabhAva eva zaMkara iti | tat etat

	sa ca anusyUta eva sarvAsu avasthAsu

ityAdinA vyAkhyAya

	................................. sa svabhAvaH paraH smRtaH ||

iti siddhAntIkRtaM vRttikRtA || 4 ||
	evaM svasvabhAvasya zivatvena vyapadezo yukta iti upapAdya, 
idAnIM tasya saMgraheNa lakSaNam anuvadan paramArthasattAM 
pratipAdayitum Aha 


na duHkhaM na sukhaM yatra na grAhyo* (gh: na grAhyam) 
grAhako na ca |
na cAsti mUDhabhAvo'pi tadasti paramArthataH || 5 ||

(* vivRti: grAhyaM)
vRti: tasya cAyaM svabhAvo - yat sukhaduHkhagrAhyagrAhaka -
mUDhatAdibhAvairaspRSTaH sa eva ca paramArthato'sti (k: 
paramArtho'sti) nityatvAt; sukhAdayaH punaH saMkalpotthAH kSaNa - 
(p. 6) bhaGgurA AtmasvarUpabAhyAH zabdAdiviSayatulyAH ; na ca, 
sukhAdisvarUpo yadA nAsau tadA pASANaprakhya eva || 5 ||

TippaNI: sukhAdirUpatApratiSedhena vAhyAbhyantaratayA 
dvividhavedyatA pratiSidhyate | grAhakazabdena 
dehAdimAyIyapramAtRbhAvaprati -kSepaH | 
vedyavedanAsaMcetanAvasthApi uttarakAlaM pratyava -
mRzyamAnatvAt vedyabhUmimAzritaiva iti jJAnagocaraprameya -
vastutvaniSedhAt abhAvamAtraM pratikSeptumAha tadastIti | 
sadoditAviluptopalabdhrekasvabhAvaM tat vedyavedakayoranyonyaM 
viprakRSTasvabhAvatvAt, vedyamasatyasvabhAvaM kSaNabhaGguraM, 
veditaiva paramArthasan iti pratipAdyate |] || 5 ||

vivRti: (p. 29) tat vakSyamANavizeSaNaM vastu 
svasvabhAvazabdavAcyaM paramArthataH tattvataH asti, tadvyatiriktaM 
sarvam asatyasadbhAvam ityarthaH | kiM tat ? yatra na duHkhaM, na 
sukhaM, na ca grAhyaM, na grAhako, na mUDhabhAvo'pi asti | 
anena sukhAdirUpatApratiSedhena vedyatvam asya pratiSidhyate | 
dvividhaM (p. 30) hi vedyam, - bAhyam AbhyantaraM ca | tatra 
AbhyantaraM sukhAdi antaHkaraNavedyatvAt; tat yatra nAsti, 
pratipAditaviviktavedakaikasvabhAvatvAt tasya | bAhyaM tu zabdAdi 
vedyaM, tat grAhyazabdena nirdiSTaM, zrotrAdibAhyendriyagRhItaM hi 
tat antaHkaraNena sukhAdyAtmakaM vedyate; tadapi yatra nAsti | na hi 
tasya rUpaM zabdAdiviSayAtmakatvena grAhyatAm Apadyate | 
grAhako'pi mAyIyaH pramAtA atra vivakSitaH, na tu tAttvika 
upalabdhRmAtrasvarUpaH, tasya evaM nityasattvena pratipAdyamAnatvAt 
| evaM mAyIyo dehAdyahaMkAramayo grAhako'pi yatra nAsti | 
grAhakamiti tu pAThe, grAhakam indriyam iti vyAcakSate; tadapi yatra 
nAsti | evaM grAhyagrahaNasvarUpavyatiriktaM 
grahItRmAtrasvabhAvaM yat tattvaM tat asti iti |

	nanu ca evaM sati, mUDhAvasthaiva asau -

(p. 31) iti pratipAditaM bhavati, tasyAM hi sukhAdirUpatAbhAvaH | etat 
nirAkartum Aha, - na cAsti mUDhabhAvo'pi iti, - mUDhasya bhAvo 
mUDhatvaM vedyavedanasAmarthyAbhAvaH; so'pi yatra nAsti na 
vidyate; yataH tasyApi avasthAntare mUDho'hamAsam - iti 
pratyavamRzyamAnatvAt vedyatvaM sthitameva, kevalaM 
tatkAlamanupalambhaH | vedyatvasadbhAve ca mUDhAvasthAyAH 
kathaM vedakaikasvabhAvavasturUpatvaM syAt ? yadyevaM 
mUDhabhAvo'pi tatra nAsti, 
tatpratipattigocarasamastavedyavasturUpatApratiSedhAt abhAvamAtraM 
tat, - iti pratipAditaM syAt | tatpratikSepArtham Aha, - tadasti 
paramArthataH iti; - yat evaMviziSTatayA vyAkhyAtaM, tat vastu 
paramArthataH asti, satatam aviluptopalabdhRmAtralakSaNasvabhAvatvAt | 
yat punaH sukhAdi, tat kalpanAmAtralabdhAtmakaM kSaNabhaGguraM 
sarvadA vedyameva, vedakaikasvabhAvAt Atma (p. 32) no dUrabhinnam | 
ato yat yat vedyabhUmikAyAM vartate, tat sarvam asat, anityatvAt | yastu 
vedakaH, sa eka eva paramArthasan ityarthaH | tat idaM 

	tasya cAyaM svabhAva

ityAdinA granthena vRttikRtA vyAkhyAtam || 5 ||
	idAnIm asya paramArthasata Atmana eva zivasya 
samastavastusaMpAdanasvatantrazaktitvapratipAdanapUrvam 
upAdeyatamatvam upadeSTuM yugalakamAha


yataH karaNavargo'yaM vimUDho'mUDhavat svayam |
sahAntareNa cakreNa pravRttisthitisaMhRtIH || 6 ||
labhate, tat prayatnena parIkSyaM tattvamAdarAt |
yataH svatantratA tasya sarvatreyamakRtrimA || 7 ||

(yugalakaM)

vRti: (p. 7) 	yataH (kh: yata ityanantaraM 'caitanyasvabhAvAt' 
ityapyadhikaH pATho'sti |) karaNavargasya antazcakrasahitasya 
vibhUDhasyApya -mUDhavat utpattisthitinirodhAH, so'nyeSAM 
caitanyApAdane samarthaH kathaM niHsvabhAvaH || tasmAt tat tattvaM 
yatnena parIkSitavyaM yoginA, yathAsya karaNAdiSu caitanyadAne 
svAtantryam, tathA parapurAdiSvapi saMbhAvyate; svAtantryasya 
svasvabhAvabhUtasya sarvatrAkRtRmasyAbhyAsAt yato vyaktiH (k, g, gh: 
yadA vyaktiH) || 6 - 7||

TippaNI: utpattiH vividiSitaviSayamukhaprekSitvAtmasamunmiSada-
vasthA | sthitiH uparaktArthacamatkRtivizrAntyavasthA | nirodhaH 
kRtakRtya -tayA viSayasya svAtmasAtkaraNe 
svatryApAroparatyAtmapratyasta -mayAvasthA ityetA yatsaMparkabalAt 
trayodazasaMkhyAnAM karaNAnAM 
jaDatayAbhimatAnAmupalabhyAH | paramArthatattva -mAtmabhAvena 
vijJAtaM karaNasvAtantryAdhAnavat sarva -
sAdhAraNArthasvAtantryalAbhAyApi abhyAsAtizayadazAparipAke 
kalpate, tasya svecchAmAtrAdhInasamastanirmAtRtvalakSaNaM 
svAtantryaM samAvezasaMpattimatsu dehataddazAvizeSeSu 
upAdAnasahakAryAdikAraNanirapekSaM sahajasiddhaM 
saMsAridazAyAmapi tanmahimnaiva vyavahArasiddheH, mAyAvyA -
mohamAtravazAt tu svAtmapratyavamarzAbhAve vyatiriktakAraNa -
sApekSatayA vastusiddheH pAratantryavyavahAra ityatra 
svAtantryapratipAdanAt upAdeyatAtizayyate | || 6-7 ||


vivRti: (p. 32) tat tattvaM svasvabhAvAkhyaM vastu paramArthasattvena 
avasthitaM prayatnena prakRSTena yatnena satatam aviluptena udyogena, 
AdarAt zraddhAtizayAt (p. 33) parIkSyaM sarvAsu anubhavadazAsu 
vakSyamANopadezAnusAreNa krameNa, 
vedyavedakalakSaNarAzidvayavibhajanaparatayA, 
vedakasvarUpaparAmarzAt Atmatvena sphuTIkAryam | yataH tasya iyam 
adhunaiva prastutavyAkhyAnA svatantratA 
svecchAmAtrAdhInasakalakAryakartRtvarUpA sarvatra sarvasmin dehe 
dazAvizeSe vA avasthitasyApi akRtrimA sahajaiva, na tu 
upAdAnasahakAryAdikAraNAntarApekSiNI, - yataH saMsAriNAmapi 
tatsvAtantryamahimnaiva samastavyavahArasaMpattiH; 
mAyAvyAmohavazAt tu satyasvabhAvaparAmarzAbhAvAt sarvaH 
saMsArI paratantra iva vyavaharati sarvakriyAsu 
vyatiriktakAraNApekSasarvArthasiddhikatvAt, - tasmAt 
svAbhAvikasvAtantryaprAptaye tat tattvaM parIkSyam, na tu 
sukhaduHkhamohagrAhyagrAhakarUpapratiSedhAt tat avastubhUtam 
avagantavyam iti upadiSTam | idAnIm (p. 34) iyam iti nirdiSTAM 
svatantratAM pratipAdayituM yacchabdaviziSTaM vizeSaNaM 
vyAkhyAyate | - kiM tat tattvaM parIkSyaM ? yato yasmAt ayaM 
karaNavargaH karaNAnAM zrotrAdInAM bAhyAnAM, 
manaHprabhRtInAm AbhyantarANAm indriyANAM vargaH 
trayodazakaraNasamUhaH pravRttisthitisaMhRtIH labhate pravRttiH 
jighRkSitArthonmukhatAsamunmipadavasthA, sthitiH 
gRhItArthavizrAntyavasthA, saMhRtiH kRtakRtyatvAt 
bAhyArthaparityAge svavyApAroparamaH pratyastamayAvasthA, etAH 
labhate prApnoti | kIdRzaH karaNavargaH ? vimUDhaH prAyazo 
jaDatayaiva prasiddhaH | kathaM labhate ? amUDhavat cetanavat | etat 
uktaM bhavati - prAkRtaM jaDamapi etat bAhyAbhyantaram indriyacakraM 
pravRttyAdicetanavyApArasamarthaM yatsaMsparzabalAt bhavati, tat 
tattvam Atmatvena sphuTIkRtaM sat indriyacaitanyApAdanasvAtantryavat 
sarvaviSayasvAtantryalAbhAya (p. 35) kalpate eva; ataH parIkSyaM, yena 
abhyAsadazAyAmeva abhivyajyamAne svAtantrye 
parazarIrAvezAdikrIDA upapadyate | tat idam

	na ca sukhAdirUpo yadA nAsau

ityAdinA

	tasmAttattattvaM yatnena parIkSitavyam

ityAdinA ca pRthak vyAkhyAtaM vRttau || 7 ||
	nanu kimidam ucyate, - tat kiMcit tattvaM parIkSyaM yadvazAt 
indriyANi cetanIbhavantIti, kila evaM vyavahAro vyavasthitaH, - sarvaH 
kazcit cetanaH pramAtA dharmAdharmasaMbandhAt icchAkhyena 
guNena saMyujyamAno heye upAdeye vA viSayabhUte prayatnavAn 
bhUtvA, tenaiva icchAkhyena guNena karaNavargaM jaDameva 
tattadviSayahAnopAdAnAdau prerayati; sa ca tatprerito jaDa eva 
dAtrAdivat svakAryaM karoti | tat kathamuktam; - yataH kAraNabhUtAt 
amUDhavat (p. 36) pravRttyAdi labhate iti; vyAkhyAtaM ca, - 
yatsaMsparzabalAt eva hetoH 
pravRttyAdicetanavyApArasaMpAdanasamartho bhavati ? - ityAzaGkya 
yathA eSa karaNavargaH cetanIbhavati tathA saMsAripuruSasya 
vyavahArapradarzanena sphuTIkartumAha 


na hIcchAnodanasyAyaM prerakatvena vartate |
api tvAtmabalasparzAtpuruSastatsamo bhavet || 8 ||

vRti: (p. 8)	na ca icchApreSaNena karaNAni preSayati (g: icchApreraNena 
karaNAni prerayatItyapi pAThAntaraM vartate |), api tu svasvarUpe 
sthitvA kevalaM yAdRzI tasyecchA pravartate tathAvidhameva sa 
bAhyAntaraM kAryamutpAdayati, tena na karaNaviSayameva 
sAmarthyam, kiM tu tatsya sarvatra || 8 ||

TippaNI: ayamatrAzayaH - yathA paramezvaraH 
pUrNajJAtRtvakartRtvazakti -bhyAM jaganti pravRttyAdivyApAraM 
lambhayan vizvatra jJAna - kriyAvattAmadhirohati 
evamanuttaratadbalasaMparkAdeva yogino 
jJAtRtvAdisAmathyaimupajAyate mAyAvazAt saMkoconmukhI -
bhAvena jJAnakriye zaktI api antarbahiSkaraNatayA saMkucitIbhUya 
prasRte pratinijaniyataviSayeSu vyAparituM zaknutaH ityato'Nurapi 
svasvabhAvamadhyAsya karaNacakrapreraNAdau svatantro na tu asya 
dharmAdharmasaMbaddhecchAkhyaguNapreraNayA 
karaNacoditadAtrAdivadupacaritakartRtvam || 8 ||


vivRti: (p. 36) nahi na khalu icchAnodanasya icchaiva nodanaM, nudyate 
anena iti pratodAdi karaNaM, tasya prerakatvena indriyavargaM prati 
codakatvena asau puruSaH saMsArI pramAtA vartate avatiSThate | yathA 
kazcit devadattAdiH kenacit karaNabhUtena hastAdinA jaDaM pratodAdi 
prerayati, na evam ayam AntaraH puruSaH icchayA jaDaM karaNavargaM 
svaviSaye pravartayati; api tu AtmabalasparzAt AtmanaH parasya 
pramAtuH sarvakartuH Izvarasyaiva (p. 37) svabhAvasyaiva yat balaM 
sAmarthyaM kAraNAntaranairapekSyeNa akhilavastusaMpAdanazaktatA, 
tatsparzAt tatsaMparkAt tatsamo bhavet tena Atmazabdoktena pareNa 
kartrA tulyaH saMpadyate | idamatra tAtparyam, - yatraiva svasvabhAve 
sthitvA AtmazabdapratipAditaH paramezvaro jagadidaM 
pravRttisthitisaMhRtIH yatheSTaM lambhayituM svatantraH, tatraiva 
sthitvA puruSo'pi ayaM saMsArI karaNavargaM svaviSaye pravRttyAdi 
lambhayituM svatantraH, tena tatsamo bhavet iti uktam | tato yathA IzvaraH 
sarvavyApikAbhyAM jJAnakriyAkhyAbhyAM zaktibhyAM, vizvaM 
pravRttyAdi prApayan sarvaM jAnAti ca karoti ca, tathA puruSaH 
tadbalasparzAdeva upajAtajJatvakartRtvasAmarthyo mAyAvazAt 
niyataviSayAbhyAM jJAnakriyAzaktibhyAM 
antarbahIrUpakaraNavargatayA prasRtAbhyAM svaviSayaM jAnAti ca 
karoti ca, - iti tatsAmyam asya uktam

	na ca icchApreraNena karaNAni prerayati

(p. 38) ityAdi vivRtametat vRttau || 8 ||
	nanu svavyApAre karaNavargaM pravartayan puruSaH 
IzvarabhUmikAsAdanAt tadvat svAtantryam Apnoti, - iti tayoH 
IzvarapuruSayoH abhedaH eva pratipAditaH syAt; kathaM 
bhedanibandhanam IzvarasAmyaM puruSasya pratipAditaM tasyAM 
dazAyAm ? - ityata Aha


nijAzuddhyAsamarthasya kartavyeSvabhilASiNaH |
yadA kSobhaH pralIyeta tadA syAtparamaM padam || 9 ||

vRti: sa cAsya AtmabalasparzaH (kh: sa Atmabala) sahajayA azuddhyA 
vyAptasya kAryamicchato'pi na bhavati, kiMtu yadA kSobhaH 'ahamiti' 
(gh: kSobho dehAdyahamiti zodhitapAThaH, pralIyate iti ca pATho'sti |) 
pratyayabhAvarUpo'sya pralIyeta (p. 9) tadAsya bhavati parame pade 
pratiSThAnam || 9 ||

