#*************************************************************************************
#
#  mahaanayaprakaa"sa. by ar.nasi.mha  edited by Mark S. G. Dyczkowski
#
##   Copyright (c) Mark S.G. Dyczkowski                                                                                       
##   THIS TEXT FILE IS FOR REFERENCE PURPOSES ONLY.    
#
# NAK MS no.  5-5183 (called kaalikaakulapa~nca"satakam) "saivatantra 157
# NGMPP: A 150/6
# Number of leaves: 35 (of which folios 26-33 are the mahaanayaprakaa"sa )
# Size in cms: 32 1/2 x12 1/2
# Paper  devanaagarii
# Dr. Dyzckowski will be publishing this text in print with the manuscript variations
# in the near future.
#
# Velthius encoding
#
#*************************************************************************************

mahaanayaprakaa"sa.h
sarvottiir.nasvaruupaapi kaacidekaanapaayinii |
vibhaati sarvagaa sa.mvinnaanaatvena sadoditaa || 1 ||


tattvatastu na naanaartharuupaa naapyekavigrahaa |
yaaniketaa niraata"nkaa khasvabhaavaa  
namaami  taam || 2 ||


yat pii.thacakraarcitapa~ncavaahaprakaa"samaanandakhamuurticakram |
a.s.taa.s.tacakra.m praviraajate tad gurukramaugha"sca catu.s.tayaartha.h || 3 ||

iti siddhamukhaayaata.m  muulasuutramida.m param |
pii.thodita.m  mahaamnaaya.m  sa.mpradaayopab.r.mhitam || 4 ||

yat tat sadgurupaadaabjaprasaadaavagata.m  sphu.tam |
dhaamaaditritayeneha cakrabha"ngabhayaanmanaak || 5 ||

prakaa"syate mayaa samyag vaakyairavi.samaa"sayai.h |
kude"sikamatenaiva  bhra.m"sinaa.m bhakti"saalinaam || 6 ||

mahaamelaapasa.mbhuutayuktij~nasya pracodanaat |
ekaayanaujakaakhyasya sviik.rtyoddhartumudyamam || 7 ||

"siva"saktyubhayonme.sasaamarasyodbhava.m mahat |
viirya.m tasmaad deha eva mahaapii.the  samudgatam  || 8 ||

aadyasa.mvitsamullaasa.h  pii.the pii.the  k.rtaaspada.h  |
ananta"sakticakraughasvaaminii tatra mok.sadaa  || 9 ||

p.rthivyaadimahaabhuutapa~ncake saa  viraajate |
ak.rtrimamahaaviiryasphurattaikasvaruupi.nii || 10 ||

yaa sa.mvit saiva satata.m pii.thacakraikadharmi.nii |
aasthitaapi sataa.m gamyaa niravagrahavigrahaa || 11 ||

viire"sasya sthitaa.h pa~nca kalaa yaa.h satatoditaa.h  |
taa eva sarvavar.naakhya"saktiinaa.m pii.thataa.m gataa.h || 12 ||

asvaraanaahatakalaa vahnyarka"sa"siruupi.nii  |
pii.tha"sma"saanak.setre"samelaapayajanaatmikaa.h  || 13 ||

visargasthitisa.mhaaraprathaagraasaikaghasmara.h |
nirupaakhyamahaadiiptisamullaasanatatpara.h  || 14 ||

yo.adhyu.s.takalanodrekasvabhaava.h  pra.navaabhidha.h   |
pii.thaadhipastamevaaha.m naamaamyaagamasiddhaye  || 15 ||

nirvikalpavikalpaatmaruupaa ni.h"se.sasa.mvida.h |
yatraasa.mketadurdar"se  svabhaave  karaviirake  || 16 ||

nityoditamahaagraasacitau  yaanti laya.m sadaa |
tacchma"saane  mahaaviira.m  h.rdgha.tanarata.m  nama.h  || 17 ||

mahaasa.mhaaravisphaarabalenotka.tamuurtimaan |
aava.ta.taa"nkasa.mketo  niraavara.nadhaamaga.h || 18 ||

nirniketaasvarollaasasvaruupa.h satatodita.h |
"sriimatpii.thavare nitya.m k.setrapaalo jayatyaja.h || 19 ||

khecaryaadisphuradruupa.h "saakinyanto gurukrama.h |
s.r.s.tyaadyaanaakhyaparyantastathaa deviinaya.h sm.rta.h || 20 ||

ittha.m sthito.advayollaasa.h  saamarasye.na vartate |
ani"sa.m yatra melaapa.h  so.aniketo jayet  para.h || 21||

graahyagraahakavisphaaragrasanaikaparaaya.na.h |
paro.api pa~ncavaahaugha"scakraruupe.na ni.s.thita.h || 22 ||

yatra niruupanirdhaama vibhaatyeko.anirodhata.h  ||

sa ko.api raajate nitya.m mahaayaagamahotsava.h || 23 ||

itthamaadhaararuupo.aya.m  pa~ncadhaa ya.h sa eva ca |
ekasyaiva svaruupasya kaalikaakhyasya vistara.h || 24 ||

vyomavaamaadipa~ncaatmasvaruupasphurito yathaa |
guruvaktracidullaasavikaasena  tathocyate || 25 ||

prathamaspandavisphaaradharmi.nii nirniketanaa  |
vyome"svarii tvanicchaata.h "sabdaadhi.s.thaatriruupi.nii  || 26 ||

khecaryaakhyasamaaruu.dhaa ciccamatkaaranirbharaa |
svarasena tu saiveha ruupasviikaaratatparaa || 27 ||

naanaavi.sayasa.mrambhapaatinii bhuucarii sm.rtaa |
pratyaav.rttitayaa nitya.m vi"svagraasaikaghasmarii || 28 ||

