#***********************************************************************************************************************
# deviidyvardha"satikaa 
#
#
## Copyright (c) Mark S.G. Dyczkowski
## THIS TEXT FILE IS FOR REFERENCE PURPOSES ONLY. 
# The text is based on the following two Nepalese manuscripts and will be published in print 
# by Dr. Dyzckowski with the manuscript variations in the near future.
#
# MS K: NAK MS no 1-242; NGMPP: reel No. A161/12. 
# No. of folios: 19; size: 21 x 7 cm; material: paper; script: Nevaarii.
# Folios 4, 15 and 16 are missing in MS K that contained the text from 37cd to 50ab and 178 to 182. 
#Note that what is noted on the NGMPP index cards as NAK MS 1/252; NGMPP reel no, 
# A 1177/11 is MS K. The MS number has been noted wrongly. 
# MS Kh: NAK MS no. 5-5184 "Saivatantra 655; NGMPP: reel no. A 161/14. No. of folios: 9; 
# size: 27 x 9.5 cm; material: paper; script Devanaagarii. Complete 
#
# Jayaratha quotes this text (verses 170cd-174) in his comm. on TAA 4/149. He calls it the "Sriisaardha"satikaa. 
#
# Encoded in Velthius transliteration
#*******************************************************************************************************************

deviidyvardha"satikaa


.o namo mahaabhairavaaya 
yaa saantakaagnikuharotthitabhaasvaruupaam 
somaarkavahnitripathodaramadhyasa.msthaa |

ciccetyacittavi.sayaak.saviliinabhaavaa|
svabhaavabhaavakiparaa.m pra.namaami kaaliim || 1 ||

brahmapadmasukhaasiina.m bhairava.m vigataamayam|
"saktistha.m "saktirahita.m paramaanandaruupi.nam || 2 ||

nirvaa.na.m nirvikaara.m ca apratarkyamanaupamam|
"saanta.m gu.naga.nairhiina.m udayaastamavarjitam || 3 ||

khecarii dikcarii caiva gocarii bhuucarii tathaa|
yoginii "saakinii raamaa siddhasa.mghairni.sevita.h || 4 ||

tatraasti na bhaya.m ki~ncinna jaraa na ca vyaadhaya.h|
na vighno na ca vai m.rtyurna kaala.m kalayet tata.h || 5 ||

tatrasthaa bhairavii bhiimaa bhairavaaraadhane rataa|
paadau jagraaha devasya ida.m vaakyamudiirayet || 6 ||


"sriidevyuvaaca


devadeva mahe"saana bhavabha"ngani.suudana|
svacchanda lalitoddhaama paramaanandasundara || 7 ||

"sruta.m sarvama"se.se.na kulakaulakramaagatam|
pa~ncavi.m"satibhedena kaalibheda.m mayaa "srutam || 8 ||

adyaapi sa.m"sayo me.asti na tu.s.ti.h paramaatmanaa |
katha.m kaalii samutpannaa ki.m vaa kaaliiti cocyate || 9 ||

uttama.m kiid.r"sa.m naatha "saastra.m "saastre.su giiyate|
tamupaasya.m katha.m naatha vidyaa vaa tasya kiid.r"sii || 10 ||

tad vadasva mahaadeva yena me yogyataa bhavet|

"sriibhairava uvaaca


naaya.m kaala.h priye vaktu.m ki.mcid tava "saasane || 11 ||

yasyeda.m siddhisa.mghaata.m sa.msthita.m ca k.r"sodari|
vaktraad vaktre.na ta.m sthaana.m kaalikaakhya.m prati.s.thitam || 12 ||


"sriidevyuvaaca


kimaha.m devadeve"sa bhaagyahiinaa ca durbhagaa|
aj~naanatamasaandhaa ca j~naanayogavivarjitaa || 13 ||

 na yogyaasmi na bhavyaasmi kulakaulakrame hara|
baa.spaka.n.thanirodhena rudamaanaa tu bhairavii || 14 ||

avanii.m viik.syamaa.naa tu ala.mk.rtvaa tu sa.msthitaa|
provaaca bhagavaan deva.h protphullamuditaanana.h || 15 ||


"sriibhairava uvaaca


maa rudasva mahe"saani aha.m tat kathayaami te|
ida.m pra"snavara.m ghora.m yadukta.m tava "sobhane || 16 ||

tacch.r.nu tva.m mahaaguhya.m kaalikaakhya.m yathaakramam|
aasiidida.m tamobhuutamapraj~naatamalak.sa.nam || 17 ||

na.s.tacandraarkapavana.m grahanak.satrama.n.dalam|
 tadaaha.m h.rdayaavi.s.taa.m cintayaami paraa.m kalaam || 18 ||

yayaa vyaaptamida.m vi"sva.m bhuutasa.mgha.m varaanane|
tadaa mayaa "srutaa vaa.nii a"sariiraat paraacchivaat || 19 ||

aayaata.m kaalikaakhyasya yathaavat kathayaami te|
yo.asaavanaadinidhana.h "siva.h paramakaara.na.h || 20 ||

atiindriyo niraalamba.h svacchando vigataamaya.h|
nira~njanaparaakaa"so vyomaatiito niraa"sraya.h || 21 ||