TippaNI: satyapi paramezvarasAmyAsAdanAt IzvarapuruSayorabhede 
kevalaM puruSasya rAgAdinibandhanamalAkrAntatayA 
anityaparipUrNatRptitA, yayA sAdhyasAdhanopArjaneSu azaktatvena 
zaktidAridryam, ata eva bhedanibandhanamIzvarasAmyaM 
mAyIyopadravapralaye punaH saMvidaikAtmyamanupacaritaprathaM saiva 
paramazuddhiH |] || 9 ||


vivRti: (p. 38) satyam, asti abhedaH tasyAm avasthAyAm anayoH | kintu 
ayaM puruSo nijayA sahajayA 
dehAdyAtmapratipattimUlarAgAdirUpayA azuddhyA malena hetunA 
abhilASI kSaNikasukhalavalubdhaH, tayaiva ca 
tatsAdhanabhUtaviSayAvAptihetuSu kartavyeSu kriyAsu asamarthaH 
zaktidaridro - yataH icchan api abhimataM na Apnoti - ; evaMvidhasya asya 
yadA yasmin (p. 39) kAle kSobhaH 
pratiniyatazarIrAdyAlambanAhaMpratyayAtmA mAyIya upaplavaH 
pralIyeta kRtrimAlambanottirNasvAbhAvikAhaMpratyayaprabhAkara-
prakAzasaMparkAt prAleyapaTalavat vigalet vinazyet; tadA paramaM 
niruttaraM padaM sthAnaM syAt sadbhAvena prakAzeta - abhedaH 
AtmapuruSazabdapratipAditayoH parAparayoH saMvidoH tasyAmeva 
dazAyAm upalabhyatayA pratheta ityarthaH | tadetat - svasvabhAve 
pratiSThAnam idam (iti) anena zlokena pratipAditam | upapAdyatAM 
nAma darzanAntareSu taistaiH prakAraiH azuddhiH asya puMsaH; iha tu 
etAvatyeva asau, - yat acitsvarUpeSu anityeSu paratantreSu dehAdiSu 
tadvilakSaNArthaniSThatayA upapannaH ahaMpratyayaH pravartate; 
tAvanmAtranibandhanA hi sarvAH saMsAritvapratipattayaH; tasminneva 
vigalite svasvabhAvAbhivyaktilakSaNA parA (p. 40) zuddhiriti | yaduktam

	jAte dehapratyayadvIpabhaGge
		prAptaikadhye nirmale bodhasindhau |
	avyAvartyaivendriyagrAmamanta-
		rvizvAtmA tvaM nityameko'vabhAsi ||

tathA

	nAtmAdhInatve'pi vizvaM niyoktuM
	sarvo hastAdIniveSTe yatheSTam |
		bAlo rAjevAtmazaktyaprabodhAt
	tvayyantaHsthe sarvazaktistu sarvaH ||

iti | tadetat tAvat

	sa cAsya

ityAdinA vRttau vyAkhyAtam || 9 ||
	nanu pralInadehAdyahaMpratyayalakSaNakSobho 
nirvAtanizcalajaladhivat suprazAntasthitiH Atmaiva 
paramapadazabdapratipAditaH; tat kathaM tadbalasparzAt puruSaH 
tadvilakSaNaM kSobhAtmakameva dharmam AsAdayet, yena yukta 
indriyavargaM pravRttyAdi lambhayan, ahaM karomi, ahaM jAnAmi, (p. 
41) iti svaviSayaM pratipadyamAnaH kSubhita eva bhavati ? - iti 
anAtmajJAnAM mativibhramabhaGgAyAha


tadAsyAkRtrimo (k: tadA syAtkRtrima) dharmo 
jJatvakartRtvalakSaNaH |
yatastadIpsitaM sarvaM jAnAti ca karoti ca || 10 ||


vRti: yataH, tasmin pralInakSobhAtmake kAle akRtrimaH sahajo 
jJatvakartRtvabhAvarUpo dharmo (kh, gh: dharma iti zabdo nAsti |) 
yasmAt, tasmin eva prAptayogAtma -ke kAle yat yat jJAtum icchati tat tat 
jAnAti ca karoti ca; nAnyadA saMsAryavasthAyAm || 10 ||

TippaNI:  ekameva avyabhicAri Atmana upalabdhRtvaM nAma 
ayutasiddho guNaH svAtmapratyavamarzarUpaH, sa eva 
jJeyakAryaviSayatayA jJAna -kriyAdvairUpyeNa AmnAyate asyaiva 
guNasya svamahimavijRmbha -NaM niruparodhaM svasaMvedanIyaM 
kevalaM sarvajJatvasarvakartRtvazaktivikAsinyupalabdhRlakSaNe 
Aspadevi -kalpakalaGkopaplavAsaMpRkte | yasmAt tatra 
jJeyakAryapratyava -mRzyeSu niryantraNaM svAtantryaM, yattu 
saMsAryavasthAyAma -khyAtimugdhatayA vedyeSu 
jJatvakartRtvAhaMmatiH sA kRtrimA parimitA ca 
niyamitasvAtantryagatimattvAt ato jJatvakartRtvalakSaNo dharmaH 
svabhAva eva na punaH kSubdhAvasthA | tasmAt svabalasaMsparzAt 
karaNacakrapravartanAdikAryavRttyA saMyujya -mAnasya 
tatsAmyopalabdhiH || 10 ||


vivRti: (p. 41) tadA tasmin yathoktakSobhaparikSayopalakSite kAle, 
AtmanaH asya akRtrimaH sahajasiddhaH satatamavyatirikto 
jJatvakartRtvalakSaNo dharmaH guNo'styeveti zeSaH; yato yasmAt 
avyabhicAriNo guNAt kAraNabhUtAt sarvam akhilam IpsitaM 
jJeyatayA kAryatayA avAptumiSTaM vastu, sa puruSaH tadA tasyAM 
dazAyAM satyasvabhAvasaMbandhalakSaNayogAtmikAyAM, na tu 
anyadA - dehAdyAlambanAhaMpratItisArasaMsAripuruSadazAyAM 
jAnAti ca karoti ca | kim uktaM bhavati ? - jJatvamupalabdhRtvaM 
nAma asyAtmano'vyatirikto guNaH; sa ca idantAvaseyasya (p. 42) vastuno 
jJeyatayA kAryatayA ca dvaividhyAt dvitvena upacaryate | vastuta ekaiva 
Izvarasya svabhAvapratyavamarzarUpA zaktiH; sA 
saMvedanarUpatvAt jJAnazabdena ucyate, 
tAvanmAtrasaMrambharUpatvAt kriyAzabdena ca udghoSyate | sa ca 
evaMvidho dharmaH asya vedyatvapratItyupaplavAsaMspRSTe 
vedakaikalakSaNe svabhAve sthitasya sarvajJatayA sarvakartRtayA ca 
vijRmbhate | yat punaH tAdRksvabhAvapratyavamarzAbhAvAt vedya eva 
dehAdau vedakapratyayanibandhanaM jJatvaM kartRtvaM ca, tat 
kRtrimaM parimitaviSayaM ca | tasmAt Atmano 
jJatvakartRtvalakSaNAvyatiriktadharmatA svabhAva eva, na tu 
kSobhAvasthA | tAdRzaM ca AtmabalaM spRzan saMsAripuruSaH 
karaNavargapravartanAdinA svaviSaye jJatvakartRtvAbhyAM 
yujyamAnastatsamo bhavet - iti yat uktaM tadeva upapannam | tadetat

	yatastasminpralInakSobhAtmake kAle

ityAdinA vRttikRt vyAcaSTe || 10 ||

(p. 43) ittham AtmasvarUpam upapattyA vyavasthApya 
tatpratipattiphalaM pradarzayitum Aha

tamadhiSThAtRbhAvena svabhAvamavalokayan |
smayamAna ivAste yastasyeyaM kusRtiH kutaH || 11 ||

vRti: tadevam, yataH sarvAnusyUtaH sarvasAmarthyayuktazca 
AtmasvabhAvaH, tasmAt tam adhiSThAtRbhAvena sarvavyApakatvena 
svabhAvaM pazyan, vismayAviSTa iva yastiSThati, tasya kutsitA sRtiH 
saraNaM na bhavati || 11 ||

TippaNI: upapattivyavasthApitasya zaMkarasvabhAvasya 
aviratakAlaprabandha -tayA sadoditAntarbahIrUpatayA 
sphuradadhiSThAtRtvaM pratyabhijA -nato 
vismRtazivasvarUpavijJAnAt 'mAyIyapramAtRbhAvo'sanneva itthaM 
zuktikArajatavadbhAsamAnaH' ityevaM vimraSTuranukSaNaM 
navanavAnuttarAtizayacamatkArarasAsvAdanena vismayAvasthitira -
laukikI anubhavapadavImadhizete yatprAptau parimitAhaMmatiniban -
dhanaH saMsaraNAyAsakSobho viramyate iti || 11 ||


vivRti: (p. 43) tam iti sarvanAmnA zlokadazakapratipAditamAtmatattvaM 
pratyavamRzyate | tam evaMlakSaNaM svabhAvam AtmAnam 
adhiSThAtRbhAvena sarvazarIreSu sarvAvasthAsu sarvadA sarvatra 
anubhavitRmAtreNa sarvam Akramya avasthitatvAt ananyAdhiSTheyaH 
ahameva ekaH svatantraH paramezvaraH adhiSThAtA ityevaMrUpatayA 
avalokan uktayA upapattidRzA vakSyamANayA ca 
upalabdhyupadezadRzA pazyan pratyabhijAnan smayamAn iva 
vismRtaparapramAtRrUpAtmatattvapratyabhijJAnAt 
mAyIyapramAtRsvarUpam asatyamapi itthaM prathamAnaM vimRzan 
vismayamiva Apanno ya Aste nirviplavAM sthitim anubhavati, tasya 
evaMlakSaNasya (p. 44) yoginaH iyaM suprasiddhA 
dehAdyahaMpratItimAtramUlA kusRtiH 
janmajarAmaraNAdidvandvayogAt kutsitA garhitA sRtiH saraNaM 
nAnAyonyantarabhramaNaM kutaH ? - pratipAditakSobharUpAyA 
azuddheH hetubhUtAyA abhAvAt asInasya gatiriva nAstyeva ityarthaH | 
vRttikRtA ca

	evaM yataH sarvAnusyUta eva ayamAtmA

ityAdinA vyAkhyAtametat || 11 ||
	idAnIM samastavedyadharmavirahitasvarUpasyAtmatattvasyo-
pAdeyatayA pratipAdanAdabhAva eva prApyatayopadiSTo bhavati - iti 
manyamAnAn pratibodhayitumAha


nAbhAvo bhAvyatAmeti na ca tatrAstyamUDhatA |
yato'bhiyogasaMsparzAttadAsIditi nizcayaH || 12 ||

vRti: (p. 11) na tu abhAvo bhAvanIyo, yathA anyairyogibhiH upadizyate, 

'abhAvaM bhAvayettAvadyAvattanmayatAM vrajet |'

iti | na caitat yuktam, yasmAt nAbhAve bhAvanA yujyate mUDhAvas -
thaiva sA, yasmAt uttarakAlam abhiyogasaMsparzAt (k: abhilASeti; g: 
saMyogAtmA zUnyeti ca pAThaH|) abhilApasaMyogAt sA 
zUnyAvasthA atItA mama iti smaryate, na ca AtmasvabhAva eSaH, 
yasmAt na tvevaM cidrUpatvaM mUDhAvasthAvat smaryate, tasya 
sarvakAlamanubhavitRtvenAnubhavo nityoditatvAt || 12 ||


TippaNI: vedyavedanollekhocchedarUpe samAdhau kaizcidabhAva iti 
manyate, na caitat tasya bhAvyamAnatayA vyAghAtAt 
tatralabdhapratiSThena yoginA abhAvasamAdhervyutthAya uttarakAlaM 
'sA dazA mayAnva -bhUyata' ityanusaMdhAnena taddazAntaraM 
smaryamANatAM nIyate tat smaraNameva tadAnImanubhavitRsattAM 
viviktAmupalambhayet iti smaryamANaM vastu abhAvarUpaM svAtmA 
bhavituM nArhati sukhAdivat tasya vedyatvAt iti | tasmAt 
samastavedyadharmojjhitaH parasvabhAva upAdeyaH || 12 ||


vivRti: (p. 44) abhAvo vastuzUnyatA bhAvyatAM bhAvanIyatvaM 
samAdhAvAlambanabhAvaM naiti na gacchati, 
abhAvabhAvabhAvanayoH parasparavirodhAt | bhAvo (p. 45) hi 
saMvidviSayatAyogyaH padArtho, dhyeyatayA AlambanIbhavitumarhati, 
na punaH na kiMcit | yathA kvacit upadiSTam

	abhAvaM bhAvayettAvadyAvattanmayatAM vrajet ||

iti | bhavatu vAsau dhyAtR - dhyAna - dhyeyavikalpocchedarUpA 
samAdhyavasthA, yAmabhAva iti manyante vismRtAtmAnaH | na ca tatra 
tasminnavasthAvizeSe amUDhatA mUDhatvAbhAvo vidyate, 
yato'bhiyogasaMsparzAt vyutthAnAvasare 
tAdRgdazAntarAnusaMdhAnaviSayeNAbhiyogena 
tatkAlapratyuditenAbhilApena saMsparzAt saMparkAt tat dazAntaram 
AsIt abhUdatItam iti nizcayaH adhyavasAyaH syAt | kim uktaM bhavati 
? - abhAvasamAdhilabdhapratiSTho yogI tato vyutthitaH san yadi 
tAmavasthAM nAnusaMdadhyAt tat kathaM labdhapratiSTho'smi - iti 
pratyayo'sya syAt ? asati ca tasmin samAdhivyutthAnayoH (p. 46) 
vyatirekAgrahaNam | tasmAt tadAnIM tAdRzIM dazAm aham 
anvabhavam - iti avazyaM smaryate | tacca atItatvena smaryamANatvAdeva 
anityaM sukhAdivat AtmanaH svarUpaM na bhavati; tasya cidrUpasya 
anubhavitRtvena sarvadA vartamAnatvAt smartrantareNa 
smaryamANatvaM na saMbhavati | vyAkhyAtam etat vRttau

	na tvabhAvo bhAvanIyaH,

ityAdinA || 12 ||

	tat sphuTIkartum Aha

	atastatkRtrimaM jJeyaM sauSuptapadavatsadA |
na tvevaM smaryamANatvaM tattattvaM pratipadyate || 13 ||

vRti: (p. 12) abhAvabhAvanAlabdhabhUmikasyApi kRtrimA anityA sA 
avasthA, yathA sauSupte pade; yasmAt cidrUpatvaM tu AtmanaH 
svarUpaM nityasaMnihitam, tadeva gurupadezena nityamevAnu -
zIlanIyam || 13 ||

TippaNI: atraitaducyate - yathA mohaghanA suSuptAvasthA tadAtve 
vedyavedakavibhAgAgrahaNamayI abhAvarUpeva upalabhyamAnA 
prabodhadazAyAmuditAvamarzagocaratAmApadya smaryamANatve -
nAnityA | evamabhAvasamAdhyavasthApi atItatvena prabodhakAle 
vicintyatvAt anityA - ityevaM - prAyAH samAdhivizeSAH suSupti -
dazAntarbhAvyAH, na punarupeyatamasvarUpe evaMrUpo bhUta -
kAlAkrAntaH smaraNapratyavamarzaH smartrantarasmAryaH, 
paratattvasya sadodita vijJAtRsvabhAvatayA zAzvatAvicalavidya -
mAnaparamasattvAt || 13 ||

vivRti: (p. 46) ata AsIt tat iti bhUtatvena abhiyujyamAnatvAt tat 
abhAvasamAdhisaMjJitaM vastu kRtrimaM jJeyaM 
bhAvAbhAvadazAyogitvAt kalpanAkRtam (p. 47) anityaM boddhavyaM 
sadA na kAcidasau kAlakalA vidyate, yasyAM sA tAdRzI 
samAdhyavasthA nityatvena avatiSThate | kathaM kRtrimaM jJeyaM ? - 
sauSuptapadavat suSuptameva sauSuptaM sukhasvApAvasthA tadeva 
padaM saMvidadhikaraNaM tena tulyam | kimuktaM bhavati ? - yathA 
laukikI suSuptAvasthA niviDamohAtmakatvAt sato'pi 
vedyavedakavibhAgasya tatkAlam agrahaNe sati abhAvarUpA iva satI 
prabodhakAlapratyuditAnusaMdhAnaviSayatAm ApAdyamAnA 
atItatvena smaryamANatvAt anityA, tadvat abhAvasamAdhyavasthApi 
anityA, vyutthAnasamaye bhutatvena smaryamANatvasAmyAt | etena sarve 
evaMprAyAH samAdhayaH suSuptAvasthAyAmeva antarbhavanti - iti 
pratipAditam na tu punaH tat tattvam iha upAdeyatamatayA upadiSTaM 
svasvabhAvalakSaNaM vastu evam anena uktaprakAreNa 
smaryamANatvaM pratipadyate tasya hi nityoditatvAt (p. 48) sadA 
vartamAnatvameva | tadetat 

	ato'bhAvabhAvanayA samAdhilabdhabhUmikasyApi

ityAdinA vRttau vivRtam || 13 ||
	athaivaM nityoditatvAt sadA prakAzamAnamapi tat tattvam 
apratyabhijJAyamAnatvAt bandhahetuH; ato labdhopadezena 
sarvAvasthAsu 
vedyavedakarUpatattvadvayasaMgRhItavizvaprapaJcavibhajanaparatayA 
vedakAMzam ahamiti sarvavedyasvarUpottirNameva pratyavamRzatAm 
AtmIkAryam | - iti upadeSTuM tasya tattvasya 
svamAyAvaibhavodbhAsitaM dvairUpyaM pratipAdayitumAha


avasthAyugalaM cAtra kAryakartRtvazabditam |
kAryatAkSayiNI tatra kartRtvaM punarakSayam || 14 ||

vRti: (p. 13) avasthAyugalam (k, g: avasthAyugalamiti vAkyaM nAsti |), 
avasthAdvayameva kAryakartRtvasaMjJaM bhogyabhoktRbhedabhinnaM, 
tatra yo bhogyarUpo bhedaH sa utpadyate nazyati ca; bhoktRbhedastu (kh: 
bhoktRrUpa) cidrUpaH punarnajAyate, na kadAcit vinazyati tena nityaH || 
14 ||