sa.mhaarabhak.sa.nii  saiva rasasa.mcarva.notthitaa |
svaruupapraantacitvatta.h samaaruu.dhaa niraa"srayaa  || 29 ||

saiva raudre"svarii j~neyaa surabhigraha.nodyataa |
ittha.m deviinaye  samyag vyomavaamaadipa~ncakam || 30 ||

da.n.damu.n.dakrame.nokta.m mahaanirvaa.nasiddhidam |
graahyagraahakabhedotthakalpanaak.sobhasa.mkhyayaa  || 31 ||

saamarasyamahaalhaadadhaamnyetaa  bhaanti devataa.h |
avar.napa~ncapi.n.daar.naruupayoradvayii gati.h || 32 ||

yatastasmaaducyate.ala.m deviinaa.m  sa.msthita.h  vapu.h |
yo.anaahatahatottiir.naraavaruupo.asvara.h  sm.rta.h || 33 ||

suvar.namuuladhaamotthavyomapa~ncaniketabh.rt  |
tadgataa.h parame"svaryo vyomavaamaadisa.mj~nikaa.h || 34 ||

vi.sayagraaso  vyaakhyatastadanyavyomamadhyaga.h  |
makaaraadisvaruupo ya.h pa~ncapi.n.dakramodita.h || 35 ||

tatraiva vyomavaamaadidevya.h samyag vyavasthitaa.h |
akramodrekavibhavaa.h paramaadvayavigrahaa.h || 36 ||

ittha.m devyo niraave"samahaavar.nakramoditaa.h |
tattvata.h spar"sasa.mvittilaharyaamantare sphu.tam || 37 ||

saamarasyena bhaantiiha vaamaadyaa devataa.h sadaa |
taasaameveha vak.syaami deviinaamapi vistaraat || 38 ||

pa~ncaanaamapi bhaagena sa.mde"sikad.r"saagatam |
mahaa"suunyaati"suunyatvaat  
samyak"saantataraapi  yaa || 39 ||

sarvavyomaani vaamantii  vyomavaame"svarii tu saa |
mahaasa.mhaaragagane vaamaa te.saamathoditaa || 40 ||

divyaughamudgirantiittha.m taa.m stuve spar"savigrahaam |
tasyaamanicchayodeti "sa"svattaddharmadharmi.nii || 41 ||

yaalak.syaspandalaharii taamaha.m khecarii.m stuve |
svaatantrye.na sadaa saiva carantii sve pare.ambare || 42 ||

prathamaspandamaa"sritya raajate cicca khecarii |
saivaakramavisargaakhyaa  bhuumau yaa carati sphu.tam || 43 ||

tasmaad bhuucari"sabdaakhyaa taameva pra.namaamyaham |
saiva tattvasphurattaatmavapu.h  sa.mharati k.sa.naat || 44 ||

svatantraa  svapadaante taa.m vande sa.mhaarabhak.sa.niim rabhak.sa.nii.m |
pratyaav.rttitayaa nitya.m svaruupatrayabhak.sa.nii || 45 ||

mahaavyomaantani.s.thaatvaat saiva raudre"svarii sm.rtaa |
aasaa.m madhye  tu deviinaa.m paadukaa  sphurati svata.h || 46 ||

sarvaastatraiva  satata.m saamarasyena yaantyalam |
iti sadguruvaktrotthayuktyaa yo hyanirodhita.h  || 47 ||

samaadhisevita.h "sa"svat sa mahaamnaayapaaraga.h |
kramaakramobhayottiir.nad.r"seha praka.tiik.rtam || 48 ||

vaktraad vaktre  samaayaata.m pa~ncavaahamanargalam |
itthamekaiva pa~ncaatmaruupe.na sphurati svata.h || 49 ||

svabhaava.m praka.tiikartu.m yaa devii taamaha.m "sraye |
nir.niketatayaa samyak cakra.m  visphaarita.m  mahat || 50 ||

vyome"svaryaavibhedena khecaryaakhya.m sadoditam |
dvi.sa.tkadhaamavapu.saa deviibhirnityamaa"srita.h  || 51 ||

svakhakalaakalaapotthavibhavo  vigataagraha.h  |
tathaa caavyaktaruupaa ye nirvibhaagaikavigrahaa.h || 52 ||

svaraa dvaada"sasa.mkhyaakaa.h pa"syantiigarbhani.s.thitaa.h |
paraprakaa"savibhavasvabhaavatvaad guruuttamaa.h || 53 ||

taa eva  prathayantiiha  dikcariicakravartina.h |
niraavara.nacidvyomaruupaa dvaada"sadhaavyayaa.h || 54 ||

sa.mvidullaasanaaruu.dhaa.h  svaprakaa"saikavigrahaa.h |
yaa ha.msaha.msamatyaadi  naamata.h satatoditaa.h || 55 ||

taa eveha samaakhyataa.h khecaryaadhi.s.thitaa.h sadaa |
dikcariicakraruupi.nyo niyataagrahavarjitaa.h || 56 ||

jayantyakramasadbhaavadar"sayantyo niraavilaa.h |
ittha.m prakaa"sacakrasya sa.msthiti.h susthitaa paraa || 57 ||

nirvitarkaniraabhaasasvaruupaa satatoditaa |
indo.h .so.da"sasa.mkhyaakaa.h kalaa am.rtavigrahaa.h || 58 ||

yaastaa eva samaa"sritya ko"nka.naambaadinaamata.h |
prodito  ra"smivibhava.h svasvaruupaikagocara.h  || 59 ||

icchaavik.sobhaparyante raajate nir.niketana.h  |
ad.r.s.tadharmi.na.h "saantaa.h svaraa.h .so.da"saruupi.na.h || 60 ||

aasphaalya madhyamaaruu.dhaastaabhireva samaa"sritaa.h |
dvipa~ncakendriyadvaarai.h paravyomaikavigrahaa.h || 61 ||