sadasadvyaktisadbhaavo lak.salak.sa.navarjita.h|
tasyecchaata.h paraa"saktirutpannaa bhaasvaruupi.nii || 22 ||

taddharmadharmi.nii "suddhaa khamuurtiryaa paraa kalaa|
bahudhaa saa ca deve"si svaruupaa vi"svaruupi.nii || 23 ||

bhaavaabhaavaantamadhyasthaa prabhavaapyayahetukaa |
nispandaanandamadhyasthaa paraanandaabhilaa.si.nii || 24 ||

 kalaakalaapamadhyasthaa kaalasya kalanii kalaa|
brahmaadistambhaparyantaa a"se.saadhaaravigrahaa || 25 ||

caraacara.m jagat sarva.m yat ki~nciccetanaatmakam|
kalate sarvadehasthaa tena kaalii "sivodbhavaa || 26 ||

svaya.mbhuutaa "sivodbhuutaa mahaa"sivapadaanugaa|
 ad.r.s.tavigrahaa devii udayaastamavarjitaa || 27 ||

tasyaa bheda.m pravak.syaami caturdhaa "s.r.nu bhaagini|
s.r.s.tikrama.m tu prathamamavataara.m dvitiiyakam || 28 ||

sa.mhaaraakhya.m t.rtiiya.m syaadanaakhyeya.m caturthakam|
kramaakramaad gataagata.m mukhaagama.m tamojjhitam || 29 ||

mukhaagamamida.m devi khecarii.naa.m h.rdi sthitam|
na lekhya.m pustake devi "saastre.svapi sugopitam || 30 ||

 brahmaadidevataanaa.m ca du.spraapya.m kaalikaakramam|
martyaanaa.m kaa kathaa devi chadmamaayaasamanvitaam || 31 ||

anekajanmako.tibhi.h sa.mcaranti malaav.rtaa.h|
na vindanti para.m saara.m sa.msaarabhayanaa"sanam || 32 ||

kadaacit kaalaparyaaye paraa"saktyaa pracoditaa|
citpade uditaa devi preritaa parame"svarii || 33 ||

labhyate parame"saani kaalikaakhya.m varaanane|
yaavanna saadhako mantrii kaaliikulapade sthita.h || 34 ||

yaavannaanugraho devi k.r"sodaryaa svaya.mk.rta.h |
athavaa bhairave.naiva guruvaktramukhaagamaat || 35 ||

taavanmukti.h kutastasya kaalikaakhye sure"svari|

"sriidevyuvaaca


"sruta.m mayaa tvadaasyaabjaannirgata.m "saastramuttamam || 36 ||

nir.naya.m na mayaa j~naata.m kaalikaakhyasya bhairava |
yena j~naanena deve"si bhavaami kulabhaajanam || 37 ||

maatsarya.m tyaja deve"sa nirvighna.m vada bhairava|

"sriibhairava uvaaca


"s.r.nu bhairavi tathyena vaakya.m paramadurlabham || 38 ||

dambhamaatsaryarahitamanaakhyeya.m para.m tata.h|
tat saara.m sa.mprak.syaami samaasaat surapuujite || 39 ||

aadau taavat sure"saani lak.sa.na.m viirayoginaam|
 tantraacaararataanaa.m ca siddhaantaadikriyaanvitaam || 40 ||

vedoktaadikriyaaruu.dhaa.m vai.s.navaanaa.m vi"se.sata.h|
kaulikaanaa.m kriyaayuktaa.m tebhyo rak.sya.m mahaakramam || 41 ||

deya.m viiravratiinaa.m ca nitya.m pramuditaatmaanaam |
yogimelaapakaasaktaa.m yogaabhyaasaikatatparaam || 42 ||

varadaanaa.m ca gambhiiraa.m dvaitaadvaitavivarjitaam|
laulyadambharahitaa.m pa"subhaavatirask.rtaam || 43 ||

paraanandarasonmattaa.m sadbhaajaa.m ca kule rataam|
satyavataa.m sthiradhiyaa.m bhayadainyaparaa"nmukhaam || 44 ||

iid.r"nmadhye tu ekasya ko.timadhye tanuudari|
anugraha.m tu kartavya.m guru.naa muditaatmanaa || 45 ||

tacch.r.nu.sva samaasena saarabhuuta.m m.rgek.sa.ne|
naatra puujaa namaskaara.m na japo dhyaanameva ca || 46 ||

na mudraa na ca uccaara.m na caahvaanavisarjanam|
kaulika.m kalpanaamaatra.m vij~naana.m yoginiimayam || 47 ||

hartaa kartaa ca kaaryaa.naa.m sa.mhartaa punareva ca|
etat svaruupavij~naana.m vyaktaavyaktasya bhedakam || 48 ||

sa siddhayoginiiyoga.h ka.s.tayoga.m parityajet|
"saktirodha.m na kartavya.m kalaaghaata.m na kaarayet || 49 ||

ata uurdhva.m na gha.t.teta na nicairgatirodhanaa |
 ni.sprapa~nca.m niraadhaara.m niraupamya.m niraak.rti || 50 ||

aadimadhyaantarahitamaadimadhyaantavarjitam|
ekaakii kevala.m "saanta.m yena sarva.m prati.s.thitam || 51 ||