TippaNI: avasthAzabdenedamatra uddezyam | eka eva svatantraH 
paramezvaro vizvatra paramArthataH samasti | sa eva 
anuttaraniryantraNasvAtmai -zvaryazaktivijRmbhaNayA 
nirupAdAnasaMbhAraM dvividhaM svAtmAnamavabhAsya vikrIDati | 
dvaividhyaM ca kAryakartRtvA -khyaM, yena heyatayopAdeyatayA ca 
dvailakSaNyaM vastu saMgRhyate | tatra kAryAvasthA 
paraprakAzopajIvinI antareNa prAzayitAramava -sthAtumaprabhuH 
tadabhinnaM nijarUpamAvedayati zAktollAsamaya -tvAt, kevalaM 
kAryatopAdhiracirAyaiva anuvilayI, kartRtAvasthitiH punaH 
sadoditAviluptadRzimAtradharmakatvAt avinAzinI iti | tadevaM 
svamAyodbhAsitavizvollAsajJaptipUrvaM svasaMvedyamuttirNa -
tamamAtmAnaM nididhyAsatAM sarvAvasthAsu bandhahetunivRttiH || 14 
||

vivRti: (p. 48) atra asmin iha pratipAdite AtmAkhye parasmin tattve 
avasthAyugalaM dve avasthe saMbhavataH | anena 
vividhadarzanaprakriyAprabandhavyavasthApitatattvAdibhedAn [-bhedAt] 
aparyantamapi heyopAdeyarUpaM vastu lakSaNadvayayogAt dvitvenaiva 
saMgRhya pratipAditam; Anantye'pi vizvavaicitryasya dve eva tattve 
ityarthaH | eka eva tu paramArthasan paramezvara AtmA nirupama - 
niSpratIghAta - nirupAdAnanijaizvaryazaktibalAd dvitvena AtmAnam 
avabhAsayan krIDati - iti pratipAdayitum avasthAzabdena nirdezaH 
kRtaH, ekameva tat tattvaM dvitvena avatiSThate ityarthaH | kIdRzam 
avasthAyugalaM ? kAryakartRtvazabditaM kartRtvena bhoktRtvena 
vedakatvena cetanabhAvena aham iti ekA avasthA svatantrA, dvitIyA tu 
tadviparItA kAryarUpA bhogyA vedyA jaDA paratantrA tAbhyAM 
zabditaM kathitam | zabditazabdena anayoH saMjJAmAtrabhedo, na 
vAstavaH - iti pratipAditam | tataH kAryarUpA (p. 50) yA iyam avasthA 
sA prakAzamAnatvamAtralabdhAtmakatvAt AtmanaH paramakAraNAt 
kartRzabdena vyapadiSTAt prakAzaikasvabhAvAt na bhidyate, yataH 
zakticakrAtmakasya svavibhavasya prabhavatvena etat tattvaM prAgeva 
pratipAditam | tatra tasmin itthaMbhUte avasthAyugale kAryatA kSayiNI 
kAryarUpAvasthA kSaNabhaGginI, yat yat idaM 
mukulitatattvaparAmarzatayA kAryarUpatvenaiva avasIyate, tat sarvam 
udayavyayasaMbandhAt pratikSaNavinazvaram kartRtvaM 
punarakSayaM kartRrUpAvasthA nityA 
nityoditasarvAvasthAvyApakatvopalabdhRtvamAtradharmakatvAt avinAzi 
| tadevam ekameva kartAraM jJAtAraM sarvAdhiSThAtAraM satatam 
Atmatvena anusaMdadhAno yastiSThati tasya bandhAnupapatIH - iti 
pUrvazlokena saMbandhaH | tadetat 

	avasthAdvayameva

ityAdinA vRttau vyAkhyAtam || 14 ||
(p. 51) nanu yat upalabdhRrUpaM tattvaM tat akSayamityuktaM; 
tacca nopapadyata eva; abhAvasamAdhyavasthAsu 
upalabhyasvarUpAbhAvAt; kathaM tasyAkSayatvam ? - ityAkSepe 
prAkpratijJAtaM samAdhAnamAha


kAryonmukhaH prayatno yaH kevalaM so'tra lupyate |
tasmiMllupte vilupto'smItyabudhaH pratipadyate  || 15 ||


vRti: kAryasaMpAdanasAmarthyaM bAhyakaraNavyApArarUpaM 
kevalaM vilupyate, sthagitendriyasya tasmin vilupte sAmarthye (p. 14) 
svabhAvo me (me iti padaM; gh: pustakAdupanyastam |) vilupta iti abudho 
jAnAti, na tu bhAvasya vinAzo'sti || 15 ||

TippaNI: vedyonmukhatAmavalambyaiva 
sahajodyamanazaktervizvavaicitryo -llekhanakAritayA bahirvilasituM yaH 
prasaraNAdaraH sa kevalamindriya -
vyApAraviratidazAyAmanabhivyaktatayA Atmanyeva avalInaH, 
tadavyaktidazAyAmabuddhasya ayaM parAmarzo yat nAhamasmIti 
svAbhAvaM sa manyate; naitat jAnAti yat abhAvaparAmarza eva pratyuta 
tatsAkSitayA svAtmAnaM sthirIbhAvayati iti ato'bhAva -
samAdhyAdyavasthAsu tAtkAlikAnupalabhyatayA AtmanaH kSayitvaM 
naivAkSeptavyam || 15 ||

vivRti: (p. 51) kArye nirmeye vedye vA vastuni unmukhaH tasya 
tathAsaMpAdane pravaNo yaH prayatnaH kartRtve (-tvaM) sahaja 
utsAhaH sa kevalaM sa eva paraM kAraNaM vyApArahetuH, tasyAM 
dazAyAM kAryasya sthUlarUpasya abhAvAt lupyate anabhivyaktatayA 
Atmanyeva nyagbhUyeva avatiSThate | tasmin prayatne tatkAlameva lupte 
sati abudhaH tattvAvabodhazUnyo vilupto'smi - iti pratipadyate 
nAhamasmIti bhAvavilakSaNatayA vastu paricchindata evaMvidhaH 
pratyaya upapannaH; (p. 52) paricchinatti cet kartRtvena prathamataraM 
sanneva asau siddhaH kathaM niSedhasya viSayaH syAt ? tat idam AyAtam, 
- yathA kazcit devadatto gRhAdyavasthitaH kenApi AhUto - bho devadatta 
? - iti, sa AtmAnam apahnotukAmaH pratyAha, - nAhamasmIti; evamukte 
pratyuta sthito'hamasmi - iti pratipAditaM bhavati, na tvasaMnidhAnam | 
tasmAt abhAvasamAdhyavasthAsu kAryAbhAvAt 
karaNavyApAraviratimAtreNAtmAbhAvapratyayo bhrAntireveti | 
vyAkhyAtametat vRttau

	kAryasaMpAdanasAmarthyam

ityAdinA || 15 ||
	enamevArthaM vizeSayitum Aha |


na tu yo'ntarmukho bhAvaH sarvajJatvaguNAspadam |
tasya lopaH kadAcitsyAdanyasyAnupalambhanAt || 16 ||


vRti: na tu yaH antarmukhaH antazcakrArUDhasvabhAH 
sarvajJatvAdiguNAzrayaH tasya vinAzaH kadAcit, (p. 15) tasmAt 
dvitIyasyAnyasyAbhAvAt tatsvarUpameva vyomavat cidrUpatayA 
sarvatra anubhavati iti || 16 ||

TippaNI: ekaiva pAramezvarI zaktiH saMkocagrahaNopakrame 
svAtmAnaM dvidhA avabhAsya 
jJAnakriyAyugalodbhAvanottaramatyantamarvA -cInapade 
antarbahiSkaraNabhAvamupAzrayate saMkocahAnadazA -
parizIlanAdau vividhIbhUtaM svaM rUpaM pratyAhRtya sarvato 
vimalanabhaHprakhye vitatAbhoge svasmin svAnubhUtipAripUrNya -
camatkRtimAsvadate | tatra vibhinnavibhaktavedyAbhAvAt antarmukha -
tattvasya vilopaH saMbhAvayitumanarho yo bAhyavedyagrahaNA -
grahavadbhiH vyAmUDhaiH pratipadyate, athavA caturthapAdasya 
hetubhAvena prayogaH, yasmAdupalabdhRsvarUpasya viluptau 
vizvamanelamUkaprAyaM syAt vizvavyavahAro'pi vyucchidyeta iti || 16 
||

vivRti: na tu punaH tasya paramArthasataH parasya tattvasya (p. 53) 
kadAcit kasyAcidapi samAdhyAdyupalakSitAyAM kAlakalAyAM 
lopaH svarUpocchedaH syAt upapadyeta; anyasya tadvyatiriktasya 
vedyarUpasya anityasya vastunaH anupalambhanAt anubhavAbhAvAt, na 
hi vedyaM nAsti, vedako'pi nAsti - iti vaktuM zakyam | kasya tasya lopo 
na syAt ? yaH antarmukho vyatiriktabAhyavedyAbhAvAt antaH 
svAtmanyeva mukhaM jJazaktiryasya sa tAdRzo bhAva AtmAkhyaM 
tattvaM, yataH sarvajJatvaguNAspadaM 
sakalavedyavargavedakatArUpasya guNasya dharmasyAspadam 
ananyasAdhAraNam adhikaraNam | idamatra tAtparyam - Atmano 
jJAnakriyAbhedena dvividhA yA zaktiH sA puruSAvasthAyAm 
antaHkaraNabahiSakaraNavyApAroparame sati, 
kevalasvAtmamAtrAbhimukhajJazaktimAtratvenAvaziSyate; tena 
antarmukho bhAva ityuktam | mukhazabdena ca zakteH vyavahAro 
dRSTo yathA pAramezvare (p. 54)

	..........................zaivImukhamihocyate ||

ityAdau | evaM ca vyutthAnAvasare 
tAdRgdazAnyathAnupapattisadbhAvaH | sa bhAvo 
bAhyaviSayAgrahaNamAtravyAmohaiH abhAva iti taiH yogibhiH 
pratipadyate; na tu satatam aviluptajJazakteH tasya bhAvasya 
AtmavilakSaNavastvanupalambhAt kathaMcit lopa upapadyate; tadA hi asau 
svabhAvameva amalagaganatalavat sarvato vyatiriktaM sarvavyApakaM 
citmAtrarUpatayA anubhavati, kevalaM mohaparavazatayA 
vismRtAnusaMdhAyakasvAtmarUpaH tathA na pratipadyate | prabuddhastu 
yathA pratipadyate tathA upAyaM purastAt upadekSyati | vyAkhyAtametat

	na tu yo'ntarmukho'ntazcakrArUDha

ityAdinA vRttau || 16 ||
	iti zrI rAjAnakarAmakRtAyAM vivRtyAkhyAyAM 
spandakArikATIkAyAM vyatirekopapattinirdezo nAma prathamo 
niHSyandaH || 1 ||


vivRti: (p. 55)

atha

vyatiriktasvabhAvopalabdhirnAma

dvitIyo niHSyandaH ||

	evaM yathA pratijJAtaM dehAdivyatiriktamAtmatattvaM 
svAnubhavasiddhayopapattyA vyavasthApya idAnIM 
tadupalabdhyupAyopadezAvasare 
suprabuddhaprabuddhAprabuddhabhedena trividhe lokatantre, kastAvat 
prastutopadezapAtram ? - iti viSayavyavasthApanAya Aha


tasyopalabdhiH satataM tripadAvyabhicAriNI |
nityaM syAtsuprabuddhasya tadAdyante'parasya tu || 2/1 (17)  ||

vRti: tasya cidrUpasya sarvagatasya svasvabhAvasya upalabdhiH triSu 
jAgradAdiSu padeSu nityaM suprabuddhasya bhavati; tadAdyante aparasya 
prabuddhasya svapnasuSuptAdau; jAgratturyau (kh: jAgratturye 
AgamamAtragamye iti; g: svapnasuSuptyAdau 
jAgatturyayostvAgamamAtragamyA iti pAThaH |) tvAgamamAtragamyau 
|| 17 ||


TippaNI: sarvottIrNacinmAtraviSayo vizvamayazakticakraviSayazca - iti 
upakrAntanirvAhyAtmakatayA dvividhopadezasya 
prAyazo'prabuddhaviSaye'nupayogitaiva suprabuddhasyeva padatraye 
svAtmopalabdherayatnasiddhatvAt, prabuddhasya hi padadvayavarti 
sAkSirUpaM prabodhAvasthAyAM parAmRzato 
vizvottIrNaniruparAgacetayitRmAtrasvarUpopalabdhiH 
sauSuptapratyavamRzyA, svapnAvagamyA ca 
vizvamayanirmANavisphuraNazAlinaH kAraNantaranirapekSasya 
sarvakartRtvadhAmnaH svAtmana upalabdhiranAyAsaM siddhyati | 
aprabuddhaH punaryuktisahasrairapi upadezyamAnaM paratattvaM naiva 
pArayati hRdayaMgamIkartum, ato'vaziSTapadadvaye 
vyavahityaparicitibhyAM durbodhasya paratattvasyopadezamapekSate 
ityupadezaviSayavyavasthitiH kevalaM prabuddhasyaiva || 17 ||


vivRti: tasya yathApratipAditasya svAtmana eva paramezvarasya 
upalabdhiH anubhavo nirvikalpA pratipattiH nityaM sarvadA sarvAsu 
anubhavadazAsu suprabuddhasya suSTu prabuddhasya 
dehAdyahaMpratyayadIrghaduHsvapnamayyA (p. 56) mohamahAnidrayA 
manAgapi anAvRtasaMvidaH siddhasAdhyasya samyagdarzinaH syAt 
upapadyate | kIdRzI ? satatam avyavadhAnena tripadAvyabhicAriNI 
triSu jAgarasvapnasuSupteSu padeSu saMvedanabhUmikAsu 
avyabhicAriNI avisaMvAdinI kayAcidapi avasthayA anabhibhUtatvAt 
avyavahitasaMnidhiH | evam etasya suprabuddhasya 
svIkRtasvAtmaizvaryalakSaNaparasiddherihopadezaviSayatvaM nAstyeva 
kRtakRtyatvAt | aparasya tatsamanantarasya dvitIyasya prabuddhasya 
parazaktipAtaprabhAtAlokavilupyamAnamAyAtamisratayA 
samunmiSadvizadavivekacakSuSaH kSIyamANamohavazAt 
avijRmbhamANamohotsAhasaMpadaH tadAdyante teSAM 
jAgarAdInAM trayANAM padAnAm AdibhUtaM yat padaM 
jAgradavasthAtmakaM, tasya antabhUtaM yatpadadvayaM 
svapnasuSuptAkhyaM, tatra tasya (p. 57) Atmatattvasya upalabdhiH syAt | 
vRttikRdabhiprAyAnusAreNa tadAdyantapadasya evaM vigrahaH kRtaH 
yataH

	svapnasuSuptAdau

iti tena etatpadaM vyAkhyAtam | atra ca Adizabdena 
svapnasuSuptAvasthAsaMgRhItasmRtimohAdyavasthAparigrahaH 
tasyAbhipretaH | evaM ca vyAkhyAnasya ayamAzayaH - iha dvividha 
Atmatattvasya upalabdhyupadezaH upakrAnto nirvAhyazca; ekaH 
sarvavyatiriktacinmAtrasvasvarUpaviSayaH; aparo 
vizvAtmakatacchakticakraviSayaH | ubhayarUpopi ayamupadezaH asmin 
suSuptasvapnarUpapadadvaye'pi prabuddhasya prAyazo nopayujyate, 
padatraya iva suprabuddhasya, tattvopalabdheraprayatnasiddhatvAt; yata 
etatpadadvayavartisaMvitpratyavamarzamAtrAdeva 
yathApratipAditaparatattvopalabdhiH svayameva tasya upapadyate, (p. 58) 
tathAhi - yadA vigalitasakalavedyavikalpatvAt niSkalAM [niSkevalAM] 
suSuptAvasthAM prabodhadazAyAm AtmanaH parAmRzati, tadA 
sarvoparAgarahitasvarUpamAtravizrAntanityAviluptacetayitRmAtra-
svabhAvam AtmatattvaM svayameva upalabhate | yadA ca 
tattadvibhinnasvakAraNavirahe'pi 
sphuTatarAvabhAsacetanAcetanavicitrabhAvacakranirmANamayIM 
vinidraH san AtmanaH svapnAvasthAM parAmRzati tadA tenaiva 
dRSTAntena prabodhabalAt paramakAraNasya svabhAvasyaiva 
paramezvarasya 
svecchAmAtravyatiriktakAraNAntaranirapekSasarvakartRtArUpaM 
tattvamupalabhate | aprabuddhasya punaretat prayatnazatairapi 
samarpyamANaM tumbakatoyadravavat nAntaH sparzaM karoti | tadevam 
asmin padadvaye prabuddhasya upalabdhiH syAt - iti pratipAdyate | 
pariziSTe jAgratturyAkhye padadvaye (p. 59) sA asya nAsti - iti arthAt 
uktaM bhavati | ato jAgarAvasthAyAM 
zabdAdiviSayagrahaNavyagrendriyavyApAravyavahitaM, 
turyAvasthAyAM ca lokottaratvAt atyantAparicitaM svayaM durlakSaM 
paraM tattvam iti tadupalabdhau tatra prabuddho'pi upadezamapekSata eva | 
yata Aha vRttikAraH

	jAgratturyau tvAgamamAtragamyau

iti |

	tasya cidrUpasya sarvagatasya

ityAdinA vyAkhyAtavAn vRttikRt etat || 1 ||
	evamupadezaviSayaM vyavasthApya idAnIM pAramezvarasya 
tattvasya sarvavyatiriktatvena sArvarUpyeNa ca dviprakArasya jAgarAdiSu 
caturSvapi padeSu pravibhAgapratipAdanAyAha


	jJAnajJeyasvarUpiNyA zaktyA paramayA yutaH |
padadvaye vibhurbhAti tadanyatra tu cinmayaH || 2/2 (18)  ||

vRti: jJAnajJeyabhedena dvirUpaM [dvirUpe] jAgratsvapnAtmake 
padadvaye saMvedanam, suSuptaturyAtmake padadvaye 
punazcidrUpatvena kevalam anubhavaH, na tu dvitIyamanyatvena 
upalabhyate || 18 ||