bahirvinirgataa devyo ha.thamelaapakena yaa.h |
taabhireva samaa"sritya samyag ruupaadipa~ncakam || 62 ||

nirvikalpaciduddaamabhairavasyaamitadyute.h |
aanandavapu.so ruupamarcyate nirvibhaagata.h || 63 ||

ittha.m dvira.s.tavisphaaravibhava.h kalpanojjhita.h |
niruttaracamatkaarapradatvaat  prathito.ani"sam || 64 ||

aanandacakramahimaa bhuucaryaa sphaaritaa  sadaa |
yatastasmaat tu nirdi.s.taa  bhuucariicakranaamata.h || 65 ||

tameva pra.namaamiiha j~naptigarbhaantaroditam |
vahnirdvipa~ncavisphaararuupo  nityavikasvara.h || 66 ||

kharandhravyomamaarge.na  "sikhaasaptakasa.myuta.h |
a"saktatiik.s.nadharmo.asau  lelihaano nirantara.h || 67 ||

prodito vi"svasa.mrambhagrasanaaya niraavila.h |
eva.m saptada"saakhya.m tu muurticakra.m  niraa"srayam || 68 ||

nistara"ngamahaavyomadhaamastha.m bhaati nitya"sa.h |
pra"saantaruupavibhavaa.h svaraa.h .so.da"sasa.mj~nikaa.h || 69 ||

visargasahitaa bhaanti paraavaaggarbhani.s.thitaa.h  |
var.nabhedakrame.nettha.m samaa"srityeha taanadha.h || 70 ||

bhaati "sa"svaccakravara.m  muurtyaakhya.m  vigatagraham |
aanandacakratanavo ra"smayo ye nirantaraa.h || 71 ||

asmaabhi.h  kathitaa.h puurva.m gurucakrakramoditaa.h |
taa eva .so.da"saakaaraa.h sa.mvidullaasavigrahaa.h || 72 ||

yugapad yaanti  yatraa"su  saamarasya.m viyatpade  |
nistara"nge  niraabhaase pare saptada"saabhidhe || 73 ||

ittha.m visphaarayantiida.m yoginiicakramuttamam  |
sa.mhaarabhak.si.nii devii bhaati saptada"saatmata.h || 74 ||

tadeva vande satata.m vimala.m sarvadoditam |
dhyaanaadikalanaatiitaruupatvaadakulaatmikaam || 75 ||

ambaraughavikaasaikadharmi.nii.m  ma"ngalaa.m  "sraye |
maayaato gaalayatyaa"su  ma"ngaleha tata.h sm.rtaa || 76 ||

viirapa~ncaananaaruu.dhaa mahaamelaapatatparaa |
paraviddharasaughena  madana.m  cetasi bh.r"sam  || 77 ||

gamanaat paramaakaa"se s.r.s.tyaadikalanojjhite |
saanaakhyaacakravapu.sa.h  paratattvasya sarvadaa || 78 ||

ma"ngaleha tata.h khyaataa niraavara.nadharmi.nii |
asyaa.h svaruuparuupo ya.h khakaaraadivivarjita.h || 79 ||

pa~ncapi.n.damayo mantro vaaktrayojjhitavigraha.h |
avar.nasvararuupa"sca vyome"siibhi.h prapi.n.dita.h || 80 ||

pa~ncabhi.h saamarasyena vaacako naama ya.h sthita.h  |
.so.da"saadhaarasa.msthaanasa.msthitaa  yaa citi.h sadaa || 81 ||

sphurantii svabalodrekaaniyatagrahamudritaa  |
tasyaa vigatya  yugapad vibhedollaasavigraham || 82 ||

nirniketamahaaj~naanara"smaya.h  khe  sadoditaa.h |
saamarasyamaya.m cakra.m dar"sayantyavibhedata.h || 83 ||

bhaavaabhaavapadottiir.naviyadvaamapade sthitaa |
antarbahiiruupatayaa ye ti.s.thantiindriyaatmakaa.h || 84 ||

karaastaaneva  sahasaa tathaa svadehavistaram  |
nayati svabalonme.saad  nirniketacidambaram  || 85 ||

yaa saiva kathitaa sadbhi.h paraa mudraa kara"nki.nii  |
e.saa.m  j~naanaakhyaruupaa.naa.m siddhaanaa.m sa.msthitaa kalaa || 86 ||

mudrayitvaa p.rthagbheda.m mudreya.m kara.nojjhitaa  |
p.rthivyaadiprak.rtyantatattvavistaaravibhrama.h || 87 ||

dvi.sa.tkadvigu.naatmaa ya.h paarimityagrahaanvita.h   |
tameva nigalantyuccai.h  krodhaanmantramariicaya.h || 88 ||

 mantrasiddhaa yatastasyaa  vyomadhaamakramoditaa.h |
krodhena tattvavibhava.m nayatyugraniraakulaa  || 89 ||

yaa maantra.m  parama.m viirya.m saa mudraa krodhinii sm.rtaa |
e.saa.m  mantraakhyaruupaa.naa.m siddhaanaa.m sa.mvyavasthitaa || 90 ||

mudrayitvaa vibhedottha.m dehe  mudreyamuttamaa |
dvi.sa.tkaruupabhedena granthayo ye vyavasthitaa.h || 91 ||

taaneva bhedayitvemaa.h "saktaya.h proditaa.h paraa.h  |
mahaamelaapadharmi.nya.h saamarasyaikavigrahaa.h || 92 ||

niraavara.nacidvyomadhaamasthaa bhaanti nitya"sa.h |
aapuurya svabalodrekasamuttha.m  bheda.dambaram  || 93 ||

yaa sthitaa puur.navibhavaa niraavara.navigrahaa  |
bhairavii saiva vikhyaataa mudraa sadasadujjhitaa || 94 ||