.so.da"saadhaaranirmukta.m trilak.saparivarjitam|
na bindurna ca vai naada.m na candraarkanirodhakam || 52 ||


"sriidevyuvaaca


aadau sarvamida.m "suunya.m prasara.m naasti kasyacit|
eka.h sa ti.s.thate devo niraakaaro nirindriya.h || 53 ||

 nira~njano niraabhaasa.h sarvaj~no j~naanabhaaskara.h|
tasyaavabodhaa paramaa paraa"sakti.h samutthitaa || 54 ||

suuryako.tikaraabhaasaa candrako.tyayutaprabhaa|
ta.didbhuurimahaatejaa bhaaskaraakaararuupi.nii || 55 ||

tayaa jvalitasaamarthyaat prasara.h kaara.naadaya.h|
devaa"sca daanavaa.h sarve manu.syaa"scaa.n.dajaastathaa || 56 ||

 caturda"savidha.m sarga.m yat ki~ncit sacaraacaram|
sarve stuvanti paramaa.m hakaaraardhaardharuupi.niim || 57 ||

s.rjate sa.mharate saa tu sthityutpattikarii ca saa|
sarva.m sa.mharate saa tu kaalaantakara.nii priye || 58 ||

sarvasa.mhaarabhuuta.m ca krama.m kaalikrama.m sthitam|
yaa saa sarvahitau "saantaa nispandaanandamadhyagaa || 59 ||

mahaavi.sayasa.mliinaa sa.mvidaanandadaayinii|
naa"sanii vighnamatulamekarudrasamopamaa || 60 ||

bhedayet du.sk.rtaan ghoraan merutulyamayopamaan|
caalayed vasudhaa.m sarvaa.m * * * * * * * * || 61 ||

dadantii yoginiimaarga.m yatra devo nira~njana.h|
harantii paapasa.mghaata.m dadantii yogasa.mcayam || 62 ||

"sravantii j~naanakallola.m bruuvantii "siva "siveti ca|
 spho.tayantii pa"sugranthi.m na"syantii janmabhuumikaam || 63 ||

sarvaadhaarotthitaa saa hi ekaaratrayabhedinii|
prasuptaa kulave"sme tu vyaalaku.n.dalikaak.rti.h || 64 ||

prabuddhaa da.n.davajj~neyaa su.sumnaamaargamaa"sritaa|
gataa dvaada"sasa.msthaana.m cakrakramapadojjhitam || 65 ||

tatra saa var.sate divyamam.rta.m jantujiivitam|
raatrii"sasya pravaahe.na sthitaa saa s.r.s.tikaari.nii || 66 ||

bhuuya.h suuryapravaahe.na sthitaa sa.mhaarabhairavii | 
madhyav.rttisamaaruu.dhaa padamavyaktadaayinii || 67 || 

 grasantii sarvatattvaani sarvendriyavimohanii|
 vaacyavaacakahiinaa saa liinaa saa parame pade || 68 ||

tayaa vyaaptamida.m vi"sva.m nime.sonme.samaatrata.h|
sarva.m tatra kule vyakta.m dehe sarvaa"ngamadhyagaa || 69 ||

bhaavayet paramaa.m kaa.s.thaa.m bhaavaabhaavaantamadhyagaam|
na ca grahaa na candraarkau na rudro na sadaa"siva.h || 70 ||

na bhaavo na dhvani"scaiva na raavakara.na.m tathaa |
na naado na ca vai bindurna sthaana.m na ca dhaari.nii || 71 ||

na dhyaataa na ca vaa dhyeya.m na samaadhirna "saantataa|
puuraka.m kumbhaka.m naiva recaka.m na dvi.sa.tkakam (?) || 72 || 

na cakrakrama.na.m vaapi na ca mantrapada.m bhavet|
 kevala.m cinnabha.m vindyaad niraadhaara.m cidoditam || 73 ||

eva.m niraa"sraya.m sthaana.m yo vetti sa kulii bhavet|
khecaryastasya sarvaastaa dadanti ca svaka.m carum || 74 || 

yena praa"sitamaatre.na sadyotpatati khe tale|
puujyate yoginiiv.rndai.h stuuyate ca suraasurai.h || 75 ||

eva.m kaalikrama.m j~naatvaa k.sitau kasti.s.thate priye | 


"sriidevyuvaaca


devadeva mahaadeva aj~naanatamanaa"sana || 76 ||

vadasva paramaa.m vidyaa.m kaalasyaantakarii.m tathaa |
yasyaa naasti samaa kaacid vidyaa vaa mantranaayikaa || 77 ||

tanmamaakhyaahi tattvena bhavabha"ngaharak.sama | 


"sriibhairava uvaaca


atiguhyamida.m bhadre gopitavya.m prayatnata.h || 78 ||

samaasaat kathayi.syaami vidyaa.m paramasiddhidaam |
sak.rtsmara.namaatre.na tathyavij~naanasiddhidaam || 79 ||

mahaapit.rvana.m gatvaa raatrau k.r.s.nacaturda"sii|
ka"nkaalagh.r.s.tavasudhaa.m mahaadhuupopadhuupitaam || 80 ||

mahaak.sata u * re.na (?) tatsthaanamupalepayet | 

di"saa.s.tau ma.n.dala.m dadyaad diipa.m telairnarotthitai.h || 81 ||

 tatra sa.mpuujyaa yatnena "sivaadigurupa.mktaya.h|
para.m "saanta.m samaalokya yena bhra.m"so na jaayate || 82 ||