TippaNI: paramezvara eva svamAyAzaktimahimnA 
vicitrakSetrajJabhAvena prathamAnaH svavyatirekiNI parAzaktiM 
padadvaye jAgratsvapnAkhye AbhyantarakaraNasukhAdInA 
bahiSkaraNanIlAdinA ca avabhAsya tattaddazAvyavahArAnudbhAvayati 
parantu etadeva zakteH paratvaM - yat zivaprakAzamatirodhAya 
anantavaibhavena sphuraNaM, suSuptaturyayostu 
vibhaktabhinnasaMvedanIyAbhAvAt svAtmani 
samarasIbhUtazaktirIzvara eva prakAzate | bhAvAnAM 
sthairyAsyathairyapratipattivikalpena prathamapadayorbhedaH | aparatra 
cinmAtrarUpasya upalabdhRcamatkRtisadbhAvAsadbhAvAbhyAM 
bhedaH iti caturSu padeSu sarvottIrNatayA sArvarUpyeNa ca 
prakAzavijRmbhaNam || 18 ||


vivRti: (p. 60) vibhuH vyApaka IzvarazcinmAtramUrtirAtmA 
padadvaye jAgarasvapnAbhidhAne paramayA atyadbhUtarUpatvAt 
sarvAtizAyinyA zaktyA nijena sAmarthyena yutaH sahito bhAti 
cakAsti prakAzate | kIdRzyA zaktyA ? jJAnajJeyasvarUpiNyA 
jJAyate'nena iti jJAnaM, bAhyAbhyantaraM karaNacakraM 
grahaNAtmakaM jJaptimAtraM vA, jJeyaM grAhyaM zabdAdi 
sukhAdi ca viSayajAtamanantavizeSaM, tadeva rUpaM vidyate yasyAH 
sA tathA tayA | kimuktaM bhavati ? - paramezvara eva svamAyAvazAt 
nAnAkSetrajJarUpatayAvabhAsamAnaH svAmeva avyatiriktAM 
parAM zaktiM jJAnajJeyabhAvena avabhAsayan 
jAgarasvapnadazAvyavahAramudbhAvayati; etadeva ca asyAH zakteH 
pAramyam - yat svasva vaibhavasvarUpasya 
prakAzamAnatAmatirodadhatI jJAnajJeyamayAnantarUpatayA 
sphurati | bhinne tu abhedAprathanamAtraprANe (p. 61) mAyAtamasi 
vigalitajJAtRjJAnajJeyavibhAgavibhramam ekameva paramArthasat 
citprakAzaikarUpaM 
tAdRksvabhAvAnubhavitRtAmAtradharmalakSaNazaktikaM 
tattvamiSyate, yata Aha tadanyatra tu cinmaya iti | tasmAt uktarUpAt 
padadvayAt anyatra aparatra suSuptaturyAbhidhAne padadvaye cinmayo 
vibhurbhAti cetayata iti cit upalabdhRsvabhAva AtmA IzvaraH 
tanmAtraprakRtiH, tayoH padayorvyatiriktavedanIyAbhAvAt 
niSkalasvAtmamAtravizrAntazaktirIzvara eva prakAzata ityarthaH | 
nanu jAgarasvapnayorjJAnajJeyamayatvena, 
suSuptaturyayozcinmayatvenaiva prakAzanAbhedAt padadvayameva, 
tatkathaM padacatuSTayam iti ? - atra ucyate, jAgarasvapnapadArthAnAM 
sthairyAsthairyapratipattivikalpakRto'sti bheda iti tatpadadvayam; yataH 
IzvaraparikalpitaH sargo jAgarAvasthAyA dRDhatvena (p. 62) 
pratipadyate, svapne tu adRDhatvena kSetrajJaparikalpita ityanayoH 
padayorbhedakAraNam | suSuptAvasthAyAM tu sadapi cinmAtrarUpaM 
tattvaM mohavazAdahamityupalabdhRcamatkAravirahAt asadivAbhAti; 
tasyaiva tu tattvasya paramArthasattayA Atmatvenopalabdhisturyapade; - 
ityayaM suSuptaturyayorbhedaH | tena catvAryeva padAni vizva - taijasa - 
prAjJa - turyAdisaMjJAbhiH zAstrAntareSvapi prasiddhAni |

	jJAnajJeyabhedena dvirUpam

ityAdinA vyAkhyAtametadvRttau || 2 ||
	idAnImuktena prakAreNa prabuddhasyaiva 
upadezyatvamupakrAntaM draDhayitum, aprabuddhAnAM ca 
tatpratiSeddhuM zlokatrayamAha


guNAdispandaniHSyandAH sAmAnyaspandasaMzrayAt |
labdhAtmalAbhAH satatam syurjJasyAparipanthinaH ||  2/3 (19) ||

vRti: (p. 17) guNaspandasya sattvarajastamorUpasya ye niHSyandAH 
pravAhAH, te sAmAnyaspandamAzritya prasRtA api satataM jJasya 
viditavedyasya yoginaH syurbhaveyuH, bhavantyaparipanthinaH 
anAcchAdakAH svabhAvasya || 19 ||

TippaNI: pAramezvaryAnugrahazaktyA 
pratyutpannaheyopAdeyavivekasya nairvikalpikAM pratiSThAmAzritya 
sattarkAgamayuktyabhyAsot -sAhena uccapadArurukSAM parizIlayato 
jJasya sukhiduHkhimUDha -tAdipratyayapravAhAH 
khecaryAdyadhiSThitAH kroDIkRtavizva -spandaM parazaktisphuritaM 
samAzrityaiva labdhasvAtmapratiSThAH svAtmavIryAvirbhAvanAt 
vigalitAvaraNasAmarthyAH paratattvopalambhaM vihantuM na 
zaknuyuriti tAtparyam || 19 ||


aprabuddhadhiyastvete svasthitisthaganodyatAH |
pAtayanti duruttAre ghore saMsAravartmani || 2/4 (20) ||

vRti: svalpaprabodhAMstu (k, kh: alpaprabodhAnAm) svasthiteH 
cidrUpAyAH sthaganaM kRtvA, te guNAH pAtayanti duruttAre asmin 
viSame saMsAravartmani, yatastadAtmakameva nityamAtmAnaM 
pazyanti, na tu zuddhabuddhasvarUpatayA || 20 ||

TippaNI: aprabhuddho vidyamAnamapi svaizvaryaM 
sArvajJAdiguNAspadaM spandatattvamavidan sarvathA paratantraM 
dehAdikameva Atmatvena svIkaroti | ata eva jJAnaguNaprasarAH 
paramAtmasthitiM tirodhApya yAvat prabodhaprAptimaprabuddhaM 
janmAdisrotasyAvartayantyeva - ityataH prabuddhasyaivopadezyatA 
nirUDhadraDhimA, aprabuddhaviSaye vihitaniSedheti bhAvArthaH || 20||


p. 18) ataH satatamudyuktaH spandatattvaviviktaye |
jAgradeva nijaM bhAvaM na cireNAdhigacchati* (gh: 
bhAvamacireNeti zodhitaH pAThaH |) || 2/5 (21) ||


(* vivRti: bhAvamacireNAdhigacchati)
vRti: ataH satataM sarvakAlaM yaH karotyudyogaM spandatattvasya 
svarUpAbhivyaktyarthaM, sa jAgradavasthAyAmeva nijamAtmIyaM 
turyabhogAkhyaM svabhAvam acireNaiva kAlena prApnoti 

TippaNi: prakRtazlokanirdiSTahetoH 
prabuddhasyAtmIyaparamArthasattAyAH 
adhigamo'nativilambenaivetyarthaH || 21 ||


vivRti: (p. 63) ataH prastutavyAkhyAnazlokatrayanirdiSTAt hetoH 
jAgradeva prabuddha eva nijaM bhAvam AtmIyAM pAramArthikIM 
sattAm acireNa alpIyasA kAlena adhigacchati samyag upalabdhyA 
svIkaroti | evakAreNAprabuddhaM vyavacchinatti | kIdRzaH 
sannadhigacchati ? - spandatattvaviviktaye satatamudyuktaH spandasya, 
parasya zAktasya tattvasya upacaritasAmAnyavizeSAtmakatayA 
dviprakAratvena vyAkhyAsyamAnasya, yattattvaM paramArthaH 
yathAkramamupAdeyatayA heyatayA ca nizcitaM rUpaM, tasya viviktaye 
vivekAya pRthakkaraNAya, eSa upAdeyatamaH (p. 64) 
paramakAraNabhUtasya satyasya AtmasvarUpasya - ayamahamasmi, ataH 
sarvaM prabhavati, atraiva ca pralIyate - iti pratyavamarzAtmako nijo 
dharmaH sAmAnyaspandaH; tathaite atyantaheyA vizeSaspandA 
anAtmabhUteSu dehAdiSu AtmAbhimAnamudbhAvayantaH 
parasparabhinnamAyIyapramAtRviSayAH - sukhito'haM duHkhito'ham - 
ityAdayo guNamayAH pratyayapravAhAH saMsArahetavaH; - iti 
vibhAgAya satataM sarvAsu avasthAsu avyavadhAnena udyuktaH 
uktavakSyamANopapattyupalabdhyupAyapratipattyabhivyajyamAna - 
svabalavRMhaNatvAt avyAhatotsAhAdhyAsitaH 
[avyAhatotsAhamadhyavasitaH] | etena prabuddha eva 
upAyaparizIlanaikatAnaH san acireNa svarUpamupalabhate nAnyaH, - iti 
pratipAditam | kuto hetoH sa evAdhigacchati nAnyaH ? ityAha - 
guNAdispandaniHSyandA ityAdi yato guNAdispandaniHSyandA 
jJasyAparipanthinaH syuH iti saMbandhaH | spandAnAM 
kSetrajJajJAnAdizaktInAM, (p. 65) niHSyandA 
nAnArthaunmukhyena prasRtAH pravAhA bhinnAH pratyayAH 
spandaniHSyandAH guNA AdayaH prathame pradhAnaM yeSAM te 
guNAdayaH, sukhAdyAtmakatvena sattvAdimayAH guNAdayazca te 
spandaniHSyandA, - ahaM sukhI, duHkhI, mUDhaH - ityAdayo 
jJAnabhedAH | kiMrUpAH ? sAmAnyaspandasaMzrayAt 
labdhAtmalAbhAH sAmAnyasya 
sarvavyApakasyAntarlInAnantavizeSaspandasya parasya zaktisphuritasya 
saMzrayAt samyak ananyazaraNatayA zrayaNAd bhajanAddhetoH 
labdhAtmalAbhAH labdha AsAditaH tena tena bhinnenAkAreNa 
AtmanaH svasvarUpasya lAbha udayo yaiste tathAvidhA 
guNAdispandaniHSyandAH jJasya 
paramezvarAnugrahoNoditaheyopAdeyapratyayapramAtRbhAvasya 
[paramezvarAnugrahodita-], sAmAnyaspanda eva 
paramezvaramukhyazaktitvena (p. 66) pratiSThitanirvikalpapratipatteH 
sukhAdyupAdhyuparAgajanitAnyonyabhinnarUpebhyo vizeSaspandebhyo 
vyAvRttasvazaktyabhimAnasya 
uktavakSyamANayuktyabhyAsanityodyogena vijigISamANasya 
aparipanthinaH syuH svabalAvirbhAvAt 
pratihatasvabhAvAvaraNasAmarthyAH santaH apratidvandvinaH 
saMpadyeran, paratattvopalabdhyutsAhaM nihantuM na prabhaveyuriti 
yAvat | idamatra tAtparyam - ye kecana yasya kasyacinmAyIyasya 
pramAtuH sukhAdyAtmakatvAt guNamayAH spandaniHSyandAH 
pratyayasaMdhAnAH prasaranti te sarve ekameva 
sAmAnyaspandamAzritya taM tamAtmAnaM pratilabhante; prabuddha 
eva tu tadudayAbhijJaprajJApAtram; atastasya nityodyoginaH sataH ete 
prayogino bhavituM na prabhavanti | ye (p. 67) tvaprabuddhAH tairete 
durnivAraprasarAH, ityAha - aprabuddhadhiyastu ityAdi, - aprabuddhA 
pAramezvaraparAnugrahavirahAdavigalitagADhAjJAnanidrA dhIH 
prajJA yeSAM te tathA, tAn punaramI yathAvyAkhyAtA 
guNAdispandaniHSyandA ghore vibhISikAzatasaMkulatvAd dAruNe, ata 
eva duruttAre durlaGghye saMsAravartmani janmAdiprabandhamArge 
pAtayanti tatrAnavarataM bhrAmayanti | kIdRzAH santaH | - 
svasthitisthaganodyatAH svasmin paramAtmani 
sAmAnyaspandamAtrakarmake sthitirnirvikalpapratipattiprabhavA susthirA 
pratiSThA tasyAH sthagane sadya eva AcchAdane udyatA 
gRhItodyogAH pratipakSabhUtasya prabodhasyAbhAvAt 
labdhaprasaratvAdevamupacaritAH | kim uktaM bhavati ? - yathA 
kAMzcid rAjAdIn (p. 68) pramAditvAdyavasthAsattvAt sadapi 
sainyAdisvasAmarthyaM sattvenApratipadyamAnAn antaraprekSiNo 
vipakSAH svapadavyaparopaNabaddhAbhiyogA mahati vyasane pAtayanti, 
A svasAmarthyasadbhAvapratipatteH | evamaprabuddhasya 
sarvakartRtvAdilakSaNaM nijaM mahimAnaM sAmAnyaspandarUpaM 
vidyamAnamapi apratibuddhyamAnasya sarvakAryaparatantraM 
dehAdisargamevAtmatvenAvagacchata ete labdhaprasarAH sukhito'ham 
ityAdayo guNapradhAnAH pratyayapravAhAH satye svAtmani sthitiM 
vyavadhAya saMsAramevAsAdayanti, A prabodhaprApteH, - iti 
prabuddhA evAsyopadezasya viSayA nAprabuddhAH | teSAM hi 
kathaMcid gRhItamapyupadezavacanaM 
nizcAyakapratipattizithilaprajJatvAnnAntarvizrAmyati | yathoktaM 
kenApi

	jJeyatvamapyupagatA hRdaye na roDhuM
		zaktAH pramUDhamanasAmupadezavAcaH |
	ArdratvamAdadhati kiM nalinIdalAnAM
		zliSTA nirantaratayApi nabho'mbudhArAH ||

(p. 69) iti | tatra

	jAgradavasthAyAmeva

iti vRttigranthaH, prakRtAnusAreNa prabuddhAvasthAyAm, - iti 
boddhavyam | yadi vA satatodyuktapadena prabuddhasvIkAre sati 
satatodyuktaH prabuddho vakSyamANopadezakrameNa 
jAgradavasthAyAM vyavahAradazAyAmeva nijaM bhAvamadhigacchati, 
- iti vyAkhyeyam | vyAkhyAtametat zlokatrayaM vRttau vibhAgena 

	ataH satataM sarvakAlaM yaH karoti

ityAdinA | tathA

	guNaspandasya sattvarajastamorUpasya

ityAdinA | tathA

	svalpabodhAMstu

ityAdinA granthena || 3 || 4 || 5 ||

	evaM prabuddhasyaiva jAgaraturyapadayorupadezyatve 
vyavasthApite sarvazarIrisAdhAraNajAgradvRttyantaralInAmeva 
tAvatparatattvopalabdhimupadeSTumAha


atikruddhaH prahRSTo vA kiM karomIti vA mRzan |
dhAvan vA yatpadaM gacchet tatra spandaH pratiSThitaH || 2/6 (22) ||

vRti: tasya ca spandatattvasya atikruddhe prahRSTe dhAvamAne (p. 19) ca 
kiM karomi, - ityevaM cintAviSTe yadA zaktipratyastamayaH, tadA 
spandatattvasya sphuTa evodayo gurUpadezAt adhigantavyaH || 22 ||