nistara"ngavikaasaatmasaamarasyaikanirbharaa  |
e.saa.m  melaapasiddhaanaa.m mudreya.m bhairavyaatmikaa  || 95 ||

purya.s.takasya gaditaa vaasanaabiijavigrahaa.h |
"saktayo yaa.h suuk.smataraastaasaa.m sa.mhara.nodyataa.h || 96 ||

diiptayo yaastiik.s.natamaa vigatagrahadhaamagaa.h |
taa eva kathitaa.h samyak "saaktasiddhaa niraamayaa.h || 97 ||

sarvasa.mhaarasa.mhaararuupaa v.rttirnirargalaa |
yaa saiva kathitaa mudraa lelihaanaatighasmaraa || 98 ||

aasaa.m "saaktaakhyasiddhaanaa.m deviinaa.m proditaani"sam |
mudrayitvaa dvidhaabhaava.m mudreya.m paradhaamagaa || 99 ||

paraadivaikhariityanta.m  vaagullekhacatu.s.tayam |
yatastasyaiva nirataa  bhedagraasaaya  diiptaya.h || 100 ||

saamarasyapadapraaptidaayinyo yaa vikasvaraa.h |
khyaataastaa eva "saambhavyo devyo nirdvayadhaamagaa.h || 101 ||

yaa spar"saa  spar"sagagane carantii nirniketanaa |
sarvaavara.nanirmuktaa mudraa saa khecarii sm.rtaa || 102 ||

ta.dillekhaiva  yaa vyomni yaantii sarvojjhite pade  |
svapraka"savikaasaikaruupaa  saa khecarii sm.rtaa || 103 ||

aasaa.m "saambhavasiddhaanaa.m deviinaa.m prathitaa sadaa  |
mudra.naayaa"su naanaatva.m  mudreya.m kalpanojjhitaa || 104 ||

* * yathaasmitaacakre mudraapa~ncasvaruupi.nii |
tathaiva pa~nca devyastu  vartante  satatoditaa.h  || 105 ||

cakrapa~ncasamaayuktaa  sa.msthitaapi  samantata.h |
vij~neyaa guruvaktrotthayuktyaa sadbhiravigrahaa  || 106 ||

akaaraadivisargaantaa.h  svaraa.h .so.da"saruupi.na.h |
vaacyaastaa  j~naanasiddhaakhyaa.h  
vij~neyaa.h paradhaamajaa.h  || 107 ||

kakaaraadibhakaaraantaa var.navya~njanaruupi.na.h |
dvi.sa.tkadvigu.naakraantaa.h siddhaa  
vaacakavigrahaa.h  || 108 ||

dvaada"saakhyaastathaa  proktaa maatraastaa eva sa.msm.rtaa.h |
melaapasiddhaa.h  satata.m saamarasyapradaa.h sadaa || 109 ||

yakaaraadihakaaraantaa.h  a.s.tau var.naa vyavasthitaa.h |
"saaktasiddhaastu taa j~neyaa jagaddyotanodyataa.h  || 110 ||

akaarasyeha yaa.h proktaa"scatasra.h  "saktayo.amitaa.h |
"saambhavaakhyaa.h siddhavaraa.h sa.msm.rtaastaa.h sadoditaa.h  || 111 ||

itthamaadyak.sarasyeha catu.h.sa.s.tistu ra"smaya.h |
nijadehaadullasitaa.h samaa"sce"svarigarbhagaa.h  || 112 ||

tathaa ca sa.mstutaa  devya.h katha.m kasmaaditi sphu.tam |
procyate.atra  mayaa samya"nmukhaamnaayada"saabhida.h  || 113 ||

sphu.taa ye j~naanasiddhaakhyaa  
raudrii"s.r"ngaa.takaak.rte  |
kalpanaa"saktayo  diiptaa.h parabodhopab.r.mhitaa.h || 114 ||

mandrasiddhaastu  vaamaayaa.h sakaa"saaduditaa.h paraa.h  |
"saktayo raavabimbaa"sca  sudiiptaa amitaa.h  || 115 ||

melaapasiddhaa.h satata.m prathitaa niravagrahaa.h |
ambikaayaa.h paraanandanirbharaa.h  "saktayo.amitaa.h || 116 ||

devya.h  sa.msphuritaa nitya.m jye.s.thaayaa.h satatotthitaa.h |
"saaktasiddhaa mahattejobalenotka.tavigrahaa.h || 117 ||

spandaakhyaa naadacidvattaa  var.naa nityavikasvaraa.h |
kalaa"scatasra.h paramaa.h khyaataa.h svaatmaprakaa"sikaa.h || 118 ||

kalaaca.tu.s.tamida.m  saamarasyasvaruupataam |
yaata.m yatraadyavar.ne.asmin tadruupaa.h "saambhavaa.h sm.rtaa.h || 119 ||

itthamekasya yugapat sarvadehoditaastvi.sa.h |
sarvakalpanakalanaanivahavibhramavarjitaa.h || 120 ||

makaararuupamaa"sritya bhaatyanugrahatatparaa |
ma"ngalaakhyaa mahaalak.samii v.rndacakraikanaayikaa || 121  ||

var.nabhedakrame.nettha.m yadyapi prathitaa.h sphu.tam |
tathaapyavar.namaahaatmya.m  na tyajanti kadaacana || 122  ||

ekaa deviiti vaa bhaati tisro dvaada"sadhoditaa  |
udyogaadikrame.noccairekaikaa pa~ncadhotthitaa || 123  ||

t.rtiiyenaadyakaare.na  v.rndacakrakramodaya.h |
aadyanaathoktabhaa.saayaa.m  laghuuktyaa praka.tiik.rta.h || 124  ||

jha.tityunmi.sitaakhyasya graahyaa  samad.rgaatmana.h |
yehodeti prathaa  saiva mahaaj~naanaikaruupi.nii || 125  ||