mahaaphalgu.sakenaiva mahaaraktena bhairavi|
mahaamiinaadicarukai.h paanakairbahubhistathaa || 83 ||

guru"scaadvaitasa.myukto varaca.n.daalisa.myuta.h |
ghuur.namaano mahaapaanaist.rpta.h sa.mtarpya bhairaviim || 84 ||

kulaacaaravidhaanena "sakti.m caiva tathaa yajet|
aatmaana.m "savamaaruu.dha.m "saktyutsa.mgavibhuu.sitam || 85 ||

kha.tikaasthimayii.m k.rtvaa tato vidyaa.m samuddharet|
 varaa"ngavihaga.m suura.m pu~nja.m puru.sameva ca || 86 || 

kaala.m sarvagata.m caiva daaru.naakraantasundarii|
t.rtiiyaargha.m tura"nga.m ca .daakiniimarmasa.myutam || 87 ||

pavana.m navame yukta.m tejasteja.hsamanvitam |
lak.smiive"sa.m tu udadhirekatra samayii japet || 88 ||

somasaptakamuddh.rtya navavar.naa.h kule"svari|
navadvaare pure yojyaa vedhakarma.ni sarvadaa || 89 ||

kule saa navadhaa yojyaa kaule saptada"saak.saraa|
navavar.navibhedena j~neyaa saa .so.da"saadhikaa || 90 ||

e.saa vidyaa mahaadevi trailokyasya vimohanii|
sm.rtamaatraa ca kaule"si trailokyamapi kar.sayet || 91 ||

navatattvaa sure"saani navagranthividaari.nii|
navanaabhoditaa devi navadvaaropabhogadaa || 92 ||

navapra.navasa.mbhinnaa navayogavidhau sthitaa|
navaantaa navadaa nitya.m navaam.rtacarupriyaa || 93 ||

 nava"saktivibhaagasthaa ekaa"siitipadordhvagaa|
ekaanekavibhedena j~neyaa devii navaak.saraa || 94 ||

ajasya jananii yaa saa ni.skalaaj~neyavigrahaa|
cintayet sarvasiddhyartha.m yathaavacch.r.nu bhairavi || 95 ||

guhyacakre jvaladruupaa paratejopab.r.mhitaa|
 vij~naanaam.rtasa.mpuur.naa j~neyaa devii navaak.saraa || 96 ||

kandacakre ta.ditprakhyaa suptanaagendrasannibhaa|
cinmariici.h "subhaakiir.naa j~neyaa devii navaak.saraa || 97 ||

h.rdvyomaam.rtamadhyasthaa nirvaa.nadhvanilak.sa.naa|
"sa"siprakhyaiva vimalaa j~neyaa devii navaak.sarii || 98 ||

ka.n.thakuupagataa saa tu jyotiruupaa tamo.apahaa|
tarpayedakhila.m vi"sva.m j~neyaa devii navaak.saraa || 99 ||

taalusthaanasthitaa suuk.smaa lambikaak.rtirbhairavii |
sravantii caam.rta.m divya.m j~neyaa devii navaak.saraa || 100 ||

binduruupaa bhruvormadhye supradiiptaa niraamayaa |
 samastamantrajananii j~neyaa devii navaak.saraa || 101 ||

brahmarandhrordhvapathagaa "sivacakraavabhaasakii|
tridhaamadiipanii jyotirj~neyaa devii navaak.saraa || 102 ||

paraa divyoditaa saa tu j~naptiruupaa manonmanii|
ana"ngaa dvaada"saantasthaa j~neyaa devii navaak.saraa || 103 ||

tatrasthaanagataa "saktirjvalanii uurdhvagaaminii|
tatra cordhvamukhii bhuutvaa dvaada"saante vyavasthitaa || 104 ||

tadaa cakra.m mahaad.r"sya.m yoginiiko.tibhirv.rtam|
tatp.r.s.the dhaamagamana.m gacchet padamanaamayam || 105 ||

eva.m te parama.m guhyamaprakaa"sya.m surairapi |
"saktisvaruupalaabho.aya.m sadyonirvaa.nabhogadam || 106 ||

mahaavij~naanamelaapa.m kaalasyaiva tu va~ncanam|
uttamaadhamakarme.su upaaye.su varaanane || 107 ||

e.saa navaak.sarii devii j~neyaa saa ni.skalaa "sivaa|
adhunaa "s.r.nu tattvaa"ngi vidyaa saptada"saak.saraa || 108 ||

yathaa samyak prayoktavyaa tathaa tat kathayaamyaham |
 kaivalyapadamaargasthaa karandhrapathamadhyagaa || 109 ||

kalaakala"nkanirmuktaa vidyaa saptada"saak.saraa|
 khahiinaa kakubhe liinaa koda.n.dadvayamadhyagaa || 110 ||

kharaave ramate nitya.m vidyaa saptada"saak.saraa |
khakalaa khamuulaantasthaa kharuupaa khecariikalaa || 111 ||

kharavaa ca ravaantasthaa vidyaa saptada"saak.saraa |
khecariicakramadhyasthaa khavyomaam.rtasyandinii || 112 || 