TippaNI: tIvrataropadravadviSaddarzanAdau 
mRtapratyujjIvitapriyAsaMga -mAdau balavadabhiyuktatAyAM ca 
tatpratIkArakiMkartavyatA -vicAraNe'pi nirAlambanacittavRttitayA 
tattaddharSAdivyaJjakavas -tUtpatteH prAgeva 
samudbhUtamAtrasthAyibhAvasya pratiSThita -spandasyopalabdhiH | 
evaM karmendriyavyApRtivizeSe'pi aizvara -rUpasamAvezaH || 22 ||
	
vivRti: (p. 70) sAmAnyavizeSabhedena pratiSThitApratiSThitarUpatvAt 
spandasya dvaividhye sthite, upAdeyaH pratiSThitaH spandaH tatra pade 
upalabhyate iti saMbandhaH | yaH 
pratiSThitazcalatvavyapadezahetusukhitvAdyanityavizeSaspandAviSayatv
AdaprakampasthitiH [-hetuH sukhitvAdya-] svabhAvamAtrAdhAraH 
sAmAnyarUpo mukhyaH spandaH 
pratyastamitasamastavizeSazakticakraparamAtmadharmaH, sa tatra tasmin 
adhunaiva nirdizyamAne pade upalakSaNIyaH | kasmin ? yatpadam 
atikruddho gacchet pratyagrakSata - dAruNopadrava - 
dviSaddarzanAdinA tIvratarakopAviSTaH tajjanyavikArAvasthAyAH 
prAgeva jhaTiti jAtamAtrakrodho yatpadaM yAM bhUmikAM gacchet 
manasA AsAdayet; tathA atiprahRSTo yatpadaM gacchet 
mRtpratyutthitaprANasamapramadAdidarzanAdinA prahRSTaH 
prakRSTena parameNAtizayena hRSTaH pramudita AnandanirbharaH, 
tathaiva utpannamAtraharSo yatpadaM gacchet; tathA kiM karomi iti (p. 
71) mRzan yat padaM gacchet; kruddhena rAjJA ripuNA vA 
balavatAbhiyuktastatpratIkArAya kartavyanizcayamalabhamAnaH 
kevalaM kiM karomi kimupAyamatrAvalambeya - iti pratipattimUDha eva 
mRzan vikalpayan nirAlambanacittavRttiryAM bhUmikAmadhitiSThet 
tatra pratiSThitaspandopalabdhirityarthaH etena prakAratrayeNa duHkha - 
sukha - mohAtmaviSayagrahaNarUpAntaHkaraNavyApAramayajAgrada-
vasthAviSayeNa evaMvidhAni prakArAntarANi saMgRhItAni 
veditavyAni | tena atikruddhavat azaGkiteSTajanavinAzazravaNAdinA 
kAraNena atizokAviSTo'pi zokavyaJjakAsrupralayAdivikRteH prAgeva 
samunmiSitamAtrazoko yatpadaM gacchet; tathA akasmAt 
kupitakRSNoragavyAghrAdigrAsagocaragamanAdinA nimittena atibhItaH 
tathaiva sadyaH samudbhUtamAtrabhayo yatpadaM gacchet; 
tathAtyantajugupsAspada (p. 72) padArthadarzanAdihetunA 
jAtamAtrajugupso yatpadaM gacchet, tatrApi pratiSThitaspandopalabdhiH, - 
ityupadiSTaM bhavati; krodha - zoka - bhaya - jugupsAbhedena 
caturvidhasya duHkharAzeH atikruddhazabdena upalakSitatvAt | tathA 
prahRSTavannijavIryabalasaMpattisaMbhAvanAdihetunA suduSkaramapi 
kAryaM nirvartayituM nirvikalpameva utsahamAno jhaTiti yatpadaM 
gacchet; tathaiva adRSTapUrvaparamaramaNIyAdipadArthadarzanAdinA 
sapadi ativismayAviSTo yatpadaM gacchet; tathA kuhanAdinA kAraNena 
utpannamAtrAtihAso yatpadaM gacchet, tatrApi 
pratiSThitaspandopalabdhiH, - ityupadiSTaM bhavati; harSotsAha - vismaya 
- hAsabhedena catUrUpasukharAzeratiprahRSTazabdenopalakSitatvAt | 
tathA kiMkartavyatAmUDhavat dUratvAdinA 
dRSTArthanizcayAvadhAraNAbhAvAt saMzayAviSTo yatpadaM 
gacchet, tatrApi pUrvavadupalabdhiH, - ityupadiSTaM bhavati; 
vismaraNAdidazAsu tattvApratipattilakSaNasya (p. 73) bahuvidhasya 
moharAzeH kiMkartavyatAmUDhabhAvena upalakSaNAt | 
evamantaHkaraNavyApArarUpajAgradavasthAzrayaM 
paratattvopalabdhyupAyamabhidhAya, 
buddhindriyavyApArarUpajAgradavasthAzrayasya asya yathA 
hyartho'sphuTo dRSTaH (Sp kA 4/6) ityatra 
prasaGgAdvakSyamANatvAt; saMprati 
karmendriyavyApArarUpajAgradavasthAzrayaM taM padaM 
pratipAdayitumAha - dhAvanvA yatpadaM gacchet tatra iti, tatra 
tasminnapi pade pratiSThitaspandopalabdhiH | tatra hi 
icchAprayatnajJAnakriyAdi vRttInAM vibhAgAgrahaNAd 
advayezvararUpAbhivyaktiH | tathA hi - dhAvataH pratipadaM 
padojjihirSoddhAraprayatnadezAvadhAraNapadavinyAsakriyAdiSu 
vRttivizeSeSu satsveva anavadhAryamANavibhAgatvAt asatsviva saMvit 
avibhAgaparasvabhAvamAtrapratiSThitA bhavati, tadA paravaza eva 
pumAnaizvaraM rUpamAvizati | etadapi 
vAgAdikarmendriyavyApAropalakSaNArthaM veditavyam | tena 
dhAvadvad (p. 74) aticaturavarNasvaroccAravyagravAgvRttirapi yatpadaM 
gacchet, tathA 
vINAveNuvAdanAditvaritataravyApAryamANakarAGgulikalApo 
yatpadaM gacchet; tatrApi pratiSThitaspandopalabdhiH, - ityupadiSTaM 
bhavati; sarvakarmendriyavyApArANAM dhAvatpadena upalakSaNAt | 
yathA hyartho'sphuTo dRSTa ityAdi zloke 
buddhIndriyavyApAragatAm etAmupalabdhiM darzayiSyati | yadyapi ca 
sarvasya prANabhRtaH sarvAsu avasthAsu sarvendriyavRttayo na antareNa 
nityoditapratiSThitaspandaprakAzaparisphuritasamApattim unmiSitumeva 
prabhavanti, tathApi mAyAzaktyudbhAvitabhedAvabhAsabalAt 
nAnAtvena ullasadbhiH anantaiH jJAnakriyAvizeSaiH vyavadhIyamAna 
ivAsau pratiSThitaH spandaH prabuddhasyApi upalabdhigocaratvaM 
gamayitumazakya, - iti tadupalabdhiyogyAH kAzcideva atikruddhatvAdayo 
dazA upAyatvena saMgRhya upadiSTAH | etAzca prabuddhasya 
pratyavamRzyamAnAH sadyaH pratiSThitaspandopalabdhyupAyatAM (p. 
75) bhajante, na tu anubhUyamAnAH; sA hi avasthA duHkhAdimayyeva | 
tato niSkrAntastu prabuddha upadezabalAd 
upajAtatAdRzAtmasvarUpavivecanakSamaprajJAtizayaH 
spandatattvamanubhavati; yadanuzIlanaikAgryAt krameNa 
suprabuddhapadavImadhirUDhaH sarvatra anubhaviSyati, - iti | vivRtametat

	tasya ca spandatattvasya

ityAdinA vRttau || 6 ||
	atha jAgradvRttyantarlInaturyadazAgatasvabhAvopalabdhaye 
zlokatrayamupAyopadezamAha, tatra yugalakaM tAvat


yAmavasthAM samAlambya yadayaM mama vakSyati |
tadavazyaM kariSye'hamiti saMkalpya tiSThati || 2/7 (23) ||

vRti: yAM spandasvarUparUpAmavasthAmavalambya yatkiMcit ayaM 
mama vakSyati, tat avazyaM kariSyAmi - ityadhyavasoyana 
(adhyavasAyenetyato'nantaraM; kh, gh: 'vartate tathAvidhAdhyava -
sAyena' itI yAnpATho'dhiko'sti |) spandatattvamadhiSThAya yo vartate || 
23 ||

TippaNI: atra sAmalambanakriyAtaH pUrvabhAvini kriyAntare 
paritiSThitavA -kyasyAyamAzayaH - yathA 
prabhorAjJAnirvahaNe'vahitamanaska -tayA sarvA vRttayo vilInAH 
saMpadyante, nistaraGgadazA codeti | evaM sarvAtmanA 
samastAnyakaraNIyatAM parihRtya spandadazA -
vadhAnaniviDAvamarzasyAbhyAsAt paratattvopalabdhiriti || 23 ||


tAmAzrityordhvamArgeNa somasUryAvubhAvapi* |
sauSumne'dhvanyastamito (kh, g: astamitau) hitvA 
brahmANDagocaram || 2/8 (24) ||


(* vivRti: candrasUryAvubhAvapi)
vRti: (p. 20) tasya, tAmavasthAmAzritya puruSasya, somasUryau dvAvapi 
sauSumne adhvani madhyanADyabhidhAne, astamayaM kurutaH; 
brahmANDagocaraM zarIramArgaM parityajya yoginaH || 24 ||

TippaNI: somasUryAvityasya tAtparyamidam | spandadazAmAzritasya 
manaH prANau madhyanADyAM lIyete | saMvideva yathottaraM saMkoca 
-grahaNena saMkucitA jJAnakriyAzaktibhAvaprAptipUrvaM manaH - 
prANaprasararUpatAmApadyate | pratyAharaNakASThAdhirohaNe 
ubhAveva jJAnakriyAzaktimayAvubhayavidhameva heyopAdeya -
viSayavedanaM nADIsaMcAraNAtmakAryamapi parihAya sAmAnya -
maulikarUpaM pratyApadyete iti || 24 ||

vivRti: tAM yacchabdopalakSitavAkyanirdiSTAm avasthAM (p. 76) 
dazAm Azritya AsAdya puruSasya candrasUryau manaHprANau 
dvAvapi yugapadeva astamitaH pralIyete | kiM kRtvA ? 
tAdRgdazAzrayaNasAmarthyAdeva brahmANDagocaraM hitvA 
yadantastadbahiH - iti brahmANDaM zarIraM sa eva gocaraH 
svaprasarAdhikaraNaM, taM hitvA tyaktvA 
saMvedyatAbhAvAdatikramyetyarthaH | kena pathA astamitaH ? 
UrdhvamArgeNa sarvAtiriktena alaukikena vartmanA | tathA ca - 
candrazabdapratipAditA manaHprasararUpA jJAnazaktiH idaM 
heyamidamupAdeyam - iti dvidhA saMsAragocaraiva, AlambanIyaM 
nijaM viSayamatItya tasyAM dazAyAM madhyasthatAM prApya 
svakAraNa eva astameti; tathA sUryazabdoditA prANaprasararUpA 
kriyAzaktiH nAnAnADIsaMcAralakSaNAM kusRtimakhilAM 
khilIkRtya sAmAnyaprANarUpatAmApannA lokAtiriktena pathA 
svapada eva zAmyati | tataH sauSumne'dhvanyastamita  ityAha - 
suSumanAbhidhA zarIramadhyamadhyAsitA yA nADI (p. 77) tadIye 
adhvani parasyAH pAramezvaryAH zakteH pravahaNamArge 
prazAmyataH; jJeyakAryoparAgaparityAgAt 
parazaktirUpatAmApadyete, - iti yAvat | kAM tAM dazAmAzritya ? 
ityAha - yAmavasthAM samAlambya 
samyaktyaktasamastavastuvyApRtistimitasarvazaktitayA avalambya 
avaSTabhya kasmiMzcidavasare puruSastiSThati | kiM kRtvA ? 
samAlambyeti, samAlambanakriyApUrvabhAvikriyAntaraniSThaM 
vAkyamAha - iti saMkalpya iti, ityevaM saMkalpaM kRtvA | kathaM 
yadayaM mama vakSyati tadavazyaM kariSye'ham iti, yasya 
AjJAtikramAt sadya eva prANAtyayAdiranarthaH samApatati, so'tra 
rAjAdiH ayam iti nirdiSTaH, ayaM yad vastu mama kartavyatayA 
vakSyati jalpiSyati tadavazyaM sarvAtmanA 
parihRtasamastAnyakaraNIyo'haM kariSye saMpAdayAmi, - iti 
yugalakasya vAkyArthasaMgatiH | idaM tu tAtparyam - kenacitkAraNena 
avazyakaraNIyavacasA prabhaviSNunA kArayitavyavastuvivakSayA (p. 
78) AkSiptasya puMsaH tadvacanazuzruSAmAtraniviDAvadhAnatvAt 
samastavRttipratyastamaye sati, saMvit turIyAM dazAm 
avazyamevAvizati, tatpratyavamarzAbhyAsAt paratattvopalabdhiH, - iti | 
atra brahmANDagocarazabdena zarIrAkAzasya 
candrasUryazabdAbhyAM manaHprANaprasarayozca pratipAdanam | 
prayojanam | anena upadezena 
pratyabhijJApitaturIyadazApratyavamarzAbhyAsakASThAdhirohiNaH 
prabuddhasya 
nikhilabAhyAbhyantarAdhvAtikrAntaparamapadavizrAntilAbhaH, - iti | 
vyAkhyAtametat pRthak vRttikRtA

	yAM spandarUpAmavasthAm

ityAdinA

	tasya tAmavasthAm

ityAdinA ca granthena || 8 ||
	nanu evaMvidhA dazA sarvasya kasyacitkathaMcit upajAyata eva, 
tatkimupadezena - ityAha 

tadA tasminmahAvyomni pralInazazibhAskare |
sauSuptapadavanmUDhaH prabuddhaH syAdanAvRtaH || 2/9 (25) ||

vRti: tasmin mahAvyomni pratyastamitazazibhAskare yasya 
svasvabhAvAbhivyaktiH na samyak vRttA, sa (p. 21) svapnAdinA 
muhyamAno'prabuddho niruddhaH syAt; prabuddhaH punaranAvRta eva 
bhavati || 25 ||

TippaNI: paramAkAze samastajJeyakAryANAMvilInaprAyatvAt 
mUDhA -nAM varNitapUrvA turyadazA sauSuptapadavat 
zUnyarUpA, IzitRzaktipAtena samuditajJAnadRSTInAM 
punastasyAM dazAyAmanubhUyamAnaturyacamatkRtirnirAvaraNaM 
nirbhAsate iti tatra dazAyAM yathAkathaMcit 
sarveSAmupajAyamAnAyAM satyAmapi upadezanirapekSaNaM 
tamaHpadapravezAnarthaH syAt tatparihArAyopadezasya sApekSateti || 
25 ||


iti zrIkallaTAcAryaviracitAyAM spandakArikAvRttau svarUpaspandaH 
prathamo niHSyandaH || 1 ||

vivRti: (p. 79) tadA tatra tAdRzadazAviziSTe kAle 
sauSumnAdhvazabdapratipAdite mahAvyomni paramAkAze 
samastavedyavyatiriktasvarUpatvAt 
zabdaguNAtmakabhUtAkAzasvarUpavailakSaNyAcca 
mahAvyomazabdapratipAdite svasvabhAva eva, kIdRze ? 
pralInazazibhAskare 
pratyastamitasamastajJAnakriyAprasaraprapaJce, mUDhaH 
paramezatigmarazmiparamazaktyaMzusparzAbhAvAd 
anidrANapazupratyayanidrAvasAdaH sauSuptapadavat syAt 
suSuptAvasthAyAmiva bhavet | yathA suSuptAvasthA 
pralInAkhilavedyaprapaJcarUpApi aprabuddhasya tatkAlam 
anubhavasAmarthyAbhAvAt mohamayyeva, tathA eSA turyadazApi 
mohAtmikaiva | prabuddhaH punarIzvarazaktipAtaprabhAvAt 
prakarSeNa lokAtiriktAtizayena buddhaH pratyuditasamyagjJAnadRSTiH 
tAdRgdazApratyavamarzAvasarAnubhUtaturyAbhogaH anAvRto 
dehAdyavacchinnAhaMpratyayarUpeNa (p. 80) AvaraNena viyuktaH syAt 
saMpadyeta | tadetat

	tasminmahAvyomni

ityAdianA granthena vyAkhyAtaM vRttau || 9 ||
	evaM dehAdivedyavargavyatiriktatvena 
sarvadazAnusyUtopalabdhRmAtralakSaNaikasvabhAvatvena ca 
upapAditasya pratipAditopalabdhyupAyasya svAtmana eva zaMkarasya 
yatsAmarthyaM tadeva 
avazyakaraNIyazAstracoditakriyAsAdhanabhUtAnAM mantrANAM 
vIryam - iti prabuddhameva upalabdhatAdRgAtmasvabhAvaM prati 
upadeSTuM yugalakamAha


atha sahajavidyodayAkhyo dvitIyo niHSyandaH |


tadAkramya balaM mantrAH sarvajJabalazAlinaH |
pravartante'dhikArAya karaNAnIva dehinAm || 2/10 (26) ||

vRti: tat balaM nirAvaraNacidrUpamadhiSThAya, mantrAH 
sarvajJatvAdinA balena zlAghAyuktAH pravartante anugrahAdau 
svAdhikAre | karaNAni yathA dehinAm, nAnyena AkArAdivizeSeNa || 
26 ||
 
TippaNI: zAktabalAkramaNAdeva niyantritetikartavyatAsacivA 
mantrAH prANabhRtkaraNavat yathAsvaM 
pratiniyataprayoktavyakAryasiddhiSu apratihatazaktayaH, tadvinA 
tRNamAtramapi kubjayitumasamarthAH, niyatizaktibalAt 
bhinnabhinnaniyogebhyaH pravartante na sarve sarvebhya iti bhAvaH || 26 ||


tatraiva saMpralIyante zAntarUpA niraJjanAH |
sahArAdhakacittena tena te* zivadharmiNaH || 2/11 (27) ||


(* vivRti: tenaite)
vRti: (p. 23) tatraiva svasvabhAvavyomni nivRttAdhikArAH pralIyante, 
zAntarUpAH, mAyAkAluSyarahitAH, saha sAdhakacittena; anena 
kAraNena zivasaMyojanAsvabhAvena, iti zivAtmakA ucyante (gh: iti - 
zabdAnantaraM te iti padamapyasti |) || 27 ||