tasyaa.h padaarthasa.mrambhaparij~naanasvaruupata.h |
yaa vibhaati citi.h  saiva mahaamantrasvaruupi.nii || 126  ||

 graahyagraahakasa.m"sle.saadanalpaahlaadanirbharaa  |
yaa sa.mvid raajate saiva mahaamelaapavigraha.h || 127 ||

nirvikalpacitau  yatra j~naptimaatre  sadodite |
saamarasyad.r"saa sarva.m sthita.m "saakta.h kramastu sa.h || 128  ||

mahaa"suunye  tu gahane ni.hspandaakhye.aniketane   |
sahasaa vilaya.m yaati citir  yatra sa "saambhava.h || 129  ||

atipra"saantasa.mhaaravilayavyomasaagara.h |
tasmaadii.saccittara"ngaruupaj~naanamihoditam || 130 ||

tadaiva parabodhaikaruupa.m svaspandavigraham |
mantramuurtitayaa  "saakta.m vibhaata.m 
 niravagraham  || 131 ||

tatastadeva sahasaa milita.m paradhaamani |
yatastasmaadiha khyaato melaapo  nirniketana.h  || 132 ||

mahaasa.mhaaragagane so.apyantarlayamaagata.h |
"saaktakramastato bhaati sadasatkramavarjita.h || 133 ||

punastadeva sa.mvittikalanaaparivarjitam |
niruttara.m para.m yat tat  kathita.m vyoma"saambhavam || 134  ||

aya.m  "sriiviirasi.mhaakhyasvaaminaa  sa.mprakaa"sita.h |
"sriij~naananetranaathasya v.rndacakrodaya.h para.h || 135 ||

bhaavasvabhaavaruupe.na v.rndacakramahodaya.h |
sa.mdar"sitastiivratarapaataviddhadhiyaa.m  sataam || 136 ||

nirdhaamaparamaakaa"sapadaannityavikasvaraat  |
prasuutaa.h pa~ncadevyoghabiijabhuutaa.h sadoditaa.h || 137 ||

tenaiva pa~ncacakraakhyakramasvaamii  vikaasita.h  |
nirvikalpamahaaj~naanaphalapraaptau nirantara.h || 138 ||

sa eva praantacakre tu viiraakhya.h pa~ncakodaya.h   |
devataakramavisphaaramaasphaarya phalata.h sadaa || 139 ||

prathitaa  paatavibhavasvabhaavenaakramaak.rti.h |
tasyaiva sa.mpravak.syaami sa.mpradaaya.m mukhodgatam || 140 ||

dvandvayugmasvaruupe.na vaame"syevoditaa sadaa  |
 ajasra.m  "saambhavaakhyena g.rhiitvaa paatamaadita.h  || 141 ||

a.s.taabhi.h "saaktaruupaabhirdeviibhi.h prathitaa  svata.h |
khecaryaakhyaa g.rhiitvaatha paataa.m"sa.m  dvitiiyakam || 142 ||

dvaada"saatmasvabhaavaabhi.h "saktibhi.h sarvadotthitaa   |
bhuucarii sahasaa"sritya samyagj~naana.m  t.rtiiyakam || 143 ||

caturvi.m"satisvabhaavaabhirdevataabhi.h sadoditaa |
sa.mhaarabhak.sa.nyaa"sritya nitya.m paata.m  caturthakam || 144 ||

dvira.s.tara"smiruupaabhirdeviibhi.h proditaantagaa |
raudre"svarii  samaa"sritya paata.m tu pa~ncama.m  kramaat || 145 ||

ittha.m kramaakramollaasaruupe.na prathitaa.h  sadaa |
pa~ncavaahasvaruupi.nyo devyo.anugrahatatparaa.h || 146 ||

nirniketad.r"saapiiha  taa eva proditaa.h sphu.tam |
j~naanaadipa~ncake bhaanti pratyekaasmin  nirantaraa.h || 147 ||

garbhasa.mkraamitollaasa.m bhak.syaikaikaa viraajate |
devii pa~ncaatmav.rttisthaa paramaambaradharmi.nii || 148 ||

tattvata.h sarvasa.mkalpavarjitaa ye nirantaraa.h |
bhaasante yatra tatraiva  tadbhaava.m yaanti sa.mvida.h || 149 ||

eva.m pa~ncaatmavibhava.m cakra.m raudre"syadhi.s.thitam  |
niruupaakhyamahaagraasaruupaanna cyavate  kadaa  || 150 ||

dhaamamudraavar.nakalaasa.mvidbhaavasvabhaavata.h |
paataaniketad.r.s.tyaadi v.rndacakra.m  prakaa"sitam || 151 ||

u.d.dii"sapii.thamaa"sriitya  ma"ngalaanandanirbharaa  |
sadasadbhaasanaave"savarjitaa taamaha.m "sraye || 152 ||

tata.h "sriimacchivaanandanaathaguruvara.m sadaa |
lokottaramahaaj~naanacak.su.sa.m pra.namaamyaham || 153 ||

"sriimatkeyuuravatyaakhyaa  pii.thajaj~naanapaaragaa |
khacakracaari.nii yeya.m taamaha.m naumi bhaktita.h || 154 ||

mahaaviiravaro yo.asau "sriimadvaamanasa.mj~naka.h |
deviidhaamni sadaaruu.dhasta.m vande kramabhaaskaram || 155 ||

tata.h "sriimaccakrabhaanurdevataanayade"sika.h |
mahaavratadharo yasta.m vande.aha.m paradhaamagam || 156 ||

"sriimadii"saanikaakhyaa yaa pa~ncamudraavibhuu.sitaa  |
akramakramasantaanakovidaa  taa.m namaamyaham || 157 ||

mahaanayaparaj~naanavibhuutisatprada.h  sadaa |
"sriimannandakanaamo  yasta.m namaami khadhaamagam || 158 ||