 khasthaastamoditaa yaa saa vidyaa saptada"saak.sarii|
ha.msaruupaa hakaaraak.saa haanadaanapadojjhitaa || 113 ||

hataanaahatavicchinnaa vidyaa saptada"saak.saraa|
ak.saraak.sararak.se"sii kalaakamalamandire || 114 ||

amoghaa caak.sayaa suuk.smaa vidyaa saptada"saak.saraa |
bhaaruupaa bharitaakaaraa bhramadbhraantivinaa"sanii || 115 ||

bhaacakrodayavicchinnaa vidyaa saptada"saak.saraa |
pretaasanasamaaruu.dhaa maanujodaravaahinii || 116 ||

tadantapadasa.mliinaa vidyaa saptada"saak.saraa|
ekaakinii ekaviiraa ekaa saanekaruupi.nii || 117 ||

ekaaratrayamadhyasthaa vidyaa saptada"saak.saraa|
jha.mkaaravar.namadhyasthaa jha.mkaarapadaruupi.nii || 118 ||

mahaajha.mkaaranaadotthaa vidyaa saptada"saak.saraa|
yaa saa cidaantasa.mruu.dhaa sarvamantraprabodhanii || 119 ||

naadaantasyandavi"sraantaa vidyaa saptada"saak.saraa|
mu.n.dapaadanamaskaara - a.mgaasanavivarjitaa (?) || 120 || 

parabrahmamayii saa tu vij~naanaam.rtavaahinii|
eva.m yo vetti deve"si da"sadhaa varavar.nini || 121 ||

sa melaka.m labhed devi yoginiinaa.m sudurlabham|
tatsakaa"saaccaru.m praapya yenotpatati khe tale || 122 ||

a.nimaadikasiddhii"sca praapnoti bhairavo yathaa | 

ata.h kramasamudbhuuta.m kaalikaakhya.m caturvidham || 123 || 

vibhaagena pravak.syaami sa.mk.sepaanna tu vistaraat|
akathya.m vaa kramaatiitamakula.m ca kuloditam|
spandanaantaramadhyasthamaatmaagata.m subhaavitam || 124 ||

kaalagnirudraat pras.rta.m ca tejo bhuurirmahaadiiptitara.m vicintya|
uurdhvasthitaa candrakalaa pra"saantaa puur.naam.rtaanandarasena devi || 125 ||

tadubhayorvahnivi"se.sayogaat teja"sca candradravita.m ca yasmaat|
teja"sca candra"sca vimi"srita.m ca bhavet tadarkamavataararuupam || 126 ||

tasmaat sakaa"saat prabhavaapyayau tau asmaadida.m vi"svasamagrabhuutam|
etad viditvaa viditaanubhaava.m dhyaayeta yuktyaatmacidarkaruupam || 127 ||

yaavanna ta.m kevala.m cidrasasya citta.m viliina.m parata.h samantaat|
taavad bhaved vahnivi"se.sayogaat s.r.s.ti.m ca sa.mhaara.m p.rthak krame.na || 128 ||

ata"sca devi "s.r.nu ghoraruupa.m yoga.m ca deve.svapi durlabha.m ca|
kalaagrasantii.m cidamaprameyaa.m samastabhaavaantare kaalaruupaam || 129 ||

nairaatmikaa.m "suunyapadena yaataa.m dvi.sa.tkavi"sraamapade pravi.s.taam|
kaivalyamaarge.su vi"suddhadehe dhyaayeta sa.mhaarakarii.m tu kaaliim || 130 ||

bhaanusthitaa s.r.s.tiniruddhamaarge pravar.samaa.naa am.rtaughasaaram|
sa.mpuur.nataa"suunya"sa"saa.mkacakra.m yenaiva devaa hyajaraamaraa"sca || 131 ||

piitvaa tu tatpuurakav.rttiruu.dhaa.m niyojya lolaantarataalumuule|
dhyaayenaanenaiva caraacaro.aya.m vi"sva.m bhavedak.sayam.rtyujicca || 132 || ?

etat krama.m s.r.s.tipadaanubhuuta.m sarvaatmanaa gopayate hyava"syam |
kaalikrama.m devi suni"scaya.m ca vyaakhyaayate bhairavapaanamantam || 133 ||

mariicibhi.h siddhakrame.na puujya.m k.rtvaa tadaakhyaaya hi devadevi | 

maa.msa.m mahaaphalgu.saka.m ca miina.m madya.m suraasiidhurasaa"sca sarve || 134 ||

pu.spai"sca maandaararasopayuktairdravyai.h sugandhai.h saha yojitairvai |
anyaanyanekaani vi"se.sabhak.syaanyaadau ca bhu"nktvaa su"subhe ca cakre || 135 ||

pa"scaacch.r.nu.svaiva mahopade"sa.m vaktraagame yat sthita.m khecarii.su|
sa.mrodhya madhye sadasatpravaaha.m vi"sraamyate ruupamaruupamadhye || 136 ||

sa.mdhyaayate sakalatattvavihiinabhaava.m cinmaatramekamamala.m malanirmalaakhyam |
yaavat svaruupapadaviitritaya.m niruddha.m no vetti vedyakalaha.m viditaarthabhaavam || 137 || 