TippaNI: idamatra tAtparyam - 
zivazaktireva mantrasaMnivezAdirUpadhAriNI udayAstamayadazayoH 
zivAbhedavattvAt, yatra yatra zivAbhedavat -tvaM tatra tatra 
zAktarUpatvaM, yathA saMkalpasvapnapurAdiSu, - iti vyAptyAdinA 
sudRDhapratipattermantravIryAnabhijJasya bhedavibhra -mAt 
niyatasAdhyasAdhanAya paryavasAyinaH prabuddhasya punarmantrAH 
sarvArthasAdhanAdhikAriNo bhavanti; na kevalaM mantrA eva, 
yAvallaukikabhASAmAtramapi amoghamantrabhAvamupa -gacchati - 
ityanena kriyAjJAnaM kAryaM jJeyaM vA vastu 
zivadharmakamevetyupalakSyate || 27 ||

vivRti: (p. 80) tena prastutavyAkhyAnena hetunA ete mantrA 
ArAdhyadevatAvAcakA varNAdisaMnivezAH, zivadharmiNaH 
zivasya paramezvarasyAnanyasAdhAraNaH sarvajJatvAdirguNo 
dharmaH sa vidyate yeSAM te tathA, zivAdabhinnasvarUpA ityarthaH | 
kena hetunA ? - yataH tat samanantarapratipAditasvarUpasya zivasya 
saMbandhi balaM sAmarthyaM zaktim Akramya 
uccicArayiSAvasthAyAM tadabhedopapattyA svIkRtya 
sarvajJabalazAlinaH sarvajJasya zivasya balena zaktyA 
zlAghamAnA santaH adhikArAya pravartante yathAsvaM 
pratiniyatakAryasaMpAdanasvasAmarthyaM [-svAmyArthyaM] prasaranti 
| ete hi anAsAditaparamezvarAbhedadazA 
utpAdavinAzadharmakavarNamAtrAtmakAH tRNamapi 
kubjayitumazaktAH; uktabalAkramaNena tu niyatetikartavyatAsahAyA 
dIkSAdivRzcikaviSAkarSaNAntaparAparasvakAryasaMpAdanAdhi-
kArApratihatazaktayo bhavanti | yadyevaM 
sarvamantrANAmuktabalAkramaNalakSaNavIryasAmyaM, tat 
kathameSAM bhinnAdhikAritvaM, sarve sarvArthasAdhanAdhikRtAH 
kathaM na bhaveyuH ? - ityatra 
paramezvaraparikalpitaniyatiniyantritatvameva (p. 82) hetuM 
pratipAdayitumupamAnamAha - kathamete mantrA niyatAdhikArAya 
pravartante sAdhakAnAM ? - dehinAM karaNAnIva yathA hi 
dehAdimAtrAnityavastuvyavasthitAtmAbhimAnAnAM 
sarvazarIrabhRtAM karaNAni indriyANi yataH karaNavargo'yam 
ityatra pratipAditayuktyA paramezvarAdeva 
cetanatvApAdanahetupravRttyAdilAbhasAmye satyapi karaNAni 
tatparikalpitaniyatizaktibalAt 
zabdAdiviSayaprakAzanamAtraparyavasitasAmarthyAni yathAsvaM 
pRthakpRthagadhikArAya pravartante na sarvANi sarvasmai?; tathaivaite 
mantrAH sAdhakAnAM svIkRtaparasvabhAvAhaMbhAvapratipattInAM 
yathAniyamitAdhikArAya pravartante, tasmAt karaNavat 
sarvajJabalazAlino'pi mantrA niyatAdhikArA eva | tatazca 
zivadharmiNo mantrA yatkRtAdhikArAH santo niraJjanA aJjanAt 
vAcyoparAgarUpAt malAt varNAdirUpabhAvanAtmakAdvA 
niSkrAntAH; ata eva zAntarUpAH zAntaM zuddhaM 
saMvinmAtrAvazeSatvAt (p. 83) nirvikAraM rUpamAtmA yeSAM te 
tAdRzAH santaH tatraiva zive paramakAraNe svasvabhAve 
saMpralIyante tadaikyamupagacchanti | kena sAkam ? ArAdhakacittena 
saha sAdhakamanasA sAkaM | tasyAM hi 
dazAyAmabhisaMdhyupAdhivirahAt svAbhAvikamAtrAvazeSaM yat 
sAdhakacittaM tena sAkam | kimanena tAttvikamantravIryaM 
pratipAditaM bhavati ? tadidaM bhavati - mantracetasoH 
udayAstamayadazayoH paramakAraNAt zivAdabhedaH, - iti 
mantrAtmakatayA sAdhakacittAtmakatayA ca zivazaktireva 
varNasaMkalpAdirUpadhAriNI uditA satI, saMprati 
anAsAditasvasvabhAvabalasparzapratipattInAM sAdhakAnAM 
bhedavibhramamutpAdayantI niyatArthasAdhanAdhikArAya paryavasyati | 
yastu yathApratipAdite svasvabhAve eva sudRDhAtmapratipattiH, tasya 
udayAstamayajJasya sarvamantrAH (p. 84) sarvArthasAdhanAdhikAriNo 
bhavanti tattaditikartavyatAsAhityaniyamAdyapekSAM vinA; AsatAM 
vA mantrAH, yadyadvacanaM yena yenAbhisaMdhinA uccArayati tat 
tasyAmoghamantratAmApadyate, - iti svabhAvabalAkramaNenaiva 
[svabhAvabalAkramaNameva siddhaM svato mantrANAM vIryaM 
pratyavamraSTavyaM yoginA, - iti tAtparyArthaH | upalakSaNArthaM 
mantavyaM caitat | uktopapattyA na kevalaM mantrA eva zivadharmiNo, 
yAvanna kAcitkriyA jJAnaM kAryaM jJeyaM vA vastu saMbhavati, 
yat paratattvAbhedApattilabdhAtmakaM sat zivAtmakameva na bhavati, - 
iti samanantarameva vakSyati | vyAkhyAtam etat vRttau 

	yadbalaM nirAvaraNacidrUpam

ityAdinA || 11 ||

iti rAjAnakazrIrAmaviracitAyAM spandavivRtau 
vyatiriktasvabhAvopalabdhirnAma dvitIyo niHSyandaH || 2 ||


atha

vizvasvabhAvazaktyupapattirnAma

tRtIyo niHSyandaH ||

	idAnIM pakSAntaropanyAsabhaGgyA 
prakaraNArambhazlokAparArdhapratijJAtaM svasvabhAvasyaiva 
zivasya vizvavyaktimayazakticakravibhavanazIlatvamavasaraprAptam 
upapattyupalabdhibhyAM nirvAhayituM zlokatrayamAha


yasmAtsarvamayo jIvaH sarvabhAvasamudbhavAt |
tatsaMvedanarUpeNa tAdAtmyapratipattitaH || 3/1 (28) ||

vRti: sarvAtmaka evAyamAtmA sarvabhAvotpattidvAreNa 
[sarvAnubhAvo-] (ayamiti padaM; gh: pustakAdupanyastam |) (p. 24) 
anubhUyamAnasyaiva saMvedanAt bAhyArthamanubhUya -mAnameva 
zarIratvena gRhNAti, na tu ziraH pANyAdilakSitam (kh: 
pANyAdirakSitam; g: pANyAdilakSaNam) ekamevAsya zarIram || 28 ||

TippaNI: saMcetyamAnaM pratyekaM vastu vastuto vijJAnino jIvasya 
svAGgakalpameva - iti na kevalaM bhUtAtmakamevAsya vapuH, 
yAvadbhAvAtmakamapi | ghaTasukhAderbhAvasya hi saMvedanaM 
samutpattiH, saMvedyamAnataiva tatsvarUpapratiSThA 
asaMvedyamAnasya svapratiSThAnAsAdanAt ityato jIvAdapi 
sarvavastusamutpAdaH | tasmAtso'pi vizvamayaH | avacchinnAhaM -
kRtipadaM ziraHpANyAdimaccharIraM bhUtAtmakaM, bhAvAtmakaM 
tu zabdAdiviSayasaMvedyam || 28 ||


tena zabdArthacintAsu na sAvasthA na yaH* zivaH |
bhoktaiva bhogyabhAvena sadA sarvatra saMsthitaH || 3/2 (29) ||

(* vivRti: yA)
vRti: tena tathAvidhena sarvAtmakena svabhAvena, zabdArthayoH 
cintAsu na sA avasthA yA zivasvabhAvaM na vyaJjayati (g: zivaM na 
vyaJjayati), ato bhoktaiva hi bhogyabhAvena sarvatrAvasthito, na tvanyat 
bhogyamasti || 29 ||

TippaNI: proktavizvamayatApratipattyA vAcyavAcakAtmasu 
SaDadhvajAteSu yA kAcit saMvittipravAhapaddhatiH sA 
paraprakAzAtmazivamayyeva, tasmAt grAhakAtmA paramezvara 
evecchAdicakrapreSaNadvArA 
IzitavyAtmajJeyakAryavastucamatkaraNodyuktastattAdAtmyasaMpA -
danAt sadoditasArvatrikasthitiriti svasvabhAvasyaiva jagadvikAsamaya -
zaktivibhavanazIlatA nirvyUDhA || 29 ||


p. 25) iti vA yasya saMvittiH krIDAtvenAkhilaM jagat | 
sa pazyansatataM yukto jIvanmukto na saMzayaH || 3/3 (30) ||

vRti: evaMsvabhAvaM yasya cittaM, yathA - manmayameva jagat sarvam 
iti, sa sarvaM kriDAtvena pazyan nityayuktatvAt jIvanneva Izvaravat 
mukto, na tvasya zarIrAdi bandhakatvena vartate || 30 ||

TippaNI: samanantarapadyoddiSTanItyA 
avyucchinnaparAmarzAvadhAnapari -zIlanavato yoginaH 
sarvezvarasvatantracidbhairavIyapUrNAhaM -bhAvapratipattyA 
azeSamidaM vizvaM svaracitakrIDanakalIlA -mAtreNa vibhAvya 
svalIlAjanitaharSazokAdyuparAge'pi 
zaGkAtaGkakalaGkayantraNAbhirmanAgapi nopaliptiriti 
yAthAtmyaveditRtvAjjIvata eva muktirityarthaH || 30 ||

vivRti: (p. 86) yasya iti vA saMvittiH sa jIvanmukta iti saMbandhaH, 
ityevam idAnImeva pratipAdyaprakAreNa yasya vA sAdhakottamasya 
saMvittiH samyak jJAnaM sa satatam avyavadhAnena sarvAvasthAsu 
yuktaH samAhitaH, uktavakSyamANopadezadRzA 
svabhAvabalaparizIlanApramattaikAgramAnasaH sa jIvan 
niyatadehAdhikaraNAn prANAn dhArayan eva muktaH 
sarvavyApakasarvAtmakasarvezvarasvatantrasvasvabhAvAhaMkAra-
pratipattidArDhyena janmAdivirodhAt niSkrAntaH paramezvara eva 
saMvRtta - ityatra na saMzayo na bhrAntiH; 
svasaMvedyopapattyupalabdhiniSprakampatvAt asya arthasya | kiM kurvan 
jIvanmuktaH ? - akhilam azeSamanantavastuvyaktivicitraM jagat vizvaM 
krIDAtvena svanirmitacarAcarabhAvakrIDanakoparacitalIlAmAtratayA 
pazyan vibhAvayan | sarvo hi janaH 
anunmiSitasvasvabhAvanibhAlanakSamavimalavijJAnadRSTi-
rAtmano'nyonyatazca (p. 87) vibhinnam idamakhilaM bhAvajAtaM 
kutazcidanyataH kAraNAt udbhUtam anizaM manyamAnaH, 
tadbhAvajanyaharSazokabhayAdivikArAn anubhavan, bhavAdhvani 
punaH punaH janmAdibandhanabhAjanatAM bhajate | yastu 
pratipAdyaprakAreNa utpannaparasaMvidabhivyaktiH, sa yathA kazcit 
krIDAparaH svaparikalpitaiH 
bhayakrodhAdikAraNabhUtabhAvapraticchandakaiH krIDan 
tadyAthAtmyaveditvAt bhayAdivikArakAluSyaM manAgapi nApadyate, 
tathaiva bhAvAnAM svasvabhAvazaktivijRmbhitamAtratayA 
yAthAtmyavedI san manAgapi vikRtiM na Apadyate | evaM sarvaM 
krIDAtvenaiva pazyan jIvanneva muktaH | kathaM yasya saMvittiH ? iti, - 
tenetyAdizlokena pratipAdayati; tena vakSyamANena hetunA 
zabdArthacintAsu sA avasthaiva nAsti yA na zivaH - iti yasya 
saMvittiH sa jIvanmuktaH, iti | zabdo'rthapratyAyakaH padasamudAyaH, 
artho jAtyAdibhedAt bahuvidham (p. 88) abhidheyaM vastujAtaM, tayoH 
cintA tathA tathA vikalpanAH anantacintanIyavastUparAgAt vicitrANi 
jJAnAni, yanmayo vyavahAraH etAsu zabdArthacintAsu sA avasthA 
dazA na kAcit, zabdacintArUpA arthacintArUpA vA saMbhavati, yA 
ziva eva sAkSAt na bhavati | yata evaM tadA bhoktA anubhavitaiva 
IzvaraH sadA nityaM sarvatra sarvAsu avasthAsu bhogyabhAvena 
anubhavanIyavastvAtmanA sthito na pRthak kiMcit bhogyaM nAmAsti, 
tattvAnavamarzamAtravijRmbhitam etat bhoktRbhogyavibhAgarUpam | 
kena hetunA na sAvasthA na yA zivaH ? ityAha, - yasmAt jIvaH 
AtmA sarvamayo vizvarUpaH parasparavyatiriktapratipattiH, jIvasyApi 
yo vyavahAraH so'pi vedyavedakAbhedapUrvakatayaiva upapanna - 
ityarthaH, kuta etat ? tatsaMvedanarUpeNa tAdAtmyapratipattitaH 
sarvabhAvasamudbhavAt sarvamayo jIvaH tasya kasyacit saMvedyasya 
ghaTasukhAdeH yat saMvedanaM jJAnaM, tasya yat rUpaM 
svabhAvaH, tena hetunA yA tAdAtmyapratipattiH tadabhedasaMvit, tato 
hetoH nirvartamAno yaH sarvabhAvasamudbhavaH sarveSAM 
bhAvAnAM utpattiH, tasmAt sarvamayo jIvaH | kimuktaM bhavati - 
jIvasyaiva vyavahAro vicAryamANo'yaM 
vastuyAthAtmyamupapAdayati | tathAhi - ayaM svaviSayaM 
saMvidanneva samudbhAvayati sRjati, saMvedyamAnameva hi vastu 
svarUpaM labhate, na tu asaMvedyamAnaM; saMvedyamAnatA ca tena 
tena rUpeNa prakAzamAnatA; prakAzamAnatvaM ca 
prakAzAdavyatiriktaM, nAnyat kiMcit | yadAha nyAyavAdI 

	cetanAccApi vedyatvAdatadrUpApravedanAt |

iti | evaM ca yat yat ayaM jIvaH saMvetti tattadasya zarIrameva 
saMpadyate, na tu niyataziraHpANyAdyavayavasaMniveza (p. 90) eva, 
so'pi hi asya saMvedyamAnatAvasthAyAmeva zarIrIbhavati, anyadA tu 
vyatirikto viSaya eva | tathA ca - saMvedyamAnatvasAmAnyAt dvividhaM 
zarIramasyAmnAtaM tattvavidbhiH, bhUtAtmakaM bhAvAtmakaM ca; 
tatra mAyAzaktivaibhavavismAritatAttvikasvabhAvatayA 
vastusaMvedanAvasare svarUpAparAmarzatvamukulitasAmarthyo'yaM 
jIvaH avacchinnAhaMkArAspadatayA ziraH - pANyAdimaccharIratvena 
yat parAmRzati tat asya sRSTyAdimayatvAt bhUtAtmakam - ityuktam | 
yattu vyatiriktaM zabdAdiviSayatvena parAmRzati tadbhAvAtmakaM | 
paramArthe tu vicAryamANe dvayamapyasya zarIraM 
saMvedyamAnatvAvizeSAt | evaM 
saMvedyamAnatAlakSaNabhAvasaMsargAvasthAyAM jIvaH 
saMvedyavastvavyatirekAt sarvamayo vizvarUpaH sthito'pi san 
tathAvastusaMvedanatattvaparAmarzAnunmeSAt sarvamidam 
AtmavyatiriktakAraNAntaralabdhAtmakatvena AtmanaH parasparatazca 
pRthaktvena vyavacchindan, (p. 91) AtmAnaM ca 
dehAdyanityabhAvAhaMbhAvena adhyavasyan janmAdibandhabhAk 
saMsArI jIva iti vyapadizyate | yadA tu 
zivadivAkarazaktyaMzupAtajanitaprabodhonmiSitavizadadRSTi-
sphuTataraprakAzamAnadehAdivyatiriktasatyAtmasvabhAva-
susthitAhaMpratipattiH san 
yathAvasthitavastusaMvedanaparAmarzazaktibhirvyaktibhAk bhavati, 
tadA sa eva saMkalpamAtravilikhitavicitravizvavyaktimayazakticakraH 
zivaH saMpadyate | tena uktam - tattadvastusaMvedanasvabhAvabalena yA 
tAdAtmyapratipattiH saMvedyamAnavastvabhedasaMvittitaH 
sarvabhAvasamudbhavaH, tasmAt jIvaH tAvat sarvamayaH; tena ca tasya 
sarvamayatvapratipattilakSaNena hetunA sA avasthA nAsti yA zivamayI 
na bhavati, tatazca bhoktaiva Izvaro bhogyabhAvena 
IzitavyavasturUpatayA sadA sarvatra saMsthitaH | evaM yasya vA 
saMvittiH sa jIvanmukta - iti vAkyasamanvayasaMkalanArthametat (p. 92) 
punaruktam, - ityanena zlokatrayeNa Atmana eva vizvarUpatvena sthitiH 
pratipAditA, vizvaprapaJcasya nimittAntarAnupapatteH | yathoktaM 
brahmavidA

	kalpayatyAtmanAtmAnamAtmA devaH svamAyayA |
	sa eva buddhyate bhedAditi vedAntanizcayaH ||

iti | tathA anyenApi stutidvAreNoktam

	vividhairupAdhibhiravasthitairvahiH
		sphaTikAdivattava vicitratocyatAm |
	yadi te kadAcana kathaMcana kvaci-
dbhavituM kSamAstvadavabhAsataH pRthak ||
	paramANupAkapariNAmavibhramA-
		dyuta vA vivarta iti vizvamiSyatAm |
	vibudhottamairyadiha tadvikalpanA-
		stava zaktireva na tathopapAdayet ||
	tadihApi ca pratinimeSamunmiSa-
		nnimiSadvikalpavividhAMzumaNDalaH |
	atha cAtizuddhavapuradbhutaikabhUH
		sphurasi tvameva ziva cinmayo maNiH ||