"sriimatsajjananaamasta.m  rahasyakramanirbharam   |
bhedaabhedakala"nkasya  varjita.m pra.namaamyaham || 159 ||

nirmalaspha.tikaprakhyah.rdaya.m vigataamayam |
"sriimatsome"svara.m vande mahaa"saasanapaaragam || 160 ||

teneha k.rpayaa mahya.m sa.mpradatto mahaakrama.h |
yenaaha.m navabhirvaar.nakala"nkairnaav.rto.ani"sam  || 161 ||

atraiva kathyate.asmadbhirdvitiiyaa  gurusantati.h |
pii.thoditamahaamnaayarahasyakramanirbharaa || 162 ||

"sriicakrabhaanupaadaistu paramaarthaarthapaaragai.h  |
k.rtaprasaado viirendra.h  "sriiprabodhastapodhana.h  || 163 ||

tenaahitaprasaadastu jaiyakaakhyo mahaavratii |
j~naanasa.mkraantinirbhraanta.h svaanandaanandanandita.h || 164 ||

tenaapi ca "sriipa"nkaakhya.m  datta.h  "sriikrama"saasana.h |
bhavatadabhraantivibhraantividhva.msocca.n.dadiidhiti.h   || 165 ||

tenaapi "sriinaaganaama  de"sikapravaraagra.nii  |
k.rtaprasaadaparamaahlaadodayavighuur.nita.h  || 166 ||

tenaapyaha.m mahaamnaayavaro.asmin paramaadbhute |
abhi.sikta.h  k.rto.athaantacittenaav.rttatejasaa  || 167 ||

ittha.m proktaa santatistu dvitiiye.saa mahaanaye |
niraave"sasamaave"sacamatkaaraughanirbharaa  || 168 ||

ittha.m parasparodbhuuta.h sadgurukramavistara.h |
sthito.aya.m divyasiddhaakhyamanuj~naatakrame.na ca || 169 ||

sa.mvitpramaamahaadbhuutasamullaasamahodaya.h .h   |
abhyantarad.r"saa iti divyo.asau sadgurukrama.h || 170 ||

vastuta.h  svasvarollaasa.h  prathama.h "suunyataatmaka.h |
yo vibhaati mahaabhaabhistamaja.m de"sika.m "sraye || 171 ||

pa~ncagranthisamudbhedakara.naa yoditaa citi.h |
yatastasmaat pa~ncadhotthaa  pra.navaavartaruupi.nii || 172 ||

yeya.m tasyaa niraupamya"sariiraad  diiptayastu ya.h  |
niyatagrahasa.mhaaranirmalaa yaa.h  samutthitaa.h  || 173 ||

taa eva gaditaa.h  pa~ncayonaya.h paradhaamagaa.h |
niyatagrahasa.msthaanakalpanaaparivarjitaa.h || 174 ||

kavargaadipavargaantapa~ncapa~ncakavistarai.h  |
vyaktaavyaktaakhyaracanaa mudriteha samantata.h || 175 ||

aabhirakramaruupaabhiryonibhi.h pa~ncaabhi.h  svata.h  |
niraavara.nanirdhaama vapustena  nitya"sa.h || 176 ||

akramakramavisphaarad.r"saa  nir.niiyate.avyaya.h |
parah.rdaantastha.h  s.r.s.tikramo.aya.m sarvago.amita.h || 177 ||

udyoga.h  prathamaa  yonirdvitiiyaabhaasa ucyate |
carva.na.m "sa.mkhayonyaakhyaa t.rtiiyaavartaruupi.nii || 178 ||

caturthii padmayonistu kaalagraasavikasvaraa  |
vi"sraanti.h kathitaa devii divyayonisvaruupi.nii || 179 ||

nistara"ngodadhiprakhyakaaliidhaamnyavibhedata.h |
sphurantiiya.m sthitaa nitya.m s.r.s.tisa.mvittitattvata.h || 180 ||

svasvaruupaa jagadruupasiddhaali"ngitavigrahaa.h |
devya.h prathante satata.m aspar"sapadamadhyagaa.h || 181 ||

anayoktad.r"saa prokta.h  s.r.s.ticakrodaya.h para.h |
ni.hsvabhaavaniraupamyaparonme.sasvaruupabh.rt || 182 ||

jaagratsvapnasu.suptyaakhyaturyonme.saprathodayaa.h |
ye sthitaa.h satata.m proccai.h paramaadvayadharmi.na.h || 183 ||

te.saa.m pramaat.rvapu.saa ni.s.thitaa vyomadhaamagaa.h  |
khagendraadyaa.h siddhavaraa.h  sadaa bhedagrahojjhitaa.h || 184 ||

vaakcatu.s.tayaruupasya samullaasaikahetava.h |
te sa.mvidra"smayo diiptaa nirlak.saa  niravagrahaa.h || 185 ||

vyaktaavyaktaakhyagha.tanaa .sa.n.dhasvaracatu.s.taye  |
yeya.m  tadbhak.sa.naayaalamutthito.aya.m  samantata.h || 186 ||

paraadvayavikaasaikaruupo niravadhi.h sadaa |
so.avataara.h samaakhyaata.h paravar.nakramodita.h || 187 ||

khaga.h paramaha.msaatmaspandadeho.avina"svara.h |
tasyendro.aspar"saruupo.aya.m  khagendra.h sa nigadyate || 188 ||

dhaamatritayasa.mhaaragraasako vimale"svara.h  |
yo.ajasra.m gacchati para.m  khagendra.h so.amita.h sm.rta.h || 189 ||

prathamapratibhonme.samahimaa yo.advaya.h para.h |
jagadvicitraracanaa.m p.rthagbhedaprathaatmikaam || 190 ||