* * * * * * * * * * * * * * * * * * * * * * * * * * * * * *|
tad brahmamevamamala.m paramaarthasaara.m kaala.m kalaakalitakalpamanaamakaalii || 138 || 

ityetat kaalikaabheda.m khyaata.m kramacatu.s.tayam|
prayatnena tu deve"si gopaniiya.m sure"svari || 139 ||

anena j~naatamaatre.na sarvavyaaptistu sundari|
kramabheda.m pravak.syaami aatmaa yena vyavasthita.h || 140 ||

yo.asau sarvagato deva.h sarvavyaapii hyavigraha.h|
ajo.ananta.h "sivo dhaataa cinmaatrapuru.so.avyaya.h || 141 ||

naamajaatigu.nairhiinamapratarkyamanaamayam |
caitanya.m sargaavastha.m vi"svaruupa.m samantata.h || 142 ||

tasyecchaato varaarohe "saktistaddharmadharmi.nii|
tayaa s.r.s.ta.m jagat sarva.m "sivaadyavanigocaram || 143 ||

saptada"sii tu saa maatraa paraaparavimar"sinii |
prasuutaanekaruupe.na "sakti.h s.r.s.tikarii sm.rtaa || 144 ||

yayaa graasiik.rta.m vi"sva.m kaalaagnyaadi"sivaantakam|
saadhusa.mhaara.nii proktaa sakti.h sarvagataa priye || 145 ||

biijadvaya.m tu sa.mh.rtya madhye sanaatanii sm.rtaa | 

vyomaruupaa paraa "saantaa parabrahmasvaruupi.nii || 146 ||

"saktire.saa samaakhyaataa kalaakhyaa kaalaruupi.nii|
bindunaadamayii "sakti.h prasuutaanandaruupi.nii || 147 ||

ekaa saanaikaruupe.na sthitiruupaa prakaa"syate|
kramacakroditaa saa tu kramavikramayogata.h || 148 ||

krama.m kramagata.m buddhvaa vyutkrame.naiva siddhyati|
krama.m sarvagata.m devi iti j~naatvaa varaanane || 149 ||

krama.m caiva pravak.syaami vibhaagena yathaa sthitam|
"sivaadi paarthiva.m yaavaduutpanna.m "saktivigraham || 150 ||

"saktiinaa~ncaiva naamaani kathayaami samaasata.h|
yonistu prathamaa devii mahaayonistathaiva ca || 151 ||

divyayonistathaa "sa.mkhii padmayoni.h prakiirtitaa |
etaa.h s.r.s.tikaraa devya.h siddhaistu saha sa.myutaa.h || 152 ||

siddhaa~ncaiva varaarohe kathayaami samaasata.h|
siddhastu prathamo devi mahaasiddho dvitiiyaka.h || 153 ||

divyasiddhastathaa "sa"nkha.h padmasiddha"sca pa~ncama.h |
siddhaa"scaiva samaakhyaataa.h "saktiinaa.m varavar.nini || 154 ||

"sivaadibrahmaparyanta.m veditavya.m varaanane|
puujayeta yathaa"sakti.h kramapuujaayutena ca || 155 ||

kulabiijena deve"si hrii.m - "srii.m - naamaa"nkitena tu|
paadayuktena subhage pa.mktiyuktakrame.na tu || 156 ||

s.r.s.tikrama.m tu kathita.m sthitiruupamata.h "s.r.nu|
avataara.m tato devi kathayaami vi"se.sata.h || 157 ||

khagendra.h kuurmame.sau tu miina"scaiva caturthaka.h |
e.saa.m vai duutayo devya.h kathayaami krame.na tu || 158 ||

vi"svaambaa ma"ngalaa caiva kaamama"ngalaa ko.mka.naa |
duutya"scaiva samaakhyaataa.h raajaputraan tata.h "s.r.nu || 159 ||

bha.t.ta"scaiva mahendra"sca valkala"scaapyahiindraka.h|
gajendro mahiidhara"scaiva amaro varadevaka.h || 160 ||

vicitro alinaatha"sca vindhya"sca gu.dikastathaa|
ebhi.h saha k.rta.m devi avataara.m yuge yuge || 161 ||

kule"svarii tathaa devii k.setrapaala.m tathaiva ca|
puujayet tu yathaa deviimuurdhvavaktra.m hi puujaka.h || 162 ||

avataara.m mayaakhyaata.m sa.mhaaramadhunaa "s.r.nu|
mahaabhak.sabhak.sa.nii tu mahaasa.mhaarakaari.nii || 163 ||

mahaarakte"svarii caiva mahaak.rtaantanaa"sanii |
mahaakaalii kaalaraatrii kaalasa.mhaarakaari.nii || 164 ||

mahaayamabhak.sa.nii ca pa~ncamii parikiirtitaa|
mahaaca.n.de"svarii devii mahaaviire"svare"svarii || 165 ||

mahaaviiraa raktavar.naa citai"svarii tathaiva ca|
mahaakaalaagnirudre"sii sa.mhaarahara.nii paraa || 166 ||

mahaabhairava"sabda"sca sa.mhaari.nii tathaa puna.h|
ekaada"sa samaakhyaataa.h "saktaya.h parame"svari || 167 ||

rudraistu saha devaistu sa.mhaara.m kurute k.sa.naat|
kaalaagni"sivaparyanta.m sa.mharatyakhila.m jagat || 168 ||