(p. 93) vyAkhyAtametat vRttau pRthak pRthak

	sarvAtmaka evAyamAtmA

ityAdinA

	tena tathAvidhena

ityAdinA

	evaM svabhAve yasya

ityAdinA ca granthena || 1 || 2 || 3 ||

iti zrIrAjAnakazrIrAmaviracitAyAM spandavivRtau
vizvasya svasvabhAvazaktimAtratvopapattirnAma
tRtIyo niHSyandaH || 3 ||


(p. 94)
atha

abhedopalabdhirnAma

caturtho niHSyandaH

	idAnImiyameva upapattiH sugRhItA satI, abhedopalabdhyupAyaH - 
iti pradarzayituM mantranyAsAdisamastavidhisaMskArakatvamasyAH 
pratipAdayitumAha


ayamevodayastasya dhyeyasya dhyAyicetasi |
tadAtmatAsamApattiricchataH sAdhakasya yA || 4/1 (31) ||

vRti: tatsaMvedanadvAreNa yaH tadAtmagraho mantranyAsAtmakaH sa 
evodayaH tasya dhyeyasya mantrAtmanaH (p. 26) sAdhakacetasi, 
tAdAtmyaM tatsvabhAvatvaprAptiH mantradevata -yA (k: mantrasya 
devatayA) saha sAdhakasya mantroccAraNecchayA (kh, g: 
mantroccAreNecchayA saMpAdikA) saMpAditA || 31 ||

TippaNI: idamiha pratipAdanIyam, sAdhakacetaso 
mantroccicArayiSAvasthA -yAM yadanAyAsena dhyeyavastunA 
sahaikAtmyaM saMpAdyamA -naM sa eva mantrAbhidheyasya 
smartavyadevasya tattadarthakriyAkArya -moghazaktinA upAsyAkAreNa 
pratyakSAvalokanAtmodayaH, na tu vibhAvyamAnA vyatiriktAkRtiriti 
prAguktopapattyA sugRhItayAbhedopalabdhirupeyate iti || 31 ||

vivRti: tasya kasyacid dhyeyasya tena tenAkAreNa smartavyasya 
mantravAcyasya devatAvizeSasya udayaH tattadarthakriyAsaMpAdinA 
amoghazaktinA tena tenopAsyenAkAreNa prathanam; kva adhikaraNe ? - 
dhyAyicetasi dhyAyinaH smartuH saMbandhini cetasi saMkalpe; 
ko'sAvudayaH ? - icchataH icchAvasthAyAM (p. 95) vartamAnasya 
mantramuccicArayiSoH sAdhakasya abhiyuktasya, vastusAmarthyasiddhA 
yA tadAtmatAsamApattiH tasya dhyeyasya ya AtmA svarUpaM tasya 
bhAvastadAtmatA tayA samApattirekIbhAvaH | idamatra tAtparyam - 
nyAsAdihetormantroccAraNecchAvasthAyAM 
mantraruddhadevatAkArArAyAM [mantraruddhAnyadevatAkArAyAM] 
sAdhakacetasaH svayamaprayatnena saMpAdyamAnaM 
yadabhinnarUpatvaM, sa eva parAmarzakSamasaMvido dhyAturmukhya 
ArAdhyadevatAyAH pratyakSadarzanarUpa udayo, na tu 
vyatirekavibhAvyamAnAkAratA, - iti anayaiva saMvidA 
zivarUpatApattHH [-patteH] |

	......................... zivo bhUtvA zivaM yajet |

ityasya vidheH caritArthatvam |

	ayameva tatsaMvedanadvAreNa

ityAdinA vyAkhyAtametat vRttau || 1 ||

	asyA eva saMvido vidhyantarasaMskArakatvamAha

iyamevAmRtaprAptirayamevAtmano grahaH |
iyaM nirvANadIkSA ca zivasadbhAvadAyinI || 4/2 (32) ||

vRti: iyameva sA mithyAjJAnazUnyasya sAdhakasya nirAvaraNa -
svasvarUpasaMvittiH amRtatvaprAptiH, na tu rasAsvAdarUpasya 
dhAtusArasya sthUlasyAsvAdanam amRtaprAptiruktA, yaiva 
mantroccAraNamAtreNaiva (kh, g: mAtreNaiva svasvarUpAvasthiti) 
mantrasvarUpAvasthitiprAptiH saivAtmano grahaNamityuktA | yasmAt

	Atmano grahaNaM kuryAddIkSAkAle gururdhiyA

(p. 27) iti | na punarloSTAdivat hastena tasyAmUrtasya grahaNaM bhavati, 
ata eva ceyameva sA nirvANadIkSA zivasadbhAvadAyinI, 
paramazivasvarUpAbhivyaJjikA || 32 ||


TippaNI: prAgvarNitAyAH saMvida eva anityajaDavastvAtmano'mRtAt 
bAhyasAdhanAdyadhIna -dIkSAto'pi anuttamavailakSyeNa 
anuttarAmRtarasamayatA, uttama vidhisaMskaraNakAraNatvaM ceti || 32 ||


iti zrIkallaTAcAryaviracitAyAM spandakArikAvRttau sahajavidyodayo 
nAma dvitIyo niHSyandaH || 2 ||


vivRti: (p. 96) iyameva yathApratipAditA 
zarIrAdivinazvaravastvAlambanAhaMpratyayarUpasya 
svaprakAzavyatiriktavedyabhAvapratItimayasya mithyAjJAnasya 
ucchedAt anavacchinnasvacchasvacchandasvabhAvamAtraikatattvopalabdhi-
rUpA saMvit samyag jJAnam amRtaprAptiH amRtasya avinAzinaH 
zivAtmakasyAtmanaH prAptirupalabdhiH kila 
arthAnugatAmRtaprAptirbhavati, na tu dravyavizeSAtmakasya 
jaDasyAnityasya vastunaH kasyacit prAptiramRtaprAptiH, sA hi jIvasya 
kAlAntarasthAyizarIratvakAraNabhAvAt etadupacAreNa evamucyate | 
tathA ayamevAtmano grahaH yA evaMvidhA 
mantroccAraNecchAkSaNabhAvinI saMvit so'yamevAtmano jIvasya 
graho grahaNaM, teSu teSu hi dIkSAdiSu vidhivizeSeSu AtmanaH 
ziSyasaMbandhinaH svasya vA grahaNaM zAstreSu upadizyate | yathA 
udAhRtaM vRttau

	Atmano grahaNaM kuryAddikSAkAle gururdhiyA |

(p. 97) iti | tena tAdRgvidhisaMpattaye parikalpitarUpavizeSasyAtmano yA 
paramakAraNabhUtasvabhAvAbhedasamApattirupajAyate, sA 
parAmRzyamAnA AtmagrahaNAtmakavidhisaMpadikA bhavati, na tu 
anyathA tasyAmUrtasya grahaNaM saMbhavati, grahItuH paramAtmanaH 
sarvavyApakasaMvidrUpAt tasyAbhinnatvAt | tathA iyameva 
nirvANadIkSA nirvANaM 
nirvRtirdvaitapratyayalakSaNakSobhaparikSayAt AtyantikI prazAntiH 
saMvidaH svasvabhAvavyavasthitiH, tadarthA dIkSA 
svarUpasaMbodhadAnAtmako bhedamayabandhakSapaNalakSaNazca 
saMskAravizeSaH, sA caivaMrUpA nirvANadIkSA iyameva 
pratipAditA saMvit, etatkAraNatvAt tasyAH | yata eSA saMvit 
zivasadbhAvadAyinI zivasya svasvabhAvasyaiva paramezvarasya yaH 
sadbhAvaH sattA, yena rUpeNa ahamevAsmi - (p. 98) iti 
pratipattirabAdhitA siddhyavasthAyAmupapadyate tasya dAyinI 
pratipAdikA, sa hi niruttaraH saMskAraH suprabuddhagurorgocaraH 
paramazivAtmakasvarUpaprAptimAtro, na tu 
bAhyasAdhanasAdhyavidhivizeSAtmaka iti | vyAkhyAtametat 

	iyameva sA mithyAjJAnazUnyasya

ityAdinA vRttau || 2 ||
	evamuttamavidhisaMskArakAraNatvamasyAH saMvidaH 
pratipAdya, idAnIM siddhyantarakAraNatvaM 
saMsArivyavahAranidarzanena pratipAdayituM zlokadvayamAha


atha vibhUtispandAkhyastRtIyo niHSyandaH |


yathecchAbhyarthito dhAtA jAgrato'rthAnhRdisthitAn |
somasUryodayaM kRtvA saMpAdayati dehinaH || 4/3 (33) ||

vRti: (p. 28) yathAsyAnabhivyaktasvasvarUpasya yogino 
jAgradavasthAyAM yathA yathA icchA bhavati, tathaiva 
tasyAnekArthasaMnidhAne'bhima -tasyaiva kasyacidarthasya darzanaM 
bhavati naTamallaprekSAdiSu somasUryodayaM kRtvA 
cakSurAdiSvavadhAnena || 33 ||

TippaNI: arthadidRkSordidRkSAvasthAyAmIpsitavastvavadhAraNA-
vadhAnasvabhAvamAvizyaiva iSTArthaprAptiriti sAvasthA 
prArthanAtmetyupa -caritA | vRttau tu cakSuSoriti 
indriyAntaropalakSaNam, tena zuzraSApi -spRkSAvasthApi 
evamevopacaryate icchApUrvakatvAdeva samastArthasphuraNasyeti || 33 ||


tathA svapne'pyabhISTArthAnpraNayasyAnatikramAt |
nityaM sphuTataraM madhye sthito'vaMzyaM* prakAzayet || 4/4 
(34) ||


(* vivRti: sthito'vazyaM)
vRti: tathA svapne'pi abhISTArthAneva pazyati, praNayasyAnati -
kramAt (p. 29) icchAbhyarthanAyA anatikramAt, yacca tanmadhye 
hRdayaM sphuTataram abhivyaktaM nityaM tadetat svapnasvAtantryam 
ityucyate, ayameva tamovaraNanirbheda ityarthaH || 34 ||

TippaNI: uktaprakAreNa nikhilagrAhyagrAhakasaMbandhidazAsu 
tAdAtmya -pratipattirUpasya praNayasyAnullaGghanAt 
manovedyasRSTiviSaye'pi abhimatArthAnAM suprakaTatarameva 
prathanamiti svApnikA arthAH svAtantryeNa prasartuM naiva 
prabhaveyuriti ato yogino nirdiSTadaza -yoravizeSAt tamovaraNanirbheda 
Avirbhavet yena siddhyantaraprasavaH || 34 ||

vivRti: (p. 99) yathA dehino dehamAtrameva Atmatvena pratipannasya 
sarvasya saMsAriNo jAgrato yathAsvaM 
viSayagrahaNavyagrendriyavRttilakSaNAM jAgarAvasthAm anubhavato 
hRdi sthitAn AzayaniviSTAn draSTum abhISTAn bhAvAn 
icchAbhyarthitaH icchayAdidRkSArUpayA abhyarthitaH, 
tadavasthAsvabhAvabalAt tAdAtmyasamApattyA tadarthasaMpatteH 
yAcita iva dhAtA sarvakartA paramezvaraH paramAtmA saMpAdayati 
yathAbhiprAyaM prakAzayati | kiM kRtvA ? - somasUryayoH 
cakSuSoH udayam abhipretArthAvadhAraNamAtrAvadhAnarUpa-
svarUpaprathanaM vidhAya, - ityupamAnavAkyam | idamatra tAtparyam - 
yo yaH kazcit saMsArI yamevArthaM draSTumutpanneccho bhavati, sa 
taddidRkSAvasthAyAM jhagityavaza eva paramAtmAnaM 
dhAtAramabhedena Avizati, sA avasthA asya prArthanA - ityupacaritA, 
tatpUrvakatayA abhISTArthaprApteH | (p. 100) sa tayA abhyarthito dhAtA 
tAvanmAtrArthaprathanAya avadhAnAtmanA cakSuSoH 
svarUpavyaktilakSaNamudayaM kRtvA, saMnihiteSvapi anyeSu bahuSu 
dRzyeSu yaddidRkSayaiva abhyarthitaH tamevArthaM pradarzayati, 
nAnyat | cakSuSorudayaM kRtvA - iti upalakSaNamAtrametat mantavyam | 
tena zuzrUSAbhyarthitaH zravaNayorudayaM kRtvA 
zravyAntarasaMnidhAvapi zuzrUSitameva arthaM zrAvayati dhAtA 
dehinaH, - iti sarvendriyeSvapi yojyam | cakSuSozca somasUryazabdena 
pratipAdanena vizvarUpAt dhAturjIvasya 
vAstavAbhedapratipAdanaprayojanam | upalakSaNArthaM ca vRttikRtaiva 
vyAkhyAtam

	cakSurAdiSvavadhAnena

ityatrAdigrahaNAt | itthaM sarvajIvAnAM 
sarvArthaprathanamicchApUrvakaM bhavati, sA ca icchAvasthA 
saMsAriNaH paramakAraNAbhedarUpA, - iti paramezvara eva svatantro 
yatheSTamidamakhilaM prakAzayati (p. 101) iti paramArthaM 
tadIyamAyAzaktijanitadehAdivyavacchedAH saMsAriNo na prapadyante | 
yastu prabuddha uktopadezAbhyAsaprakarSakaSaNapASANAnizitI-
kRtaprajJAkRpANInikRttakalpakAyAdyahaMkArakarkazagranthirudita-
nirAvaraNasatyAtmasaMvitsa eva saMsmaryamANaH taM 
pratyabhijJAtumalam, - iti siddhAvyatirekasamAdhiyoginaM prati 
idamupameyavAkyenopadizyate | yathA vA taireva pratipAditayuktyA 
icchAbhyarthitaH san sarvArthAn prathayati; tathaiva tena prakAreNa 
nityaM sarvadA sarvAsu jJAtRjJeyasaMbandhadazAsu praNayasya 
icchAvasthAyAM tAdAtmyapratipattirUpAyAH prArthanAyAH 
anatikramAt anullaGghanAt pratyavamarzAvahitatvena anupekSaNAt 
svapne'pi svavyApAroparatacakSurAdau 
manomAtragrAhyasvasRSTiviSayAyAM svApAvasthAyAM yAvad 
abhISTAn sAdhakAbhimatAneva arthAn sphuTataram (p. 102) 
atiprakaTaM kRtvA madhye sthito hRdaye sadAsIno 'vazyaM niyamena 
asau dhAtA prakAzayet prathayet - iti 
tathetyAderupameyavAkyasyArthaH | tAtparyaM punaridaM - yaH 
sarvadA sarvAnubhaveSu, dhAtuH sarvezvarasya svasvabhAvasya 
tallInatvalakSaNaM praNayaM svasAmarthyasiddhaM 
pratikSaNapratyavamarzAvahitatvAt nAtikrAmati, tasyAsau dhAtA 
jAgaravat svapne'pi abhimatAnevArthAn prakAzayati, na tasya 
svapnapadArthAH svAtantryeNa pravartamAnAH 
sarvakartRtvalakSaNasvazaktipratibandhamudbhAvayanti asaMsAritvAt; 
kiMtu svatantraH svazaktyA yatheSTaM tAn sRjati | yathAha bhartRhariH

	pravibhajyAtmanAtmAnaM sRSTvA bhAvAn pRthagvidhAn |
	sarvezvaraH sarvazaktiH svapne bhoktA prapadyate ||

iti | ata eva svapnasvAtantryametat - ityuktam | tasya svapnajAgarayorvizeSo 
nAsti, - iti tamovaraNanirbhedaH sa evoktaH | 
dehAdyahantAjanito'navacchinnasvamAhAtmyanirodhaH (p. 103) tamaH, 
tena varaNaM sthaganaM svabhAvatirodhAnaM, tasya 
nirbhedo'nantanijavaibhavAbhivyaktivazAt vinAzaH, sa hi 
tasyAmavasthAyAmAvirbhavati | vyAkhyAtametat vRttau pRthak pRthak

	yathA asya anabhivyaktasvasvarUpasya

ityAdinA | tathA

	svapne'pyabhISTArthAneva pazyati 

ityAdinA granthena || 3 || 4 ||

atha evaMvidhasamAdhivyutthAnamAtrAt saMsArisamAnatAM 
yoginaH pratipAdayan, nityayuktatAM draDhayitumAha


anyathA tu svatantrA syAtsRSTistaddharmakatvataH |
satataM laukikasyeva jAgratsvapnapadadvaye || 4/5 (35) ||

vRti: anyathA tu svarUpasthityabhAve svatantrA syAt svapne 
AlabiDAladarzanarUpA (kh, g: ADabiDa) sRSTiH, yasmAt tattattvaM 
sRSTisvabhAvaM prasavadharmatvAt; yathA satataM (k, kh: yayA satatam) 
sarvasya (p. 30) lokasya jAgradvRttau svapnAvasthAyAM ca 
saMbandhAsaMbandhavikalpAH (gh: svapnAvasthAyAM ca saMbaddhA 
vikalpA iti pAThAntaraM ca saMdRzyate |) 