kuurmo.a"ngaaniiva satata.m garbhe dhatte.avibhedata.h  |
sa eva kuurmanaathaakhya.h kalpanaavara.nojjhita.h || 191 ||

svonme.se.na  svatantratvaad g.rhiitvendriyaruupataam |
aluptaanaakhyamahimaa vi.sayagraamavartmani || 192 ||

yo yuktaayuktagha.tanaa.m sa.mtyajya vicaret sadaa |
sonme.sa.h  satatodyukta.h  sa me.saakhya.h prakiirtita.h || 193 ||

dvayaadvayasvaruupaa.naa.m "saastaa ya.h sarvasa.mvidaam  |
samanirdhaamavapu.so mama cchedanena  ti.s.thati || 194 ||

sa eva procyate "sriimaanmatsyendra.h  k.rtaka.h para.h  |
nistara"ngaparaakaa"saparamaadvayavigraha.h || 195 ||

pratyaav.rttikrame.nemaa.h saamarasya.m nijaatmani |
v.rttii.h sa.mpraapayati ya.h sa miinaakhya.h prakiirtita.h || 196 ||

prollaasanijavisphaara"saktyabhinnaprathodayaa.h |
vibhaanti sadasadbhedamuktaa.h siddhaa.h samantata.h || 197 ||

anayoktad.r"saa prokto  niravagrahavigraha.h  |
niraavara.nanirdhaamamahimaabhaasavistara.h || 198 ||

"srotaadipa~ncakaga.na.h pramaataa manasaa~njita.h  |
buddhiindriye.na sa.myukta.m tathaa vaamaadipa~ncakam || 199 ||

eva.m dvaada"sadhaamaakhyo  yastvak.sagraamavistara.h  |
sa eva buddhivibhra.m"saad  nirvicaarapadaa"srita.h  || 200 ||

niyatagrahasa.msthaanavarjito.akramamuurtimaan |
sarvasa.mhaaranirata.h kha.n.dacakrakrama.h para.h || 201 ||

ekaada"savidhastiik.s.na.h sa.mtyaktaa  kalanaavali.h |
yuktaayuktada"saatiito nityoditasvadhaamaga.h  || 202 ||

pakaaraadihakaarantaa var.naa.h  k.sakaarasa.myutaa.h |
ekaada"savidhaatmaano  ye sthitaaste.su sarvadaa || 203 ||

vyaktaavyaktakrame.neya.m kalpanaa prathitaa tu saa |
tadbhak.sa.napara.h  prokto bhaavaabhaavatamojjhita.h || 204 ||

nirupaadhimahaabodhara"smyullaasamayodaya.h  |
etadevocyate  sadbhi.h sa.mhaaraakhyo.avyayakrama.h || 205 ||

graahyagraahakavisphaaro da"sadhaa yo vyavasthita.h |
pratyaav.rttisvabhaavaikaruupo naadodayaanvita.h || 206 ||

itthamekaada"savidha.h sa.mvidullaasavistara.h |
tasyaiva bhedavibhavagrasanaaya samutthita.h || 207 ||

mahaabhak.saadiruupi.nyo ni"sitaa diiptayogagaa.h  |
yaastaa eveha sa.mhaare  sahasaa bhaanti nitya"sa.h || 208 ||

da"sendriyasamaaruu.dho.aha.mkaaro  madadarpita.h |
evamekaada"savidho bhaati yo bhedavi"sruta.h || 209 ||

tat sa.mhaaraaya satata.m kaalasa.mkar.sa.nii citi.h |
tasyaa.m"sura"smivisphaarai.h  proditaa kramata.h sadaa || 210 ||

aya.m sa.mhaaracakrasya guruvaktrakramodita.h |
sa.mpradaaya.h para.h ko.api saak.saat praka.tito mayaa || 211 ||

sva.m sva.m vi.sayamaah.rtya pratyaav.rttikramaagata.h  |
ciccamatkaarabharito dvaada"saak.sisvaro ga.na.h || 212 ||

yasta.m sa.mh.rtya sahasaa pra"saantaa diiptayogagaa.h   |
nistara"ngamahaavyomaruupi.nyasturyacakragaa.h || 213 ||

aprameyaniraupamyasaamarasyaikavigrahaa.h |
niruupaakhyamahaagraasadhaamasthaa bhaanti nitya"sa.h || 214 ||

akaaraadivisargaantaa ye .sa.n.dhasvaravarjitaa.h |
te.saamevaa"su yugapad vyaktaavyaktasvaruupataa || 215 ||

sa.mhartumuditaa  devyo niraha.mkaaravigrahaa.h |
nirvikalpamahaavyomadiiptayo vigataa"srayaa.h || 216 ||

paraadyaa saa udetyeva  sphuritaanandaghuur.nitaa  |
yaakramaspandalaharii  vidyullekhaiva  ca~ncalaa || 217 ||

tasyaa udayasa.msthaanasa.mhaarodrekakalpanaa |
trividhaa samakaalena proditaa kalanojjhitaa || 218 ||

tasyaa hi  triprakaaraakhyaa kalpanaa yaa samantata.h |
pratyeka"sa.h  svaruupo.api s.r.s.tyaadikramasa.mj~naka.h  || 219 ||

caturthomni"sita.m  ruupamudyogaadivibhedata.h |
eva.m dvi.sa.tkasa.mvittikramo bhaati niraav.rta.h || 220 ||

s.r.s.tikaalyaadibhedena prathitaughodadhi.h  para.h |
niraalambavikaasaikamahimaa  satatodita.h || 221 ||

tasyaiva ha.thasa.mhaarav.rttyaa durdar"samuurtimaan |
kramaakramobhayottiir.nara"smipu~njaatighasmara.h  || 222 ||

svaruupa.m kartumudyukto nistara"ngo.aniketana.h |
spar"saaspar"sapadaatiitaruupatvaad  vigatottara.h || 223 ||