puujaniiyaa mahaabhaage kulapuujaaratena tu|
cakraakaare.na deve"si huu/ pha.tkaarakrame.na tu || 169 ||

sa.mhaara e.sa vikhyaato anaakhyeyamata.h "s.r.nu|
dvaada"saara.m mahaacakra.m ra"smiruupa.m prakiirtitam || 170 ||

naama caiva pravak.syaami "saktiinaa.m tu yathaa sthitam|
s.r.s.ti.h sthiti"sca sa.mhaarii raktakaalii tathaiva ca || 171 ||

sukaalii yamakaalii ca m.rtyukaalii tata.h param|
bhadrakaalii paramaarkaa maarta.n.daa ca tathaiva ca || 172 ||

kaalaagnirudrakaalii ca mahaakaalii karaalikaa |
mahaa"sabdena sarvaastaa.h puujyaa dvaada"sara"smaya.h || 173 ||

mahaabhairavaghora.m ca ca.n.da"sabdamata.h param|
kaali"sabdamata"scaante trayoda"sa udaah.rtaa || 174 ||

kaaliicakra.m mahaacakra.m sarvacakrottamottamam |
vaktraad vaktragata.m caiva paaramparye.na sa.msthitam || 175 ||

anaakhyeya.m mahaacakra.m svasvaruupa.m prakiirtitam|
puujayet tu mahaadevii.m somasuuryaagnisa.mbhavaam || 176 ||

biijanyaayena parame aa/ phaa/ phi/ ca krame.na tu|
paadayuktena subhage vaamaavartaparibhramaat || 177 ||

cakraakaare.na vai puujyaa tanmadhye trida"saadhikaa|
kathitaa tu samaasena kramapuujaa k.r"sodari || 178 ||

guhyametat samaakhyaata.m guhyaante tad vyavasthitam|
cakra.m caiva mahe"saani tejoruupa.m prakiirtitam || 179 ||

sa.mgha.t.taante tu deve"si bhaavayet kramamuttamam|
kramabheda.m samaakhyaata.m s.r.s.ti"sca sthiti - sa.mh.rti.h || 180 ||

anaakhyeyaa samutpannaa s.r.s.tiruupaa varaanane|
tata.h sthite"sca sa.mhaare krame.na parikiirtitaa || 181 ||

etat te kaalibheda.m tu kathita.m varavar.nini|
bhairavaad bhairavyaa praapta.m tasyaa"scaiva.m tu yoginyaa || 182 ||

tatsakaa"saat tu siddhena miinaakhyena varaanane|
kaamaruupe mahaapii.the matsyendre.na mahaatmanaa || 183 ||

prakaa"sita.m tu vai samyak sva"si.sye varadevake|
tanmukhaaccaiva sa.mpraaptamanyai"scaiva samaasata.h || 184 ||

eva.m te kathita.m devi kaalibheda.m sudustaram|
prayatnena tu deve"si gopaniiya.m sure"svari || 185 ||

yena vij~naatamaatre.na tata.h siddhirbhavet k.sa.naat|
etasyaabhyasyamaanasya m.rtyurdevi na baadhyate || 185 ||


"sriidevyuvaaca


diik.saa.m vada mahaadeva mudraa.m puujaa.m japa.m tathaa|
samaasaad devadeve"sa naakhyaata.m me kadaacana || 186 ||


"sriibhairava uvaaca


"s.r.nu devi samaasena rahasya.m parama.m priye|
navadvaare.su vinyasya navavar.naan kule"svari || 187 ||

.so.da"saadhaarabhedena caturdhaa (?) .so.da"saadhikaa | 

dolotthagraahasa.mgraasamabhilaa.sa.m (?) tu pa~ncamam || 188 || ?

k.rtvaa caaravicaara.m tu pravi"secca "sanai.h "sanai.h | 

na.s.tacchaayaa.m tu yogena brahmad.r.s.tyaavalokayet || 189 ||

pravi"sya sarvadehe.su jalaarkamiva yogiraa.t|
ra~njikaak.sarayogena paaramparyamukhaagame (?) || 190 ||

tatk.sa.naat patate bhuumau chinnamuula iva druma.h|
vedhadiik.saaprayoge.na sa.mkraantaa yasya h.rdguhaa || 191 ||

tatk.sa.naajjaayate so.api diipaad diipamivoddh.rtam|
jvalate kulatejastha aapaadatalamastakam || 192 ||

taavat sa.mdahyate devi paa"sa.m caivordhvaadhogatam |
niraadhaara.m mana.h k.rtvaa nirmale gagane pade || 193 ||

yaavat cintayate tasya vi"suddhena manaa priye|
taavat sa.mpatate bhuumau kaa.s.tapaa.saa.navat sthita.h || 194 ||

pa"scaat tasya kalaa suuk.smaa citte hyam.rtavar.si.nii |
tata"scotthaapya bhuumestu mantra.m tasyaiva daapayet || 195 ||

e.saa diik.saa mahe"saani vedhakarma.ni yojayet|
mudraa.m caasya pravak.syaami bhuudharaa.naa.m prapaataniim || 196 ||