TippaNI: jJAnajJeyabhAvena vijRmbhamANe padadvayAtmani 
zAktaprasare svasaMvitsamAdhAnaniviDaparizIlanAnapAyAt 
nityayuktasya sRSTisvabhAvamuktapadadvayaM zaktipratibandhaM 
vidhAtuM naiva prabhu, anyathAvartamAnastu lokavat svayaiva 
bhAvasRSTyA paravazIkriyate * * * *?hitena bhAvyamityarthaH || 35 ||

vivRti: anyathA tu uktAtprakArAt anyena prakAreNa, sarvakartuH 
svatantrasya paramezvarasya ekasya mamaivedaM (p. 104) jagatkAryam - iti 
pratipattyabhAvarUpeNa vartamAnasya yogino jAgratsvapnapadadvaye 
jAgarasvApadazayoH taddharmakatvataH sargaguNAtmakatvAt sRSTiH 
nAnAbhAvanirmitiH satatam AtmatattvasaMvidapAyAd [-
saMvidudayAt] svatantrA syAt vAstavena 
svatantrasvAtmamAtrakartRtvena aparAmRzyamAnA satI, 
vicitravibhramadAnasvacchandA durnivAratAdRksAmarthyaprasarA bhavet 
| kasyeva ? - laukikasyeva saMsAriNo lokasya yathA | idamatra tAtparyam - 
jAgarAsvapnalakSaNaM padadvayaM sargasvabhAvaM, tatra hi 
jJAnajJeyabhAvena pAramezvaryAH zakteH sthitiH pratipAditA, 
tAdRzi asmin dvayAtmake padadvaye yo yogI 
yathoktasaMvittisamAdhAnAparityAgAt apyutthitaH syAt, tasya sarvathA 
svatantre sarvakartari svAtmani suvyavasthitasya (p. 105) sRSTisvabhAvaM 
tatpadadvayaM zaktipratibandhAya na prabhavati; yastu ato'nyathA syAt 
sa lokavannijayaiva bhAvasRSTyA paravazIkriyate - iti nityayuktena 
yoginA bhAvyamityarthaH | tadetat 

	anyathA svarUpasthityabhAve

ityAdinA vyAkhyAtametadvRttau || 5 ||
	idAnImatItAnAgatavyavahitaviprakRSTAdivastuvijJAnamanayaiva 
saMvidA sulabham, - iti yugalakenAha

yathA hyartho'sphuTo dRSTaH sAvadhAne'pi cetasi |
bhUyaH sphuTataro bhAti svabalodyogabhAvitaH || 4/6 (36) ||

vRti: yathA kila dUrasthitaH kazcidarthaH puruSeNa pUrvaM 
sAvadhAnenApi na lakSyate sa eva sphuTaro bhavati, prayatnavizeSeNa 
nirUpyamANastatraiva sthitasya || 36 ||

TippaNI: didRkSozcakSuvisphAraNamAtropakrame 
viSayasyAsphuTatayopalam -bhAt kSaNAntare sphuTataraprakAzaH, 
yasmAddraSTurdarzanaviSaye -'tiriktadarzanasAdhanaM naiva kimapi 
Ahriyate vAstavasvabhAvAnu -pravezamantareNa, tadanAkramaNAdeva 
yathAtmyaprathopapatteH ityevamarthaprathA sarvasAdhAraNApi kevalaM 
yogina evoktabala -pratyavamarzaprakAzinI, nAnyasya 
mAyAtimirAndhasyeti || 36 ||


tathA yatparamArthena yadA yatra yathA sthitam* |
tattathA balamAkramya na cirAtsaMpravartate || 4/7 (37) ||

(* vivRti: evaM yatparamArthena yatra yena yathA sthitam)
vRti: (p. 31) tathA tenaiva prayatnavizeSeNa yat vastu yena rUpeNa (k, kh: 
svena rUpeNa) yadA yasmin kAle, yatra deze, yathA yenAkAreNa 
saMsthitaM, tat vastu tathA svabalaM svasvarUpamAzritasyAcireNaiva 
kAlena pratibhAti nirAvaraNasvarUpatvAt tenAtItAnAgataM jJAnaM 
parimitaviSayaM na kiMcidAzcaryam || 37 ||

TippaNI: evamuktabalAdhiSThAnAdeva 
tattadavasthAkAradezakAlAdyavisaM -vAditayA 
atItAdivyavahitaviprakRSTavastUnAM vijJAnaM sulabha -meveti pUrva 
zlokadRSTAntadvAropodbalitamiti bhAvaH || 37 ||

vivRti: (p. 106) yathA hi kasyacit sAvadhAne 
tadarthadidRkSAniviDaprayatne'pi cetasi sati, jhagiti dRSTamAtro 'rthaH 
asphuTaH aprakaTo bhAti prathate, bhUyo 'nantaraM 
svabalodyogabhAvitaH svasyAtmanaH sarvajJasya balaM sAmarthyaM 
jJatvAdilakSaNA zaktiH tayA, udyogaH udyamo 
niviDatarAvadhAnatayA darzanotsAhaH, tena bhAvito lakSitaH san 
sphuTataro bhAti pratyabhijJAyamAnaniravazeSavizeSaH so'yam iti 
prathate, - ityupamAnavAkyam | asyedaM tAtparyaM - yasya kasyacit 
draSTumabhISTo'rtho jhagiti visphAritamAtracakSuSo na samyak 
dRzyatAmApadyate, punaH kSaNAntare taddezagatasyaiva tathaiva 
nyakSanikSiptAkSasya sphuTataraH prakAzate, tatra ko hetuH ? - na hi tena 
draSTRvyatiriktaM vizeSadarzanasAdhanaM kiMcidAhriyate, tena 
tAttvikasvabhAvAnupraveza (p. 107) eva tasya saMjAyate, 
yadbalasparzAt tasya so'rtho yAthAtmyena prathate-; tataH 
svabalodyogamAtraM sarvArthaprakAzanasAdhanaM sarvadehinAM, 
nAnyatkiMcit | evaMvidhArthaprakAzanaM sarvaprANisAdhAraNamapi 
prabuddhasya yogina eva pratyavamRzyamAnaM sat tathA prakAzate, 
nAnyasya mAyAtimiratiraskRtasamyagdarzanasya, - iti yogI eva anena 
upadezena smAryate evam ityAdyupameyavAkyoktena | yathA hi 
asphuTadRSTo'rthaH svabalamevAkramya sphuTataraM prakAzate, evam 
anenaiva upamAnavAkyoktena prakAreNa balaM 
svasvabhAvasAmarthyam Akramya didRkSAkSaNe tat abhedena 
adhiSThAya, vartamAnasya yoginaH tathA tenaiva 
tattadavasthAkAradezakAlAdyavisaMvAdinA prakAreNa 
saMpravartate samyagabhivyaktimeti samyak (p. 108) jJeyatayA 
abhimukhIbhavati | kiM tadvastu ? - paramArthena tattvato yat vastu 
gavAdi yathA yena avasthAtmanA prakAreNa yena yAdRzena 
viziSTasAsnAdimatA AkAreNa yatra yasmin vyavahitaviprakRSTAdau 
deze, bhUtAdau vA kAle sthitaM tattathA saMpravartata - iti | 
ayamatra bhAvArthaH - asphuTe'rthe dRSTe tasya sphuTatarAvabhAsAya 
sarvajJasvasvabhAvAbhedo yaH sarvasya kasyacit aprayatnena utpadyate, 
prabuddhaH tatparAmarzAbhyAsAt dezakAlAdivyavahitAnapi 
yathAbhimatAnarthAn tattvato jAnAti - ityabAdhitAyAM yuktau 
sthitAyAM sarvajJatvAdiguNAbhivyaktau ayameva hetuH | ata evoktam 

	parimitaviSayamatItAnAgatajJAnaM na
	kiMcidAzcaryaM nirAvaraNasvasvabhAvatvAt

iti | tasyAM hi dazAyAM dezakAlAdyaniruddhaM 
svasvabhAvabalamabhivyajyate | (p. 109) asphuTo'rtho dRSTaH 
ityupalakSaNArthametanmantavyam, tena zrutAdiSvevameva yojyam | 
etena ca dRzyAderarthasya sphuTataradarzanAdyarthaM 
prayatnavizeSAvasthAyAM saMpAdyamAnena 
pratiSThitaspandAnupravezena 
sarvabuddhyakSavyApArAtmakajAgradavasthAzrayaH 
paratattvopalabdhyupAyaH prasaGgAt pratipAdito veditavyaH 
vyAkhyAtametadvRttikRtA zlokadvayaM pRthak pRthak

	yathA kila durasthita

ityAdinA,

	tathA tenaiva prayatnavizeSeNa

ityAdinA granthena || 6 || 7 ||
	athaitayaiva yuktyA kSuttRSNAdijayaM pratipAdayitumAha


durbalo'pi tadAkramya yataH kArye pravartate |
AcchAdayedbubhukSAM ca tathA yo'tibubhukSitaH || 4/8 (38) 
||

vRti: kSINadhAturapi tadvalamutsAhalakSaNamAkramya yataH kArye 
pravartate, yathA ca kazcit (kh: tathA ca kazcid) azakto'pi 
vyAyAmAbhyAsena mahatIM zaktiM prApnoti udyogabalena, tathAnena 
svabhAvAnuzIlanena bubhukSAmapi AcchAdayati yo'tibubhukSitaH 
syAt, yataH sarvatraivAtmasvarUpasya (p. 32) 
kAryakAraNasaMpAdanasAmarthyamavilambam || 38 ||

TippaNI: bubhukSAnivRttyAdyapi nityatRptAkRtakasvabalaprathanAdeva 
sidhyati ityAdyupalakSito'nyaH siddhiprapaJco'pi 
proktatattvAsAdanAdeva pronmIlyate || 38 ||

vivRti: yato yasmAddhetorbalaM sarvakartRtvasvAtantryalakSaNaM (p. 
110) sAmarthyamAtmIyamAkramya, pUrvoktayA yuktyA 
tatrAvyatirekeNa sthitvA durbalo'pi apacitadehadhAtutvAt asamartho'pi 
san, kazcit kArye bhArodvahanAdivyApAre pravartate kriyApradhAno 
bhavati, - etat dRSTAntavAkyam | asyedaM tAtparyam - yaH 
parikRzakAyatvAt azakta eva saMdhyAdivyApAramArabhamANaH, 
abhyAsabalAt viSayAntare balavattareNApyazakyaM vyAyAmAdikarma 
kartuM prabhavati, tasya tathA sAmarthyotpattau prAk pratipAditayuktyA 
svasvabhAvabalAkramaNamekaM varjayitvA nAnyatkiMcinnimittam | tattu 
yatheSTasarvakartRtvalakSaNaM balamAtmatattvasya, mAyIyaH kartA 
mAyAprativaddhazaktitvAt 
niyatakAraNAntarApekSaniyatakAryasaMpAdanasAmarthyaM manyate | 
so'pIdamahaM kartuM zaknomi - ityavikalotsAhadazAyAM tadeva 
balamavalambamAnaH tatkAryasaMpAdanakSamo bhavati, - iti 
yuktiryogina eva pratipattigocarIbhavati - iti, tAmetAM dRSTAntIkRtya (p. 
111) taM pratyeva idaM dArSTAntikavAkyena upadizyate, - yathA 
durbalo'pi balavatsaMpAdyakAryasaMpAdanasamarthaH 
svasvabhAvabalAkramaNAdeva bhavati, tathA tenaiva prakAreNa 
sarvakAryasaMpAdanasvatantraM svabalamAkramya tat svazaktitayA 
adhiSThAya yo'tibubhukSitaH atyarthaM bhojanecchAviSTaH, sa tAM 
bubhukSAm AcchAdayet sthagayet nyakkuryAt, 
nityatRptAkRtakasvarUpasAmarthyaprathanAt 
annAdyabhyavahArakAraNameva kSunnivRttyAdikAryam, - iti 
niyatizaktipratibandhavidalane sati atyantaM tAM tirobhAvayet, nityatRpta 
eva syAdityarthaH | 

	durbalaH kSINadhAturapi

ityAdinA vyAkhyAtametadvRttau || 8 ||
	evaM pRthak sarvajJatvasarvakartRtvAdiguNavyaktyupAyopapattIH 
pratipAdya punarekopapattinidarzanena tAH pratipAdayitumAha


anenAdhiSThite dehe yathA sarvajJatAdayaH |
tathA svAtmanyadhiSThAnAtsarvatraivaM bhaviSyati || 4/9 (39) 
||

vRti: anenAtmasvabhAvena adhiSThite vyApte zarIre sarvajaJatAdayo 
yasmAt, tatra svalpayUkAbhakSaNamapi kSiprameva jAnAti, tathA 
svAtmanyavahitasya sarvatra sarvajJatA bhaviSyati || 39 ||

TippaNI: kalpitAhaMbhAvapratyayapratibandhabhaGgAt cinmAtrAtmani 
prapramAtari pUrNAhaMbhAvavatAM niSpratyUhaM sarvaviSayAH 
pUrNajJAtRtvAdayo guNA abhivyajyante | atra ca sarvakartRtvasarva -
jJatvAdiguNAnAM vyaktyupAyaH sanidarzanaM pratipAdyate iti || 39 ||

vivRti: (p. 112) anena AtmanA cetayitrA adhiSThite ahamiti pratipattyA 
adhyAsite dehe zarIre sarvajJatAdayaH zarIrAzrayANi sarvANi 
jJeyAni kAryANi ca, teSu jJatA jJAtRtvamAdiryeSAM tAnyeva 
kartRtvAdayo dharmAH yathA sarvasya sthitA - iti dRSTAntavAkyam | 
asyedaM tAtparyam - yadyadayamAtmA ahamiti - pratipattyA adhitiSThati 
tattadasya zarIram, tadAzrayaM ca sarvamayaM sthUlaM sUkSmaM vA 
jJeyaM kAryaM ca jAnAti ca karoti ca - ityanena nidarzanena tathaiva 
tenaiva prakAreNa ahaMtayA dehAdhiSThAnavat svAtmani svasvabhAve 
na duHkhaM na sukhaM yatra ityAdinoktalakSaNe 
dehAdivyatiriktavizuddhAdvayacinmAtravapuSi adhiSThAnAt 
ahaMtayA adhyAsanAt, evaM zarIrAzrayasamastajJeyakAryavastu (p. 
113) jJAtRtvAdivat sarvatra sakaleSvapi bhuvaneSu, yoginaH 
sarvajJatAdayo bhaviSyanti avazyamabhivyaktiM yAsyanti; 
parasparavyatirikta - dehamAtrAhaMbhAvalakSaNa - pratibandhabhaGgAd 
advayacinmAtrasvAtmapratiSThitAhaMkArasya yogino nirvighnAH 
sarvajJatAdayaH sarvatra abhivyajyanta eva ityarthaH |

	anena AtmasvabhAvena

ityAdinA vyAkhyAtametat vRttau || 9 ||
	evaM vyAdhivalIpalitAdyucchedAya upapattimAha


glAnirvilumpikA* (k: viluNThikA) dehe tasyAzcAjJAnataH sRtiH |
tadunmeSaviluptaM cetkutaH sA syAdahetukA || 4/10 (40) ||


(* vivRti: glAnirviluNThikA)
vRti: (p. 33) glAniH kila zarIrasya vinAzinI, sA ca glAnirajJAnAdut -
padyate, tadajJAnam unmeSeNAtmasvabhAvena yadi nityojjhitaM (yadi 
padaM; gh: pustakAzrayeNopanyastam |) tadA sA kutaH, kAraNarahitA 
bhavet; anenaiva kAraNena valIpalitAbhAvaH zarIradArDhyaM ca 
yoginAm || 40 ||

TippaNI: ajJAnenaiva pAramArthikasvabhAvAkhyAteH 
zarIropacayApaca -
yAdivikArAstadrahitacidAnandaghanatattvapratyabhijJAnAt 
punarglAnyAderabhAvaH iti tattvapratyabhijJAnameva 
vyAdhivalIpalitAderucchedopAyaH || 40 ||

vivRti: glAniH mAndyAdijanitA harSahAniH, sA dehe zarIre 
viluNThikA dhAtubalavarNatejaHzaktyAdInAM haThena hartrI; 
tasyAzcAjJAnataH pratipAditatattvAvagamAbhAvAt (p. 114) sRtiH 
saraNaM pravRttiH; tat ajJAnam unmeSaviluptaM cet unmeSeNa 
vakSyamANena svabhAvAlokavikAsena, viluptaM vicchinnaM 
nirmUlatAM nItaM yadi, tadA asau glAniH ahetukA kAraNarahitA kuto 
bhavet na bhavedeva, nirnimittasya utpAdAbhAvAt; ajJAnaM nAma 
janma - pariNAma - vivRddhi - kSaya - vinAzAtmaka - 
vikAravirahitanityanirvikArasvasvabhAvApratyabhijJAnAt 
janmAdivikArAdhikaraNe kalevarAdau AtmAbhimAnaH, yasmiMzca sati 
aprabuddho janaH tadvikArAn janmAdIn Atmani Aropayan glAnyA 
viluNThyate | yastu vakSyamANonmeSaparizIlanAd 
AvirbhUtasatyAtmapratyayaH tasya kutaH glAniH, - iti mukhyaM phalaM 
sahajAnandahAnirUpAyA (p. 115) glAnerabhAvaH; gauNastu 
valIpalitAdyabhAvaH, yataH tadA kutaH sA glAniH kAraNarahitA 
bhavet, - iti vyAkhyAya punarvRttikRtA vyAkhyAtam

anenaiva kAraNena valIpalitAbhAvaH zarIradArDhyaM ca 
yoginAm

iti || 10 ||
	atha unmeSasya glAnikAraNabhUtAjJAnavinAzahetoH 
svarUpapratipAdanAya Aha


ekacintAprasaktasya yataH syAdaparodayaH |
unmeSaH sa tu vijJeyaH svayaM tamupalakSayet || 4/11 (41) ||

vRti: ekat