pra"saantaatipra"saantaikamahimaavik.rtaprabha.h  |
ittha.m sa.mhaarasa.mhaarara"smyogha.h  parikiirtita.h || 224 ||

eva.m dhaamaadibhedena trividha.h praka.tiik.rta.h |
devikaakramasadbhaavo.apyala.mgraasaikaghasmara.h || 225 ||

aasaa.m dvi.sa.tkadeviinaa.m vamanagraasatatparaam   |
devii.m trayoda"sii.m vande taadaatmyapratipattaye || 226 ||

mahaabhairavanaamaadibhairava.m tritaya.m sadaa |
pratyekasargaruupaadi caturdhaa sa.mvyavasthitam || 227 ||

itthamugrasvaruupo.aya.m bhairave"sakrama.h para.h |
vibhaati dvaada"saatmaikasvabhaava.h kaalavarjita.h || 228 ||

tasyaiva satata.m devii ha.thaat kavalanoditaa |
yatastasmaat samaakhyaataa devii naamnopacaarata.h || 229 ||

vastuta.h svasti naivaasyaa naamaruupaprakalpanaa |
mahaasa.mhaaracakre"syaa.h sarvottiir.nasvaruupata.h || 230 ||

cidaanandaparispandavibhava.h pii.thataa.m gata.h |
yasmaat  seheti satata.m gocaratva.m samantata.h || 231 ||

avibhinnasvaruupatvaad vaame"svaryaa niraak.rte |
tatprasaadava"saat samyaa v.rndaantanaama visphu.ta.m || 232 ||

mahaaj~naanamahaayogakara.naadikramairapi |
na tu gocarataameti deviiya.m sarvagaa satii || 233 ||

guruprasaadenaavi.s.taa  kecittanmayadharmi.na.h |
bhavanti vyomav.rttyaikasvabhaavaa naatra sa.m"saya.h || 234 ||

bhaavasvabhaavaruupeha s.r.s.tyaadiinaa.m viraajate |
ni.s.thaa tadyugmavisphaaravarjitaapi samantata.h || 235 ||

nirniketamahaasa.mviddharmi.nii  vigatagrahaa |
ittha.m mahaanaye bhaati puujaakramamahodaya.h || 236 ||

udyogasyaikade"se.api devataacakravistara.h |
prasphuratyavibhaagena  vyomav.rttyaikataa.m  gata.h || 237 ||

ittha.m sadaiva sarvatra deviinaamudaya.h para.h |
ni.s.thito.api sataa.m gamyo niravagrahavigraha.h || 238 ||

samastotthavyastadeha.h samastavyastasvaruupabh.rt   |
vyastaadyastu samastaanta.h sthito.aya.m devataakrama.h || 239 ||

tatraivaanaarata.m prodya tridhaa pa~ncamahodaya.h |
bhaati divyaughavisphaaravibhavaanta.hsthito.avyaya.h || 240 ||

deviicakrodaragato navasa.mhaaravistara.h |
samsthito.api niraalambamahimaakalpanojjhita.h || 241 ||

ittha.m pii.thaadhipa.h  "saa"svannavacakrodaya.h  para.h |
cakaasti bahuruupaikaruupo  nityavikasvara.h || 242 ||

sa eva de"sikavaro  rekhaakarmaadivarjita.h |
parama.n.dalapii.thaikasvabhaavastu niruupita.h  || 243 ||

ittha.m naanaarthasa.msthaanadhaamaaditritayaatmanaa |
nirlak.saprathamonme.se puurvako.tisvaruupi.nii  || 244 ||

cakracakre"svariiruupakrame.naikaiva  kaalikaa |
vibhaatyanaarataa samyak niraha.mkaaradharmi.nii || 245 ||

anayoktad.r"saa proktamekaruupavapu.h  param |
araavaraavavisphaara.m  mantrapii.thamanargalam || 246 ||

ittha.m vyaavartitaapyeya.m  naanaarthaikatvakalpanaa |
nirniketasvaruupatvaannayottiir.na.m  vibhaavyate || 247 ||

aprameyamahaavyomav.rttiruupamanaa"srayam  |
deviipii.thamaja.m yat tadadhyu.s.taakhya.m  niraav.rtam  || 248 ||

* * * * *  ni.hspandasa.mdhaanojjhitavigraham  |
sarvatraavasthita.m vande vaacaatiitamanaamayam || 249 ||

yadyapyaya.m mukhaamnaayayuktyaa samyak  niruupita.h |
akramakramasadbhaavasa.mgrahasyaikanirbhara.h  || 250 ||

tathaapyetatsamuttiir.na.m  vastu vaktu.m na paaryate |
samayak.satibhiirutvaat  vij~neya.m guruvaktrata.h || 251 ||

vimohaadiha ke.saa.mcid vidyoktyaabhaasavibhrama.h   |
raajate yena  vij~naana.m na tena  tattvada.m  sthitam  || 252 ||

saak.saad  mahaanayamaya.h  prakaa"sa.h praka.tiik.rta.h |
so.aya.m mayaar.nasi.mhena sadde"sikamukhodgata.h || 253 ||

tameva paramelaapasa.mpradaayopab.r.mhitam  |
vibudhaa"scarva.nantyuccairjiivanmuktyaatmasiddhaye || 254 ||

abuddha.m manmata.m yena  madvaktraadabudho jana.h |
mahaanayamaya.m "saastra.m svavikalpairvikalpayan || 255 ||

garjatyabudhabudhiinaa.m puna.h paanaasavak.saye  |
namo.astu k.rtine tasmai sad.r.s.tityaagine param || 256 ||


paramapa.n.ditakulaacaarya"srii ar.nasi.mhaviracita.m   
mahaanayaprakaa"sam  samaaptam ||