k.sobha.nii sapta paataalaan saagaraa.naa.m ca "so.sa.nii|
paatanii ravisomaanaa.m yoginii siddhidaayinii || 197 ||

karau tu yojayed vaktre mu.s.ti.m baddhvaa varaanane|
tarjanyau da.m.s.traruupau tu a.mgu.s.thau naasikaagragau || 198 ||

niyamya kara.naan sarvaan ravisomau tu gha.t.tayet|
caalayed da.m"sanaan yatnaadanackaak.sa.m samuddharet || 199 ||

cintayet paramaa.m "sakti.m raviko.tisamaprabhaam|
aasana.m parama.m baddhvaa uurdhvavyomaanugacchati || 200 ||

mahaapralayakaalaagnisad.r"sii.m cintayan paraam|
jvaalaakalaapabahulaa.m vaktramaargavinirgataam || 201 ||

na deyaat sanmukha.m mudraa.m pa"suunaa.m m.rtyuruupi.niim | 

japet japyaa.m tu paramaa.m kaalii.m saptada"saak.sariim || 202 ||

kaalaagnirudrasantaapa.m cintayed ravima.n.dale |
yaavad brahmabile dvaare cintayecca "sikhaa.m paraam || 203 ||

tatraaruu.dho japed vidyaama.nimaadiphalapradaam|
j~naayate kiirtimahataa samastaphalavaa~nchayaa || 204 ||

ga.mgaasrotapravaahe.na vaacaa caaskhalitaa bhavet|
yoginii ti.s.thate sarvaa.m sa"sailavanakaananaam || 205 || ?

etaavad siddhiratulaa yaavat praapta.m para.m padam|
tadaa bhavanti tattulyaa.h paraa.h "sivaa yathaa bhuvi || 206 ||

naabhime.dhraantare kande padmaadhaara.h prakiirtita.h |
kaalaagnistatra bhagavaan sa.msthita.h parame"svari || 207 ||

jvalanta.m bhaasvara.m cintya.m yena bhuuyo na bhuuyate |
taduurdhve sa.msthita.m suurya.m prakaa"sakara.na.m "subham || 208 ||

j~naanavyaapti.h prakaa"saakhya aadityo naabhimadhyata.h|
sa vai praa.no hi naasaagre d.r"syate malanaa"saka.h || 209 ||

somamaapyaayanakara.m tata uurdhve vyavasthitam|
am.rta.m sravate tatra paramaatmaa sanaatana.h || 210 ||

somastha.m d.r"syamaatmaana.m "saktigarbhe vyavasthitam|
sarve.saa.m vyaapakii "sakti.h kandadehaat samudbhavaa || 211 ||

naadaakhyaa paramaa suuk.smaa cidaakaa"sapravaahi.nii |
dharmaadharmau tyajet tatra "saktimadhye cidaatmake || 212 ||

naadaruupe paraakaa"se vahate hyavyayaa kalaa|
vaayuruupaa anackaakhyaa unmanaamanamadhyagaa || 213 ||

citkalaa ca~ncalaa suuk.smaa sattaamaatrasvaruupi.nii|
dahanaakaarapaapaghnii raviruupaa tu paavakii || 214 ||

aapyaayanakarii saumyaa aatmasthaa j~naanadaa "subhaa |
"saktisthaa naa.dimadhyasthaa naadasthaa naadaruupi.nii || 215 ||

vaayusthaa uurdhvagaa "suunyaa manasthaa unmanaa sm.rtaa |
caitanyaruupaa bhaasantii paraa bhaasaa hyanukramaat || 216 ||

yathaa "sakti.h sthitaa praa.ne pare khaante pade sthitaa|
bhuja"ngaku.tilaakaaraa vi.satantusamaprabhaa || 217 ||

vyaapinii sarvagaa "suddhaa "sivasya caanuyaayinii|
tayaa vij~naatayaa caiva "sivatattva.m na duurata.h || 218 ||

puujana.m kathayi.syaami yathaavad varavar.nini |
.sa.ttri.m"saa"ngulamaanena raktavastra.m tu aasanam || 219 ||

tatp.r.s.the puujayed devii.m kaalakaalak.saya.mkariim |
va.tuka.m ca ga.naadhyak.sya.m "sriinaatha.m "savarii.m tathaa || 220 ||

anyaa~nca gurupa"nkti.m ca puurvameva krame.na tu|
etacchaastra.m mahaadevi na dadyaad yasya kasyacit || 221 ||

kramaprastaararahita.m vaktraad vaktre tu sa.msthitam|
vaktraad vaktragataayaata.m na tu lekhya.m tu pustake || 222 ||

vicaarayitvaa daatavyamanyathaa mara.na.m bhavet|
sarvasva.m caagrato datvaa pa"scaadetacca graahayet || 223 ||

dambhalobhena sa.mg.rhya vrajed narake ghore |
vyaadhidu.hkhaniraasaaya bhavate naatra sa.m"saya.h || 224 || 



iti "sriiparamaha.msasya kule kaalikaakrama.m pa~ncavi.m"satyadhika"satadvaya.m "srii-uttaraanvayaagata.m samaaptam | iti deviidvyardha"satikaa sa.mpuur.naa ||


paramaha.msaparivraajakauttaraanvayaacaarya"sriimadvimalaprabodhapaadaanaam iyamit |
deviidyvardha"satikaa